رواية ♡الأسيرة 1♡ للكاتبة/ندى محسن♕Noody♕ الفصل السادس عشر 16 - بقلم الكاتبة ندى محسن

♡الأسيرة♡

الحلقه 15
بقلم/ندى محسن ♕Noody♕

نهلة:علشاني انا!!!
سفيان ابتسم وحضنها:علشان عايزك نسخه من فرعون
نهلة:ازاي
سفيان:هنبتدي بضرب النار هعلمك ازاي تضربي نار
نهلة:بس ليه انا مش عايزه اتعلم كدا وليه هحتاجه
سفيان:لازم تبقي قويه يا نهلة انا بكره اللي بحبهم يكونو جبنه مش عايز حد يجرحك عايزك تبقي زي منتي طيبه وحنينه ورقيقه بس مش ضعيفه نبدأ بقى
نهلة:دلوقتي؟
سفيان:تحبي نرتاح شويه
نهلة:لا لا انا مش تعبانه وكمان انا متحمسه اوي يا سفيان
سفيان:طب يلا بقاا معايا اوريكي جبتلك ايه وعايز اشوف كل شويه طقم منهم عليكي طول الاسبوع اللي هقعده
نهلة ابتسمت:دي احلا مفاجأه يا فرعوني
سفيان ابتسم وسحبها وهي عجبها اوي تصميم البيت الهادي والبسيط وفي نفس الوقت انيق واكيد هي توقعته كدا بس خالف توقعتها وكان احلا كان زوق فرعون...

#الأسيرة ♡بقلم /ندى محسن♕Noody♕

مرتضى قاعد بتوهان
علا:حبيبي مالك
مرتضى ابتسم وقعدها على رجله ودفن راسه في رقبتها:مخنوق يا علا خليكي معايا
علا ابتسمت:مش هتروح الشغل
مرتضى:مش النهاردا مع ان سفيان موصيني بس مش قادر عايز ارتاح
علا باست خده:تحب اعملك حاجه تكلها طيب
مرتضى: لا افضلي بس كدا وخداني في حضنك
علا ابتسمت بحنان وحضنته بأمان

#الأسيرة ♡بقلم /ندى محسن  ♕Noody♕

كارم:يعني انا مشغل حمير ولا ايه مش فاهم
غسان:بيقولو سافر ومحدش عارف راح فين انت عارفه محدش يعرفله طريق
كارم بصراخ:بس انا قايل من اول مكان في المستشفى عايز رقبته
صالح:مكنش لوحده يا باشا وانت امرت ان الحلوة متتأذيش
كارم بعصبيه:والحل ايه خلاص فلت مننا
صالح:يرجع بس ونخلص عليه
نسمه بصدمه من وراهم:تخلصو على مين!!!

#الأسيرة ♡بقلم/ندى محسن♕Noody♕

سفيان برا الأوضه بيخبط على نهلة:حبيبتي دا كله بتلبسي طب عايزه مساعده طيب
نهلة:لا....سفياان انت ايه اللي جايبه دا
سفيان كتم ضحكته:طب ادخل اشوف انا جايب ايه بس
نهلة:لا متدخلش
سفيان:طب مش ناويه تخرجي طيب هنفضل كتير كدا
نهلة:هلبس فستاني واخرج
سفيان فتح وهنا شافها بالفستان المفتوح من الضهر والجنب وفوق الركبه وكان لونه سماوي وشعرها مغطي ضهرها وهو ابتسم
نهلة لفت وصوتت:انا قولتلك متدخلش اطلع برااا
سفيان كتم ضحكته ومثل:الله ايه دا يا حبيبتي اللي انتي لبساه دا
نهلة بعصبيه:دي اكتر حاجه محترمه جبتها انت انت اتجننت يا سفيان البس حاجه زي كدا
سفيان:طب الشورت والبلوزه الكب هتبقى احلا عليكي
نهلة مكسوفه تلف وتبصله وهو حضنها من ضهرها
سفيان:طب ينفع تتكسفي مني طيب
نهلة بخجل:سفيان مش هينفع اخرج بيه
سفيان همسلها:طب منا عارف عشان كدا جبتك هنا في مكان مفيهوش اي حد مكان لفرعون وقلبه
نهلة ابتسمت وهو وقف قدامها رفع وشها وهي بصت في عينه اللي كانت لون المحيط اللي بتسحرها
سفيان:بعشقك يا قلب فرعون
نهلة بكسوف:وانا بعشقك يا فرعون قلبي
سفيان باس جبينها:انا بعشق نظره الكسوف اللي مبشفهاش غير من منغشتي ليكي مش هبطل اناغشك
نهلة ابتسمت
سفيان جه يقرب منها وقف لما افتكر موقفها ولما ضربته بالألم اتردد مش عايز يخوفها خصوصآ انها هتحس بالوحده ومفيش غيرهم بس هي ابتسمت لما قدرت تقرا تردده وقلقه عليها رغم ان فرعون غامض بس دا بان عليه بسهوله وهي اتعلقت في رقبته وراحت بيساه ودا اداله يقين انها خلاص مش هتبعد عنه وانها مبقتش خايفه منه...

#الأسيرة ♡بقلم/ندى محسن♕Noody♕

نسمة بصدمه وخوف:تقتلوه انتو كنتو جايبني علشان تقتلوه
كارم:غسان خدها على فوق
غسان سحب نسمه بس هي زأته
نسمه:اوعى تفكر تمد ايدك عليا وانا بقول كدبتو وقلتوله اني مقري فتحتي عليه من صغري وقولت ماشي عايزينا نرتبط علشان بحبه وان غسان ابويا وسكت علشان قولتو مينفش ابقى قاعده مع واحد غريب وسفيان دمه حامي لكن تقتلوه
كارم لوى دراعها لورى:بحذرك اهو مش عايز اسمع صوتك والا قسمآ بالله محد هيعرفلك طريق
نسمه زئته وضربته بالألم:شيل ايدك يا حيوان انت
كارم اتغاظ وراح ردلها الألم وصالح مسكه
صالح:اهدى يا باشا متعصبش نفسك
كارم:مش هسيبك خلاص انتي اعلنتي موتك
عليا مربيه سفيان كانت سمعاهم والدموع على خدها بتتصل بسفيان بس تليفونه مقفول اتصلت على مرتضى
مرتضى:الو مين
عليا بصوت واطي شبيه بالهمس:مرتضى بيه تعالى قصر ارسلان كارم هيقتل نسمه
مرتضى:ايه انتي بتقولي ايه!!!عليا ادخلي اوضه واقفلي على نفسك كويس انا جاي
قفل معاها والغل ملى قلبه:زودتها اوي يا كارم وحسابك تقل من اول الضرايب والخساير اللي لبستها لكل بريئ شويه لحد لعبك انت والزباله اللي معاك بمراتي
فتح الدولاب خرج سرحه واخد رصاص وعلا الخوف ضرب قلبها وقفت قدامه:لا بالله عليك بلاش بلااش دم يا مرتضى
مرتضى:علا متخافيش
علا بدموع:ازاي مخفش انت لأما هتقتلهم وتتعاقب لأما هيقتلوك ويحرموني منك حرام عليك كفايه وجع قلب استنى سفيان يرجع
مرتضى:مش هستنى ومتخافيش سفيان مش عايز موتهم فرعون عايز يجيب اخرهم وانا معاه...

#الأسيرة ♡بقلم/ندى محسن♕Noody♕

نهلة نايمه على صدر سفيان بكسوف: سيفو انت قولت هتعلمني ضرب النار
سفيان باس شعرها: منتي اللي نيمتيني ولا احلا نومة
نهلة بكسوف: انا بردو انت بتخم
سفيان ضحك: في حد يقول لفرعون بتخم
نهلة برقه: مش بقول لفرعون انا بقول لسيفو حبيبي
سفيان بعشق: انتي بتستغلي ضعفي معاكي وانا بصراحه دعييييف اوي تعالي بقاا
نهلة زأته وجريت دخلت الحمام وقفلت وهو خبط بغيظ
نهلة: وبعدين بقااا انا زهقت من النوم وعايزه اتعلم ضرب النار
سفيان ضحك: طب افتحي اقولك حاجه  بس
نهلة ضحكت: مش  فاتحه ريح نفسك
سفيان عض شفته بغيظ: وبعدهالك يا مغلبه قلب فرعون
نهلة ابتسمت وخدت شاور وملقتش حاجه تلبسها وفي سرها: يا نهاار ولو قولتله هاتلي حاجه مش  هخلص من تحفيله عليا تحفيل ايه دا قليل الأدب
سفيان من برا: شكرآ يا مراتي يا مؤدبه
نهلة حطت ايدها على بؤها بصدمه: ازاي انت سمعتني كنت بفكر بصوت عالي!!
سفيان ضحك: لا بس الميه اتقفلت من شويه ومخرجتيش ومش واخده هدوم فأكيد بتشتميني او بتشتمي حظك
نهلة: مشتمتكش
سفيان: طب اخرجي بقاا
نهلة بغيظ: تصدق كان عندي حق لما قولت عليك قليل الادب
سفيان ضحك: يعني شتمتي اهو يا خمامه
نهلة برقه: حبيبي فرعوني ممكن تجيبلي فستان
سفيان بعند: لاا
نهلة بعصبيه: ولا مينفعش معاك دلع سفيان انجز والله هبرد
سفيان:مش قليل الأدب خليكي بقاا
نهلة: طب اسفه يا حبيبي انت مش  قليل الأدب انا قليله الأدب
سفيان رفع حاجبه: نعم بتشتمي مرات فرعون طب خليكي بقاا
نهلة: انا حاسه اني بتعامل مع طفل سفيان هات حاجه والله زهقت
سفيان بأستفزاز: حاضر انا بس علشان  قلبي حنين هجيبلك واهو استرك
نهلة عضت شفايفها بغيظ:عديها يا نهلة بس تخرجي
سفيان كاتم ضحكته:افتحي يا حبيبتي خدي الهدوم
نهلة فتحت ومدتله ايدها سفيان باس ايدها وهي ضحكت بغلب:طب حبيبي ممكن يلا
سفيان اداها  الهدوم
نهلة قفلت وبصوت عالي:وربنا انت بجد قليل الأدب سفيااان ايه دا
سفيان ضحك:الشورت والبدي يا قلبي يلاا مستنيكي
نهلة عضت شفايفها بغيظ

#الأسيرة ♡بقلم/ندى محسن♕Noody♕

كارم نازل ضرب ف نسمه بغل:بقاا انا تتحديني يا زباله فاكره نفسك مين مش هقدر اقفلك وبترفضيني علشانه تتحديني علشانه
نسمه بتعيط بألم:انا بكرهك يا زباله انت متقارنش نفسك بيه
كارم مسكها لوى دراعها  بغل:اقولك انا بقااا سفيان عقابه ايه هاا اللي بتحبيه دا بني ادم معندوش رحمه نسيتي البنت اللي امر بقتلها
نسمه بتبعده عنها:كله كان بسببك وانا هقول لسفيان على كل حاجه ومهما عملت متتجرأش تقارن نفسك بيه والبنت دي هي نفس البنت اللي سفيان انقذها وكبر في عيني لما عرفت انه اتجوزها
كارم بيقرب منها بغل وهي خربشته في وشه بغل لدرجه انه اتنطر بألم وبينزف
صالح لوى دراعها:اهمدي دا انتي نهارك اسود
مرتضى ضرب صالح بالنار في رجله وهو وقع بألم:ابعدو عنها يا زباله منك ليه انتو فاكرين نفسكو ايه ان صوتكم يعلى في بيت فرعون
نسمه جريت ورا مرتضى
كارم حس بالتوتر لما عرف ان مرتضى مبيهزرش دا بيضرب بجد ومرتضى كان قاصد كدا
غسان:الله متهدى انت مالك ابوها وبربيها
مرتضى ضربه بالنار ف دراعه:دا علشان تربي نفسك وعلشان اتجرأت تهوب من مراتي لا وانا الغبي قولت عليها خاينه وكنت هخسرها هي وابني
غسان بيتوجع وضحك بأستفزاز:بس عارف مراتك دي صاروخ بس للاسف رجعت من سفريتك بسرعه
مرتضى كان هيموته وغسان اترعب وعليا رفعت ايده على اخر لحظه
مرتضى:داده
عليا:اوعي توسخ ايدك يا مرتضى اوعى يبني
مرتضى:خدهم وغور مشوفش وشك
كارم سند صالح ووراه غسان بيبصلهم بغل وكارم همس لنسمه:متخافيش مش هسيبك يا حلوة
مشي ونسمه بصت لمرتضى بأنهيار:انت انقذتني...انا كنت جايه العب على سفيان انت انقذتني انا...دا سفيان كان هيموتني لو عرف
مرتضى:سفيان راجل وكان هيعمل اكتر من اللي عملته... دادة تعالي معايا سفيان هيخاف عليكي اوي لو عرف اللي حصل
عليا:لا يبني انا هقعد مع سعاد ورحمه واهو اتسلى لحد ميرجع مع مراته بالسلامة
مرتضى:اللي يريحك
نسمه:ممكن اجي معاكي انا مش عايزه ارجع لعند غسان
عليا:تعالي يا بنتي انا مكنتش هسيبك كفايه وقفتك قدامهم علشان سفيان
نسمة بدموع:مرتضى قررو يقتلوه هيخلصو من سفيان
مرتضى:دا بعدهم هما فاكرين ايه سفيان مش سهل ابدآ انا واثق انه مش هتضر علشان هو ابدآ مش ضعيف

#الأسيرة ♡بقلم/ندى محسن♕Noody♕

سفيان:حبيبتي بصي قدامك منا ماسك ايدك اهو متغمضيش عينك لما تيجي تضربي متخافيش
نهلة:ح..حاضر هحاول اهو
سفيان ماسك ايدها وبيعلمها وهي شويه تسمع كلامه وشويه تسرح وتوه في ملامحه وشرحه
سفيان ضحك:طب ايه هتفضلي بصالي كتير تحبي ندخل
نهلة بصت لتحت بإحراج:معلش قول تاني يا سفيان
سفيان باس كتفها برقه:انتي تؤمري يا روح سفيان
سفيان قعد يعلمها وهي استجابت لحد مسابها وبقت تضرب كويس وهي بتضحك وفرحانه وهو فرحان اوي 
نهلة:خلاص انا كدا بقيت اضرب كويس يا سيفو
سفيان:اخر اختبار بقاا يا قلب سيفو
نهلة:الي هو ايه بقاا انا نجحت ف كل الأختبارات ايه بقااا اخر اختبار
سفيان وقف على ناحيه منهلة بتنشن:هتضربي نار على النقطه اللي جنبي بالظبط ووقتها اقدر اقولك براڤو وانك اتعلمتي
نهلة ابتسمت:سهلة
ومسكت المسدس ووجهته على النقطه بس بصت لسفيان بصدمه الفرق مش بعيد والغلطه بموت سفيان
سفيان:يلاا يا نونتي
نهلة:سفيان انت اتجننت مستحيل هعملها مستحيل ابعد وانا هضرب واصيب النقطه
سفيان:نهلة انا عارف انا بعمل ايه يلاا
نهلة:لا دا جنون سفيان ابدا مش هعمل كدا و..ومش عايزه اضرب نار تاني
سفيان:حبيبتي انا مش عايزك تخافي من اي حاجه ودي البدايه
نهلة:حتى لو مخفتش من اي حاجه خوفي اني اخسرك هيفضل موجود في قلبي يا سفيان مستحيل اخاطر بيك مهما حصل مستحيل
سفيان قرب حضنها:حبيبتي انا مقصدتش اضايقك بس انا
تهلة:انا فهماك وانا مش هعمل كدا وبص انا هصيبها
نهلة صوبت على النقطه وصابتها وهو ابتسم وقرب باسها وحضنها وعجبه تفكيرها وحبها اللي بقت تعترفله بيه وتحسسه بيه دايما
نهلة شبت واتعلقت في رقبته وهو شالها وهي حضناه والحلم مش عايز يغيب عن عينها هي شايفه نفسها بتضرب سفيان بالنار ووقع غرقان في دمه بتتمنى يكون مجرد حلم مجرد كابوس......

#الأسيرة ♡بقلم/ندى محسن♕Noody♕

رحمه حضنت عليا:يا قلبي واستحملتي دا كله
سعاد:اكشن اخر حاجه وبعدين بقاا يا جماعه سفيان ايه اللي يقتلوه هما بيتفقوا على فرخه دا فرعون دا لقب بفرعون يعني مش سهل ايه يخلصو منه دي
نسمه ابتسمت وحبت قعدتهم الدافيه اوي عمرها محست كدا امها ماتت وسابتها مع جوز امها اللي علمها السهر والشرب اللبس العريان وانها ازاي تخدع الأغنيه.....
رحمه:وانتي يا بنتي ملكيش حد
نسمه:لا انا اهلي ميتين
رحمه:ربنا يرحمهم يا قلبي
سعاد فرحانه وبتضحك كل شوية بفرح
عليا:انتي مالك في ايه
سعاد:عيالي حبايب قلبي جاين من السفر دا انا هموت من الفرحه
عليا ابتسمت:بجد
سعاد:اااااه سنه وانا محرومه من ريحتهم يا قلبي
رحمه ابتسمت:حبايب خالتهم دول
عليا:انا مشوفتهمش قبل كدا
رحمه:كانو بيشتغلو وبعدين سافرو وانتي كنتي بتشتغلي في قصر ارسلان لكن احنا بقاا اللي خدنا سفيان من بعد موت امه لما جابته كارمن
عليا:اه لما مكنش عايز يقعد مع موسى ابوه لحد دلوقتي وهو شايل يا حبت عيني عمره مقال سفيان موسى دايما سفيان ارسلان
وليد:متجمعين عند النبي
مصطفى:احلا قاعده دي ولا ايه
سعاد جريت اترمت في حضنهم وهي عماله تبوسهم بلهفه ونسمه ابتسمت ورحمه جريت حضنت مصطفى:حبيب قلبي وحشتني
رحمه:كدا يهون عليكم متسألوش عليا مش انا زي امك وفي مقام خالتك بردو
وليد حضن رحمه وباس دمغها:حقك عليا يا قلبي والله الغربه صعبه بس خلاص من النهاردا احنا مع بعض مش صح ولا ايه يا حضرت الرائد
مصطفى:طبعآ يا دكتور وليد
وليد ابتسم وقعدو يتكلمو ووليد عينه على نسمه وعايز يسال وهي لاحظ اتوترت وبصت لعليا
عليا:اعرفكم دي نسمه
مصطفى بصلها بيحلل نظرتها وهي اتوترت اكتر حست قوتها اتبخرت او يمكن حست انها ملهاش سند تستقوى بيه حتى جوز امها راح وانها غريبة وسطهم
وليد:احلا يا مدام نسمه
رحمه:انسه
مصطفى:نورتي
نسمه ابتسمت بخفه وهي عايزه تنام ومحرجه تقولهم

#الأسيرة ♡بقلم/ندى محسن♕Noody♕

سفيان مقعد نهلة على رجله وبيأكلها:طب يلاا بقاا علشان في مفاجأه
نهلة:سفيان بالله عليك انت كل شويه عمال تقولي مفجأه انا تعبت والله مش قادره اكل
سفيان:عشان خاطري يا قلبي انتي لسه مكلتيش حاجه
نهلة:سفيان انت بص انا كلت اد ايه والله مش هقدر خلااص
سفيان باس خدها بحنان:علشاني بس شويه كمان يا نهلتي
نهلة اكلت من ايده وهو ابتسم وهي بصتله:خلااص بقى يا سيفو
سفيان:خلاص بقاا يا قلب سيفو
نهلة مسكت خدوده:الا قولي يا قمر انت ازاي انا كنت بكرهك
سفيان ضحك وباس ايدها:عشان يا قلبي كنت وحش
نهلة:انت حلو اوي
سفيان ابتسم بسعاده:دا انا بتعاكس بقاا
نهلة:بالظبط كدا مش انت قولت مش صح حد تاني غير مراتك يعاكسك وانا دلوقتي مراتك مرات سفيان
سفيان دفن راسه ف رقبتها وباسها:انتي كلمه منك بتوديني وتجيبني اه منك يا مغلباني 
نهلة ابتسمت وهي نايمه في حضنه وهو بعد شال الأكل وقربلها بنظرة مكر
نهلة ضحكت:بقولك ايه انا بحذرك انا بقيت اضرب نار
سفيان ضحك:واهون عليكي تموتي فرعون قلبك
نهلة:اعتبر دا تثبيت
سفيان شدها وضحك:عليكي نور
نهلة ضحكت بغيظ

#الأسيرة ♡بقلم/ندى محسن♕Noody♕

عاصم:يعني ايه هتسيبني ادمر هتتخلى عني
نور الدين:غبائك هو اللي عمل كدا متلومش غيرك يا عاصم انت نسيت ان نهلة دي حفيدتي قسيت عليها علشان متخرجش عن طوعي لكن انت عارف اغراض ابنك القذره وسبتهاله
عاصم بعصبيه:بقولك ايه اللي عايزو شاكر هيكون والبت دي لسه بردو هتقع في ايده لأنه اختارها بعد موت امه مصدقت بيعدي الأزمه ورحمه امي انا مهسيبها انا عايزك تساعدني دلوقتي الزباله اللي هي متجوزاه دمر كل حاجه مخزن القطن اتحرق والأرض اتدمرت والبجح ساب حد من رجالته يقولي انه عمل كدا بمعنى اني اهو ومتقدرش تلمسني وانت جاي تقعده وكأنه ملك زمانه وهو زباله
نور الدين ضحك:يعني انت محروق منه علشان مسبش مراته وكان عنده استعداد يموت علشانها
شاكر دخل بهجوم:دي بتاعتي انا حتى لو فاكر انه اخدها لا لا دا يبقى غبي هي ملكي انا وبس وهاخدها
سراچ:انت اتعديت حدودك يبن عاصم
عاصم ابتسم بسخريه:الله دا شكل فرعون جنوده كترو
فاطمه: دا جوز بنتنا واختيارها واحنا واثقين فيه بقاا
نور الدين بصلها وهي سكتت وهو ابتسم:فاطمه بتتكلم صح
فاطمه ابتسمت وبصتله اول مره يوافقها اول مره تشوفه راضي عنها
عاصم ضحك بأستفزاز:الله فجأه كدا بقاا البطل اللي انقظ بنتكم بعد مدمرها وغصبها تتجوزه
فاطمه:نهلة مبتعملش حاجه غصب عنها
شاكر باصص لريفال اللي نسخه عن نهلة وجه في دماغه هي عارفه نهلة فين وهي خافت من نظراته وراحت على اوضتها ليضربها زي مكان بيضرب نهلة
عاصم:لا غصب عنها الكل بيتكلم وشركته واقفه على رجل بسبب الموظفين اللي عاملين اضراب عارفين ليه
سراچ بضيق:انت انجز وكب اللي في عبك لو عندك حاجه يا عاااصم
عاصم:عندي كتير سفيان اللي هو فرعرون جوز بنتك مسالتش ليه مجبهاش واتقدم ولا هي مخدتش رأيكم ليه
فاطمه انتبهت لكلامه
عاصم ضحك:عشان هو اغتصبها لا وكان امر بقتلها كمان لولا ان وقتها چوليا انقذتها
علاء داخل سمع كلامه واتصدم وكان معاه هنا و سامر ولاده
فاطمه:انت كذاب
عاصم:لا يا ست فاطمه مش كذاب بنتك المستشفى اللي كانت فيها هي اللي قالتلي عن حالتها والأنهيار اللي كانت فيه وكل اللي كان على لسانها فرعون بكره فرعون
سراچ قعد بتوهان وشاكر انسحب من وسطهم على اوضه ريفال ودخل من غير ميخبط كانت قاعده بتسمع موسيقى
شاكر:الله دا ايه الروقان دا
ريفال وقفت بخوف:ابيه شاكر
شاكر ابتسم:حبيبت ابيه شاكر القمر
(ريفال عندها 16 سنه بس ملامحها مميزه شعرها برتقاني وطويل عنيها رمادي جميله وواسعه نفس عيون فارس اخوها طولها متوسط وبيضا)
ريفال بصاله ولعينه اللي بتجبها من اولها لأخرها
شاكر:تعالي
ريفال قربت بخوف
شاكر قعدها بهدوأ:حبيبتي بقى قوليلي فين اختك
ريفال:مع ابيه سفيان
شاكر:وهما فين
ريفال:هما سافرو
شاكر بعصبيه:انا هشحت الكلام منك هما غارو فين
ريفال عيطت غصب عنها:معرفش...معرفش....هو قال انه عاملها مفاجأة و...وهيجي تاني
شاكر بيطبطب على شعرها:اممم طيب انا هقولك حاجه بقاا يا قلبي
ريفال بعدت راسها عن ايده وهو لوى دراعها
شاكر همس في ودانها:لو اختك مجتش واتجوزتها وعرفت انك عارفه حاجه ومقولتليش اقسم بالله مهتنازل على اني اخدك هاا وبصراحه انتي عجباني وكفايه ملمحك ها فاهمه يا حلوة
ريفال عيطت بخوف وهزت راسها بخوف
شاكر:هاخد حاجه تحت الحساب بقاا
ريفال بصتله بصدمه وهو بيقربلها وهي بعدت بخوف:ابيه بالله عليك متقربش
شاكر:الله مالك اهدي بس متخافيش تعالي
هنا فتحت الباب:يا رورو فينك..
سكتت لما شافت شاكر وريفال بتبعد عنه وبتعيط وشاكر اتنهد بقرف
(هنا تبقى بنت علاء وواخده صفات كتيره منه تبقى بنت عم نهلة وشاكر عندها 23 سنه الفرق بينها وبين شاكر سنتين وهي جريئه مبتسكتش عن الحق ولو كان سيف على رقبتها شاكر مبيطقهاش ولا هي بتطيقه)
هنا بعصبيه:بتعمل ايه يا حيوان انت
شاكر:احترمي نفسك وانتي مالك انا كنت بتكلم معاها
ريفال حضنت هنا جامد بخوف ومن غير متتكلم هنا استنتجت لأنها عارفه قذارته
شاكر نزل بضيق
سامر:انت كنت عند ريفال!؟
شاكر:وانت مالك خليك ف نفسك يا قمور
(سامر ابن علاء عنده 26 سنه كان بيحب نهلة بيعتبرها صديقته لحد مساعد فارس يهربها عشان متتجوزش بشاكر اللي مبيطقهوش سامر دكتور نفسي وليه ابحاث ممتازه ف علم النفس وعنده شخصيه جذابه ووسيم)
سامر بصله بأستهزاء:واحد زيك ميستاهلش ارد عليه عن اذنك اما اروح اشوف اختي وبنت عمي يا يا قمور
شاكر جز على سنانه بغيظ
عاصم:يلاا يا شاكر
نور الدين كان مصدوم مش قادر يصدق سفيان عمل فعلآ كدا يا ترى هو بالحقارة دي كلهم هيتجننو
نور الدين:مش هصدق غير لما هو يجي
فاطمة قلبها وجعها مفيش سبب ينفي طيب نهلة اتجوزتو من وراهم ليه!!

#الأسيرة ♡بقلم/ندى محسن♕Noody♕

نهلة صحيت ملقتش سفيان جنبها لأول مره جريت على برا لقته قاعد قدام الميه ابتسمت وحضنته وهي وراه وهو ابتسم  كشرت:ليه سبتني وقمت ومصحتنيش
سفيان:مش عايز اقلقك وبعدين انا صحيت بدري وانتي لازم ترتاحي
نهلة:طيب مش هتعلمني السباحه
سفيان ضحك:نعم
نهلة:سيفو وعدتني
سفيان:مش عايزك تتعبي يا روحي
نهلة:عايزة اعوم
سفيان ضحك وبسرعه شالها ونط ف الميه وهي ضحكت وقعدو يهزرو وترشه بالميه ونهلة مبطلتش ضحك من قلبها وسفيان كان فرحان اضعاف فرحتها....

#الأسيرة ♡بقلم/ندى محسن♕Noody♕

علا:هتمشي دلوقتى
مرتضى:اه اتأخرت على الشركه
علا:خلي بالك من نفسك
مرتضى:حاضر خلي بالك انتي من نفسك ومن البيبي
مشي راح على الشركه واتكلم مع الموظفين ان سفيان اول ميجي من السفر هيحل اي عجز وهما رجعو الشغل بعد اقناع رقيه سكرتيره سفيان ليهم
مرتضى دخل مكتبه لقى كارم قاعد ببرود
كارم:انت ايه متعلمتش الأدب مش تخبط قبل متدخل
مرتضى شده:بقولك ايه متنساش ان سفيان عملي توكيل ومتنساش اني
كارم:ديب انت الديب بتاع فرعون
مرتضى ضحك بأستفزاز:وانت اعرف بتتعامل مع مين فرعون مش هيسيبك
كارم:ابقى روح بيتك في مفاجأه علشانك اتمنى تعجبك يا مارو
كارم مشي ومرتضى قلبه وقع:علا....

#الأسيرة ♡بقلم/ندى محسن♕Noody♕

سامر:يعني ايه متقوليش لحد انه بيضايقك دا حيوان
ريفال:هتحصل مشاكل زي محصل مع نهلة وبعدين هو مش هيسيبني في حالي انا امتحاناتي قربت وعايزه اركز وهموت من الخوف على فارس ومحدش كلمه ولما هجيب سيرته شاكر مش هيسكت لأنه بيكرهه وانا بترعب منه يا ابيه سامر
سامر: دا حيواااان انتي ولا تحطيه في دماغك ولو ضايقك متسكتيش
شاكر: وهتعمل ايه بقااا مش  الاحسن انك تسكتي يا ريفو ولا انا غلطان يلاا يا حبيبتي قولي لأبيه سامر يسيبنا علشان عايزك في كلمتين
سامر...........

🌸الى اللقاء في حلقة اخرى🌸

#اشوفكوا_بكرا

اسئله الحلقة:-
تفتكرو ايه ردت فعل سفيان لما يعرف باللي حصل من كارم؟!ايه مفجاه كارم لمرتضى؟!موقف سفيان هيبقى ايه قدام اهل نهلة تفتكرو ممكن اي يحصل ويا ترى هيصدقوه؟!سامر وشاكر وريفال ممكن ايه يحصل بينهم؟!