ألضابط و المنقبه الفصل السابع وستون 67 - بقلم أّلَګأّتّبِهِ هِأّجِر أّلَمَيِّأّحٌيِّ

مرحبا 💖

(( الضابط و المنقبه))

اتمنى لكم قراءه ممتعه حبايبي ❤️

🌸🌸🌸🌸🌸🌸🌸🌸🌸🌸🌸

رهف

اثير . وين صارو ذوله مامبينين بشارع

رهف . غير بلمحل

اثير . المحل معزل شوفي لاااااااااياللله

شمر لاستكان وطلع يركض بملابس البيت انوب قتيبه ستوه جاي ومن شافه هم ركض ورا دخيلك ياربي شبيهم جهالنا يارب استرنا بسترك يالهي

سحر . شكو شبيج تبجين

رهف . ولج جهال طلعوا كلهم يشترون واثير منتظرهم بس طلع المحل معزل ومحد بشارع اختفوا

سحر لطمت على وجهه . يمممممه صخام صخمني وين راحووو امشي خل واحد يروح يشوفهم

رهف . راحو اثير وقتيبه وراهم ومحد يين بعد

دخلت سحر تركض شويه واجه وياها عمر همات طلع يدور عليهم نخبص البيت خبص وصوت البجي بكل مكان بس كلها كوم وخاله بكوم ثاني بحيث تبجي عليهم بوجع ودك على نفسها احنه امهاتهم وكلوبنا راحت عليهم بس مو مثلها نتهت خطيه من البجي

صار ليل وماكو محد بين كل هذا واحنه لازمين الباب اذن وخلص يلا رجعوا كلنه تلكيناهم من الباب دخلو مهبوطين وشحالهم وجان يدخلون وراهم عيونهم منفخه وطبعات الاصابع بوجوهم فزعنه من شفناهم هيج وكل وحده ركضت لزمت ابنها بخوف

خاله . ولكم يمه وين جنتو ليش هيج حالكم

اثير . خليها سكته يمه

سحر ، عمر منو ضارب علي هيج شوف وجهه شصاير بي

عمر . يطبه مرررض

اثير ، كافي عمر يلا دخلو جوه مو وكت حجي هسه

دخل الكل محد حجه لحد ماغسلوا وارتاحو عاد هنا عمو خلص صبره حجه وياهم

عمي . شوكت ناوين تحجون وتفهموني شبيهم ولدكم وين لكيتوهم ومنو ضاربهم

قتيبه . اني ضربتهم وانعل والديهم اذا شفتهم بشارع بعد دمغسزيه

عمر . عبالكم كبرتوا عود واحدكم ستوه يمشي عدل وصايرين زلم وانتو الكبار بويه شون تاخذونهم وترحون ماخفتوا تندعمون يكتلوكم شلكم علاقه بليصير بشارع

عمي . وتالي فضوها

اثير . يابه مو طلعوا يشترون لاكينه معزل العينتين بدال مايرجعون للبيت طلعوا لشارع العام والله شنو شافوا عركه واكفين يتفرجون وهيه صايره بنعل وسلاح وشرطه لو واحد بيهم راح بيها شنكول ساعتها وين جنا عنهم بس قسم بالله سمعوني زين اذا شفتكم عابرين الباب انتو زوج بذات ليث وعلي ابهاتكم احركها سااااااامعين

قتيبه . اني حذرت وارد اشوف حتى كامرات حاط بلباب محد يندلها بس واحد يطلع اشوفه خاف عدكم نيه واحد يغطي على ثاني خوش حجي

عمر . خل يخالفون اله اسويلهم فلقه مثل هذا الباب الحاره تعرفونه مو حتى تحرمون دخلون نفسكم مشاكل العالم

عمي . كااافي ولكم لحد يحجي وياهم هيج على كيفكم فوك ماضاربيهم انوب صيحون عليهم

قتيبه ، خليهم يتأدبون يابه ذوله من هسه مسويلي حزب انوب طركاعه العدي بلمدرسه كل يوم طلابه وحالف اطلعلهم كلب من هسه

اثير . زين تسوي وهذا سليت بدربك لان اني ماتواجد بلبيت هواي انته هنا كدام عينك

عمر . ماكو داعي احجي علي وحسن تحت تصرفك اذا غلطوا كدامك ايدك الك

خاله . كافي اخذنهم منا عاجبجن الحجي حاطيهم ويرزلون بيهم كونكم حوك هيج واحد منكم يروح وياهم ليش تعوفونهم وحدهم مو خرعتوهم بصوتكم وحق علي الي يمد ايده عليهم اتبره منه عوفوهم عدي كونكم متعذبين من وراهم

الكل .ههههههههههههههه

قتيبه . يمه يعني عاجبج الهبطه الاكلناها من وراهم

خاله . شحجيت اني كافي عوفوهم يلا وانتن كومن حطلهم عشا لزلمجن اني راح اوديلهم من المطعم لحفادي

عمي . يلا انتم ربو وامكم تخرب شون من جانت سوي وياي اني اعلم واتعب وهيه تخرب بدلالها تاريخ يعيد نفسه هههههههههه

خاله . ياااا انوب كلبت عليه

اثير . مرخصتكم صاعد انام رهف جيبيهم وتعاي وراي بسرعه

رهف . شنو ماتتعشى

اثير . لا وين ليون ماشفتها

رهف . فوك نامت وصعدتها

اثير . خوش جيبي ذوله سياب وتعاي وليث لاتعوفي يم امي

رهف . اثير على كيفك ويا خطيه

اثير . صيحي بابًا وتعاي يلا

صعد واني رحت جبتهم ليث خطيه خايف منه كلش كوه اجه عيوني على بيبيته بس حتى خاله تخاف من اثير لايصير اعصاب ويضربه

ليث . ماما لاتخلي يضربني حبابه فوك ضرب بشارع موتونه كتل

رهف . غير بس عمك منو ضربك بعد

ليث . وابوي غير عمي عمر كوله خلصني منه تدرين عمامي كل واحد ضرب ابنه راشدي وعمي قتيبه ضربنه هم بس راشدي بس ابوي استلمني دك كدامهم ليش يسوي هيج عود

رهف . ترى انته غلطت ماما تعرف ابوك عصبي ومايتفاهم ويخاف عليكم من شفت المحل معزل ترجع شكو رايح شوف العركه بالله واحد خاطفك لايحتك طلقه صارت هوسه ونسحلت وياهم وتروح برجلين اني شيصير بحالي ماتفكر بيه انته ياامي

ليث . ههههههههههههه شني هذا الاكشن يوم على كيفج هذا الواتباد لحس مخج على كولة ابوي هوه عركه واكفنه نباوع من بعيد وين وصلتي انتي يالله هههههههه

رهف . حتى انته تستهزء بيه ولك دروح خلي ابوك يلعب نطاق عليك مالي علاقه اني ولادخل خوش

ليث . ويطيج كلبج فوفه تشوفين عزيزج ينظرب اني ليوث رهوفه يهون عليج

اثير. لايا ابن سكط شني هذا لسان ولك فوفه ورهوفه غير امك وين الاحترامات شنو كلش زحتها

ليث . اعذرنا يابه جنت احجي وي امي متعود هيج اني

اثير . وعادي ترد بوجهي بكل صلافه مو

ليث . يوم رايده شي رايح انام

رهف بهمس ، ولك ابوك لتحجي هيج

ليث . لخاطرج ساكت ترى خلوني اروح انام

رهف . روح نام ماما وانته ايليا يلا تعال وياي

ايليا . لااا وي ليث

راحو لغرفتهم لان اثير فتحلهم غرفه بصف غرفتنا جانت لاياد قبل لان همه من راحو للبصره بعد محد سمع شي عنهم ولارجعوا لهنا دخلت للغرفه اثير يدخن وصاير اعصاب رحت كعدت يمه

اثير . رهف عوفيني وحدي روحي طافره وماريد اغثج بكلمه

رهف . براحتك

عفته وطلعت يم ولدي بقيت يمهم لحد منامو بس صدمني ليث متمدد وعيونه معلكه بسكف ومايحجي وياي بس صافن نام ايليا وهوهم غمض عيونه طفيت ضوه عليهم وطلعت

(( ملاحظه الاعمار خربطت بينهم وماكدر انطي اعمارهم الحقيقه بطلب من الابطال ياريت تتفهمون هذا شي للي طلبوا مني اعمار الاطفال وانما صارو شباب مو اطفال))

اثير ، وين جنتي

رهف . يم الولد نامو واجيت

اثير جر نفس وحجه ، وليث زعلان مو

رهف . اوف كلش بحيث وجهه محتقن كلش وبس صافن بسكف هههههه

اثير .ليش ضحكين ولج

رهف . تدري نفس اعصابك ونفس طبعك من ضوج ينام على ضهره ومعلك عيونه ماينطق بحرف وهم من يريد يطلع حركته بيه هذا هم حظي عندي نستختين من اثير هههه

اثير . وداعت ابوي من خوفي علي واله ايدي تنكسر اذا نمدت عليهم حتى ضربته اكثر منهم تدرين شسوه دمعه مانزل بس باوع علي بنضره مادري شلونها وراها دنك راسه يابه شسوه بيه كسر كلبي وحق علي

رهف .حبيبي انته هم لازم تبطل تتعامل وياهم بضرب ترى كبرو وخاصه ليث يتحسس من كلشي حتى من الكلمه ونفسه كولش عزيزه عكس باقي الاطفال لهذا الكلمه ضل دك بكلبه والله من تحجي وياهم بهدوء راح يسمعون منك وياخذون بلحجي بس الضرب يسويهم بلا تربيه لان تطلع عينهم بزايد ويصير كلشي ممنوع مرغوب عدهم ويتعودون على الكتل صير شغله عادي بعد يغلطون وينضربون وانتهت هيج انتي تكسرهم مو تربيهم

اثير . هيج شوفين انتي

رهف . طبعا والله لان مجربتها من احجي وياهم يامحلاهم بس من تضربهم يتخبلون علينا اني ماكلك رخي الحبل كلش الهم لا مره لين ومره عصب وهيج تمشي الامور تمام

اثير . اني تعودت على ضرب بسبب شغلي وصدكي كلبي يصير نصين من اضربهم وخاصه ليث وايليا بس خوش فكره هاي ياريت مثل ماتكولين يصيرون حتى لااضطر امد ايدي عليهم

رهف . هذا الحجي زين المهم انته تتخلص من هذا شد الاعصاب صاير عندك شجاك مجنت هيج لاتخلي ضغط شغل يعكس على عائلتك

اثير . صار اليوم طير مخي زين مارتكبت جريمه من جهه عيال سمر ومن جهه الهبطه مال ذوله السربتيه غير شغل بلمركز طيحان حظ

رهف .الله يساعدك ليش متاخذ اجازه ترتاح بيها شويه من ضغط شغل

اثير . ماكدر عدنه شغل كلش هواي هاي الفتره وغير هيج وراي كعده من صبح خليني انام مدام نامو

رهف . ماشي خل اطفي ضوه مدام ليونه نايمه

اثير . يلا بس لا تقفلين الباب لايجي ايليا بليل تدرين بي خبل يفلش الباب علينه ههههههه

رهف . هذا لو كلشي يسوي ماتأذي اله ذاك المكرود ماعنده حظ وياك هههههه

اثير . هذاك جبيري ومحد يوصل لغلاته عندي بس اذا عفته براحته معناها اغلط نفس غلطة ابوي من خلاني وشال ايده عني بسبب خبالي وكثرة مشاكلي ونتيجه شنو غلطت بكد شعر راسي وسويت كوارث وختمتها بزواجي منج عبالج ناسي مستحيل انسى شسويت بيج لهذا ماريد ابني يصير نسخه مني اريد اصير مثل ضله واخاوي بس مجاي اعرف شون فهمتي عليه رهف

رهف . فهمت عليك حبيبي جرب هاي طريقه وشوف بلكي يصير مثل متريد

اثير . الله كريم

وراها نمنا مادري شون فزيت الفجر مالكيت اثير مكانه عبالي بلحمام كمت فتحت الباب ماهوه طلعت لغرفة جهال لكيته نايم وي ليث وحاطه بحضنه ورايحين بسابع نومه

يابه من شفتهم احس كلبي طار من الفرح طبعا تكولون مبالغه بس اثير وليث صارت بينهم حرب العناد واحد يرفع واحد يكبس واني الواكعه بيها اموت قهر من اشوفهم هيج ابوه من ضغط شغل يجي تعبان وهذا يعاند وتنتهي بكتلته خطيه اذا لزمه مايرحمه وحتى اني يلوحني طشار منهم لان اصير بنص

عفتهم ورجعت لمكاني ثاني يوم تاخرو يلا كعدو لان عطلت اثير وبقوا نايمين من نزلو يضحكون ويسولفون خلصنه الغدى والعصر طلعوا سوه تاخرو يلا رجعوا الحمدالله ضحكه تارسه وجهم وحتى ايليا ويا طبعا اثير بي طبع حلو اذا طلعهم اله ثنينهم ويا

رهف ، بعد وكت عيني وين جننوا

اثير . شنو تحاسبينه طلعت وي ولدي خوش ونسه مو بابا

ايليا . اي ماما رحنه لمطعم وبابا فرنه وشبعنه ضحك

اثير . بعد بعد اشحنها بعد ابوك

رهف . والله يعني تعرررف شنو هاي اثير غير تاخذنه وياك

اثير . وين اخذج بطلي دلع بنيتي عيب ولدج كبار صارو

ليان ، اا ان اني بب بابا

اثير . هاي العلاج ماجاب نتيجه وياها

رهف . لا مشوف ماكو اي تحسن

اثير . لاحول الله

ليث . يابه مو كالتلك عمتي جيبها لاربيل هناك علاجهم احسن

اثير . بويه هوه عدي اجازه اني حتى اخذها ماشوفني ماكو مفك

ليث . اني اخذها وي امي بس شوفلنه واحد يوصلنه

رهف اثير باوع عليه وطكها ضحكه . هههههههههه

اثير ، ههههههههههههه كفوووو بعد ابوك

ليث . ليش تضحك يابه

اثير . سلامتك يابه لاخليها ان شاء الله احصل اجازه واخذكم هناك

رهف ، يلا ماما روحو بدلو ونامو

ليث . يلا ليونتي تعاي وياي

رهف ،خل تنام ماما وين ماخذها

ليث . لااريدها يمي يلا امشوا

اخذ اخوته وطلع طبعا صار كبار ماشاء الله واني كعدت عليهم توم بعد مصار عندي واني هم كعدت مراجعت اكتفيت بيهم من هذا اليوم تحستنت علاقة اثير بجهال ويانه كلنه

وره فتره صدك تفرغ اثير واخذنه لاربيل علمود ليان وفعلا جان اكو تحسن لان هيه رغم عمرها جبير بس ترتل وكلامها مامفهوم من رجعنا ستقر وضعنا الحمدالله هنا اني قررت انشر القصه بس مجنت متوقعه هلكد راح يحبوها ويتفاعلون وياهه شكرا الكم ولدعائكم النه ومحبتكم وسؤالكم الدائم عنا

مرح وسحر مارادن يشاركن بعد احداث تخصهم يكولن اكتفن بس سمر هيه راح تحجيلكم وهسه لهنا ونغلق قصتنا وياكم وزدينالكم احداثنا صح روتين يومي بس اتمنى تنال اعجابكم شكرا الكم

سمر

بقيت سبوع بيت اهلي مصطفى اختفى وجهال ملتهين وي جهال اخوتي والمفاجئة طلعت حامل بهاي الفتره نصدمت شنو هاي اني صح جهالي كبار بس مجنت خاله بالي سالفه الحمل وره يومين من حللت اجه مصطفى رجع مباشرة اجه لبيت اهلي

صاح عليه اثير جهال ركضوا كدامي راحو لبوهم من فتت جان بعده ملابسه العسكريه وضعفان تعبان كلش مو شلون ماجان

سمر . السلام عليكم

مصطفى . وعليكم السلام شلونكم بويه

سمر . الحمدالله على سلامتك

مصطفى . الله يسلمج

اثير ، كعدي سمر اني حجيت وي ابو يزن وفهمته الي لازم يصير بس يبقى القرار الج احنه صح تكتمنا على الموضوع وبقى بس بيني وبينج بس هذا مايمنع المشكله من جذورها جبيره لهذا اكعدو وتفاهموا واني وياكم بلي تردو

مصطفى. وكفتكم هاي مانساها اخ ونعم منك واحد غيرك جان كبرها وهد دنيًا فوك راسي

اثير .لاتكول هيج اني وياك عشرة عمر واعرفك شنو مالك علاقه بلحجي الكلته الك كبل بس من حركة كلبي على اختي حجيتها وانت مقدر الوضع اكيد

مصطفى ، اكيد وهسه اني جايكم علمود اخذ عائلتي اخذت بيت وحدنه ونقلت كل غراضنه بي وبيت اهلي ماتوصله بعد ونصير اخذت جزاته وزياده هم

سمر . عزززه شسويت مصطفى غير اخوك

مصطفى. سكتي رحمه لهلج كله من وراج ومن وره سكوتج وصلنه لهنا لو حاجيه من البدايه ماجان صار هيج

سمر ، اني من المشاكل والله

مصطفى . صارت بعد وهسه ابو ليث تسمحلي اخذهم لو تريد اجيبي عشيرتي كلها وامشي عليكم علمود نعتذر منكم على صار وساعتها اخذهم وياي

اثير ، ماله داعي خويه هاي لغوه كلها اخذ مرتك وروح مادامكم فاتح بيت ماتسوه بعد لهاي سوالف والله يوفقكم عود سويلنه عزيمه بيتك جديد ههههههههههه

مصطفى . مو تدلل عد عيناك

اثير . تسلم خياي ريدك سالم وانتي سموره يلا يابه ماشوفينه منتهي من تعب كومي ويا

سمر مسحت دموعي وكمت . بس الم غراضنه واجي

مصطفى. براحتج

رحت حجيت لماما والبنات لان اني بلغتهم كلشي صار وياي خطيه فرحن من سمعن راح اطلع بيت وحدي وساعدني بلم الغراض اخذتهن لبره ومصطفى طلعهن واخذ جهال طلعت ماما سلمت علي واهلي كلهم لان صار مده كلش طويله هوه مو هنا

وصلنه لبيتنا جان منطقه راقيه وحلوه ماتوقعت ياخذ هنا صراحه عبالي مشتمل صغير بس طلع بيت جبير وحلوه كولش وحتى جديد نزلنه غراضنه والتهيت بي يومين مصطفى ماشوفه ابد يطلع من صبح يجي تالي اليل ينام واني لان ملتهيه بلبيت انام من وكت من تعب

اليوم بقيت منتظرته اجه متاخر همات نصدم من لكاني كاعده هااا طبعا البيت كتلكم مأثثه من كولشي يعني مجرد ترتيب وتغير سويت بي على ايدي

مصطفى. خيرج كاعده

سمر . اريد اشوف لشوكت تبقى شارد من عدنه

مصطفى. ههههههه شارد شنو غير عندي شغل

سمر . حبيبي شبيك زعلان مني شنو

مصطفى ، لاطبعا بس كولي خجلان من عملت اهلي وخجلان من اخوج على الموقف صار وكملها من رجعت غركني بافضاله

سمر ، ترى اثير فهمك وجهة نضره شنو بعد شبيك

مصطفى. كافي سدي الموضوع لعبانه نفسي منه كله جهال وين

سمر ، نامو من زمان ماشوف الساعه

مصطفى. امم يلا اني هم رايح انام كومي

سمر . حبيبي

مصطفى. هااا عمري

سمر ، اني حامل

مصطفى بهت وجهه. شنوو شلون يعني حامل

سمر ،شنو شلون شبيك حبيبي داكولك حامل وطبيت برابع وهمات بيه بنيه ههههههههههههههه

مصطفى. سمر مقالبج عوفيهن على جهه مابيه حيل وربج

سمر سحبت الثوب على بطني حتى تبين وصدك جانت ولا جبيره بس هوه مامنتبه فتح عيونه بصدمه واجه حضني بكل قوته وبعدها بلشت سهره مالته لان خلص زعل عنده هههههههههه

ومنا بلشت رحلت حياتي وي اطفالي الي صار حتى اهلي ماروح عليهم اله ساعات معدوده وارجع بيتنا هدوء ونظام الي اريده ومصطفى بينت راحه بي وكام يصرف براحته ويلبس الي يعجبه بلبيت وين ميريد يدخن يتمدد الي يعجبه وهاي غير تحرشاته بلمطبخ ذني كلهن جنه محرومين منهم

مرت فتره حملي ولدت بنتي وكتملت عائلتي وبلشت منافسة عسل ومسره على مصطفى وهوه مكيف عليهن دللهن دلال طلع عينهن هههههههواخيرا اكدر اكول استقريت بحياتي من خلصت من نصير عمي وخاله والحجيه دوم نعزمهم يمنه وبيت مهند هم من شافونه هيج خلصنه طلعوا من البيت وستقرو وبيت كمال هم بقى بس نصير بذاك البيت الي حسب كلأم مصطفى يكول بعد محد يروح من ورا لان بعده نفس طبعه وتدخلاته برايح وجاي صدك لو كالو ابو طبع اسأل على سلامته

لهنا واكلكم شكرا الكم على دعائكم الي وكفاتكم الحلوه ويانه وهسه بااااي كايز لاڤيو على كولت عسوله ههههههههههههه

لهنا ونغلق ابواب القصه حبايب قلبي كلكم كلتوا شبسرعه كبرو وهواي اسأله تخصهم طبعا اني من ستلمت القصه جانت رهف عدها ليث وتؤم بس هيه كتفت لروحتهم لاامام نهتها هنا ومن ردتوا احداث كملنه الكم

وضحت حتى لاتكولون صارت خربطه ومدري ايش واتمنى تكونون استمتعوا بقراءة البارت وهاي لبيت طلبكم ونزلتلكم احداث عنهم ممكن تكون مبيها اكشن بس اني كتلكم روتينهم اليومي فقط لان شفتوا بعينكم حياتهم ستقرت بعد المعاناة العاشوها ورجعت كملت بعد سنتين نزلت بيها القصه همات احداث سردت سوه الكم

دمتم بحفظ رحمن احبتي وان شاء الله مااكون قصرت وياكم او طلبتوا شي ونسيته عذروني اذا منتبهت احبببببببكم ياعسسسل وارجع واكررررر شكررررررا الكم على اهديه ولي هيه تلاثه مليون الف شكر حبايب قلبي ❤️❤️❤️❤️❤️❤️

HAGR✍🏻