رواية الضابط المستبد والخرساء الفصل الثالث 3 - بقلم tolaalaskari95

رجاءا تفاعلو وي القصه حتى اعرف القصه عجبتكم لو لا استمر لو احذفها
..😔
نبدي وياكم ونكمل والله كريم 😍
الكاتبه :تولا العسكري

حمزه :كعدت الصبح
رحت غسلت وصحت على العسكري كتله جيب ريوك وجاي
جابو الريوك تريكت ورحت للمكتب
وضليت اشتغل بالقضيه مال اكرم جاسم
الادله كلها ضده ولازم ناخذ الاجراءات حتى نلقي القبض عليه
لان اهل الشرطي المقتول قدمو شكوه والقضيه قضية التعدي على النظام
والاستخبارات الي مخليها على البيت محصلوه
بعدها
رحنه على بيت عمه مداهمه وتفتيش وهم مالكيناه ضلت القضيه مستمره ..
بعد تعب من الشغل رجعت للبيت اول مدخلت غرفة امي لكيتها نايمه بستها براسها ورحت لغرفتي سبحت وبدلت نزلت للمطبخ
خالتي دايما تطبخ تغدي امي وتخليلي غدا
تغديت ورحت نمت ساعه ..

في جهه اخرى ،،،،،
افراح :الخوف والرعب الي عايشينه بالبيت مينوصف كل فتره مداهمه ومراقبه وحتى بيت عمي داهموهم علمود اكرم
بس الحمد الله اكرم نهزم لمن نشوف شنو الحل
امي وابوي حالهم ميسر
امي بس تبجي
وابوي مقهور وميعرف شنو يسوي القضيه صعبه ضد النظام ولان عمي معدوم بسسب الانتفاضه الشعبانيه ب 91
لهذا تاكدت الجريمه ضد اكرم واحنه خايفين خاف يعدمو مثل عمي 😭

صارت الساعه ب 3 رجع ابويه كعد رحت جبتله مي
سألته امي
الام :بشر ابو اكرم ماكو شي جديد
ابو اكرم :شكلج يا ام اكرم مصيبه وطاحت على راسي
رحت استفسرت من واحد اعرفه عن القضيه
سولفي السالفه
ام اكرم :سولف ابو اكرم شكلك الرجال اشون اتهمو اكرم ،،،
ابني مايسويها
ابو اكرم :يكول اكو مجموعه من اربعة اشخاص رامين على سيطره وقاتلين الشرطي بواجبه وبعدين حاركين السياره ومهزومين
واكرم بطريقه من بغداد راجع للبيت وشايف الحادث نازل متباوع على السياره وراجع صاعد ومكمل طريقه خايف
بس المصيبه اكو شهود شايفينه يم السياره
وشاهدين
وهسه فوك هاي المصيبه اهل الشرطي المقتول
يردون يسوها كعدة عشائر وفصل...
كليلي يا ام اكرم منين اتلكاها والله مابيه حيل للمصايب انوب اخوي هم ابتله وياي وكل ساعه مداهمين بيته يدورون على اكرم 😔
ام اكرم :يمه صخام بوجهي 😭 شوكفك على السياره ولك يمه هذا حظي وحظ
ولدي صخام الصخمني 😭 لا والنوب من رجع ماجاب طاري
ليش هيج يمه ليش
ابو اكرم :كولي يا الله يامره ماكو مشكله ما الها حل الله كريم
ام اكرم :الله كريم 😭
افراح :اني اسمع حديث امي وابويه وبس ابجي ودموعي شلال شراح يصير بينه

صار وقت الغروب اذن الاذان رحنه صلينه وجهزت العشا وصحت امي وابوي والبنات يتعشون كعدو بس ولا واحد اله نفس ياكل

حسنين الصبح التحق للعسكريه وضل بس ابويه واحنه صار عدنه رعب على اي ساعه يداهمون البيت الشرطه ويفتشون

شويه وكلمن راح لنوم ،
رحت بدلت ونومت البنات ونمت غفيت لان تعبانه من التفكير مانحس الا الساعه ب5 الصبح ندفر باب البيت ودخلت الشرطه
البنات كعدن صريخ من الخوف طوقو البيت
وضلو يفتشون بالغرف وبكل مكان لمن كملو تفتيش الغرفه خليت البنات بالغرفه وقفلتها عليهن ورحت دخلت للاستقبال
الكاتبه :تولا العسكري

رحت يم امي ضليت احجي وياها بالاشاره
يمه ليش شنو صار ليش الشرطه هنا
الام : يمه. يدورون على اكرم ويردون ياخذونه
للمركز لتحقيق
افراح:😭
الشرطي :يله كدامي على المركز لتحقيق
ابو اكرم :يله راح اروح وياكم
الشرطي:انت وعائلتك
ابو اكرم :عائلتي شعليها اني ابوه اشون تاخذون نسوان للمركز ماضلت غيره
الشرطي :بلا لغوه زايده ويله كدامي
تحركت وهي فزت
الام :ها يمه كعدتي
افراح :اشرت الها اريد اروح للحمام
امي :يمه اخاف عليج هسه انه اروح وياج اوكفي خل اشوف واحد يدليني
امي دكت الباب حيل اجه شرطي فتح الباب كال هاا شرايده
الام:خاله اريد اروح للحمام
الشرطي :انتضري اروح اكول لضابط
افراح :كلت بكلبي الله اكبر على عدم الغيره حتى الحمام بأمر
اجه الشرطي كال يله اطلعن كدامي
رحنه اني وامي للحمام غسلنه وكملنه وطلعنه واحنه نمشي بالممر صار بوجهي هذا الشرطي الي اجانه البارحه للبيت واعتقلنه ضل يخزر بيه وحسيته مو راحه ونضراته مال واحد وصخ
يتباوع عليه ويعض بشفته
اني يبس الدم بشرايني من الخوف
رجعنه للغرفه شويه ونفتح الباب
جابولنه صمون مال جيش حشا نعمة الله مثل الصخر
شنو نسوي اخذناهن واكلناهن امي كالتله ماكو جاي
رد عليها كللها بفلوس انطته امي بهذاك الوقت
100 دينار
راح جابلنه جاي 2
اكلنه كوه وشربنه الجاي
اجه الشرطي اخذ الاستكاين
ضلينه كاعدين واحنه منعرف ابويه وين وشنو صار عليه
ضلينه على هذا الوضع لليل

في جانب اخر
حمزه :كعدت من النوم بدلت ملابسي نزلت لكيت خالتي يم امي سلمت عليهن وطمأنيت على امي وسئلتهن خاف محتاجات شي
وبعدين طلعت ركبت سيارتي يم صديقي خالد
رحنه للمطعم تعشينه وبعدين افترينه شويه ورجعت بالليل لكيت امي نايمه
صعدت سبحت ونمت
ثاني يوم عندي خفر بالمركز بعد الظهر
غفيت ماكعدت الا على صوت صرخة امي
نزلت مثل المخبل لكيت امي جايتها الحاله
و واكعه من كرسيها المتحرك على وجهها
رحت كعدتها لكيت خشمها كله دم وبهاي اللحظه اذكرت كل الماضي واني حاقد على كل جنس حواء وكيدهن
كعدت امي غسلت وجها وداويتها ورحت لبيت خالتي حتى ناخذها لطبيب
جبت خالتي لبستها ملابسها واخذناها لدكتور
شافها الدكتور وطمني كال ماكو شي يخوف الخشم مابي كسر وضعها تمام
كومناها واخذناها للبيت كلت لخالتي خاله لاتعوفينها باتي يمها اني عندي خفر اليوم
كالت روح خاله اني يمها لاتخاف
ام علي خالة حمزه:خاله ماترد مرتك على اقل تنتبه لأمك عفتها كم ساعه صارت هيج يخاله انت عندك دوام واني مايمها واخاف عليها
حمزه :خاله لاتعيدين هالسالفه مره ثانيه هاي الحيوانه مااريد اشوف وجها لا هي ولا امها الصاق...ه
خاله نسيتي الصار ومنو سبب حالة امي
والله لو تصير النفس ماارجعها وخليها مشموره مثل الكلبه اني طلكتها ومايربطني بيها شي هالحيوانه
ام علي :خاله لاتعصب انه علمودك وعلمود امك
انتم تحتاجون مره بالبيت ،،
عوف مرتك طلكتها ختولي ليش ماتزوج
حمزه :خاله النسوان كلهن سوه منو راح اداري مره مقعده اكيد بس اروح لدوام يعذبنها ويذلنها
ام علي :بكيفك خاله اهم شي انت لمصلحتك احجي يايمه
حمزه :خاله فدوه اني هيج مرتاح ☺
يله اني راح ابدل واروح لدوام
ام علي: اخذ راحتك يمه
حمزه :رحت سبحت وبدلت الملابس العسكريه
نزلت سلمت على خالتي وبست امي وطلعت
وصلت للمركز
كعدت بالمكتب شويه واجه الشرطي ،،،
سيدي عائلة المجرم اكرم جاسم حسن بالحجز
حمزه :شنو عائلته بالحجز منو. تقصد بعائلته
الشرطي :سيدي امه وابوه واخته
حمزه : شنوووو وين همه وليش حاجزين النسوان
الشرطي :سيدي هذا امر من الضابط بديلك هو امر بحجزهم وكلي اخبرك من تجي
حمزه :كتله شوف شغلك ،،
رحت اتصلت استفسر على امر الحجز كال الضابط يردون يضغطون على اكرم حتى يسلم نفسه
حمزه: كتله تمام
بعدين طلعت دخلت للغرفه الي بيها ابو اكرم شفتهم مدمرينه بالتعذيب حتى يعترف على ابنه
كلت لشرطي شنو الوضع
كال الشرطي سيدي دخلنا تعذيب بس مااعترف بشي
كتله عوفوه محجوز لمن نشوف الوضع
سالته وين باقي العائله
كال بهذيج الغرفه سيدي
رحت للغرفه فتحت الباب
تفاجأت من شفت البنيه الي شفتها هذاك اليوم
شفتها نايمه بحضن امها من شافتني كامت بخوف
كلت لأمها حققو وياكم
ام اكرم :اي
حمزه:ليش متكولين على مكان ابنج وتخلصون من هذا الوضع
تره مو حلوه تبقين هالبنيه بنص المركز
ام اكرم :مااندل مكان ابني
حمزه :تره زوجج معذبينه تعذيب ماراحمينه
ام اكرم :شتردون من عدنه انتم ابني ماسوه شي كوه اجيبون التهم وتلزكوها بينه
حمزه :ابنج مجرم قتل شرطي واعتدى على سيطره
ام اكرم :ابني مايسويها
حمزه :شفت ماكو فايده كمت فتحت الباب ماادري شنو الي خلاني التفت على البنيه واخزرها بس اريد ارعبها
هي تباوعتلي بعيون تجري دموع وبعدين من الخوف نزلت عيونها
بعدين طلعت
رحت للمكتب كعدت افكر بهمومي
شويه ودك التلفون جاوبت طلعت
خالتي كالت يمه الحك امك تخربطت واني مااكدر بهالليل وين اروح الولد ماموجودين
حمزه :سمعت خابرت المدير وطلبت اجازه زمنيه وطلعت بسرعه للبيت لكيت امي متمدده وخالتي تسويلها كمادات كتلها ها خاله شبيها
ام علي خالة حمزه:يمه ماادري ارتفعت حرارتها وصارت عدها شمره
حمزه: يله خاله جيبي عبايتها
جابت خالتي عبايتها واخذناها للمستشفى
دخلناها شافاها الدكتور انطاها ابره وشكللها مغذي وكال ماكو شي ان شاء الله تخلص المغذي وطلعوها

في جانب اخر
افراح :كاعده يم امي شويه ونفتح الباب
دخل هذا الشرطي الي يتباوع بقذاره خفت منه وياه 3 شرطه
اجه جراني من يم امي
ضليت ابجي وامي تصرخ
ام اكرم: عوف بنتي شتريد منها يبوووو يمه بنتي دخيلك ربي الله اكبر عليكم
افراح :اخذوني سحل وهذا الشرطي الحقير لازمني ويعصر باديه ويتلمس بجسمي واني شاغت روحي ضليت ادفر بي وهو مقيدني
اسمع واحد منهم يكله بسرعه خلي نخلص قبل ميجي الرائد حمزه
كله لا بعده يتأخر طلب اجازه زمنيه
وبعدين محد يحس هي خرسه وراح نضرب عصفورين بحجر
هم نتونس وهم نعرف مكان المجرم
افراح:متت من الكلام السمعته احس هاي اخر لحضاتي راح ياخذون شرفي مني
ضليت ادعي بداخلي يارب خلصني من هالمصيبه ياربي دخيلك استر عليه بسترك
اخذوني دخلوني بغرفه رفعت راسي و
انصدمت بلي شفته