الغزالة في عرين الاسد الفصل الثالث عشر 13 - بقلم فيّد عبدالله

مسااء الوردد يا ورد، ،،،القصة بدت تحلى اتمنى تصوتووووولهة ،،متابعة طيبة

البارت الثاني عشر
فيد عبدالله

ريم،،لحظات عشتهة وياه خلتني انسة كل وجع وقهر مر علية حسيت بشوقة ولهفتة ومن اشتياقي مااعرف شلون اتجرأت وصرت ابادلة هاللهفة بلذة حركاتي وتفاعلي وياه خلاه ينجن صارت حركاتة تقوة وتشرح حبة واشتياقة اخر شي همس بأذني احبج انفاسة الدافية يم اذني خلت حتى كلبي يرجف من حبة باوعت بعينة وهمستلة لاول مرة ومن كل كلبي( احبك حمزة احبك هووواي )وكفت حركاتة وجمد يباوعلي بحنان وعيونة بيهة لمعة غريبة رجع اخذ شفايفي بقوة و ما اعرف شكد غبنة عن العالم لدرجة من التعب غفيت وياه مرة ثانية ما كعدت الا اذان الظهر يأذن عزة هسة عمتي تكلب خلقتهة يلاا هي كل يوم عاد شلونهة،، عزة شلون نايمة هيج بلا كلشي بحضنة بس ما استحيت ساعتهة عرفت الحب اكبر من كل خجل بية فجأة واتذكرت الموبايل يمة رجفت رجفة وخفت خوفة متت مديت ايدي جوة المخدة موجود راسا قووة حمزة حضنتة من تحركت جمدت عبالي كعد بس جان نايم بعمق تعبان على ميفي اخذت التلفون وكمت بسرعة دفنتة بهدومي جوة كلش بالكنتور لفيت منشفة وخذت ملابسي واتوجهت للحمام ورجعت اباوع لحمزة وابتسم وين جنت وياه شتغير وانكسر قيد الخجل هيج بس اليحب يتغير واني لخاطرة كلشي اسوي تقربت بستة من خدة ورحت للحمام جان يلزم ايدي راسا ويسحبني للجرباية

حنزة،،وين رايحة ما شبعت منج لهسة

ريم،،باوعتلة وعيني بعينة وانصي خجلانة واتجرأ ارفعهة همس لا تنزلين عيونج ادوخ بيهن ،بقيت اباوعلة وانفاسة تعلة وتنزل وتفاحة ادم تصعد وتنزل يبلع ريكة بصعوبة ما عرفت الي تأثير هيج قوي عليه الا اليوم رفعت ايدي تلمست وجهة غمض ذايب رجفت بحركتة كل ذاك خوفي وين راح كل خجلي انتهى اريد قربة واريد احسسة بهالشي رجع اخذني من هالعالم بلهفة تخلي نفسي ينكطع ويرجع ، ما قبل اكوم واخذني لحضنة وايدة على بطني يمسح بيهة بهدوء واني صرت نار ولا جني قبل شوية بنفس الوضع بس جانت لهفتي الة مغطية الخجل

حمزة،شبيج راح تموتين بايدي

ريم،،هواي علية كلشي صار اليوم ما متعودة استحي

حمزة،،انعل ابو للمستحة شل حالي صار سنة لو ادري من زمان مسافر شهر حتى يطلع الاشتياق كل المضموم

ريم،،اي بعد لا تعوفني هالكد حباب

حمزة،ان شاء الله

ريم،،الله لا يحرمني منك وحضنتة ختلت بحضنة

حمزة،،ريم استري علينة راح يروح اسد بالرجلين اليوم

ريم،،اسم الله اموت والله هالمرة ،،راسا خلة ايدة سد حلكي

حمزة،،اشش لا تجيبين هالطاري ابد

ريم،،خل نكوم عيب

حمزة،،يلا تعاي نسبح ونطلع سوة

ريم،،لا شنووو عيب

حمزة،،هههههه هو شنوة العيب شفت كلشي

ريم،،لا حباب خلي اسبح كبلك

حمزة،،ولا يهمج طبي سبحي وحدج بس انة اعرف اخذ حگي مربع

ريم،،كمت لفيت المنشفة بسرعة وهو يضحك علية

حمزة،،والله بيج شي ترة انتي هو شبقة ما شفتة

ريم،،باوعتلة مستحية وميتة بدمي حتى دمعت شجاني موعيب،،همست عفية حمزززة

حمزة،،اشتعلت عشيرة حمزة روحي ومحمد اخاف عليج اذا تبقين بعد دقيقة

ريم،،رحت للحمام اسبح واستذكر الصار اضحك هذا لا حمزة ولا هاي اني،،ذولة ثنين جدد تزوجوا من جديد وين جنت عن هالراحة كلهة وين مضيعتهة بشي بسيط تحولت حياتي احس الفرحة ما سايعتني بيومهة طلعت حضرتلة ملابسة ووكفت امشط بشعري وهو تقرب مني بعد شعري وباسني من رگبتي وشمهة ومشة للحمام كملت وطلعت خجلانة راح يأذن الظهر يمكن جديتي فاتت متوضية باوعتلي وضحكت
الجدة صالحة،،اييي هسة رد اللون بوجهج الله يسعدكم يا جدة

ريم،،بست ايدهة ورحت للمطبخ عمتي طبت من الحوش باوعتلي وعيونهة تجدح ناار وحجت بصوت ناصي تخاف يسمعون

ام حمزة،،اكلج خية انتي كاعدة بفندق نخدم ونطبخ وننضف وجنابج خاتلة بالغرفة شوفي ولج مو عبالج رجع حمزة وانتي حبلة عبالج شوكتج قوت وصرتي مرة براسي اكسرج واحطج جوة رجلي والله

ريم،،ماكدرت اردهة خفت منهة عيوني انترست دموع لفت اطلع من المطبخ وجان تعتني من ردني

ام حمزة،،اذا وصلتي الحجي لحمزة اطيح حظج من صدك

ريم،،نترتني بخفة ومااحس الا ايدة القوية سنتدتني وخذاني لحضنة

حمزة،،ها يمة نعيد الماضي بالوكعات وليش يمة متكلي مثلا يهمج رايي بهالبيت معتبرتني لو يجوز محترمتني وانة ماادري

ام حمزة،،هاي ابدال ما تعلمهة يمة هي مرت الجبير وام البيت المفروض تكوم تلم البيت

حمزة،،وشصار لو تأخرت يوم بكعدتهة وتدرين كلش زين انة توني راد من سفر

ام حمزة،،هي كل يوم هذا حالهة

الجدة صالحة،،اتقي ربج يا مرة الوذان يوذن يمج وانتي تچذبين البنية فارة البيت وانتي ما عاجبج شي

ام حمزة،،خو هاي عزيزتج لو عالباطل وياهة

حمزة،،يمةةةةة الله واكبر هستوني راد ومتلكيتني بهالمشاكل الما تسوة هاي اخر مرة اكول ريم مرتي واليمسهة ويتعدة عليهة متعدي علية انة اعيدددددد بعددددد

ام حمزة،،اي عفية يحمزة عفية توكف بوجه امك لخاطر مريتك عفية اضربني بعد

حمزة،،استغفرك ربي يمة حشاج ومحشومة بس كافي رحمة لامة لمحمد احسبيهة بنتج چم مرة كتلج يمة هاي بنيتچ علميهة على كيفج وهي اعرفهة لا ترادد ولا تمل ولا تتعاجز

ريم،،اخذهة لحضنة وهي تمسح بدموعهة مدري صدك مدري جذب، ،، يعد ما عدت هالمشكلة وعمتي خفت علينة بس احسهة على يا ساعة تنفجر ومتخلو من حجايات وغلطات خفيفة نعبرهة حتى لا تصير مشاكل المهم اني راحتي النفسية بقرب حمزة وراحتة وياية ودلعة اهتميت بي بشكل دخلت بشهر الخامس واخذت سونار وطلع بية ولد وكلهة طايرة خاصة حمزة يطب ويطلع يحجي وية اسد وهو ببطني ولو راح لبغداد يوم ميبات يكمل شغلة ويرد مرات تالي الليل اخاف عليه بس ما يقتنع يكلي ماانام اذا مااحطج بحضني صرت اختنك لو عافنة ادللة بلبسي واهتمامي بروحي وبيه باكلة ولبسة وكعداتنة وسهراتنة سوة احضر كعدة كرزات فواكه وانتظرة اذا شفتة تعبان افركلة وهو ميقبل بس ميتون عليه اشوفة تعبان ومهدود حيلة وما احاول اريحة بكل صورة صرت اعرف شلون اتصرف وياه ولو ما عرفت اسالة بلا كل خجل وهو يفرح من افتحلة كلبي واسولفلة كلشي يشغل بالي ويعلمني عبالك ابو يعلم بنيتة وصدك عوضني عن كل احساس ضعف او وجع حسيتة صرت اجهر بحبي الة بلا كل خجل وهو يكلي وين جان حبج هذا سولفتلة من شوكت اني احبة وانصدم من عرف هو الفتحت عيوني على حبة ،،بشهر السادس من حملي تزوج اخووي علي حسناء وفدوة لايگين لبعض وهي هواي ساعدتني وعلمتني فيكات وحركات اسويهة لحمزة تبين اهتمامي بي جايبة كتاب وانطتة الي قريتة ثقافة عن الحياة الزوجية شكد امور جنت غافلة عنهة اتعلمت حتى من تطلع تجهز تشتريلي سيتات لو غراض للغرفة اوصيهة لان حمزة مو هللكد يرضة اطلع للسوك وماانزل الا للضرورة للدكتورة وامر للسوك يغار كلش جان واني وياه شيريد مااريد ازعلة اريد ايامنة بس راحة وحب وتفاهم بنفس الشهر بدينة نجهز لعرس ابراهيم الجان اخوي من صدك وتعبتلة مثل علي والله بترتيب الغرفة وتعديلهة خطب بنت خالتة وعمتي مكيفة واخيرا واحد من ولدهة قنع ياخذ من بنات خواتهة مدري شنو الفرق اني وختام والله ما مقصرين بعرس ابراهيم جابلي حمزة ثوب حوامل من بغداد وعمتي انرعصت وظلت زعلانة جيف ما جابلهة شي والروحة الوراهة جاب الكل البلبيت جديتي وعمتي فرحة وختام وحتى خواتة المتزوجات جان كريم كلش وما بعينة بس هي عمتي بكلشي يجيبة حاطة عينهة ليكول ضرتي مو عمتي والله بس لخاطر حمزة مطنشة ومتحملة راحتي وياه انعكست على وجهي وتفحت وسمنت وكلهة تكلي صايرة تخبلين وهو ميسميني غير (بطتي)

حمزة،،وية ريم الجديدة عشت ايام راحة ما توقعت يوم نوصلهة شغيرهة وليش هيج تغيرت ماادري بس الاعرفة هالتغير خلاني ادخل للجنة ،جانت كتلة من النعومة والخجل والحب والعاطفة خلتني انسمر بيهة وحبهة يزيد بكلبي قاطات صرت اعشكهة ومااتحمل بعدهة اخاف عليهة حتى من ابني الجاي يكبر ببطنهة احس عوضتني عن كل تعب عشتة وحسيتة كبل هاي راحتي الجنت اتمناهة دللت وعيطتهة ملكة بكلبي وبكل البيت جانت كد مسؤلية خطارنة مضيفنة اهلي كلهة قايمة بيهن رغم ختام اكبر منهة بس اشوفهة هي غزالة البيت وتفتر بي رغم حامل وتعب الحمل متشتكي بس احس بتعبهة لو غفت تالي الليل بحضني تنام بعمق جنهة جاهل وشكم مرة امنعهة تخبز وادري بامي تجبرهة توكف وتخبز وما يوم اشتكت ومن اسألهة تكلي لا اني احب اخبزلك خبز حار اخر شي من طبت بالسابع رحت لعمتي فرحة وكتلهة شوفيلنة مرة تخبز وخليهة تاخذ الطحين وتدزلنة خبز حار

فرحة،،يا كل هذا لخاطر مريتك ولك انة اخبز بس هي ريمة تعاند تكول حمزة يحب خبزتي

حمزة،،ميخالف عمة على ما تجيب وترتاح عود

فرحة،،الله يسعدكم عمة

ريم،،كعدت الصبح بيومهة وعمتي محضرة العجين وعاجنة وي الفجر رغم المجمدة متروسة مدري شجاهة علىهالخبز وهم جانوا كبل لا اجي يم الخبازة لان مرة صادق عندهة ربو وما تتقرب للتنور كامت، ،جنت اخبز يومية ومااهتم لخاطر دلال حمزة وحبة كلة يهون والله مرات من اطب وشايلة صينية الخبز يطفر من مكانة يشيلهة عني ولو طبيت لغرفتنة ابدل يلحكني يبوس بايدي ووجهي يكلي الحمدلله صرتي قسمتي هذا دلالة يخبل عمتي بالزايد بس شسويلهة اذا رجلي ميدللني منو يدللني لعد،،طلعت بوجهي شعلت التنور ولبست دشداشة الخبز ورحت خبزت عالسريع للريوك وديتهن جانوا كاعدين عالريوك باوعلي حمزة كوة اتنفس وبطني واصلة خشمي عض شفتة بغضب وكال

حمزة،،تعاي تريكي عوفي الخبز

ام حمزة،،تكمل وتجي يخرب العجين

حمزة،،طفي التنور وتعاي الظهر تجيبلكم الخبازة خبز حار ومنا وهيج متخبز ريم

ام حمزة،،ياااا وهي شنو شغلتهة شعندهة

حمزة،،يمة عمتي فرحة شافت مرة واتفقت وياهة هاي هي

ابو حمزة،،احسن بوية مرتك تعيبانة وهم نخاف على اسد

ريم،،اكمل الباقي وو...

حمزة،،شكلللت انة طفي التنور وتعاي تريكي

ريم،،رحت بسرعة طفيتة ورجعت غسلت وسوالي مكان بصفة كعدت وعمتي اباوالهة بودهة تثرد بدمي بس متكدر تحجي بعد، ،،فدوة لقلبك ويلوموني احبك اهد الدنيا لخاطرك

حمزة،،زوجنة ابراهيم البنت خالتي ولو جان ودي ببنات عمامي يس هو اختيارة وامي سوت زعلة من كلت رأيي

ام حمزة،،خو انة كل راي ما بقالي بهالبيت شبيهن بنات اختي وعلي لو خربتوهة اطلع من هالبيت وماارد

حمزة،،حشاج يمة انتي الخير والبركة التشوفوه سووه

ريم،،ورة زواج ابراهيم باسبوعين وعمتي اود قسمت الشغل بيناتنة، ،واليضحك هو بنت اختهة ما نطتهة غير مواعين الغدة والباقي كلة علينة اني وختام انقهرت لان عرفت بدت الطائفية بس عادي ما اهتم بيت اهلي كلة جان علية وما اشكي بس ختام ما اتحملت وراحت اشتكت لجديتي وهي ما رضت على عمتي وتالي قسمت الشغل علينة جديتي ومرت عمي زعلت ومرت ابراهيم دخنت،،بدت مرت ابراهيم ورة يومين تتملص لو تنام وتتأخر واسمة ابراهيم نازل بدونهة يتريك ويطلع لشغلة ما يوم كعدت ريكتة ولا عمتي يوم صعدت وكعدتهة مثل ما جانت توكفلنة عالباب بس هم اذن طين واذن عجين وياهن ما كفاهن هذا كامت حتى لو تبلش بشغلهة ثريا مرة ابراهيم تجيعمتي وتكللهة عوفي بعدج عروس وتصيح ختام لو اني نسوي الشغل هنا صرت اضوج كلش اني ما اتعاجز بس مو خدامة اني مرت الشيخ حمزة ومرت الجبير. شنو هالوضع اخر شي كمت لو كلتلي اغلس واطب لغرفتي تريد هي تشتغل ابدالهة مو ذيج معلكة فوك واحنة نخدم مرة مرتين عدت اخر شي كعدنة الصبح مثل كل يوم اتريكنة وطلعوا الولد للشغل حمزة كال حضريلي غراضي ورة الظهر طالع لبغداد كملت تنضيف البيت وثريا ما نازلة ختام جانت تنضف بالفوك ووراهة تغسل الحوش، كملت وجاي اطب للغرفة احضر هدوم حمزة هم كلتلي عمتي على مواعين الريوك ،،جانت طاگة روحي من هالوضع كتلهة بكل هدوء،،عمة مو على ثريا هنة اريد احضر غراض حمزة

ام حمزة،،والله وطلعلج صوت يالخانسة لا تغسليهن وغصبا ما عليج

ريم،،عمة ماكو شي غصبا علية هية جنة حالهة حالي

ام حمزة،،ادب سزز تنترين بوجهي انعل والديج على هالتربية ساقطة ادب سزز

ريم ،،من كالتلي هيج اتخبلت وصلت تغلط هلى ابوي وهو ميت، ،اتعصبت صدك ونترت بوجهة بصوووت عمةةةة وتاااالي وتااالي والله راح احررك روحي من ورة ظلمج هذااا اتقي ربج وراج اخرررة والله حتى ما اعرف شلون طلع مني هالحجي سنتين تقريبا وياهة خرسة بس بزعتني بعيشتي وطلعتني عن طوري ومااحس الا صووت حمزة ورررراي،،،رررررريم،،،،،،،،،،،،،.،،يتبع

ملتقانا الاثنين احبائي مع اطيب امنياتي بالصحة والسلامة