رواية ♡الأسيرة 1♡ للكاتبة/ندى محسن♕Noody♕ الفصل الثلاثون 30 - بقلم الكاتبة ندى محسن

♡الأسيرة♡

الحلقة 29 وقبل الأخيرة من الجزء الأول
بقلم/ندى محسن♕Noody♕

سفيان بص لأنس: واللي ايده تيجي عليها ايده تتكسر واظن انت فاهم
انس بيتألم ووقف: دا جنون..
مرتضى لنفسه: ليلتي باظت ربنا يسامحك يا سفيان
سفيان: براا واظن انا كدا محترمك كتير علشان في بيتي طبعا ومش عايز اشوف وشك تاني يلا برا
نهلة: سفيان في ايه اهدى
سفيان بصلها بحده وهي سكتت واتوترت من نظرته الغير مبشره بالخير
انس: بص لنهلة وبص لسفيان وكان قاصد يضايق سفيان: انت متعصب عليها ليه هي كمان هي ملهاش ذنب وبعدين ايه اللي حصل لدا كله خلاص يا نهلة متخافيش انا هكلمه اهدى وسيبها هي ملهاش ذنب انت مش شايفها رقيقة ازاي
سفيان بعصبيه ومصطفى وصهيب مسكوه المرة دي: وانت مالك انت دي مراتي وانت احسنلك تغور من هنا مش عايز اشوف وشك والأحسن تخرج دلوقتي علشان ثواني وعظم جسمك كله هيتكسر
مرتضى: صهيب خد انس للمستشفى وخلاص يا جماعه المسامح كريم
صهيب سحب انس
مرتضى: يلا يا جماعه كملو الحفله دا مجرد سوء فهم
چوليا باصه على سفيان اللي باصص لنهلة بحده وقرب منها وهمس: ورايا من غير حرف
نهلة بصتله وهي قلقانه: مش هطلع...مش هاجي معاك...
سفيان: انتي كدا بتزوديها معايا وانا متماسك معاكي اووي يا نهلة فورايا يلا احسنلك ومش هعيدها تاني وانتي حره بقاا على اللي هيحصل
مشي وهي مشيت وراه وطلع على الدور الخاص بتاعهم
نهلة دخلت الأوضه وقفلت الباب: نعم انت ايه اللي عملته دا هو دا مش فرح صاحبك وبعدين تكسر ايده يا سفيان دا تصرف واحد عاقل
سفيان بيحاول يتماسك وثبتها في الباب وهو بيجز على سنانه: خليني هادي انتي ايه اللي هببتيه دا خليني ماشي معاكي واحده واحده اول مره لما مشيتي من جنبي وانا منبه متمشيش
نهلة بعد مكانت خافت من عصبيته اتعصبت: انا اللي المفروض اتخانق معاك اصلا على السكرتيرة اللي انت مشغلها دي وانا قدمتني نهلة مراتك انما هي سكرتيرتك وممتازه وبتاع انت ايه يعني مش مقدر الأباچوره اللي جمبك
سفيان: والهي مهو مراتي يعني ايه يعني سفيان هيتجوز واحده مبيحبهاش ولا انتي مبتحبيش تفكري
نهلة: انا مليش دعوة يا سفيان الموقف ضايقني
سفيان:سيبك انك مشيتي من جنبي يا ستي ماشي انا غلطان الرقص اللي رقصتيه دا تقدري تقوليلي ايه وانا منبه عليكي متتحركيش تروحي راقصه في العدد دا والناس تتفرج عليكي دا انا اللي هو انا مرقصتليش
نهلة كتمت ضحكتها وعرفت انه معاه حق:انت حقود على فكرا
سفيان بحدة:انا مبهزرش
نهلة:سفيان انت عارف انه كان غصب عني وچوليا هي اللي سحبتني
سفيان:مليش دعوة انا ليا اني قولتلك لا يعني لاا ايه مبتفهميش
نهلة اتضايقت من طريقته معاها
سفيان:نسيبنا بقاا من الرقص بس ورحمه ابويا انا مهعديهالك يا نهلة الحيواااان بقاا دا كان بيقولك ايه
نهلة كانت هتبعد بس مسكها جامد
سفيان:بت انا بكلمك اياكي تسيبيني وتمشي
نهلة:انا مش بت ومش مجبوره اقولك وانت طريقتك وحشه معايا يا سفيان
سفيان اتمالك اعصابه وبهدوء:قالك ايه يا نهلة
نهلة بصت في عينه بتحدي:مش هقولك
سفيان بعصبيه:متنجزي كان بيقولك ايه والا قسمآ بالله انا هطربقها عليكي وعلى دماغه
نهلة بضيق وعند:اعمل اللي تعمله وملكش دعوة بيا وانا هنزل وهرقص ومش مكلماك
سفيان بدأ يفقد اعصابه ولوى دراعها جامد وبحذر:اياكي تفكري تعاندي ها انا شكلي دلعتك اووي صح بس الطريق اللي هتخديه دا وحش معايا اووي انا بالذات
نهلة اتوجعت:سفييااان حااسب انت واجعني سيبني
سفيان بعصبيه:كان بيقولك ايه
نهلة خافت من طريقته وراحت معيطه
سفيان ساب ايدها وبعد خطوه واتنهد
نهلة قعدت تعيط بصوت عالي
سفيان بحنان قرب حضانها وهي كانت هتبعد دفن راسها في صدره:بس اهدي خلاص
نهلة:انت بتعاملني وحش على حسب مزاجك المفروض انك تعاملني غير اي حد مش دا كلامك
سفيان:صح دا كلامي بص حطي نفسك مكاني كدا اخد واحده ارقص معاها وشوفي هتحسي بأيه دا انا عرفتك بس بالسكرتيرة زعلتي وشوفي عملتي ايه
نهلة:صح..انا غلطت بس كان غصب عني
سفيان:اومال اشمعنا عندتي من الأول وحسستيني اني ظالمك
نهلة:علشان انت اتعصبت عليا وكان ناقص تضربني
سفيان:وفكرك انا ممكن اعمل ولا افكر في كدا يا نهلة
نهلة هزت راسها بنفي
سفيان بيحاول يبقى هادي:كان بيقولك ايه بقاا وكان سحبك فين
نهلة بهدوأ:كان بيقولي انه عارفني
سفيان حاوطها وهو ساند ايده على الباب وباصص في عينها مستنيها تكمل
نهلة:وبعدين انا استغربت علشان معرفهوش وهو قال انه حلم بيا وانه حبني اووي وقعد يدور عليا لحد ملقاني وبعدين انا استغربت وقولتله ازاي وهو سحبني علشان يحكيهولي وانا مكنتش عايزة وقولتله سفيان هيتضايق بس هو سحبني....وانت روحت جيت
سفيان اتنهد وبصلها والغل مالي قلبه ودا بان في عينه وهي لاحظت غضبه راحت حضنته بسرعه
نهلة:انا اسف انا مفكرتش وقتها
سفيان اتنهد وحاوطها:انا عارفك كويس وعارف برائتك بس هو حيوان وانا هربيه
نهلة:هو مكنش يعرف اني مراتك
سفيان:بس في بيتي....وبعدين تعالي هنا يا نهلة انتي تقدري تقوليلي بقى ايه اللي خلاكي تدفعي عنه لا وقربتي منه تطمني عليه
نهلة:علشان مكنتش شيفاه غلطان الا لما اتكلمت معاك
سفيان:مكنتيش شيفاه غلطان؟؟
نهلة:خلاص بقاا يا سفيااني انا اسفه
سفيان:لسه بقاا يا حلوة عقابك على الرقص الحلو اللي رقصتيه
نهلة:هتعاقبني!!!
سفيان:ااه عشان تحرمي بعد كدا
نهلة:منا قولتلك
سفيان:تؤتؤ بردو هتتعاقبي
نهلة بعدت بإنفعال:على فكرآ انت غلطان
سفيان سحبها تاني في حضنه وهمس:قولتلك مهما كنا بنتخانق اوعي تبعدي عن حضني ومفيش نزول تاني خليكي مع اياد ونهلة مفهوم

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

مرتضى بيرقص مع چوليا:انا فرحان اووي يا چوچو
چوليا ابتسمت:انا فرحانه اوي بس قلقانه على نهلة سفيان متعصب اووي وهي عنديه
مرتضى ضحك:بصراحه انا مش قلقان خالص دا انا قلقان عليا منه حاليآ اكتر علشان انس صاحبي وبعدين بقاا يا ستي سفيان لو متعصب على الدنيا كلها مش هيقدر يتعصب عليها ولا يأذيها
چوليا:فعلآ انا لاحظت دا
مرتضى:هتصدقيني ان سفيان لحد دلوقتي ندمان وبيضرب نفسه ميت جذمه وبيحاول يعوضها عن ايام الخطف دي وانه بيتعذب لحد دلوقتي؟يعني علشان اتسببلها في الاذى الجسدي والنفسي والخوف دا مع انه محاولش حتى يعتدى عليها و...
چوليا بأستغراب قاطعته:دي نهلة نفسها نسيت
مرتضى:دا صاحبي وانا عارفه كويس وواثق من دا حتى لو متكلمش انا زهقت بقاا ميلا نمشي
چوليا:نمشي فين
مرتضى ضحك:ايه يا چوچو فقدتي الذاكرة ولا ايه يلا يا حبيبتي على بيت جوزك
چوليا:لا لما سفيان ينزل
مرتضى:نعمم
چوليا:لما ينزل استأذنه
مرتضى رفع حاجبه:انتي صدقتي انه ابيه بجد ولا ايه چوليا يلاا
چوليا:لما ينزل هو
مرتضى عض شفته بغيظ وهنا سفيان نزل وابتسمت چوليا وراحت عليه
سفيان ابتسم:مبروك يا عروسه
چوليا:نهلة فين اومال...اوعى تكون ضيقتها يا سفيان انت عارف انها متقصدش حاجه وعارف كمان انها بريئه وبتحبك
سفيان اتنهد بأبتسامه:انتي هتوصيني عليها محدش بيحبها ولا هيحبها قدي
مرتضى:يا ستي هو انا مش قولتلك يلاا بقاا انا زهقت عايز اروح
سفيان:متهدى شويه هتمشي وتسيب الناس
مرتضى:انا مالي انا واحد هياخد مراته ويمشي
چوليا:سفيان عنده حق
مرتضى:تخرسي والله مليش دعوة
سفيان:كلمها عدل
مرتضى سحبها:سلام
خدها ومشي والكل وراها بيودعوهم وسفيان غمز لچوليا وهي غمزتله
سفيان:خليكي فاكره اخوكي موجود
مرتضى:مش هتحتاج لأخوها عشان جوزها معاها سلامات يا فرعون
سفيان ضحك وبعد ممشيو دخل لقى كارمن بتمسح دموعها وهو حضانها:ايه بس يا كوكي مالك
كارمن:مش مصدقه ان مرتضى اتجوز وهيرتاح بقى
سفيان ضحك:اومال لو كان اول مره كنتي هتعملي ايه
نهلة نزلت ولابسه بجامة برموده وسايبه شعرها
سفيان:يخربيت كدا
نهلة:انت قولت متنزليش وحد هنا كلهم مشيو انا شوفتهم من البلكونه
سفيان:بعد اذنك يا عمتو
نهلة:ينفع يا عمتو يحبسني ميسيبنيش اودعهم
كارمن:قفلت عليها الباب يا سفيان
سفيان:ازاي وهي نزلت دلوقتي اهو
نهلة:منت قولتلي على الله تنزلي وحد هنا
سفيان شالها:عن اذنك بقاا يا كوكي
نهلة:سفيان بطل بقاا نزلني
سفيان ضحك:عقابك جاي يا حلوة
نهلة:عقاب عقاب انت ايه عقابك دا

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

هدى في اوضتها وفرحانه بتسرح شعرها وبتغني لقت اللي فتح الباب اتنفضت
ياسر:والله انتي اللي خضتيني ايه عفريت
هدى:انت دخلت من غير متخبط ليه
ياسر:داخل لمراتي في ايه بقاا
هدى كشرت:تخبط بردو
ياسر حضانها:احنا مش خلاص حبينا بعض يبقى ليه عامله بردو حدود
هدى:لا يعتبر احنا مش متجوزين انت مش عرضت عليا الجواز اصلا
ياسر ضحك:ااه صح معاكي حق في دي
بعد ووقف قدامها:تقبلي تتجوزيني
هدى ضحكت:اه
ياسر:حياتي انتي
قرب يحضنها
هدى:ممنوع
ياسر:يادي النيله نعم
هدى:متتكلمش كدا
ياسر ضحك:حاضر نعم يا حبيبت قلبي انتي
هدى:احنا دلوقتي كدا مخطوبين
ياسر حط ايده على شعرها:طب منتجوز على طول اقولك نكتب الكتاب حتى
هدى:تؤتؤ فتره خطوبه
ياسر:قد ايه يعني
هدى:مممم سنتين!
ياسر رفع حاجبه:هما ساعتين احنا هنهزر انا رايح مشوار وراجع تكوني خلصتي الخطوبه ودخلنا على الفرح وهديه الخطوبه هتخرجي تلاقيها على الترابيظه ومتنزليش من الأوضه بشعرك
هدى:ودا ليه محدش هنا
ياسر بتفكير رسم ابتسامه:يا حبيبتي مش احنا مخطوبين حرام اشوف شعرك صح
هدى ابتسمت:صح اخرج بقاا
ياسر:حاضر سلام يا دودي
مشي وهي لبست الحجاب وجريت على تحت لقت علبة شيكولاته وبوكيه ورد وخاتم وابتسمت اووي هي عمر محد اهتم بيها غير باباها بعد مامتها ماتت وهي صغيره ومعرفتش معنى الحنان ابوها اكتفى بشغله علشان ميخليهاش محتاجه لحاجه بس نسي ان فعلاً الفلوس مش كافيه مدهاش اهم حاحه الحنان
شاكر:بتفكري في ايه
هدى اتنطرت بفزع
ياسر وهو على اعصابه:لو انتو متأكدين ليه مندخلش دلوقتي
الظابط:يا ياسر دا عليه كذا قضيه وانت حطيت سماعات التجسس زي مقولنالك
ياسر:اللي جوا دي مراتي وانا جبتكم علشان انا مش بتاع مشاكل وعايزو يتعاقب بالقانون
الظابط:متقلقش مش هنسمحله يأذيها
ياسر نفخ بضيق

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

نهلة بصراخ:نعععععمممم!!!!
سفيان كتم بؤها:هتصحيهم انا مش مسؤول
نهلة بدهشه بعدت ايده:انت بتتكلم بجد بقاا هو دا عقابك وربنا ميحصل انت بتهزر
سفيان:متحلفيش بس علشان هيحصل
نهلة بغيظ:انت قليل الأدب اووي يا سفيان بجد يعني
سفيان ضحك عليها:انا عايز افهم ايه قلة الأدب في اللي انا قولته افهم بس
نهلة بكسوف دفنت راسها فيه:بس بقاا انت اسكت
سفيان:دا عقابك علشان رقصتي تحت
نهلة:واعتذرت والله
سفيان:مبقبلش اعذار
نهلة وقفت بغيظ:خلاص اعمل اللي تعمله وانا هنام على الكنبه ومش هنام جنبك حتى
سفيان ضحك:طيب اما نشوف يا نهلتي هعمل تليفون بس

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

مرتضى فتح البيت:بسم الله الرحمن الرحيم ادخلي برجلك اليمين يا عروسه
چوليا دخلت لقته بيت كبير وراقي جدآ
مرتضى حضنها من دهرها:هنا هعيش عمري كله معاكي يا چوليتي
چوليا ابتسمت ولفت حضنته:انا بحبك يا مرتضى ومش هبطل احبك
مرتضى باس دماغها:وانا مش هبطل احبك وكل مادا عشقي ليكي هيزيد
چوليا ابتسمت
مرتضى شالها:تعالي بقاا يا ست الكل اوريكي اوضتنا
چوليا:طب انا ممكن اطلع
مرتضى:تؤتؤ مش عيب عروسه بالفستان دا اسيبها تطلع السلم دا
جوليا ابتسمت وحضنته ولما دخلو الأوضه نزلها وكانت مليانه ورد احمر وياسمين وعجبوها اووي
مرتضى:انا اللي مظبط كل حاجه
چوليا:كل حاجة تحفه وجميله ومميزه
مرتضى ابتسم:مش هتغيري
چوليا:اخرج برا
مرتضى:احم انا جوزك
چوليا رفعت حاجبها:براا
مرتضى:خلاص هاخد بچامه وهغير في الحمام اللي في الأوضه ولا تزعلي نفسك
خد بچامه ودخل الحمام وهي فتحت الدولاب خدت شورت وبدي كط كعادتها ولبستهم وهنا التليفون رن
چوليا ابتسمت:ابن حلال كنت بفكر فيك
سفيان ضحك:مش عيب في ليله زي دي تفكري فيا هو فين؟
چوليا:البيه بيغير
سفيان:مش عايزه اصلآ انا اتصلت اكلمك انتي
نهلة بصاله بغيظ
چوليا:خير
سفيان:البيت اللي انتي قاعده فيه دا مش بيت علا دا بيت مامته وباباه بيت علا مرتضى قرر يسيبه وكانت شقه اصلا مكنتش بيت ومرتضى عمره مجاب علا هنا
چوليا ابتسمت:تفتكر انا هفكر ي حاجه زي كدا انا حبيت مرتضى يا سفيان وانا عارفه كل حاجة عنه فحاجه زي دي عمرها متفرق معايا وانا كنت مهيأة نفسي اني هعيش في نفس البيت المهم اني مع مرتضى
سفيان:انتي عاقله وهتعرفي تحتويه بس استحمليه حتى لو حصل منه تصرف بارد الواد دا شاف كتير واتقهر كتير
چوليا:انت مش هتوصيني عليه خلي بالك بقاا عشان انا هبقى اقرب ليه منك
سفيان بيمثل الخوف:لا دا انا اطلقكوا
چوليا ضحكت
سفيان ابتسم:يلاا تصبحي على خير
چوليا:وانت من اهله
مرتضى كان واقف وراها واول مقفلت حضانها
چوليا:الله انت هنا من امتى
مرتضى:من اول مهتعيشي معايا في اي مكان
چوليا ابتسمت بحنان:انت سمعتها كلها بقا
مرتضى:اممم وانا كنت عارف انك راضيه يا چوليتي عارف انا ليه قلبي حبك يا چوليتي
چوليا ابتسمت
مرتضى:انا هموت من الجوع يلا ناكل ونشرب
چوليا رفعت حاجبها:نشرب ايه
مرتضى ضحك:انتي دماغك راحت فين يخربيتك نشرب عصير انتي عايزه البيت يولع بينا
چوليا اتنهدت:والله من اللي شوفته
مرتضى باس عنيها:اللي شوفتيه هيتمحي علشان هتبتدي معايا انا حياه تانيه ومختلفه
چوليا ابتسمت:طب يلا علشان تاكل

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

هدى:اخرج براا.. براا ياسر هيجي ووقتها انا
شاكر طلع سكينه:اممم بس مين قالك اني هستنى ياسر يجي انا لأما اخد اللي عايزه لأما هخلص عليكي زي مخلصت على ابوكي
هدى بصتله بصدمه
شاكر:تكوني فكراها صدفه تؤتؤ انا اللي بعت اللي يخبطوه وطبعآ محترفين فمحدش قدر يحصلهم
هدى بصراخ وانهيار:لااا لاا مستحيل انت كذاب
شاكر:ههههه دا انتي اللي غبيه افتكرتيها صدفه صح ودلوقتي انا هاخد كل حاجه منك واقتلك اممم صح هتقوليلي ايه اللي هيخليني اعمل كدا هقولك علشان تنقظي روح حبيب قلبك اللي وقف قصادي علشانك
هدى بعدت بخوف:انا هوديك في داهيه ليه هو عملك ايه علشان تقتله لييه مستحيل تكون بني ادم انت حيوااان وانا بكرههك ولو بأيدي هقتلك يا يا زباله
شاكر:هههه لو مت مش هيبقى بأيدك ولا بأيد حد غير شخص واحد عارفه مين حبيبتي حياتي نهلة طفلتي وعشقتي بس...بس هو خطفها سفيان ارسلاان خطف حبيبتي واتجوزها وانا هاخد فلوسك هاخد كل حاجه علشان ابقى قده علشان ادمره ووقتها حبيبتي نهلة هترجعلي ووقتها هتشوف قد ايه بحبها الكل بيترمو تحت رجلي بس انا قلبي اترمى تحت رجليها هي انا خلااااص هخودها لو حكمت اموت الكل مش ابوكي وبس
هدى صوتت:انت بني ادم مرييييض انت مررييييض
شاكر ضربها بالألم:اخرسي بقولك ايه يا حلوة انتي انا صحيح بحب نهلة وبعشقها بس مفيش مانع اقضي وقت حلو معاكي يا روح قلبي
ياسر مقدرش يتحمل وكسر الباب ووراه الشرطه
شاكر اتصدم
هدى جريت اترمت في حضن ياسر بخوف
ياسر:ششش انا اسف بس خلاص خلاص هتخلصي منه وهنمشي من هنا بس
شاكر بعصبيه:سيبوني انتو اتجننتو
ياسر بسخريه:انت اللي هتتجنن كل حاجةاتسجلت بس عارف صدمتني مكنتش اتخيل انك بالقرف دا
هدى كانت منهارة:ياسر هو قتله هو كان السبب ااااه هو قتله
ياسر بيحاول يهدي:بس اهدي بالله عليكي..انتو مش شايفين حالتها خدوه في داهية
شاكر:هرجعلكم ووقتها مش هرحم حد واي حد وقف بيني وبين نهلة هيموووت فهمين هموته

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

نهلة:كويس اني عرفت انها چوليا بدل مكان يتنكد عليك
سفيان:بتعامليني وحش اووي شريره انتي
نهلة:انا بردو
سفيان:هنام وخليكي قاعدة كدا
نهلة:وهتسيبني
سفيان:منتي مش بتسمعي الكلام
نهلة:قصدك مش بسمع العقاب بقاا صح
سفيان:مليش دعوة بقاا
نهلة:سفيان مهو دا مش منطقي
سفيان:ايه اللي مش منطقي قولتلك هصقفلك
نهلة:انا غلطانه اني بكلمك
سفيان:يا حبيبتي يعني انتي رقصتي تحت ومش عايزة ترقصي لجوزك
نهلة:ارقص بالزفته اللي جنبك دي يعني ينفع البس هدوم زي كدا فستان قصير ومفتح من كل حتى لا دي قله ادب
سفيان بيضحك ومستمتع اووي بمناغشتها
نهلة قربت وهو قعدها على رجله:حبيبي بلاش تعصبني بقاا علشان انا شريرة
سفيان ضحك وخدها في حضنه:ياااه شريره اووي انتي يا نونتي
نهلة بدلع:اه علشان تعرف بس
سفيان:وربنا دلعك دا هيوديكي في داهية معايا
نهلة بدلع:بدل ممعاك خلاص نروح
سفيان رفع حاجبه:نروح فين
نهلة ضحكت:في داهية يا حبيبي
سفيان وقفها وفرد جسمه على السرير:انتي بقاا لو عايزة تبقي معايا اعملي اللي قولتلك عليه
نهلة خدت الفستان بعصبيه:تصدق انك طفل وقليل الأدب والله
دخلت الحمام وهو انفجر في الضحك:انا قليل الأدب انا طفل ماشي حاضر انا هوريكي قله الأدب يا نهلتي

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

چوليا:والهي بطني مش قادرة انا كلت كتير اووي
مرتضى:يلا اشربي العصير
چوليا:بقولك مش قادرة يا مرضو
مرتضى بعصبيه:لتشربي الميه لتشربي العصير يا چولياااا مش هفضل اتحايل
چوليا:مرتضى...انت ليه متعصب طيب...
مرتضى:انجزي
چوليا وقفت:مرتضى في ايه دي مش طريقة!!
مرتضى اتنهد:احم....حبيبتي انا عايزك تنتظمي في الأكل علشان خاطري
چوليا خدت العصير وشربته وجات تاخد الميه
مرتضى:لا واحده كفايه
چوليا بإستغراب:ايه
مرتضى:ولا حاجه يلا بقاا يا چوليتي انا فصلت
چوليا:انت غريب اووي النهاردا
مرتضى:لا بس وحشاني
حضانها وهي حاسه بغرابه من نحيته بس اتجاهلت وحضنته بحنان
مرتضى غمض عينه بتوتر وفي نفسه:اسف يا چوليا انتي ملكيش ذنب بس انا...انا مش هقدر اعمل كدا...

#رواية_الأسيرة ♡بقلم/ندى محسن♕Noody♕
متابعه لصفحتي الشخصيه👈Nada Mohsen

سفيان:مش هتخرجي اشوفك بقاا ولا ايه
نهلة:ذوقك وحش اووي يا سفيان
سفيان ضحك:طب اطلعي بس يا حياتي
نهلة طلعت وهي فارده شعرها وهو ابتسم وغمزلها
سفيان:قمري
نهلة بصت لتحت بكسوف
سفيان:ها متقربي يا نهولتي
نهلة وقفت قدامه بكسوف
سفيان مدلها ايده وشغل اغنيه شو حلو وهي مسكت ايده
نهلة ابتسمت:هترقص معايا
سفيان بدأ يرقص معاها وهمسلها:اومال هسيبك تتكسفي كدا مش لازم اكسر الصمت دا
نهلة ابتسمت اووي على طريقته
سفيان بنفس الهمس الدافي:بكرا هخدك بقاا وننزل
نهلة:دا اشمعنا
سفيان بأبتسامه:مش عروسه يا قلبي لازم تجهزي نفسك
نهلة ابتسمت بأستغراب:ايه...
سفيان:تقبلي تتجوزيني يا نونتي
نهلة ضحكت:اسأل ولادك الأول
سفيان ضحك:اهو اللي يسمع كلامي هيقول مجنون انا بقى ميهمنيش انا عايز اتجوزك من اول وجديد بفستان فرح وشبكه
نهلة............

🌸الى اللقاء في حلقة اخرى🌸

#اشوفكوا_بكرا
يا جماعة عايزة تفاعل ويا ريت نعلق على الجروب علشان الناس الجديدة تشوف الرواية وتقرأها فضلآ منكوا لدعمي واستنوني في حلقة مليئه بالأحداث بكرا 🌸💕

لينك جروب الفيس الخاص بيا 👇

لينك الواتباد للحلقة👇

اسئلة الحلقة:-
شاكر حكايته كدا خلصت؟!مرتضى ايه معنى كلامه وليه اتصرف كدا؟!وتفتكرو ايه هيبقى موقف چوليا؟! نهلة ايه ردت فعلها على كلام سفيان؟!

#نووووودي