الغزالة في عرين الاسد الفصل الرابع عشر 14 - بقلم فيّد عبدالله

مساااء الورد،اعتذر جدا عالتأخير ،،،،،اتمنى قبل متبدون بالبارت تعرفون انه اي تجاوز بعد هععلى اي شخصية بالقصة صدكوني اوقف القصة اصحاب القصة نشروهة للوعظ مو للغلط ينقهرون من يقرون هالتجاوز والبنية كالت صارتلي مشكلة بسبب هالتجاوز اذا تكرر بعد لا تنشرين اي شي فارجو منكم التجمل كعادتكم بارقى الاخلاق،،متابعة طيبة

البارت الثالث عشر
فيد عبدالله

حمزة،،كملت شغلي وكلت خلي اطلع لبغداد هسة احسن من ورة الغدة حتى بلكن اخلص و ارد بالليل صرت اكره ابات برة رديت للبيت واسمع امي من للحوش واصل صوتهة بس الما توقعتة ريم تصيح ويطلع صوتهة كل واحد ما يرضة امة يغلطون بيهة لو شما يكون تبقى الجبيرة والهة احترام والمالة خير بامة مالة خير بمرتة وانة منبه على ريم ميت مرة متحاجيهة تجيني تكلي وما يوم اجت وما طلعت حكهة مربع شما يصير انة ابنهة والحجاية مني تختلف صرت نار وانة اشوفهن واكفات بوجه بوجه امي ومرتي ،،صحت بريم وانة اعصاابي فايرة

ريم،،باوعتلة تقدم بعصبية واني انلزكت بالباب مال غرفتي مشكلتي ينلجم لساني اخاف حتى حگي اسكت عنة ،،ضليت اباوع بعيني ودموعي تصب وعمتي تعد وتصف

ام حمزة،،شفتهة شفتهة مرتك المفضلهة علينة شفت شلون توكف بوجه امك وترادد وتكلي ظالمة

ريم،،باوعتلة بتوسل لا يصدكهة لا يهيني كدامهة باوعلي بغضب

حمزة،،الخوف البعينهة ورجفتهة خلتني الزم اعصابي كووة ،،عطت بيهة فوتي للغرفة وسدي بابج حسابنة بعدين

ريم،،فتت بسرعة وسديت الباب ارجف حتى بطني توجعني صارت

ام حمزة،،عفية عفية بالشيخ هيج تاخذ حگ امك موو ،،هسة تدزهة لاهلهة وازوجك تاج راسهة وما تلفيهة لبيتي بعد

حمزة،،مو انتي التقررين حياتي يمة انة الزلمة هنا ماااشي انةةة

ام حمزة،،تعال اخذلك راشدي بعد ضال خرگة بيد مرتك شلون نسوان عاد هن يا ريت يسوون ولك شجاك وين ذاك حمزة

ريم،،اسمع حجيهة واضرب على وجهي عزة اكو ام هيج تكول لابنهة ومو اي ابن هذا حمزة الكلهة تحترمة تكلة خركة بيد مرتك

ريم،،ما رد عليهة غير مشكورة يمة وطب للغرفة واني ارجف واشهك بجي،،باوعتلة وكتلة اسمعني والقران

حمزة،،اششششش

ريم،،بس هدي روحك والله...

حمزة،رررريم اسكتي

ريم،،كمزت من مكاني بعيطتة طب يسبح واني حضرت غراضة وخليتهن بجنطة زغيرة وكعدت على طرف الجرباية بس شنو بطني لويات تروح وترجع من الخوفة والهبطة طلع بدل بدون مينطق حرف واخذ جنطتة وراح قفلت الباب وراه ركض وعمتي بس طلع ظلت واكفة بباب غرفتي تعد وتصف،،كرهت ضعفي وخوفي منهة وكرهتهة حتى حمزة ضجت منة عافني بيدهة لو ما يعرف شتكدر تسوي وهي ما قصرت واكفة وعاطت وصيحت وفتحت الباب تريد تطب بس جنت قافلتهة وظلت تركع بيهة برجلهة وتصيح اطلعي ادب سزز ما تضلين ببيتي اليوم، ايدي على بطني الصارت تقوة بوجعهة افرك بيهة وادعي الله يفض هالطلابة شكد كرهت روحي بيومهة اتذكرت الموبايل كمت عليه ركض جبتة اشغل بي مخلص شحن مدري شبي ميشتغل كلبت الغرفة على شاحنة ماكو شمرتة بعصبية بالكاع وكمت ابجي بقهررر اتهسترت احس صار عندي يمكن انهيار عصبي من القهر اخخخ ياحمزة شكول عليك من عفتني هنا يم هالحجيم لو معاقبني ولا هالاذية شكد اكره اسلوبك هذا تسكت وتخليني اتحمل وحدي،،عدت بالساعتين وهي كل شوية راكعة الباب وتصيح وين تولين كاعدتلج هنا ما تطلعين شوية وسمعت ختام تحاجيهة

ختام،،عمة غلطت ومنج السماح بعدهة صغيرة وما تعرف اذا مو لخاطرهة لخاطر حمزة وابنة ببطنهة لا يصير بي شي

ام حمزة،،انتي ما عليج لا احطج فوكاهة انوب،، اريد اشوف جنايني شبيهن شايشات مالهن رداد زلامچن غمان انة اردچن وافرك حلوكچن

ريم،،سكتت ختام وراحت،،المصيبة بيومهة لا جديتي ولا عمتي فرحة بالبيت جانن يم عمتي بغير منطقة اصلا الهن يومين هذا الخلاهة هيج تشيش وتتخبل محد يردهة شوية واسمعة يأذن تدمرت اعصابي وحسيت دكات خفيفة عالشباك من البستان فتحتة خطية ختام

ختام،،ها ولج خفت عليج

ريم،،ولج راح اموت هاي تخبلت رسمي

ختام،،شراح تسوين

ريم،،بس روحي لاهلي صيحي امي اطلع وياهة اشرد لبيت اهلي اذا اظل اتخبل

ختام،،ديلا ما دامهة تصلي عشتوا لاانقبلت كون

ريم،،راحت ختام واني املي بامي تجي كمت لميت الموبايل جان متطشر البطارية بجهة والگڤر بجهة لميتهة وذبيتة بالكنتور وخليت فوكاه ملابس شلون ما جان واني ارجف وبطني صارت نغزات نغزات سمعت صوت امي تصيح رررريم بنيتي، ،، يمة اجاني الفرج حسيت لبست شالي وركضت لامي طلعت لكيتهة بالصالة كبال غرفتي خطية ترجف بعصبية ووياهة حسناء

ام حمزة،،شجابج ام علي اجيتي على هالعايقة بنتج اخذيهة ربيهة من جديد علميهة الاحترام والحشمة

ام ريم،،والله بنتي ما يطلع منهة العيب بس انتي تحجين الاخرس وتطلعين العاكل عن طورة لا لبالج ما اعرفج شلون ساگمتهة وانة اسكت واكلهة عدي يمة وعيب ولخاطر عمج ورجلج بس انتي اليسكتلج يخليج تزيدين باذيتج

ام حمزة،،اخذيهة وما تدخل بيتي بعد لاانتي ولاهي ما اتشرف بهيج زبايل

ريم،،اباوع لامي صفنت عليهة ما توقعتهة هيج متحترم والله اليشوفهة ما جانت هيج شجاهة

ام ريم،،هين تجي الحجية صالحة واشوف ترضة بهالحجي

ام حمزة،،والله هذا بيتي انة سااامعة يلا انتي وبنتج

ام ريم،،لا انتي من صدك زايحة المستحة

ريم،،اجر بايد امي اريد بس نطلع واحس بطني نزلت كلللش لزمت ايد حسناء حيل

حسناء،،ها ريم شبيج صرتي صفررة وترجفين

ريم،،همست ما اعرف بطني

حسناء،،يلا خالة امشي خوانهة يجون ويحجون

ريم،،طلعت تمشي بية حسناء واني كوة كمت امشي وصلت لباب المطبخ الي عالصالة وامي اسمعهة عاطت بيهة

ام ريم،،اما انج صدك ما تستحين

ام حمزة،،عفنة المستحة الج يلااا برررة بررة بيتي

ريم،،نزلت دموعي هاي تالي امي هيج تنهان التفت وصحتهة يلا يمة بسااع درت وجهي والاكي عمي وجه بوجه وياية واكف صافن بمكانة بباب المطبخ الخارجي

ابو حمزة،،ها شصاير

ريم،،باوعت لعمي اتبلعمت بمكاني وبهالاثناء حس عمتي يلعلع صاحت يلااا برة وتمشي ورة امي وتسوي برة وجان تنصدم بعمي واكفلهة بالباب سكتت تباوعلة

ابو حمزة،،كملي يا رسمية كملي طردتج لبيت اخوي من بيتي

ام حمزة،،ممم ماا تعرف شسوون هذني

ابو حمزة،،لو شما صار مو الشيخ حسين الينطرد من بيتة ومضيفة ناس ومنو هالناس بيت اخوووي يارسمية بيت اخوووي لو نسيتي

ريم،،اباوع لعمتي انكلبت فارة وهوصاار نار ،،بسرعة اتقدم عليهة وجرهة من ايدهة وعاط بيهة

ابو حمزة،،صارر سنين وما عرفتي شنو طباعي وشنو عادات بيتي ومضيفي بسوايتج هاي مالج كل كعدة بعد ببيتي

ام ريم،،استهدة بالرحمن يا ابو حمزة شغلة نسوان ما تسوة وهاي ريم ماخذتهة تريح يمنة مو مال تطلع ام حمزة من بيتهة

ابو حمزة،،المرة الما تحشمني مالي عيشة وياهة بعد روحي لبيت اخوج مالج كل كعدة

ريم،،علت الاصوات وعمتي صارت تبجي وتعيط وتدعي علينة وعمي عصب بالزايد وكام يصيح عليهة النسوان تحجي وتهدي بي اني اتهسترت بنص كل هالخبصة وما احسن الا طك مي الراس عندي غرگت ووجع يمووت صار ببطني وضهري لزمت ايد حسناء حيييل وهمستلهة، ،حسناء راح اجيب

حسناء،،عززة رييم،،،خااالة الحكيييييي

ريم،،كلهة اجتي تركض بخوف وعمي انخبص حتى مرت ابراهيم نزلت تباوعلي بخووف وعمتي انخطف لونهة واتكترت على صفحة وكفت اني كمت ارجف خووف ورعب ووجع مو موعد ولادتي بعدني بالسابع ركض اخذني عمي وامي للمستشفى وحسناء كالت اخابر علي نجيبلج ملابس ونلحكم عالسريع جنت حتى ما مجهزة شي بعدني كلت من اطب بالثامن عود صرت لازمة ايد امي وابجي بخنيك احس روحي صارت بيهة وبطني نزلت كلللش والوجع يذبح وصلنة وعمي ساعة يتحسب ويستغفر وساعة يحاجيني يطمني لا اخاف وصلنة بالف يا علي طبيت للمستشفى وبس شافتني الدكتورة. وفحصتني وسونار صااحت الممرضات

الدكتورة،،كبل للعمليات هذا نازل كلللش والحبل السري ملتف عليه لا يخنگة

ريم،،اني كالت هيج لو حتى روحي انسحبت صرت اسم ربي العالمين ميفارك لساني،،ربي ارحمني ربي ارحمني ربي لا تاخذة مني ربي طلعة سالم حتى نسيت روحي اني كل خوفي عليه ما اريد اخسرة من وصل للحلك

الدكتورة،،وين زوجهة او اخوهة ابوهة لازم توقيعة

ام ريم،،عمهة جااي

الدكتورة،،لازم اخوهة زوجهة،،خابروهم واستعجلوا الطفل مخنوك

ريم،، كمت ابجي كل دقيقة تفرق بحياة ابني وينك علييي بهاللحظة حسيت ما اريد حمزة بعد كل اذيتي هاي بسبب انانيتة واذا خسرت ابني بسببة عمري ما اسامحة عمرررري بهالاثناء اسمع صوت علي يحاجي عمي، ،،، يمة ردت روحي اجة اخوي وسندي وحسناء تكول للمرضة بس ذني الملابس،،وقع علي ودخلوني عمليات رأسا اشهك وادعي ربي لا يوجع كلبي بعد مااريد غير سلامتة خلولي الاوكسجين وما حسيت بعد بشي وغبت عن الدنيا

حمزة،،وصلت بغداد وروحي مقبوضة بردت اعصابي اهوون ،،بس احس كلبي معصورر رحت للمعرض راسا لكيت شريكي وصاحبي بي كعدت شوية وبالي يم ريم ساعة اكول غلطت وتتحمل نتيجة غلطتهة ويرجع كلبي يوجعني عليهة شلون عفتهة ليش اجيت لهنا ليش ما بقيت وحليت الامور اتذكرت حتى جديتي مو هناك بس لا تعلك

حسام،،هااا حمزة وين صفنت عاشگ عمي ندري بيك

حمزة،،لا وياك

حسام،،يا وياي صار ساعة الغي وحدي جاي اكولك اكو سفرة للاردن بعد اسبوع تروح انتة لو اني

حمزة،،براحتك

حسام،،يمعود دروح انت تونس اطلع غير جوو اني مليت

حمزة،،لا والله كول متكدر تفارك صاحباتك هنا اعرفك من الكلية

حسام،،،ههههه شسووي نفسيتي تتعب

حمزة،دتزوج وفضهة

حسام،،ما لاكي التخطف كلبي بس الكاهة وربك اروح كبل بوجهة واكلهة تتزوجيني

حمزة،،خبل وتسويهة،،بهالاثناء دك موبايلي علي راسا رديت وكلبي ناغزني هالمرة رغم علي مااطلع مكان اذا ميخابر يشوف وصلت لو لابس هالمرة كلبي وجعني،،الوووو هلا علي

علي،،ها حمزة شونك وصلت بعدك بالطريق

حمزة،،لا وصلت بالمعرض هسة

علي،،حمزة تكدر ترد هسة

حمزة،،ليش شصاير كمت وكفت على حيلي

علي،،ريم جابت والطفل كلش تعبان

حمزة،،شلون وشوكت،،احس حتى حيلي راح كعدت رجعت عالكرسي،،بلعت ريك مو بعدة بالسابع

علي،،مو وكت الحجي تعال هسة اذا تكدر ومن توصل كلشي نفتهم كلللشي يخوي

حمزة،،حسيت بصوت علي نبرة عتب جبيرة هذا علي اعرفة اكثر من روحي

حسام،،خير حمزة شصاير

حمزة،،باوعت لحسام بقلق،،،حرمتي ولدت بالسابع

حسام،،سهلة سهلة ان شاء الله يطلعون بسلامة ثنينهم واخسرك عشاا،، مبروك ابو اسد

حمزة،،الله كريم،،انة راجع ولو راح اثگل عليك واعوفك لايص بالشغل

حسان،،لا يابة المن تنراد الخوة لعد اتوكل والله يسهلك ويطلعهم الك بسلامة

حمزة،،تسلم يخوي ،فيمالا،،رجعت والف فكرة براسي شصار وراية والملامة اكلت روحي شلون عفتهم وطلعت شلوووون،،،،،يتبع