رواية ♡الأسيرة 1♡ للكاتبة/ندى محسن♕Noody♕ الفصل الثاني والعشرون 22 - بقلم الكاتبة ندى محسن

♡الأسيرة♡

الحلقة21
بقلم/ندى محسن ♕Noody♕

مرتضى ابتسامته اختفت بضيق بص لصهيب ومشي
چوليا:ليه قولت كدا ليه يا صهيب كان لزمته ايه
صهيب:انتي بتحبيه وانا مش غبي يا چوليا
چوليا:لا انت غبي انت عارف احنا بنعمل ايه علشان يخرج من اللي هو فيه وانت بترجعه تاني انا مبحبوش احنا صحاب صحاب وبس
جريت على برا لقته واقف عند البيسين ورمى الشنطه في سله الزباله اللي برا
چوليا بضحك:الله دا انت جبت ورا اهو
مرتضى بصلها
چوليا:مالك ايه اتضايقت اني كسبتك
مرتضى بضيق بصلها:انتي لسه بتحبيني
چوليا ابتسمت بسخريه:انت ايه دا انت فاكر نفسك مين يبني والبنات هتموت عليك
مرتضى:نعمم!
چوليا:مرتضى انا اسفه بس انت لو عندك مشاعر تجاهي انا اسفه انا حبيت خاطر من كل قلبي عشان كدا محدش هياخد مكانه
مرتضى:بس انا مبحبكيش
چوليا بصتله وهو مركز في عينها وفي نفس واحد:زي مقولنا صحاب وبس
مرتضى ابتسم
چوليا بادلته الأبتسامه وطلعت بجرح..جرح بينزف من يوم مسافرت علشان متحبوش بس مكنتش عارفه انها كانت وقتها وقعت في حبه.......

#روايه_الأسيرة ♡بقلم/ندى محسن ♕Noody♕

نهلة:خلاص يلاا بالسلامات مفيش اخوات وفارقونااا
سفيان ضحك بغلب وقعد على السرير:انا شكلي غلط لما خليت مرتضى حاسس انه ڤايروس انتشر وال ايه يقول سلوكيات
نهلة:قوم
سفيان:اقوم منين
نهلة:من على السرير عايزه انام لوحدي
سفيان:ودا من امتى ان شاءالله
نهلة:من النهاردا قوم بقاا
سفيان بضيق:نهلة متختبريش صبري ايه قوم دي انتي عارفه ان مفيش حاجه بتضايقني قد مبعد عنك واني انام من غير حضنك
نهلة:سفيان انا مش قادره والله ممكن تريحني
سفيان:ماشي يا نهلة هريحك ومش هنام جنبك تاني نامي بقى
خد مخده وغطا وراح على الكنبه ونام وهي نامت وهو مضايق وعند معاها طفى النور
نهلة قامت صرخت وانهارت في العياط
سفيان جه يايده مش شايف واتوتر من عياطها وهي صوتت بخوف:سفيااان....
سفيان جري عندها حضنها:ششش اهدي انا هنا بس اهدي استني انا هأيده
نهلة نفسها بيضيق بشكل مش طبيعي وهو اد النور وهي في حضنه بصلها بصدمه لما لقاها بتعافر علشان تاخد نفسها
سفيان حاوط وشها:نهلة مالك حبيبتي حاسه بأيه
نهلة بصاله وهي بتتنفس جامد
سفيان حضنها:نهلة نهلة خدي نفسك براحه حبيبتي اتنفسي بالراحه خلاص يا نهلة مفيش حاجة انتي كويسة انتي بخير
نهلة مسكت فيه جامد:متبعدش عني
سفيان لام نفسه على تصرفه واتضايق انها لسه بتخاف من الضلمه كدا وبسببه

#روايه_الأسيرة ♡بقلم/ندى محسن ♕Noody♕

چوليا صحيت نزلت لقت مرتضى بيشرب قهوته وفي ايده ورق
مرتضى:صباح الخير
چوليا:صباح النور
مرتضى:اعمل قهوة
چوليا:لا مليش مزاج
مرتضى:ودا ليه
چوليا:عندي سؤال
مرتضى:بس كدا اسألي
چوليا:لو قولت اني بحبك انت ايه هيبقى ردك!!!
مرتضى....
چوليا عادت السؤال: لو كنت بحبك ردك هيكون ايه!!
مرتضى بصلها بصدمه ووقف باصص لعينها بيحاول يعرف هي بتفكر في ايه وهي شافت التوهان في عينه ضحكت
چوليا ضحكت بصوت عالي: انت صدقت يبني والله انت لسه متعلمتش
مرتضى بصلها واتنهد بخنقه
چوليا: انت لازم تشيل الفكرة من دماغك
مرتضى اتنهد براحه: انتي بطلي هزارك السخيف دا
چوليا ابتسمت ومشيت لحد مبعدت عنه واتنهدت وهي بتتكلم في سرها:انا اتأكدت من شعورك انا وانت صحاب وبس لازم اقنع نفسي بكدا انا عايزه تبقى انت بس بخير عايزة اشوفك دايما بخير بس يا مرتضى مش عايزة اشوف نظرة التوهان اللي شوفتها في عينك لما سئلتك

#رواية_الأسيرة ♡بقلم/ندى محسن ♕Noody♕

سفيان بيلبس الكرڤته وهي وقفت قدامه بتلبسهاله وهو حاوطها ومبتسم
نهلة: حبيبي
سفيان: اممم
نهلة: انا من امبارح وانا بفكر في حاجه كدا...
سفيان: ومقولتليش امبارح ليه
نهلة: كنت قلقانه شويه
سفيان: تؤتؤ انتي كدا هتخلي حبيبك يزعل منك احنا مش اتفقنا انك تقوليلي على كل حاجه ان مفيش حد هيحبك قدي ومفيش حد هيخاف عليكي قدي
نهلة: يعني مش هتزعل وتضايق مني لو قولتلك
سفيان باس خدها: قولي يا حبيبتي
نهلة: عمي عاصم جالي و.... وكلمني
سفيان ملامحه اتحولت للغضب: هو ليه عين يجي ليه عين يوريكي وشه والحراس البقر اللي تحت دول وربنا لوريهم
نهلة مسكته: سفيان استنى سفيان انت قولت هتسمعني بهدوء ممكن تسمعني
سفيان وقف بثبات:احكي بالتفصيل
نهلة:صهيب اتردد يقولي ولا لا وجه قالي ووقتها عمي دخل و
Flash back
چوليا: نعم اي خدمه
عاصم والتعب باين على وشه ودقنه اللي مش محلوقه ومش منتظمة بتدل على خنقته: نهلة.... عايز اتكلم معاكي يا بنتي
چوليا: دلوقتي بقت بنتك
عاصم بص لنهلة بترجي
نهلة: چوليا سيبيه اتفضل...
عاصم دخل وقعدو
نهلة بصاله بتردد مستنياه يتكلم
عاصم: انا اسف انا بجد ندمان على اللي حصل واللي... اللي انا عملته بس انتي لازم تسامحيني انا بردو عمك خلي سفيان يبعد عننا خليه يبطل خراب في حياتنا احنا اطردنا انا وشاكر من بيت جدك والنهاردا صاحب الأوضه اللي قاعدين فيها طردنا بامر من سفيان شاكر شاب ومتهور وبردو ابني انتي هتبقي ام مش لازم تقسي قلبك يا نهلة
نهلة: انتو اذيتوني كتير وبابا وقتها مكنش في ايده حاجه غير اننا نبعد لما كان بيرجع من الشغل يلاقي شاكر ضربني علشان مش متقبلاه علشان بكرهه ومبحبهوش وانت كنت بتبقى واقف تتفرج ومبتعملش حاجه
عاصم: وانا ندمان يا حبيبتي بس احنا خلاص خسرنا كل حاجه نهلة حبيبتي بالله عليكي سامحيني انا قد ابوكي
نهلة: عمي انت بتقول ايه انا هتكلم مع سفيان طبعا انا مسمحاك
عاصم ابتسم: طول عمرك قلبك ابيض يا نهلة استأذن انا
نهلة: خليك شويه يا عمي...
عاصم: ملوش داعي عندي شغل واتمنى يكمل...
back
سفيان: وبعدين
نهلة: دا كل اللي حصل سفيان هو شكله مرهق اوي وتعبان دا حتى كان في جروح في ايده بالله عليك كفايه انت حتى الاوضه حرمتهم منها كفايه يا سفيان على الأقل يبقى فيه رحمه
سفيان: اششش اسكتي رحمه!! انتي ازاي سمحتيه بعد الاذى اللي جالك بسببه انتي ايه يا نهلة بعد مكان هيموتك سامحتيه بسهو....
سكت وبص لنهلة اللي بصاله بتسمعه وعرف هي بتفكر في ايه من نظراتها وافتكر لما خطفها وامر بقتلها
نهلة: انا سامحتك والأذى اللي اذتهولي اذى عمي ميجيش ربعه يا سفيان بس انا سمحتك مش علشان مجبوره ولا ضعيفه الشخصيه بس علشان انت حبيتني مع ان الكل مستغرب الحب مش كفايه انا حبيتك وسامحتك بجد لما كنت مستعد تضحي بنفسك علشاني مستحل تكون بتكدب في مشاعرك
سفيان باصصلها وعارف ان معاها حق في كل كلمة
نهلة:هو ندمان ليه ميبقاش في فرصه نسامح ونغفر حياتي معاك كانت غريبه يمكن من الحياة النادره بس.. بس انا حبيتك وسامحتك رغم ان دا كان يبان مستحيل ان بعد دا كله انا اكون مراتك وحبيبتك وام ولادك كمان مش موجود غير في الأفلام بس اللي انا حسيته كان مختلف
سفيان ابتسم
نهلة:خلي في حكمك رحمه يا سفيان علشان هتكون اب مثالي
سفيان حضنها:دي مراتي عاقلة اوي اهي
نهلة ضحكت:طول عمري وانا عاقله يا حبيبي
سفيان: حبيبتي منا عارفه بأمارة اليومين العسل اللي فاتو
نهلة:هاا بقاا هتساعده
سفيان:متشغليش بالك بس يا نهولة وسيبيها على ربنا
نهلة ضحكت: طيب يلاا بقاا على شغلك وتيجي بسرعه هستناك وبعدين انت عمرك مدتني اجابه مفيدة
سفيان: حاضر امرك يا حبيبتي يا ست البنات يا ست قلبي
نهلة ضحكت
سفيان رفع حاجبه: هو انا كلامي يضحك
نهلة: المفروض انه رومانسي بس يا حبيبي لما يتقال من فرعون يبهر ويضحك كدا
سفيان: بقاا كدا ماشي يا مداد نهلة اما اجيلك بس
نزل وهي وراه كالعاده
سفيان: مش قولت ارتاحي مفيش اي سمعان كلام مش عارف اعمل ايه
نهلة: ملكش دعوة انا مرتاحه كدا
مرتضى: طب يلا بينا بقى
سفيان باس دماغها: لا اله الا الله
نهلة ابتسمت بحب: انا بقى باجي مخصوص علشان كدا محمد رسول الله
سفيان ضحك: الله وعلى ايه دا انتي تطلبي بس
قرب باس خدها وهي اتكسفت
نهلة: سفيان بس بقى
مرتضى ضحك بصوت عالي: نهارنا ابيض
سفيان: اسود فوق دماغك غور يلا انت لسه واقف هنا
مرتضى طلع: طالع بس متزأش بس
نهلة ضحكت
سفيان: عجبك كدا بقاا يا ست
نهلة: تؤتؤ لا مش عاجبني يلا بقاا على شغلك
سفيان: سلام
مشي ونهلة ابتسمت وراحت على الڤرندا لچوليا
چوليا: اقعدي يلاا افطري
نهلة قعدت واتألمت
چوليا: مالك يا نهلة
نهلة: مش عارفه كل شويه الم يجيلي
چوليا: يخربيتك ممكن تكوني بتولدي مقولتيش لسفيان
نهلة: لا اقوله ايه مهو ممكن يكون زي المره اللي فاتت يا چوليا وقلق روحنا المستشفى مكنش في حاجه
چوليا: طيب يلا كلي واعملك كابوتشينو اللي بتحبيه
نهلة ابتسمت وبدأت تاكل بس الألم بيزيد

#رواية_الأسيرة ♡بقلم/ندى محسن ♕Noody♕

ريفال بتسرح شعرها قدام المرايه
فاطمه:حبيبتي انتي عرفتي هتسافري بأيه
ريفال:اسافر
فاطمه:اه اختك على وش ولاده يا حبيبتي وهنسافر نبقى جنبها
ريفال:انا مش هسافر
فاطمه:نعم ودا ليه طيب ابوكي وعنده شغل مينفعش ينزل انتي وخلصتي امتحاناتك
ريفال:ماما بالله عليكي متغصبيش عليا نهلة وجنبها صحبتها دلوقتي وجوزها احنا هنروح وانا مش عايزة اروح في بيت جدي
فاطمه:ومين قال هنروح بيت جدك ابوكي مش معانا حبيبتي احنا هنروح على بيت نهلة
ريفال:تمام خلاص هجهز حاجتي
فاطمه:الله واشمعنا دلوقتي
ريفال:ماما ممكن لو سمحتي بلاش اسئله انا مخنوقه لوحدي
فاطمه:حبيبتي انا عايزة اعرف مالك ليه متغيره
ريفال تليفونها رن وابتسمت:دي هنا
خدت الفون ودخلت اوضتها:الو
هنا:حبيبتي عامله ايه
ريفال:كويسه يا هنون انتي ايه اخبارك
هنا:زي الفل والله
ريفال:وعمي علاء وطنط زينب عاملين ايه وفارس وجدو
هنا:كويسين الحمد لله
ريفال:سلميلي عليهم كتير
هنا:يوصل يا حبيبتي...منستيش حد
ريفال سكتت
هنا:لسه بردو يا ريفال مش عايزة تكلميه دا انتي كنتي بتحبيه وتحبي تتكلمي معاه وعارفه هو بيعزك قد ايه واللي حصل دا
ريفال قاطعتها:انا مش عايزة اكلمه تاني هنا بالله عليكي بلاش كلام في الموضوع دا
هنا:خلاص يا ستي بلاش كلام في الموضوع بس انا اتصلت اتطمن عليكي
ريفال ابتسمت:تسلميلي يا هنونتي
سامر دخل:هنا معلش مشوفتيش النظارة بتاعتي
ريفال سكتت
هنا ابتسمت:شوفها في اوضه فارس كان عمال يتصور بيها
سامر:ابن اللذينه دا..انتي بتكلمي مين
هنا:ريفال
سامر بصلها وابتسم
ريفال سكتت وقلبها بينبض بعنف
سامر:سلميلي عليها وقوليلها انها وحشتني
ريفال الدموع اتجمعت في عينها وقفلت
هنا بصت للتليفون واتنهدت:قفلت
سامر اتنهد بضيق:انا رايح عيادتي سلام

#رواية_الأسيرة ♡بقلم/ندى محسن ♕Noody♕

چوليا خبطت على اوضه نهلة
نهلة بألم:ادخلي
چوليا دخلت:حبيبتي نهلة دادة قالتلي انك تعبانه اوي
نهلة بدموع:انا تعبانه اوي مش قادره يا چوليا
چوليا:يا نهلة انتي شكلك بتولدي
نهلة بدموع:مش عارفه انا خايفه اوي يا چوليا
چوليا:حبيبتي تعالي معايا هنروح على المستشفى
نهلة:لا لا اتصلي الاول بسفيان
چوليا اتصلت على سفيان
سفيان:الو
چوليا:الو يا سفيان انت فين
سفيان:انا في الشركه في ايه نهلة كويسه
چوليا:نهلة شكلها تعبان اوي مش عارفه دي ولاده ولا ايه انا كنت هخودها على المستشفى بس هي قالت اكلمك
سفيان خد المفاتيح بسرعه ونزل شاور لمرتضى يلحقه:طمنيها خلي صهيب ياخدها على مستشفى ارسلان وهناك عرفوهم انها مراتي انا هروح على المستشفى لأني مش هلحق اجي على البيت لتولد
چوليا:حاضر متقلقش
قفلت وساعدت نهلة تلبس
نهلة بألم:هاتي الشنطه اللي فيها الهدوم بتاعت البيبي
چوليا جابتها ونزلت هي وعليا وراحو على صهيب اللي اتخض على نهلة وركبها وبسرعه راح على المستشفى وطول الطريق بتعيط وتصوت
چوليا:اهدي بس اتنفسي بهدوأ
صهيب جري على جوا جابو سرير ونيموها عليه
سفيان وصل وجري عليها بلهفه مسك ايدها:حبيبتي
نهلة بتعيط:سفيان خليك معايا انا خايفه انا تعبانه اوي مش قادره
سفيان: انا جمبك متخافيش انتي لازم تكوني قويه علشان تجيبي سفيان ونهلة الصغننين
نهلة ابتسمت بألم من وسط دموعها وصوتت غصب عنها
مرتضى واقف باصصلها بتوهان
سفيان: بسرعه خدوها على جوه
جريو بيها على جوا وسفيان ماسك في ايدها
چوليا:مرتضى!
مرتضى:علا...علا كانت حامل في الخامس..دلوقتي...دلوقتي عارفه كان زمانها ولدت..
چوليا الدموع اتجمعت في عينها على حالته وتوهانه والوجع اللي في عيونه
مرتضى:خدت كلمه مني وضحت بنفسها علشان ابنها ميتأذيش علشاني علشان انا كان نفسي في عيله بس...بس هي مكنتش تعرف اني مكنتش عايز غيرها اااااه على فراق الأحباب وقد ايه بيوجع يا چوليا ذكرى صغيرة بتجيب وراها وجع كبير وجع مش ظاهر ولا باين وجع القلب
چوليا مسحت دموعه:صاحبك خايف وانت الوحيد اللي هتواسيه اوعى يشوف وجع في عينك انت عارف انه بيفهمك اكتر من نفسك لازم تتماسك صح!
مرتضى بصلها بإنتباه هز راسه بإيجاب و دخل بسرعه ورا سفيان
چوليا غمضت عينها:يمكن انا اللي مبقدرش اشوف نظره وجع في عيونك يا مرتضى

#رواية_الأسيرة ♡بقلم/ندى محسن ♕Noody♕

سفيان واقف برا وصوت صويتها مخليه مش ثابت رايح جاي بخوف
مرتضى:سفيان
سفيان بصله بخوف:نهلة اول مره اشوفها كدا هي.. هي بتصوت جامد ليييييه
مرتضى ضحك بغلب:علشان اول مرة تولد يا حبيبي وعلشان بتولد عمومآ يعني عايزها ترقص؟
سفيان:مرتضى انا مش ناقص سخافة دمك دي
نهلة صوتت وهي بتعيط:سفيان..
سفيان دخل
مرتضى:سفيان يبني...يخربيت جنانك
چوليا واقفة قلقانه ومحاوطه بطنها
مرتضى بصلها بأستغراب

#رواية_الأسيرة ♡بقلم/ندى محسن ♕Noody♕

الممرضه:ممنوع
سفيان دخل مسك ايدها:حبيبتي اتنفسي ها براحه براحه
نهلة مسكت في ايده جامد وهي بتعيط:سفيان انا مش قادره بجد سفيان
سفيان بعصبيه:انتو سايبينها كدا مفيش مسكن مفيش اي حاجه تاخدها هي تعبانه وبصو بتصرخ ازاي
الدكتورة:سفيان بيه دي حالة ولاده ودا طبيعي
سفيان اتنهد بخوف وبيمسح دموعها:حبيبتي اتنفسي ها براحه... براحه
نهلة صوتت وهنا سمعو صوت بكاء اول بيبي
سفيان ابتسم ونهلة ابتسمت بألم
الدكتورة ادته للممرضه
نهلة بتتألم وبتعيط بألم:انا تعبت بقاا...
الدكتورة:قربنا شدي حيلك بس علشان تجيبي البنوته
سفيان ابتسم وبصلها بلهفة
نهلة لاحظت دا وكشرت وبغيظ: طب مش والده
سفيان غصب عنه ضحك:يرضيكي تحرميني من نهلة الصغيرة
نهلة:منت مبتسم اوي وانا بموت هنا
سفيان باس دماغها:عيب عليكي دا انتي الحب الأول والأخير يا قلب فرعون
الدكتور ابتسمت وسمعو صوت البنت
نهلة وسفيان بصو للدكتوره بدهشة

#رواية_الأسيرة ♡بقلم/ندى محسن ♕Noody♕

مرتضى:انتي كويسه ايه هتولدي انتي كمان
چوليا بصتله بغيظ:خفيف
مرتضى:لا بجد مالك
چوليا:هو كدا لما اشوف حد بيتوجع بحس بالوجع نفسه خصوصا لو قريب مني
مرتضى ضحك:يعني حاليآ انتي ونهلة بتولدو
چوليا:انا غلطانه اني بتكلم معاك غلطاااانه
مرتضى ضحك وحاوط كتفها وهي بصت لأيده وهو ابتسم بحنان:اهدي هي هتبقى كويسة
چوليا ابتسمت وهز راسها بإيجاب

#رواية_الأسيرة ♡بقلم/ندى محسن ♕Noody♕

سفيان خد البنت من ايد الدكتورة وقلبه بينبض بعنف حاسس انه سامع صوت قلبه قرب باس خدها برقه وبص لشعرها الظاهر عكس ابنه وابتسم اوي والدموع في عينه وبص على الولد وراح قدامه باسه وهو فرحان وطاير من الفرحه الممرضه خدتها منه لبستها وهو راح لنهلة
نهلة ابتسمت بتعب
سفيان باس ايدها وحضنها ودموعه نازله
نهلة ابتسمت ولسه الدموع في عينها وبتطبطب على شعره:حبيبي انت مبسوط بجد
سفيان بعد باس دماغها:انا هطير من الفرحه انتي مش متخيله اناظ.. انا فرحان اوي يا نهلة فرحان اووي يا روح قلبي
نهلة ابتسمت
الدكتورة:حالتك كويسه وهننقلك في اوضه عاديه دلوقتي
نهلة:و....وهما...
الدكتورة:متخافيش هيروحو معاكي هما بردو كويسين
سفيان ابتسم وشالهم وراحو على اوضت نهلة
عليا:بسم الله ماشاء الله شبهك يا حبيبي يتربو في عزك يا ابني
سفيان:ربنا يخليكي ليا يا دادة
مرتضى:الله صغيرين شق عمه حبيب قلبه يا سفيان بلاش رخامه هات اشوفه
سفيان:شق اما يشقك وربنا ابدآ انت ايه عايزو يطلع فاسد زيك من اولها دا هيكون فرعون الصغير
مرتضى:نهاار اسود كدا المجتمع في خطر
چوليا ونهلة ضحكو ونهلة اتألمت
سفيان:حبيبتي مالك
نهلة:والده والله مش هقوم اجري
سفيان:هو عداكي مش فاهم هرمونات التحفيل زايده اووي عندكوا انتو التلاته ليه
صهيب دخل:حبايبي فين
سفيان رفع حاجبه:مش تخبط يا لطخ
صهيب:معلش بقاا عندي دي يا باشا الله وروني
سفيان:اوريك ايه دول ولادي هما عرايس
چوليا:بكرا يبقو عرايس متقطعش بس
سفيان:ملكيش دعوة مش هجوزهم
مرتضى ضحك:انت بدأت دور الحمى بدري اوي يا صاحبي
سفيان:ملكش دعوة
چوليا:هتسميهم ايه بقااا
مرتضى:الولد مرتضى
صهيب:الولد صهيب
سفيان:الله اكبر اسميه مرتضى يطلع صايع وبتاع بنات
صهيب:يبقى سميه صهيب
سفيان:هيطلع صايع وبتاع بنات بردو انت فاكرني مش عارف البلاوي اللي بتعملوها
مرتضى كح بصوت عالي:احم احم....منوره يا چوليا
چوليا بصاله بقرف
مرتضى:معانا بنات يخربيتك يا سفيان
سفيان ضحك:تستاهل
عليا ضحكت وخرجت ترد على رحمه وسعاد اللي بيتصلو يتطمنوا
چوليا:المهم هتسميهم ايه
نهلة:اياد
سفيان بصلها وابتسم:اياد
نهلة:حلو اياد صح؟
سفيان:خلاص نسمي اياد ونهلة
نهلة:نهلة.!!!
سفيان:اه نهلة علشان تبقى نهلة سفيان ارسلان ملكية خاصة
نهلة:لا يا سفيان ايه نهلة هبقى انا نهلة وهي نهلة
سفيان:اه نهلة الصغيرة حبيبت قلب بابا
نهلة بتكشيرة:ونهلة الكبيرة
سفيان ابتسم:دي بقاا قلبي كله مش حبيبته وبس
مرتضى:احم احم نحن هنا
چوليا:ملكش دعوة انت عايز ايه يعني عيب يكلم مراته حلو دايما ومش عيب يتصرمح مع البنات والزباله....خلينا ساكتين
مرتضى ضحك:دا انتي شايله بقاا
نهلة شالت اياد وابتسمت والدموع في عينها وباسته وبصت للصغيرة اللي سفيان شايلها وابتسمت وباست ايدها
سفيان باس جبين نهلة بحب وچوليا طلعت التليفون وصورتهم
مرتضى:استني اتصور معاهم
وقف جمب سفيان:يلاا
صهيب وقف جمبه:وانا كمان دي لحظات مبتتكررش
چوليا صورتهم
مرتضى:وانتي ايه مش عايزة تتصوري
چوليا:انا
مرتضى خد التليفون منها وصورهم وسفيان حاضن نهلة وعلى ايدهم اياد ونهلة الصغيرة
عدى اليوم عليهم بفرحه متتوصفش سفيان بقى اب مكنش مصدق كان حاسس بشعور غريب ونهلة اللي كانت سعادتها ضعف سعادته بولادها وسعادتها بسعاده سفيان اللي اول مره تشوفه يهزر ويضحك بالطريقه دي قعدو كلوا واتكلمو كتير وسفيان كان قاصد علشان ينسي نهلة المها
سفيان:انا صممت هتبقى في المستشفى النهاردا علشان بيحصل مضاعفات مش عايز يبقى في مخاطره
چوليا:خلاص انا هبقى
سفيان:لا انتي ودادة عليا ومرتضى وصهيب هتروحو وبكرا هنيجي انا وهي
چوليا بصت لنهلة
نهلة ابتسمت بدعم
چوليا ابتسمت:طيب يلا يا دادة
عليا:يلا يا بنتي
مشيو ونهلة ابتسمت
سفيان قرب من سريرهم الصغير وقعد يبوس ف اياد ونهلة بنته
نهلة ابتسمت وهي شيفاه وشايفه لهفه حقيقيه في عيوه كان في دماغها انه امر طبيعي اي اب وام بيبقو ملهوفين على ولادهم ولفرحتهم الاولى بس سفيان كان كل تصرف وكل نظره منه كانت غريبه كانت بتشدها وتنجذبله اكتر قد ايه هو انسان غامض مع كل موقف بتكتشف جانب مختلف فيه...
فاقت من شرودها على صوت سفيان:الحلوة بتفكر ف ايه
نهلة ابتسمت:فيك
سفيان ابتسم:الله دا انا محظوظ اووي نهولة تفكر فيا انا
نهلة ابتسمت
سفيان باس جبينها:ارتاحي بقاا يا قلبي يلاا نامي
اتجه للكنبه
نهلة:هتنام فين
سفيان:هنا
نهلة:ليه
سفيان:اومال منمش
نهلة ابتسمت:لا انا مبعرفش انام من غيرك
سفيان فرح لكلامها:حبيبتي انتي لسه والده وانا مش عايز اضايقك ولا اتقلب ازعجك انتي لازم تنامي بهدوأ
نهلة:انا مش هعرف انام من غير حضنك بجد
سفيان ابتسم وسمع اللي كان عايزه ومستني يسمعه قرب ونام جنبها وحضنها بهدوء وعينه راحت على السرير الصغير اللي جنب نهلة واللي فيه اياد ونهلة بنته وابتسم ونام وبليل صحي سفيان على عياط نهلة بنته الضعيف قام بسرعه شالها وقعد يلاعبها:بس بس مامي نايمه اششش يا عسل انتي يا صغننه حبيبت بابا
نهلة صحيت الصبح لقت سفيان جنبها نايم وعلى صدره نهلة فبصت بأستغراب ولقت اياد بيعيط شالته فصحي سفيان
نهلة ابتسمت:صباح الخير دي ايه اللي جابها هنا دي
سفيان ضحك:محبتش اقلقك وهي منمتش غير كدا
نهلة:حبيبتي اتلقيها جعانه
سفيان:صح....خدي بقى اكليها
نهلة:لا هأكل اياد الأول بدل مهو صاحي وبعدين لما تصحى هأكلها
سفيان ابتسم وشالها من على صدره عيطت:اهي صحيت
نهلة برقت:دا انت قاصدها بقاا
سفيان ضحك:واللهي ابدآ
نهلة:هأكل اياد الأول بردو

#رواية_الأسيرة ♡بقلم/ندى محسن ♕Noody♕

في الصعيد وتحديدآ في بيت الحسيني
شاكر:ها يا عمي قولت ايه
محمد:اممم وانت عايز تتجوزها ليه
شاكر:يا عمي انا مش هلاقي احسن من بنت حضرتك اتجوزها
محمد:بس على حسب علمي انك هتتجوز بنت عمك سراج نهلة
شاكر:نهلة اتجوزت يا عمي وحامل كمان على وش ولاده وانا مش هلاقي احسن من بنت حضرتك انسه هدى ولا انا معجبش
محمد:لا لا يبني احنا نطول لما نناسب حفيد العمده
هدى كانت سامعه وساكته وهي جوا
محمد:بص يبني انا معنديش غير هدى ودي اتحرمت من امها ومن حاجات كتيرة يبني في حياتها واتمنى انك تعوضها زي منت عارف احنا مقطوعين من شجرة
شاكر:هتبقى في عيني يا عمي متقلقش بس بعد اذن حضرتك كتب الكتاب هيبقى الأسبوع الجاي علشان كلامنا وقعدنا يبقى في الحلال وعلشان محدش يتكلم على مجيي هنا
محمد:عداك العيب يبني نقرا الفتحه
شاكر رفع ايده وابتسم بمكر وفي سره:اسبوع ويبقى في ايدي اراضي واملاك وهعرف ازاي اندمك يا سفيان وبردو حبيبتي مش هسيبها

#رواية_الأسيرة ♡بقلم/ندى محسن ♕Noody♕

خاطر:الله دا انا قولت هتبقى مع صاحبك في المستشفى
مرتضى:دا انت مراقب بقاا
خاطر:انت عبيط يلااا انت دا انا مراتي في بيتكوا
مرتضى ضحك اوي:انت فاكر انك بكدا هتشككني فيها چوليا انا بثق فيها اكتر مبثق في نفسي
خاطر ابتسم بغل:تمام الجدع اللي بيضحك في الأخر يا هه يا مرضو
مشي ومرتضى خد الورق اللي عايزو ومشي
خاطر:ايه رأيك ان چوليا نفسها هتبقى سبب دمارك انت وصاحبك مش بقول الجدع اللي يضحك في الأخر

#رواية_الأسيرة ♡بقلم/ندى محسن ♕Noody♕

سفيان ونهلة دخلو بيت ارسلان
چوليا ابتسمت:بسم الله ماشاء الله
سفيان ابتسم ودخل وهو شايل نهلة الصغيرة ومحاوط كتف نهلة وهي شايله اياد
سفيان:چوليا لو دادة عملت الفراخ اللي نهلة بتحبها قوليلها تطلعها وانتي يا نهولتي لازم ترتاحي
نهلة:حاضر
جات تطلع اتألمت
سفيان:استني.. استني
خد اياد وسابها وطلع
نهلة:انت رايح فين يا استاذ
سفيان نزل من غيرهم ابتسم وشالها وهي بصتله بدهشه وهو باس راسها:مش عيب مرات فرعون تبقى تعبانه كدا وتمشي
نهلة ابتسمت وحضنته
وبعد شويه دخل مرتضى:جم ولا ايه
چوليا وهي شايله الفراخ:جم وهطلعلهم ياكلوا
مرتضى:خديني معاكي
چوليا:اخدك قرد انت عبيط واحده فوق تطلع انت فين
مرتضى:انا عايز افهم ليه دايما فهميني غلط ليه
چوليا: صح كنت عايزني امبارح في ايه
مرتضى: ومنزلتيش امبارح ليه
چوليا: انت بعتلي دادة عليا وبعدين انا كنت غيرت ونمت مكنتش قادرة انزل
مرتضى بنظرة خبيثة: يا ريتني كنت طلعت انا
چوليا بضيق: يبني اتلم
مرتضى خد حته من الفراخ وكل واكلها
چوليا ضحكت: سفيان هيبهدلك انك معطلني اسكت بقاا وسع
طلع وهو ضحك
عليا: لأمتى هتعاند نفسك يا حبيبي
مرتضى بصلها: ها..
عليا: حبيبي چوليا مفيش منها يا روحي وفهماك وعارفه ظروفك ليه متتجوزهاش
مرتضى بصلها بصدمه: انتي بتقولي ايه يا دادة لا طبعآ لا احنا صحاب
عليا: مرتضى مفيش حاجه اسمها صحاب
مرتضى: وعايزاني انسى عليا انسى حياتها اللي ضحت بيها علشان ابني انسى موتها اللي اللي بسببي انا... حياتها اللي راحت هدر....
عليا: دا قدر يا حبيبي ولحد امتى هتبقى كدا
مرتضى: انا تعبت من كل حاجة يا دادة مستني لما الكلب دا يقع تحت ايدي وساعتها اقدر اموت وانا مرتاح
كارمن: لا حلو الكلام دا بس مكنتش اتخيل اني اسمعه منك انت من مرتضى؟؟
مرتضى اتنطر بصدمه: كارمن.....

#رواية_الأسيرة ♡بقلم/ندى محسن ♕Noody♕

نسمة:مش هروح
مصطفى:ماما وخالتي رحمه ووليد هيروحو على هناك بعد ميرجعو من عند بنت خالتي وقالولي اخدك معايا
نسمة:انت عارف كويس مبقاش ينفع اروح انت بنفسك انت اللي اقنعتني اني مليش وجود في حياة سفيان وانا مش رخيصه اوي كدا علشان اتهان بالطريقه دي من تاني
مصطفى اتنهد:مش شايفه انك ضروري اووي تصلحي اللي عملتيه
نسمة:انا يمكن معشقتش سفيان بس انا كان نفسي يبقى ليا سند عارفة ان سفيان بس اللي هيقدر يتصدى لأي حاجه وهيقدر يحميني بس دلوقتي انا خلاص فقدت الأمل ان حد يبقى ليا
مصطفى حضانها وطبطب عليها وهي زأته
نسمة:انا مش محتاجه شفقه من حد ومنك انت بالذات
طلعت وهو اتنهد:وبعدهالك يا ست نسمة

#رواية_الأسيرة ♡بقلم/ندى محسن ♕Noody♕

مرتضى:كارمن
كارمن:كويس انك عارف ان في كارمن
مرتضى:عمتي.....
كارمن:لسه فاكر عمتك اللي حاولت تكلمك ومهنش عليك ترد عليا طب سفيان وعارفه انه مش سائل فيا انت ايه يا مرتضى انت ايه منعتني اكون جنبك في وقت زي دا ليه
مرتضى بصوت مهزوز:مبقتش عايز حد جنبي
كارمن ضربته بالألم
چوليا صوتت بصدمه ووقفت جنبه وهو حاطت ايه على خده بألم نفسي:انتي ايه اللي عملتيه دا ليه عملتي كدا...مرتضى انت.. انت كويس
كارمن:انتي؟
چوليا بإستغراب:انتي كنتي في البيت في باريس؟
كارمن بصت لمرتضى
مرتضى جه يمشي
كارمن:استنى
مرتضى وقف
چوليا استغربت لهدوءه مع كارمن
كارمن:بصلي هنا ايه هتمشي وانا بكلمك
مرتضى لف بصلها وعينه مليانه بالوجع
كارم فتحت دراعتها ليه وهو حضانها وانهار في العياط
چوليا همست لعليا:دادة هي دي مين بالظبط!!
عليا:عمت سفيان بس بتحب مرتضى وبتعزه جدا
چوليا بصتلها هزت راسها
(كارمن كانت مهتمه جدآ بنفسها وبراشقتها ومحتفظه بجمالها كأنها لسة في العشرينات ودا كان بيخلي اللي يشوفها يستغرب انها عمة لسفيان)
مرتضى بدموع:مكنش قصدي اتجاهلك ولا مكلمكيش بس غصب عني والله انا جوايا نااار ناار يا عمتي
كارمن:انا حاسه بيك يا حبيبي بس كان لازم افوقك انا متعودتش عليك ضعيف يا مرتضى انت دايمآ كنت قوي مرح ومليان حيويه فجاه اسمعك تقول عايز.. لا مستني الموت فكرك هستحمل يا قلبي
مرتضى مسح دموعه:انا اسف يا عمتي اسف
سفيان:كوكي
كارمن ابتسمت وبصتله بغيظ
سفيان ضحك:قلبك ابيض بقاا
كارمن:قولت اجي في خطوبتك في جوازك مش اجي في ولاده عيالك
سفيان ضحك:احمدي ربك اني اتصلت وقولتلك بدل مكنت اتصل اعزمك على فرحهم
كارمن ضحكت بغيظ:وربنا معندك دم
سفيان ضحك وحضنها:شبهك اياد اوي
كارمن:هو وابوه ولا ايه
سفيان ابتسم:ايه
كارمن:وريني بقاا اللي خدت قلب فرعون
سفيان:معرفه قديمه.. بااااريس
كارمن:الله مش انا قولتلك قعدت تقولي صعب يا عمتو من اول ممسكت المكنسه وكنست وانا قلبي قال وقعت
چوليا:مكنسة!!
مرتضى انفجر في الضحك:دي ايااام يا ستي لما كان عامل خدام اول مشافها وهو طب
چوليا ضحكت:اه انا نفسي اتصدمت وقتها
سفيان:احم خلاص بقاا بطلو تحفيل تعالي يا كوكي اوريكي الحلوه بتاعتي
كارمن:الصغيرة ولا الكبيرة اللي خدت قلب فرعون ولا حبيبت قلب باباها
سفيان ابتسم بحب:اللي خدت قلب فرعون

#رواية_الأسيرة ♡بقلم/ندى محسن ♕Noody♕

هدى:بس انا مش مرتاحه حاسه بيه مش صادق يا بابا
محمد:حبيبتي انتي عارفه اني تعبان ومش هرتاح غير لما اتطمن عليكي يا حبيبتي ونفسي اجوزك راجل يساندك مش هلاقي زي شاكر ابن العمده واكيد هيصونك
هدى حضنته:متقلقش يا بابا انا هوافق
ابتسم بحب وباس جبينها
(عدى اسبوع على ابطالنا في سعاده كارمن غيرت مود مرتضى وبقى طول الوقت قاعد معاها من اول ميرجع من الشركه لحد مينام وچوليا حبت علاقتهم اوي وكارمن حبت چوليا وبقت تقعدها معاهم دايمآ ودا قرب چوليا ومرتضى اكتر بالنسبه لسفيان فحبه لنهلة زاد اكتر بقى مهتم بيها اوي لازم وهو راجع يجبلها حاجه وبيحب اياد جدا بشكل غريب وبيفضل شايله هو ونهلة بنته دايمآ بالنسبه لشاكر كتب كتاب هدى وزاد فرحة لما لقاها جميله وهاديه مطيعة زي مبيقول)
هدى وقفت بضيق وبتبعد:شاكر..خلاص...ارجوك خلاص...
شاكر سحبها وهو بيقربها منه برغبة:خدي هنا بس رايحه فين يا قمر
هدى:سيب ايدي وياريت تقعد بأحترامك بابا زمانه جاي و
شاكر حاول يقربلها وهي زأته وهو اتعصب:اومال كتبت كتابك ليه انتي لما كل مقربلك تبعديني
هدى:شاكر دا مش صح انا دخلتك بس علشان كاتب كتابي اكتر من كدا متستناش حاجه مني
شاكر ابتسم بغل:ولا يهمك يا روحي على راحتك
وفي سره:دلوقتي هشوفك مكسورة قدامي ووقتها هعلمك درس مش هتنسيه يا دودو
الباب خبط وهي فتحت وراحت مصوته بصدمه:باااااابااااا............

🌸الى اللقاء في حلقة اخرى🌸

#اشوفكوا_بكرا

يلاا اللي منضمش ينضم لجروب الفيس الخاص بيا 👇

لينك الواتباد 👇
Y0zYs27jO0

❣❣️يلاا يا جماعه نطلع برا الحلقه ونعلق ونهبد ف بوست علشان اللي مقراش الروايه يقرأها فرحوني بريفيو يلا دي اول رواية ليا😂😂
ودي هتبقى مساعده كبيرة ليا واوعدكم بحلقة تانيه من دلوقتي لمعاد الحلقة التانيه لو لقيت تفاعل حلو ❣️

اسئله الحلقة:-
سفيان هيتصرف ازاي مع عاصم؟!خاطر ناوي على ايه وازاي ممكن يخلي چوليا تساعده؟!كارمن هيبقى ليها دور في علاقه مرتضى وچوليا؟!ايه اللي حصل لهدى لما فتحت الباب وشاكر مرتب لأيه؟!

#نووووودي