رواية ألضابط و المنقبه الفصل الثالث والعشرون 23 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

(ألظابط و المنقبه )

أتمنالكم قراءة ممتعه حبايبي ❤

             ..........................................

مرح.طلعنه كلنه نركض على صوت الصريخ مال سمر لكينه رهف واكعه بلكاع  وكاطعه نفس تخبلنه عليهه ركضلهه جدو وبابا وعمو وقتيبه حطهه بحظنه ويذب عليهه مي بس هيه لاحياة لمن تنادي شبعنه بجي عليهه طلعت جاي تشكل الراس مال الماطور بنقطة الكهرباء ولان مبلله راسا نتلت وكعت  اجه اثير يركض والخوف مبين بو جهه عليهه ضل يضرب بيهه راشديات وهم ماكو فايده سحبهه من حظن قتيبه و شالهه وعاط بأياد

أثير .لاضل واكف شغل سياره بسرعه اررركض

اخذوهه وركضوا كلهم بيهه للمستشفى وسام طلع وراهم جلبت بي عمه نوال كتلهه اروح  وياكم وماما هم راحت لبست على سريع ورحنه طريق كله ماعدنه غير الدموع وصلنه لكيناهم كلهم واكفين بره رحت ركض لااثير همست على كيف

مرح.أثير شكالولكم شنو وضعهه

أثير.ماندري محد طلع لسه

مرح.انته بيك شي ليش هيج ترجف عفيه لاتخوفني عليك

أثير.مرح ادعيلهه مااريد اخسرهه لجج مرح صارت روحي بيهه ورح عمي

مرح. عفيه اثير انتبهه ترى الكل موجود يمك لاينتبهون عليك

أثير.  اصلا من اخذوهه مني كتلهم مرتي

مرح. يااااااا عزززه صدك تحجي

أثير.مايهمني العالم كله بس اريد اطمأن عليهه والباقي كله تافهه بلنسبه اليه

مرح.انشاء الله ماكو شي

أثير.انشاء الله

بعدهه طلع الدكتور الكل ركضله

د.البنيه متعرضه لصعقه كهربائيه قويه سببتلهه خفقان بلقلب وماتحملت لهذا سبب فقدت وعيهه يؤسفني ابلغكم انو كلبهه كلش تعبان

أثير.شنوووووو يعني تعبان وانتو شنو شغلكم هنا مو مهمتكم تنقذون ارواح البشر

قتيبه.اثيررر اهدء مو هيج

أثير.سوي شي لاتبقى تباوع عليه اذا صار عليهه شي احاكمك قانونيا افتهمت

د.يااستاذ احنه سوينه العلينه والباقي على الله انتو ادعولهه

أثير.لاتكلللييييي هييييج كتلك انقذهه وبسسسس لاوالله لاتحلم تطلع منا على رجليك

د.حاضر راح نحاول نرجع الكلب لوضعه الطبيعي انشاء الله راح تكون زوجتك بخير

أثير. غير هذا الحجي مااريد لاتطلعلي بعد منا لمن تكعد

دكتور هز راسه ورجع دخل جوه الكل يباوع علي بصدمه وهوه ولاكانوا رجع كعد على كرسي شال راسه كلهم عينهم علي كالهم

أثير. هااا شكووو

جد.انته كتلهم زوجتك مو .

بابا . شدعوه محروك دمك هيج اثير انته جاي تلعب من ورانه

أثير.وشوفون وكت هذا الكلام يعني البنيه جاي تموت انتو حايرين بهاي سوالف  وين جنتوا عنهه وشنو سبب اكو واحد بيكم سأل عنهه اهتم لاامرهه  لو مخلينهه مثل الفلبينيه عدكم اهم شي تخدم وبس

جد.وانته شنو علاقتك بهذا كله

عمه نوال.يمعودين موكت هذا الحجي العالم تباوع علينه خل تعيش هيه وهذا الحجي اسهل منه ماكو

مرح.الكل سكت بعد كلام عمه بس جدو يخزر بأثير خزر ردت احجي وياه بس معصب كلش شكله يخوف صار فد مره بقينه اربع ساعات على هاي الحاله طلع دكتور واجه راسا وكف كدام اثير مجاهل وجود الناس الكبار طبعا يجي غير خلاه مايندل دربه من رزايل الاكلهه

د. حمد الله على سلامتهه زوجتك استاذ كدرنه نرجع دكات كلبهه للوضع الطبيعي تكدر تتفضل تشوفهه احنه حولناهه لغرفه خاصه

أثير.مشكور دكتور واتمنى تعذرني لان عليت صوتي عليك

د. لاعادي هذا من خوفك على مريضتك بعد ساعه راح نرجع نجيك وضعهه اذا يسمح تطلعوهه

أثير.شكد رقم الغرفه

د. الطابق الثالث غرفه ١٤

أثير . شكرا دكتور  واعتذر مره ثانيه

د. لالعفوا وحمد الله على سلامتهه مره ثانيه

أثير.شكو تباوعون عليه ماتردون شوفوهه

جد.الي كعده وياك كلش مامرتاح لسوالفك هاي

مرح.اثير غلس مارد على جدي رحنه كلنه لغرفتهه بس اثير بقى بره اجاه تلفون  دخلنه لكيناهه كاعده بس تباوع  علينه حجينه وياهه كلنه وهيه صافنه بلفراغ وماتحجي اي شي

عمه نوال.اكلكم شبيهه البنيه شو متخورسه كلش

جد.بويه رهف سمعينه

بابا.جاي تسمعنه بس ماتحجي لان اي واحد يحجي وياهه جاي دير وجهه علي بس ماتنطق

قتيبه . خل نشوف دكتور

ماما.رهوفه ماما احجي شي

مرح.الكل حاول وياهه بس هيه ماكو جامده جنهه بنص غربه أنفتح الباب وتعلكت عيونهه على باب الغرفه دخل اثير يباوع بلوجوهه لان كلهه خايفه عليهه هيه عينهه علي باوع عليه تقرب حاجاهه بس واكف يم جدو

أثير.حمدالله على سلامتج رهف

رهف.نزلت دمعتها

عمه . هاي دمعت عيونهه يعني استجابة ويانه

أثير.ليش شكو شبيهه

ماما.ماتنطق صار ساعه نحجي وياهه مانطقت بحرف واحد

أثير.خل نشوف دكتور يجي يشوفهه شبيهه

جد.لا انته احجي وياهه اول شي

اثير.اني ليش ؟؟؟

جد.احجي وياهه بويه ضاهر بس انته تأمن بيك لمن شافتك يلا رجع دم لوجهه

أثير.شنو هذا الحجي جدي حتى اني ماردت عليه من حجيت وياهه  وحد عنكم

جد.احجي وياهه بويه تعالو خل نطلع ونعوفهم وحدهم

رهف جانت دور بعيونهه بلغرفه فجاءة تعلكت عيونهه على سكف وابتسمت رفعت اديهه مدتهن لفوك الكل جان يباوعلهه بصدمه هاي شبيهه همست بهدوء واشرت على اثير خرررب يومج رهف اصحي عاد راح تفضح نفسهه هاي البت اثير وجهه كام ينطي الوان وصافن عليهه

رهف.أثيرر تعال كلهم اني اريدهم الهم مو انته هوه مايقتنع يكول بعد اثير ابوج مو اني

ركض اثير وكف يمهه مدنك عليهه ويحجي وياهه بهدوء

اثير.رهف شبيج منو هذا رهف ركزي وياي شويه انتي ويامن تحجين

رهف.والله هو هذا بابا كوله خل ياخذني وياه اثير الله عليك كوله اني اريدهم اني محد يحبني غيرهم  همه ليش عافوني ويتموني خل ياخذوني وياهم

ماما وعمه .شبعن بجي وياها

أثير.زين سمعيني وينه هوه يشوفني هسه مو لو راح

رهف. لاهذا واكف وكاعد يباوعلك ويضحك شوفه

أثير.معناتهه كليله لاتخاف عليه اثير يمي واني بأمان يمه

رهف.بسسس اني اريدددهم همه اريد بابا وماما  مو انته اني اريدددددهم

أثير.بس كليله هيج علمود مايزعل منج انتي ترضين ابوج يزعل عليج ويتعذب من وراج

رهف.لااااا اني احبهم مااريدهم يتعذبون بس اريد يمهم

أثير. معناتهه سمعي كلامي رهف من شوكت تعانديني من احجي وياج هههه لو لان شفتي ابوج

رهف.بس همه يحبوني اذا جذبت عليهم بعد مايجوني حتى بلحلم عبالهم اني بخير ومايجون بعد

أثير.وانتي مو بخير رهف وتردينهم يمج

رهف.اي اريدهم انته حاجيهم همه يباوعون بس عليك انته والله مايشوفون واحد بس انته يباوعولك حتى اني ميباوعون عليه شنو زعلانين مني

بابا.اثيرررر تخبلت جاي تسوي بدال ماتخليهه تصحى انته جاي تحجي

أثير.يابه دخيلك بس انطي صبر البنيه بحالة صدمه وماواعيه ابد

قتيبه.اثير هذا خطر عليهه اكثر  منو كالك جاي  شوفهم هيه

جد. اوووف بويه هنيال اليشوفك ويشم عطرك يابويه اخخخخ ياعدنان

بابا.لك اثيررر وكف هاي المهزله راح تخلي حتى جدك يوكع كعدهه وخلصنه من هاي سالفه

أثير.رهف سمعيني رررهف

رهف.اني اخاف همه راحو انته أبقى يمي

أثير. اني يمج لاتخافين نامي رهف نامي ورتاحي يلا غمضي عيونج بهدوء

مرح.اثير جان يصرف بجنون الكل عينهم علي وهوه ولاكانوا مسايرهه ويحجي وياهه بهدوء غمض عيونهه على كيف وينوم بيهه شلون طفله يتعامل وياهه وفعلا نامت محد حجه او علق جدو عيونه معلكه بلمكان جانت رهف تبااوع علي كانو رهف فتحت علي جروح كوه نساهه بقينه كاعدين يمهه شويه اجه دكتور كعدهه من كعدت لا وضعهه تمام واعيه لكلشي اتاكدة يمكن ماتدري بكلشي لان من شافت اثير دارت وجهه حتى محد ينتبهه عليه كال دكتور تكدر تطلع طلعنه للبيت جانت دنيا اليل من طلعنه الكل استقبلهه سمر وسحر اجن يركضن عليهه

سحر.رهوفه حبيبتي حمد الله على سلامتج

رهف.الله يسلمج

سمر.رهف يعمري الحمد الله على سلامتج

رهف.يروحي عليمن تبجن كافي الحمد الله مابيه شي

ام امجد . سحررر تعاي اكولج امي

سحر.  خير ماما رايده شي

أم امجد.بنتي انتي عروس تعاي كعدي يم زوجج شكو كاعده هناك

مرح.عود صدك تحجي وكتهه هسه يعني

رهف.سحر روحي يمهه لاتسوي سالفه والله تعبانه
ومالي خلك مشاكل

سحر.ولااروح كومن خل ندخل رهف لغرفتهه حتى ترتاح

رهف. ياريت والله

مرح.يلا كومن

دخلنه كلنه جوه وسدينه الباب

مرح.خل اسولفلجن بطولات رهف اليوم بلمستشفى

رهف.يابطولات ولج شكوو

مرح.سمعن اول ماكعدت ......................... سولفتلهن كلشي لحد ماكعدت مره ثانيه

رهف.لاااااااا كذب

سحر وسمر.

سحر.لابشرفج رهف صدك تحجين ههههههههههههه

سمر.واثير ماخذه الواهس كدام الكل هههههههههههع

سحر.زين ماكلتله بوسني كدامهم ههههههههههه

سمر.ولج رهف جان جطيتيهه وخلصتينه وكتيلهم اثير رجلي هههههههههه

مرح.لاتخافين اخوج فلتهه بلمستشفى دكاتره تفتر وراه استاذ زوجتك كعدت زوجتك بلغرفه ههههههههههههه

سمر وسحر.عززززه صدك

رهف.مرح الله عليج تججين صدك عود

مرح.والله بلحرف حجيتلج وجنت متاكده ماتذكرين شي

رهف.شكد جنت مشتاقتلهم ياريت جنت واعيه جان شبعت منهم

سحر.رهوفه كافي يعمري انتي تعبانه ارتاحي

سمر.رهف ادعيلهم برحمه همه اكيد يشوفوج ويسمعونج هسه

رهف.بس صدك اني محتاجتهم واريدهم يمي

مرح.بس اثير موجود مو  انتي كلتي عمي كالج اثير صار مكانه بعد

رهف.يعني يدرون بيه عبالهم نزلت راسهم بس والله مو ذنبي هوه جبرني يابابا ومحد ساعدني دخيلكم لازعلون مني

سحر.كافي يروحي امسحي دموعج ونامي

مرح.نامي رهف احنه يمج ارتاحي يعمري

كوه نامت بقينه كاعدين يمهه ونبجي على حالهه تكسر الكلب والله طلعن  سمر وسحر عمر يصيح عليهه بقيت  اني ماطلعت تمددة يمهه وغفيت بدون ماادري بروحي .

................................

سحرر

طلعت من يم رهف صارت ماما بوجهي

ماما.انتي ليش ثوله جم مره كتلج هاي البنيه فكر وانتي ماتتعاندين هل خربت فرحتكم اليوم

سحر.ماما والله موكت نقاشج هذا تعبانه كلش مافارغه لهاي الخرافات

ماما.ولللج سحررر لزمي لسانج لااطيح حظج

سحر.اني رايحه للمطبخ اريد مي عن اذنج

ماما.زوجج سأل عليج وانتي يم الخاتون

سحر.هسه اشوفه ليش هوه مو جان وياهه ماما رهف وحده من عدنه اختنه رابعه فلاتحاولين تفرقينه عنهه

ماما.لو ادري شمسويتلج هاي الفكر جان رتاحيت

سحر.اوووف انتي ضايع الحجي وياج يوم

عفتهه ورحت ضلت تحجي ماادري ليش تكرهه رهف كل ضنهه خاف اياد ينعجب بيهه ويزوجهه ااوف يااثير دعلن زواجكم خل البنيه تخلص من هاي ضغوطات كلهه رحت شربت مي دخل عمر واثير سوه من بره

أثير.ها سحر شلونهه هسه

سحر.نامت من تأثير العلاج

أثير.وصي مرح وسمر خل يحطن عينهن عليهه

سحر.انشاء الله ....... اثير حمد الله على سلامتهه

أثير.الله يسلمج

عافنه ومشى حتى ماانطه ردة فعل  جان تعبان كلش لان حجيت كدام عمر توقعته عمر يحجي بس سكت

عمر.اني صاعد تجين لو تبقين يمهه اليوم

سحر.لاجايه مالي خلك مشاكل البنيه البيهه مكفيهه

عمر.مافهمت شقصدج

سحر.ماما ناشبه وياهه تكولهه انتي وحده فكر وذيج الله يذب عليهه بجي

عمر.وامج ليش هيج تتعامل وياهه البنيه ماماذيتهه

سحر.اي والله اصلا تحترمهه اكثر من ندى بس ماما ماتقتنع قافله عليهه فد مره

عمر.جدي راح يحجي وي الكل حتى محد يأذيهه بعدد لان اليوم شافت الموت بعينه

سحر.ياريت والله لان نفسيتهه كلش تعبانه

عمر.تعاي خل نصعد يلا  راسي صاير طبل من شفته اليوم

سحر.صدك سولفتنه مرح زين معقوله تكدر تشوفهم

عمر.جانت تحت تأثير العلاج ماتدري بروحهه اصلا حتى ماتذكر شي

سحر.اي انصدمت من كالتلهه مرح خطيه شبعت بجي

دخلنه للغرفه فتج الاضويه وسد الباب كال

عمر.سحر اكو شي بين أثير ورهف

سحر.هاااا ماسألت اثير مو احسن

عمر.جنت متاكد والله مبين عليهم لهفته بلمستشفى وخوفه عليهه اول مره اشوفه هيج وهيه هم ماجاوبت وي اي واحد بينه بس وياه هوه

سحر.انته ماشفت شكله شلون تعبان جان

عمر.شنو البينهم بلضبط

سحر.ماادري كتلك اسأل اثير

عمر.انتي ليش كتيله حمد الله على سلامتهه كانوا تخصه وحده شنو نوع علاقت رهف واثير

سحر.مااكدر احجي اعذرني لان اثير مانع اي وحده تحجي بهذا الموضوع ورهف تاكلهه وحدهه لان يأذيهه كلش

عمر.معناتهه رهف مرته لااثير موو

سحر.!!!!

عمر.هههههههههه هسه تاكدة من صدمتج هاي لا ياساقط واسأله يكلي مو هيه

سحر. لا مو  مرته شنو مرته

عمر.ههههههههههههه لاتخافين انتي مالج علاقه واصلا ماراح اكله اني ادري بي خلي هيج مايريد واحد يدري

سحر.صدك هوه ليش هيج متكتم على موضوع

عمر.مايريد ينفضح غير لان طريقه جابهه بيهه مال واحد طايح حظه وزايعته الدنيا كلش

سحر.يعني انته تدري شلون تزوجهه

عمر.اني شاهد على زواجهم مو بس هيج

سحر.يجوز لهذا سبب نكر كدامك وماكال رهف هيه نفسهه البنيه الزوجهه.

عمر.اصلا واضحه مايحتاج واحد يحجي بيهه تصرفاته هيه ثبتت علي تدرين اليوم اول مااخذوهه منه بس كالوله شتقربلك كالهم مرتي راسا وبدون مايتردد حجاهه واثق من نفسه كلش

سحر.خطيه كلش مبين مقهور عليهه

عمر.هههه لااخوي واعرفه حس بذنب من كالتله اهلي عينهم عليك خلته وجهه كام يطي الوان من الفشله وهوه مبيض وجهه وياهه كلش مبين

سحر.يا وين خطيه ولايخليهه تتنفس كاتم عليهه كلش

عمر.بس هسه اختلف الحجي وده هسه ياخذهه بحظنه ويخليهه يمه خاف تتخربط بليل ههههه

سحر. الله يهديهم ثنينهم خشم يابس وسالفتهم مليوصه كلشش

عمر. عوفج منهم هسه انتي شلون صرتي بعدج تتاذين

سحر.اي اصلا كوه امشي عمي مخلف مجرمين واحنه بتلينه بيكم

عمر.ههههههههههههههه وانتن فقيرات كل وحده لسانهه شطوله بس الامانه رهف ماسامع صوتهه تصيح لسه

سحر.ههههههههههه روح اسأل اثير عليهه وعلى لسانهه الينكط عسسسل وياه ههههههه

عمر. هو هم يريد واحد يشكيله همه هيج حسيته قبل شويه

سحر.ليش مابقيت يمه

عمر.يريد ينام مايقبل يحجي حرف واحد

سحر.الله يكون بعونه الصار اليوم مو قليل

عمر.اي والله ...هاج هذا مسكن اخذي منه ودهن خلي مكان الحروق

سحر.يعني تأذيني وداويني بنفسك

عمر.سحر الله يخليج خلينه نام بدون عركه هسه جنه نسولف وكاعدين مثل الاوادم لاتكلبهه عركه بداعت ابوج كومي خلي علاجج وتعاي خل نام

سحر.ماادري ليش سويت مثل ماكال حسيت برد المكان شويه من حطيت الدهن طلعت لكيته نايم مكانه بس لابس بجامه وفانيله وجاي يصفح بتلفونه طفيت الضوه ونمت بطرف جربايه توقعت يسويله حركه بقيت حذره منه ولاغفيت طفه تلفون ودار وجهه لجهه ثانيه ونام اوووف فد رتاحيت والله بعدهه غفيت ماحسيت بنفسي .

................................

رهف. مر اسبوع على طلعتي من المستشفى اثير ماشفته نهائيا بس البنات يكولن يسأل عليج كل شويه اتفقد تلفوني لادك ولادز  رساله شبي زين اني مو اريده يبتعد ليش من ابتعد أنقهرت لاوالله ميته قهررر اووف جنه كاعدين بلمطبخ صبح دنتريك بس النسوان الكل طلعوا على شغلهم جان تظرب بيبي العصاه مالتهه بلكاع علمود الكل ينتبهه

بيبي.اسمعني زين مااحب اعيد الحجي مرتين منا وهيج الغدى يوم على سحر ويوم على ندى يتعاونون بي هدى من جيب هم توكف وياهن والتنظيف على رهف وسمر البيت كله عليهن ومرح ساعدهن منا لمن تروح لبيت عمتهه وانتن ام قتيبه وام امجد كافي بناتجن كبرن وعدتجن جناين ارتاحن بعد واكعدن مفهوم كلامي

عمه سعاد . ماكو كلام بعد الكلتي عمه هاي هيه

ام امجد.والله عمه ريحتينا بهذا القرار يطيج العافيه

بيبي.  يلا كومن خل نكعد بلهول وهنه يلتهن بشغلهن

رهف.طلعن وياهه واحنه بقينه هدى نايمه بعدهه وندى هم بس احنه بقينه جان تكول سحر

سحر.هذا مو عدل المفروض ندى وهدى عليهن الغدى واني ورهف العشا

رهف.واني شكو حطيتيني بنص

سحر.لابالله انتي هم جنه بهذا البيت مو بس اني عيني

مرح.ولج خبله لاواحد يسمعج هسه هههههههههههه

سمر.احلى شي هسه يتعاركن سحر ورهف منو اليوم سراهه ههههههههههه

رهف.اني ماعندي مانع يلا منو تغلب جاهزه لوبعدج معوقه هههههههههه

سحر.ضحكين عليه مو كومي خل اراويج منو تغلب

رهف.يلا هههههههههه

كمنه اني وسحر وذني يشجعن هيج متلازمين جذب بس شعر نفشناه وجان نسمع ضحك مال شباب رفعنه روسنه عمر واثير واكفين بلباب انصدمنه ثنينه عود اريد الم شعري سحبت شعر سحر انوب دخل شعري بشعرها لاصت وعلي عطت مرح وسمر ميتات من ضحك

رهف.مرررح تعالي ساعدينه شكو تضحكن

مرح.ولج هاي اله ينكص شيفتحه

سحر . لااااااااااا كلشي ولاشعري

رهف.هووووه من وراج أم شعري معطب من وره الميش هيج احسن هسه راح يروح شعري من وراج لجج سموره تعالي

سمر.هههههههههههههه ولجن بطني مااكدر

سحرر. عمرررر تعال ساعدني نشلع راسي والله خرب يومج رهف  زين

عمر. ولج شلون افتحه وشعر رهف صايره لخه

رهف.سحر ونبي راح ادفرج اذا متكعدين اثبتي شلعتي راسي

عمر.حتى اطيرج غير اذا جستي مرتي

رهف.تعال خلصني منهه شكو تباوع كص شعرهه وخل توخر عني واني افتح شعري على كيف

سحر.لاااااا عمر معليك بيهه حباب لاتكص شعري والله صار سنتين معتنيه بي

أثير .يممممممه يمممممه

عمه.ها يمه شبيك

أثير.تعاي شوفي ذني ثنين شلون تفتحين شعرهن هسه

عمه. يااااااا ولجن شني زعاطيط

عمر.الله يعينج يايمه عليهن ذني تأمنين تعوفين البيت بيدهن

عمه. شو تعالن

رهف.ايي عمه يوجعني والله على كيفج اييي يمه يوجع اخخخ شعري

همست بأذني سحر

سحر.وحمسسس صمي حلكج الولد صار وجهه احمر من وراج

رهف.ليش قابل هوه شعلي

سحر.ثووول انتبهي لصوتج وحجيج ولج عمر دنك من وراج ههههههههههه

رهف.حمس اي والله واني شمدريني

فتحتنه عمه وكالت

عمه.مررح جيبيلي زيت والمشط بسرعه

سحر.عمه شراح سوين

عمه.امشطلجن غير شوفن كفاشجن

سحر.ههههههههه عمه ذكرتيني من جنه زغار والله

عمه . وانتن بعدجن زغار  بعيني

جابت عمه الزيت خلته على شعرنه ومشطت شعر سحر وبعدين اني كتلهه

رهف.عمه ظفري اليه

عمه.ههههههههههه تعاي

سوته اليه كصيبه فرنسيه صارت تخبل كولشش عجبتني

رهف. عمه تخبل شكرررا 😘

عمه  . اذا هيج اشوفج ضحكين يوميه اسويلج كصيبه
ههههههه

رهف.عفتهم وكمت اغسل اديه عمه رجعت يم بيبي وسحر طلعت وره عمر بقيت اني غسلت ودرت وجهي لكيته كاعد وصافن عليه هوه جان خفر وستوه اجه كتله

احطلك ريوك

اثير.لاتريكنه اني وعمر قبل لانجي

رهف.اثير انته زعلان مني

أثير .  لاليش سألين هيج سؤال

رهف. مااعرف احسك ضايج مني

اثير.عوفج مني انتي شلونج

رهف.الحمد الله زينه

أثير.محتاجه شي

رهف.لا شكرا ممحتاجه

اثير. تمام اني صاعد انام لحد يكعدني

رهف.اثير

اثير.ها

رهف.بيك شي يعني اقصد صاير شي وياك شو تعبان كلش

أثير. وانتي شايله همي ليش هيج اهمج اني

رهف.موكتلك زعلان مني ولاماتحجي هيج

تقرب عليه وحاوطني بيده صرت بينه وبين الثلاجه همس على كيف

أثير.ضايجه مني لان مااهتم بيج

رهف.انته بتعدت فجاءة شنو سبب

أثير. سالفه طويله ويطول شرح مالتهه بعدين من انام شويه اصحصح ونكعد نحجي براحتنه تمام

رهف.تمام اسفه خاف ضوجتك وانته تعبان

أثير.لابلعكس يعجبني من تهتمين بيه هيج

رهف.ههه

أثير.مشتاقلج رهف

حجاهه همس وتقرب سحبني من خصري علي وحتظني لزمني من حنكي ورفع راسي  ودنك طبع بوسه خفيفه على شفايفي شافني ماقاومت ولادفعته رجع دنك عليه اول ماطخ شفتي وجان نسمع صوت صريخ وخر عني وطلعنه نركض للهول وووووووو.

.
.
.
.
.
.
.
.
.
.
.
.
.
.يتبعععععع❤

هلو كليباتي شلونكم

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني 😘😘😘😘😘😘😘

بنات شنو رئيكم بتصرف اثير اليوم تجاوزه لجده والموجودين صحيح لو خوفه من خسارة رهف خلاه يفقد اعصابه ؟؟؟؟

تتوقعون شنو سبب تغير أثير على رهف هل حس بذنب لان بت عمه ويتيمه وهوه ماذيهه

رهف طفله مازالت بحاجه لرعاية امهه وابوهه بس هيه فقدتهم من زغر 😭😭

تتوقعون عمر جاي يسكت عن سحر لان يحبهه ويريد تسامحه لو بنيته غير شي  ؟؟؟؟؟؟

تتوقعون ام اثير اذا عرفت رهف جنتهه راح تبقى تحبهه لو تنحاز لطرف سوزان  ؟؟؟؟؟؟

توقعاتكم شنو صار وشنو صوت الصريخ هذا ياترى.

اتمنى تكونون استمتعتوا بلقراءة احبببكم هواي كليباتي. ❤

UMtota.......