ألضابط و المنقبه الفصل السادس وستون 66 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 🌷🌷

الضابط و المنقبه ✍🏻

اتمنى لكم قراءه ممتعه حبايبي مع ابواب قصتنا التي ستفتح بناء على طلب محبين القصه واللي رادو احداث عن ابطال روايه حاليا بما انو مر سنتين على ختام القصه لذلك لاتكولون شنو هاي واحداث وكذا طبعا سنتين مو قليلات صح لهذا ارجع واكول قراءه ممتعه حبايبي ❤️

🌸🌸🌸🌸🌸🌸🌸🌸🌸🌸🌸🌸🌸

سمر

طلعت من الحمام دوخه لازمتني بشكل فضيع تمددة على جربايه جهال فاتحتلهم تلفزيون بس صوره لان اذا طلع صوت ابتلي على نفسي غير والباب مقفوله عليهم

مجرد ماغمضت عيوني وبلشت حفلة دموع عندي تعبت وكل طاقه مابقت عندي احس الخنكه ستوطنت صدري من يوم سافر مصطفى لسه طلع انذار للبصره اول شهر مر كلشي تمام بس بعده بلش ضيم نصير الي صارله شهرين مطيح حظ حظي

عسل ، ماما بابا

سمر ، جيبي تلفون حبيبتي

زين بطفوله ، ليش بجين تموله

سمر . راسي يوجعني حبيبي مبيه شي

مسحت دموعي وكمت شربت مي حتى تروح الخنكه من صوتي ورجعت اني اتصلت علي لان نكطع الخط

مصطفى ، وينكم يابه ليش ماتردين

سمر، جنت بلحمام ماسمعته انته شلونك شو صار كم يوم ماكو

مصطفى ، غير عدنه انذار نش* ب******

سمر . ههههههه الله يساعدك حبيبي

مصطفى. انتي شلونج كليباتي شلونهم

سمر ، بخير الحمدالله بس ناقصنه رجعتك النه والله مصطفى البيت يخنك بدونك صاير

مصطفى . شسوي يابه هيه بكيفي غير هذا ابن زمال جنه جريذي منين ماالزمه يفلت منه شلون مادري وعلى هاي الحاله صارلنه تلث شهور بلعباس كلبي جمر عليكم انتي وجهال واهلي

سمر ، اوووف واحنه اكثر والله بس شنكول الله كريم حبيبي

مصطفى ، ياروح حبيبج اكول سمسم

سمر . كول عمري

مصطفى ، فتحي كام محد يمي خل اشوفكم بس كبل لاتفتحين عندي طلب

سمر ، شنو هوه

مصطفى . عمري حاولي ترتبين نفسج مثل من اكون موجود وبعدها اتصل تمام

سمر . ههههه حبيبي جهال كاعدين وعسل كول سالفه تعرفها

مصطفى ، لابربج

سمر . اي والله ذاك اليوم من فزت بليل مو شافتنا نحجي ثاني يوم حجتها كدام عمامها وطيحت حظي

مصطفى . ليش منو حجه وياج

سمر . غير هيه بنتك حجت

مصطفى ، بابا طفله واذا ليش تاخذون بكلامها بس انتي مقهوره معناها احد غثج بحجايه

سمر. لاماكو هيج حجي لاتخلي بالك انتا اهم شي. تخلص وترجعلنه من وكت

عسل ، كافي اريد بابا اني

مصطفى . ههههههههه يروحلج فدوه بابا انطيهه تلفون

سمر ، ههههههههههههه هاك عيني ست عسل تغار عليك

مصطفى . ههههههههههههه

عسل بهمس. ماما بيبي ليدج بساع

سمر ، يلا احجي ويا بابًا هسه اجي حبيبي حشوف خاله واجي لاسده

مصطفى ، ماشي اي بنوتي شلونها

عسل ، ابو توف حبببببك

مصطفى ،هههههههههههههههههههههههههه

عفتهم وطلعت اشوف خاله كاعده هيه والحجيه والعله يمهن خرب غيرته شكد يخزر

سمر ، نعم خاله ردتيني

خاله . لايمه ماصحت عليج

سمر . يااا لعد عسل جتي كالت بيبي تريدج

خاله . ههههههه وينها هيه ضحكت عليج هاي

سمر ، دتحجي وي مصطفى اني الها ههه

بيبي . وغلاة ابوها اذا مديتي ايدج عليها اكوملج بلعصا

سمر . بس بيبي تتعلم لجذب ميصير هيج

خاله ، عوفيها يمه بعدها صغيره لخاطري لا تحجين وياهه رادت تدلع على ابوها وطلعتج ههههههه

سمر ، هههههههههه هاي هلمره لخاطرج والله

نصير . هههههه ونعم تربيه والله من هسه جذب جا من تكبر شصير ولو هيه بت منو مصطفى وسمر تهي بهي هه

بيبي . هم رجعنا ولك والله مرمرت كلوبنا مو كافي متناصب وي اخوك ومرته وتالي وياك انته بزعتنا

نصير . وعليمن خابصه نفسج على حفيدج الك*** ومرته انكس منه س*****

سمر هنا طفح الكيل بعد ، لاااااااا عاد لهنا وحدك انته متمل من عدنا تحاسبنه على جبيره وصغيره كلنه جبير وعلى عيني وراسي ومنجبه وكاعده كامت توصل بيك تفشر عليه لان شوفني ساكته شنو معندي احد يوكفك عندك حدك كااافي عاد

نصير . صبريلي اذا مطلعتج منا جنازه اليوم ازين شاربي بت الكلب عليمن تجاوزين بس صوج مو بيج يشهد الله صوج بذاك الك***الي ملفيج بيته وانته بهاي الاخلاق

مهند ، نصير وحق الله احرك البيت على راسك اذا مديت ايدك عليها تريدها صير دم انته فهمنا حررررام عليك يااخي مو تعرف دين انتا وخابصنه بي شون تسمح لنفسك ترفع ايدك على مرت اخوك بغيابه

نصير. وخررررر عن طريقي انت لاابتلي بيك اليوم حالف اربيها كافي صبرتلها هواي

سمر بشهكه. مهند خويه لخاطر محمد وديني لهلي الله عليك

خاله ، سمر يمه استهدي برحمن مو هيج

سمر . لاخاله بعد ماتحمل اني صار شهرين ابنكم مسويني وصلة مسح شنو معندي اهل اروح لهلي وعود من يرجع رجلي هوه يحط حد لهاي المهزله

نصير . وللللي روحه بلا رده احنه هم مانلفي هيج شكولات بيتنا بس جهالنا لاتحلمين يطلعون منا

سمر ، والله لوتموت جهالي اخذهم يعني اخذهم وكدام عينك هم

مهند. روحي يابه جيبيهم وتعاي خل اوديج

نصير . كتلك لاتدخل لاامد ايدي عليك احترم شيباتك يااخي

عفتهم يتعاركون وركضت للغرفه لان تلازمو مهند ونصير دورت على عسل لكيتها لابده وره الباب وفاحطه من البجي قفلت الباب وكعدتهم يمي اهدي بيهم يرجفون من الخوف الله لايوفقك نصير

صارت خبصه بلبيت وهوسه ولاول مره اجازف وادخل اهلي بلموضوع اتصلت على اثير وللاسف الشهكه وصوت البره كلش كافي يخلي يفزع

اثير . هلا سمسم

سمر بدموع . اثير تعالي حباب

اثير . ياستار هاي شكو ولج شنو هذا صوت احجييييي عاد

سمر . تعال خلصني اثير نصير يريد يضربني وياخذ جهالي مني

اثير . شلووووون حتى انعل والدي غير ابن الكلب انتي وين دخلي لغرفتج بسرعه

سمر ، هوه اني بيها

اثير . قفلي الباب سمر لان لذيذ ابن الكلب مد ايده عليج انيمه بنجف وحق علي

سمر . هوه قفلته بس انته استعجل حباب

اثير . جاااااي والله جاي طلعت من المركز

سديته منه وكمت لميت ملابسي واحتياجاتي كولهن دك تلفوني عبالي اثير طلع مصطفى يابه الخوفه الاكلتها بس بعد معندي صبر اريد اخلص منا بأي طريقه

مصطفى . ويننننننننننج وين وليتي ليش ماتحجين

سمر. مصطفى الله عليك خليني اروح لهلي حباب

مصطفى . وجججج شصااااار بس فهميني شنو هذا سمعته مد ايده عليج لو لا

سمر . شنو انته منو كلك شمدريك

مصطفى . جاوبيني هسه هذا العار ضربج احجي صددددددك سمر حذرتج جذبين

سمر . لاوالله ماضربني مهند صار كدامي حماني منه واني اخذت جهال وشردت للغرفه

ماكلت هيج لو هوه نهد سب وفشار وغلط اريده بس يسكت ماكو وحتى عليه شبعني غلط ورزايل طلع سامع الحجي كله بفضل بنتي عسل ماخذه الفون حتى يسمع ابوها شون سوت هيج ماعرف واني اكول ليش جذبت عليه حتى اطلع خرب بلحظ

مصطفى . هسسسسسسه سمعتي شلغيت لو لا بسرعه تلمين هدومج ولهلج كبل واني جاي اعلمه هذا ******

سمر . شون مصطفى فدوه مايخليني اخذ جهالي ماكدر اعوفهم هاي عسل ترجف من الخوف

مصطفى . كتلج عوفيهم جاااااوبي لاسكتين كتلج عوفيهم

سمر . لا

مصطفى . معناها لاتاكلين تبن اخذي جهالج وروحي واريد ك***ابن ك*** يكلج لا

سمر . شسمه اني خابرت اثير حيجي عليه

مصطفى . اني هم خابرته لاطلعين لمن ادكلج يلا فاهمه سدي هسه

كطع الخط وبلش ركع ماعرف شنو وصوت عمو والولد شعلوا صار يعرفونه حقير وبس يغث ومع هذا ذبو صوج بيه اني الخليت الاخوان تعلك بينهم وهمه صار شهرين موكلني نعل محد بيهم فك حلكه وحجه ويا غير الحجيه الله ينطيها رجع دك عليه بسرعه رديت

مصطفى . اثير بلباب اخذي جهالج وقفلي الغرفه المفتاح وياج تاخذي مفهوم وخلي الخط مفتوح اذا واحد فتح حلكه كليلهم هذا هوه واحجر ويا خوش

سمر . صار

اخذت جهال وغراضنه وقفلت الغرفه وطلعت بس وصلت للهول وهمه كبو عليه كلهم يحجون بنفس الوكت اخر شي عاط بيهم عمو

عمي . بسسسسسسسس كافي خلونه نفهم لاضلون زاكطون من يمكم ولانفس اسمع

نصير . ياااااااابه على جثتي تاخذ جهال وتطلع تريد تولي هيه الباب مفتوح ويوسع جمل بس جهالنا المن نوديهم لهلها سكط

مصطفى . لكككككككككك كللببببببببببيب انته منو وتطاول عليها بغيايبي

عمي . هذا وين شو بس صوت

نصير .هههههههه وتكلي خطيه شوف الحقاره وسفاله فاتحه خط ويا ومسويه روحها مسكينه ماتحجي

مصطفى . وحق ربك اذا ماوخرت وخليتهم يطلعون يانصير اله ارفع بيك شكوى واخليك تخيس بلحبس لمن ارجع ضاهر كلش مستغل غيابي بس العتب مو عليك على الواكفين يمك ومخليك تتحكم مره مو من حقك تفتح حلكك وياها

نصير . طبعا دافع عنها غير ساقطه مالتك ونعم منها ومن اصلها

اثير . لكككككككككككككككككك اذا انته رجال اطلعلي لهنا واعلمك اهلها شلونهم الماعاجبيك

مهند . هسه صدك لاصت اكلوها انتم ردتوها

مصطفى . سمر اخذي جهالج واطلعي لخوج بسرعه يلاااااا

همه من سمعوا صوت اثير تخبلوا طلعو كلهم يتراكضون اله هذا العار بقى واكف مكانه اخذت عسل وزين وطلعت ركض جانو يحاولون يهدون الوضع بس وين اثير تحول وحش عليهم من كد الاعصاب اول ماشافني عاط بيه كمزني

اثير . تعالي يلا شمنتظره

عمي . بويه هدي ابنا غلط والكم حك يمنا وشتردون احنا حاضرين ولاتنسى احنه اهل

أثير . مرخصتك عمي بس يرجع ابو زين ونتفاهم احنه اطينا مره اله مو لخو حتى يجاوز عليها هيج وانتم تسترون علي خل يرجع صاحب شان والنه كعده طويله وداعتك احنه نسبينه بنص بيتك وداس على اختنا وفرفحها على جهالها وراد يرفع ايده عليها هم وحق ربك لو لامس منها شعره لاانسى العادات ودنيا كلها وطب سحله من نص بيتك بس ثق بالله الواكف بعيني ابو زين لااكثر لان اليرضى بلظلم لاعتب علي بعد يلا خويه بيت اهلج موجود وتبقين دومج مرفوعت راس بزودهم امشي

طلعت ويا مانطقت بحرف واحد اول ماصعدنه انتبهت الخط مفتوح ردت اسده اخذه اثير مني بسرعه خفت لايتعاركون هوه ويا انوب بس كلامهم طمن كلبي شويه

اثير . امانتك بلحفظ وصون ابو يزن

مصطفى ، وحق ربك خجلان منك خيي وجهي اسود بس والله لندمه بسيطه

اثير ، اني هم عايفهه عليك اعرف من اطيناك مره لان رجال وحوك ونعم منك ترجع بسلامه ونتفاهم

مصطفى . ماتقصر ابو ليث موقفك هذا مانسى طول عمري

اثير . كمل شغلك خويه ولاتخلي بالك عائلتك يمنا بعد اخذ راحتك

مصطفى . هوه غير كون تخلص هاي الغضب لعبت رواحتنا الله وكيلك

اثير . اكلك اسمع اليوم وصلت هاي بس خبصتني انته بجهه وسمر بجهه مالحكت ابلغك بلكي هلمره تفض ونخلص

مصطفى. الله وايدك بشر

بقوا يحجون بشغل لحد ماوصلنه وهمه بعدهم اشرلي اثير انزل وهوه بقى بسياره يحجي وي مصطفى اول مانزلت لكيت البنات بلمطبخ سحر ورهف وهدى طبعا كلها طلعت من هذا البيت وصفى بس لهلي وجدو وبيبي وياهم خطيه من شافن حالتي اجن يركضن

رهف . عززززه سمر شبيج ولج

سمر . مابيه احجي عفيه بس اخذن جهال

سحر . رهف اخذيهم وانتي تعاي وياي

رهف اخذت جهال وسحر سحبت الحجاب والعبا مني وجابتلي مي وهدى غسلت وجهي لان حالتي جانت فد مره هنا جتي ماما تركض خطيه عسل كلتلها هاي البنت راح تجلطني

ماما . وجج شبيج شني حالتج هاي

اثير . سمر كومي للغرفه رهف حطيلها اكل وخلوها ترتاح مااريد بشر يفتح حلكه وياها من كيفها تريد تحجي تريد تسكت خوش حجي

ماما . بس لازم نعرف شبيها ليش جايه زعلانه منو وياها عيالها طردوها شني

اثير . طردوها شني دخيل بختج يمه بس صارت مشكله عدهم ورجلها خابرني اجيبها يمنه لان تعبانه ماشوفون وضعها

ماما ، اوف يايمه سوده عليه شوف وجهه شلون صاير

اثير . رهفففف ويامن لغيت اني

رهف . ترى سمعت خلي البنيه جر نفس وبعدين اكومها شبيك صيح

اثير . تعاي اخذيلج راشدي بعد خاتون خاف نزعجتي

رهف . يووو اثير شبيك وياي

اثير . جهالج وين لو هم ماتدرين بيهم

رهف . عمه ماتحجين ويا شوكت اني عايفتهم هيه مره صارت وغصب عني جنت مريضه والله شبيك مصدكني شنو

اثير . استغفر الله واتوب اليه اروح ابدل حطيلي سم اريد ارتاح شويه

اول ماصعد رهف بجت خطيه والبنات يهدن بيها شكو شبيهم

سمر . شنو يمه شبيهم ليش رهف تبجي

ماما . تمرضت البت البارحه راسها هايج عليها ضهر راحت نامت وعافت جهال جوه يم بيبيتج المره غفت ونستهم فاتحين الباب وطالعين بشارع وي جيت ابوهم لكاهم بشمس وتدرين بخبالات اخوج وشون يخاف عليهم

سمر . يبوو بس فوفه ترى حقه والله حتى مصطفى هيج يخافون عليهم من الخطف لو يهددون بيهم لهذا يوهوسون

رهف . والله مو بيدي راسي دمرني من الوجع وهم سهرانه جنت وياهم بس اثير مايفهم قفل بعد قابل اني ماخاف عليهم

ماما . كافي امي مسحي دمعتج وروحي حطيله غدى لاينزلج هسه

رهف . ان شاء الله عمه

سحر . يلا انتي كومي نامي وارتاحي احسن من هاي الكعده

سمر . اي والله راسي ودنيا كلها دنفتر بيه

كمت وي سحر لغرفتنا القديمه طبعا بقوها نفسها علمودنا من نجي اني ومرح بس صدك هنه سحر ورهف يطنكرن بيها من يتعاركون وياهن امي اخذت جهال وطفت ضوه علمود ارتاح وياريت فعلا اخلص من هذا الهم وارتاح.......

سحر . كافي تعوين تدرين بيه عصبي ويجي من دوام روحه طافره ليش تنترين بوجهه

رهف . اي شسوي كفرت يعني اذا وجعني راسي بعدين شمدريني حظي الاغبر خلاهم يطلعون لشارع انوب هذا ابو لسان رايح يشتري لخوته الله يسلمه

سحر . الله يعينج كلش حرك ليث ولايكعد ابد وهذا العندي اضرب منه بعد

رهف ، اوووف خل اوديله الغدى لايطكن علينه هسه

سحر . صدك اخذ تلفونج منج

رهف . اي عيني يكول راسج من وره الواتباد هاج عليج مو من سهر واني هم سكتت لاشرحت ولاتعبت نفسي عليمن مدامه مقتنع بهذا الحجي

سحر . نفس عمر هم عدوه الواتباد واني مو نفس قبل والله كمت من ينام لو من يطلع من هوه موجود ولاالزمه عليمن يوميه مشكله بسببه ماتسوه

رهف . هذا نزل رايحه

اخذت الغدى وطلعت للهول نزل سابح ومبدل ولاكانو صاير شي وذوله جوي يتراكضون ورا طبعا وره ولادة ليث بشهرين طلعت حامل وصار عدنه تؤام ولد وبنيه

ليث . بابا اريد فلوس

اثير . مو كلت ممنوع تطلع شحجيت اني البارحه

ليث. اني وعلوش بسرعه نرجع بس اشتري

ليان . ان ان بابا

رهف . وانتي شتعرفين من المشتره ولج ههه

ليث . اني اجيب وياي حبابه ماما كولي لبابا راح يعوفوني

اثير . بس انته وعلاوي ترحون

علوش. لاعمو ويانه ولد عمي قتيبه بسرعه نرجع

اثير . اريد اعرف عمر وين عنك مطلعك بهاي ضهريه صيح ولد عمك وطبو بسرعه يلا ولاواحد يطلع

ليث . علاوي روحو اني ماروح

علوش. خرب يومك خربت علينه

اثير . سمعتني شكلت محد يطلع العصر ورحو الشمس بره تموع المطي مال طلعه هيه

رهف . كافي اثير خطيه شبيك وياهم

اثير .بويه حاره شبيكم انتم

رهف . ترى ساعه فوك الاربعه هسه وهذا المحل خطوتين لاتفشله كدامهم ضل بكلبه ترى تدري بي

اثير . خررررب غيرتكم امشوا يلا بس طياره ترحون وتجون اذا عبرت الخمس دقايق العب صونده عليكم فاهمين

الكل . صاااار

طلعوا يركضون وهوه كمل غدى شلت صينيه داجيبله جاي مالكيته طلعت لكيته واكف بلباب هوه وليان و ايليا من كل عقله لازملهم الباب رحت نطيته جاي واكفين سوه

رهف . كافي طب حاره عليكم

اثير . وين صارو ذوله مامبينين بشارع

رهف . غير بلمحل

اثير . المحل معزل شوفي لاااااااااياللله

شمر لاستكان وطلع يركض بملابس البيت انوب قتيبه ستوه جاي ومن شافه هم ركض ورا دخيلك ياربي شبيهم جهالنا يارب استرنا بسترك يالهي....

انتظرو تكمله حبايب قلبي ولاتنسون تنطوني رئيكم بلبارت

HAGR✍🏻