رواية ♡الأسيرة 1♡ للكاتبة/ندى محسن♕Noody♕ الفصل التاسع والعشرون 29 - بقلم الكاتبة ندى محسن

♡الأسيرة♡

الحلقة28
بقلم/ندى محسن ♕Noody♕
#رواية_الأسيرة

هدى بعدت: براا
شاكر: اممم فكرك هسمع الكلام!؟
هدى:براا والا انا... هصوت
شاكر سحب شعرها: نعم صوتي يلا مستنيكي بس ايه الحلاوة دي كل مادا بتحلوي يا هدهود هو الجواز بيحلي كدا اومال كان مالك وانتي معايا؟
هدى بدموع وصراخ: انا بكرهك
شاكر: يعني انا اللي بحبك انا عايز فلوس
هدى: وانا مش  هديك حاجة  دا تعب ابويا
شاكر: هههههه مراح ابوكي يا حلوة وانتي هتحصليه لو مبطلتيش تنشفي دماغك
هدى: انت بني ادم معندكش دم بني ادم زباله وعديم الكرامه
شاكر لسه هيضربها بالألم لقى اللي مسك ايده وضربه على دماغه بالڤازا
ياسر ضربه في بطنه وزأه: انت ازاي تتجرأ وتدخل لمراتي يا حيوان انت
شاكر بصلها بغل وبسرعه زأ ياسر وجري
هدى الدموع مغرقه وشها وباصه لياسر
ياسر قفل الباب ولف بصلها وبص لتحت: كنت رايح لشيخ يحيى ونسيت الوقت وملقتوش في المحل بتاعه... بكرا هروح اجيبه وتسمعي منه وبعد كدا اللي انتي عايزاه يا بنت الناس هيحصل وانا مش هغصب عليكي مش انا اللي ههينك ولا هغصبك على حاجه انتي مش عايزاها
هدى جريت بدون مقدمات واتعلقت في رقبته وهي بتعيط
ياسر اتصدم وفضل ثابت شويه بس بعد كدا حن وحاوطها ورفعها ليه: شش اهدي اهدي متعيطيش
هدى: متمشيش يا ياسر انا مكنتش متوقعه انه هيجيلي انا بكرهه وبكره اليوم اللي دخل في حياتي فيه انا بكرهه
ياسر بيطبطب عليها وفي سره:مش عارف يا شاكر مش عارف اشكرك لأنك السبب انها في حضني ولا اقتلك علشان الخوف والوجع اللي هي فيه وحياتها لو فكرت تقربلها تاني وقتها مش هسيبك
هدى هديت وبعدت بصتله
ياسر ابتسم بحنان وباس جبينها:متخافيش
هدى ابتسمت بحزن
ياسر كشر:انتي بقاا ايه اللي خلاكي تفتحي الباب بشعرك دا انا نفسي اللي الأسم جوزك مبتقعديش قدامي بشعرك
هدى بحرج:كنت نازله وراك فتحت الباب لقيتك مش موجود وبعدين...انا قعدت اعيط لقيته قدامي
ياسر:وكنتي نازله ورايا ليه
هدى بكسوف:علشان...اصالحك
ياسر ابتسم:طب صالحيني
هدى بصتله وخدودها احمرت اتكلمت بخجل:انا اسفه انا غلطت في حقك
ياسر:الله دا انتي مُصَلحِتك غشيمه اووي
هدى:هاا!
ياسر:ها؟ طب ينفع اصالحك انا بالنيابه عنك
هدى عقدت حاجبها بإستغراب
ياسر غمزلها:اصالح
هدى بصاله مش فاهمه:مش فاهمه
ياسر:انا هصالحك انا كمان
هدى:بس انت مغلطتش
ياسر اتنهد:يا ستي انا راضي ملكيش دعوة
هدى ضحكت:حاضر
ياسر باس خدها وهي اتصدمت وبصتله وهو:انا اسف
قرب باس خدها التاني:متزعليش مني
هدى فتحت بؤها بصدمه
ياسر ابتسم بخبث وبص لشفايفها وقرب:مش هعمل كدا تاني
هدى حطت ايدها على شفايفها واتكلمت بصوت مكتوم:خلااص انا مش زعلانه
ياسر انفجر في الضحك على شكلها
هدى زأته وجريت بسرعه على فوق
ياسر ضحك اووي:تعالي بس يا دودو هصالحك لسنه قدام
هدى بصدمه:دا طلع قليل الأدب😳

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

سفيان صحي لقى نهلة بنته لسه على بطنه ونهلة نايمه على دراعه باس راسها وقام بهدوأ ونيم نهلة في السرير نزل لقى چوليا قاعدة تحت بتعيط
سفيان:چوليا!!انتي كويسه في ايه دراعك واجعك اطلب الدكتور طيب
چوليا:سفيان انا محتاجه اتكلم معاك انا بجد مش عارفه اعمل ايه
سفيان قعد جمبها:طب اهدي طيب واتكلمي
چوليا:مرتضى عايزنا نتجوز النهاردا
سفيان:طب دي حاجه كويسه يا چوليا انتي مش بتحبيه!
چوليا:انا بحبه يا سفيان...بس انا عارفه انه لسه متخطاش حياته مع علا ولسه في قلبه وهو مندفع مش عايزة ابقى اندفاع في حياته مش عايزة ابقى مجرد تهور
سفيان:چوليا انتي خليتي قلب مرتضى يعيش من جديد تفتكري تهور دا طلع عنينا لحد مبطل طب اقولك على حاجه
چوليا:قولي
سفيان:مرتضى اتجوز علا فعلاً وحبها بس حبه ليكي اضعاف انا صاحبه وعارف مرتضى لما علا ماتت مرماش عليا اللوم مع ان كارم عداوته معايا وهي راحت في الرجلين بس يوم مخطفوكي الفكرة نفسها كانت هتجننه كان مستعد يولع في الدنيا كلها كان عنده استعداد يأذي اي حد حتى انا
چوليا بصتله واقتنعت بكلامه:طب اعمل ايه انا لأول مره كدا تايهه
سفيان:وافقي يا چوليا محدش هيخاف عليكي قد مرتضى
چوليا ابتسمت وكأنها لقت اللي يشجعها على قرار قلبها
سفيان ابتسم ودخل المكتب بيخلص شغله وفي سره:قريب اووي هنفذلك وهوديكي قلب فرعون يا قلب فرعون
كارمن:الله غريبه
چوليا بإبتسامه بترش ميه على الزرع:ليه
كارمن:اللي يشوفك امبارح مش طايقه نفسك ويشوفك دلوقتي لازم يستغرب يا حبيبتي
چوليا اتنهدت:ااه يا كوكي سفيان بجد دا مش مجرد صديق لا دا اخ ليا تحسي كلامه دا دوا
كارمن رفعت حاجبها:اشمعنا
چوليا:اتكلم معايا وانا بجد ارتحت اووي يا كارمن
كارمن ابتسمت وغمزتلها:اقوله يجيب المأذون
چوليا ضحكت

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

ياسر فاق على صوت كسر خرج من الأوضه وخبط على هدى بقلق:هدى انتي كويسه هدى
هدى صرخت:ياااسر يا خبر اسود بجد
ياسر فتح بسرعه وبصلها بصدمه
هدى كانت لابسه شورت وبلوزه كت وهو بصلها بتوتر وهو مسهيم فاق على صويت هدى:اتحرك مش هفضل كدا
ياسر:انتي واقفه على ضهر السرير ليه
هدى بعصبيه:هيكون ليه يعني بستعرض نفسي كنت بغير وفي زفت فار كان في الدولاب وجري على الأرض وتحت السرير اتصرف بقاا
ياسر بلع ريقه بصعوبه:فااار!
هدى بصتله بأستغراب:ايه بتخاف
ياسر:انا مبخفش من حاجه... غير الفئران طبعآ انتي بتهزري
هدى بإنفعال:ياسر متهزرش واضربه ولا اعمل حاجه انت مش راجل؟
ياسر:يعني لازم اموت فار عشان ابقى راجل يخربيت الدماغ
هدى بصوت شبيه بالعياط:بالله عليك اعمل حاجه انا تلجت وقلبي هيقف من الخوف مش عارفه دخل ازاي دا تقريبآ لما كنت عند عمو يحيى بالله عليك اقتله بقاا
ياسر بمكر:بشرط
هدى:انت بتهزر
ياسر:تؤتؤ هسيبك وامشي
هدى برجاء:خلاص خلاص قول
ياسر:هتديني بوسه
هدى برقت:لا فعلآ انا كان معايا حق انت قليل الأدب وانا غلطانه اني لسه على ذمتك والله
ياسر:طب انا ماشي
هدى شافت الفار صرخت:لا لا استنااا استنى خلاص موافقه
ياسر:ولو رجعتي في كلامك
هدى:اعمل اللي انت عايزو بس مشيه انا مش هفضل كدا هموت من الخوف والله
ياسر خد مقشه وهو بيقرب بحذر والفار ظهر حدفه بالمقشه ونط فوق السرير بفزع حضن هدى
هدى شافت الفار بيخرج ابتسمت وضحكت وهي بتنط:هيييه هيييييه خرج
ياسر:بجد
هدى:ااه براڤو عليك
ياسر ابتسم بثقه
هدى ابتسمت
ياسر بصلها وبص للي لبساه
هدى بصت بإستغراب وبصت لنفسها وحاوطت كتفها بصدمه:انت قليل الأدب
ياسر حاوطها وهمس:نفذي الشرط يا دودو
هدى بلعت ريقها بصعوبه وبخفوت:ياسر...ابعد....
ياسر:نفذي يا دودو
هدى بصت لعينه بتوتر وهو ابتسم بحنان
ياسر قربها ليه
هدى:ياسر...بلاش....
ياسر باس خدها وشاف خوفها وهي خلاص هتعيط فبعد:خلاص تم التنفيذ
هدى بصتله
ياسر غمزلها:لو في اي فار انا في الخدمه يا دودو
خرج وهدى حطت ايدها على خدها ووقعت على السرير اتنهدت بعمق وجريت وقفت قدام المرايه:نهااار اسود شافني كدا يا نهااري...
ياسر من برا:نهاارك ابيض وزي العسل زيك يا دودو

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

مرتضى دخل قصر ارسلان بيقنع نفسه انه جاي علشان سفيان وعمال يتلفت حواليه
سفيان:منور
مرتضى اتنهد:انت هنا
سفيان:اممم
مرتضى:احم اومال فين الباقي
سفيان بمكر:نهلة والولاد لسه مصحيوش كارمن ف المطبخ انت جاي بدري ليه
مرتضى:انت رخم وعارف كل حاجة وبتستغفل اللي قدامك بطريقه زباله وانا فاهمك
سفيان ضحك على شكله
مرتضى اتنهد:هي فين اخلص
سفيان:يبني اهدى عليها چوليا على فكرآ منمتش وصحيت لقيتها قاعده مكانك بتعيط يبني انت فاكر علشان كام موقف انها قوبه وهتستحمل كلامك انا معرفش انت قولتلها ايه بس هي كانت منهارة
مرتضى:يا خبر اومال لو كنت قولت طب اعمل ايه يا عم عايز اتجوزها
سفيان:ميجيش كدا خد وادي معاها هي بردو خايفه تدخل علاقه جديده متبقاش غبي يا مرتضى
مرتضى:يادي النيله السودة المتسودة بسواد يا عم هي فين
سفيان ضحك:في الحديقه اهدى بس متنكدش عليها مصدقت ضحكتها
مرتضى رفع حاجبه
سفيان بمكر:اه ايه منا صاحبها بردو وكان لازم اواسيها احضن اطبطب كدا يعني واحنا عيونا متلونين بنفهم بعض شويه
مرتضى عض على شفته:لولا عارف انك مش بتاع الكلام دا وربنا كنت هحدفك بحاجه تمام تمام انا مش هسمح تستفزني
سفيان ضحك
مرتضى خرج ومشي شويه في القصر وشافها قاعده باصه للورد
مرتضى ابتسم وقرب منها وهمس:احلا ورده بتتفرج على الورد
چوليا لفت وابتسمت: جيت امتى
مرتضى: لسه جاي
چوليا: جيت بدري
مرتضى: علشان وحشتيني منتي ممرمطاني والله مش توافقي يا بنت الحلال وتريحي قلبك وقلبي وقلب فرعون وقلب كل الناس
چوليا ضحكت
مرتضى غمزلها وهو بيغني : اللي عنده ضحكه زي ديا واللي لون عيونه مش عديا يجي هنا جنبي يجي ليا
چوليا ضحكت: يبني بطل بقى
مرتضى: بحبك
چوليا ركزت في عينه وبرقه: بجد يا مرضو
مرتضى اتنهد: مرضو هيفقد اعصابه معاكي والله وهتخليني اخطفك لو موفقتيش
چوليا ضحكت: والله انت مفيش فايده فيك
مرتضى مسك ايدها باسها: ابوس ايدك وافقي شوفتي حد بيعمل كدا؟؟
چوليا ضحكت: يبني وربنا موافقه والله العظيم موافقه
مرتضى بصلها بدهشة: هاا؟
چوليا بضحك: موافقه
مرتضى: شوفتي اللي حصل معاكي يوم مقولتلك بحبك
چوليا هزت راسها بإيجاب واستغراب:اشمعنا!
مرتضى وقع على رجليها: اسنديني بقاا
چوليا ضحكت بصوتها كله
سفيان: مبروووك وانت يلا استرجل واسند طولك كدا
مرتضى: ملكش فيه بص يا سفيان انا مرتاح كدا سيبني في حالي بقاا
سفيان: يخربيتك انت ايه مصدقت
چوليا كانت بتضحك بكسوف
سفيان سحب چوليا جنبه وربع ايده ومثل الجدية:اممم نعم انت متقربلهاش لحد متتجوزو يا ذكي وانا هنا ولي امرها واخوها الكبير
مرتضى:ايه دا ان شاءالله وانا مالي بقولك ايه انا والمصحف على اخري
سفيان رفع حاجبه:نعم؟
مرتضى:خليه ينفعك يا چوليا وربنا لتجوزك النهاردا والحفله هنا في قصر ارسلان سلام يا اخو العروسه
مشي وچوليا ضحكت وبصت لسفيان
سفيان:انا هجننهولك علشان لما يخدك يقول حرمت ولو ضايقك انا موجود هبقى دايما موجود انا اخوكي واهلك واهله اللي لو مهما حصل وجتيلي هتلاقيني بس اهم حاجه لما تجيبوا سفيان الصغير اربيه انا
چوليا ضحكت:ربنا يخليك لينا هو انا ليه حساك ولي امري فجأه اللي هو انت كبير
سفيان ضحك:اممممم نهلة بتقول كدا
نهلة:كويس انك فاكر ان في نهلة والله
سفيان لف وهنا شاف نهلته حاطه ايدها في وسطها وماطه شفايفها بتكشيرة
سفيان وقف قدامها وربع ايده قدام صدره:امممم نهلتي مالها بقاا
نهلة:انت لأما تسيبني علشان بنتك اللي كل مفتح القيك منيمها على بطنك لأما تسيبني وتنزل تقعد معاهم وانا قولتك صحيني معاك وانت ولا هنا
سفيان ضحك:ياااه انا عملت كل دا من يوم وليله
نهلة:شوفت بقاا ازعل واتعصب ولا لا
سفيان:هتزعلي من سفيانك وبعدين مش تباركي لصحبتك هتتجوز النهاردا
نهلة ابتسمت:بجد مين
سفيان:مين غيره اكيد عملها الأسود اللي ربنا ابتلانا بيه
مرتضى:اشتم اشتم
سفيان:يخربيتك انت بتعمل ايه هنا
مرتضى غمز لچوليا:قولت بما ان دا بيت اخويا واخو مراتي وكدا يعني والبدل بدل اخويا يبقى ليه مخلنيش هنا لحد ماخد مراتي ونمشي
سفيان بتحدي:مش هتقعد معاها بردو
مرتضى:انا مش فاهم قلبت عليا ليه!
سفيان:بعلمك الأدب
مرتضى:طب ليه بس
سفيان:مش هقولك نهلتي خدي چوليا معاكي وچوليا مش عايزك تباني لأخر اليوم
چوليا برقه واستفزاز لمرتضى:حاضر يا ابيه
مرتضى عض شفايفه بغيظ ولسه هيقرب سفيان مسكه:ابيه ايه انتي عندك كام سنه انتي وايه الرقه دي وربنا كله هيطلع عليكي بس استني عليا استني بس
سفيان ضحك:طب ابقى تعالى جنبها هبات عندكوا النهاردا
نهلة ضحكت:خلاص هو حطك في دماغه
مرتضى:اممم عند ام زكي بقااا
سفيان:بقيت بيئه اووي يا مرضو
نهلة خدت چوليا وطلعو
مرتضى:افهم بقاا ليه عامل فيها حماا شرير
سفيان:مراتك محتاجه لدا اوعى تحسسها انها وحيدة ولا كل حاجة بمزاجك وهي ملغيه لمجرد انها ملهاش غيرك
مرتضى رفع حاجبه:وانت هتبقى احن عليها مني
سفيان:اه انا ضهرها واخوها چوليا كنز يا مرتضى لازم تحافظ عليه
مرتضى:هبتدي اغير منك على فكرآ
سفيان حط ايده على كتفه وبهدوء:ايه رأيك اوديك مع الشله الحلوة بتاعت كارم
مرتضى برق:لا يا عم الطيب احسن
سفيان ضحك:ايواا بقى كدا لم نفسك

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

هدى بتحضر الأكل وياسر واقف على الباب بيتابعها من بعيد لبعيد وهي بتتكلم من نفسها:يا نهاار اشوفه انا ازاي بس دلوقتي مكنتش قادرة اسكت فار فار مهو كان بيخاف من الفيران اااه يا لهوي على الموقف والكسوف اللي انا فيه اه.. اه انا هحط الأكل على الترابيزه وادخل اوضتي ولما ينزل ياكل براحته
ياسر كاتم ضحكته بالعافيه
هدى:بس هو بردو استغل الموقف علشان كدا قليل الأدب وانا اللي افتكرته محترم
ياسر:يعني هو مش محترم ولو شويه
هدى:لا مش...
سكتت ولفت بصدمه وهو انفجر في الضحك
هدى:انت واقف من امتى
ياسر غمزلها:من اول يا نهااار
هدى اتكسفت وقفلت البوتجاز وجت تخرج حاوطها وهي بصتله بكسوف:ياسر...
ياسر ابتسم:عيون ياسر
هدى اتكسفت اكتر
ياسر:انا عايز افهم بقاا ليه رافضه تديني فرصه
هدى بصتله
ياسر:ليه رافضه نبقى سوا ليه رافضه تحبيني
هدى بلعت ريقها بصعوبه:احبك!
ياسر:اممم
هدى:بس انت بتحب
ياسر:بحب مين بقاا
هدى:مش عارفه
ياسر:لو انتي مش عارفه ليه قولتي اني بحب
هدى بصتله ونظارها تاه
ياسر ابتسم وخرج التليفون اتصل على يحيى :الو
يحيى:ازيك يا ياسر يبني ايه اخبارك واخبار مراتك
ياسر:هطلقها
هدى بصتله بصدمه وجت تطلع مسك ايدها
يحيى:ليه بس يبني دي هدى طيبه وبنت ناس ومسيرها تعرف انك بتحبها
ياسر:انا بحبها!
يحيى:يبني انت فضلت سنين تحبها ويوم متبقى معاها عايز تسيبها متستسلمش يا ياسر هدى هتقدر دا كويس بس اهم حاجة تحسسها بحبك دا لأمتى هتفضل ساكت دي خلاص بقت مراتك
هدى بصت لياسر بصدمه
ياسر:طيب يعمي هكلمك بعدين
قفل وبص لهدى:كنتي بتقولي بحب
هدى بصاله مش مستوعبه اللي سمعته
ياسر حاوط وشها وهمس:والهي العظيم بحبك

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

ابتدو التحضيرات في قصر سفيان والعمال كلها شغاله كان مرتضى طاير من الفرحه وبيشاورلهم يحطو كل حاجه فين وسفيان قاعد متابعه بحب وكأن ابنه هيتجوز
بينما بقاا في اوضه نهلة عماله تسكت في نهلة بنتها ومش عايزة تسكت
چوليا:نهلة البس دا ولا دا الفستان المنفوش ولا السواريه
نهلة:المنفوش يا جولي احلا
چوليا:مالها
نهلة:مش عارفه والله يا چولي تعبتني بس يا حبيبت مامي بس بس
چوليا:طب اديها لسفيان هي بتسكت معاه بيتهيقلي
نهلة:وسفيان هيعمل ايه اكتر من اللي بعمله والله حيلي اتهد انا هروح اودهاله
نزلت وسفيان جري عليها لما سمع نهلة ارسلان بتعيط
سفيان:مالها يا نهلة فيها ايه
نهلة:والله تعبت يا سفيان ومش راضيه تسكت
سفيان خدها وقعد يطبطب عليها ويبوسها:مالو بس حبيب بابي القمر يا نونتي مالك يا حبيبي بسم الله الرحمن الرحيم.....بس بس يا حلوة يخلاثي على العسل والقمر دا يخلااثي
نهلة ارسلان ضحكت
سفيان ضحك وبلهفة:ينونتي يا حلوة انتي
نهلة بصدمه:انت عملتلها ايه
سفيان بيزغزغ نهلة ارسلان وهي بتضحك:بعملها كدا حبيبه قلب بابي دي
نهلة ضحكت بغيظ:انا كنت هقلب قرد وانا بحاول اسكتها وياريتها سكتت

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

هدى:ازاي...انا..
ياسر:ايوا انتي... انتي الحب الحلو بتاعي اللي هيدوم في قلبي العمر كله
هدى بدموع غصب عنها:يعني انا كنت البنت اللي بتحبها دي يا ياسر
ياسر باس ايدها:لسه بتسألي يا دودو ولو دا هيريحك ايوا انتي البنت دي
هدى ابتسمت وحضنته بتلقائيه
ياسر اتنهد بأبتسامة:علشان كدا انتي كنتي بتبعدي عني
هدى بصتله بدموع وهزت راسها بإيجاب:خفت لتجرحني وانا اتعلقت بيك يا ياسر خفت تجرحني...
ياسر باس جبينها:لعاش ولا كان اللي يجرحك يا هدى يا هدايا
هدى ضحكت بدموع
ياسر:انا بحبك اووي هاخدك ونمشي بعيد انا زيك مقطوع من شجره يا حبيبتي وانا هبقى اخوكي وابوكي واهلك وناسك
هدى ابتسمت
ياسر:طب ايه بقاا مش هسمعها منك
هدى ابتسمت بكسوف
ياسر:هاا يلا بقاا يا دودو دي كلمه بسيطه خالص
هدى:ياسر
ياسر:عيون ياسر يلا يا دودتي قوليها
هدى بصتله وبكسوف:انا بحبك وبحب حنانك وطيبتك معايا ومراعاتك ليا ربنا ميحرمنيش منك
ياسر:ايه الحلاوة دي
هدى ضحكت بخجل وياسر حضانها وبيهمس لنفسه:قبل ممشي يا شاكر موضوعك هيكون خالص اوعدك....

#رواية_الأسيرة ♡بقلم/ندى محسن♕Noody♕
متابعه لصفحتي بتنزل عليها الحلقة بدري👈Nada Mohsen

ابتدت الحفلة والمعازيم اللي قريبين من سفيان ومرتضى ابتدو يجو
رقيه:مبروك يا استاذ مرتضى
مرتضى:الله يبارك فيكي عقبالك
رقيه:عقبالك يا استاذ سفيان
سفيان بصلها وهمس:لو نهلة سمعتك مش هتلحقي تكملي جملتك
رقية:بتقول حاجه
سفيان شاف نهلة شورلها وهي جت جنبه وبص لرقيه وبصت لسفيان
سفيان حاوط كتفها بدراعه:نهلة مراتي
رقية اتفاجأت شويه لأنها مكنتش تعرف حاجه عن حياة سفيان بس عارفه غموضه علشان هي سكرتيرته في الشركه وعارفه انه مبيعرفش حد حاجه عنه بس حتى جوازه!
نهلة بصت لسفيان:مين
سفيان:اقدملك يا نهلة رقيه سكرتيرتي في الشركه من اكفئ واحسن الموظفين عندي
نهلة بصتله وكانت عايزة تقول حاجه بس سكتت وعنيها بتجيب رقيه من فوق لتحت رقيه كانت جميله وعنيها عسلي وبتلمع بدفئ كدا وانيقه جدآ في الچيبه القصيرة والقميص المطرز
مرتضى جه سحب سفيان:مهو حضرتك مش هستحمل اكتر من كداا كلمني ورد عليا فين مراتي
سفيان رفع حاجبه:نعم لسه مبقتش مراتك يا حلو
مرتضى:سفيان متتحداش صبري بقاا وربنا هطلع اخطفها واروح على البيت وربنا مهكمل الفرح واتصرف انت بقاا مع المعازيم
سفيان:عادي هقلبه فرحي
مرتضى:يبني انت ايه؟ مبتفوتش فرصه؟ يا سفيان بالله عليك ابعتلها حد دي لو كانت عروسه مولد مكنتش هتاخد الوقت دا كله في تحضيرها
سفيان:جتك البلى في الفاظك نهلتي
نهلة بصتله
سفيان:حبيبتي معلش هاتي چوليا
نهلة طلعت
مرتضى:هي مالها هاديه كدا ومكشرة
سفيان:من ساعه معرفتها على رقيه...نهاار ابيض
مرتضى:ليلتك صباحي يا معلم خلي بالك بقاا بكرا هتروح الشركه انا عريس جديد وقدامي شهر عسل
سفيان:عريس اه افضل استهبل براحتك
مرتضى:عنيف اووي انت يا سفيان شرير ااوووي
سفيان ضحك:طب غور علشان مخليش دخلتك تبقى خرجتك
مرتضى بعد بضحك:لا يا عم والنبي احييني النهاردة وموتني بكرا لا بكرا الصبحية بص استنى بس اخدلي كام شهر عسل
سفيان ضحك بغيظ
چوليا نزلت بفستان الفرح
مرتضى ابتسم بلهفة وحط ايده على قلبه
سفيان مسكه:اجمد كدا اومال
مرتضى:انا لو مراهق مش هعمل كدا
سفيان ضحك:كويس انك عارف
چوليا ابتسمت ووقفت قدامه
مرتضى قرب حاوط وشها
سفيان:الناس عيييب
مرتضى:دا انت نيتك قذره
چوليا ضحكت ومرتضى باس جيبنها
مرتضى بأبتسامه:مبروك يا عروسه مبروك يا احلا چولي
چوليا ابتسمت
سفيان:لسه كتب الكتاب اوعى ابعد عنها
مرتضى سحب چوليا للمكتب عند المأذون وصهيب ومصطفى واتكتب كتابهم
صهيب:مبروك يا عرسان
مصطفى:مبروووك عقبال ميجي ولي العهد
مرتضى ملامح وشه اتغير:لا احنا مرتاحين كدا
چوليا بصتله بعدم فهم
مرتضى اتجاهل نظرتها بأبتسامه وحط ايدها في ايدي وخرجو للمعازيم وهو كان فرحان وعمال يرقص وهي بترقص معاه وسحبت نهلة ترقص معاها ونهلة فرحت ومرتضى قعد يغني:يا احلا منهم يا فارقه عنهم انتي اللي فيهم وهما فينهم مين بس يشوفك انتي وينسى نفسه وميأمنش انه خلاص تااب خديني يلا بين ايديكي عرفت ان الهوا غلاااب الله الله على الجمال الله الله ملوش مثال الله الله جامدة اووي زي الكتاب مقال
صهيب همس:جاامده في قصر ارسلان ربنا يرحمك يا مرضو
مصطفى:سفيان شكله على اخره
انس:ازيك
نهلة وكانت بترقص مع چوليا وانس دخل بيرقص:مين!
انس:مش فكراني بس انا فاكرك
(انس دا واحد معروف عنه انه بتاع بنات ودا صاحب مرتضى ومصطفى بيحب الهزار والضحك وبيتجاهل سفيان تمامآ لأن بالنسباله سفيان جد جدا)
نهلة بإستغراب:يعني انت تعرفني
مصطفى ضحك بصوته كله:عايز تعرف فرعون ماله
صهيب:ياريت...
مصطفى:هتعرف من ردت فعله دي ليلة مرتضى عسل
نهلة:بجد
انس:اه تخيلي بقاا انا بدور عليكي لحد ملقيتك هنا وانا عمال احلم بيكي
نهلة بإستغراب وببراءه:ازاي انا مش فاهمه
انس:بقولك ايه تعالي بعيد عن الزحمه دي واقولك ازاي حلمت بيكي وحبيتك وقعدت ادور عليكي
نهلة:لا...سفيان هيتضايق
انس:سفيان!!وهو ماله انتي صاحبه الشأن يلاا بقاا تعالي
نهلة بقلق:مش هينفع
انس سحبها:تعالي بس
لسه هيتحرك لقى اللي سحب ايده لواها بعنف وايده فعلآ اتكسرت
مصطفى:يا خبر اسود دا كسر ايد الواد
صهيب برق بصدمه
انس بيتألم:ااااه انت اتجننت اااه
سفيان لسه هيقرب منه مصطفى مسكه
مرتضى:في ايه
نهلة كانت مصدومه وقربت من انس بحذر:انت كويس..سفيان ليه عملت كدا
سفيان زأ مصطفى بعنف وسحب نهلة:احب اقدملكم لكل اللي لسه ميعرفش مدام نهلة سراچ نور الدين مراتي مرات سفيان ارسلان اظن الرساله وصلت
وبص لأنس:واللي يحط ايده عليها ايده تتكسر......

🌸الى اللقاء في حلقة اخرى🌸

#اشوفكوا_بكرا

يلاا يا جماعه عايزة تفاعل واخرجو من بوست الروايه وعلقوا على الجروب ودا هيساعدني كتير عشان اللي لسه مقرأش الرواية يقرأها وجاوبوا على الأسئله الهبد مش ممنوع 😂🔥 ولينك جروبي على الفيس اهو👇

لينك الواتباد👇

اسئلة الحلقة:-
ياسر هيعمل ايه مع شاكر؟!شاكر هينجح ياخد الأملاك فعلاً؟!يا ترى مرتضى مش عايز يخلف من چوليا وچوليا ايه هتكون ردت فعلها؟!سفيان موقفه من نهلة هيكون ايه وايه اللي ممكن يحصل في الحفلة؟!

#نووووودي