رواية ألضابط و المنقبه الفصل الرابع 4 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

(ألظابط و المنقبه )

أتمنالكم قراءة ممتعه حبايبي ❤

ويسألونني عن سبب حزني واعتكافي
عن العالم وهم يعلمون جيدا ماذا عانيت
وكيف كانت حياتي لكن لااحد يعلم كم
اننا نؤذي المقابل بكلمات نراهه بسيطه
لكنها جارحه جدا للغير كم اتمنى ان
واحدنا يثمن كلامهه قبل ان ينطق بهه
فمن المحتمل ان يكون كلامنا كلملح على جراح الغير 💔

UMtota.

رهف.بقيت كاعده لااذان مال الفجر عيني مااخذت نوم تعبت حيل جاي يصير وياي اكبر من طاقتي سلمت امري لله وكمت توضيت وصليت خليهه ورة الله وهوه يفرجهه شنو يردون يسون عادي مايهم بعد اصلا يسون فضل من يحكمون عليه بلقصاص ويخلصوني من هاي الحياة دائما اتسأل ياترى اذا بابا جان عايش هيج راح تكون حياتي نزلت دموعي بأسف على حالي وعلى وضعي طبكت سجاده ورجعت حاولت انام ماغفت عيني لحد ماطلعت شمس .

..............

مرح.مر يومين الوضع هادى بيتنه ماكوشي جديد أجت علينه خالتي هيج فجاءة هيه كل مرة تنطي خبر قبل لاتجي كعدنه يمهه اني وماما وبيبي وعمه نوال الكل اجتمع اله رهف مامجودة صايرة تخلص اغلب وقتهه بغرفتهه مدري شبيهه هاي البنيه حجت خاله

حجيه احنه اليوم جاينكم خطابه أنريد رهف لابنه وصراحه احنه حابين نسبكم والبنيه ماشاء الله جنهه كمر ومانريدهه تروح من ادينه

بيبي.والله ونعم منكم بس البنيه شورهه مو يمي يم جدهه وعمامهه نشوف رايهم ونردلكم خبر

واحنه منتظريكم انشاء الله ماتفشلونه لان والله البنيه كولش عاجبته لاابني

بيبي.وهوه وين شافهه لرهف

شاف صورتهه عد سوزان بس الامانه البنيه محجبه وتعرفين احنه موغربه فعادي يشوفهه

بيبي.اكل لهلهه ونردلكم خبر

يلا اني استأذن ومنتظرينكم انشاء الله ماتتاخرون علينه

بيبي.الله كريم

مرح.طلعت خالتي واني بحالة صدمه معقوله خلصت منه اوووف بس كون رهف توافق بي رحت ركض اريد اكلهه لكيتهه كاعده صلي وتبجي اوف يارهف مو خلصن دموعج انشاء الله يكون هذا العريس سبب لفرحتج كعدت كدامهه ومسحت دموعهه بيدي

رهوفه جبتلج خبر حلو

رهف. مااضن اكو اخبار حلوة تخصني كولي

مرح.ههههههه موكتلج بلكي خالتي تنعجب بيج وصدك الله ستجاب لدعائي واليوم اجت تخطبج لابنهه

رهف.😱😱  انتي شجاي تحجييين يعني وافقو شنو

مرح. رهف شبيج هيج نخبصتي اهدي شويه

رهف.لااااااا مستحيل اني مااريد ازوج مااريدددد

عمه.شكو شبيهه رهف

مرح. والله عمه ماادري جاي اسولفلهه على خالتي شو كامت دك وتلطم ماادري شبيهه

عمه.عوفيني وحدي وياهه

مرح.عمه شبيهه ليش هيج تخبلت

عمه.مرح اطلعي وسدي الباب وراج

مرح.عفتهن وطلعت واني الف سؤال بالي شبيهه رهف ياترى ليش تخبلت من سمعت بطاري طلعت للمطبخ لاكاني اثير وعمر ستوهم راجعين شافوني مخطوف لوني استغربوا

عمر.مرح شبيج صاير شي

مرح.لاماكو شي

أثير. احجي بسرعه شصاير

مرح.موخاله اليوم اجت تخطب من عدنه لابنهه

عمر.خطبت منو

مرح.رهف خطبت رهف لابنهه

أثير.ششششنو وهوه وين شايف رهف حتى يخطبهه

مرح.تكول امه سوزان مصورتهه بدون ماتدري ومراويته صورة

عمر.ورهف كتولهه شنو رئيهه

مرح. ساعة سودة الكتلهه بيهه تخبلت كامت دك على روحهه وصيح مااريد ازوج

أثير.🤔

عمر.هاي ليش شبيهه أثير شبيك وين صفنت

أثير.امرهه بيد جدي هوه يشوف شبيهه احنه شكو توافق ماتوافق

عمر.تحجي صدك انته شبيك صارلك جم يوم متغير كلش

أثير.عمر عوفني رحمه لاهلك خليني حاير بلمصيبه العندي مافارغ لبت عمك

مرح.عافنه ودخل ينام عمر هم نفس الحاله هاي شبيهم ذوله اوف مدريني .

.....................

رهف .من كالتلي مرح على عريس الغفله تخبلت يربي شون بيه معناتهه راح انفضح فقدت حتى مانتبهت شوكت دخلت عمه نوال سحبتني كعدتني على جربايه ولزمت اديه ثنينهن وتباوع بعيونه حجت بنبرة هادءة بس تمثل الهدوء مابعد العاصفه

عمه.رهف ماما احجيلي ليش هيج تخبلتي من سمعتي جايج خطابه انتي تحبين واحد

رهف.لا لاااا

عمه.زين عمه اكو واحد متحرش بيج صاير وياج شي احنه مانعرفه ترى احنه اهلج ماكو واحد بدنيا يحرص عليج كدنه احجيلي عمه فدوة مونشف دمي

رهف.لاعمه ماكو شي من البالج صدكي محد شايفني مو لامسني

عمه.اوووف الحمدالله جا شبيج ياعمه ليش هيج رجفتي

رهف.لا لان مااريد ازوج اني اكرهه زواج كله بشكل قطعي ومااكدر ازوج مااريد عمه الله يخليج ساعديني وقنعي جدو

عمه.لاحول الله ولج ماما الزواج استقرار وحياة ثانيه ليش ماتردين تزوجين ماتردين صيرين ماما يعني

رهف.مااريد لاازوج ولااصير ماما اني اكرهه زلم كلهه مااريد اجيب طفل لدنيا وهم يتيتم مثلي ويضل بهاي دنيا صكع بي خليني هيج احسن على الاقل من اموت مااعوف واحد يتأذة وراي

عمه.بس تفكيرج مو منطقي يعني ليش هيج انتي ماما البنات بعمرج يحلمن يحبن ويعيشن فترة خطوبه ويأسسن بيت وعائله ليش تفكيرج يختلف لاصيرين سلبيه حبيبتي

رهف.هذا تفكيري عمه ومااكدر اغيرة بين يوم وليله انتم متعرفون شلون عشنه لذلك لحد يحجي من يمه عمه لازعلين مني بس انتي لانضربتي ضلم ولاتشردتي لان ماعندج اب يحتويج ولانمتي جوعانه ولابردانه ولاشبعتي مذله وانتي تنظفين زبايل العالم ماعشتي شعور انج تخافين صعدين تكسي خاف احد يعتدي عليج اخلصهه مشي لحد ماارجع تورم رجليه من تعب واجي الكه ماما نايمه على كرسيهه من تعب وجوع اسألج بالله البنات من تطلع موتوكف كدام المرايه بساعات تعدل وجهه يلا تطلع اني عكس اوكف اصخم وجهي بلفحم حتى اذا واحد شافني تلعب نفسه مني وابقى محافظه على شرفي عمه اني خسرت كلشي ابوي وعزة ودلاله كلهن قتلهن هذا شخص مقتل بس بابا لاقتل عائله كامله ودمرهه عمه اني خسرت دراستي وطفولتي ومراهقتي حتى ماعندي احلام ورديه مثل البنات لذلك لحد يجي ويطلب مني اعيش مثل باقي البنات وأسس حياة وعائله

عمه.سودة عليه ياعمه كل هذا مر عليج واحنه ماندري عايشين هنا ومتهنين وحمامة عدنان بضيم صخام وجهي عليج ياعمه 😭😭😭

رهف.😥😥😥😥 لهذا سبب عمه اريدج ساعديني وتخلصيني من هاي الخطوبه الله يخليج

عمه.خلص ماما كافي بجي مثل ماتردين هسه احجي وي بيبيتج وجدج وينتهي الموضوع اصلا بعدنه ماشبعنه منج حتى نزوجج

رهف. طلعت عمه ضليت كاعده مكاني صح خلصت بس هذا مايعني راح يبقون دوم واكفين وياي جاي افكر اروح احجي لااثير وخلي هوه يفضهه من يمه ويخلصني من هاي الورطه الحطني بيهه طلعت غسلت وجهي ورحت لكيته كاعد يم بيبي ومدنك على تلفونه اضاهر عمه ماحجت وي بيبي لان اول ماكعدت كالت

بيبي.هله بلعروسه يم كبرن البنيات وكثرت خطاطيبهن 

جد.لاتخجليهه بعدين احنه لسه ماوافقنه على العريس

بيبي.هم كلي عدك نيه ترفض خوش قسمه وماتتعوض

جد.لاتتعوض ليش شبيهه بنيتنا جنه العافيه الف واحد يتمناهه

عمر.بهاي حقك جدي ماجذبت هههههه

عمو محسن.هو خوش ولد بس اذا هيه ماموافقه معناهه ماكو نصيب

جد.وانته أثير شنو رئيك

أثير.واني شكو مالي علاقه توافق ماتوافق هيه حرة بحياتهه

جد.معناتهه خلوهه جم يوم افكر بيهه زين وبعدين اردلهم خبر وانشاء الله خير

بيبي.معناتهه مامقتنع مدام حجيت هيج انه اعرفك من شغله ماصرفلك

جد.خليهه بعدين واسولفلج

قتيبه.يابه مدام مجتمعين عندي خبر الكم هدى اخذناهه لطبيب وضعهه تمام هيه والطفل وانشاء الله بليل اجيبهه

بيبي.ياصلاوات على محمد يوم تكوم بسلامه هيه ووليداتك

قتيبه.اي والله حجيه كثري من هذا دعاء ترى بحاجته احنه كلش ههه

رهف.بقوا كاعدين كلهم مااعرف ليش انقهرت منه من كال مالي علاقه اذا انته ماالك علاقه منو اله علاقه ياابن عمي عفتهم ورحت يم البنات كمت اشتغل وياهن بس بدون عقل هيج صافنه بلفراغ .

............

سحر.السلام عليكم اني سحر بنت علي الابن الثاني من بعد عمو محسن احنه اربعه اني وامجد اخويه جبير واياد وعدي اني البنيه الوحيدة عدهم اخوتي علاقتهم حلوة اربع وعشرين ساعه سوة لو وي ولد عمي يعني بختصار اني وحدي باقيه لذلك اخلص اغلب وقتي العب بتلفون لو انزل العاب لو يوتيوب والكل عبالهم عندي شي بي اليوم كاعده بلحديقه لابسه الهتفون وجاي اسمع اغاني حسيت ريحه خنكتني فتحت عيوني وكمت اكح لكيته عمر ينفخ دخان بوجهي يالله شكد مستفز طبعا ولااطيقه احسه مغرور وشايف نفسه كلش على شنو شدعوه عيني بس انته داوم بلجيش

عمر.خلصتي صفنه بوجهي لوبعدج

سحر.ترى مجنت صافنه عليك صحح معلوماتك عيني

عمر.انتي شوكت تبطلين عنتكه وخشم يابس

سحر. من تبطل انته تكون مغرور

عمر.افااا انه مغرور لابالله ضلمتيني يابت عمي

سحر. ضلمتك عمرر روح شوفلك وحده تقشمر عليهه لاضيع وكتك وياي

عمر. وانتي شمدريج اني اقشمر على البنات ترى خل انطيج معلومه تستفادين منهه البنيه الزينه والشريفه لو شما سوي وياهه ضل شريفه ومحافظه على نفسهه

سحر. اكول عمورة يصير اطلب منك شغله

عمر.شبيج كلبتي بسرعه هيج هههه المهم كولي ياعيون عمورة

سحر.تسلم عيونك بس شوف هيه صديقتي مسويه عيد ميلاد وعازمتني علي واخاف اكول لخواني وماما فأريدك ساعدني

عمر.شلون اساعدج انتي لازم ترحين وطلبين منهم يخلوج ترحين اذا وافقوا اني اتكفل اخذج واجيبج هاا

سحر. لااااا مو شسمه هيه صديقتي تمر عليه انته لاتعب نفسك بس اني اريد مساعدتك لان الحفله بمطعم مو بلبيت

عمر.شسمه المطعم بعدين ليش مو بلبيت يعني

سحر. بمطعم ............ وهمه هاي عادتهم مايسون بلبيت يحتفلون برة دائما

عمر.شنووو انسي ماكو روحه وحتى اذا اخوتج وافقوا هم ماترحين

سحر. لاوالله وانته شعليك اصلا اني صوجي وكتلك اني غلطانه اني واكفه واحجي وياك

عمر.سمعي والخلقج اذا سمعت بيج رايحه لهذا المطعم ادفنج بي مفهموم لو لا

سحر .عفته وركضت وهوه شدخله يعني والله اروح وغصبا علي وشيريد يسوي خل يسوي .

..................

سمر.جنه كاعدين ملتمين كلنه بلحديقه بليل بس شباب واحنه همه جاي ينركلون واحنه نقشب كاعدين

سحر.اكلجن اني طكت روحي من كعدت البيت ماتخلنه نقشمرهم حتى يطلعونه شويه

مرح.هوه منو يتقشمر يمعودة هسه ينصبون علينه مثل كل مرة

سمر.خل نجرب ماخسرانين شي هيه رزاله وماكليهه

سحر.اني برئي نحط رهف حجه اكيد راح يستحون لان هاي اول مرة

رهف.اني مالي علاقه ولااريد اطلع لاتحطني حجه عفيه

سمر.فوفه شبيج ترى كلش نفسيه انتي فكيهه عاد يااختي الدنيا حلوة لاتخلصيهه ضيم وقهر

رهف. دنكت مارديت عليهه عبالهه كلهه عاشت مثلهه مدللينهه اهلهه

سحر.ممكن تسمعونا شويه يأايها القوم هل تسمعون

عمر.تفضلي ماذا هناك أيتها الفتاة كل أذان صاغيه

الشباب.ههههههههههههههههه

أمجد.كولي سحورة شتردين

سحر.فديتك يالغالي بس البنات ضايجات ودني اكوللكم ماتحنون علينه وطلعونه

أياد.البنات لو اقتراحج هذا

سحر.لااصلا الفكرة كلهه علمود رهف خطيه نفسيتهه تعبانه كلنه تغير جو شويه

قتيبه. تدللن يلا اختارن انتن منو يطلعجن

سمر.لك فدوة اروحلك خيووو بس انته وبس

أثير.اني اعفوني من هاي المهمه مالي مزاج أطلع اليوم

مرح.هسه شنو تاخذونه لو لا

عمر.كومن البسن يلا بس بسرعه هاا ترى نبطل

سمر.يلا فوفه كومي

رهف.مالي واهس اروح خلوني هنا

سحر.رهوفه عفيه لاتخربين طلعه

رهف.كمت وكفت.لاليش اخربهه روحو تونسوا بلعافيه بس اني اعذروني مااكدر

مرح.اي ليش ياعيني شبيج

رهف.مرح لاتنسين بعدني حزنانه على ماما شون اطلع عفيه روحوا انتو

قتيبه.معناهه ماكو روحه اذا ماترحين وياهم

رهف.لاعفيه والله مااكدر اتمنى تفهمني غير مرة انشاء الله بس الله عليك لاتخرب الطلعه عليهن

أثير.قتيبه خلي عمر واياد ياخذون البنات وغير مرة تروح وياهم لاضغطون عليهه بعدهه جرحهه جديد

سمر.من حجه اثير رهف عافتنه ودخلت جوة كامت تبجي الله يكون بعونهه موسهله عليهه رغم صار تلث شهور على وفاة امهه بس هيه لحد الان مامتقبله الوضع

عمر.يلا فضنهه شبيجن وكفتن هيج

سمر.رحنه لبسنه على سريع وطلعنه تونسنه بشكل شبعنه ضحك ماخلينه شارع مادخلونه بي صح مارحنه لاي مكان محدد بس تونسنه رجعت تقريبا ساعه بثنعش لكينه أثير وسام كاعدين بلحديقه بعدهم وصوت ضحكهم لوين واصل .

..............

أثير. ماخليت واحد ماكلفته يدور عليهه اريد اعرف وين راحت مو حبا بيهه بس ندمت لان جبرتهه وهسه بس اريد الكاهه حتى اطلكهه واخلص اليوم كاعد بلمكتب منتظر الولد الكلفته يجيب معلومات عنهه جامعهن بظرف وجابهن اول ماستلمتهن انصدمت صدمة عمري رهف نفسهه كل المعلومات تكول هيه عنوان سكن الوضيفه الاسم الكامل شكد غبي اني ليش ماركزت على اسمهه يعني لاكلبه هم نهزمتي مني وهم كاعده وياي صارلج تلث شهور ماحجت ولانطقت جنت حاس واني حساسي عمره ماجذبني بسيطه يارهف وين ترحين مني اليوم والله لااشعل شيب الخلفج بت الكلب استغفر الله الله يرحمك ياعمي هاي شون ورطه اهلي اذا عرفوا جدي شراح يسوي بيه خرب بلحظ اكلهه يأاثير بلعافيه عليك بس وروح عمي مااطلكهه لو تطلع نخله براسهه بسيطه لكفت سويج سيارة وطلعت شايط للبيت لواحركهه هسه ماتبرد نار كلبي لاوالله طريق كله اني الف فكرة والف سؤال صارن على بالي بس اريد اوصل بسيطه يارهف .

.................

رهف. من طلبوا مني اطلع وياهم رفضت اول شي مالي نفس وحزنانه على امي شون اطلع واتونس وثاني شي لاحظت لبسهن كوله من هذا راقي واني ماعندي غير العباه والنقاب موهنا المشكله خاف البسهن ويكشفني أثير ساعتهه شسوي لذلك رفضت بس من حجه هوه حسيت نعصر كلبي منه ومن كلامه مااكدر صعب علي اتقبله صار مثل الكابوس بلنسبه الي مامر يوم اذا ماحلمت بي لو يخنكني لو يعتدي عليه لو جدو يقتلني واخر شي هوه كمت احلم بي لازم مسدسه ويركض وراي اكعد الهث ونفسي مكطوع تعبت بشكل ونفسيتي دمرت مرات اكول اكله وخلص نفسي من هذا العذاب بس الخوف من عقابه هوه المخليني ساكته لحد هسه سمعت بيبي صيح عليه رحتلهه ركض

ها بيبي

بيبي.تعاي يمه اكعدي يمي اريد احجي وياج شويه

رهف.اي بيبي اسمعج شنو

بيبي.يمه انتي ليش ماتفكرين عدل علمود هذا الولد هم موضف وحليو ومؤدب ليش راسا رفضتي واشرطي علي تكعدين وحدج حتى ترتاحين ها شكلتي

رهف.نلوت بطني من الخوف بس حسمت الموضوع اليوم اكله واخلص وخلي هوه يتصرف احسن مايوميه جايني عريس شكل

بيبي.ها نكول مبروك سكتي

رهف.لابيبي اني شلون ازوج وافرح وماما بعدهه مدارت سنويتهه ماصارلهه كم شهر مااكدر والله

بيبي.جدج هم كاللهم كالو بس خطوبه والعرس ورة سنوية امج

رهف.يعني جدو انطاهم الموافقه

بيبي.جدج عاجبه الولد واليوم يجتمع وي عمامج ويشوف شيكولون علي ويردلهم خبر

رهف.حسيت بعد مااكدر الزم دموعي كوة طلع صوتي كتلهه .بيبي اني رايحه للحمام هسه ارجع

عفتهه وطلعت ركض من الغرفه بدون مااسمع ردهه انسحبت من ايدي اباوع اثير سحلني وعيونه تجدح نار اخذني لغرفة فتح الباب شمرني بيهه وقفله اريد اكوم رجليه مايعنني واني شوفه نفس شكله ذاك اليوم بلعت ريكي بخوف حتى دموع نشفن بعيوني دنك رفعني وكفت ونزل نفسه بمستواي كال بفحيح شيطاني

أثير.اي يازوجتي العزيزة منين ابدي بيج هسه هاااا

رهف.ضليت ارجف مااكدر ارد علي صوتي اختفى رجع كال

أثير.ماتحجين موكتلج بس اعرف بطريقتي محد يخلصج مني انتي اليوم حكمتي على نفسج بالاعدام

رهف.كلشي اتوقع منك انته موبشر انته ...

أثير.كملي حيوان مو اي اني حيوان وراح اراويج الحيونه على اصولهه

رهف.لاتنسى هسه بصوت واحد كلهه تجي تركض

أثير. لو تموتين هنا محد يسمعج شردين مني مو كلبه 🖐🖐

رهف.نزل عليه دك راشديات اريد اخلص نفسي منه ماكو وجهي خدر وهوه مستمر غلط وفشار حتى خشمي طك دم وحلكي وهوه ولامهتم موتني اريد اخلص روحي منه ماكو اخر شي دفعني على جربايه وشك ثوبي من طول لطول

أثير.هسه اراويج الحيونه شلون صير زماله تضحكين عليه اول شي مصخمه وجهج انوب شردتي ماخليت مكان مادورت عليج بي وطلعين كاعده وياي بنفس البيت ولج شنو زعطوط كدامج وضحكين عليه حيووووانه كلبببببه والله لوادفنج هنا هسه ماتبرد ناري

رهف.مالي وسيله غير دموع ضاع الكلام عندي واني شوفه فعلا حيوان كل همي انقذ نفسي منه وماينتهك شرفي صرخت ردت ولاواحد سمعنه هجم عليه مثل المخبل ملخ ركبتي تملخ ادفع بي اريد ماكو اخر شي عطت بصوت عالي

حرررررام عليك اني عرضك لاسوي بيه هييييج دخيلك الله يخليك عوفني لاضيع شرفي بستر خواتك عوفني

رفع راسه باوعلي وصفن بوجهي لزمني من ال...... كال

أثير.اصلا لعبانه نفسي منج بس هاي كرصة أذن على سويتي وبختج طلعتي بت عمي جان طلقه وحده ماتكلفيني غيرهه وروح عمي

رهف.لخاطر عمك هذا تحلف بي عوفني الله عليك أثير لادخلنه بلحرام الله يخليك .

ضربني حيل على راسي وكال

أثير.انجبي لججج حرام شنو غير حلالي هسه لو اخذج محد اله شي يمي وليريد يحجي يركع راسه بلحايط

رهف.ضلينه واحد صافن على ثاني الموقف الحنه بي ماينوصف نزل راسه وتقرب يريد يبوسني ندك الباب حيييل او تكسر هوه طفر حرت اشلون الم نفسي ملابسي مشككه اشرلي على الحمام ركضت بي اجه دفع الباب شمر شالي ونعال وسده راح فتح الباب جانت عمه نوال كمت الطم على وجهي حطيت أذاني على الباب علمود اسمعهه

عمه.شنو نايم

أثير.اي جنت نايم خيرج عمه صاير شي مومن عادتج تجين لغرفتي

عمه. جايتك علمود تسأل عن هذا ابن خالتك اريدك تنبشه نبش النه لازم نعرف  كلشي عنه يمه هاي أمانه ولازم نحطهه بأيد امينه مو نشمرهه شمر

أثير.اوكفي عمه عليمن تحجين ترة دخت والله

عمه.يااا شبيك غير على رهف جدك اطاهه لابن خالتك وباجر جايين يمشون عليهه هيه مشيه هيه عقد

أثير . على منوووو رهف صدك تحجين عمه

عمه.يمه شبيك اليوم أثير لاتخبلني وين تصفن غير جاي احجي وياك

أثير.جدي جوة مو

عمه.اي جوة

أثير. هسه نازله خل يلغي هذا زواج كله شبيكم مستعجلين بس تردون تزوجوهه ماصارلهه غير جم شهر من كعدت عدنه استثقلتوهه هيج بسرعه

عمه. والله يمه اني هم مااريدهه تزوج البنيه نفسيتهه تعبانه مومال زواج بس بعد جدك مايتعاند شنسوي ياريت تكدر تقنعه يبطل

أثير.هيه وحده من ثنين لواقنعه لو اجلطه مابيهه مجال

عمه.يااا اسم الله ليش

أثير.يجيج الحجي عمه اصبري

عمه.ولك خوفتني شعدك من مصيبه

أثير.بلباكيت وداعتج مواكلج اجلطه

عمه.ياااا دمشي خل نشوف عليمن ناوي هسه لو ما خاطب جا كلت حاط عينك عليهه بس انته خاطب

أثير.ههههههههههههههه خاطب اي صح عمه امشي عمه رحمه لمحمد لايطلع المستور هسه

عمه.يلا امشي

أثير.ابدل واجي وراج ماأتاخر

رهف.طلعت عمه وسدت الباب اجه طاير دفر باب الحمام اليسمعه شلون يحجي وي عمه يكول قمة الهدوء بس وياي ينكلب وحش اجه سحبني من شعري بكل قوته

أثير.اريد اعرف هذا الكوووواد وين شايييفج وهيج كاتل روحه عليج هااااا

رهف.والله مااعرف وروح بابا مشايفته ولااعرفه اصلا

أثير. بسيطه امشي نزلي يلا لاواحد يصعد هسه

رهف.شلون انزل شوف هدومي شون مشككات

أثير. وشتردين اسويلج يعني

رهف.لاااا خلص راح الف نفسي بشال وانزل بس وخر عن طريقي

أثير.اوكفي هنا هسه اجي تردين طلعين هيج والبيت متروس زلم

رهف. عافني وراح لبس قميصه جان نازعه باقي بس بلفانيله ستوني نتبهت علي عززة بعينج رهف جان رحتي لو ماعمتي نقذتني والله تاخر هذا وين راح هسه ماخلاني اطلع على اساس شريف كلش وعنده غيره ابو نسوان بعدني احجي علي فتح الباب شمر عليه ثوب مااعرف لمنو بس اسود فد استحقرت نفسي من عاملني هيج والله متت الف موته

أثير.يلا بسرعه لفي نفسج وانزلي لاواحد يشوفج هسه

رهف.بسرعه لبسته فوك ملابسي جان دلع كلش من رفعت راسي انتبهت علي صافن عليه لفيت شال على سريع وركضت لباب هوه اسرع مني حط ايده على الباب وكال

أثير. تنزلين جوة كبل لغرفتج لو جدي يجي يكلج تعاي لالستقبال ماطلعين مفهوووم

رهف.ليش شراح سوي

أثير.مالج دخل بس هذا سكط هنا هوه واهله وروح عمي يارهف اذا لمحج موتج على ايدي مفهوم

رهف.اول مافتح الباب شردت نزلت اركض دخلت للغرفه وقفلت الباب عليه شمرت روحي على جربايه صرت اشهك بصوت عالي صار وياي اليوم محد يتحمله ليش هيج حظي اني ليش اووف ياربي شراح يسوي أثير هسه بس لاراح يذب صوج بيه ويفضحني كدامهم ياررب خلصني دخيلك .

.............

مرح.جنت بلمطبخ داحظر الضيافه للخطار بيت خالتي جايين كلهم اليوم علمود يخطبون رهف بشكل رسمي جنت وحدي بلمطبخ البنات مجمعات يم الباب يردن يسمعن الحجي هههههه سمعت الباب نقفل رفعت راسي متفاجاءة بوسام قفل الباب وتقرب مني سحب الصينيه وشمرهه على الكاونتر رجفت برعب ورجعت لورة اجه وكف كدامي وعيونه حمرر من العصبيه كال

وسام.اني حذرتج مرح بس ماصدكتي كتلج اتقي شري احسلج بس انتي غبيه انتي جبتيهه لنفسج اتحملي نتيجت غلطج يامررررح .
.
.
.
.
.
.
.
.
.
.
.
.
يتبععععع❤

هلو كليباتي شلونكم

شنو رئيكم بلبارت اليوم حبيباتي

ريئكم بتصرف أثير صح لو هوه زواجهم كله غلط يعني ماله حق يحاسبهه ويضربهه

سكوت رهف عنه هل لانو فعلا غلطانه لو خوف منه ومن عصبيته

ياترى أثير شلون راح يتخلص من العريس المتقدم لزوجته

رهف راح تسامحه على معاملته الهه اليوم

شنو تتوقعون وسام شراح يسوي برهف

اتمنى تصوتون وتعلقون حتى اعرف رئيكم بلبارت لان رئيكم كولش مهم بلنسبه الي

بنات اتمنى تعلقون على البارت لان والله دااتعب بي وملتزمه بتنزيل بشكل يومي وقت محدد وبارت طويل ليش مجاي تتفاعلون

واليوم مداريتكم ومنزله من وكت بعد شسويلكم حتى تعلقون 😆😆😆

اتمنى يكون عجبكم البارت اليوم حبايبي .

UMtota.........