رواية ألضابط و المنقبه الفصل الرابع وثلاثون 34 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

..........................................

أصبحت امامكم ككتاب مفتوح
ليس لديه شي لااخفيه عنكم لكن هذا اليوم
لن امحوهه من ذاكرتي مهما حاولت
لان تلك ساعه وتلك الدقايق كبرتني
الف عام عندما خسرتكل ناسي والهم انت
نعم لقد خسرتني بشكك وعدم ثقتك بي
لقد جرحتني ودمرتني لااستطيع ان اسامحكم
جميعا لذلك سأبتعد واعود لحياتي ولا اريد اي شخص منكم فيها 💔💔💔

UMțŏțặ ....................................

رهف.مااريد ازوج وراح اريحكم مني واطلع من هذا البيت بشكل نهائي

جد.راح تطلعين بس على كبرج ياسافله يلا محسسن

اجه سحبتي بكل قوته ودفعني للباب وكعت على وجهي بس كبل لااوصل للكاع لزمني اثير حط ايده على متني وكومني دار على عليهم وحجه وياهم

أثير.رهف ماراح تروح لاي مكان وماكو داعي للفحص جدي حفيدتك اشرف منهه ماكو لاتذلهه بهاي طريقه

جد.وانته ليش واثق هيج شمدريك بيهه بعدههه بنيه

أثير . ليش بربك اكو واحد مايدري بروحه اذا ماخذ مرته لو لا

حجه هيج وخله الكل دخل بحالة صدمه فجاءة عاط بس جدو

جد.انته شجاي تحجي وووللك شنو مرته احجي فهمني لاضل ساكت

أثير . مايحتاجلهه شرح هاي كدام الكل وكلكم سمعون رهف مرتي وانتهى الموضوع

هوه حجه هيج وصارت الاتهامات تنزل علينه من كل صووب بس عمر والبنات واكفين على جهه فحاءة تقدم جدو سحب سلاح عمر لان جان واكف يمه ورفعه بوجهنه اثنينه ضلينه جامدين من صدمه

جد.احجوا خلصوني شلون صار هیج ومن شوکت هذا الحجی

أثير . بيوم التوفت مرة عمي وللعلم احنه زوجنه بدون ماادري بيهه بت عمي عدنان

جد. شنو ولك تضحك علينه احجي بسرعه ليش عقدت عليهه غلطت وياهه لو سترت عليهه جاوووب

اثير. لاهاي ولاهاي

جد. احجي فضني

اثير. جدي هذا شي خاص بيه ومرتي ماكدر احجي اعذرني

جد. معناتهه حجيك كله جذب بس علمود تحميهه منه جاي تحجي هيج

اثير . وروح عمي لماحلفت بي جذب رهف مرتي بس على الورق

عمو محسن. يعني مامتقرب منهه وانتم صارلكم سنه ونص عايشين سوه تضحك علينه ولك شنو خبالاتك من واحد يخطبهه تحكمك بيهه دون عن البنات كله بس توقعناك معجب بيهه تحبهه بس تطلع مرتك لالهنا واكلك حدك عبرتنه كلنه وماحترمتنه ولاحطيت واحد كدام عينك هيج اني ربيتك مع الاسف عليك والله مع الاسف

جد. واذا كتلك اني مامصدك لعبتك هاي كلهه وراح اوديهه لدكتوره وغصبا عليك هم

اثير. وعليمن توديهه هسه احط نيشانهه بيدك حتى ترتاح بس ماراح اسويهه مو خوف منكم بس مااريد اعرض مرتي لهيج اهانه حتى انتو ترتاحون

عمو محسن . اثير احجي صدك انته مزوج بت عمك لوبس جاي تنقذهه من جدك لو تعرف شي احنه مانعرفه

عمر.لايابه حجي أثير صدك واني واحد من ناس شاهد على العقد مالتهم

جد.حلوووو والله بعد طلعوا شضامين علينه بعد وانتن اكيد تدرن اذا اربعه وعشرين ساعه وياهه

مرح.اي جدو ندري ومستعدين نحلفلك رهف اطهر واشرف منهه ماكو

سحر. مع الاسف محد بيكم واكف وياهه رغم المفروض صيرولهه درع وتحموهه من هاي دنيا الغبره صرتوا انتم والزمن عليهه

سمر.جدو بابا والله رهف موهيج اني شاهده على علاقتهه بأاثير هيه جانت دائما خايفه من ردت فعلكم بس ابد ماتوقعنه هيج راح سوون بيهه

مرح.جدو اذا تشك بتربية واخلاقهه رهف معناتهه كلنه لازم تشك بينه لان اربعتنه طبعت بينه نفس العادات والتقاليد

جد.بسسسسس كافي حتى زعاطيط كامت تعلي صوتهه عليه والله ونعم منكم ونعمممم

اثير.جدي راح احجيلك كلشي بس بوجودك انته و ابوي وقتيبه بس

عم علي.انوب انته ابو راهي وتشرط علينه فوك عملتك وسواد وجهك

أثير. سواد وجهي على شنو لان زوجت ليش كفرت يعني اعترف الطريقه غلط بس مامسوي شي حرام حتى استحي منه

جد.احجي كدام الكل وين لكيتهه وشلون زوجتهه

اثير.كتلك تريدني احجي معناتهه وحدنه

جد.واني كتلك احجي كدام الكل حتى لاتجبرني اخلي دمهه بطولهه هسه وكدام عينك

أثير. مااكدر احجي صعبه صدكني

جد.معناتهه انته جبتهه لنفسك تحمل نتيجة سكوتك هذا

راسا وجه المسدس على اثير وضغط على زناد دفعت اثير بسرعه لوره

رهف.اثيررررر لااااااا

مرح.ررررر هف لاجدوووو شسويت

حسيت بشي حار دخل جسمي مثل صيخ نار جنت لازمه اثير من صدره وكعت بعد ماادري شصار

................

مرح. وكعت رهف واثير تخبل مانعرف وين اجتهه طلقه جدو واكف بكل صلابه ولااهتزة منه شعره ماما وعمه سعاد ركضن عليهه بس اثير ماانطه مجال شالهه وطلع يركض بيهه لحكوا الكل اباوع جدو دخل شمر مسدس عمر على طبله ودخل لغرفته وجهه خالي من تعبير تمنيت اصرخ بوجهه واعاتبه واكله ليش جدو كتلتهه ليش قضيت على حياتهه بهاي طريقه بس بلا فائده ضلينه كاعدين شبعنه صريخ انوب فوك ضيم سحر داخت وكامت ترجف من وره صار ضلينه مكابليهه وكاعدين لاتخسر طفل كل شويه نتصل عليهم ومحد يرد مانعرف شنو حالتهه بلضبط بس يكولون ادعولهه واحنه شبيدنه غير دعاء اووف يارهف حظج وين نايم باطينه

....................

عمر.وصلنه للمستشفى اول ماوكفت اخذهه اثير ونزل يركض بيهه نزلت وراه وعفت قتيبه يصفط سياره اخذوهه من عده بطوارى كبل للعمليات لان شافوهه سابحه بدمهه ضلينه كاعدين باب العمليات اباوع على اخويه حاله يكسر الكلب ملابسه كلهه دم وعيونه حمرر ماادري من الاعصاب لو مدمعه على وضع مرته مرت ساعه كامله واحنه منتظرين محد بيهم طلع والكل ملتزم سكوت منتظرين نشوف شيكولون شويه ونفتح الباب طلعت ممرضه ركضنه كلنه عليهه

اثير.بشريني شنو الوضع

للاسف البقيه بحياتكم المريضه انطتكم عمرهه

اثير.لااااااااااا مستتتتحيل وخري من كدامي خل ادخل اشوفهه وخررررري

يااستاذ ممنوع صدكني هاي غرفة عمليات شلون تدخل

عمر.اثير اهدى الله يخليك هذا حد يومهه يخوي

اثير.لاتكوووول هيج ولك اصابتهه مو ميته مو ميييته بس هيه ماتتحمل واغمى عليهه

عمر.شلون مو ميته فهمني انته شفت مكان طلقه

قتيبه.خويه بلا زحمه بس اتاكديلنه من الاسم مال البنيه التوفت جوه

اي حاضر

ابوي.ها بويه شتريد سوي

قتيبه . لازم نتاكد من الاسم اول شي

ابوي.بويه اثير صلى على محمد انشاء الله يطلعون غلطانين

أثير.انشاء الله يوووم عمه كافي تبجن لخاطر الله

عمر.هاي طلعت البنيه

اخي مريضتكم اسمهه رهف عدنان

اثير برجفه وقلق . لاتكوليهه رحمه الاهلج

لااطمأن البنيه عايشه بس جاي يخيطولهه بلجرح وبعدهه نطلعهه للغرفه

أثير. اووووف

اباوع عليه شلون يفرك بوجهه بتوتر عرفته يريد يسيطر على نفسه لاتوكع دموعه عجيب سبحان الخله اثير هيج يتعلق بشخص بعد ماجان عايش حياته طول بعرض بقينه كاعدين لحد ما طلع دكتور وطمنه على وضعهه وكال حولوهه على غير غرفه رحنه كلنه نتراكض لكيناهه كاعده بس وجهه تعبان كلش اول ماشافتنه غمضت راسا محد لحك ينتبه عليهه غيرنه اني واثير .

..........................

رهف.كعدت على الم فضيع بجتفي جانت اكو ممرضه يمي سألته بخوف

ممكن سؤال

اي اسمعج

رهف.شنو محد اجه وياي يعني اني شلون وصلت لهنا

لاهواي اكو ناس وياج والاهم منهم زوجج خبص دنيا علينه خاصه اكو بنيه اشتبهت بأاسمج توفت قبل ساعه خطيه وبلغت عائلتج للاسف

رهف.وشنو جانت ردة فعلهم عفيه

هههههههه الكل اكتفى بلبجي بس زوجج عوزه شويه ويضرب الممرضه لمن تاكدة من الاسم ورجعت بلغتهم بسلامتج

رهف.زين عفيه تكدرين تنطيني شي يخفف هذا لاالم لان دااموت من الوجع والله

خليتلج المغذي هسه شويه ويبلش يخف الالم عندج ارتاحي لان راح يدخلون عائلتج

صدك بعدهه البنيه تحجي وانفتح الباب راسا غمضت مااريد اشوفهم اعرف بنفسي غلطانه بس ضلمهم اليه ماله حد بحيث ولاواحد منهم وجهه تهمه الاثير كلهه عليه بس اني الموخوش بنظرهم سمعت اثير سأل البنيه

أثير.خويه موكلتوا كعدت شو نايمه

اي كعدت وجانت تحجي وياي بس من اثر البنج ترجع تنام بسرعه

قتيبه.زين هسه وضعهه شنو ممكن تفهمينه

الاافضل تشوفون دكتور وهوه يشرحلكم حالتهه بلضبط

عمو. روحو بويه قتيبه انته واثير وشوفوا الدكتور شيكول بين ماتكعد

قتيبه. يلا كوم وياي

سمعت الباب نسد اكيد طلعوا مااعرف ليش اجاني احساس الخوف منهم كانوا عالم غربه عني ومااعرفهم فجاءة حسيت نفسي غريبه وسط وحوش مو اهل بقيت على هذا الوضع لحد ما رجعت غفيت مره ثانيه بدون مااحس ماادري شكد نمت حسيت على صوت عمه نوال تكعد بيه فتحت عيوني بثكل الم راسي موطبيعي اكو شي غلط كاعد يصير بس مابيه اتحرك حسيت باالم عطتت راسا عمه حطت ايدهه على حلكي عبالك جاي احلم والله اندفع الباب ودخل أثير اسمع صوته يحجي وياهن بس مجاي اركز رجعت نمت ماادري غبت عني الوعي والله مااعرف كعدت مره ثانيه بس هلمره لا صاحيه لكيت اثير وعمر والكل موجودين بس محد منهم انتبهه من كعدت ضليت صافنه عليهم عبالي حلم شفته قبل شويه بس هاي عمه نوال نفس لبسهه وكاعده تبجي ليش واثير معصب كلش ويهز برجله رفع راسه شافني كاعده اجه يركض ودنك عليه ماهتم لاي واحد بيهم

أثير.عمرري حمد الله على سلامتج شلونج هسه اكو شي يوجعج

رهف.راسي مأذيني كلش وو...

اثير.وشنو اليوجعج بعد احجي شبيج

رهف.لاماكو شي

دنك وهمس قريب على اذني كلش

أثير.عندج الم من جوه احجي لاتستحين حتى اشوفلج دكتوره بسرعه

رهف.بس هزيت راسي ماكدرت احجي زين هوه شمدري عندي وجع معقوله مو حلم شفته بس شنو شسوولي حتى عندي هيج وجع وخر من عندي وطلع بسرعه محد بيهم حجه وياي شويه واجه عمر وكف على راسي

عمر.حمدالله على سلامتج خوفتينه عليج

رهف.الله يسلمك

قتيبه. ولج طلعتي عزيزه على كلبي واني ماادري تخبلنه عليج من كالو ماتت

رهف.اكتفيت بابتسامه ماحجيت شي عمه نوال تباوع عليه وتبجي صراحه خفت شنو ممكن يكون صاير وياي عمه سعاد دايره وجهه حتى ماتباوع عليه وعمو مدنك مااكدر انكر حقهم الصار موشويه لابل كارثه شويه ودخل اثير وي دكتوره طلبت منهم يطلعون بس عمه ماقبلت هيه وعمه سعاد بقن يمي اجت كالت

د. شنو اليوجعج ماما

رهف. مااعرف بس احس بنغزات خفيفه مااعرف شنو سببهه

د. زين رخيلي نفسج خلي افحصج

رهف شنوو ليش تفحصين

د. شبيج ماما انتي مومزوجه عليش خايفه من الفحص

عمه سعاد. بعدهه عروس ومالحك ياخذهه صار الي صار

د. ياعيني الله يعينه لعد اكول شكله كله مكلوب بس لصراحه شخصيه وجمال مشايفه هيج نيالج بي

رهف.خزرتهه خزره شهل وقاحه هاي شلون تتغزل بي كدامي ولاستحت ولو هيه ماقاصره كتله من جمال خررب حظي للااسود حتى بلمستشفى لاحكني ضيم

د. ماكو شي حبيبتي هيه لان فحصوج قبل شويه وانتي بعدج بنيه صارت عندج هاي نغزات هسه تروح اتحملي شويه

رهف.فحص شنو

عمه نوال . مشكوره دكتوره تعبناج ويانه

د.لاشنو هذا الكلام هذا واجبي ماعندج غير العافيه حبيبتي

اول ماطلعت دكتوره سألت عمه

رهف.عمه شنو قصدهه عن اي فحص تحجون

عمه نوال. يمه اعذريني والله غصبا عليه سويت هيج كلنه نريد نرتاح من هاي المصيبه واولهم جدج

رهف.مافهمت شنو يعني

عمه سعاد. عمتج نوال جابت دكتوره فحصتج حتى نتاكد بنيه لو لا

رهف . صددددددك تحجوووون انتو يعني رغم كلشي صار سويتوهه وأرتاحيتوا هسه لو بعدكم

عمه نوال. يمه على كيفج وي روحج ستوج طالعه من الموت

رهف.ريتني ميته ولاهاي عملتكم

عمه.انتي هم لازم تقدرين وضعنه يمه ترى صار موشويه

اثير.ها شلونج هسه

رهف.!!

اثير.شكو شبيج بس لامأاذينهه احجي يمه شبيهه

عمه سعاد. لاتخاف ماماذياتهه بس صار عدهه وجع لان

أثير.كافي فهمتت لاتكملين وهسه شلونهه

عمه نوال. تكوول ترتاح شويه وبعدهه تكدرون طلعون

أثير. خير انشاء الله خل اطلع اكمل الاجراءت مال المستشفى حتى نطلع

طلع اثير درت وجهي عنهم وشبعت بجي اجذب اذا اكول نشفت دمعتي ولو دقيقه وحده رجعوا دخلو كلهم مسحت دموعي وضليت مدنكه راسي لحد ماكال عمو

عمو محسن. يلا بويه كومي ساعدوهه خل تكوم واحد منكم يجيبلهه كرسي خاف ماتكدر تمشي

عمر.رهف تكدرين تمشين لو دايخه

رهف.لااكدر

طلعنه صعدت بسيارة عمر بس اني واثير وياه وعمه نوال جنت حاطه راسي على الجامه لحد ماسمعت عمه سالت عمر

عمه. عمر وين رايح عمه هذا موطريق البيت

أثير.بس يوصلنه عمه وبعدهه يرجعج للبيت

عمه. ليش انتم وين رايحين

سكتت مارد عليهه رجعت كررت سؤال جاوبهه عمر

عمر. عمه اثير رايح لشقه مالته على مايهدى الوضع شويه

عمه.بس رهف تعبانه يطيك كلبك تعوفهه بعد ماشفنه لوعت كلبك عليهه بلمستسفى

اثير.لاعمه راح تجي وياي

عمه. ياااااا ولك يمه صلى على محمد شجاك ليش تطلع من البيت وتكبر السالفه اكثر من هيج

أثير. عمه بعد صار اليوم اني مالي كعده بلبيت بعد ولاراح اطبه

عمه.بس يمه رهف مريضه خليهه يمنه علمود نداريهه وانته ارتاح

اثير.اعذريني عمه بس رهف مكانهه يمي ومااعتقد اكو واحد بيكم خايف عليهه وراح تهتمون بيهه هاي اذا سمحلكم جدي دخلوهه للبيت لهذا سبب خلي مرتي يمي واني اداريهه

عمه.رهف ماتحجين كلمه عاجبج الحجي جاي يكوله اثير هيج راح تكبر سالفة صدكوني لاتعاندون

رهف.والله عمه لو ترجعوني لبيت امي احسن بهواي وتنسوني مثل ماكتلكم

عمه.شوووف ثانيه عود احجي وياهه ولكمم شبيكم تخبلتوا عمر ماتحجي انته وياهم.

عمر.مايفيد عمه وكع شعر على لساني واني اقنع بي بس هون قافل فد مره شسويله يعني قابل جاهل هوه وأجبره

اثير.عمر اوكف هنا هسه ارجع

عمر. وين رايح كول شتريد واني اجيبلك تريده

اثير.بس اوكف رحمه لموتاك مابيه حييل اناقش

بس وكف عمر نزل اثير مااعرف وين راح حتى ماباوعت وراه بقت عمه تحجي وي عمر علمود يقنع اثير بس جان مبين هوه عمر هم يريده يطلع هاي الفتره رجع اثير بيده علاليك شويه وصلنه وكف كدام عماره اجه بتجاهي نزلنه وضل لازم ايدي عمه نزلت ويانه وعمر هم صعدنه جانت بطابق رابع دخت كلش من المصعد اول ماطلعنه حسيت اختل توازني اثير لازم ايدي ضغطت عليهه حيل شافني شلون راحت روحي احتظني من يم خصري ودخلنه للشقه جانت تلمع لمع استغربت منو منظفهه اله هيج كعدنه على تخم بصاله اجت وخرت العباه مني وحطتلي اكل من جابه اثير طلع جايب عشه لفات كص ماكدرت اكل شكد حاولت وياي تالي بس ضكتهه شويه وخرتهه حطتلي مخده وتمددة على تخم وغطتني بعباتي كوه جبرتهم ياكلون على صامت محد بيهم حجه شي شويه ودك تلفون عمر نسمع هوسه وصايح يمه اشر لااثير بس هزله راسه مااعرف على شنو رجع عمر حجه وي قتيبه كاله قافل مايقبل يرجع سده منه وكال لعمه

عمر.يلا عمه كومي خلينه نروح

عمه.يااا شلون نعوفهم وحدهم والبت تعبانه روح انته ارتاح واني ابقى يمهم

عمر.بس جدي اكيد مايقبل ضلين شلون

عمه.كله مارضت تجي شيريد يكص راسي كافي البت جا ماتت من وراه وين يريد يوصل ابوي بعد

عمر.والله ماادري يعني هسه ماترحين

عمه.لامااعوفهه وحدهه وهيه بهاي الحاله

عمر . يلا جا صبحون على خير اني رايح وصبح انشاء الله امرلكم

أثير. وانته من اهله الله وياك

طلع عمر اجه اثير كال لعمه كوموا ارتاحو بوحده من الغرف

أثير. عمه كوموا دخلو جوه لاتنامون هنا

رهف . لااا اني ابقى هنا انتو روحوا ارتاحوا

عمه.لااني راح افرش هنا بلكاع وانام يمج روح انته ارتاح يمه نهد حيلك اليوم

أثير . خل اجيبلج فراش من جوه بس والله اريحلكم لو دخلون تنامون على جربايه

عمه.ماشوفهه معانده

أثير.اذا تبقى عليهه رب العناد هيه كومي عمه كدامي

دنك عليه وخر العباه وشالني وعمه ميته من ضحك بس استغربت ليش مااجت ورانه ضلت كاعده مكانهه رغم اثير كالهه تعاي ويانه فتح الباب ودفعه برجله حطني على جربايه تقززت ولعبت نفسي هوه باوع على وجهي النعقج

اثير.حياتي شبيج توجعتي يعني

رهف.مااريد انام هنا تلعب نفسي من المكان كله

أثير.ليش تلعب نفسج شو كله نضيف ويلمع

رهف.هنا المصيبه منو منظفهه وملمعهه هيج وو....

أثير . هههههههههه هااا فهمت يعني انتي عبالج هاي شقه جايب بيهه نسوان هل تلعب نفسج من المكان مو

رهف.اي تلعب نفسي

اثير.بس ماصارلي غير ساعه من اجرتهه وكلفت مصطفى دبرهه اليه وكتله اريدهه نظيفه علمودج يعني لاطابلهه كبل ولامصخم وجايب بيهه نسوان حتى تلعب نفسج من المكان

عمه.منين تلعب نفسهه

اثير.هههههههه تعاي اسمعي عبالهه اجيب بيهه نسوان وتلعب نفسهه من شقه

عمه.هههههههه عرفتهه من اول ماطبينه انكلب وجهه

أثير.هههه يلا اعوفكم ترتاحون نامي يلا ورتاحي كافي تفكير صار ويانه اليوم كلش كافي

عمه. الله كريم يمه تنحل انشاء الله ماكو شي يضل على حاله

اثير . ونعم بالله يلا اني بلغرفه البصفكم اي شي تحتاجوه بس صيحو عليه

عافنه وطلع جنت شايله هم لعمه من نبقى وحدنه بس ماحجت شي اجت نزعتني حجابي وساعدتني اتمدد وكعدت يمي من جهه ثانيه حطت ايدهه على راسي وكعدت تقره قراءن ماحسيت بنفسي شلون غفيت.

.......................

مرح.جنه كلنه منتظريهم على نار شويه ودخلو بابا وقتيبه وامي

سمر . ها بشرونه شلونهه رهف

قتيبه. لاالحمدالله جاوزت الخطر

مرح.وينهم شنو ماطلعوهه

ماما.لاجايين ورانه جدج وين

سمر. كاعد بلهول ديتابع اخبار

ابويه . لاحول ولا قوة إلا بالله العلي العظيم الله يعدي هل ليله على خير

دخلنه كلنه جوه جدو لاحجه ولاسال بس ساكت تاخرو كلش مرت ساعه كامله وهمه ماكو اتصل بيهم قتيبه جان يعيط بعمر

قتيبه.شنووو مايقبل يجي بكيفه هيه

ابوي.هاا شبي اخوك

قتيبه.ماخذ مرته ورايح مايرضه يرجع للبيت

ماما.ياااا وين راح والبت توهه طالعه من الموت وين اخذهه وراح

قتيبه. ماأجرله شقه للإيجار وهسه عمر وعمتي يمهم

ابوي.كوم وياي خل نجيبهم غصبا علي يرجع شنو بكيفه يقرر هذا الولد

جد.قتيبه خابر عمر خل يجيب عمتك ويجي ولاواحد يطلع منا خلوه شيريد يسوي خل يسوي لان اني مايشرفني استقبلهم بيتي ذوله ثنين بعد

قتيبه.جدي موهيج انته لحد الان مافهمت منهم شنو ضروفهم لو شنو جبرهم يسون هيج كبل حكمت عليهم لاتنسى جدي ذوله احفادك

جد.لامن اليوم لارهف ولااثير ينجاب طاريهم بهذا البيت تنسوهم

عمر.بس جدي هذا مو عدل ترى هوه ماكفر تبقى بت عمه وحافظ عليهه وزوجهه شصار لهذا كله المفروض تسمع منه اول شي

جد.ليش رجعت وحدك انته وين عمتك

عمر.ماقبلت تعوفهم بهذا وضعهم حالهم يصعب على الكافر جدي كافي اترجاك لاتقسى عليهم هيج

جد.عود افكر اخليهم يرجعون بس بشرط بلغوه بي اول شي واذا وافق ينفذ يلا يرجعون لهنا بس مااضن راح يوافق عموما اذا رفض ينسى هذا البيت وهاي العائله نهائيا

قتيبه. وشنو هذا شرط المبين تعجيزي من طريقة حجيك جدي

جد. اذا يريد يرجع للبيت لازم ينفذ ذني شرطين ولي هنه ............

.
.
.
.
.
.
.
.
.
.
.
.
يتبعععععع❤

هلو كليباتي شلونكم شخباركم

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني الحلوين 😘😘😘😘😘😘😘😘

راح اتركلكم الساحه وانتو توقعوا وانطو رئيكم بارت اليوم

(( بنات شكراا على تعليقات على بارت البارحه فعلا صعدتوا ولهذا سبب التزمت وياكم بتنزيل وسويتلكم بارت ومن وقت نزلت حتى تعرفون اني مااخلف بوعدي وياكم )))

واخيرا اتمنى تكونون استمتعتوا بلقراءة احبببكم هواي كليباتي.

بنات ارجع واكررر كل ماتصعدون البارت تصويت وتعليقات كل ماالتزم وياكم بتنزيل من وكت وبارت طويل لعيونكم الحلوه 💜💜

HAGR✍🏻