الغزالة في عرين الاسد الفصل السادس عشر 16 - بقلم فيّد عبدالله

مسااء الورد والعسل يا عسللل شلونكم شخباركم اشكركم من القلب على اندماجكم بالقصة ودعمكم الهة وتعليقاتكم التجنن،ولاتنسون صوووتووولهة،،متابعة طيبة

البارت الخامس عشر
فيد عبدالله

حمزة،،عكب الصار والمريت بيه حسيت انة من صدك عندي جوهرة ريم ما فتحت حلگهة ولا عاتبت ولا فتحت مواضيع بينتلي خطئي وتقصيري بيهن اتجاوزت الموضوع بعگل ورزانة خلتني احسهة صدك كبرت وركزت وصارت ام ناضجة وفاهمة حتى امي اتلكتهة بشكل ما بين زعلهة رغم كل السوتة بيهة والهة جان كل الحگ تزعل ومحد يلومهة بس عدت وصفحت وبدينة صفحة جديدة بحياتنة وية ابنة الصار روحي من هالدنيا ما عرفت هيج راح احبة واتعلك بي كل يوم يمر وهو بالمستشفى اموت الف موتة وانتهي من اشوفهم يضربوه بهالابر ويزرفون بايدة لو برجلة يشكلولة كانولة كمت ما اتحمل افاركة وعوفة وحدة بالمستشفى خاف يصير شي لو يحتاجون شي وانة ما موجود واتوسلوا بية خواني وولد عمامي يوكفون همة بمكاني بس ما جنت ارضى احس انة المفروض سندة والاوكفلة من هو وبهالعمر ومن كالوا يطلع اهجس روحي ردتلي طلعتة وطاير بيه واتعمدت بيومهة امر لامي وتشيلهة بيدهة حتى يحن كلبهة وتكف المشاكل بعد تعبت رجعنة لبيت عمي واباوع للمعة البعيون ريمتي وفرحتهة لو بيدي اوكف الزمن كلة على هاي ضحكتهة وما اخلي هيونهة تلمع غير بهالفرحة احبهة والله واعشگهة واهجس حياتي صارت بعد بط لراحتهم وسعادتهم ولا توقعت هيج اعشگهة ما اعرف شلون دخلت لگلبي هيج واتربعت بنصة بدون حتى متحاول حتى تفرض روحهة ووجودهة بحياتي وحدي لكيت روحي هايم بتفاصيلهة وداخلة كل حياتي ومتغلغلة بروحي ،،كعدنة نتغدة وهي كوة كعدت تاكل بودهة تكابل اسد وتكعد حگهة انشلع كلبهة بي بس اخاف عليهة لا توكع كملنة الغدة والجاي وكلهة ردت للبيت صحت ريم كبل لااروح

ريم،،هااا راح تروح ظل حباب هنا

حمزة،،هههه والله من عيوني بس ميت تعب

ريم،،افرشلك هنا ونام يمنة واجيب حتى اسد يمنة

حمزة،،ها ما احب هالسالفة على گلبي،،تعاي مشتاگ احضنج كلللش

ريم،،رحت جبت فراشات فرشت وخليت المهد مال اسد بصفي وهو ياعيوني ذب روحهة ورة ما رضعتة وشبع نام حمزة وفتحلي حضنة تمددت بحضنة بعد شعري من. ركبتي وظل يشتم برگبتي وشعري ويبوس بية لحدما غفة بتعب واني هم نمت براحة ما فزيت الا على صوت اسد يتنعوص جوعان فز حمزة گبلي يفرك بعيونة بنعس

حمزة،،هذا شبي

ريم،،جوعان يمكن صار هواي من رضع، سحبت شال غطيت روحي وشلت اسد خليتة على صدري اخذة بجووع

حمزة،،ايا مفجووع ولك انطي صبر اسمعي الصوت

ريم،هههه دعوفة خطية صار شكد مفاركني

حمزة،،الله لا يحرمني منكم

ريم،،ولا يحرمنة منك،،كعد متجي راسة على ايدة ويباوعلنة براحة وابتسامة على حافة شفتة،،ابتسمتلة شنووو،فيد عبدالله،

حمزة،،مرتاح كلللش اليوم كلللش

ريم،،الله يديم راحتك للابد

حمزة،،راحتي وياكم،،وياج ريم ابد لا تخلين شي يخرب بيننة احنة واحد ميعيش بدون الثاني لا تدخلين اي واحد بنصنة

ريم،، خليت اسد بمهدة، والتفتت عليه اعدل بملابسي لا ابد بس انت لاتعوفني لا تحسسني ببعدك اني من انت يمي احس يلا اتنفس براحة،جرني لحضنة وباس راسي باوعت بعيني ذبلت عيونة ونزلت لشفايفي

حمزة،،صار شكد ما ضايك العسل هذا

ريم،،جنت متلهفة الة بادلتة بلهفة وهو ذايب شوية واندكت الباب صوت علي ابتعد يعدل بشعرة بايدة

حمزة،،خرررب والله زحمة هسة لو بغرفتنة اهدج بلا

ريم،،تريد نرجع باجر

حمزة،،والله اكيف بس انة ايجوز هذة الاسبوع طالع للاردن ارد واخذكم خليج ترتاحين هنا

ريم،،ليش باوعتلة مبرطمة ودمعتي شوية وتطفر

حمزة،،هذاة شبي اسد شوفي غص

ريم،التفتت لاسد مخروعة اباوعلة نايم، ،ما بي شي اسم الله

حمزة،،حتى لا تبجين مو دولبتي احوالي بهالدموع يا غزالتي انتي ما يلوك لعيونج الحلوات هالدمع

ريم،،اشتاكلك مو بيدي والله ما اتمنى تبعد عنة متر واحد

حمزة،،هو كلة المن غير لخاطركم انتي واسد وخوان اسد

ريم،،تروح وترجع بالسلامة بس هم تتأخر مثل ذيج المرة

حمزة،،احاول وداعت عيونج ما اتأخر هالمرة

علي،،حمزة كعدت تطلع لبيت اركان

حمزة،،اي اي تعال ما عندي شي

ريم،،اجيبلك جاي

حمزة،،اكعدي انة رايح للبيت اسبح وابدل واشرب جاي، ،يلا دير بالج. على روحج وعلى اسد

ريم،،وانت همين،،عدت يومين وهو طاير بينة واحنة طايرين بي وحضر غراضة وجوازة وكبل لا يريد يسافر كلت استغل مزاجة الهادي اجة اتعشة يمنة وشرب الجاي واسد بحضني العب بشعرة الخفيييف، ،حمزززة

حمزة،،يا عيونة

ريم،،شتكول لو كبل ما تروح تجيبلي تلفون اخابرك بي،،ذب الاستكان من ايدة وخزرني بعصبية

حمزة،،خيررر ليش شصاير من شوكت ونسوانة تكض تلفونات

ريم،،اتبلعمت من نضرتة وردت فعلة،،،غغيرر اخابرك من تروح

حمزة،،انة يومية اخابر علي واحاجيكم،،هالسالفة انسيهة اصلا محد يخرب البيوت غير هالتلفوناات مصايب جاي تصير من وراهن

ريم،،اي بكيفك هاي هية، ،سكتت وببالي بس ارجع لازم اخلص من هالتلفون الاگشر الورطت روحي بي، ،راح للاردن وصدك يومية يخابرنة من علي ويسألني على اسد متلهف ويسولف شمشتريلة وشجايبلة والي خلصت اسبوعين ورجع بسلامة ورجعت كبل جيتة بيوم للبيت نضفت غرفتي وعدلتهة طلعت التلفون صفنت وين اودي اذبة حرامات جديد وغالي جان،،كلت احسن شي انطي لامي رجعت دفنتة بالكنتور وكلت جاي العيد وانطي الهة الشجعني على هالفكرة هو خوفي وين اذبة وشلون وهنا ابراج مراقبة وين اوديه ،،،اتحضرت لجية حمزة ولبس جديد ومكياج ولاسد الجان ميطيح من الادين وجديتي لازمة العصا ويا ويلة اليتقربلة من الجهال وهو حبيبي بدت ترد روحة ويكبر اجة حمزة واتلكاني بلهفتة بس هالمرة مشاركني بيهة ابني وروحي سلم عالكل وعمتي تبوس بجتفة فرحانة وجابت اسد وحطتة بحضنة ساعتهة من كل كلبي دعيت الله يهديهة هيج على طول حتى ختام تكول خافة علينة هوواي وكارصة ومرت ابراهيم مطيح حضهة ابراهيم وكامت تكعد من النجمة وحالهة من حالنة همزين صفت الاجواء،،دخلت للغرفة وشايلة اسد وحمزة يبدل ،،محضرتلك الحمام تدخل ارتاح من تعب الطريق

حمزة،،هلكت هالمرة بس حتى اخلص بساع ولا ابطي عليكم

ريم،،يا روحي ليش تتعب روحك هيج اتأذيني

حمزة،،اموت عاليخاف علية

ريم،،اتقرب لزمني من خصري ودنك يبوسني وعاط اسد متضايق

حمزة،هههه خرررب بغيرتك من هسة بدت الحرب

ريم،،دطب اسبح بين ما ارضعة

حمزة،،من شفتة وشافني جوعي ،،بس يحرك بدمي هو گاصد

ريم،،شيعررف هوو،ههههه ،،،نمنة للعصر كعدت اخذت اسد وطلعت جان حمزة تعبان عفتة بنومتة كعدت كلهة ملتمة بالحديقة طلعت اسد وعاطت جديتي

الجدة صالحة،،وين يمصكوعة بيهة هوة وين مطلعة الفرخ لا يوكع ما عولناه صحة

ريم،،يوه يا جدة اظل وحدي جوة

ثريا،،اجي وياج عادي العب وياه

ريم،،باوعتلهة مستغربة،،تعاااي علواه،،طبينة للصالة وظلت شايلتة وتبوس بي

ثريا،،تدرين لو صايرلة شي بعمري ما اسامح روحي

ريم،،وشعليج انتي

ثريا،،احس من وراي صارت هالعركة

ريم،،ردت احجي ولزمت لساني بطلي ريم تجطين الاكو ولماكو لكل واحد الجمي لسانج،،ربج هيج كاتب نشوف الحمدلله على كلشي

ثريا،،الحمدلله،،

ريم،،ظلينة كاعدين شوية وطبت عمتي فرحة مددت على رجلي واني افرك براسهة وثريا تباوعلنة مدري شبيهة لليل كعدت حمزة عالعشا اتعشينة وجاي وفواكه وهو مكابل اسد ويباوع رجعنة التمينة بجمعاتنة الحلوة راح سحب الجنط ووزع الصوغات للكل وخلة صوغة خواتة المزوجات ومن طبينة للغرفة سحب جنطة،،فيد عبدالله،، جايب بس الي ولاسد كلابيات وتراكات ودشاديش نوم ولاسد ملابس حتى حذاء صغير كلش فرحت بيهن حضنتة بفرحة

حمزة،،لامو هيج اليتشكر خل اكلج شلون

ريم،،جنت مشتاقتلة يمكن اكثر منة بس هو جان حنين وياي كلش يخاف على عمليتي صدك جان ماكو بحنيتة وخوفة علية ولكلشي يحسب ويفكر قبل ما اكلة اني جانت راحة خيالية وهو ويانة وبنصنة ،،عمتي كللش ما تدخل صارت غير توجيهات بسيطة بس هم احسهة كوة كاضة روحهة عنة بس تخاف من عمي وحمزة لان كوة سكتوا عن كل السوتة وجديتي وكفتلهة عالنفس،،حبيبي اسد كبر وبدة ينشنش ويسمن وفدوة ماخذ عيوني ولونهن جان ما مبين ابن سابع ابد صرت اخاف اطلعة من يجن نسوان عمامي لو احد كلهة تكلي شتوكليه وشترضعيه ولاجنة سبيعي واني اكوم اشيل روحي وادگهة بالكاع اخاف عليه مو بيدي كوة صار والله ما اتحمل جديتي تظل تحجي وتطرد عيون يا منيلة مريض وما ينام واشترتلة خضرمة ولبستهة الة،،يومية بالليل ياخذة ابراهيم يمة ويم ثريا واني اظل احوس وحمزة يضحك علية يكلي خلينة نرتاح من دوختة وناخذلنة شوط اضافي من وراه ششايف انة بس مو بيدي احس اخاف عليه من الهوة وهو هم متعلق بية بشكل لدركة كام يتنحس من غيري لازك بية حتى شغلي اكضيه بساع على نومتة وبكل هالركضة جنت طايرة مو بالكاع من فرحتي بس بدة يزعجني جيات اخت ثريا. هدى المتكررة للبيت بحجة اختهة وخاصة بعد ما عرفت هي هاي الجانت رايدتهة عمتي لحمزة كلش ضجت واني اشوف عمتي مجلبة بيهة وصارت التسيورة ام ساعة تسيورة ام ساعات وام غدة وعشا وانوب اتحولت مبيت ادري مو عيب،فيد عبدالله،،
بنص زلم تباتين حتى ماكو بنات ما متزوجات باقيات نكول هلى واهسهن وكم مرة اسمع حمزة يكل لعمتي موعيب كعدتهة بنص كوم ولد خلي ترد لبيتهم وعمتي تكلة ما كاعدة ببيت غريب يم خالتهة وولد خالتهة واختهة كامو حتى الولد يتحرجون منهة وحمزة اخر شي ما اتحمل كاعدين عالعشا و كدامنة فشلهة بشقة عود

حمزة،،اكلج انتي اهلج ما يردوج بعد شنو

هدى،ليش مليتوا مني بعد ما اجي

حمزة،،لا يابة مو بالقصد البيت الج بس كلت خاف صاير شي ببيتكم

هدى،لا اسم الله بس انة ارتاح كلش هناا

ريم،،جانت تباوع بنضرات سخيفة لحمزة اشتعلت نار خزرتهة دنكت على ماعونهة وسكتت بجة اسد وكمت للغرفة. ارضعة رضع وغيرتلة وبدلتلة وطلعتة يم جديتي ورحت للمطبخ نعزل بالهوسة اني وختام ولمحت من شباك المطبخ هدى وثريا يتمشن بالحديقة ما اعرف ليش ما ارتاحيت وظليت مراقبتهن نزلت البردة وظليت كل شوية اباوعلهن من طرف الشباك،فيد عبدالله، بدون ميحسن اخر شي شفت هدى اتمشت ناحية المضيف وجان ببداية البستان كلبي نغزني باوعت حمزة الوحيد مو جوة وهو مرات يروح للمضيف يشرب كهوة ويشتغل بحسابات المعرض يكول هدوء البيت هوسة،،شفتهة طبت واختهة وكفتلهة بالباب اتخبلت طلعت امشي بسرعة وصلت قريب للمضيف واسمع صوتهة عالي تصرخ تكلة

هدى،،شكد لمحتلك معقولة متحس انة شكد احبك،،،،،،يتبع