رواية ♡الأسيرة 1♡ للكاتبة/ندى محسن♕Noody♕ الفصل التاسع عشر 19 - بقلم الكاتبة ندى محسن

♡الاسيرة♡

الحلقة 18
بقلم/ندى محسن♕Noody♕

مرتضى وصل قدام بابا الشقه باصص للدم وقلبه بيتنفض من الخوف طلع المفتاح فتح بضعف ودخل بيبص لأثار الدم لحد معينه وقعت على اصعب منظر كان ممكن يشوفه ف حياته علا واقعه ف الأرض جسمها متشوه ومتغرقه بالدم قرب بضعف لحد مبقى جنبها ونخ على ركبته بتوهان قرب ايده اللي بتترعش من وشها وحاوطه بحنيه:لا....لا مستحيل لا ...
حط ايده تحت انفها واتصدم:ا...ازاي...ازاي..مبتتنفسيش لا لا
بيحاول يتماسك وينعشها حط ايده على صدرها بيحاول ينعشها ايده اتملت دم
صرخ بأنهيار:لااااااا مستحييييل لا لا علا حبيبتي بالله عليكي قومي حبيبتي احنا مش اتفقنا مش هتسيبيني(انهار في العياط) يعني كنتي بالطريقه دي بتودعيني لا حرااام كدا لا يا علا
حضن راسها:قومي يا حبيبتي انا جيت علشان اوديكي للدكتور علشان نعرف نوع البيبي يلا يا علااا بالله عليكي لا يا علا ابوس ايدك
حط ايده على بطنها ولقاها اتملت دم بردو وهو انهار دخل سفيان جري عليه وهو مصدوم حضنه هو اتوقع انهم اذوها بس متخيلش يكون بالمنظر والبشاعه دي
سفيان:البقاء لله مرتضى اهدى يا مرتضى
مرتضى بإنهيار مسك ايد علا وباس دماغها وهو بيصرخ وبيعيط: مستحيل سفيااان سفيااان قول حاجه قول حاجه بقااا هي هتبقى كويسه هي بتحبني انت تتخيل انها تسيبني دي دي مكنتش عيزاني اسيبها يا سفيااان يعني كدا هي بتعاقبني طب ليه يا سفيااان علاااا لا قومي دا عقاب صعب قومي بالله عليكي
سفيان ساكت دموعه نازله مش لاقي حاجه يقولها واخيرآ اتكلم: مرتضى... حبيبي.... متعذبهاش بحالتك طمنها هي سمعاك.... اهدى بس طيب يرضيك تخوفها كدا
مرتضى هز راسه بنفي وباسها وقعد يبوس في وشها: انا... مش هسيبك علشان انا بحبك ها متخافيش بصي انا جنبك وهفضل معاكي يا قلبي يا قلب مرتضى انتي دلوقتي معايا يا نور عيني
غمض عينه بقهر ودموع وبص لسفيان اللي قلبه بيتقطع من المنظر اللي هي فيه وشكل صاحبه
مصطفى وصل مع الأسعاف ومرتضى ركب معاها ومصطفى ركب جنب سفيان ونهلة وفارس ورا ونهلة خايفه هي مشفتش حاجه غير واحده متغطيه وفي دم مرتضى منهار وسفيان بيحاول يتماسك
فارس كان واخدها ف حضنه لما لقاها بتترعش: اهدي اهدي يا حبيبتي
في المستشفى فارس ونهلة ومصطفى واقفين وسفيان الدموع في عينه وواخد مرتضى في حضنه اللي ساكت مبيتحركش بس اول ما الدكتور خرج اتنطر وقف قدامه
الدكتور: انا اسف... بس هي جايه ميته...
مرتضى بهدوأ مريب: يعني ايه جايه ميته؟؟
سفيان: مرتضى
مرتضى بصله وبأستغراب: سفيان انت ساكتله معقول انت سامع هو بيقول ايه انت ازاي ساكت انت سامع بيقول ايه على مراتي؟على مرات صاحبك
الدكتور: سفيان بيه دي جريمه قتل ولازم ابلغ
مصطفى مسح دموعه: انا اللي بحقق في القضيه شكرآ لتعاونك
مرتضى بتوهان: جريمه قتل ايه... انا مراتي كويسه هي حامل بس وطبيعي بتتعب سفيان انت اكيد عارف اي حد بيتعب يعني
الدكتور لسه هيتكلم مرتضى دخل لقاهم مغطيين وشها اتحرك بضعف كشف وشها وانهار جنبها باسها وهو ماسك في ايدها وصرخ: قولتي مش هتسيبيني اهون عليكي طب احلامنا طب حياتنا حرااام كدا دا مش عدل انتي مراتي وامي وحياتي تسيبيني يا علا طب ازاي ازاي يا علاا مستحيل انتي ازاي هتسيبيني لوحدي ليا مين غيرك ليا مين؟
سفيان جري حضنه وبيحاول يخرجه بس مقدرش ومرتضى صرخ جاامد ووقع فاقد للوعي
نهلة بتعيط على مرتضى وسفيان فارس حضنها: حبيبتي قعادك هنا ملوش لازمه تعالي هروحك
نهلة بدموع: لا مش هسيبهم في الحاله دي
سفيان كان واقف قدام الأزاز بتاع الأوضه ومرتضى فاقد وعيه
الدكتور: المفروض تروحو تدفنوها
سفيان: لما يفوق دا حقه ولازم يقتنع انها فعلآ ماتت....
نهلة بعدت عن فارس: انا لازم اكلمه
فارس: مش صح تقربيله في الحاله دي انتي شايفاه عامل ازاي وحذرك انك تتحركي
نهلة: انا مستحيل اسيبه ف الحاله دي
قربت واترددت تقرب وحضنته من ضهره وهي سانده راسها على ضهره وهو لف شافها قد ايه خايفه وعنيها حمرا من الدموع وهو مسح دموعه وباصصلها
نهلة حضنته وهي بتطبطب عليه وكأنها اشارة منها انه ينفجر وفجأه فقد السيطرة على دموعه وصدره بيعلو ويهبط
نهلة بحنان ودموع:هيبقى كويس

#الأسيرة ♡بقلم /ندى محسن♕Noody♕

مصطفى انسحب كلم اللي شغالين معاه وفتح المحضر ولاحظ ان في كاميرات في الشقه
:وبعدين يا باشا
مصطفى:من حق مرتضى يفتحها.....مينفعش اعمل كدا وخلاص...

#الأسيرة ♡بقلم /ندى محسن♕Noody♕

سامر بيخبط على ريفال: طب حبيبتي ردي عليا بس
ريفال ساكته وباصه للباب
سامر: ريفال.. انتي قولتي انك هتسافري بسببي؟ حبيبتي طيب انا عايز اكلمك بس عايز اتأسفلك انا عمري مفكرت فيكي بطريقه وحشه وانا اسف مكنتش واعي اوعدك مش هتتكرر ريفال لو انا غالي عندك افتحي
ريفال فتحت والدموع في عينها وهو بص لشفايفها المجروحه بضيق واسف وهي بعصبيه: انا هسافر مع بابا وماما ومش عايزه اقعد هنا انا مش عايزة اجي هنا تاني وانا بكرهك انا بكرهك بجد انت اثبتلي اني غلطت وانك زيك زي ابيه شاكر بس انت اذتني اكتر منه على الأقل انت خلتني وثقت فيك انما هو كان واضح
سامر: انا اسف يا ريفال سامحيني على الأقل اديني فرصه
ريفال دخلت وقفلت في وشه وهو نزل
هنا شافته ودورت وشها بضيق
سامر: هنا حتى انتي كمان
هنا: انت اتجننت يا سامر انت مراهق علشان تتصرف بالغباء دا
سامر: هنا انتي فكراني ايه انا نفسي مش عارف عملت كدا ازاي انا بجد مش عارف
شاكر سامعه وابتسم وطلع علبه حبوب من جيبه وباسها: بس انا عارف عملت كدا ازاي بس للأسف هنا جت منعتك هنا هنا هنا البت دي لازم تغور من طريقي بقاا بس انا مش فضيلك دلوقتي يا هنون ومش عايز ابوكي يفتحلي حوار الا لما اخلص على فرعون وارجع اللي ليا من عنده ارجع ادماني وعشقي الأول والأخير نهلة

#الأسيرة ♡بقلم /ندى محسن♕Noody♕

سفيان بيزعق: لحد امتى يبقى كدا و كل ميفوق تديله مخدر
الدكتور: دا احسن ليه ولحالته والا ممكن يجيله ازمه قلبيه اكيد انت شايف ومقدر دا
سفيان جسمه اترعش للحظات مقدر دا.. مش قادر يتخيل حتى لو اتحط ف الموقف دا موقف صحبه دا كان ممكن يجراله حاجه فعلآ
نهلة باست ايده بدموع بتحاول تطمنه: سفيان... بالله عليك... خليك كويس
اتصدمو بخروج مرتضى وشه جامد خالي من التعبير
سفيان جري عليه بلهفة مسكه: انت ايه اللي قومك انت تعبان
مرتضى بثبات: اكرام... الميت.... دفنه تفتكر ممكن اعذبها؟
مشي وسفيان وراه مع نهلة وفارس والدكتور اللي سفيان شورله وفهمه لحد مخدها وراحو المقابر نهلة كانت بتعيط وسفيان متماسك عشان صاحبه ومرتضى واخدها في حضنه وهي في الكفن وبيهمس: انتي رايحه عالم تاني حلو اوي يا روحي عند ربنا وانتي دايمآ بتقوليلي ربنا كريم ولازم اصلي وانتظم واخاف ربنا في كل حاجه وانا هسمعك ها حبيبتي عمري مهنساكي وهفضل دايمآ معاكي
سفيان بعده عنها بصعوبه
مرتضى بخوف:طب طب سفياان استنى عايز اقولها حاجه بس استنى
دفنوها ومرتضى هنا قوته اتبخرت وراح صرخ:علا لا علااااا
الدكتور حقنه بالمخدر
سفيان شاله وخده في العربيه ورجعه المستشفى تاني
نهلة قاعده على الكنبه اللي في اوضه مرتضى وسفيان في حضنها مغمض عينه
نهلة بتطبط على شعره
فارس واقف وهنا مصطفى دخل
سفيان متحركش
مصطفى:مرتضى حاطت كاميرات في البيت ودا هيعرفنا كل حاجه انا مرضتش افتح حاجه من غير ممرتضى يقوم....
سفيان:افتحهم هو مش لازم يشوف اي حاجه
مرتضى قعد شال المحاليل اللي متوصله بيه بغل
سفيان جري عليه مسكه
مرتضى بدموع:ابعد عني...انا ضعفت احميها واحافظ عليها تفتكر بقاا هضعف اخد حقها لا يا سفيان انا مش هموت غير لما اخد حقها منهم التلاته مصطفى انا هاجي وافتح الكاميرات بس توعدني بحاجه
مصطفى هز راسه بإيجاب
مرتضى:كارم انا اللي هنتقم منه مش حد تاني
مصطفى هز راسه بإيجاب
مرتضى:لو عرفت ان حد فيكو اتدخل انا مش عايز اعرفه تاااني
سفيان بص لمرتضى بصدمه
مرتضى اتجاهل نظراته:لهموته لهيموتني وفي الحالتين مش عايز حد يتدخل
سفيان ضربه بالبوكس ونهلة صوتت بخوف:لو انت مش عايز حد يتدخل اخرج انت منها حسابه وعداوته معايا انا
مرتضى ضرب سفيان بالبوكس وزأه:لو هو عداوته معاك ليه دخلها ليه دخل مراتي ودمر احلااامي ليييه
سفيان ضربه:عشان انت يا غبي اقرب حد ليا علشان انت الأمان ليا لازم يهاجمك عشان يكسرني
مرتضى بعصبيه ودموع:يقتلها ليه كان في ميت طريقه كان يقتلني انا
سفيان خبطه في الحيطه وبصراخ:فوق بقااا انت فاكر هسيبك فاكر ايه هبعد عنك يا مرتضى دا بعدك
مرتضى بدموع:لو حصل كدا مع نهلة وقتها ايه هيبقى شعورك انك تدخل تلقيها متشرحه بالطريقه دي
سفيان بعد خطوتين لورا وهمس بشرود:مستحيل...بس وقتها انا هحرق الكل
مرتضى ابتسم بتهكم ودموع:مصطفى يلاا
خرج هو ومصطفى
نهلة مسكت ايد سفيان:حبيبي مش لازم تسيبه لازم تفضل معاه
سفيان بيفكر في كلام مرتضى بقى عنده زعر مش ممكن يأذوها لا..:مش هسيبك يا نهلة
نهلة:ومين قال اني هسيبك يا سفيان انا هروح معاك
سفيان بص لفارس
فارس ابتسم وحط ايده على كتفه:يلاا بينا بقاا
وصلو عند الشقه ودخل باصص للدم غمض عينه برفض والدموع مغرقه وشه
مصطفى:مرتضى لازم تبقى قوي
سفيان مسك ايده:هي ف مكان احسن يا صاحبي مكان احسن
مرتضى بصله بنظرات حزن قتلته:تعرف انها وحشتني اوي!
مشيو وهو راح في المكتب فتح الاب توب وبدء يرجع الكاميرا لحد مسابها ومشي
Flash back
علا قفلت الباب وابتسمت بسعاده وحاوطت بطنها وهي بتدندن دخلت المطبخ وشويه كدا والباب خبط خرجت بسعاده:مرتضى اكيد رجع
بصت في المرايه ظبطت شعرها وكانت بالبجامه فتحت واتنطرت لورا
كارم دخل وراه غسان وصالح اللي قفله الباب
علاا بعدت بخوف
كارم:للأسف حذرناه ومسمعش الكلام المرة اللي فاتت احنا خدرناكي وبس المره دي بقاا مش هنسيبك
علا حاوطت بطنها بخوف:انا حامل بالله عليكو اخرجو
كارم ضحك:دا احنا جايين مخصوص علشان انتي حامل
مد ايده لغسان اللي اداله السكينه
كارم:بصي بقاا يا لولو احنا هنتفق اتفاق انا بس هموته بس هسيبك حيه واظن كدا كرمتك اوي واديته درس حلو
علا بعدت بدموع:بالله عليكم لا ابعدو عني انا وعدت مرتضى اني هفديه بحياتي ابعدو
خدت التليفون وجت تكلم مرتضى خدو منها التليفون وكسره
علا عيطت وهي بتترجاه ولما لقته بيقرب وعينه على بطنها زأته بسرعه وجريت على برا بس هو سحب شعرها وراح جارح ضهرها وبدأت تنزف وقعت ف الأرض بألم وجرح ضهرها كبير وكارم سحبها من شعرها لجوا
back
مرتضى وقف بتلقائيه:لا لا سيبها
نهلة كانت حاطه ايدها على وشها بفزع
Flash back
كارم ابتسم:تعرفي اتمتعت اوي وانا شايفك مرميه كدا والحيوان التاني براحته مع سفيان قامت وهو سايبها تمشي بضعف بتوقع اي حاجه في طريقها باحاول تتمسك بأي حاجة وهو راح زئها جامد على الأرض
علا بتأن بألم وصرخت:مرتضى بالله عليك تعالي انا مش قادره
كارم جرحها بالسكينه قرب رقبتها وهي شهقت بألم وصوتت بخوف:بالله عليك لا بالله عليك انا حامل ابوس ايدك
صالح ضحك:دا انتي كدا بتمتعيه اكتر تخيلي مرات مرتضى بتترجاه كدا ومستعدة تبوس ايده
غسان:كارم خلاص سيبها تغور المره دي
كارم:تؤتؤ تغور ايه بس انت عبيط يبني دا انا مش هلاقي فرصه احسن من كدا
قعد يجرح في جسمها وهي بتتنفض بألم ومش قادره تاخد نفسها وايدها وقعت من على بطنها
كارم بصلها:شوفتي انا كنت مستني كدا بس انتي طولتي عقبال مأستسلمتي يا قلبي
علا بتنهج بألم:مرتضى...اشهد ان...لا اله الا الله..وان محمد رسول الله.....
كارم ضحك بسخريه:الله دي مؤمنه اوي مرات زير النسا
علا بتتألم بدموع
كارم هيجرح بطنها رفعت ايدها قدامه بصعوبة جرحها وهي صرخت بعد ايدها وجرح بطنها بعنف وهي شهقت بألم وصراخ بقهر
غسان بعد وشه بأشمأزاز من المنظر
صالح ابتسم
كارم فضل يجرح فيها لحد متأكد انها ماتت
صالح:خلاص بقاا يلاا بينا
كارم رمى السكينه جنبها وابتسم وبص لصوره مرتضى وضحك:سلام يا مرضو
غسان خرج وهما وراه
back
مرتضى حاطت ايده على الشاشه بلهفه كأنه عايز يدخلها
نهلة كانت مصدومه ومخضوضه الدموع مغرقه وشها وهي مخبية وشها بخوف
سفيان واقف بجمود وغل بان بسهولة في عيونه بص لنهلة اللي سامع صوت انفسها وعرف انها بتواجه صعوبه في التنفس مسكها وهي زي مهي عينها على الشاشه
فارس بدموع في عينه:ازااي..ازاي حد يعمل كدا مش بني ادم...ازاي....
مرتضى مسح دموعه:مصطفى....خد نسخه....واتفقنا زي مهو والا
مصطفى قاطعه بغل ودموع:ورحمتها ورحمتك مهسيبه يفلت وموته هيكون على ايدك
مرتضى:انا عايز ارتاح مش عايز حد هنا
سفيان:وانا مش هسيبك وبعدين مستحيل تبقى هنا انت مش شايف الدم و...
سكت ومرتضى بصله بألم:دمها مش هيتشال غير لما اخد حقها يا سفيان ريح نفسك وسيبني
سفيان:مش هسيبك يا مرتضى انت هتيجي معايا
مرتضى بصريخ ودموع:انت ليه مش حاسس بيا انا روحي بتطلع ليه مش حاسس اني متماسك بس لحد ماخد حقها ليه يا سفيان حراام بقاا سيبوني
سفيان:انا صاحبك وانا اللي عدوتي معاه في الأصل
مرتضى بعصبيه وانفعال:اومال ليه مكسركش بنهلة ليه سابها هي ليه معملش فيها هي كدا واذى علا اخر شخص ليا مراتي وحبيبتي وامي ليييه
سفيان بصراخ:اخرس بقااا انت مش واعي للي بتقوله دا قدر يا مرتضى
نهلة كانت محاوطه نفسها حاسه انها تايهه هي كانت ممكن تتحط مكان علا فعلآ!!
مرتضى بصراخ وغل:سيبوني بقااا سيبوني
سفيان:شكلي غلطان لما حاولت اتفاهم معاك
شده وبعصبيه:فارس هات نهلة
نزله بالعافية وفارس مسك نهلة:نهلة
نهلة بصتله كأنها لسه فايقه:سفيان...فين
فارس مسح دموعها:حبيبتي هو نزل يلا ننزل
نهلة زئته:لا مش هنزل هو فين هو مستحيل يكون سابني فين هو
فارس:حبيبتي هو تحت تعالي ننزل متخافيش
نهلة بخوف وهي بتترعش:لا لا مش هروح في حته غير لما يجي
فارس لقى ان مفيش فايده نزل وكان سفيان راكب وقافل العربيه على مرتضى
فارس:مفيش فايده مش عايزه تنزل
سفيان:يعني ايه
فارس:فاكره انك سبتها وشكلها تعبان
سفيان:مصطفى اوعى ينزل
جري على فوق لقاها واقفه مكانها عنيها متعلقه بالشاشه غمض عينه بوجع مكنش لازم تشوف حاجه زي كدا حط ايده على كتفها وهي لفت بفزع
سفيان:ششش اهدي
نهلة بصتله بتوتر
سفيان واقف ايده جنبه:نهلة ليه منزلتيش
نهلة:س..سفياان...انت..انا افتكرتك مشيت وخفت....و..
سفيان:نهلة انا عمري مهسيبك
نهلة بصتله:انا عايزه تاخدني في حضنك!!
سفيان استغرب طلبها شويه وعرف انها خايفه تكون بتضغط عليه حضنها وهمس:دي الحاجه الوحيده اللي بتريحني يا نهلة
نهلة كان في كلام كتير جواها واسئله بس سكتت وهي بتفتكر كلام كارم وتحذيره ليها وشكله وهو بيقتل علا

#الأسيرة ♡بقلم /ندى محسن♕Noody♕

سامر سحبها وهي بتشرب وريفال اتنطرت لورا وهو بضيق:افهم هو انا مش بكلمك
ريفال:انا مش عايزة اكلمك انا مقولتش لحد ومش هقول لحد بس اتأكدت انكم كلكم متخلفين ومحدش عنده اخلاق ولا دين انتو اقذر ناس شوفتهم
سامر:ممكن تديني فرصه
شاكر:فرصه هو الكلام على ايه يا جدعان
سامر:ملكش دعوة انت
ريفال مشيت بضيق
سامر غمض عينه بضيق ومشي
شاكر ضحك:الله عليا
سامر سحب ريفال لأوضته وقفل الباب وبعصبيه:اسمعي بقاا انا مستحيل افكر فيكي انتي زيك زي هنا انتي اختي الصغيرة فاهمه يا ريفال فكرة اني افكر فيكي دي لا عملت كدا ازاي مش فاهم ومعنديش غير اني حقيقي مش عارف ازاي اندفعت كدا بس الحقيقه انك بس اختي الصغيرة مش اكتر
ريفال الدموع نزلت من عينها وبصاله بعتاب:يا ريتك مكنت اتكلمت يا.....يا ابيه سامر....انا عايزة اسافر معاهم بعد اذنك خلاص احنا هنمشي دلوقتي نهلة كدا تبقى مش جاية بعد اذنك
سامر بصلها:طب انتي بتعيطي ليه
ريفال مسحت دموعها وشارت بلا:مفيش اي حاجه
خرجت وهو اتنهد وقعد بضيق

#الأسيرة ♡بقلم /ندى محسن♕Noody♕

مرتضى قاعد في الأوضه ومغمض عينه بيفتكر
Flash back
علا خبطت على الأوضه
مرتضى:نعم
علا دخلت بتوتر:ع..عايزة اتكلم معاك
مرتضى:عايزه ايه
علا:انا مش عارفه انام....ممكن انام جمبك مرتضى انا مش لاقية تفسير ليه بتتجاهلني ليه كدا محسسني اني لوحدي حتى وانت هنا
مرتضى بجمود:وبعدين
علا جريت وحضنته وابتسمت:هنام في حضنك وحتى لو متضايق مني وانا مش عارفه السبب مش هسيبك يا حبي
مرتضى ابتسم غصب عنه وحضنها
back

مرتضى صرخ بعنف وهو مغمض عينه:ااااااه علااااااا
سفيان دخل بسرعه بيفوقه خده في حضنه وقعد يهديه
مرتضى فتح عينه وشهق:سفياان الحق سفيان دي انا شوفت علااا رجعت لحضني مبتعرفش تنام من غيري مش قولتلك علااا عايشه علااا عايشه
سفيان:مرتضى بالله عليك اهدى قلبك حرام عليك
مرتضى بدموع ابتسم:يبني انت فاكرني مجنون انا بكلمك بجد مش معنى اني دفنتها خلاص لا لا الموضوع اكبر من كدا هي عايشه جوايا روحها كلامها حتى حضنها حاسس بيه اللي...واجعني انها بس كان نفسها تعيش معايا وانا كنت كنت بوجعها بالكلام....اااااااااه صعب اختبااااار بس صعب
سفيان حضنه جامد ومرتضى بيصرخ لحد ما الدكتور دخل واداله مهدأ و ابتدى يرتخي
سفيان بوجع:خلي بالك منه مش عايز غلطه ولا تأثير
خرج دخل لنهلة اللي كانت قاعده بأنكماش حط ايده على شعرها وحضنها شالها قعدها على رجله وهي في حضنه وهمس:انا..معاكي...
نهلة مسكت فيه:انا خايفه.....هي معملتش حاجة معملتش حاجة علشان يموتها بالطريقه دي.... سفيان باس دماغها وساكت حاسس بحمل الدنيا فوق كتافه بس لازم يواسيها ويهديها
سفيان:طول منا عايش محدش يقدر يلمس شعره منك
نهلة نامت في حضنه اخيرآ

#الأسيرة ♡بقلم /ندى محسن♕Noody♕

عليا بتعيط:يا قلبي يبني انا لازم اروح اشوفه دا ملوش حد من يومه وهو بيفقد اي حد عزيز على قلبه لا حول ولا قوة الا بالله
مصطفى بوجع:حالته توجع القلب
سعاد بدموع:نروح بكرا يا حبيبي
رحمه بتوهان:انا مش مصدقه كارم يا نهار اسود لا مش قادره اصدق وسفيان عامل ايه
مصطفى:انتو عارفين ان مرتضى بالنسبه لسفيان ايه حالته وحشه خصوصآ ان مرتضى قال كلام بردو مكنش ينفع يتقال
نسمة كانت خايفه وحست ان دورها جاي مع كارم
وليد:بكرا مش هنروح في حته ونروح نشوفه دا صعب اوي
عليا بتعيط بحزن:ااااه يا حبيبي ربنا يرحمك يا علاا يا بنتي ربنا يرحمك

#الأسيرة ♡بقلم /ندى محسن♕Noody♕

نهلة بتحلم
كارم بيضحك:الله بجد عايزة انتي اللي تقتليه
نهلة ضحكت وسفيان قدامها:مش حقي؟
سفيان بصلها بصدمه
نهلة ضربته بالنار كذا مره لحد موقع غرقان في دمه
نهلة بصراخ:سفياااان لاااااا
سفيان اتنفض ومكنش نام بيفوقها:حبيبتي حبيبتي انا هنا نهلة بصيلي نهلة
نهلة فاقت دموع وحضنته بلهفه وهي منهارة:سفيااان..
سفيان باس راسها:حبيبتي مالك اهدي يا نهلة اهدي حبيبتي انا هنا مالك يا حبيبتي
نهلة بعياط:انا قتلتك انا قتلاك بأيدي يا سفيان كارم كان بيضحك وانا انا قتلتك سفياااان
سفيان بيهديها وشرد في الحلم دا اللي نهلة دايمآ تحلمه بس ليه ويمكن علشان ضغط اللي حصل بس ليه نهلة تحلم انها بتقتله رغم ان حتى في عقلها انها بتعشقه....
سفيان:كابوس يا نهلة طبيعي من اللي حصل النهاردا كابوس يا نهلة
نهلة فضلت متعلقه فيه وهو استسلم ونام
صحيو الصبح على خبط الباب
سفيان فتح واتصدم من اخر شخص جه في باله انه يشوفه..........

🌸الى اللقاء في حلقة اخرى🌸

#اشوفكوا_بكرا

اسئله الحلقة:-
شاكر بيخطت لأيه وايه غرضه ان ريفال تبعد عن سامر؟!ايه حكايه حلم نهلة دا؟!مرتضى هيقدر يكمل وينتقم ولا هيبقى صعب عليه؟!مين جه قصر ارسلان؟!