الغزالة في عرين الاسد الفصل الثاني وأربعون 42 - بقلم فيّد عبدالله

صباح الورد، ،،اعتذر اتأخرت بس والله بايتة برة البيت وكوة كتبت 😅 بس ما ردت اخليكم بالانتظار ردت نرجع نتنفس الصعداء باحداث هالبااارت الرووووعة،،،متابعة طيبة

البارت التاسع والثلاثون
فيد عبدالله

حمزة،،ريمتي ما بيج شي

علي،،حمزة لازم تعرف

حمزة،،علللييي

ريم،،تشخصت عيوني على حمزة اللازم ادية باوعتلة وباوعت لعلي،،همست علي گول شبية عرفت من البارحة اكو شي من طلعت من الطبيب جان اكو شي

علي،،ريم الطبيب شاف اكو..

ريم،، شي براسي موو منة هاي الدوخة والصداع

علي،،ورم عالدماغ

ريم،،احس بحجاية علي فجأة ثلجت الدنيا رغم صيف بعدهة بررررد كل جسمي

حمزة،،يتعالج عمري انتي والله يتعالج حجزنالج بتركيا هاي اسبوع الجاي ما خذيج وان شاء الله تطيبين

ريم،،احس باد كل حيلي تدرون اول شي خطر ببالي مو روحي ولا حمزة ولا اهلي لا ابني ،، ابني الخفت عليه بدوني خفت اعوفة خفت ما اشتم ريحتة بعد كعدت بالكاع

علي،،ريم لا تسوين بروحج هيج

حمزة،،علي كتلك لا تكللهة هسة،،ريمتي ريم غزالتي باعيني بس باعيني

علي،،ريم شهالضعف انة هيج ربيتج ضعيفة هيج تنكسرين بساع هيج تجزعين من رحمة الله شكاتبلنة نشوف وان شاء الله كاتبلج كل خير

ريم،،احس مابية انطق اصلا شالني حمزة للجرباية، ،همست اريد انام

علي،،ريمتي شبيج بعد اخيج لا تسوين بروحج هيج تطيبين ان شاء الله بس اتوكلي على رب العالمين

ريم،،غمضت حييل ودموعي تنزل للحظة اعترضت على حكم ربي يأست وتعبت ليش ياربي ششفت من حياتي حتى تكمل بهاي تكورت على روحي وحاضنة الغطة بادية وابجي واون عبالك طفلة حمزة لازم ادية اللازمات الغطة بقوة والم وقهر وتعب وكاعد بالكاع كبالي يتوسل افتح عيوني وعلي بصفي عالجرباية يحجي وياي واني مشوشة كلشي مااسمع احس فقدت الاحساس بكلشي مركزة بس ببالي فكرة راح اموت راح افارگ الاحبهم سكتوا حمزة وعلي واني ما فتحت عيوني مغمضة بقوة ومتقلص كل جسمي

حمزة،،كوم علي ناخذهة للمستشفى جاي تدمر شون نظل نباوعلهة

علي،،شيسولهة حمزة مو زين خاف

حمزة،،استغفرك ربي والتالي غزالتي بس باعيني شوو

ريم،،بهالاثناء وسمعت اسد يبجي طفرت من مكاني طلعت وحمزة ركضلة جابة يبجي طايح من الكرسي وابوه يبوس بي ويسكت بي اخذتة من حمزة وابوس بي واشتمة خليتة بحضني وهو يتلمس بوجهي

علي،،حمزة خليهة ترتاح شوية وارد

حمزة،،لايظل بالك انة يمهة

ريم،،طلع علي واني دموعي تصب باوعت اسد غافي بحضني غمضت بقوة احاول استوعب الوضع والحالة الاني بيهة حسيت اسد انشال من حضني شوية واجة حمزة مدد بصفي وسحبني لحضنة حضني حيييل ويبوس بكصتي واني مغمضة ودموعي تصب

حمزة،،احجي يا رويحتي انتي لاتضلين ساكتة والله تطيبين بس گولي ياالله اسفرج لاحسن دولة واعالجج والله مااعوفج انة وياج مااعوفج لحضة والله بس احجي مو هديتي حيلي

ريم،،انفجرت بالبچي وجلبت بي بقوة

حمزة،،ميخالف يا رويحة حمزة بس هدي روحج تعترضين على حكم ربج

ريم،،حجيت بقهرر ما شفت راحةشسويت بدنياتي حتى هيج اتأذة من فتحت عيوني اني بس الوجع اشوفة من مات ابوية ماشفت راحة اتزوجت وما تهنيت حتى ابني مات واسد گوة صار وانتة انتة شگد اذيتني شهور وشنين حارگ گلبي وملوعني يمكن حتى هسة رديتني لان شفتني مريضة وضعيفة،،رفع وجهي باصابعة

حمزة،،ولج انتي روحي انة ميت بيج عگبج اتعذبت عذاب ما تتخيليه احضن شالج وانام عبالك جاهل مفطوم على ريحة امة اشتري من عطرج وارش بالغرفة حتى احسج وياي تداومين وانة اصعد سيارتي گبل لايجي الخط بس اريد المحج اكحل عيوني بشوفتج حتى لو من بعيد

ريم،،اذا كل هذا بكلبك ليش ساكت ليش بقيت ساكت ما حجيت لا لمن خلصت ايامي،،،خلة ايدة على حلگي ونتر بعصبية

حمزة،،اشششش راح تطيبين ممنوع تجيبين طاري الموت مرة ثانية

ريم،،مسح دموعي ويردد انة وياج والله مااعوفج بعد ،،حضنتة وهمست لا تعوفني

حمزة،،مخبل واعوفج والله وياج وماعوفج انتي رويحتي بدونج ماكو حمزة

ريم،،سكتت شوية وهمست راح يوگع شعري مووو

حمزة،،احبچ

ريم،،واضعف اكثر واتعب

حمزة،،احبچ

ريم،،خاف مااكدر لمسؤليتك انتة واسد

حمزة،،وياچ ومااعوفج واحبچ كافي عمري انتي كافي تفكرين هيج ان شاء الله تگومين بسلامة

ريم،،خاف تمل وتعوفني

حمزة،،مخبل واعوفج بعد لو بس اشتم النفس اليطلع من ريتچ هذا كافي(هالجملة نصاً)

ريم،،حضنتة قوي واحاول اهدء روحي واقوي نفسي استوعب وضعي اتقبل اسوء الاحتمالات شوية وخابر عمتي فرحة تجيبلنة غدة الدنيا عصر صارت خطية اجتي وجايبة صينية الغدة واسمعهة تسألة علية الظاهر يدرون بمرضي ،،كاللهة ممدة تعبانة

فرحة،،سودة علية ريت بية المرض

حمزة،،لو يصير احطة الوجع بگلبي ولا تتأذة شعرة

فرحة،،الله يشافيهة يارب امي جاي تختملهة وحسين هم ذبيحتين ذبح ووزع عالفقرة وطلب الله يشافيهة

حمزة،،الله كريم يارب

ريم،،شوية واجة حمزة يمي حسيت ايدة تمسح بشعري

حمزة،،يلا ريمتي كومي ناكل

ريم،،مااشتهي

حمزة،،لا اشو تشتهين

ريم،،وخر الغطا وشالني،،حمززة نزلني

حمزة،،ماتمشي اميرة گلبي عالگاع

ريم،،ابتسمت بتعب وحضنت رگبتة

حمزة،،اروحن فدوة لليخجل،،يلا وياي اكلي مااكل بدونج

ريم،،كام يسوي لگم ويوكلني،،اني اكل

حمزة،،اريد اعوضج يا رويحة حمزة حالف لو رديتي انسيج كل يوم ما دللتج ودلعتج بيه

ريم،،لا تعوفني

حمزة،،مااعوفج والله وداعت عيونج مااعوفج اكلي لخاطري وانسي انة وياج نعبر هالمحنة

ريم،،اي ان شاء الله، ،اتنهدت احاول اطمن روحي بنضراتة،،،ومرت هالايام بقلق يحاول الكل يهدأني بس كلهة مبينةعليهة الصدمة امي الكل متباوعلي تنترس عيونهة دموع لو خواني الاحسهم يباوعولي بخوفة لو عمي العبالك اني جاهلة عمري خمس سنوات يحير شون يدللني بالاكل وعمتي فرحة كل شوية يمي هية وجديتي الگوة تتحرك بس تجيني ختام التجي يومية بالليل هية والبنات يمي حتى مااضوج وينضفن البيت ويطلعن حتى لااتعب وحسناء ورقية المتعاونات على اسد كوة اخليهم ياخذوه بس اگول خلي يتعود على بعدي خاف اموت ويتعذب وراية اما حمزة فجان عالم وحدة كدامي صلب ميبين شي وكلة يحجي بالمستقبل هيج نسوي وهيج وهيج بس احس بضعفة وخوفتة تالي الليل من يضمني بحضنة عبالك حصن يحميني بداخلة من كلشي يأذيني بوساتة ودلعة واهتمامة شي جنت اتمنى اعيشة بغير ظروف،،كملنة الاجراءت وودعت الكل بروح مفرفحة ابني امي خواني بيت عمي البنات ثاري واحد صدك يعرف معزتة من يوگع كلهة وكفتلي اتكطعت قهرر واسد كوة شلعوه مني ابوس بي خاف مااشوفة بعد شبعت بچي طول الطريق وحمزة وعلي يحاولون يسكتوني سافرنة اني وعلي وحمزة حتى بالطيارة مااحسيت بكل شعور او رهبة لان ما صاعدتهة قبل كل فكري جان ارجع سالمة ارجع بيهة فرحانة لاهلي اطيب وارتاح وصلنة والولد كرايب حسام من المطار استقبلنة ومأجرلنة شقة ومرتب كلشي گبل نزلنة للشقة جانت الدنيا ليل طبينة ميتين تعب سبحت ونمت گبل بحضن حمزة الاحاول استمد قوتي منة ومن علي كعدت الصبح للمستشفى فحوصات وتحاليل وووو هوسة يومين علما كملنة گالوا باجر يسويلج العملية لان الجراح يجي من امريكا ايام محددة و نسحب الخزعة ونحللهة حتى نعرف نوع الورم ونحدد العملية على هالاساس واني ادعي بگلبي حميد مو خبيث رعب جانت هاللحظات الله لا يشوفهة لاحد گوة يجبرني حمزة اهدء يقيدني بحضنة عبالك طفل واني اشهك بدموعي خايفة اخسرهم خايفة كلش بليلة العملية گوة جبرني حمزة انام وهو يطمن بية ويبوس بية وبادية ويسولف وياي

حمزة،،باجر هيج وكت كلشي منتهي ان شاء الله والاخبار تفرح

ريم،،على خير تخلص كل هالشدة موو

حمزة،،اكيد انة ثقتي برب العالمين متتصوريهة شكد هو ارحم الرحمين

ريم،،اي ان شاء الله اني توكلي على ربي يطلعني من هالشدة

حمزة،،اي عفية بغزالتي ادريج بطلة

ريم،،اي اني وياكم اصير بطلة لا تعوفوني

حمزة،،اموت ومااعوفج

ريم،،اسم الله ،،ربي لايحرمني منكم

حمزة،،ريمتي احبچ،، بكل حالاتج احبچ

ريم،،بوسني وصار يمشي لحيتة على خدودي ورگبتي ومقيد ادية اتدغدغ بملمسهة اضحك واسويلة كاافي صدك غير نفسيتي

حمزة،،يلا يا عصفورة ذبلت عيونج من النعاس تعاي لعشج

ريم،،فتحلي ايدة ومددت بحضنة و تناسيت كلشي وخليتهة على الله واهل البيت صدك قبل لاانام اتوسلت من كل قلبي بفاطمة الزهراء(عليها السلام)انة بمقامهة عند ربهة تتشفعلي واطلع سالمة وارجع لبيتي وابني وزوجي وحياتي وغفيت والله بالحلم واسمع صوت مرية تصيح باسمي التفتت وما شفت شي مرية وجهة كلة متغطي بخمار ابيض والباقي مستور بعباية شالت تفاحة وانطتهة الي وگالت اكليهة بيهة كل الشفاء ابتسمت الهة باوعت للتفاحة تشهي عضيت منهة واسوي بالحلم الله شكد طيبة فزيت اذان الفجر يأذن ابتسمت برراحة احس هالحلم جان مسحة طمأنينة لروحي كمت توضيت وصليت رغم ذيج الفترة من اصلي شكد ادوخ هالمرة ابد ما حسيت بدوخة كعدت ادعي وابچي اناجي بربي كملت حمزة يباوعلي بقلق

حمزة،،ها ريمتي

ريم،،هاا عيوني ماكو شي

حمزة،،شلونج

ريم،،ابتسمت بوجهة،،كلش زينة ابتسملي بفرح

حمزة،،ان شاء الله عمري، ،خل اكوم اصلي

ريم،،گام صلى واني بعد مااجاني نوم،،رحنة للمستشفى وحضروني ادخل عمليات ياخذون العينة اكثر شي يوجع من شالوا من شعري من المكان الي ياخذذون منة العينة شعور يوجع من تشوف شعرك يطيح كدامك دموعي تصب وحمزة لازم ادية وكاعد كبالي واني ابجي وعلي يفرك بجتفي كوة هدات كالوا يلا للعمليات واني احس ارجف خووف علي يطمن بية وحمزة يفرك بايدي بهدوء وميحط عينة بعيني كمت كوة اتنفس باوعت لعلي باس راسي ويقرالي قران حمزة باوعلي عيونة حمرررر باس راسي وايدي وهمس انتظرج هنا مااتحرك اخذوني الممرضات ويحاولن يهدأن بية رعب رعب جانت هاللحظات الدكتور يحجي عربي مكسر

الدكتور،،انت ام

ريم،،همست اممم

الدكتور،،كم بيبي

ريم،،اشرت باصبعي واحد وشوية شوية حسيت بديت اخدر ورحت لغير عالم ،،ضليت انام واگعد لحدما فزيت جان اكو وجع براسي مكان اخذ العينة اجة الطبيب بس صحصحت يسألني ويحاول يشوف انه اني رديت لكامل وعيي مر وقت وكال الدكتتور كومي امشي يتأكدون من حركتي وكمت الحمدلله ردت اروح للحمام بمساعدة الممرضات اباوع بالمراية شعري من جهة ماكو وملزوگة ضمادة حاولت اقوي نفسي ماابچي خلص ريم انتي قوية لخاطر ليحبوج قوي نفسج انتي هسة بمعركة وما وياج غير ثقتج برحمة ربج هية هاي الراح تطلعج ربحانة غسلت وبدلت بمساعدة الممرضة ،،الحمدلله عدت اول مرحلة بخير وطلعت من المستشفى للشقة وننتظر نتيجة الخزعة اسبوع عدة وبديت استرد عافيتي ببطئ وعلي وحمزة وياي يبدلون الضماد اكل اشرب من اسبح حمزة وياي حتى لا يوصل مي للجرح،،الصبح نتريگ والولد خابر على علي واسمعة يحجي وياه انه النتيجة طلعت احس وكف گلبي

حمزة،،هاا علي شنوو

علي،،اوكف، ،اي اي يعني شنو،،،،گول والله متأكد الحمد لله الحمدلله رحمتك يارب

ريم،،اباوع لعلي عيونة تجري دموع ويتنفس بسرعة سدة من الولد واجة حضني ويبچي

علي،،ريمتي حميد الورم مو خبيث

ريم،،احس كوة استوعبت حضنتة وابچي وحمزة اباوعلة طلع للبالكون وراسة للسما رجع حضني ويبوس براسي احس صارلي امل كلش چبير رحمة ربي هاي رحمتة،،ورة اليوم العاشر تحددت العملية ينزال الورم بالكامل جانت نفسيتي ومعنوياتي عالية احس اكو تفاؤل بداخلي من الصبح خابرت حسناء حجيت وية اسد وامي وخواني وكلهم يدعولي بدلت وطلعنة وصلت واتصرف بأمل لحدما عفتهم وطبيت للعمليات واني ابتسم واگللهم انتظروني راح اطلع ونرجع سوة، ،وطبيت للعمليات صح خوفة ورهبة بس بدعاء ومناجاة وتوسل بربي يطلعني من هالمحنة

حمزة،،احس كوة جنت عايش هذنيج الايام ميت ومااحاول اظهر لريمتي غير الامل والتفاؤل داخلي يتگطع وجع وخووف بس اطمن بيهة ما فارك لساني الدعاء والتوسل بربي وعود هوواي عاهدت روحي بيهة امام ربي اسويهن بس تطلع سلامات اعوضهة كل الراح،من عرفت الورم حميد احس شي ونبض بداخلي بفررح طلعت للبالكون اباوع للسما واشكر بربي وطمعي برحمتة يكبر تخلص هالمحنة بخير ،بيوم العملية انتهيت علما طلعت مرتين يطگ خشمي دم من الضغط والتوتر العملية طولت اربع ساعات وواحد وعشرين دقيقة حافظهن دقيقة دقيقة ولوجانن يمرن دهر دهر طلع الدكتور ركضنالة انة وعلي والولد ابن خالة حسام ،،ها دكتور

الدكتور،،الحمدلله الورم انزال بالكامل ما جان مأثر عالنسيج والخلايا مال الدماغ والحمدلله بس حجمة جان مسبب الخلل بسسب الضغط والحمدلله هسة كلة انزال ان شاء الله تصحى ونتأكد من وضائف الدماغ كلهة سليمة ساعتهة نتطمن

علي،،الحمدلله الف الحمدلله

حمزة،،ابتعدت منهم امسح بدموعي الخانتني ونزلت بفرح هدأت ورجعنة للانتظار طلعوهة للعناية تحت المراقبة ومن فاقت طب الدكتور يفحصهة

ريم،،اسألة هوواي وحركات جان يسألني الدكتور اسويهة يتأكد من كلشي واني احس بدة الوجع براسي يدگ كوة كملنة ومر وقت والوجع يموت يروح ويجي اغفة واگعد اخر شي حولوني للغرفة مالتي وحمزة وعلي طارت رواحهم بية من طبيت يبوسون بية بلهفة وفرحة عاند حمزة الااظل بالمستشفى ارتاح اربع ايام وطلعنة مااتحملت اكره المستشفيات بس بقت فترة النقاهة ولازم مراجعات مستمرة رجعت و اني اميرة بالدلال حمزة وعلي ما قصروا شعرة يتعاركون منو يوكلني رغم عادي اسيطر الزم بايدي رجعت بس همة مصرين مااتعب ،،حمزة صدك وكفلي بمحنتي صدك حسسني شكد اني عزيزة عندة وشكد يحبني حتى للحمام يطب وياي تكرمون حتى حذائي ينصي يلبسة الي حتى ماادنك واتأذة لو كمت للحمام وياي يوصلني بيدة يسبحني ويلف شعري اول ايام حتى لا يتبلل الجرح ينشفلي ويلبسني حتى جواريبي عبالك بنتة كل شوية وجايبلي شغلة اكلهة تفيد صحتي بديت الحمدلله اتعافى بدلال هالشخصين الماكو منهم اخر يومين طلعوني للمولات ومطاعم بس مو هواي فرة حتى لااتعب واني شاشوف لاسد اريدة شهر ونص اني بعيدة عن ابني وبيتي واهلي ميتة عليهم اخر شي گال الدكتور وضعج تمام والتحسن واضح ترجعين عادي لحياتج بس بالتدريج ارهاق ضغط عالاعصاب نرفزة ضوجة ابتعدي قدر المستطاع ادوية ومقويات استمر عليهن اكل يزيد مناعتي وقوة جسمي حركات اتجنبهة قدر المستطاع حتى الحمل گال اذا مفكرة هسة اجلوه خلي جسمج يتعافى تماما وتقوة مناعة جسمج لان الحمل يضعفهة اتأكد من كلشي سليم بفحوصات وگال ارجعوا بس لازم تبقين تراقبين صحتج دائمااا،،ورجعت للعراق رجعت لبيتي ومكاني صعدنة الطيارة واتذكرت من اجينة الحمدلله رجعت مثل ماجنت اتمنى الف الحمدلله لزمت ايد حمزة وهو كل شوية يهمس

حمزة،،خوما تعبتي عمري

ريم،،لا لا زينة،،ووصلنة بسلامة عمي متحضر اول ما نزلنة وذبح جوة رجلي اربع طليان لسلامتي ووزعهن كلهن للفقرة واهلي اتلگوني بالهلاهل والجگليت وحمزة يصيح لا تجي جگليتة براسهة يمعودين وكلهة تضحك بفررح حسنين شبكني وعيونة حمرر وكاظم وعادل واحمد يبوسون براسي امي تبچي وحاضنتني اسد نام على جتفي گبل ويباوعلي بابتسامة حبيبي مفتقدني وميعرف يعبر البنات سلموا بفرح حتى سرور خو حسناء التبجي همستلهة علية على شوفة علي هالدموع

حسناء،،ووجع مو صوجج

ريم،،كاافي ولج مابية اتحمل وجع بعد

حسناء،،اسم الله وجع بگلب العدو

ريم،،فدوة لگلبج،، جديتي اجتي عالعكاز توخر بيهم بالعكازة

الجدة صالحة،،هشش هشش شو خل اشوفن البت موتوهة بالسلام گطيعة چلچ مال نسوان وزلم

عادل،،ادري كوم غنم وتهش بينة

حمزة،،اي جدة تعبوهة اخذيهة جوة

حسنين،،ايباااه عود يخاف عليهة اكثر منة

حمزة،،اكيد

حسنين،،مصدك روحة

حمزة،،حسنيييين

حسنين،،هاا عمي صحتنيي جاايك

ريم،،اباوع واضحك اباوع للفرحة وكل اهلي محاوطيني يا ربي صدك اني هسة بنص النعمة ربي ديمهم الي ولا تحرمني منهم ابد،،،،يتبع