رواية ألضابط و المنقبه الفصل الحادي وثلاثون 31 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💕💕

( ألظابط و المنقبه )

أتمنالكم قراءة ممتعه حبايبي ❤

.................................................

سوف أضع ثقتي بك ولاول مره
لاافكر ماذا سيحدث معي لااعلم
لماذا انا صامته ومستسلمه للاامر
هكذا لكن اذا كنت انته قدري فأتمنى
لااتخذلني ولاتجعلني اندم على
اختياري للك 💔💔💔
..................................... UMtota.

اثير.يابه صباح الخير بيهه مجال تطنه ريوك لو لمن تخلص سوالفجن

رهف.صباح نور لاكايمه اسويلك

عمه نوال.اثير جدك يريدك بسرعه يكول خل يجي

أثير. ياستار ماكالج شرايد

عمه . لاوالله يمه بس ماكو شي يخوف لان وجهه عادي بس بعد انته تدري لجدك ماينحزر

أثير. رهف اوكفي لاسوين شي خل اشوفه واجي

طلع اثير راح يشوف جدو والكل بدة علامات الاستغراب على وجوههم مانعرف شنو جاي من مصيبه جديده بس مانكول غير الله اليستر اتاخر كلش اكثر من ساعه وهوه ماكو توزعنه على البيت كلمن لزمت شغلهه لان اليوم المهر مال سمر وسحر نايمه بلهول بقينه اني ومرح تنظيف البيت وهدى وندى لازمات الخطبه

سحر.شبيج ولج غير عروس اليوم يحضي

سمر.اسكتي عني روحي ماطايقتهه

رهف. خير سموره شبيج

سمر.ماادري بس احس اسرعت بقرار زواج

رهف.علمود اياد يعني

سحر.انتي بعدج شايلته مشاعر سمر

سمر.لامو هيج فهمتني غلط بس خايفه من مصطفى مااعرف عنه اي شي شلون راح ارتبط بشخص مااعرفه

سحر.يمعوده احسن من تعرفينه هسه شحصلنه منهم احنه شو بس شلاع الكلب

رهف.لاتخافين يروحي مدام صديق اخوج امني اني اكلج

سمر.انتي اسكتي لان اني مامخوفني غير هذا شي صديق اثير يعني اكيد نفس طبعه

رهف. لجج شو تحجين علي كدامي صدك ماتستحين

سمر.انوب دافعله شحال لوما مسويج مكفخه اربعه وعشرين ساعه

رهف.وانتي شحارك دمج اني ورجلي نتصافه انتي شعليج

سمر.امدج اي والله ضلي مكيفه على رزايله

رهف.وتالي وياج انتي دحيري بمصطفى شعليج بينه

سمر.اوووف لاذكرني اني ماخايفه بس من الكعده وره العقد شلون اكعد ويا وحدنه

سحر.هههههههههههههههههههههههههه امده حظي ولج هيه هاي راح تطلعه على حقيقته لو ابيض لو اسود

سمر. شون يعني مافهمت ترى

رهف.صدك سحر شقصدج عود

مرح.هاي عود انتي مجربتهه يحظي وجايه تسأل سحر شقصدج ههههههههههههههه

سحر.ههههههههههههههه شفتي بالله شحجي وياهه هسه

مرح.ههههههههههههههه عوفيهه يمعوده بس مااكول غير الله يعين اخوي عليهه

رهف.ليش ولجن هيج صارت مو

مرح.دكومي عيني رجلج يريدج بالاستقبال

رهف. شراد مكالج

مرح.لاوالله كال طلعي وخلي رهف جيبلي ريوك وتجي

رهف.زين جدو يمه لو وحده

مرح.لاطلع جدو بقى وحده

رهف. تمام خل اروح اني

عفتهن كاعدات ورحت سويتله ريوك واخذته اله الاستقبال لكيته كاعد يدخن ومبين ضايج كلش

رهف.شبيك حبيبي

أثير.هاا شوكت اجيتي انتي

رهف.شبيك اثير لاتخوفني يعني محسيت عليه من دخلت شنو

اثير.لاوالله محتار لياجهه التفت كلهه نسدت بوجهي

رهف.كول يالله ماكو شي يبقى على حاله

اثير.ونعم بالله بس اني من البدايه جبتهه غلط بغلط وهاي جاي يطلعن عليه وحده وحده

رهف.عفيه لاتخوفني عليك شنو هذا الكلام

اثير.لاتخافين يعمري الكاتبه الله يصير شنريد نسوي يعني

رهف.عوف هذا الحجي هسه وتريك علمود علاجك راح الوكت

اثير.مالي نفس بس طيني جاي علمود الجكاره

رهف . اثير شنو هذا الحجي انته لازم تاكل علمود تتغذى زين

اثير.والله مالي نفس شبيج قابل جاي ادلل عليج

رهف.هههه واني راح ادللك ترد ايدي ومتاكل مني

اثير.شدسوين يمعوده صدك جذب شنو جاهل يمج ههههه

رهف. لاحشاك حبيبي بس اريد اوكلك بيدي مايصير

أثير.اي يصير ليش لا

كعدة يتريك اكل شويه مو هواي وشرب جاي شكد حاولت قفل بعد جان حاط دواه بجيبه طلع اخذه يلا شرب جاي شلت الصينيه اريد اطلع بعدين اذكرت شغله رجعت حطيتهه هوه شال راسه عليه منتظرني احجي

رهف.حبيبي انته تعرف اليوم المهر مال سمر مو

اثير.اي عندي علم ليش

رهف.مو شسمه

أثير. شنو تردين ملابس لو لصالون اذا ملابس اي بس صالون لا

رهف.ليش لا يعني

أثير.بدون نقاش حاليا لا ممنوع لامكياج ولاهاي سوالف التعبانه

رهف.هههههههه وليش بالله ممكن اعرف سبب

أثير.كتلج غيره شنو تردين كولي بس هذا مؤقتا المفروض تفميهه وحدج

رهف.ههههههههه تمام عموما مو هذا موضوعنا ردتك بي

اثير.شنو احجي

رهف.تطلع من البيت لو ماتدخل وره ماتخلص الخطبه اطلع لاي مكان ولاترجع اله لمن اخابرك يلا

اثير.هااااا ولج طرديني من البيت يعني ههه

رهف.لاموقصت طرد بس شوف اثير راح تجي بت خالتك هاي لزكه واكيد تلطش بيك هسه واني اريد اتونس بحفلة اليوم بس اذا بقت هيه هنا وانته هم معناتهه ماراح اتهنه ابد

اثير.وتالي وي غيرتج هاي شسوي حتى تبطلين تغارين

رهف.لاتحاول راح اضل هيج منا لمن تزوج ام رتوش واخلص منهه

اثير.هههههههههههه صدك عود ليش سميهه ام رتوش

رهف.غير هيه اول مره شافتني ضلت تقيم الله يسلمهه يحتاجلج رتوش وشوية ترتيب يلا طلعين توب

جنت احجي واقلد عليهه

اثير.هههههههههههههههههههههه بس برئي اني انته كامل يحلو ومامحتاج شي

رهف.فديت عيونك حبيبي

اثير.انته طالعه عينج كلش تدرين لو لا

رهف.اي ادري والفضل الك غير

اثير.وشمسويلج اني خاف على الحظنه والبوسه ترى ذني ماينحسبن خليهه بالج

رهف.وشتسميهن بالله ذني بقاموسك استاذ اثير

اثير.رتووووش ههههههههههههههههههههههههه

رهف.هههههههههههههههه الاتقلد عليه غير هيه حجتهه هيج

اثير.بس ضابطتهه بشرفي هههههههههههه

رهف. هسه ماكتلي شنو راح تطلع لو لا

اثير.اكيد اطلع غير الحكومه صدرت قرار بيه هههههه

طفرت عليه بسته بخده على سريع وخرت

رهف.شكرررررا يعمررري

أثير.تردين تقشمريني بهاي البوسه ولج شنو طفل كدامج

رهف.ههههههههه لعد شتريد وين ابوسك

اثير.لااني ابوسك يحلوو تعاي

رهف.راسا طفرت وخرت عنه شلت صينيه دخلت عمه سعاد فد رتبكت من شفتهه هيه استغربت كعدتنه بس همزين الباب مفتوح جان طلعت من يمهم راسا وعفتهم وحدهم حتى مااجرأت اباوع على اثير رحت كبل بلشت بشغلي اكمله حتى مارحت للبنات .

........................

اثير.دخلت الولده فجاءة اباوع رهف صوفرت من الخوف اول ماطلعت كعدت مكاني اجت امي كعدت يمي ومبينه الف سؤال بالهه

امي.اكول يمه اثير

أثير. ههههههههههههههه كولي حجيه بلشي بأول سؤال

امي.يعني راح تحجي الصدك

اثير.اكيد وشتردين تعرفين اني حاضر منين نبدي هسه هههههههههههه

امي.ههههههههههه خوش ديلا جاوبني على اسألتي

اثير.واني حاظر

امي.شعدك وي رهف ليش دائما عينك عليهه وين ماتروح وشايل همهه وتفكدهه وتحاسبهه من دون البنات شناوي فهمني حتى يرتاح كلبي يمه

اثير.والله حجيه تردين صدك البنيه اريدهه

امي . شلون يعني تريدهه تخطبهه من جدك غير لو شنو

اثير.اي اكيد اريدهه مره اليه طول العمر

امي. وسوزان يعني حجيهه صدك انته عفتهه علمود رهف

أثير.لاحجيه مو علمود رهف اني من البدايه كتلكم خفيفه وماعاجبتني لذلك ماصار شي رسمي بينه

امي.والله يمه ماادري شكلك

اثير.شنو حجيه البنيه ماعاجبتج يعني

امي.لايمه حشى البنيه صارلهه فوك سنه يمنه ماشفنهه عليهه شي بس تصفنن لو تبجي وهذا المخوفني

اثير.شلون يعني مخوفج

امي.يمه اسمعني بدون لايطكن خبالاتك عليه يعني اني اكول يجوز البنيه تحبلهه واحد بالهه واحد غير لازم نفتهم منهه لان صفناتهه كلش مبالغ بيهه صراحه مو مال وحده خاليه

اثير.ههههههههههههه لاتخافين حجيه هاي صفنات كلهه راجعه اليه اني صاحبهن

امي.يااااااا صدك ولك يعني هيه هم رايدتك

اثير.هيج شي انتي كعدي وياهه وشوفي

امي.وجدك خاف مايرضه يزوجهه الك

اثير.وليش مايرضه يعني

امي. مو اني قبل يومين سمعته يحجي وي اسعد بتلفون ويكلهه تنحل مابقى شي شلون تريده يرجع بكلامه وانته تعرف جدك كلش زين شلون يفكر

أثير.وتاااللي يعني وي هذا ناقص لمن اكتله خلاص يلا يفك من عدنه يعني أريد اعرف جدي ليش مجلب بي هيج شعاجبه بي بس

امي.مو قصت عاجبه بس لان منطي كلمه وبنص الديوان صعب يتراجع عنهه وذاك نذل عرف شلون يلوي ايد جدك مااعتقد عاجبته لهدرجه هاي

اثير.يوووم رحمه لمحمد لاتزيديهه عليه البيه كافيني حاجي ابوي وقتيبه واحجو وي جدي خل اخلص من هاي المهزله

امي.اصبر يمه انشاء الله مايصير غير تريده

أثير . وهوه هذا راح يصير ماكو غير كلام رهف الي مو لغيري وهذا اخر كلام عندي

امي.ههههههههههه تحبهه ولك

اثير.احممم هسه انتي احجي وياهم ورديلي خبر منتظرج يلا طالع تردون شي

امي.ههههههههههه اشرد اشرد اول وتالي وكعت بس خوش وكعه تعرف صيد والله مو هين يأأبن بطني

أثير.هههههههههههههههه وداعتج حجيه حتى من اوكع واني واكف مااطخ راس لاي بشر

امي.ولاتبطل طبعك هذا يمه تواضع حلو

اثير.استغفرالله لاحجيه وداعتج موغرور بس تكدرين تكولين ثقه بنفس اكو اختلاف جذري بلموضوع هههه

امي.هههههههه المهم وليدي الله يفرح كليك وينولك البالك

اثير.امين حجيه يلا اودعناكم

عفتهه وطلعت رحت يم الولد للمعرض حتى يخلص الوقت منين مااجيبهه احسن شي سويته هوه هذا حتى ابديهه صح بس كون تمشي الامور على خير ومايصير شي واطر اكشف الاوراق كلهه .

...........................

سمر. اليوم المهر مالتي والكل مخبوص اله اني حاسه نفسي سرعت بهذا القرار وخايفه لااندم علي بعدين شكد دعيت وقريت ايات علمود اطمأن بس ماكدرت الخوف مسيطر عليه مجرد فكرت انو راح اصير باسم رجال غير جنت احلم بي من الطفوله تنزل دموعي غصب عني رغم كرهي لااياد على خيانته الي بس لااسف بعده كلبي يطلعله اعذار علمود اسامحه شكد قاومت ودست على كلبي اكثر من مره علمود ابقى ثابته على قراري وفعلا طلع ميستاهل اروح واتنازله عافني ودار وجهه وكمل حياته ولاكانوا اكو انسانه عافهه متحطمه وراه اليوم اني لازم ادوس علي مثل ماداس عليه وكمل حياته والله اعلم وي منو عايش حياته هسه البنات وياي معافني ابد لبست فستان لون عسلي يصير قصير ودلع من فوك كلش سحبت شعري وسحر تفنتت مكياجي طلعت فد شي طبعا سحر فنانه بلمكياج كملت وكمت اباوع على نفسي بلمرايه والله حلوه ليش خاني وشاف غيري لان ماطيته مجال بلحرام صرت موخوش اووف سمر كافي تفكرين بواحد تافهه مثله خليج بلجاي انشاء الله يطلع مصطفى يستحق انطي كل ثقتي ومايكسرني بيوم لان ساعتهه انتهي من صدك ضربتين على راس توجع

سحر.يلا سموره تعاي العالم بره منظرينه

سمر.بنات خايفه شسوي

مرح.حبيبتي وكلي امرج لله وكلشي يخلص بسرعه انشأء الله

سحر.مرح ترى هذا المهر مالتهم مراح ياخذهه اليوم خلستيهه يمعوده ههههههههخخ

سمر. انجبي ولج لازوديهه عليه

مرح.وعلي عمر مطلع عينج كلش

سحر.اني يااا منين يحظي اصلا فقيره اني كلش

رهف.عوفن سوالف يلا استعجلن السيد ينتظر

سمر.شنو بسرعه راح نعقد يعني

رهف.امشي ولج شكد تلحين اثير كرع راسي وينههه وينهه فضينه

سمر.اي رايحه عابت شبيج قدري شويه غير عروس واستحي امداج اي والله

رهف.وعليمن يمه قابل راح ياكلج امشي لجج هيه بوسه لاتسوينهه كلش علينه

مرح. ولججج رهف عزززه بعينج لاواحد يسمع فضحتينه

رهف.ولجن امشن راح اكلهه مدبسه من وره اخوجن اليوم فضني

طلعتنه رهف دفع خرب يومج ضيعت ام البرستيج كعدت شويه بعدين اجت ماما وعمه نوال وام العريس اخذني وره الباب وتم العقد كوه كدرت انطق نعم حسيت نفسي حكمت على روحي بالاعدام من هاي لحظه رجعت لمكاني ضلن كاعدات بدة النسوان تبشبش ليش مادخل العريس وامه تروح وترجع الاستقبال وتلفونهه بيدهه صراحه الوضع مثير للشك بس مااكدر احجي شي شويه واجت اخته تطلع بعمرنه وحامل شكلهه يجنن وبس تضحك كالت

يلا عروستنا تفضلي وياي زوجج يستحي يدخل كدام النسوان

عمه نوال.يلا حبيبتي كومي خل يلبسج حلقتج

اخذني امه واخواته الاستقبال طلبت شي اغطي بي اديه جابتلي مرح بس اخته سحبته مني كدامه وذبته على تخم اجه وكف يمي ماحجه اي شي انطته امه الذهب لبسني حلقتي واني هم لبسته بس ايدي ترجف كوه مسيطره لبسني المداليه وكال لامه

مصطفى. الباقي عليكم هنا حدي مااعرف البس نسوان اني

يااا ولك شبيك هسه تخاف منك مرتك عبالهه بس تتنتر

همس بصوت ناصي يم اذني

مصطفى. حقج يوم ماتعرفين مرتي شنو

يلا عيني ام قتيبه خل نعوفهم وحدهم شويهاذا ما بيهه زحمه

مصطفى. لاحجيه اني طالع ميحتاج

لاماما بارك لعروستك ميصير هيج يلا عيني خلوهم وحدهم

او ماطلعوا رجع كعد على نفس مكانه باوع عليه وحجه

مصطفى. كعدي سمر ليش واكفه

سمر.لاهيج احسن ماكو داعي

سحبني من ايدي وكعدني نترت ايدي بسرعه منه لان لازمني من زندي

مصطفى. شنو هل تصرف هذا هاي اول واخر مره دفعين ايدي بهاي طريقه مفهوم سمرر

سمر.اعتذر بس فاجئتني لاتنسى بعدني مامتعوده عليك

مصطفى. اعتذارج مقبول وهسه اسمعج سمر احجي كل العندج

سمر.مثل شنو شحجي

مصطفى. باعي اني اعرف مابينه حب اثنينه لان ماكو حب بلهسرعه هاي بس نكدر نسمي اعجاب لو شتكولين انتي

سمر.اعجاب واجيت خطبتني بس لانك نعجبت بيه انته صدك تحجي

مصطفى. قابل داجذب عليج يعني تردين اكعد اصفط عليج هسه حبيبتي وعمري وحياتي واخذج بحظني وهوه كله جذب تقنعيني مراح تحسين بي كله مزيف

سمر.اكيد مبينه واعتقد كتلك هذا الحجي من البارحه هسه جاوبني على سؤالي ليش اختاريتني اني بذات

مصطفى . كتلج عجبتيني وماكدرت اطلعج من راسي

سمر.يعني شنو ماجاي افهم عليك تصدك

مصطفى. كلامي واضح مابي شي ماينفهم كتلج عجبتيني طولج شكلج جسمج وبالأخص صد.......

سمر. بسسس كافي انته شدتحجي شلون تحجي وياي بهل طريقه يعني تريد تفهمني اني مجرد وحده عجبتك ماتكدر تحصلهه اله بزواج كلت خل ازوجهه واخلص شغلتي وبعدهه اشمرهه على اهلهه مو

مصطفى. لججج وزني كلامج من تحجين وياي احد كلج عليه ك***حتى ادك ناقصه بعرضي

سمر.لعد شتسمي كلامك هذا فهمني لان راح اتخبل والله

مصطفى. شوفي سمر انتي من اليوم صرتي على ذمتي يعني شايله اسمي فلا تصورين اذيج او اتصرف وياج بنذاله وانتي مرتي واذا جان على الحجي الحجيته من تغزلت بجسمج ترى مابيهه شي انتي صرتي حلالي بعد عادي اعبرلج عن اعجابي بيج صح كلامي لو اني غلطان

سمر.بس انته مكلت هيج من البدايه دوختني بكلامك وخوفتني صراحه

مصطفى. ماكو داعي تخافين الايام بينه انشاء الله وراح تعرفيني زين ساعتهه من تعاشريني ماحاجه احجيلج عن نفسي خليج من وحدج تتعرفين عليه هذا احسن حل برئي

سمر.مثل متريد بس اتمنى ماتخيب ظني بيوم

مصطفى. انشاء الله واتمنى منج هذا شي وياريت اي شي بينه يبقى بينه ومحد يعرفه اكيد فهمتي قصدي

سمر.اي فهمت قصدك

مصطفى. تمام يلا رجعي يمهم واني طالع تأخرنه عيب هسه عبالهم غير شي

سمر.هههه

طلع من الباب الخارجي واني رجعت يمهم لوين يلا خلصت الحفله نهلكت من الكعده على الكرسي قبل لاذان بشويه طلعوا راسا كمت بدلت وصليت وكعدت بلغرفه مالي نفس اطلع بس بعدين تعوذت من شيطان التربع براسي من وره مصطفى دخلت سحر

سحر.ها عروستنا ليش كاعده وحدج تعاي يمنه

سمر.والله استحي من اخوتي خليني هنا احسن

سحر.ههههههه دكومي ولج همه يردوج بره

سمر.طلعت وي سحر بعدين كتلهه بس اروح للحمام ورجع اول ماوصلت سمعت جدو يحجي بتلفون وي واحد ماركزت زين بس سمعته كاله اخر شي

جد.هذا هوه باجر راح يتم مثل مااتفقنه لاتخاف اثير مااراح يعرف ولايشك بشي طمن بالك تريده راح يصير الك باجر ونخلص من هذا الموضوع

سمر.لبدت قبل لايشوفني يريي هاي شكو على شنو ديتفق جدو وشمعنى اثير مايعرف بلموضوع زين وي منو جان ديحجي معقوله اسعد لامااصور اووف منك جدو والله كلبي حاس راح ذبنه مصيبه ماادري ليش .
.
.
.
.
.
.
.
.
.
يتبععععع ❤

هلو كليباتي شلونكم شخباركم

شنو رئيكم بلبارت اليوم حبيباتي اتمنى يكون عجبكم وياريت تكثفون تصويت وتعليقات حتى اعرف رئيكم بلبارت لان رئيكم كولش مهم بلنسبه الي فديتكم متابعيني 😘😘😘😘😘

شنو رئيكم بتصرف أثير من طلب من امه تخطبله رهف حسب لاصول

تتوقعون ام اثير راح تتقبل رهف بعدما تعرف طريقة زواجهم لوراح يتم كلشي حسب لاصول ومحد يشك بشي

رئيكم منو صح مصطفى لو سمر لو ثنينهم غلطانين واحد واكف لثاني على غلطه ؟؟

هل مصطفى راح يكدر يخلي سمر تثق بي وماتندم ؟؟

شنو تتوقعون جد شناوي يسوي وليش اثير بذات مايريده يعرف توقعاتكم حبايبي ؟؟؟؟؟

واخيرا اتمنى تكونون استمتعتوا بلقراءة احبببكم هواي

بنات ليش تفاعل بلبارت السابق كولش قليل اتمنى تعلقون وتتفاعلون اكثر من هيج لان صراحه نسبة المشاهده اكثر بهواي من التعليقات واذا بقى هيج تفاعل مااوعدكم بالالتزام بتنزيل .

توقعاتكم لان البارت القادم احداثه ناررر😱😱😱

HAGR ✍🏻