رواية ألضابط و المنقبه الفصل الثاني وثلاثون 32 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

........................................
مرح .

عيونك ألضيعت كلبي
وخذت كل روحي بكحلها
يابعد عيني وقبلها 💜

سمر.

اذا كان غرورك سفينه ألتايتنك التي ادهشت العالم

فتأكد ان كبريائي جبل الجليد الذي اغرقها 💜

...................................UMtota.

سمر.طلعت وي سحر بعدين كتلهه بس اروح للحمام ورجع اول ماوصلت سمعت جدو يحجي بتلفون وي واحد ماركزت زين بس سمعته كاله اخر شي

جد.هذا هوه باجر راح يتم مثل مااتفقنه لاتخاف اثير مااراح يعرف ولايشك بشي طمن بالك تريده راح يصير الك باجر ونخلص من هذا الموضوع

سمر.لبدت قبل لايشوفني يريي هاي شكو على شنو ديتفق جدو وشمعنى اثير مايعرف بلموضوع زين وي منو جان ديحجي معقوله اسعد لامااصور اووف منك جدو والله كلبي حاس راح ذبنه مصيبه ماادري ليش

رهف . شبيج ولللج

سمر.ييييمه خرررب يومج رهف وكعتي كلبي والله

رهف.هههههههههه خبال وين جنتي صافنه ولج

سمر.لاهيج وله اكلج لازم تعرفين لان شغله تخص رجلج

رهف.خير شصاير شبي اثير

سمر. موهوه جدي مااعرف على شنو ناوي

رهف. سمر احجي فضيني يبستي كلبي ترى

سمر.تعاي للغرفه خل نحجي

اخذتهه ورحنه للغرفه ضلت صافنه بوجهي حجيتلهه كلشي سمعته من جدو وجهه تغير لونه مااعرف ليش صوفرت

رهف.معقوله جان يحجي وي اسعد

سمر.أسعد شجابه على بالج اتوقع سالفته نحلت

رهف.لامااضن لان جدو قافل علي قفله زينه

سمر . وهسه شنو نبلغ اثير لو لا

رهف.لازم ابلغه بلحجي سمعته لان من غير شي اثير حياته بخطر مودور يجملهه علي جدو

سمر.اسم الله انتي جاي تحجين رهف شنو حياته بخطر شقصدج

رهف.الشخص الحاول يعتدي على سحر هوه نفسه وره خطف اثير وتفجير سيارته

سمر.يمممه عزززه انتي جاي تحجين رهف متاكده

رهف.لازم اطلع ابلغ اثير بهذا الكلام بس شلون خاف احد ينتبهه علينه وخاصة جدو

سمر.انتظري من يصعد واصعدي وراه

رهف.وهوه هيج خلينه نرجع يمهم انتي ماتجين

سمر.اي جايه وياج يلا

بعدني بس ردت اطلع دك تلفون رهف رقم غريب باوعت عليهه

رهف.منو هذا الرقم مااعرفه

سمر. خلص لاجاوبين اذا خايفه

رهف.باعي دز رساله

سمر. شنو يكول بالله

رهف.شنو معناتهه هذا هاج شوفي

سمر.اخذت منهه تلفون جان كاتب بيهه .

💌بس باجر والحجي كله يختلف بعد راح صيرين ملكي اولااصح انتي ملكي اساسا كلشي بيج راجع اليه مابقى بس ساعات وصيرين بحظني يااحلى جسم شفته بحياتي .

رهف.سمر منو هذا اني خايفه والله

سمر.انتظري راح اصيح أثير واجي بسرعه

رهف.اوكفي واذا احد شافج شلون

سمر لاتخافين ادبرهه من يمي

عفتهه وطلعت الكل مجمع بلهول هاي شلون شغله استغليت الفرصه شفت اثير مشغول بتلفونه دزيتله رساله

💌 أثير تكدر تجي للمطبخ اريد احجي وياك شويه

رفع راسه عليه مستغرب بس من ركز بوجهي اشرتله كام راسا كمت وراه اول مادخلنه للمطبخ سألني

أثير. شكو شصاير وياج

سمر.مو اني رهف منهاره بلغرفه لازم تروح تشوفهه بسرعه

أثير.. شنوو رهف شبيهه قبل شويه جانت تضحك وماكو شي

سمر.والله ماادري شكلك

أثير.احجي شبيهه بسرعه

سمر.ياريت لو تفهم منهه احسن

أثير. لهدرجه الموضوع جبير وماتكدرين تحجينه

سمر.اي اسمع من مرتك احسن بهواي

اثير.صاعد فوك روحي صيحيهه خل تصعد وراي بسرعه

سمر.هيه بلغرفه اكعدو واحجوا براحتكم .

أثير.سمررر لاتعاندين كتلج صيحيهه بدون نقاش

عافني وصعد كبل رحت لرهف بس كتلهه طلعت صعدت وراه راسا وضعهم مبين اكو شغله كلش جبيره بس مايحجون كعدت على جربايه احس حيلي كله نهد مااعرف شبيه دك جهازي رقم خفت صراحه خلص وماجاوبت دز رساله

💌 اني مصطفى فتحي خط

💌 خيرر شرايد تتصل بهيج وقت

💌 شرايد ولج بابا انتي ليش ماعندج احساس هيج

💌 المطلوب شنو هسه اشتريلك احساس يعني

💌 سمر لو جاوبين بأدب شويه يكون احسن بهواي

💌 احمد ربك جاي اجاوبك وماغلقت الجهاز

💌 اي حتى تلكيني فوك راسج غير جربي سويهه وشوفي وبعدين اني كتلج فتحي خط كمتي تراسلين عود شنو معناتهه هاي

💌 معناتهه تعبانه واريد انام عندك شي مهم تحجي لو اروح

💌 لاروحي ارتاحي وشبعي نوووم خاتون الايام جايه انشاء الله ونشوف شراح يصير اله اخليج تتمنيهه هاي المراسله مااطلع مصطفى

💌 نشوف عود اذا صارت ساعتهه ورغبتلك بهاي طريقه لو تريد روحي ما أتردد انطيهه الك

💌 انتي شنو البيج وكاسرج بهاي طريقه سمر انتي اكو احد بحياتج وخاذلج لذلك جاي تصرفين هيج

💌 لاماكو هيج حجي متوهم

💌 لامو متوهم بس انشاء الله اطلع متوهم ولايطلع البالي صح ساعتهه مراح يصير خير صدكيني سمر

💌 تصبح على خير

💌 وهذا تهربج اكبر دليل نصيحه اعترفي بنفسج لان من اعرف بطريقتي راح اذيج صدكيني

💌 ماتكدر تأذيني واني بيت اهلي واخوتي موجودين

💌 يعني اكو احد سمر مو

💌 شنو جاي تسحب مني حجي انته

💌ألاريده اعرفه وغصبا عليج تنفذين بدون نقاش لاتنسين انتي مرتي خاتون

💌هسه اني مجاوبتك علمود مانتعارك تالي كلبتهه عركه انته اذا شاك بيه هيج ليش خطبتني

💌 موقصة شك لامتوهمه بس اريد اعرف كلشي يخصج من نولدتي لليوم والاهم من هذا كله اريد اعرف منو هذا الحبيتي وماصانج

💌 ومنو كلك اني حبيت بيوم من الايام

💌 تهجمج بلكلام هذا اكبر دليل ونفورج مني لاتتوقعين مانتبهت سمر انتي حتى ماتباوعين بعيني من تحجين كأنج خايفه من شي واضح بعيونج وخاف اكشفج عن طريقهن

💌 نكدر نأجل هذا الموضوع لغير يوم لان فعلا تعبانه وحاليا مشغوله وي مرت اخوي مااعرف شبيهه

💌 اذا زوجت اثير فأريد اكلج شي

💌 اي زوجت اثير بس شكو

💌 سمر سمعيني شايفه باب الكراج مالتكم ممنوع طلعين وي رهف لباب الكراج مفهوووم ومااريد نقاش بلموضوع ياريت تنفذين بدون ماشلعين كلبي

💌 مثل ماتريد بس بالاول لازم تنطيني سبب مقنع يلا

💌 شوفي اخوج ومرته ثنينهم مراقبين وحياتهم معرضه للخطر بأي لحظه لذلك لو تحطين عينج عليهه دائما خاف يصير شي لاسامح الله يكون احسن بهواي واكيد اثير مايخليهه تطلع من البيت مابيهه مجال

💌 خوفتني والله

💌 لاتخافين ماكو شي انشاء الله هاي اثير جاي يتصل عليه يلا اخذي راحتج ولاتنسين الكتلج علي

💌لاماراح انسى اطمأن

مارد عليه اكيد جاي يحجي وي اثير زين شنو صاير وي رهف واثير احنه مانعرفه ضليت كاعده افكر بكلامه للحظه ردت اكوله كلشي  يخص اياد بعدين تراجعت خاف يفهم غلط والاهم يمنعني من بيت اهلي لان بعتبار عايشين بيت واحد باوعت على ساعه هاي شنو صارلنه ساعتين نتراسل معقوله بس رهف تاخرت بس لاأذاهه اثير اووف يربي شوكت نرتاح .

......................................

رهف. صعدت لغرفته ترددت ادك الباب صراحه رغم كلشي بس خايفه من ردة فعله من يقره الرساله اذا اني لحد الان جسمي يرجف من عدهه شلون هوه اذا قراهه
اخر شي شجعت دكيتهه على كيف راسا فتحهه وسحبني وسد الباب ضليت صافنه وهوه يباوع لوجهي لان صاير خريطه من البواجي

أثير.حبيبتي شبيج

رهف.مأاعرف منين ابدي بس لازم تعرف خاف يصير شي

أثير.رهف شكوو احجي

رهف.سمر قبل شويه سعمت جدو يحجي بتلفون وي واحد وجان يكوله

أثير.شيكوله احجي خلصيني

رهف.كايله ....................... حجيتله كلشي ضل صافن بوجهي وعاقد حواجبه بستغراب راح كعد على الطرف مال جربايه وكال

أثير. عود شنو معناتهه هاي وليش اني بذات مايريدني اعرف ومنو هذا العنده شغله يم جدي ومايردوني ادخل

رهف . اكو شي بعد لازم تعرفه او شوفه بشكل أوضح

أثير.شنو شكو بعد

رهف.شوف هاي رساله وصلتني قبل شويه مااعرف من منو

أثير. شو جيبي تلفون

اخذه يقره بيهه وملامحه بلشت تحتد اكثر شويه شويه اباوعله الوجهه صار احمر من الاعصاب شال راسه عليه خزرني خزره وكع كلبي والله كلت هاي هيه راحت عليج يرهف اكليهه اجه وكف يم ورفع رأسي بيده بلعت ريكي بصعوبه وحظرت نفسي لضربه جايه سحبني من ايدي ورجع لنفس المكان كعدنه كتله

رهف . ليش ساكت شاك بأاحد

أثير.ماكو غيرهم هذا لو وليد الكلب لو ذاك ساقط اسعد

رهف.زين منين جابوا رقمي شلون هوه محد يعرفه

أثير.ماكو شي صعب اذا اسعد فأكيد جدي انطاه رقم مابيهه مجال واذا وليد هذا ماكو شي يصعب علي

رهف.خلص اكسر الخط او اغلق الجهاز وخلصنه من هاي سالفه

أثير.مو حلل هذا بس اريد اعرف شمعنى اني جاي يصير وياي هيج والله مرات احس الله جاي يعاقبني من كد مامشيت بلحرام وماخليت شي ماسويته هسه يوميه جايني واحد صفح وكلهه حاطه عينهه على مرتي

رهف. بس لاتنسى احنه حاليا مزوجين بلسر يعني محد يعرف حتى يبطلون او يحسبون حسابك

أثير.وهذا الموضوع لازم ينحسم وبهذا سبوع انشاء الله ينتهي كلشي

رهف.شقصدك يعني

أثير . اليوم حجيت وي الوالده تبلغ ابوي علمود يخطبج من جدي

رهف.صدك تحجي انته مو كانوا ستعجلت

اثير.لاستعجلت ولاهم يحزنون خل اخلص من هذا الهم كافي لعبت نفسي لشوكت ابقى منتظر هاي صارلنه سنه ونص

رهف.انته ادرى بس شنو كالت عمه ماعترضت خصوصا انته ستوك فركشت الخطبه مالتك انته وسوزان

أثير. لابلعكس فرحت من عرفت هذا شي

رهف.صدك والله

أثير.انتظري خل اتصل على مصطفى يشوفلي رقم المن بالله

بقى يتصل ويروح ويرجع منتظر خبر منه اخر شي كاله لباجر شمر تلفون وكعد يهز برجله احسه على اعصابه كاعد تذكرت علاجه كمت جبته اله وانطيته كلاص مي مديتهن اله رفع راسه عليه بس معصب كلش

رهف.اثير شبيك ليش دتحسسني اني الغلطانه

أثير.لااحسسج ولاتحسسيني ولوتعوفيني وطلعين يكون افضل لان مااريد اذيج او اجرحج بلحجي

رهف.جاي تطردني اثير زين شنو ذنبي اني حتى تعصب عليه هيج

أثير.موووووذنبج ذنببي اني لان اني واحد كوووواد وساقط لان ازوجتج بهاي طريقه مال اسقط خلق الله وفوووك هذا كله صارلج سنه ونص وياي ومحد يعرف بيج مرتي حاجيني شفرق اني عن هذا لودالج الرساله هاا شفرررق

رهف.اثير أعصابك انته تعبان على كيفك وي روحك

كام عليه وسحبني لطشني بلحايط وعيونه تجدح نار من الغضب البيهن كال

أثير. تعرفين شنو شعوري واني اشوف واحد يتغزل بعرضي ولجججججج يكلج جسسسمج وييييين شايف جسسسمج فهميني اذا اني مامتقرب منج وشايفج جسممج شلون يحجي هييييج هاذا اذا ماشايفج فهمينيي

رهف.شقصدك يعني انته تشك بيه اثير

بس حجيت هيج جان يضربني على حلكي بكفه ايده بس ضربه من ضربه بحيث شاغت روحي منهه حسيت بطعم دم كام يطفر سحبني من شعري حسيته نشلع بايده وحجه

أثير.حللللكج امررده اذا حجيتي هيج بعددد فاهمه مووواني اليحجون بمرتي واضل ساكت اباوع بعيوني وعد عليه اله اخلي يتمنى الموت ومايلكاه اببن الكلب وين يروح مني يطيررر

بقيت ساكته مارديت علي لان شكله صار يخوف هسه بس احجي يتخبل عليه رفع راسه باوع عليه وابتسم بطريقه خلت كلبي يرجف من الخوف

أثير.وليش اخليهه بنفسي

رهف.شقصدك

راسا سحبني لجربايه شمرني عليهه حسيت ضهري نكسر من دفعه وصار فوكاي بلعت ريك بخوف وكتله

رهف.شراح سوي

أثير.حلالي حارم نفسي منه وغيري يتغزل بي حتى الله مايرضاهه

رهف. لااثير الله عليك لاسوي هيج حباب

ولاسمع مني خفت ادفعه ويتخبل عليه مثل ذيج المره اجرءة كلش بلمساته شك ثوب عليه من طول لطول حرت شلون استر نفسي من نظراته عبالك مبدلي مونفسه اثير جان يباوع عليه من فوك لجوه اخترقني بنظراته توسلت ردت ولايمه اصلا عضني من ركبتي حييل عطتت بصوت من الالم جان يسكتني بطريقته ضليت ارفس برجليه لان خنكني كلش قيد رجليه برجلي هنا غمضت عيوني واستسلمت لان مستحيل اكدر اخلي يوخر هذا كله وهوه لازم شعري بكل قوته كل ماادفع بي يرجع يسحلني اذاني حييل حجيت بصوت يرجف حتى توقعته ماسمع

رهف.بروح عمك التحلف بي دائما لاتكسرني بهاي طريقه الله يخليك

اني حجيت هيج مااحس اله جابني براشدي اندار وجهي لجهه ثاني من قوة ضربه وصار جنت خايفه منه تخبل بلزايد عليه عاقبني على ذنب مو ذنبي ولاالي بي

أثير. اكسررررج لججججج حيوانه صاحبجج اني حتى اكسرج احجييييي شنوووو نبلع لسانج

رهف.اسف والله موقصدي ورحمة بابا موقصدي بس الله يخليك عوفني لاسوي هيج

أثير.ليييش ماتردييين اتقربلج احجي من شنو خايفه احجيييي

رهف.ماخايفه من شي وقصدك واضح ترى ياابن عمي اطمأن محد لامس شعره مني عشت طول عمري محافضه على نفسي ومحد حاط عينه بعيني غيرك

أثير.هسه نشوف بس وروح عمي طلقه وحده ماتكلفيني وبنفس اللحظه اذا طلعتي مو بنيه

رهف.لامدام الحجي هيج صار وكمت شك بشرفي فوخر عني احسلك اثير وخررررررررر عنيي لاواللله اكتل نفسي ولاخليك تلمسني

أثير.هههه وشسوين بالله شلون توخريني وانتي صايره جواي وهدومج مشككه

رهف.مدام ماعندك ثقه بيه فلخاطر ترابات عمك عوفني خل اطلع منا

أثير.مو جنتي قويه ليشششش ضعفين بسرعه جاوبي بهاي لحظه اكدر اتمم زواجنه وماتكدرين سوين شي غير دموع بس انتي جبانه وصيده سهله لليسوه والمايسوه مع الاسف

رهف. شقصدك يعني انته

أثير.لججججج اي خبله شوكت تفتحين مخج اخس وانكس واحد ممكن يعتدي عليج بسهوله حتى دفاع ماتعرفين دافعين

دفعته من صدره بكل قوتي اندفع لجهه ثانيه طفرت لفيت نفسي وحجيت بحركه احس روحي راح اوكع هذا شنو يعني جان راح يوكف كلبي وهوه بس جاي يختبرني

رهف. المنعني أقاومك هوه خوفي من غضبك عليه بس مومعناتهه اني جبانه ومااكدر احافظ على شرفي وحتى اذا جان سويته مجرد اختبار فكلامك مستحيل انساه اثير شكك وعدم ثقتك بيه مستحيييل انساهن اثير مستحييييل

حجيت هيج وفتحت الباب حتى ماانطيته مجال يحجي كبل نزلت اركض للحمام قفلت الباب وكعدت بلحمام ضليت ادك على روحي خرمشت وجهي شعري كطعته فقدت بلحظتهه اصعب شعور ممكن يجربه الانسان هوه عدم الثقه وهذا صار وياي ضليت على هاي الحاله ماادري شكد لحد ماندك باب الحمام غسلت وجهي ولفيت شعري بس كوه واكفه جسمي كله يرجف من الهبطه الاكلتهه همزين جان اكو دشداشه اليه بلحمام لبستهه وطلعت صار اثير كبالي

أثير.رهف بيج شي اكو شي يوجعج

رهف. ههه عوفك من هاي سوالف تسويلي فضل لو تبتعد عني وتخلي مسافه بينه من اليوم ورايح

أثير. شنو هذا الخرط روحي ارتاحي وبعدين نحجي بلموضوع

رهف.وخر عني خل اروح للغرفه

ماانطيته مجال يحجي شي عفته ورحت للغرفه كبل اخذت حبايتين مال منوم ماكو عشر دقايق عيوني كامت تلزك ماكعدت اله ثاني يوم بتلاثه العصر كمت ملل مالي خلك كلشي طالعه روحي من دنيا كلهه كمت سبحت حتى يروح مني هذا تعب شويه لبست ثوب طويل ولفيت شال اريد اطلع جان ينفتح الباب دخل جدو تفاجئت شعنده مو بلعاده يدخل علينه

جد.همزين لكيتج لابسه تعاي وياي

رهف.وين جدو

جد.بدون اسأله يلا بسرعه طلعي كدامي

رهف.زين بس خل البس

جد . لاملابسج تمام وهاي عباتج يلا اطلعي كدامي

سحب العباه شمرهه عليه ولزم ايدي طلعنه الكل مجمع بلهول وعلامات الاستغراب واضحه على وجوه الكل اقصد النسوان بس جانن موجودات اشرت لسمر اجتي تركض ورانه سويت روحي عثرت بلباب هد ايده جدو اجت سمر كومتني تعدل بعباتي دنكت وهمست بدون مايسمعني جدو

رهف.سمرر اتصلي بأثير بسرعه عفيه جهازي بقى بلغرفه مالحكت اخذه

سمر.اي ماشي

جد.يلا بويه امشينا هسه نرجع مانتعطل واشبعن سوالف

سمر.جدو وين رايحين خل اجي وياكم

جد.لابابا غير مره اخذكم انشاء الله يلا رهف

سحبني وطلعنه للباب اتفاجئت بجدو هوه يسوق طلعنه وكفنه يم بيت كلش راقي مايقل عن بيت جدو نزل جدو اول ماوكفنه بدون مايدك الباب طلعوا يتراكضون مااعرفهم فجاءة رفعت راسي صار كدامي اسعد ابتسم بوجهي واني وكع كلبي شناوي يسوي جدي وليش جابني وحدي شنو راح يذبني عليهم يعني

............

سمر . اول ماطلعت رهف ضليت ادك على اثير بس بلا فائده فوك العشر مكالمات ومارد رجعت على مصطفى ماعندي حل لازم اتصل بي دك اول مره ماجاوب عفته ردت اتصل على عمر دك مصطفى راسا جاوبت ونترت بدون ماانتبهه

سمر هايي وينك ليش ماترد

مصطفى. على كيفج جان يمي جماعه وماكدرت ارد خير شبيج

سمر.انته وين هسه

مصطفى. طالع للبيت ستوني كولي سمر شبيج

سمر.الله يخليك بس شوف اثير موجود لو لا

مصطفى. اي موجود بلمكتب مالته جاي يشتغل

سمر.ليش ميفتح خط اذا موجود ميكول صاير وياهم شي شهل برود العنده هذا

مصطفى. ههههههههه يابويه هاي انتي المايرد عليج هيج تعصبين

سمر.ليش حضرتك موغلست اول مره مارديت

مصطفى. موكلت يمي جماعه ترى بعد وكت على العرك لاحكين عليمن مستعجله

سمر.عفيه تكدر دز تلفون لااثير صارت شغله ولازم يعرف بيهه ضروري قبل لايصير شي

مصطفى. خير خو ماكو شي يعني اقصد الموضوع يخصج لولا

سمر.لالو يخصني الموضوع جان كتلك الك ليش اطلب اثير بس الموضوع يخص زوجته

مصطفى. واخيرا سمعت منج كلمه تريح الكلب بس شنو شبيهه لاتكليلي طلعت من البيت

سمر.اي جدو اخذهه وياه

مصطفى. لايااااالله الله يكون بعونك ياأثير على هاي المصيبه انتظري راح ادزله تلفون وانتي احجي وياه تمام

سمر. ياريت تستعجل لان من زمان طلعوا

مصطفى. اي ماشي

اسمع صوت باب سياره ينسد يعني فعلا جان طالع شويه وسمعته يحجي وي اثير

اثير.هاولك بعدك هنا

مصطفى. غير ناسبتك بدت رحمة الله من هسه هاك اختك دك عليك وماكو

أثير.وانته منيلك رقم اختي ولك شعدك وياهه

مصطفى. اريد انسق وياهه شنو رئيك

أثير. ههههههههه طول عمرك ضل ساقط تدري لو لا

مصطفى. دسكت لاتخليني اغردلك هسه مو اختك على الخط

أثير.روح انته لاتتعطل اني راح ادك عليهه

مصطفى. لاتخاف اني المخابر يعني رصيدي مو رصيدهه

أثير.اذا هيج الحجي جيبه التلفون

مصطفى. هههههههههههه ماصيرلك جاره لا والله

أثير . ههههههههه غير انته صاحبي

مصطفى. من ساعة سوده صادقتك بيهه

أثير. هههههه ها سمسم شكو

مصطفى. انوووب يدلعهه كدامي يلحمزه

سمر. اثير اسمعني عفيه عوفوه الشقه هسه

أثير.شكو صاير شي

سمر. اي جدو اخذ رهف وطلع من البيت صارله بنص ساعه هيج

أثير.وين اخذهه والخاتون شلوون تطلع بدون علمي

سمر.والله مالحكت جدو اخذهه بهدوم البيت بس العباه لبسته وساحلهه من ايدهه وراه بس هيه كالت خابري اثير بسرعه انته عندك علم بلحجي سمعناه مو

أثير.يعني الحجي موبس يخصني معناتهه يخص رهف بس لا

مصطفى. اثير ها اعتذر ماادري بيك بعدك تخابر

أثير.كول اسمعك

مصطفى. طلع صاحب الرقم دزيته اليه امس

أثير.اي منو

مصطفى. اسمه أسعد محمد طارق

أثير.معناتهه سووواهه جدددي سمررر خلي عمر يروح لبيت جدي طارق بسرعه هاي اني جاي بطريق بس هوه اقرب بسررررعه

سمر.الله عليك لاتخوفني شراح يسون بيهه

أثير.محد يسوي شي انشاء الله يلا بسرعه

سمر.سديته وطلعت اركض للباب لكيت عمر ستوه داخل للبيت شافني اركض علي واحجي انهبط

عمر. ولجج وحده وحده مجاي افهم عليج اي شي احجي عدددل

سمر.جدو اخذ رهف وراح مانعرف وين ورهف اجته رساله تهديد البارحه بليل شخص يتوعدلهه باجر صير اله وهسه اثير خابر طلع رقم لالسعد ابن جدو طارق

عمر. لابربببج صدك تحجين عوود واثير وينه

سمر.اي والله وهسه اثير يكول خل عمر يسبقني لبيت جدو طارق وهوه راح يجي وراك

عمر.اي ماشي راييح

طلع عمر اجن مرح وسحر طبعا عرفن كلشي لان جانن واكفات وسمعن الحجي كله بيني وبين عمر ظلينه واكفين بلكراج منتظريهم يجوون

.......................

رهف.دخلن الكل مستغرب لان وحدي وملابسي مال بيت ردت ادخل من جهة النسوان اجه جدو سحب ايدي ودخلني الاستقبال اتعجبت جدو شلون يكعدني يم الزلم اجه اسعد تقرب مني وهمس

أسعد.شلون رهف

رهف. الحمدالله

أسعد.شبي خدج منو هذا ضاربج هيج .

رهف.موشغلك هذا شي يخصني

أسعد.ههههههه مابقى شي يحلوه بس اصبري كلهه دقايق ويصير شغلي ويخصني هم

باوعتله باستغراب شويه وكال جدو

جد.هااسعد جاوين سيد موكتلك استعجل

اسعد.هههههه هذا وصل جدي انته محظر كلشي

جد.اي كلشي موجود

رهف.همست بصوت خافت لجدو ..جدو شديصير

جد.راح اعقدلكم انتي واسعد والزواج بعد سبوع واحد

رجف كلبي شنوو يعني يعقدلنه لايالله هسه شسوي اني بهاي الحاله لازم اطلع منا بأي طريقه اول ماردت احجي دخل اسعد وياه رجال جبير كاموا كلهم رحبوا بي همست لجدو اريد حمام بس رفض لزم ايدي حيل وماخلاني اطلع بدو بالإجراءات مال العقد واني اتصارع وي جدو ودموعي تجري بس اريد يهد ايدي يربي والله حرررام الكاعد يصير وييينك اثيررر تعال شوف جاي يعقدون لمرتك لكككك وييينك دمرتني شكووول عليك اثير اول ماسألني مااحس اله دخل عمر راسا طفرت عليه ولبدت بضهره اجه جدو علمود يسحبني من وراه حط ايده كدام جدو

جد.عمرر انته شجابك هنا وبعدين وخر عن رهف خل نكمل رجال دينتظر

عمر.وشلون تريد زوجهه وهيه رافضه شنو اجباري يعني

جد.اطلع انته منهه مالك علاقه مواخلص من اثير تطلعلي انته

اسعد.عمر وخر عنهه خل نكمل العقد لاتكمل بجيته شفيه اخوك

عمر.والله انته جبتهه لروحك لان ندكيت باخوي جم مره كنالك لاتحط عينك على عرضنه ياساقط

مااحس اله عمر ركعه كله على خشمه وسحبني وطلعنه على سريع من البيت شخط سياره ويمشي بكل سرعته طريق كله اني بس ابجي مامصدكه عمر لحك عليه وخلصني اول ماوصلنه للبيت جان توكف سيارة اثير اجه بتجاهي عفته ودخلت للبيت راسا اجه يركض وراي سحبني من ايدي

أثير.اوووووكفي شلوووون طلعيييبن بدوووون علمي

عمر.اثير اهدى شويه راح تفضح نفسك ياخويه

أثير.خلي الكل يعرف بعددد محد يهمني حسابج بعدين بس خل اخلص من ذاك العار

جد.اوووكف مكانك والله وكبرتوا وطغيتوا يااولاد محسن وكمتوا تعلون صوتكم على جدكم وتكسرون كلمته كدام العالم عاشت اديكم يارفعة راسي

عمر.محشوم جدي بس انته رغم كلشي حجينا الك عن اسعد بعدك مصر زوجه رهف ليش بس فهمنه ليش متمسك بس هيج

جد.لان اطيت كلمه بديووان وكدام العالم ورغم وصاخته وقذارته جاي يهدد بينه يفضحنه ويكول بتهم معيوبه وعفتهه

أثير. وروح عمي مايطلع علي صببح اليوم اسعد اذا مادفنته بيدي مااطلع اثير

جد.خلونه نتاكد اول شي يلا تهدون علي

عمر.من شنو نتاكد جدي

جد.محسن نوووال

محسن. ها يابه

جد.تاخذ نووال وتروح انته وياهه وتاخذون رهف وياكم لااقرب دكتوره وتكشف عليهه خلينه نعرف بعدهه بنيه لو لا

رهف.لاااااااااا جدو مستحيييل انته شجاي تكول والله جدو اني شريفه ومانزلت راس بابا طول عمري حاطته كدام عيني

جد.انجبببي حيييوانه صوتج مااسمعه ترحين وغصبا عليج . ضربني بكل قسوه

رهف.لاااااا مااروح ولاابقى بيتكم بعد اني مااريدكم هييج اهل ماعدهم ثقة بتهم مااريدهم صارلي سنه ونص عايشه وياكم ماعرفتوني ماعرفتوا طبعي ليش اني بنظركم وحدده ساقطه ليييش لان شتغلت بتعبي وحافظت على كرامتي بس والله مانذليت جنت اشتغل خدامه بلبيوت ومانذليت مثل الذله العيشتوني بيهه انتم من يوم طبيت لبيتكم لحد لان بس بماانو اني وحده فكر وساقطه وكملت هسه وياك طلعت موشريفه مستحيل ابقى وياكم تحت سكف واحد بعدد انسوني مثل ماجنتوا ناسيني من قبل اعتبروني متت وي ماما وبابا بعد لاتعترفون بيه ولاعترف بيكم

عم علي.اذا حجيج صح ليش خايفه هيج بلاهه هاي دراما كلهه وروحي وي عمتج وخلصينه

رهف.وتصور اذا اخذتوني لهيج مكان ارجع ادخل لبيتكم لو اباوع عليكم بعد شكد نضلمت بحياتي بس رجعت نضلمت على اديكم واحد واحد

جد.كافي لغوه زايده يلا نووال تعاي اخذيهه بسرعه

رهف.كتلكم مااروح مااسمحلكم تهينون بابا و هوه بكبره بهاي طريقه

عم محسن. زين اطينه سبب مقنع ليش تتخبلين من سالفة زواج اذا ماكو شي

رهف.مااريد ازوج وراح اريحكم مني واطلع من هذا البيت بشكل نهائي

جد.راح تطلعين بس على كبرج ياسافله يلا محسسن

اجه سحبتي بكل قوته ودفعني للباب وكعت على وجهي بس كبل لااوصل للكاع لزمني اثير حط ايده على متني وكومني دار عليهم وحجه وياهم

أثير.رهف ماراح تروح لاي مكان وماكو داعي للفحص جدي حفيدتك اشرف منهه ماكو لاتذلهه بهاي طريقه

جد.وانته ليش واثق هيج شمدريك بيهه بعدههه بنيه

أثير . ليش بربك اكو واحد مايدري بروحه اذا ماخذ مرته لو لا

حجه هيج وخله الكل دخل بحالة صدمه ومن ضمنهم اني متوقعت يحجي فجاءة عاط بس جدو

جد.انته شجاي تحجي وووللك شنو مرته احجي فهمني لاضل ساكت

أثير . مايحتاجلهه شرح هاي كدام الكل وكلكم سمعون رهف مرتي وانتهى الموضوع

هوه حجه هيج وصارت الاتهامات تنزل علينه من كل صووب بس عمر والبنات واكفين على جهه فحاءة تقدم جدو سحب سلاح عمر لان جان واكف يمه ورفعه بوجهنه اثنينه ضلينه جامدين من صدمه .

.
.
.
.
.
.
.
.
.
.
.
.
يتبعععععع❤

هلو كليباتي شلونكم شخباركم مشتاقون

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني 😘😘😘😘😘

اليوم ماراح اتركلكم اسئله او توقعات راح اخليكم وحدكم تعلقون وتنطون رئيكم بلفقرات مال البارت

بنات عندي اقتراح شنو رئيكم اخلي تنزيل بين يوم ويوم وانزل بارت طويل منتظره اعرف جوابكم موتنسون

((( بدون متصعدون البارت وتكثفون التصويت والتعليق مااوعودكم انزل باجر ))

الباررت القادم راح تكون احداثه مشوقه يعني (( تشويق واكشن واثاره ))

واخيرا اتمنى تكونون استمتعتوا بلقراءة احبببكم هواي كليباتي ❤❤

HAGR ✍🏻