الفصل الخامس

رواية الغرور والندم الجزء الخامس 5 بقلم قمر الليل الغرور والندمرواية الغرور والندم الحلقة الخامسة

واني مقعمز في القهوة لقيته كريم جاني وشاد في ايده قعد تصدقو نفس القعد اللي اعطاهولي وقالي هذي حصتكم ولوحته في الطريق اني ما تكلمتش هو تكلم و قالي يا خوي يوسف خيرك لوحته القعد بالنعمة اللي فيه اني من الصدمة ما جاوبتش لكن هوا كسر الصمت و قال خيرك الماكله قرصت وما قدرتش تروح بيها للعيلة اني تلبكت لكن قتله ايه والله لقيتها قارصة و ريحته مش كويسة يمكن من الجو نو هلبا قالي سامحني حقك عليا ومشى بعد شوية رجع و جاب حافظة فيها

حلويات و كعك قالي خود هذي عواضه و مشى اني مصدقتش نفسي عاد افتكيت منها و قعدت في وجها ههههه لما روحت للحوش أعطيتهم الحافظة متاع الحلويات قتلهم اهو جبتلكم حلويات وشربو بيهم الشاهي و ما ذكرتش كريم بكل المهم بعد مدة جاني كريم للقهوة شري قهوة وقعمز بحداي اني طبعاً نبي نوزعه ينوض من بحداي لكن هو تكلم قالي باركلي يا خوي درت امتحان قبول في جامعة امريكية وقبلوني اني اندير في روحي نسمع فيه ولكن غايته قتله مبروك قالي نفكر نتزوج

باش نرفع معاي المرا نتونس بيها غادي

و تساعدني و الحمدالله. في سكن غادي بالإضافة للمنح قتله ربي يبعتلك بنت الحلال و هو قبل لا يتكلم قتله نتسأذنك و مشيت روحت قلت باهي خلي يسافر نرتاحو من وجيجه روحت للحوش قعمزت في المربوعه خداني النوم قياس المغرب امي تنوض فيا قالتلي نوض فيه راجل ومرا على الباب قتلها مني يكونو قالتلي ما نعرفش شوفهم مشيت فتحت الباب قتلهم تفضلو الراجل خش معاي للمربوعة و المرا معاه قالولي انت يوسف قتلهم ايه تفضلو قالولي نادينا الوالده كلمت

امي قتلها يام البسي وشاح و تعالي معاي جت امي و هما قالولو انهم جايين يطلبو في اختي رانيا قالتلهم امي هذا يعتمد على منين تعرفو بنتي و مني باعثكم قالو احنى جايين تطلبى إيد كريمتكم رانيا لولدنا كريم و هو زميلها في المدرسة و توا بيطلع برا يكمل قرايته و بيحضر بعدها دكتوره و متوفر عنده السكن و المصروف برا و احنى نبر نتهنو عليه ولما كلمناه قالنا على بنتكم فا جينا نطلبوها منكم و كأنكم موافقين قولونا شروطكم و خلي نحددو موعد

للعرس امي قالت والله اني موافقه لكن الشور تعرفو شور البنت لكن اني قاطعتها امي و قتلها تعالي نتكلمو وطلعنا من المربوعة على جيت رانيا جايبه القهوة قالت شن فيه شن صار قتلها شن صار هااا اديري في جو البراءه وانتي تخدمي على الموضوع من تحت لتحت انتي وهذاك المطرشق لكن تو تشوفي خشيت للمربوعه وقتلهم ما عندكمش نصيب عندنا يلا سقدونا الراجل وقف قال تلز فينا يا يوسف اقتله افهمها زي ما تفهما احنى ما ينسبناش واحد درويش زي كريم يلا

افرقونا الراجل تعصب وطلع المرا قعدت واقفه قالتلي علاش هكي يا ولدي والله كريم يعزك و يبي يناسبكم بعدين شن ناقصه أدب واخلاق و انشاءالله بيخش دكتوراء قتلها لو يكون آخر إنسان ما ناسبوها و لزيتها هي و راجلها خشيت للحوش قالتلي امي شن صار شر قلت قتلها بكل برود الارض لزيتهم احنى مش ناقصين مهبله راني كانت شاده سفرت القهوة طيحتها و مشت تبكي قالتلي امي تو باهي هكي تقطع بنصيب اختك اني تعصبت و قتلها …..

لقراءة الفصل التالي : لقراءة الرواية كاملة اضغط على : (رواية الغرور والندم) مدونة كامومنذ أسبوع واحد 0 2 دقائق