رواية ♡الأسيرة 1♡ للكاتبة/ندى محسن♕Noody♕ الفصل العشرون 20 - بقلم الكاتبة ندى محسن

♡الأسيرة♡

الحلقة19
بقلم /ندى محسن ♕Noody♕

سفيان فتح لقى شاكر قدامه
شاكر: صباح الخير
سفيان: انت بتهبب ايه هنا انا مش ناقصك وازاي الحراس سابوك
شاكر ببرود: قولتهم انا ابن عم الاموره اللي عندك ولو مسبونيش هيروحو في داهيه
سفيان غمض عينه بضيق:وعايز ايه يا زفت انت
شاكر دخل ببرود:تؤتؤ تكلم ضيوفك عدل وبعدين انا مش جاي ليك انا جاي لحبيبتي اللي انت خدتها غصب
سفيان بعصبيه:انت يله انا الشياطين بتطنطت قدامي قسما بربي عندي استعداد ادفنك مكانك
نهلة نزلت على صوت سفيان لما اتخضت انه مش جمبها
شاكر شافها نازله على السلم ابتسم وهي شافته اتسمرت مكانها
سفيان:حبيبتي اطلعي ارتاحي وانا جايلك
نهلة هزت راسها بإيجاب
شاكر:وحشتيني
سفيان:على فوق يا نهلة
شاكر:خايف مشاعرها تتشدلي عندك حق
سفيان:نهلة تعالي
نهلة طلعت خطوتين
سفيان:بقولك تعالي
نهلة نزلت بقلق
شاكر وقف قدامها:وحشتيني يا حياتي
نهلة بصت في عينه بتركيز
شاكر بصلها بتهديد:وحشتني قعدتنا يا نهلة ايه موحشتكيش
نهلة بصت لسفيان
سفيان بصلها بأطمأنان
شاكر:متردي بتبصيله ليه ولا طريقتي وحشتك
نهلة ضربت شاكر بالألم وسفيان نفسة اتصدم
شاكر حط ايده على وشه بصدمه
سفيان ابتسم بخفه
شاكر مسك دراعها:نهلة؟؟؟
سفيان لسه هيقرب وقف بصدمه من تصرف نهلة
نهلة لوت دراع شاكر وكعبلته وقعته على الأرض واترمت في حضن سفيان وهو وقف ماسك كتفه بألم وباصصلها بصدمه
نهلة:مبقتش اخاف منك واخرج براا
سفيان:اظن انت سمعت والمرة دي متدخلتش بس المرة اللي هتفكر فيها بعد كدا انا هطير رقبتك واظن انك عارف فرعون مبيهزرش
شاكر قرب جمب نهلة وهمس:هرجعك لحضني يا روحي متخفيش هترجعي بس المره دي هتتعقبي على الألم دا يا روحي
مشي وسفيان بص لأوضه مرتضى
نهلة حضنته:انا عملت الصح
سفيان:اممم اومال طول الأسبوع دا بعلمك ليه يا نهولتي
نهلة ابتسمت وهو الحزن مالي عيونه علشان مرتضى وهي باست خده:روح اطمن عليه يا سفيان اكون حضرت الفطار يا قلبي
سفيان ابتسم وباس دماغها وطلع فتح لقى مرتضى واقف على سور البلكونه اتصدم:مرتضى انت اتجننت
مرتضى بيمشي على السور:اكيد مش هنتحر اهدى بس
سفيان بعصبيه:طب انزل وبطل جنان
مرتضى نزل وضحك بدموع في عينه:يا عم انا كنت بعمل كدا وانا مخنوق وكانت علا بتيجي تخليني انزل عملت كدا بقالي ساعه و...وهي بردو مجتش!!!
سفيان بيحاول يبعد دماغه عن التفكير في اللي حصل:طب يلاا بقاا ناكل ونشوف هنعمل ايه
مرتضى:مش هاكل روح كل وسيبني
سفيان:يله انت لو ابني مش هعاملك كدا يلاا بقاا
شده وقعده على الترابيزه ونهلة حطت الأكل
مرتضى باصص لنهلة وطريقه مشيتها وابتسامتها وجه في دماغه علا
سفيان مستغرب من تركيزه مع نهلة وابتسامته:مرتضى!!
نهلة حطت الطبق قدام مرتضى سحبها وحضنها وهي اتصدمت وسفيان وقف بصدمه:مرتضى
مرتضى غمض عينه:علا..حبيبتي...
نهلة اتصدمت وسفيان سحبها وماسك اعصابه
مرتضى وقف وبص لنهلة ولسفيان وغمض عينه بضيق:س..سفيان...انا اسف....انا
سفيان:نهولة مش تحسبي كنتي هتوقعي الشربه عليه
نهلة ابتسمت لما فهمته:اسفه بقاا هو اللي سرح
مرتضى ابتسم بدموع:انا اسف للي حصل مني وامبارح والكلام اللي قولته....انا بس بس مقهور هي اخر حد لياا...تعرفو اد ايه وحشاني كأني مكلمتهاش من سنين وربنا وحشااني اوي
سفيان مسح دموعه وحضنه:هي عند اللي احسن مني ومنك عند اللي خلقنا ورحيم بينا اذكرها بالخير وادعيلها وهي سمعاك يا مرتضى
مرتضى:مش ههدى غير لما اخد بحقها يا سفيان مش هقدر اعيش طول منا مش عارف ومش قادر اني اخد بحقها
سفيان:مصطفى هيجي النهاردا ونشوف وصلو لفين
صهيب دخل بيمسح دموعه بدموع
مرتضى بصله
سفيان:مالك هو مش فايقلك تناقرو
صهيب جري حضنه جامد:انا اسف مكنتش جنبك اسف
مرتضى بدموع:شوفت صاحبك ايه اللي حصل فيه
صهيب بدموع:ورحمه اهلي مهسيبهم يا مرتضى مش هسيبهم و..وو.هموتهم كلهم
سفيان ابتسم بخفه وحضنهم
فارس كان مراقبهم بأبتسامه
شويه كدا جه وليد ومصطفى وعليا ورحمه وسعاد ونسمة
عليا حضنت مرتضى:يبني يا حبيبي ربنا يصبرك يا قلب امك
مرتضى حضنها وبصوت مهزوز:تعرفي...كنت....كنت محتاج للحضن دا.....خليكي معايا...هي هي دايمآ كانت...زي امي وهما..هما خدوها مني يا....يا داده....دول قتلوها بوحشيه......وهي كانت اطهر واحسن مخلوقه..انا بحبها وهفضل افتكرها بالخير واتمنى انها تسامحني على اللي حصل
عليا بتمسح دموعه:انا مش هسيبك هي كانت عارفه ربنا يا حبيبي خليك كويس علشان تحس انها اثرت فيك صلي يا مرتضى يا حبيبي وادعي ربنا يديك الصبر ويعوضك
مرتضى بدموع وهو لسه دافن راسه ف كتفها:تعرفي انها كانت حامل...كانت حامل بأبني في الشهر الخامس كان بيحس بيا لما انام على رجليها ويفضل يخبط واما احط ايدي على بطنها واحس بيه عارفه انا كنت ببقى فرحان ازاي اني هبني عيله ومش هبقى وحيد وبقى عندي مراتي بتحبني وهيبقى عندي ابن اتسند عليه عارفه ان كل دا في لحظات اتدمر احلامي وحياتي كلها انهارت ومين هيعوضني يا داده انتي بتقولي عوض وايه يعوض اللي راح مني
نهلة:چوليا
مرتضى رفع وشه فجاة بص لنهلة اللي دخلت بسرعه وهي حاطه الفون على ودنها عشان تعرف تسمعها:چوليا انا مش سمعاكي كويس
چوليا:حبيبتي وحشتيني طمنيني عليكي يا نهلة
نهلة بدموع:انتي وحشتيني انا بجد محتجاكي اووي معايا انتي وحشتيني يا چوليا
چوليا بقلق:حبيبتي مالك بس اهدي ايه اللي حصل حصلت حاجه وحشه الفتره اللي فاتت؟
نهلة بعياط وكأنها اخيرآ لقت اللي تحرر مشاعرها معاه وميتجرحش بس برأت تحكي اللي حصل الفتره اللي فاتت وچوليا دموعها نزلت:وهو يا نهلة مرتضى ايه حصله
نهلة:سفيان بيحاول يخرجه من اللي فيه بس صعب يا چوليا كل شويه يغم عليه وماشي بالمهدءات
چوليا بدموع:انا هنزل مصر بكرا هكون عندكوا
نهلة بإبتسامه من وسط دموعها:بجد يا چوليا
چوليا:بجد يا نهلة استنيني بكرا وخلي بالك من نفسك
نهلة:ح...حاضر
قفلت وخرجت لقت نسمه حاضنه سفيان وسفيان حاطت ايده على كتفها وفي الحقيقه سفيان كان عايز يبعدها بذوق لأنها كانت بتعيط بس طبعا نهلة مشفتش كدا والدم غلى في قلبها راحت ولسه اثر الدموع في عينها شدت نسمة وبعصبيه:انتي ايه متحترمي نفسك
نسمه:وانتي مالك انتي هو انا كلمتك
نهلة:دا جوزي
نسمه:اظن جوزك عارف الصح من الغلط
نهلة بصت لسفيان:اظن انك انتي اللي بتترمي عليه احترمي نفسك وابعدي عنه احسنلك
نسمه:لو فاكره انك خدتيه تبقي غلطانه
نهلة:اخرسي بقاا انتي مالك بيه روحي شوفيلك غيره انتي بصراحه مبتغلبيش
سفيان بعصبيه:نهلة اسكتي ولمي لسانك بقاا
نهلة دموعها نزلت من طريقه سفيان تحت انظار الكل:انت ايه انت ليه بتعمل معايا كدا مره تحسسني اني انا بس اللي في قلبك وتطلعني لسابع سما ومرة تهني ولا كأني افرق معاك وتخسف بيا سابع ارض على الأقل احترم اللي قاعدين احترم صاحبك اللي بتقول انك بتحبه....
سفيان مسك دراعها بعنف:احترمي نفسك ولتاني مرة بقولك لمي لسانك اظن انتي عارفه بتكلمي مين احسنلك تسكتي خالص
نهلة ابتسمت بوجع:عارفه بكلم مين للأسف عارفه يا فرعون
بعدت ايده وجريت لفوق بدموع
مرتضى بصلها وبصله بعتاب ووقف قدامه بخذلان:عارف ان علا كانت بنفس غيرتها وانا كنت بنفس غبائك..متنسيش بتكلمي مين......ااااه يا ريت بس ترجع وقتها.... وقتها انا مش بس هنسى نفسي انا هنسى الناس انا بس مش هفتكر غيرها بس دي مجرد امنيه وطبيعتنا مبنحسش باللي في ايدنا الا لما يروح وانا مش هسيبك تقع في غلط زي دا اطلع راضيها مراتك من امبارح تعبانه
سفيان قرب يمسح دموع مرتضى
مرتضى بعد:اطلع يا سفيان
سعاد:اطلع يبني حرام عليك تكسر بنفسها
وليد كان باصص لمكان مطلعت وسفيان لاحظ دا واتضايق لأهتمامه
مصطفى قعد مع مرتضى يواسيه وصهيب معاهم

#الأسيرة ♡بقلم/ندى محسن♕Noody♕

سامر دخل اوضه ريفال واتنهد بضيق
هنا معديه شفته بالصدفه:سامر...انت هنا بتعمل ايه
سامر وقف:مفيش كنت معدي وبعدين.....(غمض بضيق) اااه هي مشيت بسببي مشيت زعلانه مني وكانت بتعيط
هنا:علشان انت عارف كويس هي بتكره شاكر من تعامله معاها البجح وانت...انت بردو جرحتها
سامر غمض عينه:والهي العظيم انا عارف انك مش هتصدقيني بس كان غصب عني....انا هنام تصبحي على خير اتفضلي سيبيني
هنا:هتنام فين
سامر:هنا
هنا بصتله بأستغراب ومعلقتش وخرجت وهو اتنهد بضيق

#الأسيرة ♡بقلم/ندى محسن♕Noody♕

نهلة كانت قاعده على السرير بتعيط
سفيان دخل فمسحت دموعها ووقفت
نهلة جت تخرج سفيان مسكها فدموعها نزلت
سفيان:حقك عليا
نهلة بصتله وسكتت
سفيان:حقك عليا يا نهلة انا اسف بس انا تعبان انا مضغوط وعارف اني السبب ورا كل دا انا السبب في حاله مرتضى وفي حاله الكل حتى نسمه
نهلة:انت عارف كويس انه قدر ولا انت قولت كلام انت نفسك يا سفيان مش معترف بيه
سفيان بصلها
نهلة:انت منتظر مني ايه اني اشوفك في حضن واحده وابقى عادي سفيان انا ممكن اعمل اللي انت بتعمله بس لا عارف ليه علشان يا سفيان انا مراعياك
سفيان فهم هي عايزة توصله ايه وحضنها
نهلة بعدت
سفيان:نهلة
نهلة:انا مش عايزة احس تاني اني بغلط في مسامحتك يا سفيان علشان حقيقي انا بتعب علشان مش عايزة تفتكر اني ضعيفه ومفيش في ايدي حاجه وانك تهني بالشكل دا قدامهم
سفيان:انا اسف انا عارف اني غلطت انا بجد اسف يا نهلتي
نهلة بصتله ولمحت الحزن في عينه محبتش تيجي عليه وابتسمت وهو سرح ف غمازتها وابتسم باس خدها وحضنها
سفيان:ربنا يخليكي ويديمك في حياتي يا حبيبتي
نهلة:ويديمك في حياتي
نسمه كانت متضايقه ومصطفى اتعصب وساكت لحد ممقدرش يتحمل:يلاا بقاا نتكل احنا على الله
سفيان:داده عليا انتي هتبقي معانا
عليا:طبعا يا حبيبي مستحيل اسيبكم واسيب حبيبي في وقت زي دا
مرتضى كان لسه حاطت راسه على رجليها ومغمض
رحمه:خلي بالكم من نفسكم
سعاد:ربنا ينتقم من اللي كان السبب
مصطفى:انا هاخد نسمه وانت يا وليد هات ماما وخالتي رحمه
لسه نسمه هتعترض سحبها وركبها وبسرعه كان سايق وهي متضايقه:انت ايه بتتصرف من دماغك ملهاش رأي البني ادمه اللي سحبتها ولا انت فاكر نفسك ايه وفاكرنا ف معسكر امرك وعلم
مصطفى:اخرسي بقاا انتي ايه معندكيش دم سفيان متجوز ومش هقولك بيحب مراته دا بيعشقها وصاحبه حالته زفت نسمه اتهدي بقاا هو مش هيبصلك واللي في دماغك مش هيحصل سفيان مش بتاعك ومش هيكون ليكي يا نسمة
نسمة عيطت بقهر
مصطفى وقف العربيه بضيق
نسمه حطت ايدها على وشها وقعدت تعيط
مصطفى:ممكن افهم بتعيطي ليه
نسمة بعصبيه وانفعال:ملكش دعوة بيا ممكن ملكش دعوة بيا
مصطفى:تصدقي انا اللي غلطان اولعي
ساق بسرعه ووصلو البيت وهي نزلت ودخلت لجوا وطلعت على اوضتها وهو سامع صوت عياطها
مصطفى بضيق:والله اللي يشوف طوله لسانك وبجحتك ميقولش انك طفله اوي في العياط كدا

#الأسيرة ♡بقلم/ندى محسن♕Noody♕

سفيان:يعني مش هتنام
مرتضى:قولت لا
سفيان:يبني ريحني
صهيب دخل بشنط كتير
سفيان:ايه دا
صهيب:النهاردا الخميس ايه مش سهرة يلا دا انا جايب بلاوي لب وسوداني وبيبسي وفشار وحاجات بالهبل
سفيان بصله بدهشه:يبني احنا في ملكوت وانت في ملكوت تاني خالص
صهيب غمز لسفيان
مرتضى وقف واتعصب:ممكن تبطلو بقاا ممكن تسيبوني انتو فاكرين انتو كدا بتخرجوني انتو في ايه مبتفكروش وانت يا صهيب انا مفقدتش ليفون ولا عربيه ولا بيت انا فقدت حياتي
سكت وكمل بصوت مهزوز:عارف يعني ايه تشوف حياتك غرقانه في دمها ميته بأبشع طريقه ممكن تموت بيها بني ادم دا انت لو حيوان مش هيهون عليك تقتله بالطريقه دي
ضحك بأستخفاف ودموع:وعارف الأسوأ انك....انك تشوفها من اول مكانت كويسه بتستناك....لحد ميجيلها الموت وانت انت بتتفرج... بتتفرج ومتكتف مش قادر تعمل حاجه فاكرين اني هنسى فاكرين اني مش هفكر ازاي وانا شايف كل حاجه قدام عنيها حتى الان
صهيب حضنه:منقدرش نشوفك بتتدمر علشان انت صاحبنا اللي ملناش غيره وانت عارف اني مليش غيرك وانك انت اهلي مش بس صاحبي
مرتضى غمض عينه بدموع
سفيان حضنه:وانت عارف يا مرتضى كويس انا كسرتك كسراني ومخلياني تايهه انت لازم تبقى قوي لازم تجيب حقها يا مرتضى لازم....

#الأسيرة ♡بقلم/ندى محسن♕Noody♕

نهلة فتحت عينها كالعاده لقت نفسها في حضن سفيان وهو نايم ابتسمت وباست خده وجت تقوم لقته ماسكها
نهلة:انت صحيت انا قلقتك
سفيان:لا بس مكنتش عارف انام والنوم المتقطع دا تعبني
نهلة باست خده:حبيبي قوم هعملك اكله حلوة وانت هتبقى زي الفل
سفيان:تعالي بس وانا هبقى زي الفل
نهلة ضحكت:طب قوم بقاا
سفيان:الله دا انتي فكراني بهزر بقاا
نهلة برقه:سفيان انزل وبطل دلع
سفيان:دلعك دا اللي هيودينا ف داهيه وربنا
نهلة:اممم بقاا كدا طب والله منا قاعده معاك متروحش في داهية بس كدا
نزلت وسفيان ابتسم على طريقتها ونزل وراها
مرتضى قاعد على المرجيحه في الحديقه بتاعت القصر وعمال يفتكر حياته مع علا ودموعه مجفتش وغصب عنه بيعيط
مرتضى: فراقك صعب يا حبيبتي اوي
فاق من شروده على ايد على كتفه وقف واتصدم:چوليا؟؟!

#الأسيرة ♡بقلم/ندى محسن♕Noody♕

شاكر:يعني ايه
عاصم:خسرنا كل حاجه كل حاجه راحت
شاكر:يعني ايه بردو هنشحت
عاصم:مفيش حل هنرجع نشتغل بابا منشف دماغه اوي وانت لازم تعتمد على نفسك بقاا
شاكر ضحك باستفزاز:لا لا مين دا اللي يعتمد على نفسه مين اللي يشتغل واملاك جدي دي كلها مين يتمتع بيها
عاصم:بقولك مش هيدينا حاجه دا قال كفايه اللي خدناه نور الدين خلاص فاق
شاكر:واحنا عايزين رأيه في ايه بس هو مين ورثته ها مش احنا يا بابا
عاصم:احنا...انت قصدك ايه يبن عاصم
شاكر ضحك:هنسفره سفريه بعيدة اووي
عاصم بعصبيه:انت اتجننت يا زفت انت دا جدك على الله اسمعك تقول كدا والا هيبقى في كلام تاني فاهم ولا لا
شاكر بزهق:فاهم
مشي وبيبتسم بمكر:فاهم كل حاجه

#الأسيرة ♡بقلم/ندى محسن♕Noody♕

چوليا ابتسمت:اه چوليا
مرتضى باصصلها وساكت
چوليا مسحت دموعه:لسه بردو زي منت لسه بتعيط
مرتضى حضنها وانهار بقهر:خدوها مني انا خسرت اخر شخص ليا فشلت تاني يا چوليا اهلي و ومراتي خسرت كل حاجه
چوليا بتواسيه بحنيتها اللي اعتاد عليها وهو معاها:انا معاك وانت قوي مش ضعيف انا مش هسيبك غير لما تعدي الأزمه دي يا مرتضى احنا....صحاب
مرتضى بصلها بدموع:موتوها بطريقه بشعه هما... هما قعدو يشرحوا فيها لحد مماتت يا چوليا انا قلبي واجعني قلبي واجعني انا مكنش في ايدي حاجه اعملها علشان انقذها مكنش بايدي حاجه يا چوليا وانا شايفها بتموت اااااه انا حاسس اني بموت بالبطيئ حاسس اني تايهه
چوليا:متخافش مرتضى انا جمبك انت هتجيب حقها وانا معاك
مرتضى:انتي مستحيل هتاخدي مكانها يا چوليا
چوليا بصتله وكلامه جرحها نوعآ ما بس ابتسمت بحنان:محدش هيقدر ياخد مكانها يا مرتضى متخافش انا وانت صحاب وبس
مرتضى بص في عينها ولمح حزن وهو اتنهد:انا عمال اتغابى واجرح في كل اللي حواليا فسامحيني
چوليا:مزعلتش منك يا مرتضى علشان اسامحك
مرتضى ابتسم بخفه وراحه وهو لسه حاضنها
خاطر: مش عيب بردو تحضن مراتي قدامي
مرتضى لف واتفاجأه من وجوده:خاطر!!!

#الأسيرة ♡بقلم/ندى محسن♕Noody♕

سفيان حاضن نهلة من ضهرها وهي بتضحك:يا حبيبي بالله عليك سيبني اخلص اللي بعمله
سفيان:وانا مالك متعملي اللي بتعمليه
نهلة:هعمله ازاي حضرتك وانت عمال تزغزغني
سفيان عمال يزغزغها
نهلة جريت على برا:والله عيب عليك حقيقي عيب عليك دا
سفيان سحبها:الله مش مراتي
نهلة ضحكت:سفيان بس بقاا انت ايه اللي حصلك
سفيان حضنها:حبيبتي اللي حصلي اني بعشقك
نهلة ابتسمت:طب تعالى نشوف مرتضى
سفيان همس:انا هروح اشوف مرتضى انتي تقعدي يا حبيبتي هنا علشان مش معنى انه صاحبي خلاص هقبل يبقى في كلام بينه وبينك ها فخلي بالك
نهلة:انت غيرتك مجنونه وملهاش حدود
سفيان:الله دا انتي اللي معلمهاني
نهلة ابتسمت:في دي معاك حق
سفيان غمزلها وخرج واتفاجأ بخاطر
مرتضى:براا
خاطر:تؤتؤ خلي بالك انت بتغلط
مرتضى:براا احسن مطلع غلبي كله فيك
خاطر سحب چوليا:يلاا معايا
مرتضى:ايه اللي معاك انت مش هتاخدها
سحبها وچوليا بعدت عن خاطر
سفيان بجمود:انت بتعمل ايه هنا
خاطر ابتسم:فرعون عاش من شافك يا باشا
سفيان اتنهد وهو بيحاول يمسك اعصابه:عايز ايه انت بتعمل ايه هنا
خاطر:مراتي يا سيدي مراتي هي اللي اصرت تيجي هنا ال ايه تشوف سيادته
سفيان:مراتك دا كان زمان
خاطر ضحك:كان دلوقتي وحياتك اسألها
سفيان:جوليا بيقول ايه دا
چوليا بدموع:سفيان هو جوزي
سفيان بصدمه:ايه
چوليا غمضت عنيها بضيق:هو مطلقنيش...هو...هو مطلقش
خاطر ابتسم بمكر:وعلشان سيادتكم اتسرعتم انا رجعت في كلمتي ورجعتها
چوليا:ومفيش ورق يثبت...انه فعلاً طلقني
سفيان:انت فاكر نفسك ايه وبتلعب مع مين انا خسرتك كل حاجه والاحسن افلت بنفسك
خاطر ضحك بصوت عالي:المفاجاه بقأ ان انا ليا نص شركت ارسلان للمعمار
سفيان:بتقول ايه يا حيوان انت شكلك جاي على موتك
خاطر طلع نسخه من الورق:ورق صحيح 100%
مرتضى غمض عينه بضيق وسفيان فهم ومرتضى اتنهد:كارم
خاطر:عليك نور
مرتضى ضربه بعنف وغل:وانت بقى كنت معاه ورحمه اهلي ورحمتها انا مهسيبك
فضل يضرب فيه لحد مسفيان بعده بالعافيه
خاطر قام وهو بينزف:تصدق تستاهل اللي عمله فيك....بس اللي بيني وبينه بيع وشراا وبس بالتوكيل اللي صاحبك كان عملهوله ولولا انه لغاه بعد مشكلة الضرايب اللي لعب فيها مكنش هيبقى ليك حاجه
مرتضى عايز يضربه وايد سفيان منعاه
خاطر ابتسم بغل:يلا يا روحي نروح على بيتنا
چوليا:انا..مشوفتش نهلة وهي وحشاني
خاطر:طب هسيبك وهاجي اخدك بليل ها تكوني جاهزة تروحي معايا
سفيان النار كانت بتزيد في قلبه
مرتضى:يعني ايه ليه نصها انت ساكت سكتله ليه وانتي انتي ازاي قاعده معاه انتي عارفه وساخته وصلت لايه
چوليا:انت عارف لو انا رفضت اروح معاه ايه اللي هيحصل غصب عني هيطلبني في بيت الطاعه هو حاول معايا ولما رفضت خلاص عرفني اني لسه على ذمته وامر واقع....انا هدخل اشوف نهلة
دخلت ومرتضى كان هيتجنن:يعني ايه متقول حاجه هنسيبهاله بعد مبهدلها
سفيان لاحظ لهفته:الشركه ولا جوليا
مرتضى بصله:ا...الشركه...طبعآ ايه نسيت تعبنا وتعب ابوك وابويا وجدك يا سفيان علشان تبقى كدا
سفيان اتنهد:منسيتش يا مرتضى بس لازم افكر بعقل مش اتهور وخلاص انا قادر ادفنه مكانه وبعدين
مرتضى اتنهد بضيق:طب يلا ندخل ونفكر وكلم مصطفى اشوفه وصل لفين في قضيه الزفت
سفيان:سكرتير سيادتك انا
مرتضى ضحك بغلب:استحلتها والله عارف عامل زي الطفل اللي بيتدلع على ابوه
سفيان حضنه:ربنا يخليك ليا وتدلع على طول يا حبيبي
نهلة حضنت چوليا بلهفه:جوليا وحشتيني اخس عليكي يا چوليا كدا تسيبيني كدا وانتي عارفه قد ايه متعلقه بيكي
چوليا:غصب عني يا حبيبتي والله
فارس:مش تعرفينا
نهلة:چوليا دا فارس اخويا
چوليا ابتسمت:تعرفي في شكل منك بردو يا نهوله ازيك يا فارس
فارس:الحمد لله
نهلة: دي چوليا صحبتي الوحيده اللي ساعدتني كتير من اول مشوفتها
فارس ابتسم
چوليا:انت في سنه كام بقا
فارس:تالته ثانوي
چوليا:اووه شد حيلك بقاا انت عايز تطلع ايه
فارس:مهندس
چوليا:شد حيلك علشان تبقى تشتغل مع جوز اختك
سفيان:في المشمش
چوليا بصت لسفيان
فارس بغيظ:مش عايز اشتغل معاه اصلا دا واحد مريب وبعدين انا هبقى ليا شركتي
سفيان:ابقى قابلني
نهلة:سفيان متضيقهوش بقاا
مرتضى بص لچوليا:عايزك
چوليا بصتله بأستغراب
مرتضى:تعالي
مشي وهي وراه وطلع على الڤرندا
چوليا:مالك في حاجه
مرتضى:انتي عايزة تبقي معاه
چوليا بصتله بإستغراب:انت واعي للي بتقوله اكيد لا لا مش عايزة ابقى معاه بس انا رجعت لنقطه الصفر من تاني
مرتضى:مش هتروحي معاه يا جوليا فاهمه وسيبيني انا اتصرف معاه
چوليا:مرتضى انت تعبان بلاش تضغط على نفسك
مرتضى:سمعتيني
چوليا اتنهدت وهزت راسها بإيجاب

#الأسيرة ♡بقلم/ندى محسن♕Noody♕

هنا:نعم
شاكر:نعم هو انا كلمتك
هنا:ايه يعني بتهبب ايه قدام اوضتي
شاكر:كنت عايز اتكلم معاكي
هنا:وانا مش عايزة اتكلم معاك واتلم احسن وربنا افرج عليك البيت ايه دا انا افرج عليك البلد كلها
شاكر:دا انتي لسانك دا قذر
هنا:مش هيبقى اقذر منك وبعدين هو قذر مع اللي زيك
شاكر جز على سنانه:دا انتي قليله الادب
علاء:مين دي اللي قليله الأدب يا ابن عاصم
شاكر: يا عمي شوف بتتكلم ازاي معايا
علاء:وانت واقف معاها ليه
شاكر:والله يا عمي انا اتغيرت واديك شايف وبعدين عايز اصلح العلاقات اللي بوظتها واديك شايف طول لسانها
هنا بعصبيه:تصدق بقاا انك متربتش اصلا علشان تكلم بنت كدا وبعدين على مين يا شاكر دا لو السما نزلت على الأرض مستحيل انت تتغير الغدر والخيانه في دمك والتِعبان عمر ميبقاله امان
سامر:بالظبط كدا
شاكر:وانت كمان يا سامر
سامر ضربه بالبوكس ورمى علبه المخدر في وشه:دلوقتي انا عرفت ايه اللي حصل يا زباله وليه انا بصيت لريفال وليه انت اصريت تجيب العصير بدل الخدامه
شاكر اتصدم بس ضحك بغل:الله دا انت بتدور ورايا بقاا
علاء:انا مش فاهم حاجه
نور الدين:ممكن افهم ايه اللي بيحصل هنا بقاا
سامر التفت وبصله.......

🌸الى اللقاء في حلقه اخرى🌸

#اشوفكوا_بكرا

يلاا اللي لسه منضمش لجروب الفيس بتاعي ينضم🌸👇

لينك الواتباد بتاع الروايه 👇

اسئله الحلقة:-
مصطفى هيوصل لكارم؟!چوليا هتروح مع خاطر؟!مرتضى ممكن يعمل ايه؟!نور الدين هيبقى ايه موقفه مع شاكر؟!