الفصل الرابع

رواية الغرور والندم الجزء الرابع 4 بقلم قمر الليل الغرور والندمرواية الغرور والندم الحلقة الرابعة

هي سكتت بعدين قالتلي انتبه يا يوسف راهو التكبر و الغرور متاعك هذا والله حا تندم عليه يوم من الايام اني نضت قتلها والله فاضي اللي يقعد معاك على اساس اني بنحتاج لحثالة زي كريم ومشيت قعمزت في القهوة بديت اندير في معارف و اصحاب في القهوة وهما مفرخ زيني مصلحجية و تافهين لعند يوم تلاقيت مع كريم في القهوة قالي بكل نية اهلين يوسف كيف حالك وينك معاش بينت و معاش ترد اني طبعاً ما نردش على مكالماته المهم قتله ببرود اهلين والله

مش فاضي تشوف فيا هذي القهوة متاعي و عندي مسؤوليات عليا قالي هو الف مبروك يا صحيبي انشاءالله عتبة مباركة انشالله خش شرى قهوة وطلع قعمز بحداي و قعد يهدرز واني طبعاً انسان مش شايف حد و مغرور قلت شن نقعد مع واحد زيه درت روحي نتصل و مشيت ركبت في السيارة روحت باش نفتك منه هو طبعاً تكررت زياراته للقهوة و اني نهرب منه ما نبيشي برغم ان كان كويس لكن اني غروري كان قوي و نفوت فيه لدرجة انه يوم جاني و جايب معاه سلة فيها فواكه

اعطاهالي قتله شني هذي قالي هذي فركه زارعهم في قطعتنا جبتلك ضواقه ليك و للعيلة قتله شكراً و حطيتهم في السيارة وروحت باش نهرب منه و في الطريق لوحتهم في الكناسة بكل برود قلت شني ما ناقص إلا ناكل منه هالمريض و روحت لما وصلت للحوش خشت اتكيت لقيت رانيا تقرا قالت عندهم الامتحانات النهائيه للثالثة ثانوي قتلها موفق بعدين قالتلي بلله يا يوسف جيبلي كرسات من كريم لان ناقصيني دروس قتلها لو تزقطي ماني جايبهملك منه ها النياتي ما

تشوفيش فيا هارب منه قالتلي خيره مسكين والله يحبك و يعزك و ديما يقول يوسف كويس معاي قتلها هو هكي قال قالتلي ايه قتلها معاش تتكلمي معاه ما نبيش الناس تتكلم علينا ايوا فاتو الامتحانات قتلها شني جاوبتي قالتلي حمدالله وكله بفضل كريم كان يعطي فيا الأجوبة بارك الله فيه قتلها انشالله خير وخلاص بعدها طلعت النتيجة و نجحت راني بتقدير ممتاز هيا فرحانة و تقول كله بفضل كريم لانه ساعدني و قالتلي ان كريم جاب امتياز مشاءالله قتلها

المهم انتي نجحتي وافتكيتي في نفس اليوم مشيت اندير دورة على القهوة جاني كريم فرحان وقال ان نجح اني درت روحي احول وقتله مبروك قالي بلله تعاله اني مداير تعشاية بمناسبة النجاح امانه تجي قتله انشاءالله نجيك الليلة قالي نستأذنك بنوتي اني و اني فسري قتله برا اطلع من راسي فكني منك وفي الليل ما مشيتش حضرت التعشاية اللي مدايرها فته و تليفوني ما بطلش تشريين كريم يتصل وكل ما يتصل نسكر عليه و في الاخير حظرته قلت يطلع من راسي ثاني

يوم مشيت للقهوة زي العادة

جاني و قالي خيرك امبارح ما جيتش يا صاحبي قتله بكل برود والله رقدت تعرفني نتعب من القهوة قال انشاءالله لاباس مشى شوية وجى جاب قعد كبير قالي هذي حصتك انت و العيلة من التعشاية خليتهالك قلت بالك صارله ظرف قتله صحيت قالي ماعندكش مشكلة ومشى اني لما جيت بنروح فتحتها لقيت فيها كسكسي و لحم و مبطن و فواكه و حتى حافظت حلو لكن بكل برود لوحتها في الطريق و فتت ثاني يوم و اني مقعمز في القهوة ……… لقراءة الفصل التالي : لقراءة

الرواية كاملة اضغط على : (رواية الغرور والندم) مدونة كامومنذ 7 أيام 0 2 دقائق