الغزالة في عرين الاسد الفصل السادس عشر 16 - بقلم فيّد عبدالله

مساء الورد حبايبي شلونكم مشتاقتلكم موووت شخباركم،،،

البارت السادس عشر
فيد عبدالله

ريم،،اقتربت من المضيف اكثر وثريا لازكة بالباب لزك ومنطيتني ضهرهة بهالاثناء علة صوت حمزة

حمزة،،ولج انتي صدك زايحة المستحة

ريم،،ما سمعنة غير هدى انهدت بجي فتحت الباب ثريا بسرعة خايفة على اختهة عشتوا واني احس ما مستوعبة كل الجاي يصير امشي بهددوء ورة ثريا عبالك مخدرة جانت هدى كاعدة بالكاع ولازمة خدهة الي مبين ضاربهة حمزة راشدي

حمزة،،شوفن ولجن انتن الثنين ومحمد اطبكجن ثنينجن وامصع ركابجن مصع انتي ثريا جان استحيتي مني من ابراهيم من لازمة لاختج الباب وسفة انتي مرت ابراهيم والا اعرف شلون اطيح حظج اخذي اختج وولن وانتي الثانية ان عتبتي هالبيت مرة ثانية وحك هو علي اخليج تتمنين الموت وما تحصليه ولن منا وانة اعرف شلوون اتصرف بعد وياجن

ريم،،اجتي ثريا تركض وترجف گومت اختهة الجان خدهة احمررر وطلعن بساع وحمزة صاير اعصااب يفووور باوعلي ورجع نصة راسة

حمزة،،اخخخ لو ما اخاف من الفضايح وهية بنية جان شگيتهة وصلتين هالبلا تربية

ريم،،ضليت متصفصفة وارجف والله من يمي خفت شهالصلافة العندهة،واباوعلة مثل الاسد المحبوس بقفص وما يكدر يسوي شي يروح ويرجع

حمزة،،ريم لاتجيبين طاري بالصار ....

ريم،، بهالاثناء خابروه زلم جايين للمضيف اشرلي اطلع طلعت بساع ولكيت هدى كاعدة بالحديقة مدنكة وتبجي واختهة تسكت بيهة احتركت فرررت رحت عليهن مدخنة،،،اسمعي هدى رتضبين روحج لا ومحمد اسوي سواية افضحج بيهة

هدى،انوب علية انتي رووحي لاابتلي بيج

ريم،،اني الباقية وانتي التولين لبيتج، ،ثريا كضي اختج ترة والله حتى لابراهيم اوصلهة واخرب بيتج مثل مااختج تسعى بخراب بيتي،،عفتهن وطبيت للبيت افوور صافنة على الحجي الكلتة الهة والله احس كلبي جان يركض اني المستحية من احجي وهي بكل صلافة تجاوب بس همزين اتجرأت وحجيت جان متت عفية بريم لاتسكتين عن حكج ابد ابد اتقوي لا تضلين ضعيفة انتي ام الحك لا تضلين بفهاوتج،فيد عبدالله،

ختام،،شبيج ولج وجهج مخطوف وين جنتي

ريم،،ماكو جنت بالمضيف و اجة خطار للمضيف وركضت

ختام،همممم الله يثخن اللبن اكول عايفة اسد نط بجي

ريم،،عززة وينة

ختام،،نومتة جديتي

ريم،،رحت شفت اسد جان نايم وجديتي مخليتة بصفهة بغرفتهة وفنة اليطلع صوت من الجهال كعدت يمهة مهدود حيلي باوعتلي مستغربة

الجدة صالحة،،شمالج جدة مدوهنة

ريم،،ما بية جدة، ،بهالاثناء طبت عمتي فرحة على عمتي

فرحة،،رسمية تعاي هاي هديوة مدري شمالهة تخربطت بالحديقة

ريم،،كمت افور بودي اكلهة شنو هالعيارة وكلهة انخبصت جديتي بقت بمكانهة وتسبح وتباوعلي بشك

الجدة صالحة،،شمسوية بالبت يمصكوعة

ريم،،شمسوية انوب رديتي علية كولي هي شمصخمة بعمرهة هالبلا ادب

الجدة صالحة،،شبيهة هالمفلوكة ولا ارتاحلهة

ريم،،عود اسألي حمزة لو رد ما يقبل اسولف

الجدة صالحة،،وانتي المن مسولفة يمصكوعة

ريم،،مو تعرفيه جدة رام انفجر بروح جدي عوفيني،ضليت كاعدة يم جديتي الوج كعد اسد وضليت الهي روحي بي وهن طبن صعدن لغرفة ثريا فوك مليت من الكعدة حتى وحمزة بالمضيف ختام خذت جهالهة وصعدت ،،اخذت اسد وكمت لغرفتي نومتة وطبيت سبحت اريد ابرد روحي ضليت الوج سمعت صوت حمزة طب الصالة وعمتي اتلكتة

ام حمزة،،يمة حمزة شو هاي هديوة تخربطت فدنوب ناخذهة للمستشفى انة وياك محد هنا طلعوا خوانك

ريم،،طفرت الف بشالي اريد اطلع واسمع حمزة

حمزة،،تعبان يمة خابري ابراهيم واخذيهة انتي وياه واختهة ومناك نزليهة يم اهلهة ماااشي

ام حمزة،،يا يمة مو....

حمزة،،مااااشي يمةةةة

ام حمزة،،ماشي يمة بكيفك

ريم،،يمة ماي بارد ونزلل على گلبي رجعت نزعت شالي ودخل

حمزة،السلام عليكم

ريم،،وعليكم السلام،كعد عالجرباية مدخن

حمزة،،حضريلي الحمام رحمة على والديج

ريم،،جاهز بس انت لا تظل متكدر

حمزة،،حركتني حرك هاي تاليهة وحدة من بناتنة هيج تسوي تجي تذب روحهة هيج انة الزلمة استصعبتهة

ريم،،متفتهم شسويلهة

حمزة،،شني متفتهم صغيرونة اكبر منج هية بس كولي ماعندهة حيا بس والله ان عتبت هنا وردت تبات وتاخذ راحتهة اطيح حظهة هاي تروح تبلينة بالاكبر وبيتنة كلة زلم وعالم طابة طالعة للمضيف

ريم،،كافي يا روحي انت حركت روحك تولي وماترد بعد كوم اسبح وعوفهة تولي،

حمزة،،ريم هالسالفة متطلع لبشر

ريم،،وهي سالفة بيهة حض حتى اطلعهة تعرفني انقل حجي تنهد و كام باس راسي

حمزة،،الله يكملج بعگلج يا ام اسد ،انة الاعرفج ماكو منج ومن عگلج من هاي عشگتج

ريم،،همست يعني ما تبدلني بمرة ابد

حمزة،،الا تسودنت هو انة كوة اقتنعت واتزوجت والف الحمدلله طلعتي على مرامي وعشعشتي بگلبي

ريم،،صدك والله ما جنت تريد تزوج

حمزة،،اي ابد ما جان ابالي

ريم،،ليش وشنو الغير بالك

حمزة،،اسبح واطلع ونسولف

ريم،،رحت عالسريع بدلت وتمكيجت ما اريد اصلا افكر بالصار ردة فعلة بردتني وخلتني اتأكد من صدك بس اني البكلبة،،طلع من الحمام بقة صافن علية

حمزة،،طبيت الجنة شنو

ريم،،ابتسمت بخجل اتقدم وحضني حيييللل عبالك يطببني بضلوعة،،يلا سولفلي

حمزة،،علي شنو

ريم،،ليش ما جنت رايد تتزوج

حمزة،،اهووو شيخلصهة بعد

ريم، حباب بداعتي بداعت اسد

حمزة،،تعاي لحضني ونسولف

ريم،،اي اجيت غطيت اسد ورجعت لحضنة

حمزة،،تعاي ننام

ريم،،غطة راسة وسحبني لحضنة،،حمزززة

حمزة،،ههههه يابوية النسوان كلجن بهالطبع

ريم،،ما اريد بطلت لا تسولف تصبح على خير،لفيت روحي بالغطا وانطيتهة ضهري وهو يضحك علية طنكرت من صدك

حمزة،،ريمتي

ريم،،ما رديت

حمزة،،ام اسد

ريم،،ابتسمت احب هالكلمة بس بقيت ساكتة،،اتقرب حضني من ضهري ودفن راسة بركبتي يشتمهة ويبوس بية،،تنهد شوية وكال

حمزة،،عجبتني وحدة من جنت طالب كلية

ريم،،افتريت عليه وعيوني متوسعة متفاجئة

حمزة،،بطلت ما اسولف اذا هيج تباعين

ريم،،هسة اني شحجيت

حمزة،،عجبني ثكلهة وسترهة ومحترمة روحهة طخت ببالي وماجان ببالي اخذ وحدة من بنات عمي

ريم،،لعد واني

حمزة،،جنتي حيل صغيرة علية

ريم،،اي كمل

حمزة،،المهم ماصارت قسمتي طلعت مقرية فاتحتهة على ابن خالتهة مدري منو وچزت روحي منهة عبن ماكالت انة مقرية فاتحتي كرهت النسوان كلهة وانة اشوفهن يگنن وما يرضن ويضلن بس مشاكل كلت شلي بشلاع الگلب

ريم،،اذت گلبك موو

حمزة،،راحت الله يجازيهة مو حمزة الينكسر على مرة

ريم،،وماعرفت غيرهة

حمزة،،خاف احجي وتزعلين

ريم،،انت حجيت بعد كولهن وريحني

حمزة،،لا مااسولف سدي الموضوع بعد

ريم،،بداعتي كمل هم عرفت غيرهة

حمزة،،هيج مينحسبن يخلصن احتياجي ويرحن

ريم،،مو زينات مو،،غوركت عيوني

حمزة،،سدي الموضوع من اتذكر تلعب روحي واصلا كبل زواجنة بهواي بعدت روحي عن هالطريق

ريم،،مسحت دمعة طفرت مني بالغصب،،حضني خيل ويمسح على شعري

حمزة،،شبيج ريمتي عليمن هالدموع،،ومحند ما ردت اضوجج بس انة احسبج روحي وسولفت وياهة وذاك ماضي وراح انة هسة ما ابدلج انتي واسد بكنوز الدنيا كلهة،فيد عبدالله،

ريم،،تحبني من كل گلبك موو

حمزة،،تشكين بمعزتج عندي، ،اصلا انة عمري ما اتخيلت راح احب مرة هالكد ما اعرف شلون لكيت روحي هايمة بيج

ريم،،زين شوكت حبيتني لو حطيتني ببالك

حمزة،،هههههه

ريم،،شبيك دسولف حباب،،تنهد حك راسة وورث جگارة همست اسد يختنك طفاهة واني اباوعلة اتأمل ملامحة وانتظر جوابة

حمزة،، تتذكرين من تخربطتي وخذناج انة وحسنين للطبيب

ريم،،اي اذكر من صيحت علية

حمزة،،هههههه،،من فحصج الطبيب الاثول ذاك ما عرفت شصار بية نار وشبت بضلوعي ومن حجيت عليج برة وعيونج باوعتلي وهي متروسة دموع لزكن براسي وما راحن بعد كلما انام صرت اتذكرهن مدري ليش

ريم،،ههههه وتالي قررت تخطبني موو وحاجيت عمي

حمزة،، اييي وكلت للكل انة رايد هالغزالة تطب بيتي بالله شايفتلج اسد يبتلي بعشگ غزالة

ريم،،حمزة احبك وحك هو ربي ما اعشگ بالدنيا بكدك

حمزة،،الله لا يحرمني منج ويگدرني واعيشج ملكة وغزالة بنص بيتي

ريم،،اخذني لحضنة بلهفتة المعهودة، ،لدرجة ما خطر ببالي اصلا تصرف هدى اليوم،،،ثاني يوم كعدت كلي نشاط وهالحية ماشية لاهلهة عجنت وخبزت بواهس جان عاجبني اخبز وسويت الريوك كعدت عمتي فرحة وجان الريوك مسؤليتهة خطية

فرحة،،يا عمة ليش عايفة فراشج ورجلج انة اكعد واسوي ريوك

ريم،،عمة الي واهس حتى عجنت ورة الاذان وخبزتة حاار

فرحة،،الله يديم هالفرحة

ريم،،امين يارب كعدوا الكل وحمزة فات من يمي شايل اسد انطانياه وكرص خدي ومشة للصالة طبت عمتي للمطبخ

ام حمزة،،شهالنشاط اليوم يومية خطار يمنة ما نشوفج الا من تكعدين عالسفرة

ريم،،نمت من وكت

ام حمزة،،چاا البارحة لا اجيتي لا سألتي على هدى من تخربطت

ريم،،نسيت، ،بهالاثناء صاح حمزة

حمزة،،يلا يمة يلا ريمة

ريم،،باوعت لعمتي انممست من صاح ريمة

ام حمزة،،چا انتي دومج متيهة العرفة وناسية

ريم،،ما رديت غسلت لاسد ةاخذتة ومشيت كعدت بصف حمزة واسد يهامش عالاكل يريد ياكل واني الزم بي بعدة مو مال ياكل وحمزة يلفلي لفات وينطيني اكل حسيت الكل عيونهم علينة حتى ارتبكت بس هو ما هامة احد لان هو من يسوي تصرف ابد ميهتم للمقابل شنو نضرتة ،،راح لبغداد بيومهة وكوة نمت ببعدة عني انوب تذكرت سوالف الليل اختنكت كلش كمت ابجي وارجع اسكت بروحي ماضي وانتهى ليش اقهر روحي كل انسان عندة ماضي المهم بس اني بالحاضر غفيت وكعدت الصبح على بجي اسد كمت ارضع بي،فيد عبدالله، ويتراوالي هوسة وصياح ركزت صوت ابراهيم يا ساتر شصاير وصلت الباب ورجعت عيب شعلية تالي سمعت عمتي صعدتلهم للظهر اجة حمزة اتغدة وراد يطب الغرفة وصاحتة عمتي واخذتة وطبوا للغرفة شوية وطلع حمزة عصبي صاح ابراهيم اجاه من فرك

حمزة،،جيب مرتك وتعالوا

ريم،،اتوقعت على مشكلتهم الصبح ما اهتميت طبيت نومت اسد وسبحت وبدلت وتمددت هسة يجي حمزة وماكو هسة يجي وماكو غفيت ما اعرف شوكت فزيت على صوت اسد كعدت ارضع بي وحمزة ماكو بدلت وغسلت وبدلت لاسد وبوطرتة وطلعت جديتي بالصالة هي وعمتي وعمتي فرحة كلت مساء الخير ردن وعمتي صافنة بخير عالم خليت اسد بحضن جديتي ورحت سويت جاي ورجعت انطيتهم وعمتي صافنة اشرتلي جديتي شبيهة سويت بحلكي حركة ما اعرف،،سالتهم لعد وين حمزة

ام حمزة،،راح لبيت خالتة وية ابراهيم

ريم،،بلعت ريكي بخوفة ليش يا ساتر شكوو،ما ردت كمت للطرمة اختنكت وبالي اتشتت لحكتني عمتي ووجهة مصوفر

ام حمزة،اكلج عمة صدك الصاير ذاك اليوم بالمضيف

ريم،،ليش شصاير عكدت حاجبي ومعدتي مغصتني

ام حمزة،،سالفة هدى وحمزة

ريم،،باوعتلهة عيوني متوسعة بلعت ريك،،شمدريج عمة

ام حمزة،،يعني صدك وشفتي بعينج وسمعتي الكالتة موو

ريم،،اي ودنكت مشتهلة نار

ام حمزة،،صخام ولطام صخام بوجهج رسمية ذيج العوبة مسولفة لامهة الاول والتالي وابوهة سامع ومصخميهة وحتى ثريا انكلب عليهة ابراهيم ،فيد عبدالله،

ريم،،وهسة عمة،، رجفت خووف بس لا متعبر هالسالفة بس لا يطيحوهة براس حمزة كوة اباوع عمتي تضرب على رجليهة

ام حمزة،،راح حمزة يحاجي ابوهة عمة بداعت ابنج لا تسولفين لاحد السالفة بوجهي اني

ريم،،عمة ليش مو مرجعخة هلى رجلي شون اسولف ،،بس بس شتتوقعين يصير

ام حمزة،،ما اعرف بس حمزة هب وما خمد راحلهم نار كبرة الله اليستر كلة بوجهي صخام بوجهج هديوة

ريم،،للمغرب رجعوا الولد وثريا ما وياهم اتلكتهم عمتي بالطرمة واني واكفة ورة باب المطبخ واسمعهم

ام حمزة،،ها يمة بشروا وين ثريا

ابراهيم،،،ظلت يم اهلهة

ام حمزة،،شصار

حمزة،،الصار يمة الجنت خايف منة،، ابوهة راكب راسة يريد يكربسهة براسنة شكد كتلج لا تطببيهة لبيتنة كلة زلم ما يصير ما تسمعين وتزعلين

ام حمزة،،لعد وثريا شدخلهة

ابراهيم،،من عاند ابوهة كال اذا ما تاخذون هدى ثريا ما ترجع وياكم تعاركت وياه وعفتهة

ريم،،لزمت كلبي الي وجعني حييل مديت راسي من الباب وعيوني التقت بعيون حمزة باوعلي وعيونة،فيد عبدالله، حمررر غصيت بعبرتي وطبيت للغرفة ارجف خفت ساعتهة من صدك خفت اموت اذا وحدة تشاركني بحمزة اموووت، ،،،،،،،،،،يتبع