رواية ألضابط و المنقبه الفصل الثالث 3 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

(ألظابط و المنقبه )

أتمنالكم قراءة ممتعه حبايبي ❤

رهف.دنكت مااكدر احجي مشكلتي رغم هذا الحزن كله بس استحي ارفع عيني عليهم كوة اكلت شويه وكمت وي مرح غسلت ورجعت بيت جدي بس احس نفسي غريبه بي رجعت كعدت يم بيبي والبنات مجمعات يمي يحجن وياي واني بغير عالم كامن يحظرن بلعشا واخذني وياهن سحل كالن بس كعدي يمنه ضليت يمهن بس اباوع عليهن مااكدر اشارك بلحجي غصه بلعومي ماتطلع خوف من جاي خوف من المجهول شناوي عليه هذاك نذل النهزمت منه خلصن البنات وكمت نكلت الااكل وياهن اريد احرك نفسي بلكي التهي شويه بتفكير خلص العشا وجمعوا كلهم يم بيبي وجدو حطوني بنصهم بيبي منا وجدو منا جنت مدنكه سمعت صوت سلم هذا سامعته صوت رفعت راسي وانصدمت صدمت عمري هذا ضابط شيسوي هنا وداخل لغرفة بيبي بكل اريحيه عادي عنده اباوع الكل ردو علي سلام عادي كانه واحد من اهل البيت اجه كعد باوع عليه كال

البقيه بحياتج رهف خاتمة الاحزان انشاء الله

بقت عيوني متشخصه علي هذا شنو يصير من بيت جدو بعدين شنو ماعرفني ؟؟؟؟

جد.بويه هذا أثير ابن عمج محسن

رهف.فتحت عيوني على وسعهن من الصدمه لايانذل طلعت عرضك انوب حسيت اختتكت والهوا ضاك عليه حتى مارديت علي دنكت راسا لايربي انوب طلع ابن عمي شسوي شهل ورطه هاي يعني هوه ماعرفني اي اكيد مايعرفني لان سلم عادي واني جنت بيومهه مصخمه وجهي بالاسود تكول صدك مفحمه والنقاب هسه لانقاب ولاصخام اكيد مايعرفني واحد حقير الحمدالله ماخليته يلمسني احسن شي اشوفه اذا يعرفني اكيد راح يطلكني بدون فضايح معقوله يلوف سالفه عليه ويطلعني وحده موزينه اوف يالله انتبهت على صوت بيبي تحجي وياي

بيبي.شبيج يمه الولد يحجي وياج ليش ماجاوبين

أثير . خليهه على راحتهه حجيه مبين بعدهه تعبانه

رهف.اعتذر حياتك الباقيه

أثير.ولايهمج وأي شي تحتاجين اني موجود مايردج اله لسانج

جد.هاااا ولك شعدك اليوم صاير نشمي

أثير.ليش حجي اني مو نشمي صدك عدي سوالف بس ماكو واحد معصوم

جد.بس اريد اعرف شوكت تعقل مو خطبت وراح تزوج يمتى تعقل هاااا

رهف.صدمه لايانذل طلع خاطب الله لايوفقك كون حقييير تافهه

أثير.والله حجي العروس طاكه فيوزاتهه واحتمال اكنسل الخطبه من يمي لان منين مااجيبهه ماتجي عدله

جد.والله هاي حياتك وانته حر بيهه

عمر.من رفضت تعقد جنت حاس بيك ماتريدهه

أثير.ترى بعدني جاي افكر مااخذت قرار محسوم يجوز اكدر اخليهه على نفس طبعي

عمر. لاولك شوون هيج

اثير.اكل تبن زين موهيج قصدي اني

رهف.طلعت روحي منه ماطول هوه كاعد يحجي اني صافنه علي وكلامه بذاك اليوم وغلطه على بابا باابشع اسلوب وضربه الي وفوك هذا كله اخو شاهد على زواجنه شلون اذا حجيت وياه احتمال ينتقم مني لان شردت منه شسوي عفتهم وطلعت للحديقه اختنكت كلش سمعت صوت ونين رحت امشي بتجاهه صوت طلعت مرح خطيه ناطه من البجي ركضت عليهه بخوف

مرح شبيج منو وياج

مرح.رهف انتي شجابج هنااا

رهف.عوفج مني انتي شبيج ليش هيج تبجين

مرح.مابيه شي اني وحده غبيه جنت متأمله بشخص الغلط حبيته وحطيت كل أمالي علي تالي طلعت كلهه اوهام اخترعهه عقلي واني صدكت

رهف.كعدت يمهه ومسحت دموعهه .احجيلي وحده وحده ترى كلشي مافهمت منج هسه

مرح. شحجيلج اكلج اوهام اني اول مامريت بفترة المراهقه تعلقت بوسام ابن عمه نوال بس كابرت على نفسي كلت فترة مراهقه وتروح لحال سبيلهه بس صرت كل مااكبر يكبر وياي لحد ماصرت احبه لحد جنون وهو هم احسه يحبني والله من نظرات عيونه بس ابد مايحجي وياي حرف واحد حتى سلام مايسلم عليه

رهف.وشلون عرفتي بي يحبج اذا محاجي وياج ابد

مرح. من نضرات عيونه جانت تخترقني من امر من يمه من فوك لجوة ومن يجينه والله جنت اشوف بعيونه كلام بس اني فهمته كله شوك وغزل

رهف.زين شنو شفتي وتخبلتي على الولد هسه

مرح. طلعت صدفه وسمعته يخابر بوحده ويكلهه مشتاقلج حبي ماتحملت وكفت كدامه وكتله

انته ويامن تحجي هاا

وسام.وانتي شكو شعليج بيه بعدين منو سمحلج توكفين بوجهي هيج وتحجين وياي بهاي طريقه

مرح.انته شنو ماعندك احساس ماتحس بيه ابد ليش ضحكت عليه وهمتني بأشياء انته موكدهه

وسام.اني ولج اني شوكت حاجي وياج اصلا شبيج مرح مصخنه شنو فوتي جوة بابا لاتبردين احسلج

مرح.تستهزاء بيه مو بسيطه ياوسام اني صوجي انطيتك مجال زيادة عن لزم

ودرت وجهي اريد اروح سحبني من ايدي حيل ورجعني كدامه وحجه بنبرة حيل كرهتهه

وسام.اياج تعلين صوتج عليه مرة ثانيه اذا أهلج ماعلموج تربيه شلون صير اني اربيج على ايدي لاوالخلقج اذا مانعدلتي شوفين مني شي مايعجبج جري عدل وياي احسلج وهااا ترى جنت احجي وي وسن أختي انتبهي مرة ثانيه كبل لاتسرعين ياابت خالي

مرح.وعافني ومشه دخل جوه حطك من القهر ليش هيج حظي اني

رهف. هههه ياثوله هذا يحبج مثل ماتحبينه لاصيرين غبيه

مرح.شلون اكلج ميطيقني

رهف.والله على كلامج هذا هوه يريدج تتغيرين وصيرين على مزاجه يعني عنده نيه يرتبط بيح

مرح. رجع الامل بكلبي مرة ثانيه طفرت على رهف واني مامصدكه .انتي شتحجين رهف معقوله

رهف. ههههههه وليش مومعقوله بس انتي بعد لاتعيري اي اهتمام ولاكانو موجود اجاهلي خلي هوه يركض وراج موالعكس

مرح. واذا سويت هيج وفهمهه غلط عباله مااريدة ويروح يخطب ويزوج

رهف.لا شوفي اذا مااجه وستفسر منج ليش متغيرة عليه يعني هوه من البدايه مامهتم اصلا بس اذا صدك يحبج راح يجي وراح يبين علي انزعاجه لان متجاهلته

مرح.ماادري خايفه تدرين هوه بلحالتين اني راح اخسر على الاقل ماأخسر كرامتي كدامه ولاكدام نفسي

رهف.عاد يستاهل هوه هاي العيون الحلوة ذبلانه من وراة

مرح. ههههههه اي والله يستاهل انتي مشفتي شنو

رهف.لاوالله ماركزت زين اني بطبعي مااحب اختلط وي شباب لذلك مجنبتهم

مرح. هاااا بس تدرين فوفه والله فرحت من كعدتي تحجين وياي مبين راح استفاد منج هواي

رهف.لايغرج إذا اكو وحده بدنيا حظهه اسود فهيه اني

مرح. لاتكولين هيج بعد ازعل عليج والله انشاء الله يتعدل حظج وتضحك دنيا بوجهج من جديد

رهف.الله كريم

مرح. تعاي ندخل جوة يم جدو

رهف.يلا كومي العاشقه الولهانه هههههه

مرح. اسكتي يمعودة لاواحد يسمعج حتى يصير كتلي عمل شعبي وعلى ايد عمر واثير ذوله ثنين ماعدهم تفاهم ابد

رهف.انخطف لوني من جابت طاريه حقراء مسوين نفسهم اهل شرف وهمه اسقط خلق الله اول ماوصلنه للباب جنت مدنكه اكو حديده بلكاع عثرة بيهه اجيت اوكع على وجهي حسيت بأدين طوقت خصري انتفضت برعب باوعت عليه خزرته خزرة هوه ضل مستغرب وصافن بوجهي حقير ماكو مكان يلزمني منه اله من خصري واحد نذل عفته ودخلت ركض لجوة هوه من دخلنه اني ومرح جان طالع من عثرت لزمني على اطيح على وجهي واحد نذذذل يربي راح اتخبل اكو واحد مايعرف زوجته هذا شبي شنو فلم هندي والله هذا شي خارج حدود العقل

مرح.شبيج ولج تبنجتي شنو

رهف. لامبيه شي ليش شبيج

مرح. احجي وياج ولاجاوبين عززة بس لا انعجبتي بسيادةالرائد انصحج خيه خاطب لاتحطين عينج عليه

رهف. ضحكت بكلبي امده حظي احط عيني علي شسوي بي بس خل يفك مني لارايدته ولارايده شوفته اصلا

مرح . وين وصلتي

رهف.اني نعست خل انام عفيه

مرح. يلا تعاي شوفي غرفتج الجديده

رهف.رحت وي مرح جامو خالين بيهه جربايه وكنتور جدد على جهه بس اليه ومناك مرح وسحر الي نايمه على تلفون ابد ماشارك بلحجي ابد مرة سبوع الوضع نفس شي جنت اغلب وقتي وي مرح او بيبي الايام تمشي ببسرعه اثير اصلا مااشوفه تكول مرح يدخل معصب ويطلع معصب محد يعرف شبي صارت الاربعينيه مال ماما وجدو سوالهه عشا ورحنه ثاني يوم لنجف انعاد عليه اول يوم من توفت بجيت وصرخت ملخت روحي تملخ كوة سحبوني لسيارة وكلهه تحجي عليه حقهم محد حاس بنار البيه رجعت للبيت واعتكفت يومين اني كاعده بلغرفه فلاونزه قويه صارت عندي بليل اخذني عمو علي وعمه نوال للمضمد ضربت ابرة ورجعت طريق كوله نايمه اول ماوصلنه راسا رجعت للغرفه ونمت ثاني يوم كعدت احسن احس نفسي زينه كمت سبحت ولبست تراك اسود عمه جابتلي ملابس باوعت على وجهي زين رايحه الاثار منه تنهدت بوجع لبست حجابي وطلعت قررت استسلم لاامر الواقع بعد شبيدي اسوي يعني طلعت لكيتهم بلمطبخ

صباح الخير

جد.صباح النور هلا بويه شلونج اليوم

رهف.الحمدالله جدو احسن

جد.الحمدالله تعاي كعدي يمي وتريكي يلا بويه شدي حليج اريدج صيرين قويه موهيج ضعيفه

رهف.انشاء الله جدو

بيبي. حتى وجهج اليوم احسن منور صلوات

عمه نوال . اسويلج ريوك ماما

رهف.لاعمه اني اسوي ابقوا انتو كاعدين

كمت سويتلهم ريوك نزلو عمامي كلهم همه ونسوانهم وكعدو يتريكون نكسر ضهري هاي عود بس ريوك بس هواي مشاء الله اخر شي سويت لفة جبن وبيدي كلاص جاي اريد اتريك الكفن من ايدي ثنينهن باوعتله يضحك

أثير.لاصيرين نفسيه جوعان ومستعجل على دوام سوي غيرهن ههههههه لااغص بيهن هسه هههههه

رهف.ههههه لاالف عافيه

أثير.مشكورة خيتي

رهف.اخذهن وطلع خيتي والله انته فلم استغفر الله رحت سويت غيرهن وكعدت تريكت كعدن البنات والي فهمته اليوم عازمين بيت اخت أم قتيبه ومرح مكتأبه اول ماسمعت الخبر

شبيج كالبه خلقتج شكو

مرح.اليوم راح تجي خالتي يمنه

رهف.وليش ضايجه المفروض تفرحين يعني

مرح. وعليمن افرح لان تريد تخطبني لاابنهه امدة حظي

رهف.معقوله واهلج شنو موافقين يعني

مرح.لا هيه لحد لان ماحجت بشكل رسمي بس تبسمر بلحجي وخايفه من جيتهم اليوم تفتح الموضوع وي اهلي

رهف.اي عادي ارفضي وشنو يعني قابل غصب هيه اذا متردي

مرح. اي حقج مو ماتعرفين جدي ماعنده البنيه تنطي رأيهه بزواج هوه الوحيد الي اله حق يوافق او يرفض العريس

رهف.بلعت ريك بخوف ياترى شيسون بيه اذا عرفوا

مرح. يلا بلكت شوفج وتنعجب بيج وتخطبج لاابنهه صراحه هوه حلو وشخصيه وموضف بس بعد الكلب ومايريد وانتي كلبج خالي يعني يستقر بسرعه بي

رهف.حجيت بكلبي واخوج وين اوديه شلون اخلص منه اول مرة وبعدين افكر ارتبط بغيرة كمت وي البنات نظفت وياهن من كملنه دخلت سبحت وبقيت بلغرفه صليت وقريت قرءان ماطلعت اجت سمر

سمر. فوفه بيبي تكول خل تجي اجتم اخت مرت عمو تعزيج

رهف.تمام هسه اجي

كمت لبست شالي وطلعت لاكاني عمر

عمر.ها رهف شلونج

رهف.الحمدالله

عمر.رهف اي شي تحتاجين مايرد اله لسانج انتي اخيتنه

رهف.مشكور خويه ماتقصر

عمر.رهف فد سؤال

رهف.تفضل

عمر.احنه ملتقين قبل شو احسج شايفج واعرفج

رهف.مااعرف يجوز دنيا زغيرة

سوزان. اووو عمورة شلونك

رهف.باوعت لمصدر صوت وحده مايعه البس حصر على جسم والمكياج طن حاطه يمكن عمر دنك وسلم عليهه اويلي على اخلاقك يأابن عمي

عمر.هله سوزان الحمدالله انتي شلونج

سوزان.اني موزينه كولششش

عمر. خيرج خويه شبيج

سوزان.ماشفت حبيبي اليوم اكيد موزينه

رهف.متفاجاءة من جرئتهه كتله .عمر عن اذنك بيبي تصيحني

عمر.اي اتفضلي اني صاعد فوك اصلا

سوزان.انتي رهف الخابصينه بيهه شو رفعي راسج خل نشوف عاد تسوين لا

رهف.عفوا

سوزان.امم يعني ينطلع بيج بس عوزج تعديلات هيج رتوش وصيرين توب

رهف.دروحي عني رحمه الاهلج مناقصتج بس انتي بعد عليه

عفتهه ورحت دردم ام رتوش يمكن من كد مانافخه وجهه شويه ويطك علينه هههههه رحت يم بيبي جانت بس امهه وياهه

شلونج خاله البقيه بحياتج

رهف.حياتج الباقيه اشكرج خاله

ياعيني بعدج زغيرونه على اليتم الله يكون بعونج

رهف.لااعتراض على أمر الله الحمدالله والبركه بيبي وجدو الله يخليهم النه

بيبي.عمت عيني عليج بيبي

ام قتيبه. كافي فدوة لاتبجنهه والله راحت عيونهه بس من البجي فدوة غيرو الموضوع

مرح.خاله وين سوزان

كالت رايحه لحمام ماتشوفيهه فدوة لوجهج

مرح.فوفه تعالي وياي

رهف.نقذتني لان هاي خالتهم مبينه غثه طلعنه ندور على ام رتوش مرح راحت كعدت بلمطبخ

مرح. خل طير عليمن اتعب روحي وادور عليهه

رهف.وين راحت قبل شويه جانت هنا

مرح. اكيد بغرفة اثير مابيهه مجال ومال اروح كل مرة واصيحهه لوتموت

رهف شهكت وبقيت فاتحه عيونييييي

مرح. هههههههه شبيج مستغربه هيه عدهه عادي تكول احنه رابين سوة وراح نزوج يعني لاتستغربين خيه

رهف. وأخوج ماخذة الواهس موعيب علي بنص البيت وهمه بعدهم ماكو شي رسمي بينهم صدك عود

مرح.هههههههههههه والله لو يسمعج هسه

رهف.ويسمع خايفه منه شنو هذا شي عيب ترى معايش وحده بلبيت اذا كلش كاتل نفسه خل ياخذ أم رتوش ويطلع باي مكان

اثير.هاا طردتيني ولج الله يسامج اخذتي غيبتي ولج جنت بدوام و هاي جيتي ياضالمة

رهف. عظيت لساني عززة سمعني هسه اني شعليه بي اووف بس هم ماهتميت درت عليه بكل ثقه ورفعت تك حاجب مثل الخزرته

اثير.لاتباعين هيج لج لاأفكس عينج هسه

رهف.أسوي تجميل عد ام رتوش عادي

اثير.منيه هاي أم رتوش

رهف.زوجتك المستقبليه سيدي

اثير بستغراب . شو كولي مرة ثانيه سيدي بس بعصبيه

رهف.بغباء .وليش يعني ترى موكلشي بلمنصب سيادة رائد

أثير.شوفي اني شاك واذا طلع شكي بمحله وضليتي ساكته ماحجيتي شي لو يطلع ابوج من كبرة مايخلصج مني مفهوووووم

رهف.وكع كلبي من صوته من عاط بيه يعني شاك بيه زوجته لايربي شلوون هسه انخطف لوني ولزمتني رجفه اتقرب متي وهمس بأذني

أثير.نصيحه اعترفي من وحدج احسن لان اذا عرفت بطريقتي معناتهه جنيتي على نفسج بغبائج

رهف.عافني وراح وكعت بلكاع مااكدر اوكف بعد اجت مرح تركض بيدهه كلاص مي شربت منه وكع من ايدي مااكدر الزمه خوفي منه عمرة مراح اكدر اجاوزه

مرح.رهف شبيج خوفتيني والله شبي أثير وياج

رهف.بس ساعديني خل اروح للغرفه عفيه

مرح. اي كومي يلا

رهف.اخذتني مرح للغرفه وطلعت ضليت اليوم كله اني بلغرفه بليل دز عليه جدو رحت كعدت يمه كال

جد.شبيج بويه ليش كاعده وحدج

رهف.ماكو شي جدو مجرد تعب بسيط

جد.جدو اذا بيج شي احجي حتى ناخذج للطبيب

رهف.لاجدو تسلم والله مبيه شي

مرح.معناتهه تعاي يمنه خل نسوي العشا

رهف.ههه ماشي جايه

كمت وياهه رحنه للمطبخ لاكانه وسام ابن عمه نوال مرح مشت كبل بدون مادير وجهه علي هوه ضل واكف مكانه وصافن عليهه ضحكت بكلبي معناتهه صدك يحبهه رحت وراهه راسا سحلتني

مرح. ها شفتي انتي ضليتي واكفه

رهف.ههههههههههههههه يبس مكانه

مرح. الله عليج صدك تحجين

رهف.ههههههههههههههه مجذبه عليج قبل يعني

أثير.صوتج شنو هاي ضحكه منا العالم

رهف. باوعت بغيض وانته شكوووو ابن ال.....

أثير.خبااال اي والله الله مايبليني بس بلمخابيل للحمدالله

رهف.مو كلمن وفصيلته غير

أثير. شقصدج يعني اني خبل

رهف.اني حجيت لو انته

أثير.لجج جري عدل لااعرف شلون اصرف وياج

رهف.مروحه شنو راح تسوين هسه

أثير.يصير خير مبقى شي ياست رهف

رهف.راح ضليت واكفه افكر شنو قصده بهذا الكلام الكاله قبل شويه ؟؟

................

سمر . طلعت للحديقه صديقتي اتصلت واكيد مااسمع جوه لان عائلة قريش كولهه موجوده من كملت ردت ادخل صار اياد ابن عمي بوجهي

أياد.شلونج سمر

سمر.من الله زينه الحمدالله

اياد.ومن عباده

سمر.شتريد اياد خليني ادخل لايجون المافيا هسه ويسوهه عليه قضية شرف ههههههه

أياد.هههههههههه ولج لايسمعوج شون تحجين على اخوتج هيج

سمر. انته كلتهه اخوتي يعني اني حرة بيهم

أياد.سمر انتي ليش تعامليني هيج

سمر. والله اسأل نفسك شوف تستاهل هاي المعامله لو لا

اياد.والله اني حباب وخوش ولد وامي وابوي راضين عليه بعد شبيج وياي

سمر. ههههههههههههههه عفيه أياد لاتحجي بهاي طريقه يااخي خليني زعلانه عليك شويه شون يعني مايصير ازعل

أياد.لاميصير ومرة ثانيه اذا كلتي اخي امرد حلكج بوسه اله اطلع دم يلا

سمر.عزززة بعينك اليوم انته كلش ماخذ راحتك خل ادخل احسن

سحبني من خصري علي وحجه بذوبان

أياد.ماتحن عليه حبيبتي بوسه زغيرونه هيج تصبيره

سمر.دفعته وركضت. انته طالعه عينك كلش صاير تخوف ترى

اياد.بس وياج ابقى طول عمري مصدر امانج لاتنسين

سمر.اكيد مراح انسى باي حبيبي

عفته ودخلت جوة دائما ينرفزني وبعدين يقشمرني بسهوله مدري اني صدك اكبر الموضوع على كولته اوف دخلت جوة والتهيت وي البنات .

....................

مرح.طلعت اغسل لان ملابسي ندمرت بدلت وطلعت صار بوجهي وسام عفته ردت اروح وكف كدامي

وسام.مرح شبيج انتي زعلانه مني

مرح.لامزعلانه بس اني عرفت انو وجودي يضايقك لذلك ابتعدت

وسام.اكيد بس هذا سبب يعني ماكو غير شي

مرح. مثل شنو يعني

وسام.يعني مثل العريس المتقدم ابن خالتج الشفيه

مرح. وليش تحجي كأنو ماعاجبك يعني

وسام. مرررح لاتلعبين وياي هيج لعبه سخيفه

مرح. متوهم اني لاالعب وياك هيج لعبه ولاوي غيرك ورجاءا وخر من طريقي لايجي احد ويشوفنه ومحلوة بحقك اعتقد

وسام. مررح هيه كلمه وحده اذا سمعت بيج واصله بيت خالتج معناهه جنيتي على نفسج فاهمه

مرح. عفته ومشيت مارديت علي بس كلبي يركص من الفرح واخير حس واتحرك اوف شلعت كلبي وراح تبقى شالع كلبي بس احبك .

.................

رهف.كملنه العشا وكعدنه كلنه سوة صار مكاني كبال أثير بس هوه الحمد الله مارفع راسه عليه همزين جنت خايفه خاف واحد يشوف ويشك بينه منكد الخوف البكلبي كمت مااميز صح من الغلط

سمر. رهف انتبهي ااااا

رهف.اخخخخ يييمه

عمو. اسم الله بابا ماكو شي كومي غسلي برديهه

رهف.طفرت للحمام لان صافنه انكلب عليه تشريب (مي دجاج) غسلت طلع بس هيج حمار قليل ماكو شي مارجعت يمهم استحي لحد لان ماتأقلمت بس وي البنات رحت للمطبخ اجن وراي كلهن ضلن يصنفن ويقشبن على الولد نسينا نفسنا بضحك وسوالف ضلينه نرتب بلمطبخ اخذت اكياس زبل اريد احطهن بلباب سمعت اثير يخابر بوحده من ذني ساقطات ويتغزل بيهه هوه من شافني عبالي يسكت يستحي على دمه اجه وكف كدامي ومايخليني ادخل وبعده مستمر ياشرلي مااعرف شيريد يحجي وياي بس اني لعبت نفسي منه ومن كلامه اخر كلام كاله الهه ماتحملت بعد ركضت للحمام وضليت اتقيى متت حسيت معدتي طلعت من مكانهه والله هوه صاح على البنات اجن يركضن

سمر.رهف شبيج تحتاجين مستشفى

مرح. سمر ساعديني خل نغسل وجهه راح تموع روحهه

رهف.كمت شويه مساعدت البنات طلعت من الحمام هوه منتجي على الحايط وجكارته بيدة شمرهه جوة رجله وسحكهه عبالك سحكني اني كمت ارجف منه اجه وكف يمنه كال

أثير.شبيج رهف تحتاجين مستشفى اكو شي يوجعج..

رهف نزلن دموعي ومرديت علي

أثير.بس احجي فهمينه شبيج ليش البجي انتي ليش تخربطتي هسه

عمه نوال.شبيهه رهف كالو تخربطت صدك

رهف.لاعمه مابيه شي هيج كلبت معدتي فجاءة

عمه.هاي لان مااكلتي تعاي افورلج نومي بصرة هسه تستعدل معدتج

أثير.عمه اني هنا اذا حتاجيتوا شي بس صيحي عليه

عمه.ماتقصر يمه انشاء الله مابيهه شي

أثير. لاشنو هذا الحجي عمه حالهه حال سمر ومرح ديرو بالكم عليهه

رهف.دخلت جوة راسا للغرفه صرت استحي منهم كل شويه واكعه والله عيب حطيت راسي على مخدة وطكيت بجي شلون بيه يربي يارررب حلههه من يمك دخيل اسمك خلصني يالله

..............

عمر.ها ابو شباب شسوي هنا

أثير.ماكو شي

عمر . شبيك شو مخنوك صاير شي

أثير.اكو حسبه بالي وخايف تطلع صدك ساعتهه صدك اتخبل وماادري شسوي راح يوكف عقلي من التفكير

عمر.على رهف مو

أثير.شبيهه رهف منو يمهه

عمر.وشبيك طفرت هيج بس جاي اكلك انته عليمن تقصد هيه بس رهف دخلت لحياتنه جديدة

أثير.عمر خليني وحدي محد حاس بجاي يصير بيه اني ورطت روحي وماادري شسوي

عمر.ههههههههههه خاف حبيت أم نقاب وهل مخليتك تصفن هيج

أثير.اني والحب طريقته مسدود ومستحيل بيوم نتلاكه الحب يريد واحد وفي ويحب من كل كلبه ومايخون واني ذني كلهن موعدي ولاراح يصيرن بيوم

عمر.انته مأيس من روحك على هذا حجيك

أثير.مواكلك عوفني وحدي

عمر.براحتك يخوي بس لاتورط روحك بشي انته موكده خاف تندم بعدين عرفت قصدي مو

أثير. اي عرفت خليهه ورة ربك وهيه تصفى وحدهه

عمر.ونعم بالله خل ادخل اليوم انته حالتك كلش تعبانه هونهه يخوي تهون محد يستاهل تعب روحك علي وتاليهه يروح منك خليك هيج احسن طير حر

أثير. ماكدرت ارد علي ماادري شبيه روحي صايرة يم رهف احس هاي البنيه ملكي شي خاص بيه بس اني ومن تخربطت مدري شسوت بيه خبلتني والله اخخ يارهف منين طلعتيلي احسن شي اعوف البيت حتى لااتعب ولااورط روحي وتالي مالهه حل بعد.

.
.
.
.
.
.
.
.
.
يتبععععع❤

هلو كليباتي شلونكم

شنو رئيكم بهاي صدمه هم نصدمتو مثل رهف زوجهه هوه نفسه ابن عمهه ومايعرفهه صدمه مو

شنو رئيكم بتصرف مرح وي وسام صح لو راح تندم لان عاملته بهاي طريقه

رئيكم خوف رهف من أثير بمحله لو مبالغه منهه

ياترى اذا أثير عرف بيهه هيه نفسهه زوجته شراح يسوي ؟؟؟؟؟؟

عائلتهم اذا كشفوا زواج رهف من اثير شنو راح يكون موقفهم وأثير راح يوكف وياهه لو راح يكون هوه الجاني الاساسي الهه وينهي حياتهه لان نهزمت منه

واخيرا اتمنى تنطوني رئيكم بلبارت حبايبي

منو اكثر كبل حبيتوهم بلقصه .

اتمنى تعلقون وتصوتون حتى اعرف رئيكم بلبارت لان رئيكم كولش مهم بلنسبه الي .

UMtota.......