رواية ألضابط و المنقبه الفصل التاسع 9 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

(ألظابط و المنقبه )

أتمنالكم قراءة ممتعه حبايبي ❤

رهف.ضلو هوه وجدو لاجدو يرضه ادخل حسيته يعاند بأاثير واثير مايرضه يدخلهم هيج واني واكفه اجه جدو حطني بحظنه ومشه بيه للباب يريد يفتحه مااحس اله اثير شمر عليه شال ونتر من بين سنونه

أثير.هااااج لبسي بسرعه

رهف. اخذته منه ولبسته بسرعه لان شكله معصب ويخوف يعني اني رغم خوفي من جدو بس خوفي من أثير أكبر لان مااتحمل عصبيته وهوه ايده وطك اصلا جسمي بعده لسه يوجعني من اخر مرة باوعت منين جاب الشال طلعت مرح واكفه وعينهه علينه راح فتح الباب جدو هد ايدي دخلت جوة ركض لان بقوا يسولفون بلباب دخلت للغرفه وسديت الباب واني احس نفسي نكطع من الركض اجت مرح وراي

مرح.شبيج مصوفرة بعدين شبي جدو

رهف. والله ماادري بقوا واحد يعاند بثاني واحاطيني بنصهم

مرح.مااعرف رهف شوفي صح أثير اخويه وهواي سمعت علي سوالف يعني مال البنات بس عمره ماتقرب من وحده من عدنه بنيه موزينه بلعكس والله اكثر واحد مدللنه بلبيت ويلبي طلباتنه هوه اثير لهذا سبب لاتاخذين على نظرة موزينه لان يحجي وياج احتمال يريد يطلعج من الحاله الاانتي بيهه

رهف.ضحكت بكلبي خرب حظي مااخذ علي نظرة موزينه هوه اني من شفته اول مرة لحد هسه مطلع احسن ماعنده وياي

مرح .وين صفنتي يمعوده

رهف.مرح كتلج تعبانه حتى ماالي طاقه احجي والله

مرح.هااا على راحتج اني طالعه

رهف.مرح لحظه اوكفي لاتزعلين الله عليج والله موقصدي بس اني تعبانه كلش نفسيتي زفت

مرح.اووف ماتكيلي شبيج

رهف. اخخخخخ يامرح والله بس اريد انام ساعه وحده بدون كوابيس بدون خوف بدون قلق هاي اقصى امنياتي هسه

مرح . ياستار شبيج خوفتيني والله

سحر.رهف مرح الحكلي مصيبه وطاحت على راسي شسوي

مرح. شبيج انتي ثانيه شكو

سحر.عمر راح يكول لااهلي على كلشي

رهف.معقوله ليش يسوي هيج

سحر.مو شسمه اني

مرح.شصخمتي ولج

سحر.والله ماسويت شي بس جنه كاعدين اني وسمر كتلهه اني مااكدر مستحيل اتقبل عمر يكون شريك حياتي فجاءة صار كبالي ماحجه اي شي راسا دار وجهه وطلع رحت وراه لكيته واكف وي أمجد وأياد شسوي هسه شون بيه والله يكتلوني

رهف.مااعتقد يحجي شي جا ماحجه من البدايه مو هسه

مرح.انتي ابقي هنا خل نشوف شراح يصير

سحر. رهف روحي احجي وي اثير هسه هوه يفهمج كلشي لان هوه اقرب واحد لعمر

رهف.والله مااروح من غير شي متحلف بيه هسه يمسح ببه الكراج البرة غير

مرح. عززز غير نسينا نكمل غسل صدك بالله

رهف.ماشفتي اخوج شسوة بينه وين نكمل بعد

سحر.شبي أثير وياج هم يحجي عليج يعني

رهف.هههههههههههههههه لا وين يحجي عليه يمعوده اصلا من يشوفني ينحني احتراما اليه شبيج انتي

سحر.ههههههههههه اضنه مطيح حظج موو

رهف.المفروض تحمدين ربج على عمر

مرح.شو ماخذات راحتجن بلحجي ولاجن ذوله اخوتي تحجن عليهم

رهف . اني ماقصدي شي لاتفهمين غلط

سحر. لا والله اني احجيهه مثل ماهيه اخاف منه والله احسه يريد يشرب من دمي كل مايشوفني

رهف.🤣🤣🤣🤣🤣🤣🤣🤣🤣

مرح.ياااا شبيهه هاي ولج رهف تخبلتي

سحر.كافي لج عليمن ضحكين

رهف.ضحكت على سحر شلون خايفه من زواجهه من عمر ولج يحظي شتكولين عليه اني المزوجه بسر وبفندق وداخله مركز وكل هذا وزوجي المحترم طلع ابن عمي والله من اسولفهه وي روحي اضحك على نفسي وين اكو هيج شي بس صارت وياي وهسه استاذ اثير ماخذ دور زوج كلش ويريد يطبق قوانينه عليه

مرح.ولججججج رهف شبيج تصفنين

رهف.هههه لاماكو شي اني حطلع اشوف عمه نوال

مرح.انتظري جايه وياج وانتي ابقي هنا على مانشوف الوضع شنو

رهف.من طلعنه من الغرفه كالت مرح.

مرح.تتوقعين فعلا عمر يحجي لااخوتهه

رهف.والله ماادري بس تردين صدك غير عمر ناويلهه نيه كشرة

مرح.والله اني هم حاسه هيج الله اليستر

رهف.رحنه للمطبخ والتهينه بلغدى وياهن لحد مخلص الصب مال الااكل جمعنه كولنه بلمطبخ كعدنه نتغدى حتى نكوم بسرعه نلحك نعزل البيت قبل الزفه نزعت حجابي وجاي ناكل وسوالف وضحك رفعت راسي واحد واكف كبالي بعده شاب الولد وشكله مرتب يعني مهتم بنفسه زياده عن لزوم ضل صافن عليه اني عدلت حجابي ودنكت بعد مارفعت راسي لحد ماخلصنه كمت بقينه نلم بالاكل انترس المطبخ مواعين مال الغدى شو هاي البنات كل شويه وحده صايحه عليهه امهه بقيت وحدي عود عمه نوال كالت تعاونن وخلصنهن بسرعه شو ذني راحن وروحه روحه بقيت أعزل بيهن وغسل ورجع لمكاناتهن خلصت نصهن بس شنو ضهري نفتح فتح من الوجع همه هواي ادور خطار وعرس اجو اياد واثير دخلو من باب المطبخ

أياد.ها ولج طاح الكراب براسج اليوم

رهف.اي والله شفت اكلتهه

اياد.تردين مساعده

رهف.والله الخير ومدة ايده مااكول لا تفضل البيت بيتك هههههههه

اياد.هههههههههههههههه يلا خل نساعد اني وياج كسرتي خاطري جنج مرت شهيد

رهف.تلقائيا طلعت مني بدون قصد والله طفرت راسا .

أسم الله

أياد.شبيج ولج من هسه خفتي علي طاح حظج اي والله

رهف.ههههههههه عبرهه شبيك اله تعلق يعني

اياد.هنياله عمي من هسه خايفه علي

رهف.هههههههههههههههه

أياد.يلا ولج اشتغلي لاامسح بيج المطبخ هسه

أثير.اياد روح اسحل وحده من البنات وجيبهه تساعد رهف يلا واحنه خل نشوف امجد مابقى وكت

اياد.هسه اجيبهن سحل الج ولايهمج رهوفه

رهف. خاف جاي يبدلن خليهن اني اكملهن على كيف

أياد. على اي اساس جاانتي ماتعدلين بس هنه

رهف.طلع اياد بقيت اغسل حسيت بنفسه على ركبتي رجفت من الخوف لاواحد يشوفنه مد ايده على بطني وسحبني علي حسيت كهرباء صارت بجسمي لان ضهري لازك بصدره وباسني بطرف اذني وهمس على كيف

أثير.تخافين عليه مدام

رهف.دفعته على كيف وكتله.اثير عفيه انتبهه شويه لاواحد يشوفنه ترى احنه بلمطبخ

أثير.تردي شنو رهف من الااخير لان هواي كررتي هاي جمله

رهف.البيت كله منتبهه علينه عفيه لاتصرف هيج كدامهم

أثير.يعني وجودي قريب منج زاعجج هيج

رهف. مو ازعاج بس هيه علاقتنه كلهه ماارعرف شسميهه والله أثير اتمنى تفهمني جدو شاك بينه وبهاي طريقه بسرعه راح يعرفون كلشي

أثير.اي ويعرفون وشنو يعني قابل راح تبقى العمر كله سر وبعدين شنو شتسميهه انتي صدك تحجين

رهف. انته ليش تصرف هيج المفروض من عرفت اني بت عمك تنهي كلشي من يمك وطلكني وينتهي الموضوع

أثير.تردين تطلكين ست رهف حتى اول واحد يدك الباب يزوجج جدي مو

رهف.منو كلك اريد ازوج اني كارهه زواج كله مااريد عائله ولااريد استقرار خليني عايشه هيج احسن

أثير.ليش تفكرين هيج

رهف.😥😥

أثير.لالالاااااااا عليمن البجي خلص راح اطلع وراح اكون بعيد عنج حتى ترتاحين تمام بس شغله وحده حطيهه بالج طلاك مااطلك انتي مرتي ومستحيل اطلكج فهمتي

رهف.عافني وطلع بسرعه اجن سحر ومرح ضلن يسولفن ويشاقن بيناتهن مرح ناصبه على سحر لان راح صير مرت اخوهه وسحر عايشه دور المضلومه اني التهيت بشغل شسوي يعني تصرفات اثير حيرتني وما اعرف شصرف التهينه نشتغل كملنه على سريع ورحنه سبحنه وبدلنه لبست بنطرون تسعين اسود يصير جرجيت قماشه وياه قميص همات نفس القماش قطعتين اول شي بدي بي حمالات وفوكه القميص مفتوح رفعت شعري لفوك ولبست حذاء كعب حبيت ارتب نفسي شويه طبعا هذا الحجي الزفه طلعت من زمان اني جنت بلحمام ماشفتهم طلعت يم البنات برة اشرتلي بيبي رحتلهه

بيبي.خيه أم سعد هاي رهوفه بت عدنان

ياماشاء الله شهل جمال هذا عين الله عليج حبيبه

رهف.شكرا خاله

عفتهه ورجعت يم البنات لان تخزر بيه خزر مناقصه شلاع كلب والله اجتي زفه وصارت هوسه البنات كلهه وكفت على جهه اله سوزان طلعت للباب جانت لابسه تنورة فوك ركبه وياهه قميص عود مستورة وشعر مفتوح والمكياج صايرة عروس والله دخلو امجد وزوجته وصايرة هوسه خليناهه تخف ورحنه تباركنالهه البنيه بس تبتسم حتى ماحجت اي شي باوعت بعيونه ادور على اثير ماهوة طلعت للمطبخ اول مادخلت سوزان باسته بشفايفه صليت متصنمه مكاني وفاتحه عيوني على وسعهن همست بتردد بس ماادري شصار بيه

هاا هاي ش شنو

سوزان.المفروض طلعين شكو دخلتي هاي خصوصيه ترى

رهف. ماتحجي شي عاجبك هذا الحجي

سوزان.انتي شلون تحجين هيج وي أثير شهل ميانه زفرة هاي

رهف.فركت وجهي بغضب ماادري شبيه حسيت اريد اجيبهه من شعرهه وامسح بيهه المطبخ كله

أثير.رهف شبيج

رهف.باوعتله ودمعت يربي شبيه اني ادري بروحي مااريده ولااطيقه زين ليش هيج احس كلبي يوجعني من المنظر شفته

سوزان.حبيبي عوفهه هاي وحده مريضه مدري شبيهه

أثير.احترمي نفسج لج والف مرة كتلج لاتكولين حبيبي شنو لطشتي بيه رحمه لربج فوتي حالي

رهف.عفته ودرت وجهي وطلعت اجه وراي بس من شافهه هوسه ماباوع بتجاهي اصلا بقيت كاعده يم بيبي وعماتي صعدو العروس والبنات صعدن وياهه اني بقيت مكاني مااريد اطلع مالي حيل مصيبه جديده بعد

....................

سحر.ماما طلبت مني اتصل على اياد اشوفه وين وليش تاخرو هيج صارت دنيا ليل كال جاين بلباب رحت اريد ابلغ ماما انسحلت من ايدي باوعت علي عمر واني قطرة دم مظلت بيه كمت ارجف من الخوف والله

عمر.ويامن جنتي تحجين لججج

سحر.وي ووو وي اياد

عمر.هههههه ضحكين عليه لج اياد بلزفه وين تصلتي عليه

سحر.ولله العظيم عليه ماما كالت خابري شوفيهم شصار عدهم

عمر.جيبي تلفون وفتحي رمز

سحر.انته شبيك وياي شسويت اني حتى هيج بس تصيح عليه

عمر.سمعي لجججج درب تمسكن هذا بطلي لا وحق علي ادوسج برجلي وحسابنه طويييل ياست سحر

سحر.تمسكن وليش اتمسكن يعني

عمر.ماتعرفين ليش اي خطيه فقيرة كلش القط ياكل عشاج

سحر.اني راح ادخل جوه احسن انته مدري شبيك بعد ماصارت الك سلطه عليه وهيج تسوي بيه

عمر. هااا يعني هسه مأمنه ماالي سلطه عليج اي ماشي بعيني سحر بس اصبريلي والله لاخليج تمشين وتلفتين من خوفج مني اني اعلمج

سحر.ضليت صافنه علي خفت احجي وياه اي شي خاف يخنكني هسه لان عصبي كلش وعيونه حمررر وشرايينه ناطه من الاعصاب رجع نتر بيه بصوت عالي

عمر.وهسه يلا اختفي من وجهي لاارتكب بيج جريمه بهل ليل فوووووتي جووووووه

سحر.دخلت اركض اجيت اطيح على وجهي من الخوف والله يربي هذا شبيه والله شكله كله يخوف شلون اعيش ويا اني ياربي دخليك اني شورطت روحي اووف

................

مرح.دزتني بيبي اشوف رهف وين لان الكل التهه بلعشا وهيه اختفت رحت لكيتهه نايمه بفراشهه مبدله ملابسهه ونايمه ودموعهه ناشفه على خدهه متت من القهر عليه منظرهه شون طفله ومهضومه وهيه نايمه عفتهه وطلعت وسديت الباب عليهه لاكاني اثير من طلعت

أثير.شبيج مرح شو لونج مخطوف

مرح. لايروحي مابيه شي بس نقهرت على رهف

أثير.شبيهه رهف

مرح.خطيه نايمه بدون عشا ومبين شابعه بجي لان دموعهه ناشفه على خدهه والله

أثير. لاحول ولاقوة الا بالله سمعي اني صاعد طير طاير ماتخلي يجي وراي فهمتي قصدي

مرح.ليش تنام بدون عشا شبيك

أثير.مااريد خل انام لان راح انفجر ماعندي طاقه بعد

مرح.خيرك اثير خوفتني

اثير .ماكو شي يلا تردين شي

مرح.لاسلامتك

أثير.تمام صبحين على خير

مرح.عافني وصعد مبين ضايج اجة سوزان تتماوع مشيتهه وتريد تصعد صحت عليهه

ها وين انشاءالله

سوزان.صاعده لااثير هوه فوك دزلي رساله وكال تعالي وراي

مرح.ضليت مستغربه معقوله اثير كال لحد يصعد وراي يريد بس سوزان

سوزان.لاصفنين خل اصعد يلا

مرح.امشي اكعدي يم خالتي عيب عليج كل شويه وصاعده يمه انتي ماتستحين يعني شكو رايحتله وانتم حتى عقد ماكو بينكم سوزان ترى حرام هذا شي والله شبيج انتي ماتخافين على سمعتج يعني

سوزان.اوووو يعني اني اخلص من ذيج الثوله كل شويه وكامزة يمي واثير من يشوفهه يكوم مايباوع بوجهي طلعتيلي انتي

مرح.منيه هاي انتي عليمن تحجين

سوزان.على الخدامه العدكم رهف

مرح.ديري بالج جيبين طاري رهف على لسانج مره ثانيه وتكولين عليهه خدامه افتهمتي عيب عليج تحجين على بت عمي كدامي

سوزان.هسه شنو مرح عفيه وخري خل اصعد بس شويه ماأتاخر وعدد

مرح. ولاشويه ترحين تكعدين يم خالتي احسلج لااصيح ماما عليج وانتي تعرفيهه مايحتاج احجيلج عنهه شسوي بهيج مواقف

حاولت رادت ماخليتهه تصعد الدنيا ليل وتريد اصعد والولد كلهم غرفهم فوك محد يكول هسه هيه صعدت كلهم راح يذبون صوج بأاثير صدك راحت يم امهه شويه وطلعوا جانو جايبين طباخ وكف على العشا ويا عمال يعني من خلصوا همه غسلوا الماعين كلهه واخذوهن وياهم لان الهم والجدور ولدنه وياهم يشتغلون ماخلو شي برة كلهه لموهه كل واحد راح لغرفته واحنه هم رحنه راسا بدلنه ونمنه من تعب كل وحده بينه همهه شكل اليوم حتى سمر نامت يمنه كعدنه من صبح على صوت الهوسه والخبصه رجعت غطيت راسي ونمت مالي خلك اكوم قابل هسه هيه متوقفه عليه يعني خل ارجع انام والله كريم.

....................

رهف. بقيت كاعده شويه يم بيبي وبعدهه رحت بدلت ملابسي ردت انام شفت الغرفه ضلمه وهدوء طاحن دموعي بدون سابق إنذار بعد ماكدرت اسكت ضليت اشهك لحد ماغفيت ماادري بروحي كعدت من الصبح كلنه كعدنه على الهوسه البرة رحت لبست تراك وخليت شال هيج بأهمال على راسي وطلعت يمهم التهينه بلهوسه شويه ونزلو العرسان تريكو ودعوا الكل وراحوا شهر عسل سافر لاايران راحت الخطار نسحبت شويه شويه بقينه بس احنه مرة يومين الوضع عادي ماكو شي جديد اثير ماشفته لو ماصوت سيارته جا كلت مايرجع للبيت اليوم كلنه مجتعين ورة الغدى حتى هوه موجود بس ابد ولاكانو يعرفني وهذا شي مخلي جدو شويه يخفف من مراقبته اليه اجه قتيبه اطاني كارتون

قتيبه.تفضلي ست رهف بلعافيه عليج

رهف.هذا شنو

قتيبه.تلفون شوفي يعجبج

رهف.فتحته طلع تلفون لونه ذهبي يخبل وشاشته جبيرة ضليت اكلب بي ..بس اني مااعرفله

قتيبه.عادي البنات يعلمنج علي هاي اكثر شغله يعرفلهه

رهف.والله مجان اله داعي شسوي بي يعني مااحتاجه

قتيبه. ماتحتاجي صح بس خلي كنكي بي خل البنات ينززللج بي هاي البرامج مال تواصل وتونسي بي وسوي فيس بس هاااا مودورين حلوين من ورانه تعاي يمي واني ادورلج هههههههههههههههههههه

رهف.ههههههههههه شكرا قتيبه والله مااعرف شكول اعذرني ممجربه من واحد ينطي شغله شنو اكول

قتيبه.لاتكولين هيج اني اخوج جبير وهذا واجبي تجاهج وعد عليه مااخلي شي بنفسج بس انتي فكي شويه مثل ذني خابصاتني بطلباتهن عبالي مرتي شويه تخوفهن طلعت اضرب منهن جيبهن وتجيني

رهف.هههههههههههه

هدى.ههههههههه غير انته تكول اني اخوهن جبير بعد شكو

مرح.قتيبه يعني من دخلت لمحل تلفونات ماذكرت شوصيتك معقوله

قتيبه.جبتلج هاج هاي ارقى هتفونات ماكو اذا كتيلي انكسرن ماكو بعد خوش

مرح.ياااي فديتك 😘

قتيبه.وانتن لحد تباوع هيج ماطلبتن شي

رهف. البنات بس يضحكن صدك نصب علينه اجت سمر يمي فتحته وكامت تنزل بي برامج رفعت راسي على اثير اريد شوف ردة فعله بس جان صافن وعاقد حواجبه مبين معاجبه الوضع شال راسه شافني اباوع علي ابتسم ودنك يربي شكد فشله هسه شيكول ساعه ماتريدني وساعه ما تنزل عينهه بس اني والله قصدي اشوفه خاف ميقبل لان اخذت تلفون من قتيبه ضليت كاعده يم البنات جان وحجي عمه نوال

عمه نوال.رهف عمه حظري نفسج من وكت نطلع وي الاذان مال الصبح

رهف.وين رايحين

عمه نوال.جدج يكول خل تروح وياكم لااربيل تغير جو تعرفين اني عيالي هناك وراح نسافر يمهم كلت ترحين ويانه هم تغيرين جو وهم تتونسين ها شكلتي

جد.شتكول يعني تروح تحظر نفسهه وتروح وياكم

رهف.ضليت ابلعم والله خرب حظي عود فرحانه بتلفون الله يسلمني بس لازم ماتكمل وياي اني على سفر بس على اثير اكيد مايقبل اسافر وياهم هوه لسوك سواهه سالفه شلت راسي علي ماهو مكانه باوعت وين راح يعني  ضليت كاعده لارديت على عمه ولاطلعت اشوفه وين زين هسه اني شسوي اروح اشوفه شيكول لو اسكت واغلس عنه بس اذا ماكتله ورحت وي عمه يعديهه اليه عود .

.
.
.
.
.
.
.
.
.
.
يتبععععع❤

هلوكليباتي شلونكم اعتذر على تاخير بس نت كولش ضعيف يمي وماكدرت انزل من وكت

بنات شنو رئيكم بتصرف رهف تجاهه اثير صح لو غلط من طلبت منه يبتعد عنهه

سوزان فد وصف الهه لان مداالكه كلمات مناسبه صراحه ههههه

تتوقعون شي الوصل لعمر عن سحر فعلا جبير لو هوه مكبر الموضوع من يمه

توقعاتكم أثير راح يخليهه تسافر لو لا

وهيه راح تبلغه لو تغلس

ياترى جد شنو غايته من سفر رهف

اتمنى يكون عجبكم البارت اليوم حبايبي وياريت تكثفون تصويت وتعليقات احبببكم هوووواي .

UMtota.......