رواية ♡الأسيرة 1♡ للكاتبة/ندى محسن♕Noody♕ الفصل الثاني عشر 12 - بقلم الكاتبة ندى محسن

♡الأسيرة♡

بقلم/ندى محسن ♕Noody♕
الحلقة الحاديه عشر:-

سفيان: انا متماسك لأبعد حد لو حصلها حاجه ههدها فوق دماغك ودماغهم
نهلة زأت شاكر جامد وجت تخرج
شاكر سحبها من شعرها وضربها بالألم كذا مرة وهي بتعيط ولوى دراعها وهو دافن راسه في رقبتها بعنف: ها تحبي اطلعهم لحد متمضي غصب عنك يا نهولة
نهلة بدموع وانفعال: بكرهك يا شاكر بكرهك ابعد خلوه يبعد عني
سفيان على اعصابه وبيهمس: ليه يا نهلة حطتينا في الوضع دا انا برا وانتي جوا واكيد انتي خايفه دلوقتي
نهلة بتعيط وعاصم سحب نور الدين على الڤرندا:بابا انا عايز اكلمك في حاجة البت دي انا مش متطمنلها
شاكر خلاها تبصله: ايه رأيك بقاا بقينا لوحدنا تمضي بقاا زي الشطوره يلاا
نهلة: سيبني والا هتندم يا شاكر
شاكر: لما نشوف مين اللي هيندم يا نهلة
نهلة بصاله بكره وغل
شاكر ضربها بغل وسحبها وهو محاوطها ونهلة شفيتها بتنزف وهو ماسكها بغل وبيضربها وهي هنا صوتت: سفيااااان بالله عليك تعالى
سفيان عايز يدخل وايد مرتضى منعاه راح زئه بعنف وضربه بالبوكس وكسر الباب بعنف من اول ضربه اللي طلعت بحجم الغل اللي جواه ودخل لقى شاكر حاطت راسه على كتف نهلة وهي بتحاول تبعد عنه وبتبعد ايده  وهنا النار في قلبه زادت مسكه وقعد يضرب فيه بغل لحد موشه اتشوهه وبقى غرقان بالدم وعاصم بسرعه مسك الزهريه وضربه على دماغه وهو بعد ماسك راسه اللي ابتدت تنزف ونهلة صوتت بخوف
عاصم بسرعه قفل الباب وحط كراسي وراه علشان ميقربوش ومحدش يدخل
نهلة ماسكه ف سفيان وبتمسح الدم من عليه وهي خايفه وبتترعش: انت هتبقى كويس سفيان.... انا اسفه انا...
سفيان حضانها وهو باصص لعاصم بغل: نهلة انتي معايا انا مستحيل اخليهم يأذوكي
شاكر وقف وهو بيتألم وهيتجنن من قرب سفيان ونهلة
مرتضى بيحاول يدخل بس مش عارف
چوليا بخوف: هما... ناوين على ايه
علاء بص بصدمه وهو بيحاول يفكر: نهلة انا خايف عليها ممكن يعملوا فيها اي وجوزها
ابوها وامها بصوله بصدمه:جوزها؟
علاء بص لمرتضى
سراج: انت بتقول ايه
مرتضى: عمي هفهمك كل حاجه  بس بعدين  مش دلوقتي 
نهلة بتعيط وباصه لسفيان بقلق وخوف
سفيان بيهديها وهي في حضنه
شاكر:انت يله شيل ايدك من عليها
نهلة متعلقة فيه جامد لدرجة انه مش عارف يتحرك
عاصم بعصبيه:انتي يا بت ابعدي عنه يبقى ايه عشان ماسكه فيه كدا
شاكر قرب بعصبيه عشان يشدها سفيان ضربه برجله جامد في صدره كسرله ضلعه وشاكر وقع على الأرض وصرخ بألم
سفيان:تبقى مراتي واللي هيقرب منها مهما كان مين هقتله فاهمين هي تبقى مراتي مرات سفيان ارسلان مرات فرعووووون
عاصم وجه السلاح عليه:انت كذاب
سفيان:تبقااا مراتي
شاكر بغل:مستحيل معاش ولا كان اللي ياخدها مني ابعدي عنه
نهلة بعياط:هو جوزي وحبيبي مش هسيبه ومش هبعد عنه مش هبعد عنه ابدآ ضفره برقبة الف واحد من عينتك يا شاكر
شاكر بعصبيه وهو بتألم:انت متعرفش انا مين انا هقتلك وانتي بتاعتي مش هسيبك
نهلة قلبها جمد من وجود سفيان:انت اللي متعرفش هو مين هو جوزي وهو مش هيسيبك لو فكرت تأذينا
عاصم بغل:والله وعرفتي تتكلمي وترفعي عينك فيا بصي بقاا انا هعملك فيه ايه
نهلة بصت بصدمه لما لقته بيوجه السلاح على سفيان اللي رقبته غرقانه دم وف لحظه غدر من عاصم كان ضارب سفيان اللي رجع خطوتين لورا بألم وهنا نهلة صوتت بصوتها كله:سفيااااااااااان
مرتضى اعصابه سابت وهو بيحاول يفتح الباب:ازاي هنفتحه مفيش طريقه تانيه انطق
علاء بتوهان:الڤرندا
مرتضى جري على برا وچوليا وراه ومسكته لقيت ملامحه قاسيه والدموع في عينه بدل متعلن عن ضعفها هي زادت من حده نظراته
چوليا:فكر بعقل لو دخلت انت ممكن تتأذي
مرتضى:لو هتأذي مع سفيان انا راضي اشاركه ابعدو
نهلة محاوطه وش سفيان وبتترعش وهو بيحاول يتماسك وهي عماله تكتم الدم بكوفيه فستانها وهو ومنهارة:عمي ليه حرام عليك ليه...ابعد السلاح كفااااية هو بينزف كتير ابعدووووو
عاصم وجه السلاح عليها:ودلوقتي انا هخلص منك انتي ومن قرفك
نور الدين مراقب الموقف بنوع من التوهان
سفيان جسمه تلج لما شاف عاصم خلاص ملامح وشه بتقول انه هيضرب وبسرعه كان خد نهلة ف حضنه ولف خد الطلقه التانيه وهو شهق بألم
نهلة بصاله بصدمه وهي هتموت من الخوف عليه
سفيان بدموع محبوسه ف عينه:متخافيش...متخافيش..و...واللهي..انا هفديكي بأخر نفس فيا متخافيش....دا عقاب ليا مش بسببك متخافيش...سامحيني يا نهلة
نهلة حضناه وبتعيط وتصرخ:حقك عليا انا السبب انا السبب يا سفياان
سفيان ابتدى يختل توازنه ووقع عليها وهي وقعت على الأرض وبتتألم
سفيان بتوهان:نهلة لا..مش هقدر اقوم نهلة زأيني ...
نهلة منهارة ف العياط وهي ماسكه فيه:سفيان لا انا مش عايزة حد غيرك
نور الدين كان مصدوم
عاصم وجه السلاح على سفيان وقبل ميضرب كان نور الدين رافع ايده وبصله بنظرات هو مفهمهاش
نهلة منهارة في العياط وبتتكلم ببراءة :قاوم بالله عليك..اللي عايز يعيش بيعيش لو عنده اراده سفيان بالله عليك اوعى تستسلم
سفيان غصب عنه ابتسم بوجع
نهلة بدموع وهي بتمسح الدم عن وشه:انا بحبك يا سفيان انا بحبك اوي عشان كدا لازم تبقى كويس لازم
مرتضى نط ودخل بمهاره وهنا اتسمر بصدمه لما شاف سفيان اللي غرقان ف دمه والسلاح اللي ف ايد عاصم وبغل ضرب عاصم بكل قوته وفتح الباب وكل اللي دخل صرخ بفزع من منظر الدم اللي مبقاش مميز مين المتصاب نهلة ولا سفيان...
مرتضى بيحاول يتماسك وغصب عنه دموعه انسابت:لازم لازم يتنقل على المستشفى بسرعه مينفعش نستنى اسعاف
مرتضى قرب شال سفيان بحذر وهو لسه ماسك ف نهلة اللي ماسكه فيه عايزه تسنده
سفيان بصلها بحنان رغم وجعه اللي بيعافر ويحارب عشان يداريه:خلي بالك من نفسك...
نهلة بصت بصدمه وصرخت لما لقت سفيان وقع وفي نفس اللحظه وقعت مغم عليها كأنها رفضت الواقع من غيره وبمسافه مقوته ضعفت اعلنت قوتها عن الرحيل.....

#الاسيرة ♡بقلم/ندى محسن♕Noody♕

كارم:يعني بردو نفد يا زفت انت
غسان:ازاي واحنا مأجرينك ليه..
:دا مصيبه دا اتفادى الرصاص بمهاره ولا كأنه عارف هضربها امتى وازاي
كارم بعصبيه:يعني انا جايبك عشان تقولي مهاراته دا ايه القرف دا انا قولت فرصه وهنخلص منه وهو لوحده وممعهوش سلاح ولا حراس
صالح دخل:الحق يا باشا عندي خبر بقااا انما ايه
كارم:ياما جاب الغراب لأمه انطق...
صالح:فرعون متصاب اصابه خطيره وفي المستشفى
كارم:ازاي دا!!
صالح:الواد اللي خليته يراقبه قال انه نزل من بيت الحلوة غرقان ف دمه ومرتضى في حاله انهيار وهي بردو كانت مغم عليها وبتنزف
كارم قعد على الكرسي وحط رجل على رجل:وقت ضربتنا بقااا عايز اسمع خبر موته في اقرب وقت فاهم انت وهو
صالح:والحلوة
كارم ابتسم:دي بقاا هتبقى اسيرة حربي مع سفيان

#الاسيرة ♡بقلم/ندى محسن♕Noody♕

الدكتور:عايزين حد نفس فصيلته وبسرعه والا النتيجه هتسوأ اكتر
مرتضى:يعني ايه هتفضلوا سايبينه كدا
الدكتور:شوفو متبرع فصيلته Ab دا احنا كمان عايزين اكتر من واحد لأنه فقد دم كتير
نور الدين:انا هتبرع
مرتضى بص بصدمه
الدكتور:اتفضل معايا نعملك فحوصات نتأكد الاول
چوليا قربت على مرتضى
مرتضى بدموع: چوليا سفيان هيروح مني سفيان هيروح
چوليا بدموع: نهلة... عندها صدمه عصبيه.... الدكاتره بيدوها ف مهدئات مش لازم تفوق والا بتأذي نفسها ...
مرتضى سند ضهره على الحيطه بوجع
والدكاترة بدأو في العمليه لسفيان وف نص العمليه سفيان بيتعاد قدامه مشهد خوف نهلة وتمسكها بيه صراخها اللي بيقتحم كل حاجة فيه
الدكتور بصدمه:دا بيفوق بسرعه بنجوه
الممرضين:ازاي بيفوق البنج كفايه ينيمه ساعات
زودو الجرعه وهو شايف نهلة قدامه واخر كلامها لما اعترفتله بحبها ليه
الدكتور خرج واتنهد بعنف
مرتضى قرب منه مستنيه يتكلم
الدكتور:عملنا اللي علينا والباقي على ربنا....بس كان من اغرب العمليات اللي عملتها
مرتضى:ليه ايه الغريب...وليه اتأخرتو اوي كدا
الدكتور:كان بيقاوم عشان يقوم لدرجه انه كان بيفوق اثناء العمليه ودا مش سهل كأنه بيحارب عشان يعيش وكمان اتأخرنا عشان الرصاصه كانت قريبه من القلب غير اللي في كتفه من قدام وراسه اللي كانت مفتوحه اهم حااجة يفوق قبل ال48 ساعه والا ممكن يدخل ف غيبوبه
مرتضى بتنهيده:سفيااان
نقلو سفيان على العنايه المركزه ومرتضى برا متحركش من قدام الأوضه وچوليا جتله
مرتضى: نهلة عامله ايه..!
چوليا: سيبتها مع اهلها لسه زي مهي..
مرتضى مسح دموعه وهي بصاله اوي وهو بصلها بأستغراب: ايه
چوليا: انت بتحبه اوي كدا!!
مرتضى بحزن: هو عيلتي... صاحبي واخويا اللي رغم انه قدي بس بعتبره الكبير دايما  وبعدين  منتي مبطلتيش عياط على نهلة
چوليا: مكنتش اتخيل ان في راجل ممكن يبكي عشان صاحبه انت غريب او يمكن انا معرفش كتير عن الرجاله!!
مرتضى وقف قدام الأزاز بتاع سفيان وغمض عينه بوجع على حاله صاحبه ولأول مره شافه كدا

#الاسيرة ♡بقلم/ندى محسن♕Noody♕

نهلة فاقت من المنوم اللي الممرضه كل متفوق تحقنها بيه وفاطمه جريت عليها حضنتها:يا قلب امك
نهلة صوتت وهي بتبعدهم:سفيااااااان عايزة سفيياااان ابعدوو عني انا حلمت اني بقتله انا اللي بقتله هو هيموت بسببي
الممرضه:لازم اديها المهدأ لو سمحتوا ابعدو
نهلة لوت دراع الممرضة بعنف:اياكي تديني البتاع دا فين جوزي انتو عمالين تدوني القرف دا عشان محسش بحاجه وهو بيموت بيموت ردو عليا سفيان فين فين سفيان
فاطمه بصتلها والدموع في عينها
الممرضه:يا مدام نهلة جوز حضرتك في العنايه المركزه يا ريت تهدي
نهلة:ابعدوا عني والأحسن تيجي معايا توريني هو فين احسنلك فاهمه انا لازم اشوفه هو مستحيل يسيبني مستحيل  دا مستحيل يتخلى عن كل حاجه كدا مش فرعون لا مش هو...
الممرضه وصلتها لهناك بعد مفقدت الأمل انها تقنعها وچوليا شافتها ابتسمت ومرتضى مركز على سفيان من ورا الأزاز
نهلة شافت سفيان وهي بصاله بدموع وجت تدخل مرتضى وقف قدامها
چوليا بصتله بأستغراب
مرتضى بوجع:حالته دي انتي السبب فيها سفيان عمره مكان كدا هو استسلم بس لما حس انه لو اتهور ممكن انتي تتصابي انا فاهم دماغه وهو زي الأهبل خد الرصاص بس انا مش هسيبك تقربي منه تاني يا نهلة انا اسف بس مش هسمحلك انتي دلوقتي مع اهلك يا ريت تمشي بقى وكفاية انتي عايشة وحياتك مش هتقف عليه ابعدي انا حياتي كلها متعلقة بيه ابعدي عنه
نهلة باصه على سفيان بوجع ودموع:لا...انا مش هسيبه...هو وصل لكدا بسببي انا...بس بس انا مش هتخلى عنه..لأني بحبه ومش هسيبه مستحيل اني ابعد عنه
وف حركه سريعه زأته ودخلت لسفيان وهنا قلبها بقى ينبض جامد والدموع ف عنيها وبتفتكر
Flash back
سفيان حضنها:دا مكانك دايما
نهلة جت تبعد
سفيان:اوعي تفكري تبعدي عني ابدآ فاهمه
نهلة بصتله بشرود :انت اللي هتبعد.!!
سفيان ابتسم وحضنها اكتر:افرضي يا ستي انا اللي بعدت امسكي فيا انتي
back
نهلة بتقرب منه بضعف جسمها متجمد وصلت قدام سريره وبصتله وبصت للأجهزه الكتيره اللي متوصله بجسمه وانه نايم مبيتحركش كان صعب عليها الشخص اللي اتعودت عليه دايمآ جامد تشوفه ف الحاله دي ساكن مبيتحركش وهنا اتكلمت بصوت مهزوز:قوم....انت سامعني صح...بص انا عارفه انك سامعني هما بيقولو كدا انك بتبقى سامعني بس مش عارف ترد ولو عايز تقوم هتقوم انت بتحبني اوي كدا!!...انا متخيلتش انك ممكن تحب...ويوم متحب تحبني انا...تحبني انا كل الحب دا ليه......سفيان بالله عليك قوم قوم اتخانق معايا قوم كلمني او عاتبني قوم لومني اني...اني انا مسمعتش الكلام ومشيت من غيرك يا سفيان...سفيااان قوم بالله عليك انا بحبك انا محبتش حد قدك ولا هحب قدك
مرتضى شدها بعنف:نهلة......اخرجي حالآ
نهلة بصتله بدموع:لا مش هسيبه يا مرتضى مش هسيبه...
چوليا:مرتضى سيبها انت بتعمل ايه
مرتضى بعصبيه:اخرجوا ابعدو عن هنا مش عايز حد هنا
نهلة بتحاول تبعد ايده بألم:مش هسيبه ومش هبعد عنه
مرتضى زأها وچوليا حضنتها بتهديها:شكلك اتجننت يا مرتضى انت مش شايف حالتها عامله ازاي
مرتضى بعصبيه فقد السيطره على اعصابه:هي السبب في تدميره وانا ابدآ مش هسمح بكدا متنسوش اتجوزها ليه عشان بس حاسس بالذنب وواحده زيها كان يرميها احسن
نهلة بصتله بصدمه وتوهان
چوليا ضربته بالألم بعزم ما فيها والدموع في عينها:فوق بقاا انت مش واعي بتقول ايه
مرتضى حط ايده على وشه بصدمه والدموع ف عينه وبص لچوليا
چوليا دورت وشها
مرتضى خرج بخطوات سريعه
چوليا غمضت عينها بعتاب لنفسها على اللي عملته وهي شايفه حالته
نهلة كانت تايهه مش حاسه بحاجه غير بحبيبها اللي نايم بين الحياه والموت
چوليا:نهلة متفكريش في كلامه هو بس اعصابه تعبانه انا هروح اشوفه لحسن بجد هو مش في وعيه
چوليا جريت ورا مرتضى وقبل ميسوق كانت قدام العربيه
مرتضى بصلها ودور العربيه:ابعدي
چوليا حركت راسها بنفي:مش هبعد مش هسيبك....
مرتضى:ابعدي يا چوليا انا مش عارف ممكن اعمل ايه لازم ابقى لوحدي
چوليا بحنان والدموع ف عينها:وهتسيب صاحبك كدا
مرتضى:هرجع بس لما اهدى
چوليا:طب وانا هفضل في الشارع
مرتضى غمض عينه بيحاول يمتص غضبه وهنا چوليا استغلت الموقف وركبت جمبه وهو ساق بسرعه

#الاسيرة ♡بقلم/ندى محسن♕Noody♕

عاصم:حمدلله على سلامتك يخويا
شاكر بص لعاصم وحاول يتحرك اتألم
عاصم:اهدي انت ضلعك كان مكسور
شاكر بغل:كله من الحيوان دا
عاصم:متعرفش انت الحيوان دا طلع مين
شاكر:هيكون مين يعني
عاصم:سفيان ارسلان الفرعون اكبر رجل اعمال في مصر وبأشاره منه يمحي اي حد من على وش الارض
شاكر بصدمه:ودا...دا اتجوزته ازاي...وايه وصلها ليه
عاصم بشرود:دي حكايه لوحدها ولازم نعرفها عشان نشوف هنتصرف ازاي هو دلوقتي بين الحياة والموت وهي لوحدها
شاكر:ربنا يخده
عاصم:قوم بس انت بالسلامه

#الاسيرة ♡بقلم/ندى محسن♕Noody♕

نهلة قربت ايدها من ايد سفيان بحنان وهمست:انا هنا معاك مش همشي حتى لو الكل قال امشي انت مش هسيبك ابدآ ابدا.....عارف انا نفسي في ايه....نفسي انك تخدني ف حضنك دلوقتي يا سفيان في بيتي واماني.....محدش حاول يعمل نص اللي انت عملته حتى اهلي اللي الخوف سيطر عليهم حبيبي انا عيزاك تكون بخير
نهلة بصتله والدموع مجفتش من على خدها وباست ايده وقربتها حطتها على وشها
هنا شافت ملامح سفيان ارتاحت ابتسامه خفيفه على شفايفه وهي ابتسمت اوي وانهارت ف العياط من تاني

#الاسيرة ♡بقلم/ندى محسن♕Noody♕

مرتضى وقف بالعربيه ف مكان فاضى ونزل والسما بدأت تمطر
چوليا قاعده في العربيه وشايفاه حاسس بالتوهان خدت الشمسيه من الكنبه اللي ورا ونزلت وقفت قدامه:مرتضى انت هتتعب تحب تروح طيب
مرتضى بصلها وهي ماسكه الشمسيه:انا ليه في توهان دايمآ ليه يا چوليا اهلي ماتو بدري وسابوني حياتي فاضيه سفيان بعد متعلقت بيه سابني وسافر وانا دايمآ وحيد واما رجع وبقى معايا اهلي سابوني وضهري اتكسر البني ادمه الوحيده اللي حسيت انها فهماني وواقفه معايا هي بتخوني ويمكن اكون كوبري بس عشان توصل لحاجات تبع الشغل وبتخوني ليه انا تعبت ودلوقتي لما اتجاهلتها سفيان بيروح مني ليه انا دايما وحيد ليه مش مكتوب عليا اعيش مرتاح
چوليا بتمسح دموعه وهي حاسه بوجعه طبيعي هتحس لأنها عانت من نفس اللي عانى بيه اهلها سابوها بس على الأقل هما عايشين البني ادم اللي حبته حرمها من حياتها حرمها حتى من انها تكون ام بس كانت فاكره انها هتتوجع عشان مرت بنفس اللي مر بيه بس في سبب تاني عقلها رفض استيعابه على الأقل دلوقتي....
مرتضى باصصلها وهي بتمسح دموعه ومبتسمه بحنان وهو قرب مسح دموعها وحضنها جامد وهو فقد السيطره على دموعه
چولها الشمسيه وقعت من ايدها  وهي بتطبطب عليه بحنان والمطره بتشد وهنا هو بصلها وحاوط وشها وهو مركز في عينها الملونه اللي بتحسسه بالتوهان والدفئ في نفس الوقت وقرب منها
چوليا بصاله بتردد وهي شايفه حالته وهو سحبها ليه وباسها وكأنه بيشكيلها كل همومه وهو حاضنها جامد كأنه خايف لتهرب منه
چوليا غمضت لحد مستوعبت بعد فتره وحاولت تبعده بس هو لسه ماسك فيها ضغطت على رجله جامد وزأته بصدمه
مرتضى بصلها بصدمه من تصرفه
چوليا بصاله بعتاب ودموعها مغرقه وشها وراحت على العربيه قعدت وهي حاطه ايدها على وشها بصدمه ودموعها نازله
مرتضى غمض عينه بضيق وباصص ليها وقرب ركب العربيه وساق بسرعه

#الاسيرة ♡بقلم/ندى محسن♕Noody♕

نهلة قاعده جنب سفيان لسه زي مهي وهي عماله تكلمه بحنان
ريفال دخلت:نهلة
نهلة:نعم
ريفال:بابا عايزك
نهلة:مش هينفع اخرج مش هينفع اسيبه
ريفال:تعالي بس كلميه عشان هو قلقان ومينفعش يجي هنا ومينفعش تبقي انتي كمان الدكتور قال ممنوع
نهلة بصت لسفيان وهي ماسكه في ايده
ريفال خرجت:هستناكي
نهلة وقفت جت تخرج لقته ماسك ف ايده وهنا اتسمرت بصدمه وبصتله لقته بيرمش وبيفتح ببطئ وبصعوبه عشان الضوء وهي وقفت قدام وشه بدموع عشان يفتح  اول مفتح عينه اتلاقت مع عيونها اللي كانت مليانه بالدموع
سفيان بيهمس بتعب وضعف:ق..قولتي...مش...هتسيبيني
نهلة عيطت جامد وهي عايزه تقرب بس خايفه تأذيه وراحت باست ايده بحب وباست خده وهو ابتسم بتعب
نهلة:هنادي الدكتور استنى هناديه بسرعه
خرجت بلهفه ونادت للدكتور اللي مصدقش وجه بسرعه فحص سفيان وابتسم:الله دا انت اسد يا راجل
نهلة كشرت:هتحسده
الدكتور ضحك:لا بسم الله ما شاء الله ربنا يعافيه متخافيش اوي كدا
نهلة ابتسمت وسفيان باصص بنفاذ صبر
الدكتور:تعالي معايا بقاا سيبيه يرتاح
سفيان:والله مش بعدها اللي هيريحني اتفضل انت اتكل من هنا وسيبها انا اللي اقولها تخرج او تبقى وبعدين اي تعالي معايا دي انت فاكر نفسك بتتكلم مع بنت اختك
الدكتور خرج بإحراج
نهلة بصت لسفيان بإستغراب
سفيان رفع حاجبه وهو بيتجاهل المه:نعم
نهلة قربت قعدت جنبه وابتسمت والدموع في عينها ولمست وشه بسعاده
سفيان بحنان:لزمتها ايه الدموع دي
نهلة بدموع:كنت خايفه...خايفه عليك والله كنت حاسه بروحي بتروح انت كنت ممكن تسيبني
سفيان:لأول مره نفسي اعمل حاجة زي كدا
نهلة:تعمل ايه
سفيان:اصلي شكر لربنا لأني حقيقي مقدرتش حاجات كتير
نهلة ابتسمت اوي وهو مسح دموعها وهي  مسكت ايده:يبقى توعدني
سفيان بحنان:بأيه بقاا
نهلة:هتقوم بالسلامه ومش هنفوت فرض ابدآ ابدآ
سفيان ابتسم:دا احلا وعد واول وعد اوعده ليكي يا نهلة
نهلة:ووعد تاني
سفيان:وايه هو بقى يا ست الكل
نهلة:هتاخدني ف حضنك وتوعدني مش هتسيبني ابدآ
سفيان ابتسم:طب منا ممكن اعمل كدا دلوقتي
نهلة:لا انت متصاب
سفيان جه يقرب اتألم:بيتهيقلي اني متصاب فعلآ
نهلة ضحكت على طريقته وباست خده
سفيان ابتسم:لو كنت اعرف ان فوايد الرصاص للدرجه دي كنت ضربت نفسي بالنار من زمان
نهلة بعدت:تمام تمام اضرب نفسك بالرصاص وجيبلي جلطه انا كنت بموت انا كنت حاسه روحي بتروح مني انت مستحيل كنت تتخيل انا كنت حاسه بايه
سفيان:حقك عليا
وهنا جه الصوت اللي نفض نهلة من مكانها:حمدلله على السلامة

#الاسيرة ♡بقلم/ندى محسن♕Noody♕

مرتضى وصل قدام المستشفى وبص لچوليا وهو لسه مخبيه وشها بأيدها
مرتضى:انا اسف...انتي كنتي معايا وبتحاولي تواسيني وانا اتعاملت بغباء وجرحتك...چوليا انا اسف بجد بس انا كنت مضغوط وانا اسف اني قربت منك
چوليا لسه زي مهي
مرتضى:چوليا طب بالله عليكي اتكلمي او حتى يا ستي اضربيني متقعديش ساكته كدا
چوليا بصتله بنظره عتاب:انا كنت واثقه فيك بس انت لتاني مرة هدمت الثقه دي يا مرتضى.....
مرتضى بصلها وهو مركز في عينها وهي نزلت من العربيه دخلت على جوه وهو نزل وراها
چوليا وقفت وبصتله
مرتضى بحنان:انا عارف انك مش هتعرفي تزعلي مني كتير قلبك اكبر من كدا بكتير يا جوليا
چوليا بصتله:هو انت بارد فعلاً ولا بتحاول تثبتني
مرتضى ابتسم بحنان وحاوط كتفها:الطفل لما بيغلط امه بتسامحه
چوليا برقتله:نعمم!!...انت عندك حول مره تقولي تخينه ومره امك....
مرتضى ضحك بيحاول يهزر:الله دا انتي شايله كتير
چوليا:شكلك عايز تضرب
علا:مرتضى!!!!

🌸الى اللقاء في حلقه اخرى🌸

اشوفكوا بكرا 💙

يلاا بقاا يا جماعه الحلقه طويله اهي عايزه تفاعل 🌸💕

اسئله الحلقه:-
كارم هيعمل ايه وهل هينجح انه يأذي سفيان؟!مين اللي دخل على سفيان ونهلة الأوضه؟!تفتكرو موقف عاصم بالنسبه لسفيان هيبقى عامل ازاي وممكن سفيان يعمل ايه؟!مرتضى هيتصرف ازاي مع علا وليه هي في المستشفى؟!

#نووووودي