رواية الضابط المستبد والخرساء الفصل السادس وثلاثون 36 - بقلم tolaalaskari95

حاسبني اذا تلكه مكان
بكلبي مايهواك
❤️❤️❤️❤️❤️❤️❤️
الكاتبه تولا العسكري
حمزه :حجيت ل افراح عن حياتي السابقه لان سألتني ومااكدر اظم عليها بعد فحجيت كل معاناتي ومأساتي الها
بعدين محسيت الا افراح تصرخ بأسمي
ارتبكت صراحه هي بعدها بالثامن نصه
يعني معقوله تصير عدها ولاده مبكره
احتاريت شنو اسوي ،،،
جبتلها حجاب وعبايه ولبستها وكومتها
لحضه فروحه خل انزلج لسياره وارجع اجيب حسن
افراح :حمزه عوفه نايم رفل هنا
حمزه: لا مستحيل اعوفه يمها اخذه اخلي يم سلوى وناخذ خالتي ام علي مناك ويانه
افراح بألم :اي
حمزه: صعدت افراح بالسياره ورجعت جبت حسن دخيل ربه نايم وماحاس بشي لان تعبان من الخواره وياي 😁
صعدت ومشينه لبيت خالتي ام علي
نزلت اخذت حسن انطي لسلوى
واخذ خالتي كعد حسن دكيت الباب
طلع علي كتله ابو رضا صيح خالتي فدوه ام حسن يمكن عدها ولاده
علي :فوت فوت هذا الطفل بارده مو زين علي
حمزه :دخلت طلعت خالتي كالت ام علي: اوكفلي يمه خل البس جواريبي وعبايتي
انطيت حسن لسلوى كتلها
حمزه: فدوه خويه نومي وهذني غراضه وحليبه لمن نرجع
سلوى :اخلي بعيوني ابو حسن
حمزه: تسلم عيونج ام رضا
ام علي :يله يمه البت وحدها بالسياره
حمزه :طلعنا لسياره ركبت خالتي يم افراح وتهدي بيها وتوجهنا للمستشفى
نزلنا افراح واجت دكتوره خفر واخذتها على السديه سألتها على دكتوره رغد زوجة عمو وائل كالو اليوم مو خفرها
ضلينه منتضرين الدكتوره شويه وطلعت
الدكتوره :عيني لاتخافون هاي تقلصات عاديه ماعدها ولاده شي طبيعي وبعدين حتى لو صار موعد ولادتها مجيب طبيعي لان الولاده حتكون معسره وبنيتها ضعيفه متتحمل ولاده توأم ثلاثي
لهذا اذا دخلت بشهرها التاسع خل تراجع دكتورتها تحدد موعد عمليتها
حمزه :تسلمين دكتوره
الدكتوره :هذا واجبنا يله تكدرون تاخذوها للبيت
حمزه: رحت لفروحه وطلعتها للبيت رجعت خالتي وجبت حسن
،،،،،،
افراح :مرت الايام ودخلت بشهر التاسع
كلت لحمزه علمود ياخذني لدكتوره علمود موعد العمليه لان صار خمس ايام بالتاسع هو هم گال العصر اخذج
بس كعديني بالاربعه
نزلت نضفت ولعبت حسون وسبحته وبدلتله واني هم سبحت وبدلت
اتباوع لرفل مو نظاميه تحقر وياي
اني اسكت عنها هو بس هذا الشهر وتولي
صارت الساعه 4رحت كعدت حمزه هم كعد سبح وبدل جبتله جاي شرب وگال
حمزه :هاا يابه جاهزه
افراح :اي جاهزين
حمزه: يله خل نتوكل جيبي هذا الهتلي
لايدفرج بطنج
افراح :ههه هاك اخذه
اخذ حمزه حسن شاله ورحنه لدكتوره
فحصتني وكالت تمام وضعج بس اكو طفل من اطفالج تعبان احتمال اذا جبتي
ميطول والاعمار بيد الله
ضليت ابجي
الدكتوره :كولي ياالله ماما كولشي بيد الله احتمال من جيبينه يتحسن وضعه
صح احنه دكاتره ونشخص الحالات بس
ارادة الله والي كاتبه محد يعرف بي
خلي ايمانج قوي برب العالمين
شوفي ماما انتي حامل بولد اثنين وبنيه
اكو واحد من الولد تعبان وان شاء الله  مايصير شي احنه اول متجيبين ندخله خدج نعتني بيه عنايه كامله
افراح :ان شاء الله خير دكتوره
الدكتوره :ان شاء الله جهزي نفسج
بعد اسبوع عمليتج
افراح :ان شاء الله ،،،
طلعت لكيت حمزه يلعب بحسن
من شافني كام كال
حمزه :هايعمري بشري
افراح بحزن ودموع :كالت بعد اسبوع العمليه
حمزه: بعد روحي شبيج ضايجه خايفه من العمليه
افراح ب بجي: لا مو من العمليه تدري بيه سويت هواي عمليات تعودت
حمزه: ام حسون بعد گلبي ليش تبجين شو اكعدي ارتاحي وسولفيلي
شبيج ضايجه كالتلج الدكتوره شي
افراح بحزن :اي تكول واحد من الاطفال تعبان كلش واحتمال ميعيش من اجيبه
حمزه :حبيبتي لاتبجين ان شاء الله ماكو شي احتمال تعبان لان حامل بتلاثه بس اجيبين يتحسن وضعه واذا مات لاسامح الله بعد شبدينه هذا امر الله لاتبجين وتخلين براسج افكار سلبيه خليج متفائله
افراح :حمزه
حمزه: عيوني انتي كولي بويه
افراح :گلتلي الدكتوره بيج ولد 2وبنيه
حمزه بفرح وابتسامه :الحمد الله والشكر على نعمتك ياالاهي
افراح :حبيبي الطفل التعبان هو ولد
حمزه :الله موجود يروحي هو شنو كاتبله يصير ان شاء الله ماكو شي
افراح :ان شاء الله
حمزه :يله گومي خل اخذكم تتعشون بره
افراح :يله خل نروح
،،،، شال حسن ورحنا تعشينه ورجعنه للبيت
فتح حمزه الباب بالمفتاح العنده اشو
محسينه الا طفرة واحد من البيتونه
افراح :اصخام حمزه منو هذا حرامي
حمزه لحكه بس ماشافاه فص ملح وذاب
رجع لغرفة رفل فتحت الباب
كالها منو هذا الي جان ع البيتونه
هي ضلت تصيح
رفل :صخام بس لا حرامي واني جنت نايمه زين مادخل عليه وذبحني
حمزه ماقتنع بكلامها عافاها وصعد واني وراه
هو ضل يحسب ويفكر بهذا الي جان بالبيتونه
منا لنص الليل نمنه
كعدنه الصبح روتين طبيعي
مرت 5ايام حمزه خابر على اهلي گاللهم اريد اجي اخذ ام اكرم لان افراح بعد لعمليتها يومين واريدها يمها
لان مااكدر ادزها يمكم تعرفون بالضروف يقصد رفل
ابويه كله لا عمي اني اجيبها هم اريد اشوف فروحه قبل العمليه
ثاني يوم اجو اهلي فرحت كلش بيهم
رفل بغرفتها ولاتطلع ابد
خفة وراحه شنسويلها جاا
باجر موعد عمليتي جهزتلي امي غراضي وجهزت نفسي
سويت عشا وتعشينه وامي فرشت لأبوي والها بالاستقبال
مر الليل عليه شكد صعب وخايفه بس كون اجيب بسلامه وميصير شي محسيت من نمت الا لمن
كعدني حمزه
حمزه: فروحه ياروحي صباح العافيه اكعدي يله
ب9 عمليتج
افراح بدموع: حمزه اريد اوصيك قبل العمليه دير بالك على حسن وخوانه واذا متت وانت بقيت رفل وماطلگتها دز جهالي يم امي تربيهم ودير بالك على بنتي
حمزه: اشش ولج شنو هذا الحجي
مراح يصير شي ان شاء الله
انتي راح تگومين بالسلامه وترجعين الي ولجهالج ومراح تبقى عندي مره غيرج راح نربي بنتي اني وياج هي واخوانها
افراح :ان شاء الله
بعدين رحت سبحت ونزلت لكيت امي خطيه مسويه ريوك وابويه كاعد صبحت عليهم صاحني حمزه يمه صرت بين ابويه وحمزه وخطيه مبين التوتر على وجوهم بس ميريدون يحسسوني اخذت حسون من امي واحضن وابوس بي كأنو مراح اشوفه بعد
بعدين كملنا ريوك راحت امي نزلت الجنطه
واني بدلت ولبست عبايتي وطلعنا اني وامي وابوي وحمزه
ام اكرم :يمه حسن نخلي بيت ام علي
حمزه :اي خاله نخلي عند سلوى لان خالتي راح تجي ويانا
ام اكرم :خوش يمه
ابو اكرم :ها بابا فروحه لاتتوترين
وخليج قويه ماكو شي ان شاء الله
افراح: لا بابا ان شاء الله خير
،،،،
رحنا لبيت خالتي ام علي خلينه حسن واجت ويانه خالتي ام علي
توجهنه للمستشفى دخلت وسويت التحاليل وكمل حمزه الاوراق او وقع بعدين اجن الممرضات لبسني لبسه مال عمليات قصيره
متت من الخوف بعدين اجت دكتوره رغد زوجة عمو وائل وتهدي بيه وگالت اني راح ادخل وياج لاتخافين
بعدين اخذوني بالسديه واجه حمزه وبابا يمي
ابو اكرم :محروسه بنيتي الله واهل البيت يحضرونج
افراح :الله يخليك بابا
حمزه :ام حسون الغاليه ترجعيلي بالسلامه يحفظج امير المؤمنين
افراح :تسلملي ابو حسن دير بالك على حسن
حمزه :اسكتي ولاتفكرين بسلبيه ياعمري انتي
افراح :اخذتني الدكتوره دخلوني
ربطو الاجهزه بيه وبعدين خلولي المخدر بعد محسيت

يتبع…..
الكاتبه تولا العسكري