الفصل الخامس

رواية البنت الي امها تزوجت عمها الجزء الخامس 5 بقلم مروان فرج البنت الي امها تزوجت عمهارواية البنت الي امها تزوجت عمها الحلقة الخامسة طلعت من داري لقيت الحوش كله متجمع قدام دار راجلي 😨🔥 النسوان يعيطو والرجالة داخلة طالعة، وأنا واقفة مكاني نرعش مع بعضي ومش عارفة شن صار جتني أخته الكبيرة وقالتلي: ارقي لدارك توة وما تدخليش.

لكن الفضول والخوف كانو واكليني، قعدت نشبح من بعيد، ولقيت خوه آدم واثنين من خوته ماسكينه وهو يعيط ويكسر في كل شي قدامه😐🔥 بعد فترة هدا شوية، وطلعت أمهم من الدار ووجهها مصفر. شافتلي وقالت: بري لدارك يا بنتي طلعت وأنا قلبي واجعني، معاش عرفت نخاف منه ولا نحزن عليه ومن يومها تبدلت حاجات هلبا داخل الحوش أول مرة نحس إنهم خايفين مني أكثر ما أنا خايفة منهم.

كل يوم يجو يسألوني لو محتاجة شي، وكل يوم يوصوني ما نمشيش لدار راجلي بروحي😐 لكن رغم هكي، كان فيه سر كبير مخبيه العيلة كلها. كنت نحس بيه من نظراتهم ومن كلامهم المقطوع. وفي يوم سمعت صدفة عزوزتي تحكي مع بنتها. قالتلها: لو البنت هادي تمشي وتخلي الدار، رانا خسرنا كل شي سكتت أخته وقالتلها: خلاص يا يمه، اصبري عليها شوية. أول ما سمعت الكلام هدا حسيت إن فيه حاجة أكبر من مجرد زواج لكن ما عرفتش شن هي🔥😐

مرت الأيام وأنا عايشة بينهم، لا أنا مرتاحة ولا هم مرتاحين. وكان أكثر واحد يريحني شوية هو آدم. رغم إنه قليل الكلام، لكن كل مرة يشوفني خايفة يوقف معاي.وفي مرة لقاني نبكي برا الدار قالي: ما تخافيش هزيت راسي وسكتقالي: ربي كبير ومشى🔥😐 كانت أول كلمة طيبة نسمعها من حد من يوم مات بوي لكن الفرج ما طولش بعد أسبوع تقريباً، نادتني عزوزتي خشيت عليها لقيتها قاعدة ومعاها ملفات وأوراق

قالتلي: اسمعي، لو انتي تحسني معاملة راجلك وتصبري عليه، كل شي بيكون ليك ما فهمتش قصدها لكن حسيت إن الموضوع له علاقة بالرزق والورث وبعدها بسيف روحت لحوش بابا ومرت بوي وقعدت ايام ومن بعدها بأيام، جاني خوي الكبير للحوش أول ما شفته خفت توقعت بيضربني ولا يهزّب فيا كيف كل مرة لكن هالمرة كان مختلف كانت نظراته تخوف أكثر من الصراخ. قالي: اسمعي، لو ما رجعتيش لراجلك وتحملتيه، والله ما يجيك مني خير سكت وما قدرتش نرد🥹💔

قرب مني وقال ردي بالك من كلامي وخلاّني واقفة نرعش مكاني بعد ما مشى، سمعت بالصدفة كلام بين عزوزتي ومرت بوي وعرفت الحقيقة عزوزتي كانت مهددة مرت بوي وخوتي إنها ترفع عليهم قضية وترجع الذهب والفلوس وكل حاجة خذوها مني لو ما رجعتش لراجلي وقتها فهمت علاش كلهم فجأة ولّو يبو يردوني موش خوفاً عليّ لكن خوفاً على نفسهم وجعتني نفسي هلبا وحسيت إني بروحي في الدنيا لا خوت، لا خوال، لا حد كل واحد يدور مصلحته وخلاص

قعدت نجهز في شنطتي ودموعي تنزل بروحها كل زاوية في الحوش تذكرني ببوي. كل مكان فيه ذكرى معاه وحسيت كأني بنطلع من آخر مكان كان يربطني بيه وفي الصبح، خشت عليا مرت بوي وقالت بعصبية هيا جهزي روحك، الناس يستنوا فيك مسحت دموعي، وخديت شنطتي وعرفت إن الطريق اللي جاي أصعب من كل اللي فات… قاعده نجهز ف شطنتي تخشلي مرت بوي وتقولي هيا اطلعي يستنو فيك ماخلتنيش حتى ناخد دبشي كامل😐💔

طلعت لقيت ادم وعزوزتي جيت بنركب قالتلي مرت بوي يا جُمانه زي ماعلمناك ردي بالك على راجلك كويس ركبت وجناحي مكسور وعزوزتي متشمته وتهـ.دد فيا طول الطريق وقالت ردي بالك نشوفك خاطي دارك جي ادم بيقوللها يماا قالتله انت ماليكش علاقة اسكت قعدت ندعي ف داخلي لين وصلنا نزلنا قالتلي طول لراجلك مشيت واني رجل القدام ورجل الخلف وقلبي بيطلع مني

وصلت لباب الدار فتحتا وخشيت واول ماشافني جي ها”جم عليا قعدت نعيط ماجي حد حز عليا اخر شي شدلي شـ..عري وقعد يضر..ب في راسي عالحيط لين خش ادم حز عليا واني راسي كله د”م يقولي اطلعي واني نشوفله زي المسبوهه يقولي قتلك اطلعي لين ف لحظه.. …..