رواية الضابط المستبد والخرساء الفصل الخامس 5 - بقلم tolaalaskari95

و أذا يحچون شيسوون
الله يعرف شبينه
اليدري بروحه خوش أنسان
ليش يخاف من طينه
🌺🌺
افراح : بعد مراحو بيت ابو محمد كلمن راح لغرفته نام *
ثاني يوم كعدنه وتريكنه وماكو اي واهس لشي رحت انضف بالبيت شويه وندك الباب طلعت امي تركض
ام اكرم: روحن ادخلن جوه ولبسن حجاباتجن ولا اطلعن لمن اني اكول
افراح: دخلنه جوه ونتباوع من شباك المطبخ
امي فتحت الباب دخلو زلم بيهن 10 زلم اكو بيهم معكلين كبار واكو بيهم عمرهم ب 40 و2 شباب امي سلمت عليهم ودخلتهم للاستقبال واجت علينه
ام اكرم: هذوله ولد عم ابوجن جاين علمود المشيه مال اهل الولد المقتول
بناتي مي وجاي بسرعه
افراح :سوينه جاي ومي ودزيناه راحت امي يمهم واحنه بقينه بالمطبخ
ابو عماد (عم ابو اكرم ): بويه ام اكرم جا الولد وين
ام اكرم :عمي حسنين بالعسكريه وحسين بالكليه خابرت عليهم من بيت ابو محمد جوارينه كتلهم لاترجعون لمن تخلص هالسالفه
اخاف عليهم عمي واذا صار شي يروحون لبيت خالهم
ابو عماد :اي خوش سويتي بس يابويه انتن نساوين لوحدجن ويراد زلمه بالبيت
ام اكرم: عمي ابو محمد جوارينه رجال جبير وممقصر ميخلي احد يكرب علينه بشي
عماد : اي والنعم منه بس لازم اكو رجال من اهل البيت من عمامكم
ام اكرم: الله الحامي خويه
ابو عماد: بويه ام اكرم شكد عندج بنيات
ام اكرم: عمي عندي 5 بنات
ابو عماد: شكد اعمارهن بويه
ام اكرم: الجبيره اكرام 18 سنه وافراح دخلت ب 17 وزينب دخلت ب 14 والتوم الاصغار 10 سنوات
ابو عماد :ماشاء الله عرايس
ابو ايوب : خويه ام اكرم صيحي البنات
ام اكرم: ان شاء الله
افراح :اجت امي كالت البسن حجاباتجن وعبيجن وتعالن سلمن على عمامجن رحنه لبسنه ورحنه وره امي دخلنه وسلمن البنات عليهم وبسنه ايد جدو ابو عماد عم ابويه وبسنه ايد جدو ابو حسين عم ابويه
وسلمنه على عمامي ولد عم ابويه
وكعدنه
ابو عماد: هله بالحميمات( يعني جمع حمامه بس بدلع تصير حميمات)
البنات : خجلن
ابو عماد :اي جدو انتن ادرسن
اكرام :اي جدو اني بالسادس علمي
زينب: اني. بالاول متوسط جدو
ايلاف واطياف :احنه ب الرابع ابتدائي جدو
ابو عماد :بعد كلبي جدو شاطرات
اي بويه وانتي وهو يأشر على افراح
افراح :نكسر گلبي لان ماجاوبته مثل خواتي واشوف الانظار كلها عليه
ام اكرم: عمي افراح مدرست بالابتدائيه وتمرضت وفقدت النطق بس هيه شاطره وتدرس وي اخواتها وتعرف كولشي وام بيت
ابو عماد :عفيه بالمعدله مبينه من وجهج جدو مودبه وشاطره الله يحفظج لأمج وابوج
افراح :فرحت بداخلي وبتسمت ل جدو
ورفعت راسي وشفتهن كلهن بتسمولي
ابو عماد : بويه ام اكرم اريد اكلج شي خاف يصير بالمشيه كعدة عشاير
فصل وخاف يطلبون فصليه اشلون بهذا الوضع
ام اكرم: عمي اني ماانطي بناتي لو اموت شنو فصليه اصلا ابني مامسويها شنو ذنبنه نتحمل شي ممسوينه
ابو عماد: يعمي العشاير متعرف بهذا الحجي وهمه محروك كلوبهم على ابنهم ويجلبون بالرايح والجاي
ام اكرم: مااعرف عمي حايره جاا شنو الحل
ابو عماد: شوفي بويه عندي حل واذا اقتنعتي انتي والبنات على خير مقتنعتي تره البنات يروحن فصليات
ام اكرم: شنو الحل عمي
ابو عماد : اعقد على البنات لولد عمهن حتى من يطلبون فصليات نكلهن بناتنه عاقدات بمثابة المزوجات وما عدنه بنات عزبات لهذا راح يقبلون بالفلوس شتكولين بويه
ام اكرم: مااعرف عمي اسأل البنات
ابو عماد :اي جدو شتكولن
اكرام :جدو تره هواي اكو حلول مو بكيفهم ياخذون فصليه
ابو ايوب: عمو بس انتي متعرفين بسوالف العشاير وتره اذا اخذو وحده فصليه منجن يخلونها تتمنى الموت
اكرام : … 😔
ابو ايوب : اني اريد اكرام ل ايوب شتكولون
ايوب : اخليها بعيوني بت عمي شعر شاربي
ابو عماد وابو حسين :والله والنعم رجال من ضهر رجال
ابو ايوب :بارك الله بيك وليدي اتنومس بيك
اكرام :جنت ضايجه انتبهت على ايوب من كال هالكلام رفعت راسي تباوعتله ابتسم بوجهي
خجلت ودنكت درت وجهي

ابو حسين :اني اريد زنوبه لحفيدي ابن حسين باقر
باقر :تأمر جدو فصل واحنه نلبس
ابو حسين وابو عماد :ونعم التربيه معدل جدو
ابو حسين :اسمعو يا ايوب ويا باقر بس تخلص السالفه اطلكون البنات ولامن شاف ولامن درى
لان مانريد البنات ينجبرن على الزواج هذا زواج مو لعب
باقر وايوب :صار جدو
ايوب : بداخله من كل عقلك جدو اني اطلك بعد خلي اعقد وبعد مااطلك اريد استقر وبت عمي واني اولى بيها

ابو عماد :بويه عماد انت راح تعقد على افراح
عماد :صار حجي بس تره البنت زغيره ومتحجي خاف الها رأي ثاني مااريد اجبرها
ابو عماد :بويه انت ارمل وتحتاج مره
عماد :حجي نسيت انت اني رجال عمري 43 وهي طفله 16 سنه
حجي كدامك وكدام عمامي البنيه اعقد عليها
لمن تخلص هالسالفه واخليها تشوف حياتها شنو ذنبها
الكل :بكيفك الي يريحك
افراح: من حجه هيج
ارتاحيت تباوعتله رفع راسه وضحك بوجي وكال عمو اني بمثابة ابوج لاتخافين
ارتاحيت
ام اكرم: ان شاء الله خير باجر اروح اشوف ابو اكرم واكوله على هذا الحجي حتى نعقد للولد بعد باجر وبعد 4 ايام تروحون مشيه لأهل الولد المقتول
ابو عماد وابو حسين: ان شاء الله خير بويه

خلي نعرفكم على ايوب وباقر عماد كتلكم مقتطفات عنه واصلا هو مراح يستمر وي افراح مجرد عقد لمدة اسبوعين لان هو يحب زوجته المرحومه وافراح ماتريده تريد تبقى يم امها وابوها
ايوب :عمره 31 خريج كلية هندسة كهرباء ويشتغل بالطاقه وعايش وي امه وابو واخوه احمد واخته نورس حالتهم الماديه تمام
ابو ايوب: 48 مدرس رياضيات
ام ايوب :47 ربت بيت
احمد: 28  خريج علوم سياسيه ويشتغل موضف باحد الدوائر
نورس: طالبة كليه تربيه انكليزي
شبيه ايوب 👇

ملاحظه: همه كلهم شكران عائلة ابو اكرم وعائلة ابو ايوب وبيت ابو حسين كلهم شكران وعيونهم ملونه وخصوصا الولد
والبنات اكو كم بنيه عدهم شكرات وعيونهن ملونه والباقي ملامحن

هسه نروح ل باقر
باقر:عمري 27 سنه خريج كلية قانون واشتغل وي محامي بمكتبه عايش وي ابوي وامي واخواتي واخوي
اخواتي رنا وبيداء و رواء
واخويه علي
ابو باقر حسين: 49 يشتغل سايق ساحبه على الطرق الخارجيه
ام باقر :موظفه بمديرية الماء والمجاري
رنا: 25 معلمه مزوجه وعدها ولدين
بيداء: 20 تاركه المدرسه مزوجه وعدها بنيه
رواء :19 سنه تاركه المدرسه مخطوبه
علي :22 سنه طالب كلية صيدله مرحله رابعه
شبيه باقر 👇

افراح :راحو عمامي
ثاني يوم الصبح امي راحت للمركز ازور ابوي
واخذت وياها ملابس اله واكل وفلوس
احنه ضلينه بالبيت اجت يمنه ام محمد
خطيه ماعافتنه
نرجع ل حمزه اشتاقيناله 😁
حمزه : جنت نايم بغرفتي وافكر ب هاي البنيه الخرسه من يوم الي شفت
ملابسها مشككه
وشعرها الي جنه خيوط ذهب والعيون الخصر
ماادري شكو افكر بيها
على الرغم اني انسان ملتزم واصلي واصوم
وماعندي هيج سوالف ومااذكر بحياتي مسوي علاقه جنسيه وي مره حتى زوجتي كان زواجنه على الورق مجرد عقد سيد ومحكمه بحكم هي متريدني واني اكره امها واكره اهلها واكرها مااريد اخلف منها طفل  ومن نسل عائلتهم القذره
مرات اكول بيني وبين نفسي احتمال اني شخص عاجز جنسيا يعني مااكدر اتقبل اي مره
كأي رجال تسيطر عليه الشهوه
حتى من التقيت بأفراح وشفتها عن قرب هم مو كرغبه جنسيه
هيج ك انتقام او كشخص حب يتملك بنيه
حسيت نفسي اريد افراح تبقى تحت رحمتي
زادت رغبتي بالانتقام من عرفت بيها متحجي
صح هذا الشي حرام
بس احس نفسي اريد اطلع قهر سنين عمري وعذاب امي بشخص
وطلعت افراح كدامي
بيني وبين نفسي قررت اخذ افراح الي واخليها
تخدم امي وبنفس الوقت اخلص الحقد الي بداخلي بيها
فكرت وكلت شنو ذنبها لو عندي اخت اقبل واحد هيج يسوي بيها
عقلي يكول شي وقلبي يكول شي
بس مااكدر اضيعها من ايدي انتقامي وراحتي كلهن عدها

سبحت وبدلت ملابسي ونزلت
لكيت خالتي تسوي جاي
ام علي :هله يمه هاا رايح لدوامك
حمزه اي خاله رايح دير بالج واي شي يصير اتصلي ع المركز
ام علي: توكل على الله يمه محروس
حمزه :طلعت فلوس وخليتهن بيدها
ام علي : يمه المن هاي الفلوس يوميه تنطيني وانت مامقصر
حمزه :ميخالف خاله الج وللوالده وشنو تحتاجون اتصلي
ام علي :الله وياك يمه

حمزه طلعت للمركز وصلت كعدت بالمكتب
شويه واجه العسكري
العسكري :سيدي ام المتهم اكرم هنا وطالبه تشوف زوجها
حمزه :دخلها
طبعا حمزه مو هو المسؤول على قضية اكرم اكو ضابط غيره بس هو وقت الخفر يستلم بمكان المقدم
حمزه ناقلي للمركز فتره ويرجع
ام اكرم :السلام عليكم
حمزه :وعليكم السلام
تفضلي خاله
ام اكرم :تسلم يمه
حمزه :تره ممنوعه الزياره وراح ادخلج نص ساعه على مسؤوليتي اني هنا ضابط بديل مو المسؤول عن القضيه
ام اكرم: رحم الله والديك يمه
حمزه :شنو اخبار بيت عمكم مرجعو تره اكرم راح يعم على ابوه واخوانه
ام اكرم :ماكو خبر والله يحلها شنو اسوي وفوك هذا كله اهل المقتول جاين علينه يردون يسونها كعدات وفصول
حمزه :شغلة العشاير صعبه ويردون حق ابنهم ياخذوه باديهم
وانتم عدكم ولد لهذا صعبه
ام اكرم: جاا شنو اسوي الله كريم
حمزه : يا عسكري
العسكري : تأمر سيدي
حمزه :اخذ ام اكرم لزوجها
العسكري:تفضلي
ام اكرم: مشكور يمه
حمزه :اخذي راحتج
ام اكرم :دخلت لأبو اكرم وشفت حاله تعبان واثار التعذيب والضرب بي
ابو اكرم : هله بام اكرم مشتاقلكم شخباركم الولد البنات شلونهم
ام اكرم :بخير مابيهم شي انت شلونك ابو اكرم
ابو اكرم : بخير الحمد الله
ام اكرم :الحمد الله ،،
جبتلك ملابس واكل وفلوس راح اخليهن يم الضابط وهو يدخلهن الك من يفتشوهن
ابو اكرم :متقصرين ام اكرم معدله ،،
ام اكرم ماكو خبر عن ابو كمال وعائلته واكرم
ام اكرم :لا والله ماكو
ودزولنه تبليغ من المحكمه راح يحكمون عليهم غيابي
ابو اكرم :لاحول ولا قوه الا بالله العلي العظيم
ام اكرم :البارحه اجو عمامك ولد عمك علمود المشيه مال اهل الولد المقتول
ابو اكرم :اي ميقصرون هم زين من همه موجودين ،،،
اي شكالو
ام اكرم :يكولون راح نحاول نفضها بفصل فلوس
بس همه خايفين خاف اهل الولد يطلبون فصليه وحده من البنات
ابو اكرم :شنو فصليه بناتي ماانطيهن ودير بالج ام اكرم على بناتج حتى لو ادزيهن على بيت خالهن
ام اكرم: استهدي بالرحمن ابو اكرم اسمعني
عمك ابو عماد وعمك ابو حسين اقترحو اقتراح
وكالو اذا وافق ابو اكرم تنحل السالفه
ابو اكرم :شنو هو الاقتراح
ام اكرم :يردون يعقدون على البنات عقد سيد ومن تخلص السالفه يطلكوهن حتى اهل الولد من يطلبون فصليه نكلهم البنات عاقدات بمثابة المزوجات
ابو اكرم :هاا ومنو راح يعقد عليهن
ايوب :يعقد على اكرام
وباقر يعقد على زينب
وعماد ابن عمك يعقد على افراح
ابو اكرم :بس عماد جبير يا ام اكرم
ام اكرم: يارجال تره همه كم اسبوع ويطلكوهن همه اتفقو كدام الكل مراح يزوجوهن طول العمر
ابو اكرم :بيها الخير بس خل نخلص من هالسالفه
ام اكرم: ان شاء الله
يله اني رايحه الضابط كال بس نص ساعه
ابو اكرم :الله وياج

حمزه : طلعت ام اكرم واجت خلت غراض وفلوس لابو اكرم يمي
دزيت العسكري يوديهن لابو اكرم ورحت وراه
دخلت
حمزه :هذني اغراضك من اهلك
ابو اكرم :رحم الله والديك سيدي
حمزه : اي شنو الاخبار
ابو اكرم :ماكو غير المصايب سيدي ،،،
الحمد الله على كلحال
حمزه :الحمد الله. ،،
خير شنو الصاير
ابو اكرم :ام اكرم تكول اهل المقتول يطالبون بدم ابنهم والكعده بعد 4 ايام واني خايف على
البنات
بله الولد عند خالهم
حمزه :ليش شبيهن البنات غير يم امهن
ابو اكرم :احتمال ياخذوهن فصليات
حمزه :شنوووو
وين عايشين احنه ماكو قانون
ابو اكرم بعد هاي عشاير ماتلزم بالقانون
لهذا راح يعقدون عليهن ولد عمهن
حمزه :شنوووو لحظه شنو يعقدون عليهن ولد عمهن ليش تره ابو اكرم ماكو شي اكيد مراح ياخذوهن لاتسرع لخاطر الله
ابو اكرم :سيدي العشاير مترحم واني اخاف على بناتي
حمزه :كم بنت عندك كلهن راح تعقدلهن
ابو اكرم :اي سيدي راح يعقدون على الكبار اكرام وافراح وزينب
وهذني الاثنين التوم الصغار ماعليهن بعدهن صغار
حمزه :ابو اكرم افراح مو خرسه اشون راح ازوجها لاتسرع تنظلم البنيه
ابو اكرم :شنو اسوي سيدي احسن ياخذوها فصليه ويعذبوها
حمزه :اني اصرف بس لاتخليهم يعقدون على افراح
ابو اكرم بعدم فهم:ليش سيدي
حمزه بأرتباك :هاا لا ماكو شي بس خطيه تدمر حياتهاوهي متحجي
ابو اكرم :لا ابني. لاتخاف الي راح ياخذ افراح ابن عمي جبير بالعمر يعقد عليها لمن تخلص سالفة الكعده ويطلكها اني مااريد ازوج افراح فقيره وماتكدر تتحمل اذيه
حمزه :شنو الي يثبت من يعقد عليها بعدين يطلكها
ابو اكرم :سيدي عماد ابن عمي واعرفه رابي وياه رجال بمعنى الكلمه بعدك ماتعرفه
حمزه بحزن 😔:يله اني اروح
ابو اكرم :الله وياك سيدي
حمزه :طلعت واني محتركه روحي
اشون تزوج وياخذها واحد غيري لالا مو بهالسهوله تخلص مني
انتضر لمن تخلص الكعده واذا مطلكها اني اصرف وياهم ومستحيل اخلي يطلعها من بيت اهلها حتى لو دقيقه

افراح :رجعت امي من ابويه وكالت يسلم عليجن وهو موافق على العقد
البنات :ضاجن لان خايفات باقر وايوب ميطلكوهن
اني ادري عمو عماد راح يطلكني بعد اسبوعين
لهذا ماضجت

ام اكرم :يمه نضفن خاف باجر عمامجن يجيبون السيد ويعقدون
البنات :ماشي
افراح :ثاني يوم اجو عمامي همه والسيد وعقدو الي ولعمو عماد
وبعدين ل اكرام وايوب
واخر شي ل زينب وباقر
اشوف ايوب فرحان ويوزع ابتسامات
وباقر عادي بس خلصاها يخزر بزينب
وعمو عماد عادي يحجي وي الزلم مابين علي اي شي جديد لان احنه متفقين وهو
يحب زوجته واني بعدني صغيره
ابو عماد ابو حسين :بالمبارك ان شاء الله
ابو عماد :بعد باجر الفصل وان شاء الله خير
الكل :ان شاء الله
افراح بعدين عمامي ترخصو وراحو وخلو بس ايوب عدنه لان ماقبل جدو نبقى بلا رجال ويكول ايوب صار محرم الكم زوج بتكم
لهذا بقى
ام اكرم :يله يمه كومن سون عشا لابن عمجن
البنات كامن يسون عشا وايوب بقى كاعد بالاستقبال
افراح :تعشينه وشربنه جاي وكلمن راح نام

ثاني يوم الصبح  راحت امي وايوب وعمامي للمحكمه لان اليوم الحكم على اكرم وبيت عمي
حمزه :كعدت الصبح واني بالمركز اجه بديلي بدلني ورحت للبيت
اليوم المحكمه مال اكرم واكيد راح يكون الحكم اعدام لان اكثر من قضيه
بس اذا نحكم اكرم ابو اكرم يطلع من الحجز
افراح :انتضرنه لساعه ب1 ورجعو عمامي وايوب وامي. تبجي وتصلخ بخدودها وباقر لازمها رحنه سألناهم
كالو اكرم. وبيت عمي ابو كمال كلهم نحكمو اعدام لان راحو لأيران
ام اكرم :اصخام صخمني ولجن اخوجن حكمو اعدام ولج يايمه ابني راح يروح مني
😭

😭
الكاتبه :تولا العسكري