رواية ♡الأسيرة 1♡ للكاتبة/ندى محسن♕Noody♕ الفصل الثالث عشر 13 - بقلم الكاتبة ندى محسن

♡الأسيرة♡

بقلم/ندى محسن ♕Noody♕
الحلقة الثانيه عشر:-

مرتضى لف ورفع حاجبه: نعم.!! بتعملي ايه هنا
علا باصه لمرتضى ولأيده اللي على كتف چوليا
چوليا: مين!!
علا: مراته
چوليا بصت لمرتضى وانتبهت لنظرات علا فبعدت ايده بخجل وضيق
علا: انت دا كله فين مع دي وتقولي شغل وانت مقضيها معاها
مرتضى: علا اخرسي انتي بتهببي ايه هنا
علا: انت لو كان عندك دم وسألت على البني ادمه اللي في البيت دي كنت هتعرف بهبب ايه هنا
مرتضى: علا انا فيا اللي مكفيني وزياده فأخلصي بتعملي ايه هنا
علا: مش ناوي بردو تمشي معايا؟
مرتضى بنفاذ صبر: جاوبي انتي هنا ليه
علا: انا حامل يا مرتضى ودلوقتي انا داخله ف الخامس ولو كنت ركزت حتى في شكلي كنت هتحس اني متغيرة لو كنت بس بتسأل عليا كنت هتحس وتعرف
مرتضى بصلها بصدمه
علا: شوفت بقاا انك متعرفش حاجه عني شوفت اني بالرغم من اني مراتك وفي بيتك انت متعرفش اي حاجة
مرتضى ظهر على وشه ابتسامه مبهمه من وسط صدمته: حا.. حامل
علا بصت لچوليا: اتمنى لو مكنتيش عارفه انه متجوز على الأقل منظرك قدام نفسك هيبقى احسن... مرتضى انا تعبت حقيقي تعبت اكتر حاجة بتوجع الست الخيانه وانها مش ماليه عين جوزها واظن ان الخيانه عندك شيئ اساسي في حياتي بس انا تعبت ومبقتش قادره اتحمل انا همشي لازم تراجع نفسك لأما هترجع على البيت... لأما هتبعتلي ورقه طلاقي عند اهلي يا ريت تعرفني بقرارك
سابته ومشيت تحت انظار چوليا وهو غمض عينه واتنهد جاامد: يا ترى اللي جاي لسه هيبقى ايه...
چوليا بخفوت: انت بتحبها
مرتضى حط ايده على قلبه: مش عارف اكرهها مش عارف يا چوليا
چوليا بصتله شويه وطلعت

#الأسيرة ♡بقلم/ندى محسن ♕Noody♕

عاصم: حمدلله على سلامتك
نهلة اتنفضت بخوف وسفيان ماسك في ايدها وبصلها شاف قد ايه هي خايفه ودا ضايقه
سفيان ببرود مصطنع: براا
عاصم بيمثل الندم: انا اسف حقيقي مكنتش اعرف انت مين يا استاذ سفيان والحق بردو على نهلة انها خبت وبردو انت غلطت لما اتدخلت بينها وبين اهلها
سفيان ببرود: اهلها اللي كانوا بيضربوها علشان تتجوز واحد ملوش اي لازمه كان بيضربها وعايز يلمسها بالعافيه واهلها دول سبوهاله اي اهل دول معلش؟
عاصم ابتسم بغل: اممم معاك حق وهي شكلها بتحبك اوي... بعد اذنكم... عبعد اذنك يا نهولة.
سفيان: استنى
عاصم: ءأمر
سفيان: مش فرعون اللي هيسيب حقه يا عاصم هسيبك تخرج بس مش علشانك لأن الحاجه الوحيده اللي هتبقى فيك انك عم نهلة وبس ودا مش معناه اني هعفوا عنك انا مش اله علشان كدا انا مش هسيبك الحق بقاا عيش يوم حلو يا عاصم
عاصم بسخريه: ايه هتموتني
سفيان: تؤتؤ الموت رحمه وفرعون مبيرحمش اي حد والسلام يمكن لو صعبت عليا هرحمك بس بردو صعب تصعب عليا انت يا ريتك جيت عليا وبس وتستحق الموت انت جيت على اللي مينفعش تفكر في اذيتها وعلشان كدا مش هرحمك
عاصم بصله بغل وبص لنهلة بتوعد
سفيان بعصبيه:انت لسه ليك عين تبصلها ولا انت مبتعرفش غير تتعامل مع الحريم وتتشطر عليهم غور بقاا من هنا احسنلك
عاصم خرج ونهلة بصت لسفيان اوي وهي في دماغها اسئله كتيره وهو قربها قعدها جنبه
نهلة:مكنتش اتوقع انك هتبقى بالهدوء دا
سفيان:مكنش ينفع مكونش هادي
نهلة:اشمعنا
سفيان:تخيلي لو سيبته يستفزني وزعقت وحصلت مشكلة انتي هيبقى ايه وضعك حالك هيسوأ وهتنهاري انا مش عايز كدا يا نهلة مش عايزك تخافي من اي حاجه ولا حتى مني عايزك تسمعي كلام سفيان علشان بتحبيه وبتحترميه مش بس عشان هو في دماغك فرعون نهلة انا عمري مهفكر ءأذيكي ولا امد ايدي عليكي وغير كدا انا مش هسمح يبقى قلبك ضعيف كدا نهلة انا اسف انسي اللي حصل تتقطع ايدي قبل مفكر ارفعها عليكي يا نهلة مرة تانية
نهلة:مينفعش... الخوف الحاجه الوحيده اللي كانت بتخليهم يسيبوني لما يشوفوني خايفة بيسيبوني لو اتحديتهم انا مش هكون بخير
سفيان:حبيبتي انا همحي الخوف دا وهفضل جنبك ووقتها مش هخلي اي حد يقدر يكلمك حتى لو كنت انا مش معاكي انا هبقى واثق انك قدها
نهلة بقلق:متتكلمش بالطريقه دي يا سفيان بحس انك هتسيبني مش عارفة انا....
سفيان:نهلة انا عايزك قويه واضمني انا معاكي انا هطلع من هنا هاخدك مكان نريح فيه واكون خلصت شويه حاجات هنا
نهلة:مكان ايه
سفيان:مفاجأه بتتظبط لسة بس اوعديني هتسمعي كلامي
نهلة ابتسمت:اوعدك بس قولي ايه هو ودا فين
سفيان:مش هقولك دي مفاجأه ومن معرفتي بيكي هتعجبك وهتحبيها هتعشقيها
نهلة:سفيااان بالله عليك قولي انا بجد الفضول هيموتني
سفيان ضحك:منا عارف
نهلة كشرت بهزار:خليه يموت مراتك
سفيان رفع حاجبه بضحك:هو يقدر
نهلة ابتسمت
سفيان:ايوااا بقاا شكل ست نهلة وقعت في حب فرعونها
نهلة بصتله وابتسمت اوي
سفيان سحبها لحضنه ودفن راسه ف رقبتها وهمس:بعشقك يا قلب فرعون
نهلة ابتسمت وحضنته وهي بتبعد على قد متقدر عن جرحه
چوليا:احم احم نحن هنا يا حلوين
نهلة بعدت وسفيان بصلهم بغيظ
چوليا:حمدلله على السلامه يا بطل
سفيان:الله يسلمك
مرتضى:ربنا يخدك
سفيان رفع حاجبه:يبني انت ايه يخربيت لسانك الزفر دا
مرتضى:هو كدا بقاا
چوليا:من ساعه مشافك مغم عليك وهو مبطلش عياط سيبك من الدور دا انت لو شفته وهو واقف برا مستحيل كنت تصدق ان دا هو دا
سفيان بحنان:منا عارف انتي هتقوليلي دا انا اللي مربيه
مرتضى:تربيه زباله بعيد عنك
سفيان بصله بغيظ ومرتضى جري اترمى في حضنه وسفيان اتألم
نهلة بلهفة :حاسب خلي بالك
مرتضى بصلها بحدة وهي بعدت بتوتر
سفيان لاحظ نظرة مرتضى وتوتر نهلة:في ايه؟
مرتضى قعد على الكرسي اللي جنب سفيان بهدوء وريح جسمه لورا :عايز افهم انا بقاا انت ناوي على ايه
نهلة بضيق:هو بيحبني
مرتضى اتجاهلها:ها يا سفيان ناوي معاها على ايه
سفيان بتهكم:يعني ايه ناوي معاها على ايه انت اتهبلت يله!!!
نهلة:سفيان انت بتحبني صح مش متجوزني بس علشان ترضي ضميرك سفيان قول الحقيقة
مرتضى بصلها بتحذير:اخرسي انتي خالص
چوليا بصتله بصدمه:انت بتتنيل تقول ايه انت
سفيان بإنفعال:مرتضى انت ازاي تتكلم معاها كدا في ايه
مرتضى:اظن انك عملت اللي عليك لا واتجوزتها وخليتها حرم سفيان ارسلان اي بعد كدا؟ خلاص بقاا خليها تغور انا مش حمل اني اخسرك عشان واحدة اهلها متخلفين وهي الله اعلم بيها وفقت تتجوزك ازاي من ورى اهلها
سفيان قطع كلامه بلكمه في وشه بعزم ما فيه ومرتضى اتنطر بألم
سفيان قعد بعصبيه متجاهل المه: انت اتجننت اللي بتتكلم عنها دي تبقى مراتي وإياك تفكر تجيب سيرتها بحاجه وحشه انا بحذرك لأما قسمآ بالله هنسى العلاقه اللي بينا
مرتضى اتنهد بعنف وعرف انه غلط انه اندفع وفقد اعصابه بالطريقه دي وحاول يتكلم:سفيان انا...
سفيان:براا اخرج دلوقتي احسن يا مرتضى امشي ومش عايزك تقعد هنا روح على البيت
مرتضى عرف ان الاحسن يسيبه وقبل ميمشي
سفيان:استنى هات التليفون بتاعي اكيد هو معاك
مرتضى طلعه ادهوله وخرج
چوليا محاوطه كتف نهلة والدموع مغرقة عين نهلة وسفيان اتجاهل النظر ليها:انا عايز ارتاح خدي نهلة واطلعي يا چوليا
نهلة:لا سفيان انا مش
سفيان قاطعها وهو بيجز على سنانه:اطلعي مع چوليا يا نهلة
نهلة اتوترت من طريقته ولاقت الأحسن تخرج مع چوليا
ولما خرجت سفيان فتح التليفون وكلم كذا حد:الموضوع دا ينتهي فااااهم

#الأسيرة ♡بقلم/ندى محسن♕Noody♕

علا ابتسمت واترمت ف حضنه:انا مكنتش اتوقع انك تيجي يا مرتضى
مرتضى ابتسم بحزن وارهاق وحضنها وهو بيهمس:للدرجه دي كنت وحش ف عينك
علا ابتسمت ودموعها انسابت:طول عمري وانت حلو في عيني يا مرتضى ومكنتش اتجرأ اني اظلمك او اطلب الطلاق بس كان بيصعب عليا نفسي اني بهون عليك وانك بعيد اوي عني كدا وحشني كلامي معاك وحضنك وضحكتك انت وحشتني انا عايزة افضل اتكلم معاك
مرتضى كان متردد اوي
علا لاحظت دا ودا خلاها اتعلقت فيه اكتر:مرتضى انا عايزه اعرف ليه عملت معايا كدا وهل العيب مني يعني انا غلطت...ورجوعك دا عشان قولتلك هبعد...ولا علشان البيبي
مرتضى:تعرفي كارم السيوفي منين يا علا
علا:كارم السيوفي بس انا
مرتضى:غسان تعرفيه منين
علا:بس انا معرفش حد اسمه غسان
مرتضى بعد ومسكها بعنف وهو غضبه بيسيطر عليه:انتي وجعك الخيانه وانا ايه ها ايه مش بحس مش بتوجع اما اعرف ان مراتي ست الحسن والجمال واحده رخيصه وخاينه
علا بصدمه:انت بتخرف تقول ايه انت لو مكنتش عايزني الاحسن تطلقني من غير متقول كلام يجرح وكلام زباله زي دا مرتضى انا اللي غلطانه اني سمحتلك تتعدي حدودك معايا سيب ايدي انت اتجننت يا مرتضى
مرتضى مسك شعرها بعنف:انا كنت غبي انا كنت غبي اني صدقتك يا علا انا جوايا نار ودا كله بسببك انا مش حارمك من حاجه وكل اللي انتي عيزاه تحت رجلك قبل متطلبيه ليه عملتي كدا
علا كانت مصدومه من كلامه وبإنفعال:انت اتجننت يا مرتضى اكيد اتجننت سيبني
مرتضى زأها بعنف وراح ضربها بالألم وهي صوتت بألم وهي واقعه في الأرض
علا بألم وصراخ:مرتضى انا حامل انت بتعمل ايه حرام عليك
مرتضى شدها من شعرها بعنف والدموع في عينه:انتي ليه عملتي كدا اديني اجابه ليه خنتيني والله اعلم دا ابني فعلآ ولا
علا ضربته بالألم وهي منهارة:اخرس اخرس انت بتقول ايه يا حيوان انت انا اشرف منك ومن الف واحد زيك ومن عينتك القذرة انا اللي غلطانة انا اللي رخصت نفسي لما رضيت بواحد زيك
مرتضى بصلها بعصبيه ووشه احمر وهي خافت من هيئته اللي اول مره تشوفها وهو راح ضربها بالألم وزأها بعنف على الأرض ودخل اوضته وهي قعدت بألم وعياط والمها وصل بيها انها تصوت بصوت مكتوم وهو مقدرش يستحمل خرج ولقاها بتغيب عن الوعي ووشها مصفر وهو قعد يحركها وهي بصتله بتعب
مرتضى قلق من شكلها:علا... علا بصيلي ها بصيلي
علا عينها بتقفل وجسمها ارتخي ومرتضى طلب الدكتور وشالها حطها على السرير
الدكتور:هي مجهده لازم ترتاح خالص والله انا مش مسئول عن اللي ممكن يحصل خصوصآ انها ف اول حمل ليها
مرتضى:شكرآ
الدكتور:الدوا دا هتهولها وتاخد منه بإنتظام
مرتضى خده ونزل جابه وهي فاقت ملقتهوش قعدت تعيط بحرقه:هو ازاي وصلت بيه للدرجه دي ولو في دماغه اني خاينه سايبني ليه كدا ميطلقني بس لا يا مرتضى انا اتحملت كتير الا اتهامك دا لحد هنا وانا مش هقدر...

#الأسيرة ♡بقلم /ندى محسن ♕Noody♕

نهلة:طب انا عايزه ادخله
چوليا:انتي شوفتيه عامل ازاي حبيبتي بلاش بدل ميتعصب عليكي وتزعلي منه
نهلة:لا يا چوليا هو متعصب وانا مينفعش اسيبه كدا لأنه زعلان علشاني هو بيحب مرتضى اوي واتضايق اكيد انه مد ايده عليه وطبيعي هيتضايق مني لأني السبب انا عايزه اصالحه
چوليا:حبيبتي هو عايز يبقى لوحده استني يروق وبعدين كلميه زي منتي عايزه
نهلة:طب بصى انا هحاول اكلمه...ماشي
چوليا بقله حيله:خلاص حاولي
نهلة خبطت على اوضته مبيردش فبصت عليه من الأزاز لقته بيلعب ف التليفون فأتغاظت وخبطت جامد
سفيان كتم ضحكته بغيظ
نهلة دخلت:على فكرآ انت بارد ورخم وانا مش هخبط بعد كدا عشان انت بتتجاهلني
سفيان:تعالي
نهلة حست بالخوف وهي بتراجع كلامها :انا... مقصدتش...
سفيان:تعالي يا نهلة مش هعيدها تاني
نهلة قربت بقلق وهو سحبها ليه وهو لاوي دراعها وقريب منها
سفيان اتكلم بمناغشة ملاحظتهاش:هاا بقاا رخم وبارد وايه تاني
نهلة غصب عنها دموعها انسابت بخوف:انا مقصدتش انا بس كنت عايزه اطمن عليك و..
سفيان سابها بصدمه:نهلة انتي بتعيطي ليه دلوقتى هو انا مش قولتلك بكره دموعك ها
نهلة بتمسح دموعها:اسفه... انا هطلع انا هسيبك
سفيان حضنها بحنان:ينفع تخرجي وتسيبيني كدا انا كنت بهزر معاكي نهلة اوعي تزعلي او تخافي مني انا فاهمه
نهلة دفنت راسها ف رقبته وهي متعلقة فيها وهو ابتسم وحاوطها بأيده اللي مش مربوطه ف كتفه ونامت في حضنه

#الأسيرة ♡بقلم/ندى محسن♕Noody♕

مرتضى دخل لقاها بتجر الشنطة:ايه دا على فين
علا:همشي... مش هتشوف وشي تاني وطلقني يا مرتضى
مرتضى بصلها ولمح وجع في عينها
علا بدموع وحزن:مرتضى... انا مش هقولك اي حاجه.... لأنك مبتتناقش انت بس بتضرب وانا معنديش استعداد اخسر ابني اللي جه بعد مكنت فاكره اني مش هخلف كنت فاكره ان تعاملك معايا بالطريقه دي علشان عدم الخلفه بس شكلك.. شكلك فعلآ مش عايزني ولا عايزو
مرتضى:تعرفي غسان منين يا علا
علا بصراخ ودموع:انت اتجننت قولتلك معرفش حد اسمه غسان اي بطلت تسمع وتفهم
مرتضى فتح التليفون وفتح صورها مع غسان وهو بيديها فلوس وبتديله ورق
علا بصت للتليفون وبصتله بعدم فهم
مرتضى :متتكلمي تعرفيه منين يا مدام يا محترمه
علا بصدمه:دا نور
مراضى: نور؟
علا :دا اللي عرض عليا ديكور البيت وانا قبلت عشان كنت عملالك مفاجأه لما كنت مسافر لندن مع سفيان بس انت حتى ملحظتش دا ايه داخله في اللي انت بتقوله دا
مرتضى:الفلوس دي والورق
علا:طلب مني املى استماره وكان بيرجع باقي الفلوس انا مش فاهمه مرتضى انا مبقتش عايزه اعيش معاك اكتفيت يا مرتضى من تصرفاتك
مرتضى ابتدى يفهم اللي بيحصل وغمض بقهر:يا ولاد الكلب سفريه لندن والضرايب... الصور اللي اتبعتت لسفيان وقرر ياخدني علشان يهديني يا ولاد ال... ورحمه امي مهعتقكو
علا جت تمشي سحبها في حضنه وابتسم اوي براحه وهي بصتله: سيبني بقاا انا بقاش فيا حيل اعاتب وانت لأول مره تضربني بالطريقه دي وانت بدل معملتها مره هتكررها
مرتضى باس راسها وحضنها: حقك عليا حقك عليا انا اسف يا علا اسف حقك عليا انا كنت غبي ومجربتش حتى اكلمك حقك عليا سامحيني بس غصب عني بتجنن يعني اعرف ان مراتي على علاقة بواحد وابقى هادي
علا بصتله بدموع: انت بجد فاكر اني ممكن اخونك او اجرحك يا مرتضى
مرتضى مسح دموعها وهز راسه بنفي
علا: قول الحقيقه
مرتضى شالها: الحقيقه ان انا بعشقك ولازم ترتاحي بقاا وبعدين ايه حضني موحشكيش اتعودتي تنامي لوحدك وتعيشي لوحدك ولا اي لا مش هيبقى في الكلام دا بعد كدا يا قلب وروح وعشق مرتضى
علا ابتسمت بحب والدموع في عينها: للأسف متعودتش مكنتش بعرف انام غير في اوضتنا جنب هدومك مع انك كنت مانع ادخلها بس انا مقدرتش مدخلهاش
مرتضى ضحك: علشان كدا يا لولي كنتي بتقفلي باب الشقه وتخليني ارزع طول الليل
علا ضحكت: عقبال مبصحي وارتب السرير وافتح
مرتضى دخل ونيمها ونام جنبها وهو ابتسم: تعرفي رغم النهاردا وحش وكل حاجة حصلت فيه متعبه بس انا راضي راضي علشان انتهى وانتي في حضني
علا ابتسمت اوي وحضنته وهو قرب باسها

#الاسيرة ♡بقلم/ندى محسن ♕Noody♕

نهلة فاقت لقته لسه نايم وهي ابتسمت على برائته حتى وهو تعبان موافقش انها تروح وصمم انها هتنام في حضنه والدكاترة عجزو عن اقناعه
سفيان فتح لما حس انها بتبعد
نهلة: قلقتك اسفه
سفيان: عارفه لما حد ياخد قلبك
نهلة بصتله بأستغراب
سفيان: بحس بكدا لما تبقى ف حضني وتبعدي
نهلة ابتسمت وحضنته: على فكرآ كان واحشني كلامك الحلو مع اني بستغربه منك
سفيان ضحك بمناغشه: كان واحشني انا كمان والله
نهلة ضحكت
سفيان غمزلها: طب ايه بقى بما اننا لوحدنا
نهلة بصتله بغيظ: انادي حد يعني ولا ايه
سفيان ضحك: خلاص مليش في الطيب نصيب
نهلة ضحكت وهنا الباب خبط ودخل الدكتور ونهلة قامت
سفيان اتنهد لأنه مش طايق الدكتور دا بالذات
الدكتور باصص لنهلة بإعجاب: انا جيت من شويه على فكرآ بس مدام نهلة كانت نايمه ومحبتش ازعجها
سفيان: اللهم طولك يا روح نعم
الدكتور: احم حاسس بأيه النهاردا
سفيان: بالقرف قرفان
الدكتور ابتدى يكشف عليه وهو عينه بتروح على نهلة اللي باصه لسفيان بقلق: نهلة معلش هاتي السماعه اللي وراكي
نهلة جبتها وبتدهاله وهو اتبارد وحط ايده على ايدها وهنا اتفاجأ بالبوكس اللي سفيان ادهوله ف وشه
سفيان خنقه بأيد واحده: انت ايه اتجننت ولا ايه انت عارف انا مين دا انا ممكن اقعدك ف بيتك طول عمرك اقعدك ايه دا انا انسف اهلك من على الأرض انت ازاي تناديها بأسمها لا وتلمس ايدها دا انت تحفظ نظرك معاها يا زباله انت فاكرني هتساهل مع واحد زيك يا ابن ال *****
الدكتور بلع ريقه بصعوبه وهو بيحاول يبعد ايد سفيان:انت اتجننت ولا اي ابعد ايدك وبعدين انا مبصتلهاش
نهلة بتصوت: سفيان سيبه سفيان اقعد مينفعش كدا دا غلط عليك
سفيان زأه: غور من هنا بدل متخرج على نقالة
الدكتور خرج ونفد بنفسه وهو بيتنفس بصعوبة:هي حلوة وزي الوردة بس.....بس الورد ميخلاص من الشوك شوك اي..دا اعصار
نهلة حاولت تقرب من سفيان بس حالته متسمحش
سفيان شال الأبر من ايده بعنف وخد الشنطه اللي مرتضى كان جيبهاله ودخل الحمام وهي مصدومه من افعاله وتحمله للالم وهي بتبص على الباب وشويه الباب اتفتح وهو بالبدله وقرب سحبها بعنف ومشي وحس بيها بتحاول تبعد ايدها وقف ولقى انه ماسكها جامد سابها واتنهد بألم
نهلة كانت بصاله بصدمه
سراج: انت ازاي خرجت... انت لسه تعبان
سفيان: مش هبقى هنا انا بكره المستشفيات ومش عايز....
فاطمه: يبني الله يهديك اقعد نهلة كلميه
نهلة كانت ساكته مش عارفه تعمل ايه
چوليا: سفيان!!!
سفيان: كفايه بقاا ممكن انا همشي يلا يا نهلة
نور الدين وقف قدامه: على فين!

🌸الي اللقاء في حلقه اخرى🌸

#استودعكم_الله♡

يلااا بقاا يا جماعه عايزه تفاعل ورايكم يهمني💙

اسئله الحلقة:-
تفتكروا ايه المفجأه اللي سفيان محضرها؟! علا قالت الحقيقه وان دا كله مجرد تدبير من كارم وغسان ولا بتكذب؟! سفيان موقفه هيبقى ايه من نور الدين؟! تفتكرو نور الدين هيحاول يبعده عن نهلة؟!

#نووووودي