الغزالة في عرين الاسد الفصل الحادي وأربعون 41 - بقلم فيّد عبدالله

صبااح الورد،،شلونكم شلونهة المعنويات ،،القصة دا تقترب من النهاية شتتوقعون النهاية تكوون القاري قصصي القديمة حيعرف ويعرف العبرة الردت اوصلهة بهالقصة،،،متابعة طيبة

البارت الثامن والثلاثون
فيد عبدالله

علي،،دكتور وهسة شوون شنسوي

الدكتور،،لازم عملية باسرع وقت نشيل الورم لان جاي اشوف حجمة مو صغير فحتى ما يسبب اضرار ما تتصلح لازم باسرع وقت ونتابع حجمة هالايام بدقة

علي،،زين دكتور هو الورم شنو وليش صار اكو سبب

الدكتور،،الورم يجي من هواي امور بس المهم هسة انه ندعي يطلع الورم حميد مو خبيث ومتوغل هواي

علي،،بلعت ريك ما استوعب،،يعني شون

الدكتور،،ابني بقت يم الله هاية احنة العلينة نزيل الورم باسرع وقت اذا عندك امكانية من باجر بلشوا بالاجراءات

علي،،اترخصت من الدكتور كوة وكفت وطلعت فتحت الباب وهي بوجهي تباوعلي مبتسمة بقلق وحسنين لازم ايدهة

ريم،،هاا علي

هلي،،ماكو شي يابة فقر دم حااد ومتعبج

ريم،،كل هاية الفحوص لفقر الدم علي احجي حباب

علي،،لا مو جانو عبالهم خلل بالجسم من من شافو دمج هيج نازل

ريم،،اي وشطلع

علي،،مابيج شي ان شاء الله گال ترجع وترتاح وتفتح مثل الوردة وانطاج ابر مقوية وعلاج عود ناخذهن من برة

ريم،،اي اي خل نطلع اكره المستشفى وريحتهة

حسنين،،اباوع لعلي بقلق عرفت مو هذا الصدك مشت ريم لازمة ايدي شوية وقوت لزمتهة

ريم،،شو احس افترت بية الگاع

علي،،تعاي تعاي ريمتي ارتاحي هنا

ريم،،لا لا خل نطلع منا بس ظل لازم ايدي حسنين

حسنين،،اي ريمة هاي لازمج يا بعد اخيج،،طلعنة وعلي گالي انتة سوق شوية تعبت من الفرة اباوع لريم بس صعدت ورة غفت همست لعلي الچان شارد يباوع من الجامة،،ها علي بشر

علي،،نوصل ونسولف

حسنين،، يبست ريگي احجي

علي،،سوق حسنين خل نوصل بسلامة

حسنين،،مااتحملت نرجع للبيت طلعت لشقة حمزة

علي،،شو منا

حسنين،،نرتاح والعصر نرد للبيت تعبت ريم وصلنة وكعدتهة

ريم،،ها حسنين شو لهنا

حسنين،،شو تعبانين خاف نتعب اكثر لو سقت هالمسافة نرتاح ونطلع العصر

ريم،،اي يلا اهم شي سلامتكم،،نزلت وگلبي نارر على اسد خابرت حسناء كالت تغدة ونام يم بنت علي هو عاد روحة بيهة جابو غدة واكلنة وسويت چاي شربوا الولد وكتلهم راح اتمدد شوية وكعدوني،، صايرة من كلشي اتعب صدك بس مددت غفيت

حسنين،،احجي علي شصاير شكالج الدكتور

علي،،ورم عالدماغ

حسنين،،سكتت استوعب الحجي،،علي كول غيرهة

علي،،ينراد عملية باسرع وكت

حسنين،،وليش نرجع هسة نرتب امورنة

علي،،ما نسويهة هنا نطلعهة برة اضمن خابر حسام مو ابن خالتة هذا الاجة للعزيمة مترجم وية المرضى بتركيا خابرة خل يسأل

حسنين،،اي اي هسة،،مو لازم نكول لحمزة

علي،،راح اخابرة يرجع وانت خابر حسام

حسنين،،خوش لعد

علي،،دكيت على حمزة واحس انة الگلبي يرجف حجيت وياه وسالتة على شغلة تالي سألني هوة على ريم من كتلة اسمهة اختفة صوتة ورجع حجة بخوف

حمزة،،شبيهة ريم

علي،،حمزة ريمتي صار هواي تتعب مااعرف ملاحظ انتة لا

حمزة،،اي اي تدوخ ووجع براسهة ومن اكللهة تكول هبوط

علي،،بيوم عرس عادل وسكتت احس بلعومي متجرح من الخنگة

حمزة،،اي علي احجي

علي،،كعدت كلشي ماتذكر شكو بهالليوم عرسمن وردت كعدت طبيعية

حمزة،،شتكول خاف جانت ما مركزة

علي،،اخذتهة للدكتور حمزة صارلنة يومين نركض بالمستشفيات وطلع عندهة ورم بالدماغ

حمزة،،هنا احس حيلي كلة انهد كمت مابية حتى اخذ نفس كعدت عالرصيف گلبي يوجعني وحق رب العرش حسيت وجع عبالك سجينة وفاتت بنص گلبي

علي،،حمزة وياي

حمزة،،علي شتگول حجيتهة بتعب بساعتهة يمكن ماكو اضعف مني

علي،،حمزة لازم عملية تعال باجر وخل ناخذهة برة

حمزة،،هي شگالت

علي،،متدري حمزة مالي عين اگللهة

حمزة،،راح احجز واجي علي

علي،،اي اي تعال احسن يلا انة رايح ورانة رجعة،،

حمزة،، الله وياكم طمني من توصل، ،،احس كلبي يركض عبالك جنت بسباق صافن بالفراغ وساعتهة نزلت دمعة حااارة حرگت خدي بچيت واول مرة بحياتي ابچي بچيت من حسيت بخوفة خسارتهة اريدهة اريد اعوضهة كل العيشتة الهة اريد نعيش سوة اصبح بعيونهة ووجهة ابوسهة اخذهة لحضني اشتم شعرهة اخلف جهال يشبهوهة وهية امهم اريدهة بس هية كل منك حمزة شكد ضيعت ايام حلوة بعنادك شكد خليتهة تعاني شكد اذيتهة شسوي بعمري لو راحت مني انة امووت عگبهة ،،حجزت بوجهي انة وابراهيم الظل يباوعلي بقلق وهو شارد رجعنة بالليل متأخر ماانتظرت للصبح رجعنة للبيت گبل طبينة الفجر للبيت بوجهي لبيت عمي وخابرت علي

علي،،ها حمزة وصلت المطار

حمزة،،بالباب انة

علي،،هاا جايك جايك

حمزة،،ثواني وفتح علي الباب

علي،،الحمدلله عالسلامة يابة اتفضل

حمزة،،طبيت للديوانية،،علي شكالك الطبيب بالتفصيل

علي،،كال لازم عملية وباسرع وكت خاف يكبر الورم ويضغط اكثر وياثر عالخلايا وما ترجع مثل گبل بعد

حمزة،،زين زين،،والورم جبير

علي،،اي مو زغير ادعي من الله حميد مو خبيث

حمزة،،يارب يارب ، ،نطلعهة للخارج احسن

علي،،هم كلت وخابر حسنين على حسام

حمزة،،حسااام شكووو

علي،،مو ابن خالتة يشتغل مترجم بمستشفى بتركيا

حمزة،،اي وشگال

علي،،دزينالة صور الرنين والاشعة مال الدماغ واليوم يشوفهن للطبيب ويردلنة خبر

حمزة،،هي وين هسة نايمة لو كاعدة تصلي

علي،،لا كايمة متگعد تذب روحهة بتعب وانة مااخليهم يكعدوهة

حمزة،،انعصر گلبي هاي شصاير بغزالتي شسويت بيهة حمزة شسويت بيهة وبروحك،،خووش لعد انة رايح ابدل واسبح وارد ،،علي منو يكللهة

علي،،انتظرتك حتى نكللهة انة وياك

حمزة،،مااتحمل اشوفهة تتأذة خل ناخذهة وهناك نكللهة

علي،،لا تخاف هناك ومو كل اهلهة وياهة خلي نكللهة هنا ونظل نطمن بيهة وتهدة علما نسافر

حمزة،،بس مو هسة خليهة هالچم يوم بين ما نرتب امورنة مااريدهة تظل تتعذب وتفكر هواي

علي،،هيج تگول

حمزة، اي احسن يارب رحمتك،،، رايح انة هسةو اردلك لاتكللهة اجيت

علي،،ماشي

ريم،،رجعنة متلهفة لاسد اخذتة لحضني وابوس بي سبحت واسولف للبنات شكد اتبهذلنة وطلع ماكو شي

ام ريم،،الحمدلله من ماكو شي انة راد كلبي يوكف من خابرنة علي كلت هاي بنيتي شو شبيهة

ريم،،الحمدلله ماكو شي

رقية،،الحمدلله متت خوف عليج

ريم،،ياعيوني حتى ما شفتكم ،،ثاني يوم الصبح كعدت نفسي تلعب بوجهي ركضت للحمام حسيت حسناء،،تفرك بضهري

حسناء،،شبيج يا عيني شجاج

ام ريم،،ها يمة شبيج طفرتي من فراشج

ريم،،مااعرف يمة نفسي تلعب مااتحملت،،شبيج حسناء لاتبجين مابية شي شو هاي حضنتني وصارت تبجي

ام ريم،،ياا شجاج خالة مابيهة شي انة شاكة بشي

ريم،،هايمة رجعنة لهالسالفة موحامل الف تحليل سوينة جان بين ،،ما ردت اگول انه حمزة من رجعت لهسة ما لامسني ماحبيت اگول، ، غسلت وفرشت لميت شعري شون ماجان وطلعت حسنين بوجهي واكف بباب الحمام

حسنين،،ها ريمة شونج

ريم،،شجاكم مابية شي والله،،باوعت لحسنين بقلق حسيت خوفهم زايد اكو شي گلبي كاللي اكو شي ضاميه،،همست حسنين شكو شبيكم

حسنين،،ماكو شي تعاي تعاي محضريلج مفاجأة

ريم،،شكو،،سحبني من ايدي

حسنين،،تعاي للديوانية

ريم،،طبيت واسال بي شكو حسنين باوعت حمزة بوجهي،،ابتسمت لا اراديا وهمست شوكت اجيت الحمد لله عالسلامة ودنكت ما حسيت الا تقدم واخذني لحضني دفنني بحضنة ضلوعي طكت يمكن من قوة حضنتة و اني بين الفرحانة بين الميتة خجل من خواني الواكفين

حسنين،،احمم يابة خوانهة هنا

ريم،باس راسي وابتعد يباوعلي وعيوونة حمر،

حمزة،،احمم، ،شلونج شون صحتج اسد شونة

ريم ،،زينين الحمدلله

علي،، اخذو راحتكم

ريم،،طلعوا الولد واني واكفة بمكاني اتقدم بسرعةورجع حضني لزم وجهي بثنين اديه نفسة حااار وعيونة حمر

حمزة،، ريمتي انة اعتذر ورب السموات اسف وعد رجال ما عاد اقهرج بعمري ولا ااذيج تعبتج هوواي كللش هواي ريت كل التعب بية يصير ولا تتاذين شعرة

ريم،،باوعتلة عيوني مدمعة، ،همست واحس صوتي متشحط، ،حمزة بعد لا تقهرني لا تخلينة نفترگ بعد اتأذة كللش لا ترجعني لذاك الاحساس اليموت لو اذا تفكر تردني بيوم لهذاك الوجع من هسة عوفني

حمزة،،ابد ريمتي بعمري ما عاد اقهرج ماانزل دمعة من عيونج الحلوات حياتنة بعد انة وانتي واسد وبس ببيتنة نعيش احلى ايام مااخلي الهوة يمر بيج وداعت غلاتج عندي

ريم،،اذا هالكد تحبني ليش اذيتني هيج

حمزة،،انسي كل الراح والله اعوضج عنة باحلى ايام بس خليج وياي لا تعوفيني ابد اموت بدونج والله

ريم،،مااعوفك لا ،،اتقرب لشفايفي اخذهن بلهفة اتعمق ببوستة واني احس ذبت باحساسي وياه لدرجة دخت حتى لزمتة بقوة ابتعد وحجة وهو خايف

حمزة،،شبيج ريمتي شبيج يا رويحتي

ريم،،دخت احس ما جاي استوعب كل هالمشاعر سوية

حمزة،،تعاي اكعدي عمري انتي

ريم،،كعدت وهو بصفي اخذني لحضنة خليت راسي على صدرة ودگات كلبة قووية حييل همست،،گلبك يدك حيل

حمزة،،لان هستوة رجع يدگ بصدري جان واگف عكبج

ريم،،ابتسمت ومغمضة عيوني دك الباب علي ابتعدت مستحية

حمزة،،ترة مرتي شبيج

ريم،، ابتسمت ونصيت راسي

علي،،ها يابة شونكم

حمزة،،عصافير،،،يابة رايد مرتي راح اخذهة ونرد لبيتنة

علي،،براحتك ابو اسد

حمزة،،اسد خلوه يمكم منريدة

علي،،هااا هيج صارت خلوه يابة خوش نسيب اخذة لبنتي

ممزة،،خوش اخذة كعيدي

علي،ههه ابنيلة بالحديقة عود

حمزة،،كبعة واخذة بعباتة

ريم،،وين الگة احسن من بنت علي

حمزة،،والله هنيالة عمي

علي،،رحم الله والديكم يابة يتدلل اسد

ريم،،حسستوني اني عجوز وجاي اخطبلة ووينة وين هالوكت عود اذا كبروا وصارت قسمة بيدي اجي واخطب ،،ريم اباوع لحمزة عيونة غرغرت دموع وعلي نفس الشي

حمزة،،يلا نروح للبيت ريمتي

علي،،ها صارت ريمتك لا ريمتي گبل ما تصير ريمتك

حمزة،،والله عمي الك كل الحگ،،منا ورايح اسميهة غزالتي

ريم،،هههه والله عمي راح اشوف روحي على هالدلع

حمزة،،يحگلج والله

ريم،،ابتسمت ونصيت خجلانة

حمزة،،يلا جيبي اسد

علي،،خلوه نايم خطية لو كعد اجيبة

ريم،لا اخذة احسن

علي،،لا لا يتعبج خاف خليه نايم اذا كعد وما شابع نوم يتنحس ويظل ينگنگ

حمزة،،خليه هسة

ريم،،اي ماشي لبست وجبت مفاتيح البيت وطلعنة من الحديقة اني وحمزة اول ما طبينة البيت مااحس الا هووب شالني حمزة بثنين اديه ،،ضحكت حمزة نزلني ماكو هوة مستمر،،،ابو اسد نزلني كلتهة بدلع باوعلي رفع تك حاجب

حمزة،،ابو اسد بعينج شعلتي جد جدي بهالحجاية الا اطلع حيفي منج بكد حرگة دمي من تكوليهة

ريم،،انتة مو ابو اسد

حمزة،،لا كل العالم من تصيحني ابو اسد افرح الا انتي احب اسمي بلسانج

ريم،،باوعتلة وخليت راسي على صدرة نزلني عالچرباية ويباوعلي بلهفة ،،عدلت كعدتي ابتسم

حمزة،،تعاي نتريگ سوة

ريم،،هسة اسوي

حمزة،،لا انة وياج نسوي

ريم،،باوعتلة ابتسمت،،بكيفك،اسبح ونتريك عادي لو جوعان

حمزة،،لا براحتج

ريم،،طبيت سبحت عالسريع لبست تراك نيلي ووردي اباوع لروحي شون ضعفانة شجاج ريمة ينراد ارجع اهتم لاكلي طلعت للمطبخ هو مسوي الچاي ومطلع خبز ومحضر الميز ،،ها اني اجيت

حمزة،،ندلل الاميرة تستاهل الدلال

ريم،،حمزة ظل هيج لا ترجع لاعصابك ابد

حمزة،،مو يدلل الحلووو

ريم،،اتريكنة وهو يوكلني بايدة كوة اكل مااشتهي كملت وكمت غسلت ورجعت الملم بالمطبخ، ،اجة شالني ومشة،،عززة حمزة بس الم المطبخ

حمزة،،اشش تعبان اريد ارتاح بحضنج كاافي سنين التعب هدن حيلي

ريم،،خلاني عالجرباية طفة الضوة واتقرب مدد وسحبني بحضنة تنهد وهمس بتعب

حمزة،،احبچ

ريم،،حضنتة حيل،واني هم

حمزة،،انتي شنوو

ريم،،حسيت بانفاسة قريبة لوجهي،،همست اني هم احبك،،اخذ شفايفي بلهفة تشرح اشتياق وتعب سنين وصارت لمساتة تسافر على كل جسمي شوية وابتعد حضني قووي ونام شوية وهدأت انفاسة عرفتة نام جان تعبان من السفر اكيد اني هم نعست ونمت بدفو حضنة كعدت صافنة احاول اجمع واركز كمت احس مضيعة الوكت اي هاي لان نمت هواي وبتعب مثل كل مرة من اتعب وانام اكعد مضيعة شميت عطر و طلعت قريب باب المطبخ واسمع صوت حمزة يهمس

حمزة،،وهسة حجزتلهة يم الدكتور

علي،،اي اي هذا الاسبوع نطلع الجواز وناخذهة

حمزة،،علي مضبوط الدكتور خل نسأل بعد

ريم،،طبيت للمطبخ حمزة كاعد هو وعلي عالميز واسد فوك الميز،،شكووو المن الطبيب باوعولي ثنينهم وعيونهم حايرة ،،احس گلبي نغزني ما مرتاحة اصلا من البارحة نظراتهم تقلق،،همست شبية الي الطبيب اعرف شبية،،،،،يتبع

فيديو هالبارت حسيتة يشرح حالة ريم تتوقعون تنسي ريم لو تستمر بلمساتهة الناعمة تدفي حياة الباقين

https://youtu.be/PyrlwwMtfL0

https://www.youtube.com/watch?v=PyrlwwMtfL0