الفصل الثاني

رواية البنت الي امها تزوجت عمها الجزء الثاني 2 بقلم مروان فرج البنت الي امها تزوجت عمهارواية البنت الي امها تزوجت عمها الحلقة الثانية خشت عليا مرت بوي عاشر يوم العزا و الضحكة ع وجهها قالتي اسمعي الحوش هدا حوشي و كلامي هوا الي بيمشي عاجبك اهلا و سهلا مش عاجبك كلمي خوالك يروحو بيك

طبعا أنا ما كانش عندي علم وقتها وان الحوش لماما و طول عمري نحساب انه حوش بوي و هك كنت فاهمة فلما مرت بوي قاتلي الكلام هدا قتلها هدا حوش بوي و أنا ما عندي وين نمشي 🔥💔🥺 طبعا خوالي ما نشوفش فيهم إلا في المناسبات و ما نعرفهمش و لا عمرهم حسسوني اني بنتهم ولا ليهم وعلاقتهم ببوي كانت مش كويسة ف ما كنتش نتلاقى معاهم ديما و مستحيل نتخيل روحي عايشة عندهم

صح العيشة مع مرت بوي و خوتي مش راح تكون جنة لكن هدا حوش بوي و عندي فيه حصة و من حقي نقعد فيه غصبا ع الي يحب و الي يكره 😑 وطبعا عيبة بوي كانو ما يطيقوش فيا و يكرهو فيا بكره مش طبيعي لدرجة ان بابا لما كان عايش قا.طعهم فترة بسبب معاملتهم ليا ف الأعياد و المناسبات يعني كنت بروحي ف الدنيا حرفيا ما عندي حد إلا ربي سبحانه و نعم بالله ❤️

قاتلي دامك بتقعدي زي الغمة ف وجهي كلامي يمشي عليك و الي نقوله يصير و لو يوم فكرتي تعصي كلامي و لا ديري حاجة من ورا ظهري خوتك راح يكونو ليك بالمرصاد

اول شي دراته مرت بوي بطلتني من الجامعة قاتلي ما حد ملزوم بيك يرفعك و يجيبك و خوتك عندهم مشاغل طبعا ما قدرتش نعترض ولا نقول شي مع انه خواتي الزوز الي اكبر مني يقرو آخر سنة يمشو كل يوم بالباص ولما قتلها نمشي بالباص معاهم قاتلي كان عندك باش تخلصي حق الباص بري احني مش ملزومين بمصاريفك الزايدة ساد ماكلتك و شرابك كانت تتحمل عليا برزق بوي ومع هدا ما نقدرش ناقش ولا نعترض كنت نخاف من خوتي كانو صعبين 😑🔥

ف بطلت من الجامعة و قعدت حرفيا شغا…..له ليها و لبناتها الحق كانو يطيبو و يغسلوا معاي لكن اغلب الكيد كان جاي عليا أنا و خاصة. اما يمشو يقرو ونقعد أنا بروحي ف الحوش واستمرت حياتي معاهم ع هدا الحال ستة شهور ما شفتش منهم الفرح و أنا ع فم ساكت 💔

وفي يوم سمعت خوي الكبير الي كان متزوج وعايش بعيد علينا شوي ينادي عليا خليت الي ف إيدي ومشتبه نجري و نرعش مع بعضي لقيته مقعمز هوا وأمه و نظراتهم ليا غربية ما فهمتهاش وكان في حاجة مش كويسة بتصير ولا صارت قتله نعم قالي تعرفي توقعي استغربت من سؤاله قتله نعم نعرف قالي باهي تعالي وقعي هنا و مدلي البيرو

خديت البيرو و شفتله قتله ع شن بنوقع وجهه و وجه امه تغيرو و ناض يعيط عليا ويقولي بتحققي معاي ولا شن قتلك و قعي يعني توقعي قربت من الورقة نبي نقرا ع شن بنوقع غطاها بأيده وقالي وقعي هنا حسيت انه في حاجة غلط و ما كانش عندي فيهم ثقة و طالما انه ما يبيش يقولي معناها الموضوع مش ف صالحي حطيت البيرو وقتله ما نوقعش ع حاجة لين نقراها و جيت ماشية وما حسيت بيه إلا جا..بدني من شعـ..ري 🔥💔 مسكني خوي من شعـ…ري وقالي توقعي يعني توقعي

وإلا والله ما قاـ،،،،،،،تلك إلا أنا توا من خوفي وقعت و بصمت وانا مش عارفة شن الي وقعت عليه رجعت لدار نبكي و نرجف وتوا بس فعلا فقدت بابا و مكانه و كيف كان حاميني منهم حسيت روحي ما عنديش سند و كاني عايشة في غابة و خوفي زاد

ومشت الايام و جت الايام جتني مرت بوي قاتلي اسمعي في ناس متقدميلك رديت عليها بعفوية قتلها لا ما نبيش نجوز قاتلي اسمعي باش انك تقعدي في وجهي هده ما تحلميش بيها برا تزوجي وفكيني منك ومن مسؤوليتك و الناس هدم أقاربي من بعيد عيلة كويسة و ولدهم كويس ومدام جاك نصيبك توكلي ماعندك علاش قاعدة عندي وغدوة الناس بيجو يشوفوك مانبيش نسمع صوتك تخشي تسلمي تقعمزي شوي و تقلبي وجهك …😐

وطبعا حتى لو اعترضت صوتي ما راح يسمعه حد ولا يعبره حد كلهم يشوفو فيا بنت المرة الي جت ضر..ة ع امهم مستحيل يعتبروني أخت ليهم كنت بنت امي في عيونهم مش بنت بوي وجو الناس و درت زي ما قاتلي مرت بوي خشيت سلمت قعمزت شوي و طلعت لا سألوني ولا سالتهم ولا كلموني ولا قالولي اي حاجة و بعد اسبوع جو الرجالة و حددو موعد العرس والي كان بعد شهرين بس و جابو الفلوس بس مرت بوي خدتهم وقاتلي أنا توا نطلع ناخدلك بتاتك انت أصلا شن تعرفي 🔥😐

وخديتلي اقل حاجات كلهم كانو تقول ملابس مراة عمرها أربعين سنة مش عروسة شاربات و قفاطين طوال قاتلي أصلا انت بتعيشي ف حوش العيلة و لازم تلبسي لبس محترم وما تحشمينيش قدام الناس ولما قرب العرس قاتلي المزين ما ليشي داعلي خواتك بديرولك الحلوة و عندي بنت اختي تحطلك مكياج و تسريحة و خلاص ما فيش داعي للمصاريف الزايدة وصار زي ما تبي هي وانا الفرحةما حسيت بيها فوق ما اني مغصو..بة ع الزواج ما اعطتنيش الفرصة نفرح زي البنات 🥺

داروني عرس اقل ما يقال عليه انه بسيط لان بجد ما جي حد لا خوال ولا أعمام خوتي ونساويهم و خواتي المتزوجات و بس هدا كان العرس و عيلة أخت مرت بوي بعد حطتني بنت اخته المكياج و لبسوني قفطان اختي متع المحضر حتى الفيلو قاتلي لا كان كبير عليا بحكم اني أنا وياها مش نفس الحميم و كان واضع عليه القفطان انه قديم و ستايله قديم هلبا و بعد كملت البنت كل شي قاتلي اطلعي طلعت لصالة خواتي قعدو يشوفو لبعض و نظرة العزوة في عيونهم ما قدرتش حتى نشوف لروحي ف المرايا قعمزت ع الصالون وانا شادة دمعتي بسيف كنت حاسة بالغربة وسط خواتي و وخوتي وسط عيلتي صغرة بيا الدنيا و تمنيت لو اني ولوي كانو موجودين ما كانش راح يصير فيا هك …

جو عيلة الراجل و لما خشو عليا خواته انصدمو قعدو يشبحولي مصدومين بس ما قالو شي طلعو خواتي شنط البتات و لبسوني عباية و قبل ما نطلع جتني مرت بوي سلمت عليا وقاتلي اسمعي الحوش هدا طلعت منه ومعاش ليك رجعة ليه 😐

حطي عقلك ف راسك وشدي حوش راجلك لانه معاش عندك حوش غيره هنا نزلو دموعي معاش قدرت نشدهم نزلت النقاب و طلعت ركبوني في السيارة معاي وحدة جنبي والآخرة من قدام قاتلها شن بنديرو عليك فضـ..يحة قدام الناس قاتلها اختها اسمعي تدخلوها من الباب الخلفي ونقولو العروس تعبت و رقينها لدارها وخلاص بلا فضا..يح قدام الناس زدت انقهـ…رت كانو يتكلمو عليا ولا كاني موجودة

دخلوني من الباب الخلفي فعلا و رقوني فوق من غير ما يشوفنا حد تقول يهر…بو خشينا للمرر صغير فيه دار وحمام قالولي العريس ف الدار اشرت وحدة منهم ع الدار قاتلي بري خشي و خلي تنزلو حني رقعو العملة ومشو وخلوني كنت في موقف ما يعلم بيه إلا ربي وكمية المشاعر الي حسيت بيها بين خوف و قهر و كسرة خاطر فتحت باب الدار و خشيت قمت الخمار و ننصدم لما نشوف …….🔥😨 …..