رواية ألضابط و المنقبه الفصل العاشر 10 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا💕💕

(ألظابط و المنقبه )

أتمنالكم قراءة ممتعه حبايبي ❤

               ...................................
      عندما سألوني

              كيف وقعت في حبها

        خانتني تلك العضله

                         الصغيره يسار صدري

          فأعلنت ولائها لها ❤

          .........................................UMtota

سمر.خلص عرس أمجد واياد كل ميشوفني يدور وجهه عني عود رتبت نفسي وخابصه روحي تالي باوعلي ودار وجهه عني  حيل زعجني هذا شي اني صح ماعاجبني طريقته بس من بتعد صرت اخاف اي اخاف لان اني اياد ماامن بي اكيد لكاله وحده ثانيه القلق والتفكير ماخذ مني بس كل هذا واني اضحك وسولف كدام اهلي حتى مايبين عليه شي التهيت وي رهف اسويلهه بتلفون عود وهيه صافنه مدري شبيهه اشرت للبنات ضربتهه مرح على راسهه علمود تنتبه

مرح.ولج والله عليتي كلبي شبيج

رهف.ماكو شي

سحر.هيه كل صفنه تصفنهه وكالت ماكو شي ماتحجين ولج صيري مثلي هسه اني شعندي كله احجي يمجن ترتاحين والله جربي وشوفي

رهف.هههههههه لو يفيد جان حجيت بس البي اني ماينحجي فخليهه بكلبي احسن شي

مرح.رهف خوفتينه شبيج اذا عندج مشكله كلينه نساعدج بيهه

سمر.فوفه فكي عاد شبيج حبي ترى والله  دنيا متستاهل تشيلين همهه

سحر.مبين ماتريد تحجي بنات عوفنهه براحتهه

مرح.لاشنو نعوفهه زين لاتحجين كلينه شنو اليريحج بلكي نكدر نسويلج شي

رهف.تكدرن تقنعن جدو يخليني ارجع اعيش بيت ماما

سحر.ياااا ليش اكو احد هنا مضوجج بشي

رهف.لااااا بلعكس الكل يتعامل وياي بشكل طبيعي

سمر.اذا هيج ليش تردين ترجعين

رهف.الحياة هنا غير واني مامتعوده على هيج حياتنه بذاك البيت صح متعبه بس جنت مرتاحه بيهه ماعندي هم ولاشايله هم شي ابد هنا احس نفسي مقيده ولاانظار كلهه عليه

مرح.نصيحه مني الج تعودي لان جدو مستحيل يخليج ترجعين تعيشين وحدج

سحر.وحتى الولد هم مايقبلون اسمعي كلام مرح احسلج

سمر.يمعوده ماصدكنه صرنه اربعه نفس العمر شبيج خلينه هنا مجتمعين ونتونس سوة

رهف.والله هيه بس الكعده وياجن مهونه عليه

مرح.رهف عفيه عيشي حياتج كافي هيج دمرين نفسج والله

رهف.مابيدي شي اسوي خليهه ورة ربج وهسه يلا ماتعلمني على هاي البرامج بدال نكد هههههه

سحر. ههههههههههه اي هيج اضحكي شبيج

مرح.نعلمج عيني تعاي شوفي

سمر. اني راح اجيب جاي منو تريد

رهف.أني اترسي وياج لان مصدعه كلش والله

مرح.جيبلنه كلنه وياج

سحر.سمورة بطريقج اي شي لان ماتغديت حبابه

سمر.عبالي تكللي مانريد شبيجن ماصدكتن بس يلا راح اجيب الجن كسرتن خاطري

البنات.هههههههههههههه

عفتهن التهن بتلفونات رحت سويت جاي وحظرت كوابه النه اجت عيني على الحديقه اياد كاعد طفيت جاي وطلعت على كيف أريد اعرف ويامن يحجي من وصلت يمه نصدمت بحجيه وي البنيه طلع يخابر بوحده وجان بايت يمهه امس رحت وكفت كدامه هوه طبك تلفون ويباوعلي ورافع حاجبه عادي عنده الوضع

أياد.شبيج جايه هداده شكو

سمر . شنو هذا سمعته اياد دتخوني مجاي اصدك

أياد.اول شي انتي لاخطيبتي ولامرتي بعد اخونج شنو

سمر.يعني اني لاشي بلنسبه الك

أياد.انتي لاشي صدك تحجين سمر ولج انتي هذا النفس اليصعد وينزل سمر ولج انتي اول واخر وحده دكلهه كلبي ونبض بااسمهه بعد شلون تكولين لاشي

سمر.😥  اذا تحبني متجرحني هيج انته حطيت سجينتك بنص كلبي من خنتني

أياد.ههههههههههه هو اكو غيرك ماخذ الكلب والعقل يحلو بعد شنو اخونج بس تكدرين تكولين مقلب زغيروني حتى تجين برجليج

سمر.شنو يعني هذا الحجي.

أياد.سمر شبيج يعني اذا اريد اخابر اخابر هنا بلبيت وادري بيج بأي لحظه تجين فتحي مخج شويه حبيبتي بس اني من شفتج بلمطبخ حجيت بصوت عالي حتى سمعين وتجين

سمر.والله ماادري شكلك انته تدري شسويت بيه بهذا حجيك هسه والله راد يوكف كلبي من الحركه الاكلتهه اياد عفيه لاتسوي هيج مقالب مرة ثانيه والله ماتحمل 😥😥😥😥

أياد.كافي يعمري اعتذر والله حبيت اشاقه وياج كافي سمورتي ماتلوكلج دموع لان وجهج يصير مال كرط من تبجين

سمر.زعلت عليك والله انته متدري شسويت بيه

أياد.اكلج صدك احنه مو متعاركين

سمر.اي صح واني بعدني زعلانه ماتحجي وياك وخر خل ادخل جوه احسن

أياد. هههههههه افااااا اني اخلي حبيبي يبقى زعلان عليه شلون تردين اراضيج حبيبتي

سمر.اممم خل افكر بالله شويه 🤔🤔

أياد.هاا بشري شطلع وياج

سمر.تبطل تتقرب مني منا لمن نزوج يلا او نخطب ها شكلت

أياد.ماشي يدلل حبيبي بس خليهه بالج ترى اني من اتقرب منج لان مشتاقلج بس تردين صدك حتى بيني وبين نفسي معاجبني الوضع انشاءالله مبقى شي وصير حلالي يحلو انته

سمر . شقصدك يعني قريبا

أياد.خليهه مفاجأة احسن يصيرلهه طعم ثاني

سمر.اي براحتك يلا اني حدخل جوه تريد شي

أياد كلاص جاي من ايدج الحلو لان مصدع

سمر. يااااا عزززة نسيت جاي ثلج هسه شيخلصني منهن اليوم

أياد.ههههههههههههههههه على كيفج لاتوكعين

سمر. عفته ودخلت حميت جاي وصبيت وديتله الكوب اخذة بدون مايحجي شي بس ابتسم ورجع يخابر جان يحجي وي واحد بشغل رحت وديت للبنات لكيتهن مندمجات وي التلفوناتهن حتى ماانتبهن لان تاخرت انطيتهن جايهن وكعدنه كلنه جريناهه جرة وحده شبعنه ضحك صار اليل واحنه على نفس الكعده بعدين طلعنه للمطبخ التهينه بلعشا نشتغل وكل شويه مذكرين شغله ونضحك عليهه طبعا الغدى على ماما ونسوان عمامي والعشا علينه الصبح نظف البيت وبليل نسوي العشا خلصنه بسرعه ماحسينه بلوقت ابد

.......................

مرح.ورة مكملنه عشا طلعت اذب زبل بلشارع من رجعت لكيت وسام كاعد بلحديقه ويدخن استحيت احجي وياه اني عفته ورحت صاح عليه

وسام.مرح لحظه بس

مرح.تفضل

وسام.شوفي ماادري منين ابدي خايف تفهمين غلط بس والله من خوفي وحرصي عليج راح احجي هذا الحجي

مرح.شكو خوفتني ترى

وسام.لاماكو داعي تخافين بس مرح ليش ماتلبسين حجاب مثل رهف مو احسن البيت متروس شباب موبس اخوتج يعني موجودين

مرح.بس اني البس بس من اطلع ليش البس بلبيت احنه حتى رهف دائما نحجي عليهه لان لابسه بس هيه تخاف من اثير مايقبل تنزعه

وسام.أثير وشنو علاقته هوه برهف وليش تسمع كلامه هيج عجيب تدرين ذاك اليوم من طلعن هيه وامي هم طلب منهه تلبس عباه مرات احسهه تخاف منه او هوه مسيطر عليهه بطريقه غريبه بس اني اشوف هيج لوانتي هم

مرح.اي صح الكل منتبهه اثير حيل مشدد وياهه مو مثلنه مايدخل بينه ابد مركز وي رهف والسبب مجهول مانعرف ليش

وسام.يجوز يخاف عليهه لان جانت تطلع وتشتغل خاف واحد ياخذ نظرة موزينه عليهه لهذا سبب مشدد عليهه

مرح.مااعرف بس انته ليش تطلب مني البس حجاب يعني

وسام.شوفي ذوله ولد جدي طارق طابين طالعين وصراحه عيونهم نكسه ومايستحون ومااريد واحد يحط عينه عليج لان ساعتهه افكسهه اله

مرح.وشنو سبب اقصد ليش سوي هيج يعني

وسام.لسه مافهمتي ليش معقوله مرح ماحسيتي بشي

مرح.مثل شنو

وسام. مرح اني أح

سحر.مرح تعاي بسرعه شغله تفوتج

مرح. خرب يومج سحر وكتج هسه راد ينطق ابو الهول اله هسه تجين

انته شنو

وسام.لاماكو شي اني طالع واتمنى تفكرين بطلبي زين

مرح. مااوعدك بس افكر بلموضوع

وسام.تمام يلا باي

مرح.باي.

عافني وطلع اجن البنات يركضن وكعدنه بلحديقه

رهف.ها بشري شخبار كلبج هسه ههههههههه

سمر.اويلي اني معت كبل مرح والله بس خطيه مالحك ينطق

سحر. اني اخلي ينطق كمزتله كمزه معدله ههههههههههه

مرح.حقيرات جنتن واكفات يعني

البنات. هههههههههههههه

رهف.وسمعنه كولشي

سمر.مرح صدك راح تلبسين حجاب يعني

مرح.ماادري اني اختنك منه مااتحمل البسه كله من وراج فوفه اله تتحجبين هنا بلبيت

رهف.انجبي لج واني شكو دكولي هوه يغار عليج مايريد واحد يشوف شعرج وركبه كلهه طالعه 😉

سمر.ههههههههههههه هاي قويه يعني استاذ وسام يغار

سحر.ولج مرح هذا بعده مااعترف يريد يلبسج حجاب خاف انوب من يخطبج يلبسج نقاب

رهف.موشرط شبيجن يجوز فعلا كلامه لان الولد طابين طالعين يغار عليهه والا ليش يطلب تلبس حجاب

سحر.مرح لاتلبسين منا لمن يعقد عليج يلا لاتخلي من هسه يسلط عليج

سمر.انتي اخر واحده تحجي لاسوين نفسج قويه وانتي بس يمر من يمج عمر وجهج يصير اصفر تكول عزرائيل جاي من يمهه مو بشر

سحر.🤐🤐🤐🤐🤐

مرح.ها شبيج ولج

سحر.والله ماانطق بحرف هسه بس اذكر اسمه الكاه فوك راسي انجب واسكت

رهف.ههههههههههههه مامبين عليج هيج خوافه ترى بس مرح نصيحه مني الج لاسوين شي مامقتنعه بي من شوفين نفسج اقتنعتي يلا لان دائما شغله من صير غصب تحسيهه تخنكج

مرح.اي هم صح بس خاف اعاند ويكول ماتحترمني انتن ماتعرفن وسام كلشي ولاواحد يكسر حجايته

سمر.ابشرجن مرح ادور حتى بلحمام تلبس الحجاب خاف يشوفهه ابو بريص ويزعل عليهه وسام هههههههههههه

رهف.🤣🤣🤣🤣🤣🤣🤣يمه بطني خرب يومج سمر

سحر.🤣🤣🤣🤣🤣🤣 خررررب تخيلت شكلهه والله سويهه صدك

مرح.موصوجن صوجي اني كاعده واخذ رئيجن عابت هل وجوه

سمر.فوفه حجابج وكع لايجيج شيخ العلامه

رهف.منو هذا ادور؟؟

سحر.شيخ وسام المبجل

سمر ورهف .🤣🤣🤣🤣🤣🤣🤣

مرح . كافي شبيجن بعدين مواثير سوه عزة علينه لان رهف نزعت الحجاب شو ماعلقتن

سحر.حبيبتي هذا شي وذاك شي وسام طلب هيج لان يغار عليج بس أثير يعاند بجدي لااكثر ولااقل

سمر.لاوالله مااضن اعتقد عدنه ثنائي سري احنه ماندري بي

مرح.اني هم حاسه هيج شنو رئيج فوفه

رهف.بشنو

سمر. بمرح حلوة لو لا

مرح وسحر.😂😂😂😂😂

رهف.غيرن الموضوع عفيه

سمر. صدك رهف اكو أمل بيكم انتي واثير صيرون سوة

رهف.لا ماكو هيج شي يتخيلج بعدين هوه مو خاطب بت خالتج بعد شنو هذا الحجي

سحر.والله تصرفاته ونضراته الج ابد ماشفته سواهه وي سوزان

سمر.اي بعرضي صحيح كلامج درر يأختاه

سحر.بطلي تصنيف ولج بعدين تعاي صدك اصالحتوا لا

سمر.اي صالحنه😊😊

مرح.عود خجلت وهيه لسانهه شطوله وي الولد

سمر. عركة حبايب معليجن انتن

سحر. الله يديمهه عليكم عيني

سمر.امييين ربي

مرح.ولج صوتج اتأدبي شويه شو ماخذه راحتج كلش بلحجي لاواحد يسمعج

سمر. اووو حجت ست مرح قبل شويه جنج زبدة مايعه يم وسام

مرح. عابتلج اي والله

رهف. ترى اني اطرش بلزفه فهمني شكو

سمر.اني استحي احجي لحد يسألني اووي 😊

سحر.هههههههههههه عمت عينج ام المستحه

مرح. ههههههههههههه صدكتج كلش

سمر.دنحجي على اياد عيني

رهف.😯  انتي واياد معقوله

سمر. شبيج نصدمتي يعني هيج مالايكين سوة

رهف.ههههههه لاموقصدي بس تفاجأت والله

مرح . لاتتفاجئين خيه انشاء الله قريبا نلكالج واحد حتى تكمل سبحه ههههههههههه

رهف. هههههههههه لاخليني هيج احسن

سحر. بنات باجر العقد مالتي شسوي عفيه

رهف.لاتخافين سحورة انشاء الله يطلع تفكيرج كله غلط

مرح.هسه شنو مو لازم نحظر لاخطبه باجر لوشنو..

سمر.يعني رهف ماتحضرين خطبة عمر وسحر حتروحين وي عمه باجر

سحر حتى اشنقج غير اذا رحتي

مرح.اعتقد حتى عمه حتبقى تحظر الخطبه أكيد

سحر.ماسألتي وسام اذا راح يبقون لو لا هههه

مرح.كافي بنات عفيه والله استحي من هاي المواضيع

البنات.🤣🤣🤣🤣

.................
سحر.اليوم خطوبتي البنات مخبوصات من صبح الي تنظف والترتب حارن شسون اني بيبي متخليني اشتغل عود عروس الله يسلمني جدو مايقبل انروح لصالون يعني هيه عدنه عاده البنيه متحف ولاتروح صالون لحد يوم الحنه يلا راحت ماما جابتلي فستان قصير منفوش بدون ردن وصدر مالته شيفون خفيف لونه فضي من كملن البنات اجت سمر سحبتلي شعري ومرح كاعده تمكيج بيه طبعا مرح مضبوطه بلمكياج بشكل من كدما تابع على اليوتيوب هاي شغلات صارت مهوسسه بلمكياج والموضه رهف جانت تبرد باظافري وتصبغهن حسيت نفسي الاميرة اليوم والله حمدت ربي على وجودهن وياي ماخلني احس ماعندي اخت صح ماعندي اخت من امي ابوي بس عندي مرح وسمر ورهف اعز من خواتي

مرح.يلا عروستنا فتحي عيونج شوفي شكلج شون طالعه

سمر.يربي جمااال سحورة تخبلين يروحي

رهف.اللهم صلى على محمد وآل محمد ماشاء الله طالعه تخبلين حبي

سحر.صدك مرح مشتغله مكياج يجنن واكثر شي مركزه على عيوني بارزات كلش اني تفاجاءة بشكلي والله بقيت كاعده مكاني مارضيت اطلع اله يكملن لبس يلا والصدمه اليوم رهف خلت مكياج رسمت عيوني بكحل بس وخلت حمره خفيفه بس الملعونه برزن شفايفهه

سمر.خرررب يومج رهف ولج شهل شفايف هاي.

رهف.امسحه مو محلو اني اعرف نفسي مايلوكلي المكياج

مرح.لابلعكس برز شكلج طالعه تخبلين والله

سحر.لافوفه والله حلو لاتمسحي

سمر.يلا بنات بيبي تكول صيحن سحر راح يجي سيد يعقدلهم

سحر . من كالت هيج سمر انخبطت بطني من الخوف يربي والله اخاف منه شسوي وخصوصا ماادري شناويلي طلعت وي البنات شافتني ماما وخاله سعاد ضلن يصلن على محمد كعدت بلمكان المسوياته النه البنات رجفه موطبيعيه بيه جسمي كله ينتفض اتمنيت أتمرض هسه كون ويخرب كلشي بس ماصار صار العكس

ماما.يلا حبيبتي كومي وياي

سحر.اخذتني ماما لااستقبال ولبستني جادر مال صلاة
بلشوا بطقوس مال واني صافنه حتى مااسمع شيحجون بالي كله اذا صرت على ذمته شراح يسوي ياترى شنو ذنب الرتكبته وياك ياعمر ماحسيت لحد ما ضربتني مرح على أيدي كلت نعم واعلنت مواقفتي على سجن الذبيت نفسي بي مدى الحياة علت اصوات الهلاهل الي احسهه مثل السهم التخترق كلبي طلعوني لبرة ونزعت الجادر اجن البنات والكل يتباركلي واني حتى مااكدر ارد مدري شبيه احس لساني نعكد من الخوف شويه وسمعت صوت الهلاهل تعلن عن وصلول سجاني اجه كعد يمي وعطره سابقه يمكن سابح بلعطر قبل لايجي بقن البنات يصورن جابو الذهب لبسني بس الحلقه سحب ايدي وحط الحلقه بيهه حتى بدون ميباوع عليه ولارفع راسه اجت مرح

مرح.عمر عفيه ابتسموا خل اخذلكم صورة لذكرى

عمر.مو اخذتي شبع هيه شنو

مرح.بس وحده بعد حباب

سحر.كعدنه عدل ابتسم بلصورة اخذتلنه مرح اكثر من لقطه سوه درت وجهي علي لكيته صافن عليه وعلى صدري بضبط تقرب يمي وهمس

عمر.شنو هذا لابسته ماتعرفين تسترين نفسج تحبين الفضايح طيحان الحظ يمشي بدمج هسه من اشكه عليج هم واحد يكلي ليش هااا

سحر.جنت متوقعه منه كلشي بس كلامه حيل جارح وجعني حيل دمعن عيوني ودنكت راسا مااريد ابجي كدامهم هنه يضحكن عبالهن كاعد يتغزل بيه رجع نتر من بين سنونه بس بصوت ناصي

عمر . من تخلص هاي لغوة تعاي لبرة  اريد احجي وياج عود غلسي ولاتجين حتى افوخ كلبي بيج وهسه  مفهوم لو اعيد كلامي مرة ثانيه

سحر.بس هزيت راسي هوه خله وطلع وجهي صار اصفر البنات اجن يركضن اول ماطلع كعدن يمي يسألن بيه شبيه واني من الرجيف الااخذني بعد مااكدر انطق يربي اني ويامن تورطت شيخلصهه ويا هذا يارب دخيلك توكف وياي مالي غيرك .

....................

رهف.من خلصت الحفله مال الخطوبه رحت اريد ابدل بعدين بطلت كلت خل اروح اشوفه وينه اني لمحته موجود بلحفله لازم ابلغه على سفر لايسويلي طركاعه جنت لابسه ثوب قصير بس مو كلش يعني مستور وشعري فاتحته ولابسه طوك هيج عايفته على بساطته بس اليوم غيرت شويه خليت كحل لعيوني وشويه حمره طلعت ادور علي مالكيته وين راح رحت للحديقه لكيته يخابر وكلعاده جكارة مااطيح من ايده انتظرته يخلص مكالمته رحت كعدت يمه على الكرسي هوه خلص وباوع عليه مستغرب لان اجيت وكعدت يمه

أثير . ها شبيج خو ماكو شي

رهف.وين جنت صار يومين مختفي وامس بايت بره البيت

أثير.شنو هاي اليوم نغمه جديده بس جاي تحاسبيني لان متاخر لو مشتاقتلي

رهف.فد ستحيت من حجه هيج هسه اني مواجيت اكله على عمه شبيه كلبت السالفه

أثير.شو ساكته احجي

رهف.شوف هوه اكو موضوعين اجيت اخذ رئيك بيهن يعني بشكل اوضح اخذ موافقتك عليهن  ههه

أثير.ولي هنه بالله شنو

رهف.اول شي تلفون جابه قتيبه

أثير.شبي ماعجبج

رهف. لا مو هيج بس حسيتك ضجت من شفته فكلت خاف ماتقبل اخذه منه

أثير.بعد اخذتي  وفعلتي شيفيد الحجي

رهف.اي صح بس ابد ماستخدمته باقي مكانه يعني هيه سمر سوته الي بس ماأستخدمته

أثير.لاماعندي مانع استخدمي واتونسي بي زين هوه جايبلج خط يعني

رهف.اي بي خط

أثير.تمام دزيلي رقمج برساله حتى أحفظه عندي

رهف.ليش شسوي بي

أثير.ههههههههه شنو شسوي بي غير لازم رقمج يكون عندي

رهف.تمام

أثير.وشغله ثانيه شنو هيه

رهف.موضوع سفر وي عمه

أثير.انتي تردين ترحين وياهه لولا

رهف.مااعرف اني مطالعه قبل وصراحه اني استحي منهم بس هيه واحد يجرب شي جديد  ؟؟

أثير.بكيفج حابه ترحين روحي حابه تبقين ابقى سوي اليعجبج

رهف.معقوله أثير شبيك

أثير.شبيه شوفي رهف عيشي حياتج مثل ماتردين وسوي اليعجبج ماراح ادخل بأي شي يخصج مرة ثانيه حتى تكونين مرتاحه تمام

رهف.تمام.
كتله هيج بس حسيت نفسي جاي افرض نفسي علي كلش ضجت منه يعني لغاني من حياته بس مايطلك وين صايرة هاي بالله حسيت فشلت نفسي من اجيت احجي كمت وكفت طبعا هوه حتى ماانتبه على لبسي ولاشكلي جان يحجي وياي ومدنك على تلفونه جليت صوتي وكتله

أعتذر ازعجتك اني داخله جوة

أثير. لاعادي اخذي راحتج

رهف.عفته ومشيت شويه صاح عليه

أثير.رهف

رهف.نعم

اجه وكف يمي كال بعدما اخذ نظرة من فوك لجوه اخترقني بنظراته و الله

أثير.هاج هذا مصرف الج خاف تحتاجين شي هناك

رهف. لاشكرا ماأحتاج اعذرني مااكدر اخذ منك

أثير. بدون عناد اخذيهن يلا اكيد عمه طلعج هناك تردين شي او شي يعجبج اصرفي منهن

رهف.واني كتلك مااخذهن انتي تكول ماالك علاقه بيه بعد مو على اي اساس اخذ منك مصروفي وانتي لغيتني من حياتك

أثير.اني لغيتج من حياتي شلون بالله هاي على العموم مالي خلك نقاش اخذيهن ودخلي جوه لايجي واحد وانتي كلشي ولاواحد يشوفج واكفه يمي اجيبلج شبهه

رهف.أثير شبيك اليوم شو متغير كلش

أثير.انتي تردين هذا شي لاتغشمين نفسج وتردين صدك هوه هذا صح و هسه هاج لالزمي رهف لاتنسين انتي مسؤله مني اني مو من غيري مفهوم

وليش مسؤله منك انته بذات

رهف.التفتنه على صوت بصدمه غير متوقعه باوعت على اثير صافن عليه غمض عيونه حيل وفرك راسه وكال.
.
.
.
.
.
.
.
.
.
يتبععععع❤

هلو كليباتي شلونكم شخباركم

بنات عفيه والله اعتذر عن تأخير بس صار يومين عندي ضرف ومااكدر انزل من وقت

شنو رئيكم بتصرف سمر تجاهه اياد

تتوقعون وسام شيقصد بحجيه وليش طلب من مرح تلبس حجاب

ياترى خوف سحر من عمر بمحله لو مبالغ بي  ؟؟

شنو رئيكم بتصرف أثير وي رهف وليش متغير عليهه هيج هل فعلا بسبب كلامهه وياه لو اكو شي ثاني .

منو تتوقعون سمعهم يججون ؟؟؟

بنات شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات لان صراحه كل متعلقون اكثر كل مانزل البارت اطووول لان يصيرلي حماس انزل اكثر هههههههه

واخيرا اتمنى تكونون استمتعتوا بلقراءة .

UMtota.........