رواية ♡الأسيرة 1♡ للكاتبة/ندى محسن♕Noody♕ الفصل الحادي والعشرون 21 - بقلم الكاتبة ندى محسن

♡الاسيرة♡

الحلقة20
بقلم/ندى محسن ♕Noody♕

سامر بص لنور الدين واتنهد: عايزين تعرفو اللي حصل... اسمعو بقاا البيه استغل وضع اني مع ريفال وانها بتثق فيا وعمل اقذر حاجه ممكن يعملها يا جدي حطلي حبوب مخدره خلاني....
سكت وبص لهنا بضيق
هنا كملت اللي حصل لما دخلتلهم
نور الدين بص بصدمه وضرب شاكر بالألم بعزم مافيه وفضل يضرب فيه بغل: انت اتجننت انت ازاي تعمل كدا انت جنسيتك ايه يا اخي مبتعرفش تشوف حد مرتاح انت ابوك مربكش وانا سيبتك على هواك بس لا بقاا لازم تفوق كفايه لحد كدا
شاكر بص لسامر بغل: حسابك معايا بعدين يا يا حلو
مشي ونور الدين جه يمسكه علاء مسكه: بابا خلاص انت سيبه يغور
شاكر مشي: هتندمو كلكو اوعدكو....

#روايه_الأسيرة ♡بقلم/ندى محسن ♕Noody♕

چوليا باصه لمرتضى اللي بيتكلم مع سفيان ونهلة بتتكلم مع فارس
سفيان لاحظ دا وابتسم بمكر وهي بصت قدامها
مصطفى دخل
مرتضى وقف بسرعه قدامه: ايه بقاا عملت ايه عرفت هو فين
مصطفى: ملوش اثر لا هو ولا صالح ولا غسان
مرتضى: يعني ايه ملوش اثر افهم بس هو انت بتشتغل ايه!!
مصطفى: احنا قالبين الدنيا بس ملهومش اثر فعلآ دورنا حتى مش على قايمه المسافرين اكيد كان الزباله دا مرتبها
مرتضى: مهو انا مش هسكت...
مصطفى: اهدى مرتضى احنا بجد قالبين الدنيا عليه انت هتعمل ايه
مرتضى: انا هنزل الشغل انا هروح الشركه
مصطفى: انت تعبان وبعدين دا هيساعد في ايه
مرتضى: هيساعد يا مصطفى هو همه كان ف البدايه املاك ارسلان
مصطفى: بس همه اتغير ف الفترة الاخيره
مرتضى: اللي هو
مصطفى بص لسفيان بقلق
سفيان: متتكلم خرست ليه
مصطفى: نهلة....
سفيان: نعمم!!
مصطفى: احم... كارم كان عايز نهلة وعلشان كدا كان حريص مياذيهاش
سفيان بعصبيه: مصطفى الأحسن انك تخرس خالص انا مش ناقص نهلة ايه دا لو بس نطق اسمها قدامي هدفنه مكانه بس الاقيه بس
مرتضى بضيق: احنا لازم ننزل الشغل يمكن نلاحظ اي حاجه
سفيان: بكرا يا مرتضى النهار ليه عنين بكرا
مرتضى سكت
مصطفى بص لچوليا:مين!
مرتضى:ملكش دعوة انت يلا روح
مصطفى رفع حاجبه:سلام
مشي وچوليا بصت لمرتضى
مرتضى:منتي اللبس دا ميتلبسش هنا ولا هناك انتي ايه مبتعرفيش تلبسي غير العريان بتستعرضي نفسك حضرتك
سفيان:مرتضى اهدي في ايه انت مالك بيها
چوليا:سيبه انا مش زعلانه منه
مرتضى وقف قدامها:يا ستي انا عايزك تزعلي عايزك تبعدي عني
چوليا:هو انا قريبه منك!!انت شايفني قاعده معاك ولا مع نهلة
مرتضى اتعصب وطلع
سفيان:چوليا حالته وحشه و..
چوليا:لازم يفوق من الصدمه اللي جواه لو كلنا طول الوقت بنواسيه هيفضل يفتكر ويتأثر جرب تحسسه ان مفيش حاجه جرب تحسسه انه كويس انها مش اخر حد ليه يا سفيان اننا كلنا جمبه وانا ب.....
سكتت وبصتلهم
سفيان مستنيها تكمل
چوليا:وانا جيت علشان هو صديقي...
سفيان:مرتضى اللي مأثر اكتر فيه انه حلم بحياته في المستقبل حياته الكامله مع مراته وولاده من قبل متولد هي حتى وفجأة حس ان كل دا انهار قدامه انتي مشوفتيش المنظر وازاي قتلوها بكل وحشيه يا چوليا
جوليا:ممكن محدش يتكلم قدامه تاني عايز ينزل الشركه خليه ينزل واشغله صعب ينسى لأنه بيحبها بس على الأقل يتجاهل مشاعره شويه
نهلة:چوليا عندها حق يا سفيان
صهيب دخل:في واحد اسمه خاطر مصر يدخل
سفيان:ارميه برا ولا غوره
چوليا ضحكت:دخله انا هتكلم معاه
سفيان:حنيتي تاني
چوليا:حنيت!!....انت عارف يعني ايه اهانه كبرياء انثى يا سفيان....يمكن مع مطاردته اي واحده كانت تسامحه بس انا لا
سفيان:هكلمك في الموضوع دا بس بعد ميغور منتي مش هتروحي معاه دخله يبني
خاطر دخل:على فكرآ رجلتك دول مش متحضرين مش المفروض عارفين
سفيان:مهو علشان عارفينك محدش فيهم دخلك عايز ايه
خاطر:انا جاي علشانها واظن انك عارف
مرتضى نزل حالق دقنه ومرتب نفسه لابس كاچول لأول مره من زمن يبقى من غير البدل لابس بنطلون چنز وبلوفر نبيتي بارز عضلاته
چوليا بتلقائيه ابتسمت بدهشه
خاطر:يلا يا چوليا تعالي
مرتضى:قالك مش هتروح معاك ريح نفسك انت هتقبلها على نفسك تعيش مع واحده مبتحبكش
خاطر:اه محدش يتدخل
سفيان:انت هنا في بيتي يبقى تخرس
خاطر اتنهد وهنا لمح نهلة واقفه وابتسم وهمس:وحشتيني يا قمر
سفيان سمعه وبدون مقدمات كان ضربه في رجله ووقع على الأرض
مرتضى:تؤتؤ اسند طولك معقول تدب كدا زي الدهول
خاطر وقف بغل وسفيان مربع ايده بثبات كأنه معملش حاجه
سفيان:براا ودي اخر مره اشوفك هنا في قصر ارسلان
خاطر ضحك:انت شكلك لسه مش فاهم انا اخدت نص الشركه منك النص التاني مش صعب اخده
سفيان:حلال عليك يا عم
خاطر هدوء سفيان وتره
سفيان:ايه كمل
خاطر:انا هاخد مراتي واخرج
سفيان:انت تخرج احسن متهور وعلى فكرآ انا مش سايبك علشان جمال عيونك انا بس صاين مراتي اللي البيت دا من ساعه مدخلته آمن لكن اظن انت عارف انا اقدر اعمل فيك ايه بأشاره مني
خاطر بلع ريقه بتوتر من سفيان اللي مهما حاولوا ناس يكسروه بردو واقف ثابت
خاطر بعصبيه:هي مراتي وبتحبني حتى لو انكرت چوليا بتحبني وانا مش هسيبها
چوليا:لو سمحت سيبونا لوحدنا
سفيان بصلها وهي ابتسمت بحنان
بعدو ومرتضى وقف قريب منهم
سفيان ملاحظ مرتضى التايه حس انهم كانو قريبين قبل سفر جوليا بس ميعرفش بالظبط ايه نوع العلاقه اللي بينهم
چوليا:عايز ايه
خاطر:انتي مش عايزة تيجي معايا بعد كل اللي عملته انا مش محتاج فلوسك مش محتاج شركتك انا واقف على رجليا لسه يا چوليا انا بس عايزك
چوليا:ليه
خاطر:ليه!!ليه!!بتسألين ليه انا بحبك
چوليا:من امتى
خاطر:من اول متجوزتك
چوليا:اثبت
خاطر:اثبت!! وعايزه ايه اثبات انا نفسي بقولك بحبك انا قدام الشركه كلها في باريس طلبت منك السماح انك تسامحيني بوست على ايدك ودماغك ليه مش عايزة ليه مصممه
چوليا:ليه انت لسه ليك عين تسأل انت نسيت انا اخر سنه معاك عيشتها ازاي ها لا لا انت طبعآ مش عارف هتعرف منين هو انت بتحس لما كنت اتمنالك الرضى ترضى مكنتش انا مكنتش شخصيتي اللي تتهان بالطريقه دي معاك علشان ايه بحبك يخربيت الحب اللي يهين ويذل صاحبه بالطريقه دي مستني مني اسامحك انت فاكر ان اي حاجه سهل نسامح عليها لا انت غلطان يا خاطر غلطان اوي
خاطر:اتعلمتي القسوة دي فين يا چوليا
چوليا:اتعلمت اني مكنش غبيه ومنك بردو لما ايام واسابيع وشهور اقول هيتعدل هيراجع نفسه حرمتني من اكتر حاجه اي بنت بتحلم بيها كان ايه عذرك كان ايه مبررك انا كان عندي استعداد من كتر مكنت موهومه بيك اني اصدقك والله واعيش معاك بس انت حتى مكنش عندك غير الضرب هاا ومش اي ضرب الضرب اللي مكنش بينيمني ايام الضرب اللي لحد دلوقتي في معلم في جسمي وفي جمبي انت منتظر ايه قلبي يسامح تاني
خاطر:چوليا...انا اتغيرت
چوليا:انت عايز تضحك عليا ولا على نفسك اتغيرت دا بأماره ايه اللي بتعمله مع سفيان غلك وحقدك هيوصلوك لفين فهمني
خاطر:حبيبتي اسمعي انا بس عايزك مبسوطه انا مش هلاقي زيك تعوضني عنك
چوليا ابتسمت:مش قولتلك
خاطر بصلها بأستغراب
چوليا ضحكت بسعاده:شوفت بقاا اني دايمآ كنت صح وانت اللي غلط
خاطر:چوليا!
چوليا:انا قولتلك هتندم هتدور عليا في كل الزباله اللي تعرفهم هتتمنى لو يوم تعيش في حبي ووقتها هتزهق من الزباله وتدور على النضيفه ووقتها هقولك انا مش عيزاك علشان مقبلش اعيش مع زباله
خاطر حس بكرامته اتهانت بصلها
چوليا:هستنى ورقه طلاقي انا عمري مكنت خسيسه ولا ناكره للجميل وقادره اتطلق منك واجرجرك في المحاكم ومتنساش انا مع مين مرتضى وفرعون يا خاطر واظن انت واعي
خاطر:انتي بتهدديني؟
چوليا:بقولك بس ان مفيش فايده يا خاطر مفيش فايده من محاولاتك وفر كلامك واحفظ كرامتك....
خاطر:چوليا دا اخر كلام عندك
چوليا:يا ريت تفهم بقاا
خاطر بصلها بابتسامه مكر ومشي وهي كانت باصه لتحت وهما قربو بتردد ومرتضى وقف وراها حط ايده على كتفها:چوليا متضيقيش
وقف قدامها واتصدم بيها بتضحك بصلها بدهشه ونهلة بصت لسفيان بأستغراب
چوليا بضحك:اسفه معلش
مرتضى:انتي بتضحكي
چوليا:هو انتو لسه فاكرين اني بجد ممكن اعيط على واحد زيه!!
مرتضى ابتسم وصقفلها
سفيان ابتسم وغمزلها
چوليا غمزتله:تربيه فرعون
نهلة بغيظ وتكشيرة:وانا مليش لازمه معاكو هنا وبعدين متلم نفسك يا سفيان لو سمحت
سفيان حضنها وضحك:ايه لزمه لو سمحت يعني اديتيني احترامي بعد لم نفسك
چوليا ضحكت
مرتضى  كانه تايهه مش معاهم اصلا
سفيان:تيجو بينا نخرج بقاا بمناسبه اننا جاهزين وكلنا متبهدلين والمشاكل فوق دماغنا
نهلة ابتسمت:حساك بقيت متعايش اوي مع المشاكل چوليا هو كان كدا ولا انا اللي بتخيل ولا ايه
چوليا:فرعون مش متوقع بس بعد مدخلتي على حياته اتغير والله بقى هادي ومتعايش
نهلة:كدا هادي دا في ثواني بيتحول
سفيان:علشان تعرفي بس انا كدا هادى فما بالك بقاا من عصبيتي يا نهاار دمار
نهلة بتهكم:دمار
سفيان:مش عليكي طبعآ احنا هنهزر انتي قلب فرعون اللي محدش يقدر يأذيه حتى فرعون نفسه
نهلة اتكسفت من كلامه وعيونه الزرقا اللي بتلمع بحب وهو بيتغزل فيها مش هامه مين سامع هو بس همه يشوف ضحكتها وكسوفها اللي بيورد خدودها
نهلة همست:سفيان بس بقاا 
سفيان بحب ومناغشه:مش قولتلك نرجع لقلب فرعون ولا انتي ايه رأيك يا قلب فرعون
نهلة ابتسمت بكسوف
مرتضى:الا قولي ايه حكايه قلب فرعون دا!!
سفيان كأنه لسه واخد باله من وجودهم:نعمم!
چوليا:دا في دنيا تانيه دا بيقولك ايه قلب فرعون دا اللي عمال تتكلم عنه
سفيان:قلبي وانتو مالكو بقاا
مرتضى:قوليلي انتي يا نهلة علشان دا واحد بارد
سفيان شاور على نفسه بمعني انا
مرتضى هز راسه بإيجاب اه
سفيان جري وراه ومرتضى جري
مرتضى وهو بيجري:ايدك تقيله وبعدين انا مش في المود بقاا ابعد خلاص يا عم اسف
سفيان:مش سايبك غير لما تقول انا اللي بارد
مرتضى:ياعم انا اللي بارد وتنح ايه يعني
سفيان بغيظ:بالسهوله دي طب والله منا سايبك
نهلة وجوليا ضحكوا ومعاهم عليا اللي جت على صوت جريهم
جه الليل والكل دخل اوضته
نهلة ابتسمت وهي بتتامل سفيان وهو قاعد
سفيان قرب:بحبك
نهلة:وانا بموت فيك يا سيفو
سفيان سحبها عليه وهي بصتله ابتسامتها اختفت وزاته استغرب:مالك
نهلة:مش عارفة يا سفيان ريحة البرفيم بتاعك دا خنقني
سفيان استغرب:بس دا اللي انتي بتحبيه
نهلة:مش عارفة بقى
سفيان ابتسم بخبث وقلع قميصه:حلو كدا
نهلة ضحكت بغيظ:سفيان انت قليل ال
سفيان سحبها عليه فجاة وضحك:اي قليل الأدب اووي
نهلة ملامحها اتغيرت زاته بعنف وجريت على الحمام رجعت  وهي حاطة ايدها على بطنها بألم
سفيان مسك دماغها بقلق:مالك يا نهلة ايه يا حبيبتي اللي حصل
نهلة غسلت وشها وبصتله:مش عارفة فجاة تعبت...
سفيان:طيب يا حبيبتي تعالي ارتاحي يا روحي
نهلة هزت راسها بإيجاب وماشيه معاه وقفت:سفيان...استنى....
سفيان:ايه يا نهلتي حاسة بأيه يا حبيبتي
نهلة بصتله بتوهان ووقعت في حضنه فاقدة للوعي بقلق سندها على السرير وهو مش عارف في ايه لبس قميصه بقلق وجاب فستان لبسهولها ولفلها الحجاب بسرعة شالها ونزلت ركب عربيته وساق لحد موصل للمستشفى شالها ودخل بيها اتكلم بنبرة امر:بسرعة عايز دكتورة تكشف على مراتي..
الدكتور قرب:بسرعة هاتوا سرير
جابوا سرير حطوها عليه ومشوها هيدخل الدكتور سفيان سحبه بغضب:انت عايز ايه قولت عايز دكتوره كلامي واضح مبقولش الغاز انا
الدكتور:مفيش غير دكتورة دلوقتي في المستشفى وبتمر على...
سفيان مسكه من هدومه بغضب:عايز دكتورة وكلامي واضح جدا يعني
الدكتور بعد ايد سفيان ومشي
سفيان قعد جنب نهلة بقلق مسك ايدها:مالك بس يا حبيبتي ايه اللي حصل يا نهلة انتي كنتي كويسة
الدكتورة دخلت وسفيان سابلها مساحة تكشف على نهلة ورفض يخرج الدكتورة بصتله وابتسمت:ممكن حضرتك تهدى؟
سفيان بغضب:اهدى ايه متفوقيها ولا تعملي حاجه شوفيها مالها هي كانت بخير
الدكتورة:اهدى مفيش حاجة دا اجهاد نتيجة الحمل مراتك حامل
سفيان بعدم استيعاب:ايه...
الدكتورة:حامل
سفيان بص لنهلة وابتسم بدهشة وبص لبطنها بعدم تصديق
الدكتورة هتديها حقنه سفيان حط ايده قدامها:في ايه انتي بتعملي ايه انتي
الدكتورة:حضرتك هديها حقنه تفوقها مفيش داعي للقلق
سفيان هز راسه بإيجاب وكان متضايق من الحقنه اللي بتديهالها الدكتورة وملامح نهلة اللي اتالمت الدكتورة خرجت وهو قعد جنبها بيبصلها بحب وعشق مختلط بقلق مشى ايده على بطنها بدهشة غريبه وهي فاقت استغربت:انت بتعمل ايه؟سفيان ابتسم وباس ايدها بحب
نهلة:انا فين ايه دا؟
سفيان:اهدي متتخضيش انتي تعبتي شوية وجينا المستشفى
نهلة غمضت بتعب:انا قلقتك بس انا دايخة
سفيان ابتسم باس جبينها وقرب باس بطنها بحب استغربت وبصتله وابتسمت:انت غريب
سفيان باس ايدها:انا فرحان انا فرحان جدا
نهلة كشرت:علشان تعبانة!
سفيان ضحك وهز راسه بنفي:لا طبعآ نهلة انتي حامل انتي هتبقي ماما وهتخليني بابا نهلة انتي شايلة ابننا جواكي شايلة ابننا جوا بطنك
نهلة بصاله بعدم تصديق:احلف....انا...
سفيان ضحك والدموع في عينه:نهلة انتي بجد حامل انا مش مصدق
نهلة ابتسمت وابتسامتها اتحولت لضحكة:انت بتهزر بجد انا حامل....
سفيان بيمسح دموعه
نهلة بدموع:سفيان انت...
سفيان قاطعها:انا بحبك وفرحان انا اول مرة احس بالسعادة دي انا فرحان يا اول حب في حياتي
نهلة حضنته وبتمسح دموعه:طيب خلاص طيب انا مش واخدة عليك كدا سفيان خلاص...
سفيان ابتسم بحب وهز راسه بإيجاب:خلاص
نهلة باست ايده وابتسمت بحنان
الدكتورة دخلت:يلا هتعمل التحاليل علشان نتطمن عليها
سفيان هز راسه بإيجاب
عملوا التحاليل وراحوا على البيت خدها في حضنه بحنان بيطبطب عليها:بحبك
نهلة ابتسمت بحب:وانا بموت فيك بحبك اوي يا سفيان
اول مصحيوا اتجمعوا على الفطار وسفيان قال الخبر چوليا كانت هتطير من الفرحة حضنت نهلة وبقت تطنطت بفرح
سفيان سحبها:يا بنتي اهدي بقول حامل وفي الاول
چوليا بغضب:جرا ايه يا سفيان فرحانة بيها
نهلة ضحكت وحضنتها:انا بموت فيكي
مرتضى كان مبتسم وبيفتكر علا ولما قالتله انها حامل
قرب في عيونه لمعة غريبه وهيحضن نهلة بعدت بإستغراب وهو مسك ايدها بيسحبها ليه
سفيان اتمالك نفسه ومسكه سحبه بعنف:مرتضى..
مرتضى انتبه وفاث من شروده اللي قدامه نهلة مش علا اتحرج ووشه احمر بص لسفيان باسف:انا.....
سفيان ابتسم بيغير الموضوع:يا سيدي مش تبارك لصاحبك قبل متبارك لمراته
مرتضى بصوت مهزوز:مبروك.....انا...اسف..
سفيان حضنه وبيطبطب عليه
مرتضى دموعه غصب عنه اتحررت:انا...نفسي اشوفها...وحشتني
سفيان غمض بضيق
چوليا بحزن بصاله والدموع في عيونها
نهلة بحزن:ربنا يرحمها....
مرتضى مسح دموعه:انا قولت مش هبكي قولت مش هعذبها...
سفيان ابتسم بحنان:ودا صح لازم تبقى قوي
مرتضى ابتسم بإصطناع وهز راسه بإيجاب
چوليا بصاله بنظرات عطف
(عدى شهور على الحال دا كارم وصالح وغسان مش بينلهم اثر سفيان ظبط امور الشركه وارتاح لما عرف ازاي هيخلص من خاطر اللي كان فاكر انه بيستفز سفيان وسفيان بهدوء مستسلم مرتضى هيتجنن ويعرف مكانهم بقاا يشك في اي حد في اي موظف لمجرد يعرف اي حاجه عن كارم اللي محدش عارف هما اختفو فين طبعا عاصم بقاا يشتغل ومش لاقي وقت يرتاح وشاكر الغل مالي قلبه من حبيبته اللي اتاخدت منه وفلوسه اللي راحت وبيت جده اللي مبقاش يدخله بسبب علاء وولاده ومراته زينت وبالنسبه لچوليا عاشت ف قصر ارسلان وهناك في شركتها صحابها مسكو الأداره وهي متبعاهم ولسه خاطر سايبها بيستفزها بورقه الطلاق وهي مبقتش تتكلم وبالنسبه لفارس رجع البلد علشان امتحناته ومرجعش لسه قصر ارسلان)
نهلة نازله من على السلم على مهلها
چوليا ضحكت:والنبي متعمليها دلوقتي قبل سفيان ميرجع من الشغل
نهلة:ايه اعملها دي يخربيت ملافظك انتي متأكده انك عيشتي واتربيتي في باريس
چوليا:اتريقي اتريقي حاسه انك قنبله مؤقته وهتنفجر في وشي من يوم مدخلتي في التاسع
نهلة:انا خايفه اوي يحصلي حاجه يا چوليا الولاده بيقولو صعبه وناس بتموت فيها
چوليا:لا طبعآ متقوليش كدا بأذن الله هتبقى سهلة روقي انتي بس
نهلة:يا رب سفيان فرحان اوي ومش عايزة اكسره
چوليا:نهلة بطلي الكلام دا واقعدي
نهلة:اتصلي بسفيان
چوليا:ودا ليه
نهلة:عايزاه يجيبلي اكل
چوليا:مهو التلاجه مليانه هنا
نهلة:اللي انا عيزاه مش هنا انا عارفه اكيد مش هنا
چوليا:وحضرتك عايزة ايه
نهلة:رنجه
چوليا:ايه
نهلة:رنجه يا چوليا السمك دا
چوليا:سمك ايه مش دا السمك اللي بيعفن وبيبعوه في الحتت الشعبيه
نهلة:اممم متقوليش معفن بس خليه بقااا يجيب
چوليا:نهلة انتي بتهزري رنجه في قصر ارسلان؟؟؟
نهلة:ايه يعني قصر ارسلان منا شامه ريحتها هنا من الصبح قولت لداده عليا قالتلي بتتوحمي خلي سفيان يجيبلك اتصلي بيه عشان لو عرف اني عايزة حاجه وانتي مرضتيش تيجيبيهالي انتي حره يا چوليا والله هقوله
چوليا بغيظ:بتهدديني طيب والله لقوله
اتصلت مرتضى رد
چوليا بصت في التليفون:مش سفيان بردو
مرتضى:اه يا ستي في اجتماع وقالي لو نهلة اتصلت تجيبهولي بس كويس اني رديت الأول نعم
چوليا:كنت عايزاه يجيب حاجه
مرتضى:يجيب ايه
چوليا بصت لنهلة وكاتمه ضحكتها:رنجه
نهلة بغيظ وهمس:اتريقي والله هتشوفي هعمل فيكي ايه
مرتضى:ايه رنجه......انتي عايزة رنجه..انا اتصدمت كتير منك بس قولت متوصلش لرنجه دي اومال لو مكنتيش عايشه في قصر ارسلان كنتي ايه بتشمي كولا
چوليا بصدمه:تصدق انك قليل الادب والله وبعدين مين قال يا بني ادم انها ليا وبعدين ايه يعني انت مكبرها اوي ليه قول لسفيان مراته بتتوحم وعايزه رنجه ولو عرف انك خبيت عليه هيخليك تدور حوالين نفسك انت عارف من يوم منهلة دخلت التاسع وهو عامل ازاي غور بقاا
قفلت في وشه وهو ضحك:الله يسامحك يا سفيان
چوليا:الله يسامحك يا نهلة
نهلة ضحكت واتألمت
چوليا:يا بت بطلي الله يخربيتك هتولدي
نهلة:لسه لسه ميبقاش قلبك ضعيف كدا
چوليا:ربنا يسامحك يا نهلة ويسامح جوزك
صهيب دخل:انا رايح اقابل درش واجي
چوليا:مين
صهيب بخنقة:مصطفى في ايه
چوليا:مفيش منتو محسسني اني قاعده فوق دماغكو هنا
صهيب ضحك:سلام يا چوچو مش عايزة حاجه يا مدام نهلة
چوليا:متقولها نونو خلي سفيان يعمل من فخادك شاورما
صهيب ضحك:انتي بتقولي فيها يختي سلام
نهلة ضحكت:والله انتي مصيبه
صهيب دخل
چوليا:ايه تاني
صهيب:انا بصراحه اترددت وجتلك بردو علشان تشوفي
نهلة:في ايه يا صهيب مالك!
صهيب:عمك برا
نهلة:عمي مين
عاصم دخل:انا يا نهلة

#روايه_الأسيرة ♡بقلم/ندى محسن ♕Noody♕

هنا: مالك
سامر: محدش اتصل بعمي من فتره
هنا: مين قال كدا يا سامر انا لسه قافله مع ريفال
سامر ابتسم: بجد
هنا: اه والله
سامر: هي عامله ايه ومندتليش ليه اكلمها
هنا: صعب...
سامر: هي مش عايزة... تكلمني صح هي مش عايزة تتكلم معايا واخر مره قولتوا التليفون فصل لما سلمت على الكل وعندي اول مقولت الو قفلت...
هنا: هي متعرفش الحقيقه وصعب تفهمها سيبها على الله
سامر: بس عارفه انا متضايق انها زعلانه
فارس: وايه اللي زعلها بقاا
سامر ضحك: يادي النيله يبني انت عارف رغم رخامتك انا بحبك ليه
فارس: ليه
سامر: علشان شبه ريفال
فارس حدفه بالكتاب اللي ف ايده: طب ملكش دعوة بيا بقاا
خرج وهنا وسامر ضحكوا وهنا بصاله بشك بس سكتت

#روايه_الأسيرة ♡بقلم/ندى محسن ♕Noody♕

سفيان: انجز عايز ايه فشت حضرتك عايمه ليه
مرتضى ضحك: احنا لازم نروح لدكتور تحسين سلوك او نوأد الوباء اللي في البيت اللي اسمه چوليا البت من كتر متعاملت مع الخدامين الفظها باظت
سفيان: دا اللي انت عايزه يعني وداخلي معطلني بقالي ساعه
مرتضى: لا مش دا
سفيان: مرتضى انجز
مرتضى بيحاول يسيطر على ضحكه: عايز رنجه
سفيان: نعم!
مرتضى ضحك
سفيان ضحك بغيظ: تصدق انك معتوه امشي بقاا من هنا وبطل رمرمه
مرتضى ضحك بصوت عالي: تصدق ان بعد الظن اثم مش ليا يا حبيبي الرمرمه دي لمراتك
سفيان بصله بضيق: براا
مرتضى ضحك: خلاص ميبقاش خلقك ضيق كدا الرمرمه دي لأبنك ولا لبنتك للبطيخه اللي عندك في البيت مراتك بتتوحم على رنجه
سفيان بدهشه: نعم
مرتضى: والله زي مبقولك كدا
سفيان: دي حاجه هتضرها طبعا لا
خد التليفون واتصل على چوليا
چوليا: ايه يا سفيان انت فينك ومجبتش الرنجه ليه
سفيان: هي فين هي كويسه!
چوليا: قافله الباب وبتعيط وعماله اقنعها تفتح تقول سفيان مبقاش بيحبني ومش مهتم ممكن تخلصو بقاا
سفيان وقف: ومستنياني اكلمك لما الحاله دي بتجيلها بتبقى عيزاني جنبها اوووف انا جاي
مشي ومرتضى وراه وهو سرحان
سفيان: انزل اشتري رنجه
مرتضى فاق من شروده: هاا
سفيان: انجز بسرعه انا هستناك في العربيه
مرتضى: هو ابنك ولا ابني
سفيان: تمام ابقى المسه بقاا لما يجي
مرتضى نزل: خلاااص خلاص نازل والله انت رخم
مشي وسفيان ضحك
مرتضى رجع: سألني يجهزها ولا لا خليته يجهزها خد الريحه بسم الله ماشاء الله هتعطر العربيه بتاعتك شهر قدام
سفيان ضحك: ملكش دعوة يا عم على قلبي زي العسل
راح بسرعه على البيت وطلع لقى چوليا لسه بتخبط عليها وبتراضيها ونهلة بردو مش عايزه تفتح
سفيان خبط عليها:حبيبتي افتحي انا جيت وجبت الأكل اللي انتي عايزاه مع انه غريب يعني انك تطلبيه في وقت زي دا
مرتضى وچوليا ضحكوا بصوت عالي
نهلة فتحت بدموع وشعرها سايب على كتفها وضهرها:انت بتخليهم يتريقوا عليا كمان
مرتضى صفر
سفيان دخل وقفل الباب في وشهم
چوليا بغيظ:شكرا
مرتضى:شوفتي بنتعامل ازاي
چوليا:كله من قله ادبك دي
مرتضى:طب بمناسبه قله الادب متجيبي بوسه بدل منتي زي القمر دي
جوليا ضربت رجله ومشيت وهو ضحك
سفيان:هو انا مش قولت شعرك ميتفردش وبردو مفيش سمعان كلام وخرجتي والحيوان شافك كدا
نهلة بدموع:انت كمان بتزعقلي
سفيان اتنهد:بذمتك انا زعقت
نهلة:لا
سفيان:وانا مش جوزك حبيبك ليه بقى بتعملي كدا ومصممه تضايقيني بدموعك اللي قولتلك 100 مره مش عايز اشوفها
نهلة مسحت دموعها:انت اتأخرت
سفيان:انا معاكي ومعادنا9 دلوقتي الساعه كام الساعه8 اتأخرت ازاي بقاا
نهلة:كنت ف اجتماع
سفيان بهدوء ومسايسة:صح كنت في اجتماع
نهلة:وكان معاك بنات لابسين چيب وقصير علشان انت قليل الادب
سفيان بصلها بدهشه وغصب عنه ضحك:عارفه من يوم مدخلتي التاسع وانا مبقتش فاهمك وبقيت قليل الأدب اوي وخلتيني كمان مش مهتم وسايبك واني اتغيرت ومش عايز العيال والخ الخ حبيبتي والله انا بني ادم
نهلة باست خده برقه:انت حبيبي
سفيان ابتسم وقرب يبوس خدها
نهلة:انا جعانه اوعى بقاا هات الأكل
سفيان:حاضر خدي
ابتسمت وفتحتها وحطت ايدها على مناخيرها بقرف
سفيان:ايه حبيبتي مش انتي اللي طلباها
نهلة:لا مش دي
جريت على الحمام قعدت ترجع كتير وهو على اعصابه ماسك دماغها وهي غسلت وشها وابتسمت بتعب:انت بتعمل ايه
سفيان:مش عارف بشوف ان اللي بيرجع بيمسكوه كدا
نهلة سندت راسها على صدره
سفيان:حبيبتي طب نروح للمستشفى
نهلة:لا انا كويسه بس انت السبب
سفيان:طب ليه
نهلة:انت السبب والله دي مش رنجه دا فسيخ انا مش بحبه ايه دا
سفيان بغيظ:والله انا معرف انواع وبعدين انا قولت لمرتضى وهو اللي جاب
نهلة بعدت وبصتله بصدمه وهو ضحك بغيظ:طب ليه النظره دي في ايه هببت ايه تاني انا
نهلة:انا بجد مش مهمه كدا....انا مقولتش لمرتضى انا قولت ليك انت يبقى انت اللي تجيبهم اوعى بقاا سيبني لوحدي
سفيان شالها حطها في السرير وخد الشنطه بقرف نادى مرتضى
مرتضى طلع:نعم افندم
سفيان:خد يا زفت دي رنجه دي طلعت فسيخ يا زفت
مرتضى ضحك:وانا مالي انا يا عم الراجل شكله استغفلني وربنا لوريه هات
چوليا كانت بتضحك عليه
مرتضى:وربنا ممكن البسهولك في وشك
چوليا:خفيف
مرتضى:تصدقي شكلك هيبقى حلو اوووي بيه
جري وراها وهي جريت وبتضحك بصويت:يا مجنون انت
صهيب دخل:انتو بتعملو ايه اتجننتو
مرتضى:هلبسهولك في وشك علشان تقعدي اسبوع تغسلي فيه وبردو الريحه مش هتروح
چوليا بإنفعال:مرتضى بس بقاا دا مش هزار
مرتضى:انا خلاص مصمم تعالي بالذوق الهروب مش هيفيدك
صهيب:تصدقو انكم تافهيين وربنا لايقيين على بعض
مرتضى الأبتسامه اختفت من على وشه وبص لچوليا......

🌸الى اللقاء في حلقة اخرى🌸

#اشوفكوا_بكرا

يلااا اللي لسه منضمش لجروبي الخاص على الفيس ينضم ويدعي ناس خلي الجروب يكبر بيكم 🌸👇

لينك الواتباد 👇

اسئله الحلقة:-
شاكر خطواته الجايه هتبقى ايه؟!كارم خلاص اختفى ولا بيرتب لحاجه وممكن تكون ايه هي؟!عاصم جه لنهلة ليه وليه محدش اتكلم تفتكرو نهلة هتقول لسفيان؟!

#نووووودي