رواية الاطلس "دمليج أسود" الفصل الثلاثون 30 - بقلم 𝐙 𝐇 𝐑 𝐀

#الاطلس "دمليج أسود"

بقلمي: زهراء السلامي 💛

لتنسون التصويت + التعليق بين الفقرات + متابعة لحسابي 🌼.

عذروني على الاخطاء الاملائية كُلش تعبانة گوة كتبت البارت 🩷

• ━━━━━━❪♣❫━━━━━━ •

عصرت عيوني حييل من حسيت بشخص يدغدني ببطني ويلاطف خدي بأبهامه، من الخجل ماكدرت ارفع راسي ولا ادير وجهي دفنته بالمخدة..

-هههه كناري گومي حبيبتي

كطعت النفس ماعندي جرأة اقابل عيونه، دارني على ظهري واني باقية على عصرة عيوني، باسني على خدي وهمس..

-سويتلج ريوك يروحي بالمطبخ، اني طالع للشغل انتبهي على نفسج

بقيت امثل النوم واسمع لضحكاته كام مني وراح يتوجه للباب، فتحت تك عين شفته كاشخ احلى كشخة ومتأنق، بلحظة سريعة دار وجهه عليه ورفعلي حاجب، فوراً غمضت عيوني..

-يله يله طلعت

طلع من الغرفة والضحكة ما فارقته، كمزت بسرعة اكعد على حيلي واتذكر ليلة البارحة غطيت حلكي ممصدكة السويته لا يمكن حلم اكيد حلم لكن من وكعت عيني على الكاع وشفت اثار الجريمة عرفت كل الصار حقيقة..

رحت اسبح بسرعة وبدلت امشط وراسي يدور اضحك وحدي خجل وخوف، نفضت كلشي من راسي وكمت للمطبخ شفت اسيل كاعدة تاكل وحاطه ابنهه بالكاروك مقابيلهه..

-اسيل: صباح الخير يحلو

-سارة: صباح النور اسيله، حمسة كال مسويلي ريوك

-اي حبي حاطه الج هنا

اشرت على الفرن فتحته شفت مسويلي بيض وقطع سجق وجبن حلوم مشوحه على النار، صبيتلي چاي وكعدت ويه اسيل اكل..

-اسيل: شكو ماكو

-سارة: هاا شكو شنو يعني شنو قصدج شنو شكو ماكو

-شنو شبيچ متوترة سؤال عادي

-ليش سألتيني شكو ماكو

-كل يوم اسئلج هالسؤال شنو الجديد

ضحكت وحطت لكمة بحلگهه، هزت غيوثي شوية ورجعتلي..

-اسيل: هاي شبيهه اذانج؟

-شبيهه؟

تلمستهه اشرتلي بأيدهه لا..

-اسيل: اليسرة هاي ليش هيج وارمة

-وارمة؟؟

-اي شو خاف من التراچي

كامت تتقرب مني تشوفهه وشهكت بكتمة، رفعت انظاري عليهه بالعة ضحكتهه كوة..

-سارة: شبيچ اسيل

-هاي مو بس اذانج ههههههه

-شنو

-هيج انسي اكلي يله تغذي زين

رجعت لمكانهه فاطسة ضحك سحت خجل عرفت قصدهه بس جاي اتغابى ماريد احط روحي بهيج موقف سخيف..

اكلت وكمت بسرعة ارجع للغرفة گلبي يدگ كعدت على سريري وانتفضت من دك موبايلي "حمزة"..

-الو

-حمزة: يا صبااااح الحب

-سارة: هلو

-حمزة: شلونچ كناري

-زينة

-ههههههههه شبيچ متشجنة

-مابيه.. مابيه شي انتَ شلونك

-سارة انتِ زينة؟

-اي بخير اني بس.. (همست) مستحية

-ههههههههههه احلى من يستحي

-حمزة حباب اسكت

-تدرين صورتج ما فارقت عقلي بالاجتماع وكل شوية افصل اتذكرج احلى لحظات عمري قضيتهن البارحة وياچ سارة

-امم

-احبج كلش احبج

ابتسمت بدون لا اجاوب، بقيت اللعب بالفرشة وهو منطلق بس يحجي بالهمسة يمكن اكو احد وياه..

-راح اضرب الشغل وارجعلچ تره سولفي ولج گلبي فرفح

-هاا ماشي شوف اليوم اسيل كالت اذاني بيهه ورم من التراجي

-اي من التراجي

-يعني من التراجي؟

-اي اي من التراجي

-هاا زين لعد

-اي بعد شكو ماكو

-ماكو

-هاا راح نبقى هيج خوش اني راح ابات بره اليوم

-ليش؟؟

-مبين ما تردين تسولفين وياي ولا تشوفيني

-لا مو هيج شبيك بس.. اني ماعرف شكول

-ارجع واعلمج شتكولين اني اعلمج

-ليش شسويت اني

-هههههه روحي بعدين نسولف ماكدر احجي هنا اشتعلو..... اشتعلو ولد ذيج الوحدة

-حمزة حمزة

-ها يا روح حمزة

-من تجي عندي موضوع مهم وياك

-ماشي حبي اروح اني اجه ابوج

-الله وياك

سديته وياه اغمغم بروحي شكد فاااهية كلمتين ماعرف اسولف لازم اتغير ضروري راح يمل من علاقتنه وبرودهه ويضوج..

مشى اليوم عادي وقرب موعد وصوله توترت ردت اموت ماعرف وين اضم روحي عبالك مسوية جريمة، اخذت ملابسي ودخلت للحمام اختل هنا ماكدر اواجهه..

كملت سبح بدلت وكعدت بالحمام ارتب الكلام بعقلي اگله شلونك حبيبي؟ لا شنو حبيبي ماستحي شبسرعة صار.. لا راح اگله شلونك حمسة.. لا هم مو حلوة عبالك صاحبي.. راح اگله هلو شلونك وبس..

بلعت العافية من اندكت باب الحمام ووصلني صوته، كمت ارجف من فوك ليجوه واعضعص بأظافري انطرقت الباب مرة ثانية وحچى بهدوء..

-سارونة انتِ هنا؟

-اي هنا لحظة

ذبيت نفس عميق كلش وفليت شعري مخربط ما مشطته بعدني، اول ما فتحت قفل الباب هو دفع الباب ودخل جوه..

-سارة: اءء.. اءء.. شنو هاا شبيك

-تعالي تعالي

-ما اجي ماريد

-تعالي يمي اسولف وياچ

-ما اسولف بالحمام عيب

-دتعالي هسة.......

شالني طلعني من الحمام واني اعيط واضحك على سوالفه، نزلني على الفراش يداهر ويحارش بعد مرور فترة ابتعد يضحك بصوت عالي كلش..

-حمزة: شبيچ جامدة راح تموتين

جريت الشرشف على جسمي منزلة عيوني جر ايدي يبوسهم ويضحكني شوية ياله كدرت ارفع راسي واتجاوب وياه ماتوقعت راح يرجع يتحمس.....

-حمزززززة اوكففففف

كام بسرعة يكعد على حيله ويمسح على شعره ضحك خجلان وكال..

-اسف لحيت وياچ

-لا مو هيج بس اريد احجي وياك شوية

-ها اذا هيج ميخالف احجي بساع بساع لا تماطلين يله ماريد اضيع دقيقة

-اريد ابات ببيت اهل مريم من نروح للحفلة

-نعم؟؟!

-حباب اريد ابات مريم دعتني كالت هي راح تبقى عند اهلهه وخواتهه لحن عليهه حتى اني ورقية هم نبات عدهم

-سارة من كل عقلج؟

-اي فدوة فدوة اريد ابات

-وتعوفيني سارة ليش هيج

-ماعوفك والله بس يومين ابات وتعال اخذني

-يووومين تكطعين عني النفس ولج ليييش

-حباب حباب بس يومين الله يخليك

-ابد ماقبل بهذا الشي مستحيل

-حمسة فدوة

تقربت منه اتماوع تغيرت ملامحه ولانت حضني ويهمس نفس صوتي..

-ماكدر انام بفراش انتِ مو بي

-مو جنت ابات ببيت اهلي شنو يفرق

-ما انام بالفراش افرش بالكاع

-ههههه لتجذب عليه

-والله ما انام

-بس ليلتين تحمل

-عيب سارة ناس غربة ما يصير تباتين ببيتهم

-عادي هنه صديقاتي

-لا حبيبي ما يصير وهمه ناس بسطاء بيتهم على گدهم اكيد راح يتكلفون بجيتكم وينخبصون بيكم

-حمزاوي

-روووحي

-اريد اروح

-نروح سوه نأجر فندق

-هاي شنو انتَ واطلس متفقين!

-متفقين على شنو؟

-حتى هو يكول لمريم يأجرون فندق بس احنه منريد اريد ابقى ويه البنات اني

-خلال هاي اليومين اعوفج ببيتهم طول اليوم بس بالنومة نروح فندق ها شگلتي؟

-اييي حتى تسوي سوالفك

-لا والله مو هاي الغاية بس ماكدر بدونج اتعب ترضين على تعبي سارة

-لا ما اقبل

داعب طرف خشمي وابتسم..

-نأجر فندق ماشي؟

-وشغلك؟

-طز بي

-صدك والله

-رب الصدك

-شكراً

-واني احبج

ضحكت خجلانة وقضينه بقية اليوم سوه ساعات تمنيتهه متخلص من المتعة والحماس والاثارة بنفس الوقت..

**

"مريم"
كعدت الصبح متأخرة مارست روتيني الصباحي سريع وكترت جنطتي على جهة اليوم اول ما ارجع من الدوام اطلس ياخذني لاهلي علمود حفلة مهر دعاء..

طلعت ويه السايق للشركة تأخرت ياله وصلت اليوم ساعة طارت من الدوام بسبب الازدحامات والطريق، هرولت افتح المصعد اول مادخلت صارت بوجهي نورسين وابوهه..

جفلت من شفتهه وهي قابلتني بأبتسامة مجاملة ودارت عينهه تعدل بشعرهه، دينسد المصعد ورجع انفتح مرة ثانية تشتت من شفت مالك وفاهد يصعدون ويانه..

خفق گلبي والجو صار حار مانطقت بحرف حتى من صبح عليه مالك مجرد هزيتله راسي، باوعتله نورسين بطارف عينهه واضح متطيقه بس هو كـ أي رجل مهذب سلم عليهه ومد ايده يصافحهه..

-مالك: شلونچ آنسة نورسين

-نورسين: بخير

انطته ايدهه تصافحه ورفعهه قريب شفايفه يطبع قبلة عليهن، ركزت على ابوهه ما سوه شي ولا حتى اهتم حاير بالموبايل..

-مالك: سعيد برؤيتكم آنساتي

-نورسين: ميرسي، شنو مناسبة حظورك هنا موسيور؟

-مالك: عندي اجتماع ويه رئيس الشركة موسيو محمد الادهم

-فاهد: مصعدكم عاطل؟ بطيء حيييل بطيء

-نورسين: لا مو عاطل بس اكيد انتَ صاعد لطابق 44 موسيور

-فاهد: desole؟ (عذراً؟)

ما انطته اهمية نورسين مبين انزعج من نبرتهه الناشفة، اخيراً وصلنه انتظرتهم يطلعون كلهم ياله طلعت والسبب محشوگة اخر شي..

-نورسين: الاطلس ما راح يحب شوفتكم هنا شباب، مو هيج باباتي

-net dorogoy (لا حلوتي)

-مالك: ههههه thank you monsieur

عفست وجهي محد يحجي عربي هنا تفيك مادري ناسين اللغة ماعرف المهم كلشي مافهمت، عفتهم اتمشى للمكتب ووكفني صوت رجال بي بحة واضحة، انداريت شفته فاهد واكف وعيونه عليه..

-فاهد: انتِ منو؟

-مالك: فاهد؟

-فاهد: شايفهه من قبل بس ما جاي اتذكر

-مالك: هذي موظفة تشتغل هنا حبيبي فاهد

-فاهد: ااه

قلقني حديثهم كأن اللغاز مو كلام طبيعي، تركتهم ورجعت للمكتب كلبي ينبض بقوة كعدت على الكرسي سألوني البنات شبيچ سويت الوضع طبيعي وكلتلهن لان متأخرة..

-بونجور

وجهنه انظارنه على الصوت الناعم نورسين واكفة بباب مكتبنه مبتسمة، ردينه عليهه وبدون مماطلة طلبت..

-ممكن يا آنسة تساعديني شوية

تأشر عليه كمت بسرعة طلعت وراهه ابتعدنه عن باب المكتب، عكدت حاجبي من جرت ايدي وتكول..

-نورسين: تعرفين ذولة الشباب الدخلو؟؟

-لا ماعرفهم بس اعرف همه ولد شمسون

-بالضبط ولد شمسون ملتقين من قبل انتو؟

سكتت اباوع لعيونهه القلقة الي تدرس ملامحي، هزيت راسي لا وهمست..

-مريم: لا ما ملتقين

-يعني ميعرفوج زوجته؟

-مادري لا ماتوقع

-اوكي

-ليش اكو شي؟

-لا ولشي

-لا اكو اكيد ليش هيج قلقة فدوة اذا تعرفين شي گليلي والله اخاف على اطلس

-ماكو شي مريم!!

نترت بوجهي ابتعدت منهه مزعوجة وهي وجهها ميگصه السيف عكس قبل شلون جانت لطيفة..

-نورسين: ابتعدي مريم اعتبريهه نصيحة مني

-ابتعد من وين؟

-فهمج كفاية my love

تركتني وراحت لمكتب اطلس تتبختر بمشيتهه نزعت الكوت كدام غرفة منار وطلع التشلتح ناااار وگبت بيه بلعت ريك ولزمت گلبي اعصره حيل شنو قصدهه بهاي التصرفات السخيفة..

رجعت للمكتب اللتهي بالشغل بس ماكدرت ابد ماكدرت روحي احسهه تفرفح وتوجعني اول مرة احس بهيج شعور صعب ومتعب ومؤذي هم، مارجعت لموقعي الحالي الا من دخلت منار بعد نص تكول..

-منار: بنات اجتماع اكو

كمنه سوه ندخل لغرفة الاجتماعات ننتظر الرؤساء يجون، اللتمو بقية الموظفين المشمولين بالاجتماع واني امرد اصابعي مرد من كدما فركت بيهن تعبت تلفت اعصابي حسيت راح ابچي خصوصاً من دخلو عمر ومسلم واستاذ حازم من دون الاطلس..

-ريتاج: موسيو الاطلس ما يحظر الاجتماع؟

-مسلم: هسة شوية وجاي احنه نبدي

بدو يحجون بتقدم الشغل وعلمونه نظام جديد للحسابات بس اني كلشي ما مستوعبة عيوني على الباب بأي لحظة راح يدخل بأي ثانية راح يجي.. ليش تأخر؟ نورسين عنده؟ شعدهم سوه؟ وليش سوه كاعدين.. نزلت راسي بين ايدي تعبانة واندب روحي ميصير افكر، بطلي غيرة مريم بطلييي ميصير هالشي..

-عمر: آنسة مريم انتِ بخير؟

هزيت راسي اي ورجعت امثل التركيز، تحولت الانظار كلهه على البوابة من انفتحت ودخل الاطلس بهدوء ورزانة مثل عادته، فتح دگمة سترة البدلة الرسمية واللقى التحية علينه وكعد بكرسيه..

كمل الكلام عمر واستاذ حازم وكلفو جوزيف بمهمة ماعرفت شنو هي لان اصلاً مو وياهم فاصلة غير عالم، درت عيوني على اطلس ارمقه بنظرة سريعة شفته يباوعلي درت عيوني عنه فوراً وهو هم من عمر وجهله الكلام..

-عمر: شنو رأيك مسيو اطلس؟

-الاطلس: نعم حلو استمرو

-مسلم: طفرة عالية صارت عدنه بالاسهم لكن صارت خربطة من قبل وحدة من الموظفات وهالشي أخر شغلنه شوي

-الاطلس: وبعدين؟

-حازم: بعدين الموظفة تعاقبت على تقصيرهه وأمرت بقطع راتبهه

-الاطلس: الضرر جبير؟

-عمر: اي جبير

-الاطلس: لطيف

-لهيب: مسيو اسفة اذا راح اتدخل وادري مو موضوعنه هذا بس والله متستاهل وهي من خربطت لان...

-حازم: لهيب مو وكتهه! احنه بأجتماع مهم!!

سكتت لهيب مقهورة استغربت من محد خلاهه تكمل وشفت الاطلس كلش مزعوج حاجبه ما نزل وهو يوزع انظاره على الموظفين..

الاجتماع اجوائه متوترة كلش كل الموجودين تلفت اعصابهم اطلس ما نطق كلمة ولا انطه رأيه بأي شي الا من ينبهه عمر وياخذ رأيه..

-الاطلس: شكراً الكم، اتوقع كافي تكدرون تكومون تكملون شغلكم

كامو الموظفين وهو باقي بمكانه كاعد، طلعت من الغرفة ولهيب تدردم على عقوبة هاي البنية ما عندي طاقة اسئلهه شسوت بس الواضح غلطهه فادح لان ريتاج هم ذبت اللوم عليهه..

رج موبايلي حاطته بجيب الكوت طلعته شفت المتصل اطلس، جاوبته بهدوء..

-الو

-تعاليلي لغرفة الاجتماعات

-ليش؟

-نسيتي قلمج هنا

-لا ما ماخذه قلم وياي

-ورقتج بقت هنا

-ماعندي ورقة

-رجلچ بقى هنا

-ماعندي رجل هنا

-تعالي لا اجيچ اني

-ماكدر عندي شغل

-تعالي مريم

سده بسرعة قبل لا اجاوبه، نفخت ضايجة ورجعت للغرفة اول ما فتت شفته واكف قريب الباب منتظرني، بسرعة سحب ايدي وحضني لصدره..

-شبيچ حبيبي

-مابيه شي ليش حاضني مو عيب

-ليش عيب؟

-احترم حجابي استاذ!

-ههههه اني محجبة

-وخر اطلس

دفعته ورحت اكعد على الكرسي، ابتسم واجه يكعد بجانبي على كرسي اخذ ايدي بين ايده وجر وجهي لناحيته..

-منو مضوج مرمرتي

-محد

-اليوم كعدتي متأخرة كلت ما تجين كتبتلج اجازة

-ليش تنطيني اجازة من كيفك

-لان شفتج نايمة بعمق مثل الاطفال

همسهه وباس طرف خشمي، بعدت وجهي عنه ولهيت روحي بالقلم الي على الطاولة..

-هسة ما تحجين ليش ضايجة؟

-نورسين ليش اجتك

-هاااا السالفة بيهه نورسين حلو

-شنو حلو وليش حلو؟

-يعني ضوجتچ غيرة ربي كثر من هالضوجات

-مو غيرة سؤال عادي وطرحته ميهمني اصلاً

-كاعدة طول الاجتماع راح تنفجرين وجهج احمر وعيونج مدمعة عبالي بيج شي طلع لان تغارين عليه

-لا وجهي احمر ولا عيوني مدمعة انتَ تتخيل

-ماشي اتخيل قابل

-اي، بس ما جاوبتني

ضحك خفيف وقرص كف ايدي وكال بطريقة متلاعبة..

-ما اكلج ليش

-ليش عود؟!

-مو ما تهتمين وعادي عندج

-اي فعلاً عادي الوضع كلش ريلاكس

-هههههه متطورين ريلاكس وانكليزي

-ليش عبالك اني ماعرف احجي مثلكم

-تعرفين يابة انتِ احسن من عدنه تطلعينه كسر

-اي، يله اروح اني

-هاي وين

-ارجع لمكتبي

-ونورسين شو صدك ما مهتمة؟

-اي مو كتلك عادي هي صديقتك واجت تزورك

بهتت ملامحه من برودي لكن هذا البرود مغلف بناااار كبرة مشعولة بصدري وهاي النار جاي تطلع على وجهي وتفضحني بس لو يموت ما ابينله..

-صايرة صدك ريلاكس مريم

-من اول ريلاكس اني

-يله روحي لشغلج

روحي فارت من بروده شنو عود ديريد يختبر غيرتي؟ ليش ميقبل يحجي شعدهه صخاام عنده تركته مزعوجة وخدودي تنفض دم وصلت للباب دا افتحهه واللتفتت من جرني ودارني عليه..

-الاطلس: لا ما حبيتهه منج على الاقل غاري شوي

-ما اغار عليك

-لاحظت، نورسين اجت علمود مشكلتهه

-أي مشكلة؟

-تذكرين من طلعت من مكتبي قبل كم يوم تبچي هو راجعة على نفس السبب، ابوهه جاي يضغط عليهه بشي وتريدني اتدخل واساعدهه

-يصير اعرف شنو هذا الموضوع؟

-وعدتهه يبقى بيني وبينهه

-وكدرت تقنع ابوهه؟

-ذيج المرة اقتنع وطخ بس رجع گلب عليهه واكيد اكو احد مأثر عليه

-معقولة ابو نورسين يضغط على بنته الدلوعة؟!

-كلنه اهلنه يضغطون علينه مريم محد عايش بالحليم

-توقعتهه عايشة عيشة اميرات

-فعلاً صحيح بس من يجي الموضوع للـ (سوه بأصابعه حركة فلوس) كلشي يتغير حبيبتي

-شكد اكو ناس تعبد الفلوس استغفر الله

-مكومين

-وراح تساعدهه؟

-اشوف شنو يطلع بيدي نحاول نحل هاي السالفة

-الله يفرج همهه، اليوم تاخذني لاهلي مو؟

-اي نطلع سوه منا

-ماشي

فتحت يدة الباب وضغط على ايدي عصرهه هي والباب ودفعني عليهه..

-اوكفي مريم، اريد اطلب منج طلب لا راح يضرچ ولا راح ينفعچ

-شنو هو؟

جرني وياه كعدني على الكرسي ومد ايده بجيب السترة طلع علبة، فتحهه كدامي شفت المحتوى ورفعت انظاري اله..

-اطلب منج بكل حب واحترام تلبسين حلقتج بالحفلة ما رايد شي بس تلبسيهه بأصبعج اعتبريهه محبس ولابسته

-امممم

-رجاء مريم اعتبري، ما راح تضرچ بشي صدگيني

-الحفل مو مختلط اطلس لتخاف

-ميخالف

-تخاف النسوان يخطبوني؟

كممت فمي من حچيتهه وزارتتي نوبة ضحك خفيفة ابتسم وگلب عيونه..

-لبسيهه وسكتي

-جايبهه وياه للشغل

-لان ادري راح تعلسيني جبتهه حتى ما تكدرين تعوفيهه هنا تاخذيهه وياچ

اخذتهه من ايده وضميت العلبة بيدي، هزيت راسي موافقة على طلبه طااار من الفرح ماعرف شنو الفرحه هالكد بس عيونه كامت تلمع وجرني يحضني بقوة كسر عظامي..

-هاي شصار.. شكو شسويت اني اطلس

-سكتي فرحان

ضحكت على فرحته وگوة ملصت روحي منه تذكرت شي ووكفت بسرعة..

-اطلس مو تخلف بوعدك انتَ كلت ابات خمسة ايام ببيت اهلي

-والعباس هواي

-هنه خمس ايام يطبن منا يطلعن منا

-هواي

-مو هواي مو هواي

امشي للخلف اريد اشرد منه وهو يتقدم عليه توترت من صار الحايط بظهري وهو مستمر يتقدم..

-خمسة.. خمسة بس خمسة.. خمسة وخميسة.. خمسموس بس خمسة

-هواي هواي هوايه كلش هواي

-اوكف اوكف.. اوكف مكانك لتتقرب.. ابتعد روح ابتعد

لزم ايدي ثنينهن يثبتهن على الحايط ظليت ارافس برجليه وهو ميت ضحك، وكعت عيني على الكامرة الصايرة بزاوية الغرفة شهكت ودا احجي وما لحكت باسني بسرعة..

عاق حركتي واني اللطم بصمت وادفع بي تخيلت ابو الكامرات يشوفنه والله فضيحتنه تصير بگلاگل، اخيراً ابتعد يلقط نفس ما علقت على تصرفه السخيف فوراً همست بصياح..

-الكامرررات

-شبيهن؟

-شافونه الكامرررات عزه العزاني صخام الصخم وجهي ولك اطلس انفضحنه

-عادي واذا

-واذا شنو تحجي صدك انتَ!!

-اي

رجع يكررهه وبطريقة سخيفة اكثر راح ابجي تخبلت ماكدر اتحرك وبقيت مثل الغسالة الخربانة انتفض، ابتعد بعد يلقط نفس فوراً صرخت..

-والقرااان اللم الدنيا عليك لتفضحنااا

-ما يحتاج تلمين الدنيا جاي يشوفونه بث مباشر هسة

-شنووووو

يحجي ويباوع على الكامرة لا مستحيل ميسويهه اكيد متشتغل هاي او طافيهه بس بروده وثقته خبلتني بالزايد..

-وخر اطلس بداعة امك وخرر

-ما اوخر شو عجبني الوضع هنا لطيف

-قصدك عجبتك الفضيحة مووو.....

قطع حديثي وكررهه بصلافة!!! فتحت عيوني شاهكة من ابتعد يضحك..

-انتَ.. انتَ انتَ واااحد فااسق هدنيي

-تسكتين لو نعيد من جديد؟

-لا لا لا حباب والله اتعب اتعب ماتحمل

-شمسوين وتتعبين

-حيلي ينهد والله ماتحمل

-چا الله يساعد حيلي والاحبهه بحضني

-وخر لتسوي هالسوالف اطلس فدوة تره عيب اخي عيببب

-لا تكولين اخي

-عيب زوجي عيبب

-ماكو عيب هو منو هنا غيرنه

-والكامراااات

-عادي خلي العالم تتفرج كاتلهه الجفاف

-صخام بوجهي هد ايدي عليك النبي والله ماتت وجمد بيهن الدم معلگهن فووك

-امرغهم الج ويصيرن زينات من نكمل

-شنكمل؟؟؟ يبوووو على حظج مراايم رحتي بين الرجلين

-مرمر اهدج بشرط

-انوب يتشرط هئ هئ ربيييي

-لا تتنعوصين وتخبلينيي

-ما اتنعوص ما اتنعوص

-نصي صوتج هم لو تردين يطبون علينه يشوفونه بهذا الوضع

-عزه الباب ما مقفول البااااب الغسل اليغسلنيي

-تردين اتركچ هسة لو لا؟

-اي اي اتركني اي

-لا تحركين بيدج وترفسين ماكو فائدة ما تكدريلي

-كول شنو تريددد وتتركنييي

-تبادليني

-نعممم

-شرطي الوحيد بس مرة وحدة واعوفج ترحين وحتى ببيت اهلج تباتين اسبوع مو بس خمس ايام

-تحلممممم

-چا راح ابقى ابوسج وحدي عادي

نزل نفسه عليه يريد يبدي خطوة ونترت..

-اطلللس بطل هالسوالف تعبت والله حس بيه

-مرة وحدة تنازلي وكسري عنادج

-شكد اتنازل وياك اني مو بعيننك

-ابد ولا مرة تنازلتي شوكت هاي

-باوع باوع خلينه نتفق على شي ماشي بس نزل ايدي اول خاف احد يجيي والله اخاف احد يجيي

-شبيچ تبجين وتلطمين محد يجي هنا ممنوع احد يدخل

-بله اجو!؟

-محد يجي مريم كتلج ممنوع الدخول

-زين نزل ايدي مو تريد اصاخمكك

-ههههههههههه تصاخميني شنو

-اطلس والقران اعوفك واطلع اكلهم هذا متحرش ويغتصب الفتيات

-اني مسؤول وانتِ موظفة يا ترى المن راح يصدكون؟

-شكد فااااسق

-لا عيب مرمر عيب

-ديلا وخر نزل ايدي خليني اعرف اشتغل

-يله يا الله مبين حامية

-ما ملطمة!!

-it's just a kiss babe

-لترطن انكليزي افتهم تره!

-وهو المطلوب

-بسم الله الرحمن الرحيم يارب اوكف اتحضر

ارجف رجيف وهو يقابلني بضحك هستيري باوعتله بحقد وغميته بالخفيف..

-الاطلس: شنووو!!!

-شنو

-شسويتي؟؟؟

-مريم: سويت هيج هلوو هلووو

-هاا هلوو موو اني اعلمج

-والله هلو بس هلو سويت يووه شبيك تشكك بيه

لزمني من متوني ولطش بيه غوشت عيوني ماكو هوا ولا اوكسجين ماعرف شكد مر وقت ماعرف بس الاعرفه هلكت هلاك رجليه نملت وحسيت راح اوگع..

ما حسينه الا من انفتحت الباب علينه من الصدمة وكعت بالكاع جريت رجليه لصدري وغطيت وجهي بأيديه..

-عمر: oh my... oh LaLa

-الاطلس: عمر!!

-عمر: اسف على المقاطعة شباب.. جنت جاي.. جاي حتى هذا اشوف هذا

-الاطلس: تشوف شنوو؟!!

كمت اللطم على خدودي وانوح بالخنسة بس لا شافنه بالكامرات واجه ينبهنه..

-عمر: اشوف الغرفة.. الغرفة حبيبي الغرفة وصخة.. باع التراب على الميز يحتاج انظفهه

-انتَ تنظف؟؟

-اي اخي اي واجب ضروري البوسة وصخة يعني.. اقصد الغرفة

-الاطلس: عمررر

-عمر: اخي انتبهو للمكان ارجوكم انتبهو

ماكدرت اوخر ايدي عن وجهي ماشوف شي ولا اسمع شي ياريتني طرشة وخرسة وعمية وشلل ولا هالموقف..

-الاطلس: الميز يلمع عمر مابي ذرة تراب تفضل بره

-عمر: ملفي نسيته شوف واني ادوره اجيت علمود الملف ههههه الملف والله علموده بس دوهنتوني و..

-الاطلس: راح تطلع لو لا؟

-اطلع وعلي اطلع.. احم استمرو استمتعو

طلع وطبك الباب اندار اطلس عليه ونزل لمستواية دفعت ايده وصرت اضرب على صدره وانوح..

-انفضحناا انفضحنااا تخزينااا

-اششش يمعودة هسة شصار

-بس شافنه ابن عمتك هذا الصاار اطلس فضحتنييي يا خراب بيتي ويا سواد عيشتي

-عادي حبيبي غلسي ما صار شي مغطيج اني ما مبينه

-يبو يبووو على خدودي يبووو

-ولج لا تلطمين تعالي امشي وياي

-وين اروح وياك بعد وين يمة حيلي راح راح اموت اطلس يمكن راح اموت

-كومي ما تموتين

-انتَ كلت محد يدخل ااااه يالقهر ربي يا ريتني جرادة ولا هاللحظة

-ناسي ملفه يا عمري شغل مهم عنده مادري مانتبهت اني

يحجي ببرود بس وجهه يكول غير هالشي اتهسترت، طفرت من مكاني رفعت اصبعي اله مهددة..

-العتب مو عليك عليه اني خفيفة انييي

-ههههههههههه

-لا اوكف خفيفة شنو انتَ حاصرني هنا شلون اطلع ربي انتَ اعلم بالحال ربي والله انظلمت هواي ياارببب

-ديلا مرمر حصلنه خوش غده دسم

-ايعع وخر اروح اموت احسنلي

طلعت من غرفة الاجتماعات منهارة خفقان على دوخة على خجل على خوف على رجفة رحت اكعد بالمكتب مالتي مهدودة الحيل..

**

-عمر: شنو هذا اخي شنو هذا

-الاطلس: خير شجابك لمكتبي؟

-مشتاقلك مشتااااق

-روح عمر عني لا تلعب روحي

-لا حرامات تلعب روحك شنو مو هسة جنت بوضع سبايسي

-منو سبايسي؟

-عمر: عليوووي اجيت والله جابك فاتك المشهد

-الاطلس: عمممر!! علي خيرر انتَ شكو جايني وطاب هيج لا احم ولا دستور

-علي: مو سمعت سبايسي كلت الموضوع غميج مو مال ادك الباب

-عمر: مو بس غميج فوق الغميجج

-الاطلس: عمر وشرفييي ادمررك

-منو يدمر منو؟

-عمر: وااااو حميزة هلا هلا

-الاطلس: شنو الموضوع شبيكممم شكو الكل جايني

-حمزة: اصواتكم عالية ما كاعدين ببيوتكم لا تترعنون، هاك هاي التصاميم هسة جبتهن من الشعبة

-عمر: ولك يا تصاميم هو صاير تصميم

-الاطلس: انعل روحكك وروح الخلفك لو حجيت امشي ولي بررره

-حمزة: لا الموضوع بي ان

-علي: ان وعماتهه هم موجودات

-عمر: شباب اريد اتزوج نقطة راس سطر انتهى وشرط اتزوجهه وحدة تشتغل وياي حتى اعيش جو سبايسي وياهه كل يوم

-الاطلس: ابن الـ.....

دفره بظهره طبع حذاء اطلس بسترة عمر من وره رغم هذا ماهتم واستمر بالضحك والخباثة..

-عمر: وشرط ما اعلن زواجي منهه نظل نگضيهه بالختلات

-علي: علييييي والله اجواااء

-حمزة: هههههه اطلس شمسوي شنو لاكف عليك عمر وهيج وجهك ينطي اللوان

-الاطلس: نعل لازم عليه عمر اطلع بره يله يله بره لا اطلعك بالچلاليق

-عمر: يعني شباب فدشي الا بشدة اخونا كلش متونس هنا چا مثلنه المطاية

-علي: اوكف هذا مسلم يتصل.. ها ولك احنه عند اطلس تعال طلقة

-الاطلس: بعد تردون چاي گهوة؟؟

-حمزة: گهوة وسط حب

-مسلم: سلام

-الاطلس: لا هلا ولا مرحبا

-مسلم: حبيبي حبيبي تسلم

-علي: مسلم تعال فاتتك السالفة ولو ماعرف شكو بس عمير لازم لزمة على اطلس

-عمر: احس.. احس بالاثارة شباب

-الاطلس: عمممممممرررر

-حمزة: وصلت السالفة.. ما تستحي اطلس؟ متوازي ياخي

-الاطلس: متوازي لشنو والعباس جذاب ماكو شي هذا يغني بكيفه

-علي: يا اخي مو هنا عيب عيب احترم المكان هذا مكان عمل

-مسلم: مع الاسف خوية عدكم بيت شنو هاللعبان نفس

-الاطلس: اكلوووو نععععل انتو شنو بكيفكم تسولفون

-حمزة: بس عندي فضول اعرف شنو چان احساسك اطلس تكدر تشرحلنه؟

-الاطلس: يا احساس ولك عمرر اليوم انعل روووحك اليوووم

-عمر: معليك بي يشرح بعدين طبعاً يشرح اذا هو ما يشرح اني الاغبر اشرح

-مسلم: اشرحولنه خوية شصار تره احنه اطرش بالزفة يله لا تبخلون

-حمزة: هههههههههه خرب روحك مسلم

-الاطلس: كملتو كلان تبن؟

-علي: بعدنه بعدنه وصلنه للنقطة العميقة هسة عمر كمللنه نريد نعرف تفاصيل

-الاطلس: اي عمر سولفلنه تفاصيل؟

-عمر: لا عيب ما اتجاوز على اطلس ما يصير عيب

-الاطلس: لا لو مكمل اريد اسمع وياهم

-عمر: لا شباب شسالفة نتشاقه كلشي ماكو بس حبيت اتلاطف ويه حبيبنه الغالي ابو الاطاليس

-علي: لا حرامات واني كعدت ألف قصة كاملة، حمزة انتَ سولفلنه

-حمزة: شسولفلك؟

-عمر: صارلك يومين تضحك للهوا شبيك

-حمزة: اني اضحك للهوا؟

-الاطلس: اكره اكولهه بس اتفق ويه عمر فعلاً تضحك للهوا

-مسلم: كلك طاقة وحركات

-حمزة: شنو اليختلف من قبل اني هيج

-مسلم: بس مو لهدرجة

-علي: قبل جنت ترزلنه من نتسوفل شو هسة تضحك ويانه

-الاطلس: محد تسوفل هنا غير عمر العاار

-عمر: اخي شبيك مو بعدت التهمة عنك الا ترجعهه

-حمزة: هههههه لا مابيه شي عادي يعني

-مسلم: هم ضحك

-علي: هاي السنون قليل نشوفهن جاي تبذر بالضحك حميزة

-حمزة: هههههههههههه كافي لا تلحون

-الاطلس: سدو السالفة شباب

-مسلم: ليش ولك نريد نفتهم

-عمر: اني ويه مسلم

-الاطلس: هاي شبيكم سدو السالفة كلت

-علي: ليش عود

-عمر: هااااااااااا

-الاطلس: وجعععة الدنيا كلهه بيك زين؟؟ مو عقل بؤرة مال فساد

-عمر: فهمت فهمت صدك سدو الموضوع خلو المرتاحين بحالهم

-علي: الا افتهم اليوم وعلي

-عمر: يا اخي عوفهم يخافون نطگهم عين

-حمزة: تلعبون الروح وعلي صوچي واكف وياكم

-الاطلس: اخذهم كلهم وياك بروح امك

-عمر: على شرف هذه المناسبات المثيرة المريحة عازمكم على غده

-الاطلس: عندي شغل روح تزقنب وحدك

-علي: هنا ناكل ما نطلع يله اطلس

-مسلم: يله بسرعة ماعندي وقت اني

-عمر: يله خوش عازمكم اني والدفع على حمزة

-حمزة: عارات مو بيدكم..

**

"مريم"
متت ياله خلص الدوام طلعت اتختل ماريد اللتقي بعمر مالي عين اباوعله بس للاسف اللتقيت بي بالمصعد، قابلني بأبتسامة بشوشة مثل كل مرة بس من خجلي فسرت هاي الابتسامة بيهه غاية نزلت راسي ما رفعته ابد لحدما طلعت من البوابة..

صعدت ويه السايق دازين اغراضي وياه، حرك شوية ابتعد من الشركة ووكف بقى ينتظر اطلس يطلع مجرد لمحته نزلت رحتله اصعد بسيارته والسايق حول جنطتي هنا..

-مريم: متتتتتتتتت

-الاطلس: سلامات

-اللتقيت بعمر بالمصعد اطلس شسويت بينه شنو من برود بالمشاعر عندك

-انسي السالفة مريم ما تسوه

-بله حچى ويايه؟

-يحجي وياچ شنو مخبلة انتِ

-اخاف يبسمرني والله انتهي

-ما يبسمر مو هيج هو يستحي منج خلص انسي السالفة

-والكامرات انتَ مطفيهن مو؟ اكيد مو؟

-اكيد طبعاً شنو اعوفهن واخلي امة محمد تتفرج علينه

-لا اكيد بس خرعتني انتَ وصدك بعدني مزاعلتك

ضحك وكرص خدي شلعه وانطلقنه نروح لاهلي، اشترالي عشا بالطريق وقضاه يسولف ويايه حتى ينسيني وصلنه اخيراً الساعة بـ 11:30 بالليل برك السيارة واللتفت عليه..

-انتبهي على نفسج

-راح ترجع؟

-اي

-الوقت متأخر اطلس شنو رأيك تبات هنا الليلة؟

-لا ماكو داعي

-بفندق؟

-لا عندي شغل، يله حبيبي مو توكحين

اخذ ايدي يبوسهه ضحكت على كلامه ومديتله لساني..

-اوكح

-اموتج

فتحت الباب دا انزل ورجع صاحني..

-مرمر حلقتج لا تنسين تلبسيهه بداعتي

-ما انساهه والله

-خمسة ايام وراجعلج مريم لا تخذليني

-ما اخذلك ارجع والله

-راح ابقى منتظرج

-اوكف انتَ كلت اسبوع ابقى

-ماكو خمسة بس

-جذبت عليه اخذت التريده وهسة تغير كلامك اطلس

-اخذت الاريده شنو هو شماخذ اني المگرود يلا نزلي نزلي

نزلت اتحاطم وادردم عليه نزل جنطتي ووكف ويايه بالباب انتظر امي تفتحلنه ياله ابتعد من البوابة..

-الاطلس: عمة مريم بأمانتج خمسة ايام وارجع اخذهه

-ام مريم: بعيني

دخلت امي وياهه جنطتي رجع يأشر بيده ورفع خمس اصابع..

-خمسة بس خمسة

-مريم: هههه خمسة بس

وكف يباوع بالطريق خاف اكو احد واجه عليه بسرعة طبع بوسة على خدي وراسي وحضني وراح..

نمت بسرعة من التعب وكعدت ثاني يوم مخبوصة ويه خواتي اليوم مهر دعاء طلعت من الصبح وياهه للصالون ماقبلت تجينه للبيت..

مكيجنه وبدلنه بالصالون وره الظهر اجه علينه ابوية كلشي بسرعة بسرعة نركض مراكض دخلنه البيت بـ 3 الظهر اكو معازيم واصلين رجعت شفت بسملة ونور ويه امي مرتبات كلشي ومهتمات بالمعازيم..

صعدت فوك ويه دعاوي ودخلت لغرفة امي وابوية اللبسهه هنا حتى محد يدخل علينه اول ما فتحت الباب تفاجأت من شفت سارة ورقية واسيل ونانا كلهن كاشخات على اخر حباية وكاعدات ينتظرن وصول دعاء..

اول ما فوتتهه للغرفة اعتلت الهلاهل والهوسات من البنات بسملة ورقية تگابلن ولعبن لعب، زادت الهلاهل من نزعتهه الشال الي على راسهه وبنفس الوقت انفتحت الباب وظهرت عمة زهراء وياهه خالة حصة وغدير..

انبهرن بجمال دعاوي وام علي خطية حتى بچي كامت تبجي تخلهل وتبجي بنفس الوقت، طلعو بعدما امي كالت ماكو وقت ولازم تبدل دعاء راح يجي الشيخ يعقدلهم..

وكفت اللبسهه القفطان الابيض وهي ترجف رجيف اسولف وياهه واضحك واشاقي وهاي اختي ماكو ميتة خوف..

-دعاء: راح اتقيء لعبت نفسي ماتحمل

-مريم: خرب حظي حتى بهاي نتشابه دعيوة بس شوية تحملي

-متوترة متوترة مريممم

-تخبلين وكلشي يجنن متأكدة علي راح يتسرسح عليج لا تخافين ولا تتوترين

هزت راسهه اي وعفتهه كاعدة على السرير وكفت وراهه ابدل لفستاني، نويت اللبس شي عكس العادة بما ان بس بنات..

فستان اسود مخصر قصير صدره مفتوح واكتافه مزينه بشراشيب فضي بيهن لمع خفيف، الفستان مناسب للحفلة بسيط ململم بيناتنه ما عازمين هواي..

مكياجي بارز وام الصالون لحت ترسملي عيوني بالكحل وتكبرهن صدك طلعت اخبل انعجبت بكلشي لبست الحذاء وعدلت شعري مسويته كيرلي وذبيته على اكتافي ونزلت اختي ويايه..

لحظات عقد القران دعاء امدر اصنفهه من اجمل لحظات حياتي الفرحة بعيون امي والسعادة الممزوجة بالخوف الي بوجه دعاء وهلاهل عمة زهراء وحصة خبصت الدنيا..

الكل فرحان والكل مستعد احسن استعداد لهذا العقد المبارك، حطت دعاء رجليهه بنجانة مي وياس وصاحت امي..

-اريد مسعدة وينهن المسعدات

-دعاء: مريم تعالي

-مريم بهمس: منيلي مسعدة ملطمة اني ولج لا اأثر عليج

-ام مريم: اريذ وحدة مرتاحة بزواجهه ولجن اريد مسعدة معقولة ماكو

-اسيل: ساارة سارة مسعدة مادري شتسموهه

سارة واكفة على جنب متدري شكو جروهه جر وهي بس تتصفن وتضحك متعرف شكو امي طلبت من سارة تحط بين اصابع دعاء الهيل، امي عدهه عادات تجيب مسعدة تحط الهيل على ايدين العروس طبعاً ما اؤمن بيهن اني بس ما احجي شي..

-سارة: الله يسعدج حبيبتي دعاوي

قاطع كلام الكل صوت الشيخ وهو ياخذ الوكالة من دعاء، گلبي يدك حيل خايفة علي ما موجود تذكرت كل الصار ويايه والرعب اخذني، ما ارتاحيت الا من دعاء انطت الوكالة واعتلت الهلاهل والصلوات وفوراً بده الشيخ يعقد لـ علي ويوجهله السؤال..

من الفرحة كمت ابجي واحضن بأختي اهلهل واهوسلهه والبنات كلهن گابلوني من صدك تونسنه، صاحت زهراء العريس يريد يدخل يشوف عروسته كومنه دعاء بسرعة نبدللهه تلبس البدلة..

كملنه تجهيزهه ولبسنه احجيتنه ونزلنه، شوية ودخل علي مبتسم ويمسح بوجهه من التوتر، ابتسامة صادقة مليئة بالحب والانبهار انرسمت على ثغره من شاف دعاء بكامل زينتهه هاي البنية الي كانت تغطي جمالهه وجمال شعرهه وجسمهه بحجابهه وسترهه اخيراً كدر يشوفهه ويكعد بحانبهه ويتلمس ايدهه..

يمكن عشرين بوسة باسهه كل لحظة جار وجهها يبوسهه من مكان، ويهمسلهه كلمات ماعرف شيكول بس الاعرفه اختي راح تموع من الخجل..

جابو الحلقات يلبسون بعض وراهه تخم الذهب الي اختارته دعاء ماقبلت تختار بي احجار او اللماس رادته ذهب صافي، اشرتلي امي اوكف بصفهه اساعدهه واخيراً بديت اللقط اطراف حديثهم، متت ضحك على علي وهو يكول..

-علي: دخيلك ربي هذا مو حلم.. دعاء عود انتِ صدك هيج حلوة

-دعاء: لعد شبيه

-علي: تشكين شك والزهرة

-دعاء: علييي

-يمة گلبي لعبي على گلبي لعبي هذا اسمي لو اغنية بحلگچ

-دعاء: اسكت استحي

-اشتعل عمر تف على غيرتك

-هههه هاي شبيك لبسني يمعود انفضحنه

-علي: معال قندرة حسابه بعدين كله من وراه خرطني العافية

-مريم: اسفة على المقاطعة بس الناس جاي تنتظر عرسانه استعجلو

-دعاء: ولج ميقبل

-علي: شنو ماقبل شوكت يطلعون ذولة اريد ابوس

شهكت دعاءحاطه ايدهه على صدرهه تغطي، جر ايدهه حطهه بين ايده وكال..

-لا تغطين شي حبيبي لا تغطين اشتعل عمر

-مريم: علي هاك السوار لبسهه

-علي: هذا شنو التافه خيولي ما نريده شوكت يطلعون ذولة شني لطشو

-مريم: يبوو علي ميصير ذولة معازيم

نحجي بالهمسات وهو مطنكر وكل شوية صايح لامه ويشاورهه شي عرفت يريد يكعد وياهه وحدهم، گوة بشلعان الروح كملهه لبس الذهب وطلع وبدو المعازيم يطلعون تدريجياً بقينه بس الاهلية..

-زهراء: عيني ام مريم علاوي يريد يشوف مرته ههههه

-ام مريم: اي هلا بي

-زهراء: خوما كدام البنات يجي لو يكعدون بغرفة وحدهم

-ام مريم: شنوووو غرررفة

-حصة: وااااي يحسرتي ام مريم خلي العيال يستانسون

-ام مريم: لا عيني لا هنا يكعدون ابوهه ميقبل احنه نطلع ويبقون وحدهم

وافقت عمة زهراء وطلعنه البنات كلنه من الاستقبال للصالة علگناهه رقص ودبچ وهوسات، امي تلوب على دعاء كل شوية تريد تروح تشوفهه واجرهه اكعدهه ويانه..

فوك الساعتين همه كاعدين سوه ماما تلطم على رجليهه وتعضلي بأصبعهه وتأشرلي..

-هددديني اروح اشوف شعدهم خانسين

-مريم: عوفيهم ماما عوفيهم

-ام مريم: اي خلي ابوج يعرف يطيح حظنه

-مريم: ماكا امه كل سوية تروح تشوفهم عيب

-كوومي ولج روحي انتِ لا تصيرين مهيلگه

-حاضر رايحة

لبست حجابي مرة ثانية ودكيت باب الاستقبال عليهم محد جاوب منهم عمدت حاجبي مستفهمة ورجعت طرقت الباب هم محد جاوب شنو نايمين ذولة؟

فتحت الباب وجفلت من شفت علي لام دعاء لحضنه ورايحين لغير عالم، بس شافتني دعاء طفرت خجلانة ضيگت عيوني عليهم وعلي فوراً صاح..

-مريم خير شكو شجابج؟؟ ماكو خصوصية ياخي ما يصير هيج ما يصير وعلي

-مريم: على كيفك عيني استاذ علي تره صارلكم ساعتين سوه خاف ما حاسبين

-علي: بعد شوية شوية بس

-مريم: لا راح تصير الـ 11 كافي شبعتو من بعض

-علي: منو كال شبعت ولا شبعت

-دعاء: علاوي خلص روح

شو هي حجت لو هذا تسرسح هلوو حقهه امي خايفة من وراهم، صار يغازلهه وهي سايحة حمحمت بصوت عالي رجعت ويايه وهمستله ماعرف شنو عاد الحمد لله راح..

-مريم: علاوي وحركااات وكاعدة بحضنه

-والله هو يجبرني اني خو استحي

-وانتِ مكيفة

-مرايم شبيچ وياي

ما ردت اضوجهه اخذت ايدهه وطلعتهه ويانه وهي بيدهه علاكة ورقية جايبلهه تلفون هدية خطية طارت بي..

اتفقنه ويه خالة حصة تبات هي والبنات بس هالليلة ما قبلت وكالت ابوهن ميقبل الف وا ويلاه ياله اقتنعت زادت فرحتنه وكعدنه كلنه گابلنه دعاء نريدهه تسولفلنه شصار..

-دعاء: ما صار شي بس يسولف بجمالي وعلبو ما تخيلتج هيج وتمنيت هاي اللحظة وجانت امنيتي اللزم ايدج وهسة انتِ بين ايديه وهالسوالف التجنننن

-سارة: ياااي حماس شكد حلووو

-مريم: سارة گلتي لزوجچ راح تبقين هنا وخوما ضاج؟

-سارة: اي اي گتله لا ما ضاج كال الج استراحة اليوم

-غدير: استراحة اليوم الصهبة

محد انطاهه وجه وگمت اصعد فوك ارتب الفراش اخيراً اهلي اشترو فراش وحسبو حساب لهذا اليوم واني اكول ليش امي چلبت بيهم..

**

"بسملة"
اليوم جان متعب بس حلو من كل الجهات فرحة وبهجة طغت وملت البيت، نيمنه عيال مريم بغرفتنه واحنه صعدنه ننام بغرفة امي فوك، ابوية وامي نامو بالصالة الجوه..

كعدن مريم ودعاء يرطنن يبسبسن ويضحكن سوه انضمت نور وياهن واني مثل الاطرش بالزفة كاعدة واتصفن، دك موبايل مريم اطلس المتصل سولفتله مختصر مفيد وين نيمنه اهله وهي وين راح تنام وسدته لان موبايلهه طفه..

مر الوقت بسرعة الساعة عبرت الـ 2:30 بالليل وذني كاعدات بفساتينهن ومكياجهن يسولفن..

-بسملة: بنات شنو هذا الصوت

-نور: أي صوت؟

-بسملة: مادري كأن سمعت صوت فدشي ضرب بالشباك انسو انسو

رجعن لسوالفهن واني حاطه ايدي على خدي انتظرهن يكملن حتى اغسل المواعين واصلات للظالين بالمطبخ، رجع صار الصوت بالشباك كلهن انتبهن..

-دعاء: هذا شنو الصوت بنات

-بسملة: يمة بسم الله الرحمن الرحيم سكنهم مساكنهم شنو هاي

-مريم: الهوا هذا اكيد لتخافن ماكو شي

-نور: روحي شوفي دعاء شنو حبابة

-دعاء: ما ما اخاف اني

-بسملة: شو دكعدن اني اروح

تمشيت للشباك وخرت البردة شوية ومديت راسي اشوف وچان اشوف منظر يجنن..

-مريم مريم تعالييي

-مريم: شصار شكوو

-تعالي شوفي بسرعة

اجت تركض وخرت البردة ومدت راسهه وخواتي هم اجو وكلهن فتحن عيونهن من شافن اطلس جوه وبيده حصوات وديذبهن على الشباك..

-مريم: عزه

-دعاء: يببااو باع الرومانسية

من شاف مريم اجت اشرلهه بيده تعالي، كممت حلگهه بيدهه وهزتله راسهه لا، رجع اشرلهه تعالي ورحعت تهزه لا، منشوف ملامحه بوضوح الجوه ظلمة بس عرفنه راح يتهور من اشر بيده بطريقة سريعة..

-بسملة: روحي ولج رووحي

-مريم: لا استحي ابوية نايم بالصالة

-دعاء: دروحي احنه نغطيلج

-مريم: اروح؟

-نور: رووووحي

-مريم: اوكفن امسح المكياج لعد

-دعاء: ولج ليييش طالعة تخبلين خلي يشوف

-مريم: لا لا ما متعودة حاطه حمرة حمرة استحيي

-نور: ما راح تظل هاي الحمرة حبي نزلي نزلي هههههههه

-مريم: شنو يعني

-دعاء: دروحي يالفاهية

دفعناهه تدفع وعلى الدرج رتبنالهه شعرهه ونزلت على اطراف اصابعهه كل شوية تدور وجهها علينه تكمز بمكانهه وتكمم فمهه واحنه نغمغم بيهه حتى تروح اخيراً نزلت وطلعتله من باب الاستقبال حتى ابوية ميحس..

متت فرح رحت للمطبخ وسديت الباب عليه فتحت الشباك على وسعه ومديت راسي اشوف بلكت اكدر اللمحهم منا بس للاسف همه من الجهة الثانية..

-بسم الله الرحمن الرحيم!!!

-سلااام قولاً من رب رحيممم

-خرعتينيي بت الاواددم

دخلت راسي بسرعة حاطه ايدي على گلبي هذا علي جاي وياه واني طلعت هيج بشعري، سحبت شال معلك وحطيته على راسي ورجعت امد عيوني..

-هاا خيرر؟

-الخير بوجهج عيني

ضحكت من اسلوبه گلبت عيوني وكلت..

-شو جاي ما شبعت

-اشبع من شنو صدك اني ما اكلت كيك

-شوف حظي عود تريد دعاء تجيبلك كيك مووو ماكو ماكو

-يا دعاء ولج اني مو علي!!

-انتَ عمممر!!

-لليوم ما تفرقين بيناتنه چا شكد حظنه نعل

-ياا اسفة اعتذر والله عبالي علي مو هم لابس قاط

-مهر اخوي طبعاً اللبس قاط

-اسفة خوية اعذرني

-عادي ما صار شي

-شعجب جاي؟ ما رجعت انتَ ويه علي

-اجيت ويه اطلس الطريق طويل ما ردت اعوفه وحده هو تعبان

-صدك شبي؟

-تعبان شوي بس أصر يجي يشوف اختج

-اووووي گلبي

-ديلا يلا سدي الشباك وروحي نامي

-ما انام لازم اغسل مواعين

-غسليهن يله

-شعليك تتأمر!!

-ما اتأمر عيوني اسفين، شلونه نعالج الفسفوري

-زين، اكلك استاذ تريد تدخل جوه اكعد ابوية؟

-لا ابقى هنا

-شعندك باقي هنا

-اتفرج عليج

-نعمم!!!

-اي شبيچ اگضي وقت انتِ مو جاي تغسلين مواعين 

-اي بس شنو تتفرج عليه عيب ماعدنه هالسوالف احنه احترم نفسك

-محترم نفسي هاج راح اغمض عيوني

-روح مناك

-وين اولي هو الحديقة مالتكم خطوتين

-اني اسد الشباك احسن

-سدي خلصيني من وجهچ

-انتَ شبيك منفففس

-ما منفس متوتر سدي الشباك وروحي

-متوتر من شنو اوكف اني شعليه روح يله باي

-اوكفي اوكفي بسمك اللهم

-ها

-اريد ماي

-لحظة

طلعتله مي من الثلاجة ومديتله من الشباك اخذه شرب الكلاص ورجعه مبتسم..

-شكراً تعبتج

-لا ابد ماكو أي تعب

حطيت الكوب بالمغسلة وهو راح على جهة عفت الشباك مفتوح وبديت اغسل مواعين على كيف خوفاً احد يكعد..

انكسر ظهري واني انظف واغسل ما خليت أي وحدة من خواتي تجي خطية خليهن متونسات، اثناء ما اني ملتهية بيهن رفعت راسي على صوت عمر يكول..

-تعبتي

-وانتَ كاعد تراقبني

-لا بس صوت المواعين واصلني

-عادي متعودة

-كله انتِ تنظفين؟

-لا اني فاهية كلشي ماسوي بس اليوم كلت لخواتي استراحة اني استلم الشغل

-كفو

-شكراً

رجع ابتعد على جهة مديت عيوني اشوف شيسوي جان يطگطگ بتلفونه، جبت وجبة مواعين جديدة حطيتهن بالسنك ومديت راسي..

-استاذ اجيبلك كرسي تعبت من الوكفة؟

-لا مرتاح

-چنه اطلس راح يطول ويمكن يبات هنا انتَ وين تروح؟

-انام بالسيارة

-تعال ادخل للاستقبال اگعدلك ابوية شبيك

-لا يمعودة ماكو داعي، صدك منو بات عندكم؟

-سارة ورقية وغدير وخالة حصة وامك

-واسيل وبلقيس؟

-لا رجعن ويه مسلم بوكتهه

-ها

رفع موبايله يتصل على احد بس مبين الطرف الثاني ميجاوب، كرر الاتصال وهمس كلمة ما فهمتهه..

-يا صف انتِ بسملة؟

استغربت سؤاله وضحكت، ضحك ويايه ومسح على لحيته..

-عمر: نخلق موضوع احسن من الملل

-اني راح اسحل جامعة هالسنة

-ها حلو بالتوفيق، بيا جامعة؟

-مادري حايرة بهذا الموضوع ماريد اسجل هنا حرامات مجموعي حلو والجامعة هنا فاشلة

-شكد مجموعج؟

-96

-هااا حلوو شنو تحبين تقدمين؟

-اريد اقدم أي شي طبي

-حلمج؟

-اي من اني وصغيرة

-ان شاء الله تتوفقين وتحققين حلمج

-وانتَ شنو شهادتك؟

-اني مهندس معلوماتية

-هاا عبالي رجل اعمال؟؟

-اي مهندس بس اشتغل بأدارة الاعمال

-يصير؟

-اي طبعاً يصير

-هاا عبالي ميصير اني الا تكون خريج ادارة

-لا الشركات متنوعة وتتقبل حميع الاختصاصات عدى الاختصاصات الطبية

-زين استاذ انتَ عندك خبرة بالجامعات؟

اسولف واغسل مواعين تقرب من الشباك ويحجي بصوت ناصي..

-اي عندج الجامعة الي بمدينتنه راقية حيل

-شكد يعجبني اروحلهه بس ابوية ميقبل

-ليش ما يقبل؟

-يكول شلون ترحين وحدج

-لا ليش تكدرين تسجلين بيهه وتبقين ويه مريم

لمعت الفكرة براسي فتحت عيوني على وسعهه متحمسة..

-صدك خوش فكرة ابقى عند مريم

-شفتي

-زين شلون اقدم انتَ مداوم بيهه من قبل؟

-لا اني دارس بالخارج بس عندي اصدقائي بيهه اذا تحبين اتوسطلچ

-صدددك

-اي سهلة ما ينرادلهه شي

-يعني تكدر تسجلني انتَ؟

-اي اكيد بس عندج وثيقة او اوراق تدل ان انتِ تخرجتي؟

-اي عندي عندي اكيد

-جيبيهن واني انطيهن لصاحبي يكملچ كلشي

-هسة اجيبهن؟

-بكيفج اذا موجودات او اذا تردين تسألين ابوج براحتج

-لا هو راح يقبل اذا ابقى عند مريم اروح اجيبهن طيارة وارجع

تركت المواعين من ايدي وطلعت فوك اركض ركض طلعت الملف مالتي ونزلتي على اطراف اصابيعي ورجعت للمطبخ وطبكت الباب عليه، مديتله الملف من الشباك اخذه وصار يكلب بي..

-عمر: هذا ناقص

-ناقص شلون؟

-يعني بي نقص بعد لازم تجيبين استنساج لهويتچ على ما اعتقد

-موجودة موجودة

-لا ماكو

-والله موجودة

تقدم راد يدخل من باب المطبخ وشهكت رفع راسه عليه مستغرب..

-بسملة: اني اطلعلك لتدخل

-ماشي بس شنو الفرق

-لا اكو فرق

-ههههه اوكي براحتج

طلعتله اني دورتله الهوية ما لاحظت شعري من وره كله طالع لان ذابته على ظهري واكفة واشوفه بالع ضحكته..

-شبيك؟

-مابيه

بالغلط دا اكلب بالاوراق وطخت ايدي بأيده جريت ايدي منه خازرته..

-عمر: والله بالغلط

-احترم حجابي رجاءً!

مسح على حلگه ولحيته راح يفطس ضحك ماعرف شسالفته ما حسيت على نفسي الا من تحركت وكم شعره طارت اجت على كتفي، فتحت عيوني وحلگي بنفس اللحظة وهو انفجر ضحك..

-اءء شنو هاي هذا شلون..

لميته دا ادخله جوه التيشرت وجريت الربطة حيل طگ الدبوس ووگعت الربطة من راسي صرت صفرررة من الفشلة خليت ورجعت ادخل جوه بالمطبخ وچان رجليه توگف والدم يبس بشرايني من شفت ابوية بوجهي.......

يتبع ♠️💸....

**

"من البارت القادم"

-شتريد انتَ؟

-رايد سلامتك

-وين تريد توصل بس فهمني؟!

-وصلت حبيبي وصلت

-شنو قصدك بطل هاي الالغاز!

-هذا وجهي.. وانتَ كاعد كدامي احلفلك واقسملك بالله اذا مريم طولت عندك شهر اني معتب

-تحلم

-لا تستعجل على رزقك اني من احجي شي اكون شايفه وهذا الي راح يصير يله انتبه على نفسك حبيب روحي......

• ━━━━━━❪♣❫━━━━━━ •

شفهمتوو من التغشوشة 🥲🔥

برتوت نص الليالي لتنسون التصويت قلبي 🦋🫶🏻