رواية ألضابط و المنقبه الفصل الثاني والعشرون 22 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

.................................................

سحر.عفته ودخلت سبحت طبعا كوه ودموعي مانشفن طلعت لبيت كلبيه وخليت خافي عيوب لوجهي وكثرت مكياج علمود اضيع علامات الاصابع مالته كدرت اعدل وجهي ولو شوي هوه يباوع عليه ورافع حاجبه معاجبه الوضع بس مجبور يسكت ومايحجي شي دخل سبح لفيت شال على راسي وبقيت ارتب بلغرفه كوه اتحرك من الالم البيه مكان الحرك كلش مأذيني طلع هوه بدل ونزلنه الكل استقبلنه بلهلاهل والتبريكات البنات اجن يركضن عليه من شافني ردت اروح يمهن همس بأذني

عمر.ديري بالج ديرين وجهج اليه هنا كدامهم فوك براحتج شسوين سوي بس هنا لا مفهوم كلامي وهسه اكعدي يمي لاواحد ينتبه علينه.

سحر.باوعتله بطرف عيني ضل لازم ايدي حتى مااكوم من يمه واني مطايقته اصلا لعبانه نفسي منه ومن كلشي بي جابولنه البنات الريوك وراحن كل وحده التهت بشغله اجو علي جماعه كيفت خل يطلع حتى اخلص منه بس ماكو سلم ورجع مابقوا يمه ضلينه كاعدين لحد مصار وقت الغدى هوه صح مايحجي وياي كدامهم بس نضراته كلهه عليه اشوف مرح مخبوصه وجهه صاير دم اشرتلهه اجت

مرح.ها سحوره تردين شي

سحر.لا مااريد بس انتي شبيج شو مو على بعضج

مرح.ها بعدين اسولفلج موهسه

سحر.الموضوع يخص وسام

مرح.ولج اي والله ماادري شسوي هسه وين اروح

سحر.وين ترحين شبيج ولج

مرح.مااكدر احجي خل اشوف ذيج العوبه وين ولت

سحر.على كيفج مرح راح يوكف كلبج اهدي شويه

مرح. ههههه فدوه لهل ضحكه حتى لو عليه اهم شي شفت ضحكتج

سمر.ولللج مرح صدك سمعته

مرح.عززه بعينج رهف ماضملهه سالفه

سحر.شبيهه رهف

سمر.ههههههههه لكفتهم هيه وسام وماعافتهم طلعت مصورتهم سوه

سحر.لابربج صدك وينهه هسه

سمر.ذيج جاي تشتغل بلمطبخ ولاجنهه مسويه شي

سحر.مرح شبيج قابل تخافين من رهف تدرين بيهه ماتحجي شي

مرح.مو منهه بس وسام حيل توتر منهه وضل يكح وهيه ولاجنهه خلصت طفت الكاميرا وبتسمت وراحت

سحر.ههههههه هاي البت منين جابت هاي الوكاحه شو مبينه جنهه ثوله

سمر.طلع عينهه اثير والله احلف عليهه

سحر.مااضن رهف كلش تخاف منه حتى ماتحجي كدامه اي شي

مرح.يااا عزززه نسيت أثير كال وحده تغسل هدومي مال دوام يريد يروح وره الغدى

سمر.اكليهه اليوم شيخلصج احسن شي كلي لرهف هسه تغسلهن وتكويهن اله على سريع

سحر.ومنو يكول تقبل هاي الخبله هسه تنعاد

مرح.خل اروح اشوفهه بس اذا عدهه شغل مااكلهه خطيه هيه هم تعبانه شنو ذنبهه مم صبح لسه تكرب بلبيت

سحر.راحن مرح وسمر اجه كعد يمي همس

عمر.ضربتي بوز شو موجنتي ضحكين كلشي مابيج

سحر. غير كعدت يمي شلون ماتريد ينعقج وجهي وانته ماشاء الله عليك مبدع وياي

عمر.سحرر الزمي لسانج من تحجين وياي ولاتنترين

سحر.احسلك توخر عني لان مااضمنلك شراح يطلع مني بعد

عمر.ماشي نصبر ونشوف يا مرتي الحلوه

سحر. ههههه هوه انته خليت بيهه حلاه كلبت خلقتي ولعلمك مو سمعت كلامك وكاعده يمك لا لان مااكدر امشي بسبب الحروق سببتهه اليه

عمر. كافي سدي الموضوع هسه بعدين نحجي بي

سحر.يكون احسن ماتفتح وياي اي موضوع ولاتحجي شي من الاصل

عمر.لاحول الا الله كافي كلت لاتكفريني كدامهم هسه

سحر.سكت هوه يلا سكتت عنه ماشي ياعمر اله اخليك ماتندل دربك بسيطه بقيت كاعده بس على اعصابي لان الوجع موتني هم الم الزواج وهم الحروق متت اريد بس انام بس مجبوره ابقى كاعده حتى من يحجون وياي بس ابتسم هيج مجامله ههه

..................................

مرح.كعدنه من صبح وبلشنه بلبيت انوب رجعنه نساعدهن بلغدى سحر وعمر ماكعدو لسه صارت دنيا ضهر وداني جدو علمود اكعدهم من دكيت الباب مرت من يمي زوجة امجد حجيت وي سحر كانوا الوضع طبيعي حتى ماشك بشي هاي حيه وحاطينهه بنص بيتنه تلدغ وضم راسهه سبحانك ياربي نفس مرت عمي الله اطاهه جنه نفس طبعهه ههههههههه نزلت لاكاني اثير رايح للمطبخ كال سويلي ريوك وجيبي وغسلي هدومي اريد اطلع العصر بيهن اني التهيت وره ماطيته ريوك انشغلت بعد راحت من بالي تعبنه وحاره متنه عود ماعازمين بس العائله طلعت من الحمام رحت غسلت مدنكه جاي انشف بوجهي بس وخرت المنشفه صار بوجهي وسام وجهي صار احمر من اشوفه اكوم حتى حجي مااكدر احجي ردت اعبر وكف بطريقي

وسام. شلونج

مرح.الحمد الله انته شلونك

وسام.تمام اني عال العال شلون مااصير زين وهذا الكمر واكف كدامي

مرح. دنكت بخجل

وسام.دخيل ربج لاتخجلين هيج ترى مااتحمل والله

مرح.اني راح اروح يردوني

وسام.كوليهه مرح قبل لاترحين ريحي كلبي

مرح.شكول

وسام.حبيبي ليش ماتعترفين ترى مبين بعيونج

فز كلبي لكلمة حبيبي منه

مرح.انته موتكول مبينه بعيوني بعد ليش تسأل

وسام.اريد اسمعهه منج حتى اكدر اخطي الخطوه الجايه

مرح.شنو الخطوه الجايه

وسام. اخطبج من جدي وخالي واخوتج

مرح.اااااابهل سرعه

وسام.طبعا بس منتظر اسمعهه منج يلا حتى ماافشل روحي

مرح.امم مااعرف شكلك

وسام.زين لاتكوليهه اذا تستحين اني راح اسألح وكولي لو اي لو لا

مرح.تمام

وسام. انتي تحبيني لو لا مرح يعني عندج مشاعر اليه

مرح.بلعت ريكي وكتله. اي

وسام.شنو اي مافهمت

رهف.يعني تحبك واضحه ترى ليش تحرج البنيه

وسام ومرح.!!!!!!!!!!!

وسام.رهف انتي من شوكت هنا

مرح.رهف

رهف. ههههههه

ابتسمت وراحت ماحجت شي بس كلبتنه التلفون مصوره كلشي فد موقف صح عادي بس محرج شويه خاصه وسام من شافهه ضل يكح وهيه واكفه صور خلصت وراحت

وسام.مرح انتي ضامنه رهف ماتحجي شي

مرح.اي اكيد اصلا هوه رهف تعرف كلشي

وسام.هم نبهيهه لاتحجي كدام احد لحد ماتم الخطبه وبعد محد اله شي يمنه تمام

مرح.تمام يلا اني راح ادخل

عفته ودخلت ادور عليهه ماهيه اختفت رحت يم سحر وهاي الثانيه ناصبه عليه عمر كاعد بصفهه وتريد احجي عن صار بس اجت سمر زاعتهن كلهن طلعت رهف كايلتلهه من كالت بلمطبخ رحتلهه ركض هيه شافتني وكامت تضحك

مرح.رهف ليش صورتي

رهف.لذكرى حبي شبيج والله يجي يوم وتدعيلي على هذا التصوير وسويتلكم سناب هم بعد شتردون حتى يطلع حلو

مرح.ولج انتي خبله واذا شافه واحد بتلفونج

رهف.لاتخافين محد يشوفه هسه انقله الج احتفضي بي بجهازج واني امسحه من يمي خاف يوكع تلفوني بيد اثير ويشوفه

مرح.عفيه عليج خوفيني بلزايد خرررب يومج رهف

رهف.كافي ولج لعبتي نفسي لسانج شطوله وحجايه ماكدرتي تطلعيهه زين مانجلط الولد من وراج هههههههههههههههه

مرح. هههههههههههه والله استحي شبيج شلون اكولهه اله

رهف. المهم وصله جواب بلعافيه عليج حبيبتي الله يوفقكم ويسعدكم اثنينكم تستاهلون

مرح. يبعد روحي فديت مرت اخوي ام المصايب هههههههههههه

رهف.من عاشر القوم غير هههههههههه

مرح.ههههههه عليمن قصدج ولج

رهف.على زوجي المحترم عيني اححم

مرح.الله يهدي عليج انشاء الله

رهف.انشاء الله

مرح.ياا ولج غير نسيت لانضفت غرفته ولاغسلت اهدوم هسه يطيح حظي والله ادور هوه صعد ستوه عود ردت اصعدلهه هسه احسن شي اروح اختل يم قتيبه حتى مايرزلني

رهف.مايحتاج تختلين تعاي اكعدي نضفتهه من صبح وهدومه نشفن وكويتهن وحطيتهن بغرفته

مرح.دهر صابج ولج غير جنه نشتغل سوه يمته سويتيهن

رهف.من نزل يتريك كالي وطلع خلصتهه بسرعه كبل لايجي

مرح.والله عمي زين صايره زوجه مطيعه

رهف.اي طبعا اصير مطيعه مو انتي ماشايفه ايده من يلسع بيهه غير اضل اكمز هههه

مرح.اووف الله يكون بعونج

رهف.خلينه نشيل الاكل بلشوا صب يلا

بلشنه ننقل بالاكل لحد ماخلصنه هلكنه اجتمع الكل على لااكل كعدنه اني ورهف على جهه اليوم سحر مو ويانه كاعده بصف عمر صار مكانهه وسمر مكانهه ماتبدله بحظن بابا لو يم قتيبه تكعد تكول حتى اضل عزيزه كاعدين كلنه بعد ماخلصنه غدى وجاي يشربون جاي جدو يكول كلهه تكعد سوه وبعدين غسلن الاماعين هيج عادته جان تحجي عمه نوال

عمه.مدام كلكم مجتمعين اليوم بويه اني اريد اخطب مرح لوسام ورهف لحيدر واتمنى ماتردوني والله يشهد عليه بناتي واحطهن بعيوني

مرح.صدمه الكل وجهه انضاره علينه اني ورهف رهف راسا صارت صفره ودنكت للكاع ماحجت شي باوعت على اثير عينه عليهه ومبين مفوول من الاعصاب اشرلي عليه خلي تطلع اني خفت من نظرته همست يمهه

مرح.رهف كومي خل نطلع بسرعه

رهف.يلا كومي

طلعنه للمطبخ حتى ماسمعناهم شكالو حتى وسام من طلعت شال راسه عليه وعقد حواجبه لان وجهي كله خوف وقلق عباله راح ارفض كعدت يم رهف ترجف انطيتهه كلاص مي شربته ماحجت اي شي كامت لفت شالهه وبلشت تعزل بالاماعين

مرح.رهف شبيج

رهف. شبيه اريد اخلص شغل من وكت

مرح. وكت شغل تعاي اكعدي هسه شراح نسوي بهاي المصيبه

رهف.مالي دخل هوه يحلهه اني تعبت

مرح.يعني راح توافقين على حيدر

رهف.مرح شبيج شلون اوافق بس أكلج خلي هو يلكالهه حل اني بس احجي هسه الكل راح يشك بيه ليش دائما ارفض شنو انتي نسيتي سالفة اسعد

مرح.وهسه شلون نعرف شصار لوباقين كاعدين جوه

رهف.غير انتي طلعتينه مابقيتي

مرح.اني لو رجلج خزرني خزره نشف دمي واشر عليج خل تطلع

رهف.تمام معناهه مثل مكتلج هوه يفضهه اني معليه ولااحجي اصلا

مرح.خررب يومكم طيرتو حتى فرحتي ولج ماباوعت بوجهه وسام من وراج راسا صارت عيني على اثير اريد اشوف شيسوي بالله

رهف.هههههه لاشيلين همنه افرحي انتي ولاضيعين فرحتج بسببنه والف مبروك انشاء الله حبي

مرح.لسه مامصدكه رهف وعد بكلمته وخطبني

رهف.مبين يحبج الله يسعدكم يكلبي

مرح.بس مااضن............

سمرر.ليييش طلعتن فاتجن المشهد الصار جوه

مرح ورهف.شكووو شصار

سمر. اول شي مروحه مبروك يروحي اهلي وافقوا على وسام

مرح.ورهف شلون بس لا وافقوا

سمر.وحظرت رائد الكاعدلهم كعده جوه عوزه بس يحطله طلقه براس حيدر من كد ما يخزر بي هههههههههههههه

رهف.حمس عليمن اضحكين احجي شصار

سمر.اسمعي يعيني جدو وافق على زواج مرح وسام بس انتي لا ماقبل كال رهف بعدهه مخطوبه لسه مافسخنه وي بيت طارق حتى نزوجهه لغيره خل تفض هاي شغله وبعدين الله يفرجهه

رهف.شنو يعني جدو مافسخ الخطبه معقوله

مرح.يعني بعدج مخطوبه الاسعد

سمر.اي بعدهه هوه حجه جدو واثير طفر كاللهم اذا لمحته باب البيت اودي جنازه لهله وخطيته بركبتكم وعافنه وطلع

مرح.الله يساعدك ياخويه كل شويه واحد جاي يخطب مرتك وانته تباوع

سحر.هاااا بنات هسه شراح يصير

سمر.انتي شجابج ولج هنا

سحر.ماكدرت اتحمل اضل كاعده رهف اليوم لاتطلعين كدام اثير لايأذيج هسه يذبهه براسج هاي سالفه

مرح.وهيه شعليهه يعني قابل كالتلهم تعالو خطبوني

سمر.لاهوه سمع الحجي كله شكو راجع على رهف

رهف.كلام سحر صحيح وشوفن لازم يطلعني اني الغلطانه هسه ويذب صوج بيه متاكده

البنات. الله يكون بعونج على خباله

سمر . هههههههههههه حلوه هاي مزوجه اثير ومخطوبه الاسعد ومحجوزه لحيدر

سحر.ماكو غيرهه نقرضت نسوان بعد ههههههههههه

رهف.حظي غير لان مرايده زواج كله من الاصل ههههههههه

مرح. وخل نشوف المن تصفه هسه لو انتي رهف المن تردين منو بيهم

رهف.ولا واحد اريد اعيش حياتي

سمر.ماادري ليش احساسي يكول اخوي مترأس القائمه وهوه الراح يربح بكلبهه اكيد

سحر.طبعا مترأس القائمه غير رجلهه شبيج انتي

سمر.ادري اني اقصد كلبهه منو بي بس هوه وبس واني احساسي عمره ما خاب

رهف.دكومي ام الاحساس خل نكمل شغل

مرح.
بعدهه سحر عمر صاح عليهه وصعدو واحنه التهينه بلمطبخ بس عمه نوال خلت ندى زوجت امجد تنظف البيت وحدهه ومرت عمي تخبلت بس تخاف من عمه نوال عمه كالتلهه هاي تخافين عليهه بس رهف مسويتهه خدامه الج هههههههه عمه كل ماتشوفني وتبتسم لو تبوسني وتروح خلتني مااكدر حتى احجي بعد من المستحه

..................................

رهف. جنت داارتب بالاستقبال من طلع اثير اجه وكف يمي كال همس

أثير. صباح الخير يحلوو

رهف . صباح نور

أثير.فوفه ملابسي والغرفه اريدهن توب من ارجع تمام يحلو

كرص خدي وغمز وطلع عليمن يحظي على الكربه الزينه جبتهه اليه خاف عايزه اول ماشفته راح يتريك طفرت لفوك نظفت الغرفه وغسلت الهدوم ركض ركض بس علمود اخلص قبل لايجي لان مايخليني انزل هيج لو راشدي معدل لو غير شي هههه نشفت ملابسه وكويتهن وعلكتهن خليتهن ينشفن فتحت السبلت وطفيت الاضويه وطلعت الغرفه صارت ريحتهه جنن نزلت جوه التهينه طلعت صدفه من الغرفه لكيت وسام ومرح صورتهم ونصبت عليهه متت ضحك من وراهه حتى سحر مالحكت اروح اشوفهه لان مرت عمو واكفتلي وكفه سوي وسوي وعايفه جنتهه كاعده كملنه كلشي وتفاجئنا بطلب عمه نوال اني راسا دنكت ماحجيت اي شي فضلت السكوت لان بس احجي اكيد راح يشكون بيه اجن البنات ورانه للمطبخ بس من عرفت من مرح هوه كالهه خل تطلع تاكدة مراح يعديهه اليه على خير انوب المصيبه الاكبر جدو مفسخ وي اسعد يربي شهل ورطه هاي جنت اشتغل طلعنه اني وسمر ننظف بلكراج دخل اياد وهيه كامت مو تغسل لاتشلع بلكاشي

سمر.رهف هاي زباله ضاله هنا محد يخلصنه منهه

رهف.اباوع اياد جحظت عيونه خرب يومج سمر هههههههه

اياد.هاي عليمن لجججج سمرررررر

سمر.فوفه مادريتي غير جدي وافق وراح اكمل كليه واكيد هناك الكه جلب وفي وارتبط بي هههههههههههاي

رهف. مبروووك يروحي تستاهلين كل الخييير وبعدين يمعوده وين يروح يطير بس كون كد ثقه وتأمنين بي

سمر.اهم شي ثقة نفس وداعتج الباقي كله سهل لان المايقتنع بلعده هذا بي نقص اسم الله عليج

رهف.هد علينه اثنينه اجه طاير من يم الباب بعده ماواصل ودخل اثير واحنه طكيناهه ضحكه ثنينه باوعلنه شايط وراح دخل جوه حللل بعد ايدي سمرر يستاهل والله حقير يخون ويريدهه سامح بسهوله عابت اي والله

رهف وسمر. هههههههههههههههههههههههههه

أثير.هااا شكو عليمن ضحك هذا

شاورتني سمر

سمر.نسوي بي مثل اياد حتى ترتاحين شويه ههههههههه

رهف.لالاااااا ديري بالج وعلي ينومنه بقسم الكسور اليوم

سمر.اي وعلي صدك خل اسكت احسن

أثير . شكو تتهامسن بينجن وخرن اريد ادخل

سمر.اي تفضل حظرت الرائد اخوي الغالي شعدنه غيرك بس أثير وبس

أثير.شتردين من الاخير بدون هاي دروب انتن واكفات وي رهف انتي ومرح بعد الغالي وهاي الكلاوات المن

سمر شبعته بووووس منن فرحتي . ههههههههههههه شكرررررا اثير لان قنعت جدو اكمل

أثير.هههههههههه كافي ولج مرتي واكفه

سمر.قصدك تغار رهف صدك تغارين على اثير

رهف. اااا

خرب روحج سمر شهل سؤال هذا هسه

أثير.ماجاوبين على سمر

رهف.انته شتكول

أثير.سؤال موجهه الج مو اليه

رهف.واني حره اجاوب او لا مو اجباري هوه مو

أثير.ههههه صايره تراوغين بلحجي حلوو

رهف . الفضل الك مو انته استاذي منك نتعلم

أثير.بس اكتشفت اني موخوش مدرس يراد انطيج دورات قويه شتكولين

رهف.لاميحتاج لحد الان كوووولش كافي عليه هلكد

أثير. متاكده اريد جواب نهائي

رهف. اني متاكده من قراري بس انته متاكد تريد درسني اكثر من هيج

أثير.ههههههههههههههههههههههههه لاياا............ والله لوما سمر واكفه جاعلمتج شلون تحجين

سمر.عادي كمل اصلا كلشي مافهمت اني والله انتم جاي تحجون ياتدريس انتي موتاركه الدراسه بعد شنو

أثير ورهف.هههههههههههههههههههههه

أثير.سمر كملي غسل مويمج السالفه

راحت سمر تكمل تنظيف تقرب همس يمي

أثير.اي ست رهف وتالي وي خطابينج اني كل شويه طالعلي واحد صفح

رهف.واني شبيدي محد كالك اخذ وحده حلوه وكيوت واخبل فديتني كلهه تتمناني المفروض تحمد ربك لان صرت الك

أثير. ههههههههههههههههه خبببببال اي والله

رهف.عليمن تضحك عبالك بس انته حلو وشخصيه وكلهه ميته عليك

أثير.هاي شنو جاي تتغزلين بيه هههه

رهف. وشنوو ممنوع لو حرررام

أثير.لاعمي لاممنوع ولاحرام على راحتج بس سؤال بيج شي اليوم شو متغيره كلش

رهف.مبيه شي بس يمكن شخط مخي من وره المصايب جاي تهل على راسي

أثير. تنحل ماكو شي يبقى على حاله انشاء الله

رهف.عود صدك جدو مافسخ وي اسعد

أثير. لايفسخ جدج يريدني اكتله خلاص وافتك منه فد مره

رهف.لا مو لهدرجه عاد خلينه هيج نماطل بلموضوع لحد مانشوفلهه حل

أثير. عوفيهه عليه انتي حيري بكليتج ومالج علاقه بهاي سوالف

رهف.شنوووو يعني جدي وافق

اثير. وشبيج مامصدكه يعني موكتلج راح داومين وجدج شغلته سهله وكضت هسه اريد اوراقج حتى اقدم الج انتي وسمر باجر

رهف.كلهن بيتنه القديم مجبتهن وياي

أثير. تمام خل اشوف يجوز اذا رجعت بليل اخذج نجيبهن او صبح

رهف.شنو اليوم خفر عندك

أثير.لا موخفر معزوم بحنة صاحبي

رهف.وصاحبك تروحله بزي مال دوام

أثير.ههههه تحقيق شنو لا ارجع ابدل واطلع بعد اكو اسأله مدام

رهف.ههه لاماكو تكدر تتفضل سيدي

سوزان.أثير انته هنا شكد دكيت عليك جهازك مغلق

رهف.راح يبدي المسلسل حبيبي وحبيبي

أثير.وانتي ليش ضايجه

رهف.وعليش اضوج اخذ راحتك عيني اني رايحه اشوف عمه نوال استاقيتلهه صدك اريد اسألهه كم شغله على حيدر

أثير.رررهف بلا خبال بطليهن ذني سوالف وحتى ترتاحين هاي داخل كدامج وحتى سلام مااسلم تمام هيج

رهف.هسه انته عيني اتفضل اصعد لغرفتك جاهزه ونظيفه روح ارتاح بيهه

أثير.هههههههههههه خبله وربي

دخل جوه حتى بدون مايدور وجه عليهه دخلن جوه دخلت وراهن راسا طبعا اني مااسلم عليهن ولاهنه شعور متبادل شفته ماهوه يمهم وهيه عينهه على درج بس ماتكدر تصعد لان كلهه كاعده حيييل وحده سخيفه ام رتوش ههههههههههههههه رجعت بقينه نظف اني وسمر هذا الكراج اله يوم يلكفني تيفؤ من وراه ههههههههه.

.............................

سحر.اول ماصعدنه للغرفه دخل وقفل الباب ماهتميت رحت بدلت بلحمام وطلعت لكيته نازع دشداشته ونايم على جربايه ماحجيت شي طفيت ضوه واخذت مخده وفرشت بلكاع وتمددة اجه هوه شالني وحطني على جربايه دفعته عني بفزع وطفرت

سحر.انته جاي سوي منو سمحلك تلمسني هاااا

عمر.المسج ترى احنه عابرين هاي المرحله شبيج بسرعه نسيتي شنو

سحر.المفروض تخليني انسى مو كل شويه وتذكرني بأمجادك السويتهه

عمر.تحبين اراويج امجادي من صدك هسه

سحر.عمر خليك بعيد عني ولاتفكر تتقرب مني لان مستحيل اتقبلك روح شوفلك وحده رخيصه فرغ شهوتك بيهه مو اني

عمر.انتي شلون تحجين وياي هيج وبعدين ليش ادور رخيص وانتي موجوده وحلالي شوكت مايعجبني اجيج

سحر.ههههههههههههههه صدك ضحكتني دور سي سيد الجنت مسوي عليه راح هسه اني لااخاف منك ولااحترمك بعد خل ازيدك يعني

عمر.سحررررررر لاتخليني امد ايدي عليج الزمي لسانج احسلج مفهووووووووم

سحر.هههههه كتلك متخوفني بعد شتريد سوي سوي بس مال احترمك لو اسمحلك تلمسني حلم بليس بلجنه ياسيد عمر

عمر . لاحول الا الله وتالييييي شووووووون منخلص بعدددد

سحر.على اساس راح تتحمل شو بعدك بأولهه وكمت تكمز عليه

عمر.اكمز لججج احترمي نفسج لااطيح حظج

سحر . هسه وخر عني اريد انام تعبانه ماكو مكان صاحي بجسمي خليني ارتاح شويه

عمر.سحر كافي اعترف غلطت واعتذرت منج انتي هم حطي نفسج مكاني شفتي شلون تخبلتي من شفتيهن شحال اني رجال واشوف هيج صور ومقاطع لمرتي شترديني اكعد اصفكلهه

سحر.عمررر وخر عني لاتخليني اشوف وجهك جرحك جديد بعده وصعب يداوه يأأبن عمي عوفني بحالي

عمر.ماشي مثل ماتردين وعد مراح اتقرب منج اله لمن انتي تردين هذا شي وترغبيله تمام هيج

سحر.بس هزيت راسي حطيت راسي على المخده وكعن دموعي ليش هيج حظي مو المفروض اني عروس يعني هسه المفروض غرفتنه كله ضحك وفرح مو عرك واحد يريد ياكل ثاني حتى امي تمنيت تسألني تكلي شبيج ليش تبجين ليش تعبانه شون جانت ليلتج الاوله هيه ابد ولاهتمتلي باركتلي حالهه حال الوادم عمه سعاد سألتني اذا مرتاحه او اذا عمر مأذيني البارحه حتى على نزف سألت بس ماما لا حايره بندى خاف تطلع حامل مداريتهه مثل المي البصينيه وهيه بعدهه مو حامل كل همه يصير عدهه حفيد قبل خاله سعاد وناسيتنه اصلا سمعت طكت جداحه عرفته ديدخن مسحت دموعي وحاولت انام بس مااكدر وهوه قريب عليه هيج

عمر.نمتي

سحر.لا

عمر.اني طالع اخذي راحتج ونامي

سحر. بعده يلبس بهدومه وسمعنه صوت صريخ وخبصه صارت طلعنه نركض لان لابسه ملابس مال بيت فعادي طلعنه لاكانه اثير طلع من غرفته على صوت وجه سؤاله لعمر

أثير.عمررر هاي شكو

عمر.ماادري حالي حالك امشي خل نشوف

سحر.نزلنه نتراكض كلنه وجان نشوف رهف مدده بنص الكراج وقتيبه يذب ماي على وجهه وهيه ولاكانوا ركض اثير عبرنه وراحلهه يدك على وجهه وجهه صار اصفر ولونه نخطف سمر واكفه يمي دك على روحهه وصرخ سألتهه بفزع

سحر.ولجججج سمررر شبيهه

سمر.ماتتت رررهف ماتتت والله اخر كلمه كالتهه بابا لاتررروح شافت عمي والله .

.
.
.
.
.
.
.
.
.
.
.
يتبعععععع❤

هلو كليباتي شلونكم شخباركم

بنات شنو رئيكم بتصرف رهف اليوم وي مرح 🤣🤣🤣

شنو رئيكم بأسلوب سحر وي عمر صح لو جاي تكبر المشكله اكثر بينهم ؟؟؟؟؟

رئيكم بسمر طريقة حجيهه وي اياد هل فعلا سمر مازلت تحبه او نار الحقد هيه تحركهه حاليا ؟؟؟

جد ليش هلكد مصر على زواج اسعد ورهف ؟؟

غيرته رهف وتعمق علاقتهه بأثير صارت واضحه لكن هل ستعترف رهف ام فات الاوان

توقعاتكم شنو صار وي رهف وهيج وكعت هل مازلت على قيد الحياة ام فارقت روحها الحياة

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني 😘😘😘😘😘😘

أتمنى تكونون استمتعتوا بلقراءة احبببكم هواي كليباتي.

بنات هاي وحده من المتابعات مصممه غلاف القصه حسب شخصيات هذا الغلاف شنو رئيكم بي (( عمر وسحر )) وهذا الحساب مالتهه user46467733

وهذا ثاني شوفوا (( أثير ورهف ))

شكرا الج حبي على جهودج هايه وعاشت ايدج تصاميم كولش حلووه 😘😘😘😘 user46467733

بنات اي وحده عدهه فكره او تصميم على القصه
وشخصيات حسب نظرهه خل تصمم ودز خاص

واخيرا لاتنسون تصوتون على الصور حتى اشوف منو عجبتكم اكثر واكيد لاتنسون تعلقون على البارت وتتفاعلون وي القصه ❤❤

UMtota.......