الغزالة في عرين الاسد الفصل العاشر 10 - بقلم فيّد عبدالله

واحلى بارت مفاجئ لاحلى متابعين،،تعويض لصبركم ولطفكم وتفهمكم،،،متابعة طيبة
البارت التاسع
فيد عبدالله

حمزة،،جانن ايام سود ودعت بيهن راحتي واماني لكيت روحي ضايع بنص اهلي صعبة حيل اشك بامي كتلت فرحتي بيدهة وخلتني اكره حتى كعدتي بالبيت ودعت لمتنة الحلوة و صرت ماالفي استصعب احط عيني بعيونهة هاي امي يا عالم بعدني ما صاحي من هالضربة اجتني الاصعب و الكة اخوي زارع سجينة بضهري وخاين امانتة وبايك حلال مو الي يا ريتة كلة الي والله فدوة بس حلال عمامي مأمنيني عليه وانة مأمن باخوي صادق وطلع ماخذ وارد المحصول كلة وماخذ بي بيت بالمدينة ونسوان وعلاقات وذاب فلوسنة كلهة وراجع ساحب من المكاتب بالفايض ودين ما ينلم داهرنة بي دهيرة خلاني اصفن مااعرف راسي من رجلي كلت لابوي بوكتهة ولزمة بالمضيف خلاه يكتهن كلهن وين ودة الفلوس وهذاك كبرة ضربة راشدي خلاه يصحى على وكتة المصيبة احنة معروفين عيبة جبيرة بحكنة تنعرف هيج سالفة والا علية ومحمد اكلهم اخذوه ما دامة هيج نذل وما براسة عگل هيج خليه يصحى على وكتة منكم الة اخو يخون اخوه اتبرة منة ولا اريدة بس اخخخخ العيب لازمتني وسمعتنة بين العرب محد درة بهالسالفة غير علي الي مااضم عليه شي وجديتي اللمت كل ذهبهة وخلتني ابيعة والضامهن جوة ايدي وابوي ومن علي اخذت وسديت المكتب. وبقت فلوس المحصول حصت عمامي صرت اركض منا ومنا بس اريد المهن وما يحسون بشي لو يكولون بطيت علينة وكمت اشغل بشكم فلس اداينتهن من صاحب ببغداد ومنا ومنا باسلوبي وخبرتي ودراستي ولساني كدرت افتح مشروع ببغداد واشغلة اخليه مصدر دخل بدال الكاع وكل مبلغ المة انطيه لواحد من عمامي كل هاي وريم ما الهة كل علاقة بية هي بوادي وانة بوادي اشتاقلهة حيل اتمنى يوم تجي تسألني شبيك ليش ضايج من شنو مهموم مو صغيرة يابة راح تطب العشرين والله هذني مينرادلهن تعلوم غير نابعات من كلبهة لو تحبني وتهتملي غير هي مرتي شريكة حياتي والله تجيني ايام بودي احضنهة وابجي بحضنهة كد التعب والهم اشكيلهة تخفف عني انة مو جبل انة هم بشر وطاقة بس ابد ولا يمهة حتى لگربي ماكو كل لهفة صرت اكره انام وياهة كدما احسهة كارهتني تكضي العلاقة كلهة مغمضة عيونهة حيل بلا كل كلمة صرت مااتقربلهة الا للضرورة وحتى لا اوكع بالحرام كل هذا وءأمل روحي كل مرة من تفز وتشوفني واكف حاير بهمي اشهك بالجكارة الكلت ايدي تجي وتكلي شبيك تحسسني اكو مرة انسند عليهة الرجال شما كبر وتجبر وعلة مردة لحضن مرتة يذب حمولة بي يم مرة يحسهة تنطيه قوة اكثر انة اشوف بريم ضعف ما شايفة بمرة تستمد قوتهة يمكن حتى من عمتي فرحة الجاير عليهة الوكت وضالمهة، شكدجنت اتمنى مرة هادئة وعاقلة بس ابد ما تمنيتهة هيج ضعيفة وانانية ما تحب الا راحتهة ما تريد من الدنيا بس الفرح ولو ضاكت المر دمعتهة سابقتهة تندب بحضهة المفروض تواجه تسأل تكول انت وين شبيك ابد على كد سلام شمحتاج تاكل ايام تمر غير السلام منحجي مللتني ،،وكتهة ابتعدت عنهة كلش رغم دايس على كلبي حيل ما توقعت هالكد احبهة بس وكعتني ما اغفة اذا موعيونهةكبالي وصوتهة يتردد باذني وشالهة كصيت منة قطعة متفارك محفضتي اشتمهة تالي الليل واغفة لو بعيدةعني بس كل هذا مايشفع جنت مقهور منهة حيل

ريم،،كعدت الصبح مثل كل يوم الناس تبلش بفرح اني روحي معصورة اكول عمتي شراح تسوي بينة اليوم شمحضرة من فلم لو من حجي عالطالع والنازل شي شردتي الولد بوجهج اليتلاطم شي ما تخلفين بعد مابيج خلفة شي الا ازوجة من هالنسوان التنهدي الهم عبنة عينة الزلم كلهة ميتة تناسبة واجيبلة مرة حوك معدلة وطبعا كالعادة اسكت اتعوذت الشيطان و كمت اغسل واحس الدنيا افترت بية رديت كعدت عالجرباية وحتى ايدي بيهة رجفة صارت كعدت حمزة فز من نومتة بقوة

حمزة،،ها ريم شبيج

ريم،،ما اعرف احس دايخة حيل وارجف

حمزة،،يا ساتر شجاج مددي اصيح عمتي فرحة واجي

ريم،،مددت وهو لبس دشداشتة بساع وطلع اجتي عمتي فرحة بخوف وتمسح بوجهي

فرحة،،اسم الله عمة خاف هم رد فقر الدم واكلج مو شي هبط ضغطج ليش ياعمة هيج حتى وجهج صاير نومية اكوم اسويلج ريوك واكعدي انتي وزلمتج تريكوا

حمزة،،جيبيلهة صينية عمة بروح جدي وخلي تاكل مال حيل توكع علينة

ريم،،كام اخذ هدومة وطب سبح وطلع بدل بدشداشة نيلي تخبل عليه والغترة لفهة عماني على راسة والمحبس اباوعلة شال الحلقة يلبسهة وباوعلي بالمراية اباوعلة خجلت ونصيت راسي هسة يكول ميتة وراي بس تباوع

حمزة،،يلا انة طالع تردين شي

ريم،،سلامتك

حمزة،،عود اكلي زين والعصر اذا فرغت اخذج للدكتورة واذا تأخرت ادزلج ابراهيم

ريم،،ما بية شي

حمزة،،لا ترحين يلا في امان الله

ريم،،متتريك

حمزة،،لا اشرب جاي برة واطلع ظلي ارتاحي

ريم،،طلع واسمعة يوصي بعمتي امة

حمزة،،يمة ريم تعبانة لا تخليهة تشتغل

ام حمزة،،ليسمعك يمة يكول انة النهاركلة اكرب عليهة

حمزة،،يمة ترةاشووف انة مو غشيم اشوووف واعرف كلشي كلشي اعرررف

ريم،،سدت عمتي فرحة الباب بعد ما جانت فاتحتة وتسمع للحديث

فرحة،،عوووذة من هالمرة كش وبرررة

ريم،،تريكنة اني وعمتي فرحة جديتي جانت بايتة ببيت عمي اسماعيل

فرحة،، ها عمة كون احسن هسة

ريم،،اي عمة عاشت ايدج

فرحة،، اخذي هدومج وطبي غسلي ومددي ردي نامي ما عليج ابد لا تطلعين من غرفتج خل ختام تنضف صارلهة ٣ ايام ببيت اهلهة

ريم،،خاف عيب خطية

فرحة،،امداج عوبة مثل عمتج كضيت عمري بالعيب شحصلت غير شلعان الگلب ولج لا تضلين ياهو الجاي ماكلج حسي يعمة حسي لا يفوت الوكت يدوسج القطار مثل ما طشرني

ريم،،لا عمة انتي الخير والبركة، ،طلعت عمتي وكمت عزلت الغرفةومسحتهة ورديت سبحت وطلعت امشط عالميز واكفة واباوع هاي حلقة حمزة معقولة نساهة لا شفتة شالهة يلبسهة هو عادتة ينزعهة من يطب يسبح وشفنة بعيوني شالهة يلبسهة ليش عافهة هنا نزلت دموعي واحاجي بروحي،،ليش يا حمزة ليش حتى هاي نزعتهة هيج كارهني وما تريد شي يذكرك بية فد نوب رحت حضنت مخدتي وكمت ابجي مقهوورة لبست عباتي وطلعت لاهلي وعمتي وراي تدردم مو على اساس مريضة هاي جنهة صل لبست وراحت لاهلهة ولا رديت مشيت لاهلي لان لو اضل اطك ،،رديت من اهلي لغرفتي نمت بتعب ما حسيت الا وحمزة يكعدني

حمزة،،ريم ليش نايمة لهسة بيج شي

ريم،،هزيت راسي بنفي باوعلي لعيوني فرك وجهة وابتعد

حمزة،،كومي بدلي اخذج للدكتورة

ريم،،ما بية شي

حمزة،،ريييم رحمة لموتاج روحي بخشمي الف شغلة وراي البسي اخذج

ريم،،طبيت غسلت عيوني مورمة مبينة باجية بدلت وطلعنةبس اني وهو امي كالت اروح اني وخالتج للسوك متفقين وعمتي فرحة كالت راسي يوجعني ،،الصمت جان سيد المكان لحدما كسرة

حمزة،،احممم،،ريم شبيج

ريم،،عبالي قصدة على هاي الدوخة،،جاوبتة بملل لان لح اروح للدكتورة ما بية كل شي،، باوعلي بغضب وقبض عالستيرن حيل بينت دمارات ايدة وبعد ما نطق حرف وصلنة وحاجة السكرتيرة ودخلتني واني ما بودي ادخل كدما اكلنة بعيونهن وهو يلمع تالي شفتة اتوجه ينتظر برة همزين دخلت وشرحت للدكتورة حالتي وطلبت تحاليل سويتهن ورجعت دخلت.بس باوعتلهن ابتسمت

الدكتورة،،صارلج شكد متزوجة

ريم،،سنة وشهر

الدكتورة،شعندج اطفال مناك

ريم،،ماعندي دكتورة صار حمل ووكع

الدكتورة،،هااا لازم تحاليل بعد مبروك ماما انتي حامل وهسة اريدج تسوين ذني التحاليل حتى نتأكد ماكو جرثومة تهدد الحمل

ريم،،احس ما ستوعبت الحجتة من فرحتي كعدت عالكرسي البداخل العيادة وابتسامتي تارسة وجهي،،دكتورة عليج الله حامل موو صح

الدكتورة،،اي ماما شبيج

ريم،،الله يبشرج الله يوفقج

الدكتورة،،هاي التحاليل هسة سويهن ورجعيلي

ريم،،طلهت ادور عليه بعيوني اريد ابشرة اريد ارجعة الي بلهفتة وفرحتة اريد اكلة صار الرابط بينة للابد ماراح اخسرك ولا تخسرني اتوجه علية واني كوة واكفة من فرحتي اريد اطير

حمزة،،ها كملتي

ريم،،لا بعد هاي تحاليل

حمزة،،يلا نسويهن

ريم،،مو طلعت حامل،،جان منطيني ظهرة ومشة بس سمع وكف والتفت علية وعيونة لمعت بفرح بس لسانة ما نطق غير مبروك و ببرود عجيب عيونة تحجي غير لسانة وكلبي يحجي غير لساني كلبي بودة يصرخ شبيك حمزة وين ذيج لهفتك وفرحتك بية ،،سويت التحاليل وجانت نضيفة الحمدلله انطتني علاجات ومقويات ورجعنة،بالطريق ما حجة غير

حمزة،،ديري بالج هالمرة ريم لو يكولولج شيلي الوردةتكولين حمزة مايقبل

ريم،،صار،،رجعنة للسكوت لحدما وصلنة

حمزة،،بشريهم وانة رايح لبيت عمي عندي شغل ببغداد طالع انة وحسنين وياي

ريم،،نزلت ومن سمعتة هيج كال،حاجيتة من الجامة ملابس غراضك

حمزة،،ميحتاج عندي بالشقة كلشي يلا طبي بساع لا يفوت احد واكلي زين

ريم،، دخلت ودماغي واكف شنو شقة ببغداد شوكت شيسوي بيهة هاي شصاير بحياتنة وين واصلين احنة صدك هيج اني مااعرف عن رجلي كلشي ،،دخلت كلتلهم وكلهة فرحت عمتي فرحة تهلهل وجديتي تبوس بية وتوصي وعمتي ضاربة ركن وتبارك من بعيد كل هاي وعقلي فاصل بتخيلاتة شقة ببغداد ووحدة بيهة اكيد يجيب بنات اكيد من هاي هاجر فراشة شسويت بية، ،،،، اكرهك حمزة اكرهك،،،،،،يتبع