رواية ألضابط و المنقبه الفصل الخامس وثلاثون 35 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

.........................................

قّےـلَ لَرياح تاتي كيفما شاءت

فما عادت سفننا تشتهي شيئا 💔💔

Um t̀́ò́t̀́à́ ...................................

جد.عود افكر اخليهم يرجعون بس بشرط بلغوه بي اول شي واذا وافق ينفذ يلا يرجعون لهنا بس مااضن راح يوافق عموما اذا رفض ينسى هذا البيت وهاي العائله نهائيا

قتيبه. وشنو هذا شرط المبين تعجيزي من طريقة حجيك جدي

جد. اذا يريد يرجع للبيت لازم ينفذ ذني شرطين ولي هنه اول شي لازم يطلك رهف وشرط ثاني يعقد على بت خالته بنفس اليوم بهاي الحاله بس اسمحلهم يرجعون للبيت

عمر.شروطك مستحيله جدي اكيد مايوافق بعدين انته ليش تفرقهم بهاي طريقه حتى حرام عليك

جد.حرررام عليه موو وهمه مو حرام عليهم من سوونه مضحك سنه ونص همه ضامين علينه ومستغبينه شتريد اكثر من هيج بعد

قتيبه. بس رغم هلشي وبعد الشفته اليوم بلمستشفى اثير مستحيل يطلك

جد.معناتهه تبلغوه ماله رجعه لهذا البيت لاهوه ولاساقطه مالته

عمر.جدي رجاءا لاتلفظ هيج الفاظ بحق رهف ترى ماتستاهل والله

جد.وانته جاي تعلمني صح من الغلط

عمر.لالعفوا مو القصد بس رهف بت عمي ومرت اخوي اكيد مااريد اسمع عنهه هيج كلام

جد.انتهى الموضوع تبلغونه بكلامي واذا وافق تعالو كلولي واذا لا ممنوع واحد يجيب طاريهم بهذا البيت بعد

.............

سحر . عافنه وراح لغرفته خله الكل دخل بحالة صمت رهيب اله اني جنت الوب من المغص الصاير عندي لدرجه خايفه خاف طفل بي شي باوعت على عمر كعد وحط ايده على راسه محد بيهم حجه اي شي رحت كعدت يمه لازم اكله بس شلون هسه حتى ماكو دكتوره كاعده

سحر. عمر اكدر احجي وياك

عمر.شبيج شو مصوفره كلش

سحر.ماادري بس عندي مغص يروح ويرجع موتني

عمر.من شوكت هاي الاوجاع عندج

سحر.من وكت ماصارت الهوسه

عمر.كومي لبسي بسرعه خل نلحك على دكتوره

سحر.اكيد كامت هسه راح اصير بهدعش الساعه

عمر.اي اروحلهم للبيت يلا استعجلي

سحر.اي كايمه

عمه سعاد. هايمه شبيكم

عمر.بطنهه مأذيتهه راح اخذهه لدكتوره هسه

عمه.يمه اسم الله شجاج موجنتي مثل الورد

سحر.لاتخافين عمه هيج مغص بس يروح ويرجع

عمر. يلا اني طالع كدامج اتصل على مؤيد بلكي بعدهه مامعزله

عافنه وطلع حتى ماله حيل يناقش ابد رحت لبست واخذت اوراقي وياي وطلعت لكيته مدنك على سياره ويدخن اول ماشافني سحكهه برجله وصعد اخذنه كبل للعياده طلعت بعدهه نزلنه جانت اكو بنيه يمهه حاله طارئه بقينه ننتظر لحد مااجه سرانه اول مادخلنه كالت

د. يااهلا وسهلا تفضلو

عمر.اهلا بيج دكتوره شلونكم مؤيد شلونه

د. الحمد الله زين خيرج سحوره شو كلش تعبانه هيج اتفقنه احنه على كد ماوصيتج كلت هسه عمر يجيبهه اليه مفتحه مثل الورده

سحر.دكتوره والله اكل وعلاجي اخذه بنظام وملتزمه بس اليوم صار عندي مغص قوي تمددة علمود يخف شويه بس بلا فائده

د.زين تعاي اصعدي خل نجيك ونشوف مع انو المفروض تجين قبل الموعد المحدد بس ضاهر انتم مغلسين وضاربين كلامي عرض الحايط مو هيج عمر

عمر.اعذرينه والله نسينه اعتقد مؤيد بلغج بخطف اثير وشصار بينه لحد مارجع بسلامه

د. اي صح الحمدالله على سلامته والله ردنه نمرلكم بس ماصارت فرصه

عمر.لاشنو سالفه بس وكفت مؤيد ويانه كلش كافيه

د. هذا واجبنه بعدين خلينه يمعود شبيك على الأقل نردلك ولو جزء بسيط من سويته ويانه

عمر. ازعل عليج والله اذا حجيتي هيج انتي اختي وتستاهلين الواحد يوكفلج

د.ههههههههه ادري الحجي وياك ضايع لان انته مقتنع وخلص

عمر.ههههههههه اذا تدرين ليش كل مره تفتحين الموضوع وماتحصلين غير نفس جواب

د. لابعد توبه ماافتح الموضوع وياك وهسه خلينه نشوف البطل زغيرون شلون صار

كمت وياهه بدون ماانطق بحرف صح خايفه على طفلي بس بالي كله يم رهف شنو ممكن يكون صاير بيهه سوتلي سونار هلمره حجت وهيه بعدهه تفحص

د. سحر صاير وياج شي اليوم يعني اقصد شايله ثكل متحركه حركه زايده شنو بلضبط

سحر.لاابدا دكتوره ماكو هيج شي اصلا اني اربعه وعشرين ساعه نايمه على ضهري

د. وين شتفسريلي هذا تعبج انتي وطفل شنو معناتهه

عمر.اليوم صارة عدنه مشكله بلبيت وهيه تعبت لان جانت حاضره كلشي

د. بس ميصير هشكل عمر اني بلغتك قبل يومين من جنت يمنه كتلك ابعدهه عن توتر قدر الامكان تكوم تحطهه بنص المشاكل

عمر. شسوي يعني هيه موجوده بلبيت وصار الي صار بعد الله وكيلج مالحكت اشوف دربي مو ادور افكر بهاي شغلات

د. اذن انته بهذا حجيك جاي ضحي بطفلك

سحر.ليش دكتوره يعني زاد الخطر علي

د.اي طبعا اني بلغتكم حالتج تختلف عن بقية الحوامل اكو بيهن ياكلن كتل من ازواجهن وميصيرلهن شي بس انتي حالتج استثنائيه حملج خطر او الاصح خفيف يعني بعده مثابت اقل توتر ممكن يأثر عليج فأذا تردين تحافضين علي معناتهه تبتعدين عن اي شي يسببلج توتر وقلق نفسي لحد مادخلين بشهر رابع ويثبت طفل بطنج ساعتهه نحدد حالتج بس حاليا اذا مامشيتي على الكلام الكلته الج معناهه لااسف احتمال كلش جبير انو يوكع الطفل وهسه كومي على كيفج موبسرعه والااكلج تعال عيني نزلهه من سديه مو بس تتفرج

عمر.ههههههههه انزلهه ليش لا يلا حياتي تعاي

فد استحيت من الموقف كله اجه شالني كدامهه وعدل ملابسي وحط ايده مسح على بطني على سريع حسيت خايفه نفس خوفي ورجفت كلبي سبحان اليزرع حب طفل بكلب اهله كبل ولادة بأاشهر

عمر.هسه هم يحتاج تغيريلهه العلاج

د. لاماكو داعي بس علاجهه الوحيد الراحه وعدم تفكير وتوتر من اي شي حتى ابسط الأشياء والاهم منهن عمر لاتنسى شكتلك ذاك اليوم

عمر.لاماناسي يمعوده بس خل تكوم بسلامه مارايد شي ثاني والله

د. ههههه لاتخاف دير بالك عليهه وهيه تكوم بسلامه انشاء هيه والبطل مالتهه

عمر وسحر.انشاء الله

طلعنه من يمهه بعدما ترخص من عدهه عمر صعدنه بسياره ثنينه ساكتين كل واحد حاير بهم شكل حجيت بهدوء

سحر.عمر شنو حالة رهف هسه

عمر.اتصلت على اثير يكول نامت

سحر.يعني وضعهه زين مابيهه خطوره

عمر.وتتوقعين اذا بيهه خطوره نطلعهه من المستشفى

سحر.اووف والله ماادري صار ويانه اليوم عبالك جاي نحظر مسلسل والله شي فوك الخيال

عمر.ريحي بالج ولاتفكرين بشي اهم شي حاليا عندي سلامتكم انتم وبس

سحر.عمر اسفه لان هبطتك بهليل بس والله خفت من المغص وفعلا سمعت كلام دكتوره

عمر.منا وجاي حتى جوه ماتنزلين بعد تبقين بلغرفه لو يحترك البيت هم ماطلعين من غرفتج ولاتهتمين لليصير بلبيت وداعتج كلهه جم يوم وينحل الموضوع من اساسه

سحر.ياريت والله اتمنى هذا شي اليوم كبل باجر

عمر.تنحل صدكي لاشيلين هم

سحر.زين سؤال اخير بس

عمر.هههههههه احجي شنوه

سحر.جدو ليش فرض هيج شروط على اثير

عمر.لان متاكد أثير مايوافق راح يستغل هاي نقطه لصالحه كدام الكل يكون هوه الراد يسامحه بس اثير رفض

سحر . والله مااعرف تصدك متفاجئه من جدو اول مره اشوفه هيج بهاي العصبيه والجبروت

عمر.هوه هذا جدي من يوم يومه هيج يحب يخلي الكل تحت سيطرته ومحد يطلع عن شوره

سحر. عمرر اوكف بسرعه الله عليك

عمر.خير ياستار شبيج

سحر.اريد موطه ام الككو حباب بسرعه

عمر.ههههههههههههههههه صدك تحجين سحر وكعتي كلبي والله

سحر.دستعجل جيبهه ولاحكين على سوالف يلا عمر شبيك تضحك فضهه

عمر . تعاي انزلي وياي خل نكعد هنا ناكل

سحر.صدك والله انزل وياك عادي

عمر . طبعا عادي يلا

نزلنه كعدنه طلب عمر حجم عائلي كال حتى شبعين بس ميت من ضحك ماادري على شنو اني عقلي جان قافل اهم شي عندي حاليا الموطه اول ماجابوهه نزلت عليهه دوسه ونص لحد ماخلصتهه شلت راسي لكيت عمر صافن عليه فد موقف محرج مدلي كلنس ومسح شفتي بيهه

عمر.تردين بعد اطلبلج

سحر.لا وين احطهه بعد هاي هيه تمام احتمال بعد سنه لكدام مااكل موطه على هاي الاكلتهه اليوم

عمر . مااصور يلا كومي تاخر الوكت هسه يضل بالهم

دفع الحساب وطلعنه من صعدة انطاني علاكه حطيتهه يمي انتبهت عليهه نفس طلبناهه قبل شويه احتمال الاهله وصلنه للبيت جان الكل بغرفهم لان ساعه عبرت الثنعش احنه هم صعدنه دخلت للحمام بدلت وطلعت لبست دشداشه قصيره وبدون ردن لان حاره كلش واني انصمطت بلتراكات ودنيا حاره كلت خل البسهه بعد عليمن مأمنه مايكدر يسوي شي يخاف على طفل طلعت لكيته نايم على وجهه حتى هدومه نازعهن على جهه ثانيه وغافي مبين علي كلش تعبان واني جملتهه عليه صارلنه شكد بره شلت هدومه علكتهن تعاجزت اغسلهن بليل خليتهن لصبح رحت اشرب مي بس فتحت الثلاجه انتبهت الموطه موجوده معناتهه جايبهه النه همزين واني ردت اكله اخذنه من عدهه واستحيت طفيت ضوه وتمددة يمه اريد انام كل عاده يسحبني لحظنه يلا بس هلمره بعدني كاعده وهوه يدري بيه حظني من ضهري وحط ايده على بطني ونام ماحجيت ويا شي لان مبين تعبان والبي كافي اني هم استسلمت لنوم وغفيت بسرعه بحظنه .

............................

مرح.ثاني يوم العصر طلبنه من عمر ياخذنه لرهف هوه ماكال شي بس ينام شويه كال من اكعد اخذجن دخلت للغرفه اخذت جهازي ودزيت لوسام رساله خمس دقايق ورد عليه

💌 حبيبي وين انته .

💌 موجود بالاستقبال بيج شي

💌 اي اريد اروح لرهف شوي بعد ياخذنه عمر وكلت انطيك خبر

💌 زين تعاي خل اشوفج ليش تراسلين

💌 مو جدو كاعد بلهول شلون اجيك

💌 ماشي شوفي اني راح انتظركم بره من يطلع عمر انتي تعالي وياه ونروح سوه

💌 يعني انته هم تروح ويانه

💌 اكيد اريد اشوفهم ولاتنسين الولده هناك اريد اشوفهه شوكت نرجع

💌 وين ترجع

💌 لازم ارجع لااربيل عمري عندي شغل مكوم هناك

💌 ماشي على راحتك

💌 ماشي حبيبي احسبي حسابج مناك نطلع نتعشا بره استأذنت من خالي وهسه احجي وي شباب

💌 تمام مثل ماتريد يلا خل الحك اجهز نفسي لاينزل عمر

💌 تمام يروحي الله وياج 💋

ضحكت على سمايل دزه يربي ولاجان هيج هذا شبي طالعه عينه كلش التهيت احظر بملابسي لان راح نطلع وحدنه بليل وسمر نامت كالت عود الف الحجاب واكمل نومتي بسياره على مانوصل هاي البت خبله وماصيرلهه جاره لاوالله .

...........................

رهف.كعدت الصبح مالكيت عمه يمي كمت على كيف بس كوه مسيطره على نفسي طلعت لكيتهه بلمطبخ

عمه.هايمه كعدتي شلونج اليوم

رهف . الحمد لله عمه احسن شويه

عمه . دتعاي اكعدي خل اسويلج ريوك

رهف.انته شدسوين

عمه.عود ردت اسوي غدى تالي مالكيت شي ينطبخ هيج يلزم كلبج شويه خابرت على اثير يكول اجيب جاهز لاتسون شي

رهف.ليش اثير وين طالع يعني

عمه. اي طلع لدوامه من صبح

رهف.هاا اكول عمه بيش ساعه هسه

عمه.راح يأذن ضهر يمه مابقى شي

رهف.شنووو ليش خليتيني نايمه هلكد جان كعدتيني احسن ماتبقين وحدج

عمه.والله ردت اكعدج بس كلبي مااطاني من شفتج شلون نايمه

رهف.عمه انتي ليش هيج يعني المفروض هسه زعلانه عليه مو العكس

عمه.شوفي يمه ماانكر ماضجت منج بس من شفتج بهاي الحاله ودمج تارس الكاع ضاع الحجي كله وضلت بس صورة البنيه الانولدت على ايدي كدام عيني

رهف.عمه والله اني موهيج انتو فاهمين الموضوع كله غلط

عمه.لاتبجين يمه اثير سولفلي كلشي وكلي امرج الله وهوه يسهلهه عليكم انشاء الله

رهف.معقوله سولفلج

عمه.اثير من يوم يومه مايضم عليه شي بس هلمره لان جان حاسب حساب لجده وعمامه ماجان متوقع جدج يتخبل علينه هيج

رهف.عمه ساعديني فدوه اني احس نفسي جاي اموت على بطيئ ومابيدي شي اسوي

عمه.شنو تردي اني وياح يمه بس كولي

رهف.عمه اني اريد اطلك من اثير

عمه.ياااا صخام ولجج ليش

طفرت من سمعت صوته ماحسينه علي من دخل

اثير.شتردين خاتون ليش هيه بكيفج يعني

عمه.يمه على كيفك وياهه موهيج

اثير.لاهيج ونص سمعي لجج اذا جبتي طاري طلاك على لسانج مره ثانيه وكلتي ارجع اخدم بلبيوت راح شوفين مني شي مايعجبج اله انسيج حليب امج فهمتي لو لا

رهف.لامافهمت انته لازم تفهم ومن البدايه هم احنه طريقنه مسدود ومامنه رجعه لاتتوقع اكدر انسى الصار وارجع اتصرف بشكل طبيعي

أثير.ليش اني ناسي حتى حظرت جنابج تنسين

رهف.انته فاهم قصدي زين كتلك بيومهه وارجع اعيدهه عليك احنه أنتهينه اثير انتهينه كبل لاحتى نبدي

أثير.عممممه اخذيههه مني وجهي مااريد اسوي شي اندم علي

عمه.كومي يمه وياي شجاكم صدك جذب صلوا على محمد يايمه واذكرو الله

اثير.لااله الا الله وتالي اني وي لسانج هذا انتي ماجوزين يعني الى متى نبقى نعيد ونسقل بنفس الموضوع

رهف.اني داخله انام تعبانه عن اذنكم

عمه.يمه دتريكي اتغدي شلون تبقين بلا اكل

رهف.مااشتهي عمه الله يخليج لاضغطين عليه

اثير.اكعدي أكلي وراج علاج حتى طيبين وتوكفين على حيلج عمتي ماباقيه يمج دوم تخدم بيج

عمه.ياا عيوني الهه بس خل اطيب

اثير.واني اريدهه هيه تستلم الشقه وكل طلباتي مو انتي عمه

عمه.براحتك يمه هيه مريتك بعد واكيد ماتعارضك احنه ماندخل

اثير.خابرني عمر راح يجيب البنات ويجي شوي بعد خلونه نتغدى كبل الهوسه

عمه.يلا هاي بس خل احطه بمواعين مدامكم كاعدين

اثير.بس خل اغسل وارجع

راح غسل واجه وعمه حطت الاكل جبروني اكل اكلوا كلبي منا لمن خلصت كمت على كيف للحمام بلكوه سيطرت بسبب ايدي لان لابسه مال المتن طلعت اغسل بلمغاسل الخارجيه رفعت راسي لكيت أثير واكف وراي حظني من وره ومد ايده حط بيهه صابون وغسل ايده ويباوع عليه بلمرايه الكدامنه كام يشيل مي ويمسح على وجهي على كيف وركبتي سد المي وفرني علي نشف وجهي جان يسوي كلشي بهدوء رفع شعري رجعه لوره لان واكع على وجهي ضل صافن بعيوني

رهف.اثير عوفني

أثير.اششش كافي يعمري لاتحجين شي وعد عليه راح انسيج كل حرف كلته بحقج وبدون قصد مني والله بس جان دافع منه اشوف ردت فعلج لان اني مادايملج رهف ردت اعلمج دافعين عن نفسج

رهف.بس انته جرحتني واذيتني بحجيك والله مثل سجينه من يغرسوهه بنص كلبك بعدين يحركون بيهه

أثير.اعرف ولاتصورين اقبل ينحجي حرف واحد بحقج حبيبتي ومريتي الاخذت حيلي البارحه من وكعت بحظني سابحه بدمهه لجج والله ندليت مكان كلبي بساعتهه من كدما خفت عليج

رهف.ماجنت متصوره راح توصل بي لهدرجه هاي

اثير.عوفج من الحجي انتي تعبانه يلا تعاي ارتاحي شويه بين مايجن البنات

رهف.تكدر تتصل عليهن قبل لايجن

اثير.تردين شي

رهف.اي لعبت نفسي من ملابسي كلهه ريحة دم وديتول اريد ابدلهن

أثير . روحي تلكين بغرفتي هدوم الج جبتهن واستحيت من عمتي اجيبهن كدامها

رهف.اي همزين خل اروح ابدل

اثير.تردين اساعدج خاف ماتكدرين

رهف.لاتسلم ماتقصر اني ادبر نفسي لو اصيح لعمه

اثير.خو اني اوله ليش عمه تساعدج

رهف.اثير عيب لاسمعك يلا روح يمهه

اثير.اي رايح بس والله طلعت عمتي تفهم بلذوق ولااجة يمنه عايفتنه براحتنه

رهف.هههههههه قصدك عايفتك براحتك

اثير.لاويين ماخذ راحتي لو ما هيه جا هسه انتي نايمه بحظني و بغرفتنا مو كلمن غرفته

رهف.اثيررر كافي لاسمعك عفيه ولاتنسى ترى بعدني ماسامحتك على كلامك حتى انام يمك

اثير . سامحيني يروحي هاي اني كاعدلج كعده هنا منا لمن سامحيني

رهف. دخل اروح للغرفه تعبت من الوكفه والله

بس حجيت مااحس اله دنك عليه وطبع بوسه بركبتي مكان نبض ودار وجهه وراح حتى ماباوع عليه رحت للغرفه لكيت جيس جبير على جربايه اخذته بي ملابس راسا اخذتهن وطلعت من الغرفه ماامن بي هسه يرجع رحت للغرفه فتحتهن جان جايب تراكات ثنين سود همزين طلعت واحد لبست البجامه اريد اطلع القميص مالته وكعن الملابس الداخليه جايبلي داخليات رفعتهن نفس قياسي بلضبط خرررب يومك أثير شلون عرف قياسي احس روحي صخنت من الخجل بلكوه كدرت ابدل فتحت شعري علمود اعدله بعد مااسيطر علي بأيد وحده عفته مفتوح بس سرحته طلعت لعمه كاعده هيه واثير بصاله

عمه.ياعيني شنو هل جمال هذا

رهف.ههه عمه بس شعري مداكدر اسيطر علي بس لفي اليه

عمه.تعاي اضفره الج مواحسن لو بس أشيله

رهف.بكيفج انتي

حجيت هيج وكعدت يمهه ضلت سرح بي لان ماسويته زين رفعت راسي اثير نايم على تخم وحاط ايده على عيونه ضليت صافنه علي فجاءة وخر ايده باوع عليه غمزلي ورجع نام دنكت راسي لاشوفنه عمه سوتلي عمه شعري شويه وسمعنه الباب تندك طفر اثير على صوت كام فتح الباب دخلوا عمر وسام والبنات جان شال عمه مكانهه اخذته وخليته على راسي اجن البنات يتراكضن عليه

مرح.سودده عليه فوفه شلونج

رهف.الحمدالله يروحي احسن هسه

سمر . اووف شلونهه ايدج خو ماتأذيج

رهف.اي شويه موكلش يعني على كد العلاج

سمر.الله يساعدج اهم شي طلعتي سلامات يروحي

سحر. رهوفه حمد الله على سلامتج شلونج

رهف. الحمد الله انتي شلونج شو تعبانه

سحر. لامابيه شي بس من طريق لان حاره

عمر.ها شلونج اليوم

وسام.جاي تاخذين علاجج

رهف.الحمدالله احسن شويه اي اخذته قبل شويه

عمه. هايمه شني الاخبار هناك بلبيت

عمر.والله عمه الكل باله يم رهف بس جدي حط شرطين لااثير ولازم يسمعهن ويردله جواب

اثير.ولي هنه شنو هاي شروط

وسام.عمر اجلهه هسه موكتهه

عمر.لازم يعرف حتى يفكر زين وبعدين يشوف شيسوي

اثير.احجي شنو الموضوع

عمر.الشرط الاول اطلك رهف وثاني بنفس اليوم تعقد على سوزان بهاي الحاله بس مسموحلكم ترجعون للبيت

اثير.ههههههه تدري جنت متوقع هذا شي

رهف.!!!!

وسام. هسه شراح سوي خو ماتبقى كاعده هنا طول العمر

اثير .وشكو بيهه هاي انتم موجودين وتجونه يعني مراح تكطعون عنه

عمر.افهم منك ماراح ترضخ لجدي

اثير.لا لااتنازل عن مرتي ولااريد غيرهه بحياتي واعتقد سواه جدي لهنا وكافي

رهف.اثير بس

اثير رفع تك حاجب . بعدين نتناقش عوفي سالفه هسه

سكتت عرفته مايريد احجي كدامهم همه هم غلسوا بعد ضلينه كاعدين ماكدرت اكعد وي البنات وحدنه راح أثير جاب ببسي وكيك كامت مرح رتبته وجابته الهم صار المغرب واحنه على نفس الكعده مواضيع عامه مافتحوا بعد موضوع جدو لحد ماكال عمر

عمر.يلا ترحن تباتن هنا

عمه.المن موجهه كلامك حدد

عمر.لمرح وسمر وانتي

وسام . ومرتك

عمر.لاهاي اكيد وياي ها شنو كلتن

وسام.اني اريد اخذ مرح نطلع نتعشا بره بعد اذنكم طبعا

اثير.لاتطلب اذن من واحد بعد هيه مرتك حط ايدك بيدهه واخذهه واطلع تعود هيج احسلك

عمر. تعلم من اثير حتى جدي يلزمك الباب الحمدالله اني عرست كبل لاتطلع هاي الانجازات مال جدي

وسام. هههههههههه مسيطر هنيالك عمي

اثير.والله اذا راد يكلب عليك لو مخلف هم ماتكدرله

عمر.هههههههه يلا منتظر مصطفى راح يمر عليه

اثير.راح طلعون

عمر.اي وانته ماتجي ويانه اليوم

اثير.لاوين مااكدر اعوفهم وحدهم كلشي يصير

عمه.اطلع يمه لاشيل هم اني هنا

وسام.يعني اليوم هم تبقين هنا

عمه.اي مااكدر اعوفهم وهيه ميه ماتكدر تجيب لروحهه

اثير.تعبانج عمه بس والله بدونج جان تبهذلنه

عمر بخبث . متاكد تتبهذل خويه

أثير.كافي لك مو البنات كاعدات

عمر.ههههه يلا فضني كومن

طلعوا بعدما سلمن عليه البنات وراحن بقينه اني وعمه لان اثير طلع وياهم كمت تمددة لان احس راسي راح ينفجر من الالم .

.....................

سمر.طلعنه من يمهم بسياره طلعت تلفوني لكيت مسج من مصطفى لان اني دزيتله قبل لااطلع وبلغته رايحه لرهف

💌 هاا رجعتوا بعدكم

💌 اي راجعين بلطريق

💌 ماشي اني هم راح اوصلكم بعد شويه اريد انطيج شغله مودخلين بسرعه

💌 ماشي

سديته منه وصدك اول ماوصلنه هوه وكف نزلنه سوه انتبة علي جان لابس بنطرون اسود وتشيرت ابيض وحذاء سبورت والنضارات عود شنو معناتهه لابسهن بليل شهل فيكه هاي عود خو العطر تارس المكان سلم على عمر ودخلنه اني وسحر بس بقينه بلباب اجه هوه وعمر دخلو سوه بس بلكراج واكفين

عمر.ها تردين اجيبلج شي

سحر.لا ألاريده موجوده بثلاجه هههه

عمر.خوش ديري بالج على نفسج يلا ولك لطشت شني

مصطفى. هسه شفتي فتحت حلكي ونطقت حتى لطشت

عمر . هم عوزهه تحجي كدامي يلا امشينا

مصطفى. اي مو بكيفك هيه

عمر.غير اختي ولك شو ماخذ راحتك انته

مصطفى. مو بس اختك ومرتي هم لاتنسى هم

اياد.منو هاي مرتك انته منو مصطفى

التفتنه كلنه على صوت اياد جان لازم جنطته بأيده ستوه راجع مااعرف ليش خفت من شفت نضراته كلهه لهفه اليه اول مره اشوفه يباوعلي هيج جنت قريبه على مصطفى راسا نزلت راسي علمود اضيع السالفه راحله عمر وسحر استقبلوه همست بهدوء

سمر.شنو ردت مني كلت لادخلين بسرعه

مصطفى. لابس ردت اشوفج مشتاقلج

فتحت عيوني بصدمه عليه

مصطفى. هههههه شبيج مامصدكه شنو

سمر . لاليش ماصدك اكيد تشتاقلي ليش اني اكو واحد مايشتاقلي

مصطفى. هههههه شهل ثقه هاي عمي مطورين

سمر.نعجبك احنه باشا

مصطفى. ههههههههه وانتي تخلين بيهه باشا اذا تخلين الشياطين تكمز كدامي

سمر.هاي اني موو

عمر. هاااا ولك صدك انته ماتحترم

مصطفى. تسكت لو ازلغلك واير هسه وخليك حاير بضيمك ههههههههههه

اياد.اكدر اعرف جاي يصير هنا

عمر.ها مو انته ماتدري مصطفى خطب سمر وصارلهم جم يوم من كطعوا مهر

اياد.شنووووووووو شهل خررررط هذا انتو بكيفكم تطونهه

مصطفى. شنو معناته هذا حجيك بالله

اياد.معناتهه مالك مره يمنه بت عمي الي وماصير لغيري

.
.
.
.
.
.
.
.
.
.
يتبعععععع❤

هلو كليباتي شلونكم شخباركم

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني الحلوين 😘😘😘😘😘😘

حبايبي اعتذر عن تأخير بس صارلي ضرف اتمنى تعذروني

توقعاتكم للبارت القادم حبايبي والاهم رئيكم بارت اليوم خلونه نشوف شنو اكثر شي عجبكم

شكرا حبايبي على تصويتكم وتعلييقاتكم على بارت البارحه متصورون شلون فرحتوني من شفتكم شلون مصعدين البارت ولهذا سبب التزمت وياكم اني وعدتكم كل ماتصعدون البارت كل ما التزم وياكم بتنزيل وبارت طويل

واخيرا اتمنى تكونون استمتعتوا بلقراءة احبببكم هواي كليباتي.

(((( لاتنسووون تصوتون وتعلقون حبايبي )))

HAGR✍🏻