الغزالة في عرين الاسد الفصل الثامن عشر 18 - بقلم فيّد عبدالله

مسااء السكرر يا سكررر شلونكم اخباركم

البارت الثامن عشر
فيد عبدالله

ثريا،،بس

ابراهيم،بلا تبسبس سلمي لا اردج هسة بعباتج بطلن سوالف الجهال

ريم،،اتقدمت يمي وكالت شلونج ام اسد ما رديت بس هزيت راسي وهي صعدت ركض

الجدة،،وصگع هاي جاية مريتك مسودنة شوف جدة اذا ما تنعدل بالعصا على راسهة وحگ هو علي ابن ابي طالب

ابراهيم،،باليعجبج جدة هي هم بنيتج وعلميهة انة طالع تردون شي

الجدة صالحة،،لا سلامتك جدة الله يحفظك ويستر عليك

ريم،،طلع ابراهيم حتى ما صعد فوك،،رحت للمطبخ حطيت اسد بالحجلة يلعب و بلشت بالعشا واسد يحوس يمي اخر شي شفت ثريا نزلت تخوزر بينة خفت عليه اخذتة يم جديتي وسديت الباب عليه مو بيدي اخاف من الهوة واعرف ذني الملة كلشي يسوون،،طبت عمتي جانت يم حماتي وما تدري بثريا رجعت اتلكتهة بالاحضان والضحكات الوصلت للاذان وذيج كامت تتعاير وتتبچبچ اخذتهة عمتي رأسا وطبن للغرفة شوية واجت عمتي للمطبج واني واكفة اطبگ برياني للعشا

ام حمزة،،ها يالحية الصفرة بعدهة البت توهة ردت واتلكيتيهة بمشكلة هي ورجلهة

ريم،،وشسويت اني عمة

ام حمزة،،حبابة انتي وخيرة موو اطلعي من ثوبج محد يعرفج بگدي

ريم،،هاي هية عمي التشوفيه،،، مالي خلك مشكلة انوب،،درت وجهي عالطباخ اشتغل وهي انهدت غلط وفشاير واني بس الدموع اووف مني شكد عوبةشوية واسمع صوت عمتي فرحة تسكت بيهة

فرحة،،كافي اتهدي شبيج شادة وية هالبنية من يوم الطبت لهالبيت الا تموتيهة يلا ترتاحين

ام حمزة،،شمسويتهة هي ما تحترم احاجيهة تدير ضهرهة شوفيهة هالحقيرة

ريم،،عمة اخذيهة كافي كاافي والقران احرك روحي ورجعت درت ضهري امسح بدموعي واجتي جرت ايدي حيل جيف منطيتهة ظهري واني شايلة الطاوة بيهة دهن وجان تنگلب على ايدي شاغت روحي للسما ركضت اغسل بيهة جوة المي واباوع اصابعي ثنين انفخن صدك احس فقدت اعصابي وهي من شافتني مفرفحة طلعت بس اني اتهسترت بالبجي مو بس من الوجع تعبت ما اتحمل بعد والله ما اتحمل كمت املخ بشعري واصيح حسبي الله ونعم الوكيل اخذتني عمتي فرحة وهي تدعي وتتحسب على عمتي انوب ايدي من اشيلهة من المي تموتني وجع طب عمي من المضيف باوعلي مفرفحة بجي ركض علية يا عيوني احس ابوية من اشوفة

ابو حمزة،،ها بوية شبيج شبيهة ايدج

فرحة،،من سوايات مرتك غيير

ريم،،طلعت جديتي تتوجة على عالكاز من غرفتهة

الجدة صالحة،،فرررحة،شو جدة اشوفهة ماكو شي ماكو شي

فرحة،،يمةليش تسكتيني خلي يعرف برسمية الما تتوب من طبعهة هي حركت البت يخوي

ابو حمزة،صدك عمي ،،ليش شمالهة تسودنت هالمرة فد نوب

فرحة،،مرتك وبنت اختهة راح يهجمن البيت يخوي هاي اول يوم طبت ثريا حركتهة حرك طبت وماسلمت على ريم وانوب

الجدة صالحة،،فرحة اسكتتتي

فرحة،،ما اسكت شني انبط كلبي

ابو حنزة،،احجي يفرحة خل اسمع

فرحة،،تاخذ خالتهة وتشيشهة عالبنت وتطلع رسمية تعد وتصف عالمكرودة واخرهة حركتهة بالدهن والبنت ساكتة ولا حجت وياهة حرف ومرتك بيهة وما تشيش

ابو حمزة،،يمة چا شلون من اسالچ تكولين عگلت هالوكت

فرحة،،انة مو خرابة بيوت يا خوية بس ما اتحمل اسكت عالظلم

ابو حمزة،،رسمية، ،ررررررسمية صيحي بنت اختج وتعاااالن بساااع

ريم،،يبووو هسة تعلك استغفر الله هالبيت ميمر شهر بلا مشاكل تعبت والله تعبت،،اجتي عمتي هي وثريا خاتلة بضهرهة

ابو حمزة،،اسمعن ولجن انتن الثنين اطبگچن هسة وبالعگال ومحمد اذا متجرن عدل انتي رسمية تجرين عدل وتحترمين شيباتج وترگدين لا اطلكچ بهذا عمرج واخلي سالفتج بكل السلف وانتي ثريا شغل التختل بالغرف والمشاكل والحجي تكفين منة لا اردج الليلة لابوج بعدج توج طبيتي للبيت الطلعتي منة زعلانة عباتج على راسج وما حشمتي احد وعديتهة وكلت،،فيد عبدالله، زغيرة وتتعلم مال تردين وتظلين تحفرين لهالمسكينة لا ام اسد احرك البيت علمودهة سمعتتتي لو اعيييييد

ام حمزة،،شجاك بس اتدافع لريم لو جيف بنت اخوووك وهاي مو منك وبيك

ابو حمزة،،اسكتتتي انتي ما سمعلج صوووت بهاي سوالفج زارعة الكره بهالبيت راح تخلين حتى الخوان تذابح من وررراج طبي لحجرتج وما اسمعلج صووووت وانتي وياهن للمطبخ يلااا خطار هالبيت واحد كلهة توكفلة فهمتتي

ثريا،،صص صصااار عمي

ريم،،رحت للمطبخ ما طابة وجرتني ختام شاورتني

ختام،،شعدنج هنا يعوبة مو هاي يمي وداعتج الا اكرب عليهة كرب الزمايل اليوم اطلع القضى والمضى روحي انتي منااا

ريم،،ابتسمت بوجهة ختام لوتية كلش تعرف تطلع حكهة بهددوء، ،،مشكورة يعمري،،،رحت لغرفة جديتي وهي استلمت عمتي فرحة رزايل وحجي وغلطت عليهة لان وصلت الحجي لعمي جديتي هيج ما تحب توصل السوالف للزلم وتكول انة احلهة الزلم مشاكل البرة كافيتهم وعمي اغلب وكتة ميتواجد بالبيت بس هو منتبه لكلشي ومطنش بمزاجة السالفة اليحس لازم يتدخل بيهة يتدخل ويخليلهة حد والامور التمشي عادي بيد جديتي ،،ضلت عمتي فرحةتبجي خطية انقهرت عليهة حيل حسيت بسببي حجت عليهة جديتي ضليت اسكت بيهة بس اني روحي شايغة خليت عصارة اهون بس اصابعي انفخن همزين اليسرة مو اليمنة اسد كام يغفي اخذتة وطبيت للغرفة انوم بي ومن التعب والبجي غفيت ما فزيت الا على لمساتة بوجهي يتلمس وجهي بهدوء ومخلي ايدي بايدة بس شافني فتحت سالني بخوفة

حمزة،،شلون صرتي ،،،اخذج للمستشفى

ريم،،احسن هسة وسكتت سحب ايدي باسهة بهدوء جريتهة منة بساع،،لااا شنو تلعب النفس

حمزة،،من كل عقلج تكش روحي منج

ريم،،باوعت بعيونة الذبلانة بتعب وخوف بس ميريد يبين همستلة وطالعة من كل كلبي وروحي،، وعيني بعينة،،والله تعبت وروح ابوي وغطيت وجهي ابجي صدك ما تحمل بعد هالمشاكل تعبت اعصابي بس اني حياتي جحيم شوكت تصفى اريد تمر فترة براحة ماكو يومية شغلة بس اني معلعلة هيج شمسوية بدنياتي والله ما اكطع فرض ولا مطلوبة صوم ولا ااذي احد ولا اجادل ولا ولا ليش هيج التعب والمشاكل لاحكتني حضني حيل ويمسح بشعري

حمزة،،اتحملي لخاطري والله فترة وتعدي وكلشي ينتهي بس لخاطري اتحملي

ريم،،هو شمصبرني غير خاطرك بس والله جاي اتحمل زايد والله

حمزة،،ميخالف يرويحتي انتي امي هاي وهذا طبعهة شسويلهة تحمليهة لخاطري انة اريدج تعينيني اطب للجنة ببر امي وابوي ماكدر اهدهم وانة جبيرهم

ريم،،خلي ناخذ من البستان ١٠٠متر والله قابلة ونبنيهم ونظل بيت واحد بس ارتاح شوية

حمزة،،لا تكولين هيج ريمتي اضوج والله هذا بيتي انة متعود هنا اصبح بوجه ابوي وجديتي وامي وخواني وعمتي ما اكدر اعوفة وانة الرممتة على ايدي حتى الوانة بيدي اختاريتهن شون ترديني اعوف بيتي وبيتج هذا بيتج هم لا تحسبين روحج خطارة بي انتي هم ام البيت

ريم،،سكتت لان ميفيد الحجي واعصابي متتحمل خاف اجط بحجاية ادور اخرب وي حمزة خليني مكتفية بحنيتة علية صاح عمتي فرحة جابت العشا للغرفة والله هو يلفلي لكم صغار ويحط بحلكي حسيت صدك بنعمة حنانة وحسيت عبالك اني بنيتة ويداري بية،فيد عبدالله،، هالشغلات الصغيرة وهالاهتمام تخلي المرة اسعد وحدة بالدنيا لان ذني لو اجن جايات من الگلب بعفوية ومدارات واهتمام كملنة وصاح على جاي الة اني ما اشربة جابتة ختام واخذت الصينية خطية ما قبلت اشيلهة من الكاع كمت غسلت لحكني للحمام

حمزة،،اغسلج خاف متكدرين

ريم،،لا يعمري اكدر

حمزة،،شو بالله عيديهة هالحجاية جديدة هاي

ريم،،ليش انت مو عمري ودنياتي كلهة وحياتي وحبيبي

حمزة،،اخ بوية الحك لابنك صوبوا گلبة الما يخافون الله

ريم،،ههههه احبك والله

حمزة،،اموت عليچ ام اسد

ريم،،لا تكول ام اسد احس هيج تحبني جيف اني ام اسد

حمزة،،هاي شلج بيهة انة حبيتج گبل لا يصير اسد

ريم،،الله لا يحرمني منك

حمزة،،ولا يحرمني منكم يلا تعاي نطلع يمهم عيب بس هنا

ريم،،خاف ...

حمزة،،ريم انتي ام البيت انتي ام اسد معليج باحد

ريم،،اي خل ابدل ونطلع

حمزة،،ابدلج شكو بيهة

ريم،تقرب علية بنضرات بيهة مكرر،،،لااا حمززة استحي والله

خمزة،،صوتج بنت الاودام،

ريم، ههههههه

حمزة،،خرب انفضحنة،،طالع كبلج وماخذ اسد كملي وتعاي

ريم،،اي يعمري

حمزة،،شلون ما تريدني اطلع

ريم،،ههه سكتت يلا بساع خل ابدل،،طبعا لهسة اخجل ابدل كدامة ما احب هالشي، ،،بدلت ورتبت روحي واتعطرت وطلعت كلهة بالصالة بس عمتي ماكو احسسن خفة وراحة صاحني عمي

ابو حمزة،،ها بوية شون صرتي شو تعاي اشوف ايدج

ريم،،لا عمي احسن هسة خليلتهن دهن وشربت مسكن،،سحب ايدي يباوعلهة

ابو حمزة،،منفخات خوما يوجعنج

ريم،،يا عمي احسن والله ،الله لا يحرمنة منك

حمزة،،اكول بوية شني جاي تسويلهة اشعة شو جلبت بايدهة

ابو حمزة،،دول ول شعليك تغار، ،تعاي بوية اكعدي بصفي تعاي

ريم،،كعدت بنص عمي وجديتي وحمزة ما عاجبة يخوزر بية كل شوية ياشرلي تعاي بصفي وعمي يرد عليه

ابو حمزة،،ما عليك انة وبنتي شدخلك

الجدة صالحة،،جا مو جنت كارص بيهة بغريفتكم شلك بيهة بعد

ريم،،يمة جمرت خدودي بحجاية جديتي

حمزة،،ها جدة سالمين مو جنت طلعتي عالترابي

الجدة صالحة،ههههه يمفلوك جذبت انة

حمزة،،جددة خير خيرر ،،شو تعاي ريم هذا اسد دمرني بس يحوس

ابو حمزة،،ما تشوف ايدهة كضة انتة شوي مو ابوه

ريم،،ضاج حمزة واني اضوج من يتنرفز رحت للمطبخ شربت مي ورجعت كعدت بصفة ابتسم وخلة ايدة على جتفي محاوطني

الجدة صالحة،،ولج انتي هم ما تهجدين ولا تركدين

حمزة،،شمسوين جدة مو هالكلمن حاط مريتة بصفة لو بس حمزة اكوول خااف ترديلج شوويب وتستحين تكولين

الجدة صالحة،، يا يا فلك كون فلك تالي عمري ادور شياب

ريم،،متنة ضحك وابراهيم يكللهة

ابراهيم،، شون لكيتلج شايب هستوة شاد تخم سنون

الجدة صالحة،،ووجع خالة ياهو يكدرلكم كون ضحكتوا بلاية ضروس

ريم،،شوية كامت ثريا اترخصت وصعدت وابراهيم ما عجبة ضاج لان بعدهة اللمة ضلينة نتعلل ونسولف نسيت الصار او اتناسيتة كالعادة وعمتي ماكو هذا احسن ما بالموضوع كملت السهرة وطبينة ننام والصبح كعدنة على نفس الروتين بس عمتي بغرفتهة ما طلعت شوية ورجعت طبت ورة الريوك كملت شغلي وبدلت لاسد وسبحت ورحت يم جديتي جان الباب مقفول استغربت دكيتة فتحتة عمتي فرحة طبيت وجانت فاتحة الكنتور كلة نافشتة تدور

الجدة صالحة،،تعاي جدة دوري وي عمتج هالمدولبة سطرتني بس نخم على الكلبچة مالتهة خمي وياهة تعبت انة اروح اتجدد

ريم،،صار جدة شجم عمة فرحة عندنة، ،ضلينة ندور نفشنة الكنتور والبوفية حتى النضد فتحناه وردينة صفطناه وماكو دخنة وماكو اخر شي ايسنة نلكاهة كعدت عمتي فرحة تنضد بالفراش وتبجي

فرحة،،انة اعرف حضي مصخم تالي حتى على ذهباتي رد وخذاهن البخت المصخم

الجدة صالحة،،انتي عوبة اكو واحد يذب ذهباتة ما يدري وين

فرحة،،يمة ومحمد نزعتة بالصندوك من عرس حمزة وشفتة بعرس ابراهيم بس ما لبستة لبست البتوت انة متأكدة مشيول من الصندوك

الجدة صالحة،،انچبي اياج تعيدين هالسالفة تخونين عيال بيتج على هالتنك،، هالسالفة ما تجيبيلهة طاري وتسكتين انة من الله يرزق اشتريلج غيرة حسج اذا هيستة اخنكج،فيد عبدالله،

فرحة،،يمة چا طاار

الجدة صالحة،،اي طار من الثوول بسس متنعاد هالسالفة

ريم،،سكتت عمتي فرحة واني عطش اسد كام يمطك بحلكة هاي حركتة من يعطش طلعت اجيبلة مي وشفت ثريا كاعدة عالكرسي قريب عالباب من شافتني ارتبكت وصعدت حسيت بيهة سمعت الصار جبت مي لاسد ورديت سولفت لجديتي وعمتي

الجدة صالحة،،شهالسالفة انوبة لا تروح تجطهة كدام احد

ريم،،لاجدة شتكول جنت اتصنط عالباب

الجدة صالحة،،،هم نوبات يشتغل عگلج يعوبة

ريم،،ههههه اوه جدة اليوم اعصاب كلنة عووب وثوول

الجدة صالحة،،وصگع روحي نومي هالفرخ لا بالعصة على راسج

ريم،،هسة اكمل هالهوسة واروح،،صدك كملنة الهوسة ورجعنة كلشي لمكانة وطلعت انوم باسد عدت هوسة هاليوم بلا عمتي شكد مريح، ،عدت يومين تقريب وجنة بالليل منجمعين ورة العشا كلنة نتعلل وعمتي ويانة كامت تطلع من غرفتهة بس متحاجي عمي فوكاهة هي الزعلانة عود يلا اهم شي فاكة من عندنة ياخة ونزلت ثريا تبجي وتشهك

ابراهيم،،خير خير شبيج ثريا

ثريا،،كلادتي الجبيرة وسوارتي ثنين مال العرس ما موجودات

ابراهيم،،يلا يلا شوف وين نزعتيهة دوريهة زين اصعدي

ثريا،،لا متأكدة حطيتهن بالمجر البارحة ونسيتهن وهسة اتذكرت ومالكيتهن كلبت المجرات وماكو

ابراهيم،،يلا كافي هسة ادورهة وياج عود اصعدي كافي

ثريا،،لا شنو اني متأكدة انشالن دربهن درب الكلبچة مال عمة فرحة

ابو حمزة،، شهالتخربط يا كلبچة

ابراهيم،، اصعدي لا ابتلي بيج

حمزة،،اووكف خل نفتهم منهة مو تجي تذب الحجاية ذب وتروح شني مثلا جاية تشككين بعيال البيت

الجدة صالحة،،لا فرحة ضاعت الكلبچة منهة مو انشالت شني عايلة بيت صارلنة سنين لموا السالفة جدة اخذ مريتك واصعد

ثريا،،لعد وين راحن

ام حمزة،،اي تكلكم ذهباتهة رايحات وكبلهن من فرحة شني يطيرن

ابراهيم،،ثرياااااااا اصعدي لااطيح حظج

ابو حمزة،،اسكتي يامرة وانت بوية اوكف حتي لا يطول الحجي والسوالف تصير تشمر ويدخل الشيطان بيناتنة اخذ جديتك و حمزة وهسة تفتشون كل الغرف

حمزة،،شني السالفة بوية احنة عايلة وحدة

ابراهيم،،بوية خل تولي انة اطيح حظهة صدك جذب مو بعينك زلمة وارد مرتي

ابو حمزة،،عينة الزلم بوية بس حتى نسد الحلوك وانة اعرف الغرض من هالسالفة كلة يلا حمزة اخذ جديتك،فيد عبدالله،

ريم،،بقينة مصفصفين واحد يباوع بوجه الثاني وحمزة واكف صعبة يطب الغرف يفتشهن

ابو حمزة،،شني اطرشيييتووووا جدامي يلا

الجدة صالحة،،انة مالي غرض ومابية اصعد الدرج عوفوني بحالي اخذوا فرحة

حمزة،،يلا عمة امشي لغرفتنة

فرحة،،عمة انعل ابو الذهب تالي العمر افتش غرفتكم

ابو حمزة،،فرررررحة بسااااع

ريم،،طبوا حمزة وابراهيم وعمتي فرحة للغرفة تقريب ربع ساعة وطلعوا

حمزة،،هاي بوية بشهادتهم ماكو شي بغرفتي

ريم،،عمي كاعد يسبح بسبحتة هز راسة واشرلهم لغرفتة بلا ما يحجي طبوا نفس الشي وفروا كل البيت صعدوا للفوك بس شني حمزة احسة يفوررر وابراهيم راح يطك صادق جان مو هنا،، وثريا ختلت متصفصفة يم عمتي كملوا كل الغرف وماكو شي اخر شي نزلوا من فوك

فرحة،،كلشي ماكو يخوي

ابو حمزة،،سمعتواااا وشفتووا كلكم موووو حجاية ثانية بهالسالفة اگلب البيت عليكم ساااامعيين

الجدة صالحة،،ادفنهن ومحمد هالنوبة التسولف هالسوالف الماصخة يلا ولن لغرفجن

ريم،،كلمن طش لغرفتة طبيت الغرفة مهوسة بديت الملم بيهة وحمزة طلع للمضيف ضاايج مدخن،فيد عبدالله،،،جاي الملم واتذكرت الموبايل عززة وصخام بعيني ركضت للكنتور ادور بي بخوف واحس ارجف وحيلي باد دقايق واني ادور بخبصة وجا يطب للغرفة بس مو حمزة اعصااار وطب علية طبك الباب حيل حتى اسد فز مخروع وبجة باوعتلة بخووف شال الموبايل بيدة مفتووح

حمزة،، تدورين هذاااا مووو،،،،يتبع