رواية الضابط المستبد والخرساء الفصل الخامس وثلاثون 35 - بقلم tolaalaskari95

إنخاف ما نحجي الحقيقه
أيعزرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرنه مليانه حزن
ومجسمه بصورة عذاب

الكاتبه تولا العسكري
حمزه : جنت گاعد اني وافراح محسيت الا رفل فوك راسي شويه وكالت
رفل :ابو حسن انت تدري المده راح تخلص واني اريد اطلب منك طلب
حمزه :كولي شنو الطلب
رفل :اريدك تبقيني على ذمتك بعد شهر
حمزه :وليش يابه بعد شهر شيختلف يعني خلصت المده وراح ترجعين لبيت اهلج وشوفي حياتج شراح يغير هذا الشهر
رفل :مراح يغير بالنسبه الك بس راح يغير بالنسبه الي اذا وافقت تخدمني هاي الخدمه اكون ممنولتلك طول العمر
حمزه: ليش يابه شكاعد تخططين من مصيبه اني يامن يخلصني وانتي تريدين تمددين حضرتج
رفل :شوف ابو حسن اني عندي ابن عم جان رايدني واني مااريده ضليت كاعده بدون زواج بسببه لان اي واخد يخطبني يرفض هو لهذا بيوم الي تنازلت عن الفصل انت كلت لأبويه ينطيني الك هديه حتى بلكي يحل عني ويزوج
وهسه من رحت لأهلي سمعت هو منتضر انت تطلگني وهو ياخذني لهذا طلبت منك تمدد زواجنه لان عمي الي هو ابو الولد گايله بس تخلص المده واذا مرجعها زوجها راح ازوجك ومتتعرض لبنت عمك مره ثانيه
حمزه :خوش ملعوب جديد
افراح :ماشي رفل عوفي ابو حسن يفكر وبعدين ينطيج جواب
رفل :ان شاء الله يله من رخصتكم
،،،،
حمزه:افراح شبيج شنو افكر هاي اكيد تريد جيبلي مصيبه بابا هاي مؤامرت
الشخص الغدار مبين من عيونه لاتغشج
افراح: حمزه خطيه خاف صدك ابن عمها يجبرها وبعدين تتندم لان ماساعدتها وتره اني هم منتضره تخلص المده بس هو شهر اصبر عليها عسى الله يجعل بيها خير وابن عمها يزوج وهي تشوف حياتها
حمزه: ولو مامقتنع وخايف عليج من تصرفات هاي الحيه بس انتي وكفتي عد عيني مااكدر اكلج لا
افراح: بعد روحي ابو حسن تاج راسي
حمزه: اروحلج فدوه ام حسون اضمج بالگلب انتي
💔💔💔💔💔
افراح :مر يومين وحمزه رجع جواب ل رفل وكلها
حمزه :حتبقين شهر بعد وبعدين مالي علاقه بيج مو كل شهر تجين تتوسلين احفظي كرامتج واطلكي ورجعي لأهلج
رفل :مشكور ابو حسن
حمزه :مااريد مشاكل بهذا الشهر
رفل بينها وبين نفسها:ههه والله ونجحت الخطه بس اصبريلي ياافراح اني انطرد من البيت من اول يوم اني اخوي الي فقد كلاته من وراكن بسيطه
الا اسود وجوهكم بس اصبرولي
افراح :خلال هاي الايام رفل خانسه
وبس من اجي يمها تذب حجي مافهمت شتقد جانت تگول
ماضل شي ماضل شي وتضحك
اني بيني وبين نفسي كلت شتقصد هاي معقوله تلف على حمزه لو تسويلها مصيبه
دخيلك ياربي منين اجتنه هالبلوه هاي
عفتها ورحت سبحت حسن وبدلتله
واجه حمزه من الدوام كال بدليله اريد اطلعه وياي
هم كمت بدلتله واخذاه وياه
اجو بالليل حسن نايم بحضن حمزه اخذته منه وصعدته للغرفه ونزلت لكيت حمزه كاعد ضل يتغزل ويتحرش
حمزه: انتي تخافين الله لولا
افراح :دخيلك ياربي اكو واحد ميخاف من ربه اشلون مااخاف اكيد اخاف
حمزه: جاا ليش حارمتني
افراح :ياا حبيبي من شنو حارمتك مقصره وياك بشي
حمزه: لامامقصره بشي بس اذكر من شهر ماماخذ حقي
افراح: ههه ابو مصلحه مو اني مريضه وبطني كبرت وثكلت لهذا كلش مااكدر
حمزه: ماعليه اني اليوم ناوي اخذ حقي ولج حتى حسن احسن مني يحضن ويبوس بيج واني كاطعه عليه الماي والكهرباء
افراح بخجل:تدلل ابو حسون مااقصر وياك ياروحي انت
حمزه: اموت عليج
افراح: احبك حيل
حمزه: روحي الج فدوه يله كومي لايگعد حسن
افراح :رحنا للغرفه وعشنه بعالمنا الخاص بس جان صعب عليه بطني مأذيتني كلش
بعدين سبحنا ورجعنا انام
حمزه :ولج صايره كوه تتحركين
افراح :جاا شنو اسوي غير هذوله جهالك شلعو گلبي
حمزه :خل يطلعون واني انعل ابوهم لان تعبوج
افراح: هههه اي خل نشوف بس حجي
حمزه: نشوف 😉
افراح :حمزه ممكن سؤال
حمزه :اسألي يابعد گلبي
افراح :حمزع ليش اول ماازوجنا جنت تلخذني للغرفه الخلفيه وتنام وياي ليش ماجنت تخلينه نسوي علاقتنه بغرفتنا
حمزه: راح احجيلج كل شي صار قبل
وياي وليش اني اتصرف هيج منا لمن عرفتج وجبتيلي حسون يله تغيرت
افراح: اي فدوه احجيلي والله مااكول لأحد
حمزه: اي يابه راح احجيلج
اسمعيني
((هاي من جنت صغير جان عمري 8 سنوات جنت اني الوحيد لأمي وابويه
جنت صغير مااعرف شي جان عندي عم واحد هو نفسه ابو سعاد هو جان ضابط جبير كلش بحزب البعث يعني الكلمه الي تطلع منه تتنفذ ضالم كلش طاغي قذر لايعرف الحلال ولاالحرام كلها حياته شرب ونسوان ابوي جان عسكري من صارت حرب ايران راح ابوي بواجبه رجع مجاز بيوم من الايام
جنا احنه عايشين يم بيت عمي بيت قريب عليهم ،،جان عمي ماعنده جهال بس سعاد وبعد مصار عدهم
خلصت اجازة ابويه راح لدوامه جان بالجبهه اذكر بهذيج الايام غاب ابويه 6 اشهر وماكو خبر منه منا لمن ادخل عمي وسأل عليه كالوله اخذوهم اسرى
وعادمينهم على الحدود
احنه تخبلنه امي ضلت تملخ بروحها
جانت تحب ابويه كلش صارت الفاتحه
وخلصت ومر اسبوع وجابو جثة ابويه لافيها بعلم اهنا اني حسيت نعدمت حياتي مابقالي سند بالحياه امي جانت فقيره بتصرفاتها
مرن 5 اشهر وامي خلصت عدتها
عمي جان يجي يصيحني ينطيني فلوس ويروح
مره باليل كاعدين وندك الباب رحت فتحته دخل عمي
كعد وكال صيح امك رحت صحتها لبست حجابها وعبايتها وراحت يمه اول مدخلت هو كام اشو اشوف نضرات عمي مو تمام تجاه امي وخصوصا امي جانت صغيره وحلوه بيضه گطن
بعدين گال عمي مااكدر بعد اخليكم بالبيت وحدكم لمو ملابسكم باجر اخذكم تعيشون وياي
امي رفضت هو عصب وكال اذا متجين اخذ ابن اخوي وانتي ضلي
امي مجان عدها خيار ثاني ماتكدر تتخلى عني واني وحيدها لذلك وافقت ولمينه ملابسنه وثاني يوم اجه عمي اخذنا
رحنه لبيتهم هو نفسه الي جنا عايشين بي اني وياج قبل لنشيل
دخلنه لبيت عمي اتلكتنه مرت عمي تصيح وتغلط وعمي اخذها وكطعها تكطع
منها وبدت تحقد على امي لان عمي نضراته لأمي مال واحد عاشك وامي حلوه ومرت عمي تخبلت
عاشت امي بيت عمي عيشه الحيوان ميقبلها جانت مرت عمي تصيح اختها يجتفن امي ويحمن سجينه ويحركن بيها حتى شعرها گصته مرت عمي
الا ان اجه عمي مره وگال اريد ازوج
ومرته تخبلت گالتله والله مااخليك
كالها محد اخذ رأيج اني اريد ولد وانتي ماتخلفين بعد
گالتله بشرط اني اخطبلك وحده على ذوقي هي جانت رايده تاخذله بت خالها معوقه وموحلوه لان همه جانو سمران كلش وعدهم عيون بيهن جحوظ يعني موحلوين رادت تاخذها اله بس علمود الجهال
هو رفض وگال اني راح ازوج مرت المرحوم اخوي
امي ماتت من القهر ورفضت لان جانت تكره عمي
عمي گالها مو اني الترفضني مره الج
خيارين يااما تزوجيني وتعيشين هنا وتخلفيلي طفل يا اما اتونس وياج بدون زواج وبالحرام واخليج حالج حال اي وحده كح... اروحلها وغصب عنج وبعدين اخذ ابن اخوي واشمرج بالشارع
امي ضلت تبجي واني ماجنت استوعب الي جاي يصير
بالليل اجتني امي لبستني وگالت يله خلي نشرد بعد مااضل هنا يم هذا النگس ،،اني ماكلت لا لان جنت اخاف من عمي لان هو شكله ضخم ويخوف شخصيته قويه
اخذت امي علاگه بيها ملابسنا وطلعنه
نمشي بهمس حتى محد يحس طلعنه من الباب الخلفي للبيت جان اكو شرك مخلينه داير مداير البيت من على السياج ومخلين بي كهرباء يعني ناتلينه شكو واحد يعبره يتكهرب ويموت بمكانه امي جانت تعرف لهذا جايبه وياها جف مال كهرباء وفتحت الباب وطلعنه نمشي بالشارع ماندري وين نروح امي مجان عدها اهل همه بس خالي وبيبيتي وثنينهم ماتو جان خالي من اهل كركوك صديق ابويه بالجيش مره عزمه بيته وسالفه منا وسالفه منا كاله رايدلي مره منك بالشقى وخالي كاله الي الشرف وصار الشقى حقيقه وخالي انطى امي لأبويه ابويه مجان متوقع بعدين لمن اخذاها ابوي جانت كلش حلوه حباها بس بعدها خالي استشهد قبل ابوي وبيبيتي توفت قبل خالي لهذا امي ماعدها اهل
،،،نرجع لموضوعنه من طلعنه من بيت عمي نمشي بالشارع ونتلفت لمن صارت رجلينه خيوط من المشي يله وصلنه للگراج كتلها يمه وين راح نروح
كالت نركب للعماره عندي بت خالي هناك بلكي نلكاها
ضلينه كاعدين منتضرين سياره للعماره
غفيت بعد مكدرت فتحت عيوني لكيت الشمس طالعه وامي مغطيتني بعبايتها وغافيه شويه وكعدت راحت جابتلي كيكه اتريك بيها ضليت اكل وهي يمي مرت تقريبا 3ساعات لان منگدر نصعد الا كروه وامي عدها محبس ذهب بآيدها منتضره احد ينطيها بي سعر وتبيعه شويه محسيت الا عمي و وياه عسكرين واكف گبالنه
هو راح سحب امي وجتفها واخذها لسياره واني اخذني واحد من الجنود لسياره رجعانه عمي للبيت بس ياريت متنا قبل لنرجع امي تحملت كل الالم والظلم
دخلنه للبيت اني ضليت واكف بالطارمه
وعمي اخذ امي يسحل بيها للغرفه الخلفيه هي نفسها الي اخذتج الها اول زواجنه
ضل يسحل بيها اخذها جتف اديها بالسناسل وقفل الغرفه وطلع
اني ضليت گاعد گبال الباب محتار وين انطي وجهي منا لمن صار الليل رجع عمي كال تعال نام بغرفتك معليك بأمك بعد رحت للغرفه مانمت خايف على امي شويه وسمعت صوت نزلت بسكته حتى ليحس عمي تباوعت من الدرج شفت عمي يريد يطلع خفت خاف يريد يضرب امي نزلت رحت وراه
شفته دخل للغرفه البيها امي شويه وسمعت صوت امي تصرخ ضليت ابجي بالباب مرت ساعه سمعت الباب نفتح ختلت وره الحايط طلع عمي يرفع بنطرونه وبدون قميص عريان اني سديت حلگي ودموعي ضلت تنزل خفت يشوفني
،، ضليت اراقب عمي ليليه يروح للغرفه البيها امي ومااسمع بس صراخ امي
الا فد يوم حست مرت عمي وشفتها تراقب بعمي من راح للغرفه البيها امي
لكيتها وراه هي شافتني وكلتلي اشش لايسمع عمك ضليت ساكت شويه وسمعنه صوت امي اصرخ زوجة عمي ركضت يم الباب رادت تفتحه جان مقفول اكو مثل الشباك صغير والجام مالته وصخ بي تراب مينشاف منه
هي مسحت التراب وضلت تتباوع وفاتحه عيونها بصدمه
تباوعتلي وگالت تعال شوف عمك النذل شيسوي بأمك اصبر امك النگسه راح تجيبلك اخ ابن حرام من عمك
راحت جابت طابوكتين وحطتهن وكالتلي اصعد تباوع بدون صوت
صعدت كوه وصلت لشباك وياريتني ماشفت شي شفت امي مجتفها عمي من اديها بسلاسل ومنزعها ملابسها ونايم وياها وهي تصرخ
اني ضليت ابجي نزلت وضليت بالكاع گاعد شويه وطلع عمي شافته زوجته اجت تملخ بي وتغلط هو ولاكأنو مسوي شي كالتله ازوجتها عليه
كالها لا بدون زواج حالها حال الكح…
من شوكت تخوني رد عليها كلها اهوو انتي نايمه ورجليح بالشمس يابه صار شهر يوميه اجيها انتضري بعد شهر
تحبل بأبني هي ضلت تبجي وتغلط عليه خلاها وراح ومرت الايام وفعلا امي صارت حامل سمعت من زوجة عمي هي واختها يحجن ويخططن يدخللها
ويسقطن الطفل لان عمي يريد طفل من امي وفعلا نفذن مخططهن وجابن مره وسقطن الطفل بعدها عمي جاب سيد وعقد على امي ومرت الايام ضلت امي على هاي الحاله محبوسه وحبلت من عمي اربع مرات بس مرت عمي متخليهم لمن دره بيها عمي وموتها موت حتى اظافرها شلعها بالبلايس
فهي حقدت ازيد على امي
الا فديوم مرت عمي دخلت على امي هي واختها وذبن حديده على ضهر امي عود حتى متحبل بعد بس للآسف امي نشلت وتعذبت محد الها لمن جابلها عمي وحده مره تخدمها مرت الايام وعمي تعرض لكمين وشخلو شخل بالرصاص بس العار ميموت خلوله صوندات بمكان الامعاء ونام بالفراش مايتحرك
مرت الايام واني كبرت ورحت كليه عسكريه وصرت ضابط واول مرجعت
لكيت عمي من شفته رجعتلي ذكريات
امي وصراخها وشلون سلبها شرفها سحبت مسدت ورميته بدم بارد مات مثل الحيوان
جانت مرت عمي عند اهلها هي وبتعا
لمن رجعن اني كتلهم لكيته ميت واخذته دفنته
ملخن ارواحن وتالي صارت الفاتحه
ورحت لأمي اشوف احوالها
اني وعمري 17 زوجني عمي بنته غصب
لهذا امي جبتها للبيت بعد مامات عمي
ضليت اروح واجبات اجي الكه سعاد وامها لاعبات لعب بأمي مره داخله عليهم جيرانه لان سامعه صوت جلاب
تنبح رايحه للبيت لاكيتهن ماخذات
امي للغرفه القديمه المغرب بالظلام وهادات عليها جلب اسود مجلوب
وامي ماتحجي بس تبجي لاحول ولاقوه الها المره جوارينا مفرغتها منهن
وماخذتها وياها لمن اجيت اني وحجتلي المره كل شي رحت عليهن للبيت طلعت مرت عمي گبالي اذكرت كل عمايلها بأمي رميتها برجليها ثنينهن وكتلها وهاي مثل مسويتي بأمي حالج حالها
اما سعاد كتلها تعاي كطعتها تكطع
وطردتهن اخذت امها لبيت خوالها
شويه وهدو عليه خوالها كتلهم والله الي يفك حلكه اضيعه ومحد يلگاله اثر
خافو بحكم عمي ضابط واني ضابط فكل الناس الي جانت تخاف من عمي صارت تخاف مني
سعاد دزيت عليها كتلها تعاي للمحكمه حتى نطلك وتنازليلي عن البيت هددتها بأبن خالها لان ادري بيها تحبه
فوافقت تنازلتلي عن البيت وطلكتها و ولت
اني اخذت امي وعشنا سوه خالتي ام علي مو اخت امي الح انما هي بت خالها جانت بالعماره واجت عاشت بيت يمنه بالناصريه
اما اني ضليت اكره جنس حواء بسبب عمايل مرت عمي وبتها منا لمن ازوجتج صح عذبتج وظلمتج واذيتج بس حبيتج هواي وحتى لدكتور رحت تعالجت
وهسه خلصت مأساتي بوجودج و وجود حسن وخوانه
افراح :هو يحجي قصته واني دموعي تنزل كل هذا بحياتك عشته الله يساعد گلبك على هيج مصايب
حمزه :المهم ايام ولت انتي هسه يمي ومااريد شي
افراح :ياعمري انت
جنت اسولف حسيت بألم فضيع بطني
صحت من الالم ححمزززه

يتبع…… 
الكاتبه تولا العسكري
وهذا بارت عوضتكم بي لان ادري بنفسي مقصره بالنشر بس شنو اسوي مشغوله والله بس همات ماكو واهس تفاعل قليل ليش هيج
🥺