الغزالة في عرين الاسد الفصل السابع والعشرون 27 - بقلم فيّد عبدالله

مسساء الورد يا ورد شلونكم شخباركم، ،،اشكركم من القلب على وصول القصة المركز الاول شكرررا جززززيلا الكم ولتعليقاتكم الجميلة الي وخرت كل ضوجتي مال البارحة شكرا لمحبتكم،،متابعة طيبة

البارت الرابع والعشرون
فيّد عبدالله

علي،،استغفر الله وتالي بعنادك ياحمزة،

ريم،،اكبر اناني هوة تعرفني بي

علي،،لا انة الاعرفة يحبچ بس ما يگول،فيد عبدالله،،

ريم،،ميحب غير روحة،،كعدت عالكرسي بتعب غطيت وجهي اتنفس بعمق

علي،،صدكيني ميچلب بيج هيج لو ما يحبچ حيل بس هو مشكلتة يعاند وميبين اليحس بي ابد

ريم،،خلي حبة لروحة علي بداعتي عندك فرغ روحك وباجر شوف محامي و ارفع الدعوة

علي،، هاي هية كدهة انتي ريم

ريم،،كدهة اريد اجر نفس ما اتحمل دقيقة ارد وياه واكو غيري على ذمتة ،،كووة نمت بليلتهة كلبي وجعني حيل حضنت مخدتي وكوة هدأت دموووعي ما جنت اريد توصل لهنا ما اريد عندي جانت كومة احلام وياه ليش هالكد اذاني ليش باع من اول غلطة ليش ما تنازل ومال على نفسة مو يكول يحبني جذاب ميحب غير روحة،،بلشنة باجراءات المحكمة وعلي شاف محامية مظبوطة تلزم القضية وقدمنة الطلب للمحكمة بقت ينطوه خبر حتى نبلش بجلسات المحكمة ما ردت احد يكلة رفعنة دعوى ردتة ينصدم بنفسة مثل ما صدمني من دخل زوجتة وما اهتملي، ،،جانت نفسيتي زفت ذيج الفترة واكابر لخاطر خواني المسانديني ويباوعولي بقلق وحنية جنة كاعدين نتغدة واندكت الباب طلع كاظم فتحهة شوية ورجع

كاظم،،حمزة بالطرمة رايدك علي انتة وريم

ريم،،غصيت باللكمة ما انبلعت شربت مي وكمت حتى بطني احس بيهة لويات صارت لبست عباتي وطلعت ورة علي الجان لازم ايدي وضاغط عليهة ينطيني قووة

علي،،اكيد اجاه البلاغ اضبطي اعصابج

ريم،،ايي بس ظل لازم ايدي ،،طلعنة حمزة واكف منطينة ظهرة يدخن سلم علي التفت رد السلام وذب جكارتة وسحكهة بعصبية

حمزة،، صدك علي وسويتهة

علي،،ما خليت حل

حمزة،،هو هذا الحل برايك ،،خايف انة مثلا لو مستحي ليش شتكلفني هي حجاية بس ما هانت العشرة، ،تالي انتة هونتهة وتريدنة نتواگف بالمحاكم

علي،،كتلك يا ابن العم اهد الدنيا لخاطر متنزل دمعة من عيونهة روح دور من الهون وكسر وباع

حمزة،،اذا تشوفهة هينة عليك انة استصعبهة ومحمد استصعب اوكف بوجهك واحجيهة الظاهر جنت واهم ،،عالعموم ياابن عمي لهنا وخلص كلشي واتذكر انت الفرطت وبعت وانة لحد اخر لحظة جنت رايد حرمتي

علي،،رايدهة ترد للذلة جوة ايدك

حمزة،،تتوقعني بلا اصل هيج، ،شايف العمال الورة بيتنة صارلهم چم يوم جنت ناوي ابني ببيت تاخذ راحتهة بي حتى لا تكول اذلهة لو اقهرهة واخليهة هي وابنهة معززة مكرمة وحتى انة ما اگرب صوبهة لان الصار بيناتنة ما ينلحم ولا ينجبر

علي،،وعليمن تكلف روحك اذا بكل الاحوال واحد ما رايد الثاني ولا الكم عيشة سوة

حمزة،،بيناتنة ولللللد تسمع بيناتنة طفلللللل تقبل تنحرم من ابنك وانتة لهسة لاشايفة ولاشام ريحتة ولا ملعبة ولا منومة بحضنك

ريم،،اسمع واكول بكلبي حجج كلهة حجج ما فكرت بالطفل كبل لا تتزوج كبل لاتكسر كبل لاتبيع انتة من شفتني اتنازلت عنك بهالسهولة وجعتك كرامتك ردت تردني بكل صورة بس حتى يبقى كبريائك وعزة نفسك محد متجرأ وكاسرهة الك،بقة ساكت يتنفس بغضب فرك كصتة بتوتر وحجة بتعب

حمزة،،هذا اخر قرار ريم اسالج لاخر مرة حتى تعرفين منو البايع من صدك

ريم،،جريت نفس وجليت صوتي بقوة،،هذا الاريدة اذا باقي للعشرة معزة خل نخلص هالموضوع بهدووء ترة ميهونلي نتواكف محاكم واحنة عالاقل ولد عم ودمنة واحد وبيناتنة ولد موووو صح؟؟تنفس بغضب يريد ينفجر قابض ايدة بقوة

حمزة،،ريمممم انتي طالگ

ريم،،لزمت ايد علي بقوة وجعتني الحجاية حييييلللل سجينة وفاتت بنص گلبي كابرت بكل قوتي متنزل دموعي

علي،،هاي هية ابن العم مشكور لهنا وخلصت بعد كلشي ما ردنة منك غير هالحجاية وابنك هذا البيت بصف البيت شوكت ميعجبك تجي تدفر الباب برجلك وتاخذة ويظل بينك وبين امة

حمزة،،ذهبج والمؤخر وغرفتج وكل حاجاتج يوصلنج لعندج وشتحتاجين بهالركبة تضلين ام اسد وبنت عمي من رخصتكم انطوني اسد اخذة للبيت شوية

ريم،،ما نطقت كلمة انشليت صرت كوة اتنفس بهدوء حتى النفس يخنك طببني علي للبيت كعدت عالجرباية ارررجف راح علي اخذ اسد ورجع وامي وحسناء يمي يسالون بية ما اكدر ارد طب علي كعد بصفي ولزم ايدي

علي،،ريم لا تسكتين احجي ابججي لا تضمين ضعفج يمي طلعي كلشي بكلبج من هسة حتى ترتاحين ونبدي بالجاي بقووة

ريم،،اخذني لحضنة يمسح براسي

حسنين،،طلك هالنذل مووو

علي،،حسنييين

ام ريم،،عززززة شنييي صدك

علي،،اي طلك هو هذا الانريدة عليمن رفعنة الدعوة لعد من هاللحظة حجاية بالموضوع ما اريد ولا تجاوز ولا غلط بحگة يظل ابن عمنة وابو اسد عرفتووا ،،حسنين

حسنين،،اي يخوي

ريم،،بقيت ساكنة بحضن علي ماكو كل رد فعل،،وهو يقرالي قران لزمتني رجفة قووية وبرردت كللش كمت كوة افتح عيوني اسمع هوسة داير مدايري انطوني علاج ماكو ميفيد راح حسنين للصيدلية جابولي ابرة تنزل الحرارة وضربتني امي نزلت شوية احسن نمت ما كعدت لليل كمت كوة متكسرة طلعت للصالة

علي،،كل الهلا بام اسد

ريم،،جاب اسد

علي،،اي ونومتة حسناء بغرفتنة

ريم،،خووش

ام ريم،،تتعشين يمة

ريم،،هزيت راسي بنفي، ،رجعت للغرفة مددت اتذكر الصار هذا احسن شي ما اتحمل بعد خلص ريم صفحةواطويهة لازم تبدين حياة جديدة لازم تصيرين قوية لخاطر ابنج انت هسة لبوة لازم تحمي الشبل مالتهة،،دموعي متحجرة رغم بية حسرة خانگتني خنك شوية وسمعت امي تسلم على جديتي وعمتي وطبن يمي للغرفة جنت منطيتهم ضهري اتقربت جديتي وبصوت عكازتهة تطخ بالكاع وباست راسي وشهكت تبچي

الجدة صالحة،، ليش هالكد عاندتي يا جدة ليش ولچ يحبچ ومحمد ماكلتة النار ويعاند

ريم،،ما رديت ابد التفتت على جديتي وكتلهة شونج جدة شونج عمة وكمت كعدت ما اريد ابين لاي احد اني مكسورة

فرحة،،وعلي ما صدكت يوم طب علينة حمزة وكال كون تشوفين حسين شسوة بي

ريم،،عمة الفات ماات ما اريد اسمع بعد اي شي يخص حمزة اذا تعزوني صدك لا تحجون بي ابد ابد جدامي

الجدة صالحة،،حگج جدة حگج هو الخسران يرد يتندم
وانة اشوفن من هسة بدة الندم ياكل بي ولارد على احد اخذ جنطتة طلع لبغداد

ريم،الله يوفقةبحياتة يبقى ابو ابني،،احجي واحس النار شاعلة بية شعلللل

فرحة،،ما دريتي هي حتى حنان....

الجدة صالحة،،فرررحة كافي، ،اي ياجدة شتردين شرايج نطلع لكربلا نجف تغيرين من نفسج وخلگج

ام ريم،،حجية من تخلص العدة غيرر

الجدة صالحة،،ااخخخخ يا جدة وينج ووين العدة والطلاك

ريم،،ابتسمت بتكلف شسوي جدة نصيبي

،،،،،،،،،،،،

حمزة،،رديت للبيت شايل اسد مشتاقلة طبيت للبيت لكيت الكل ملتم بالصالة يشربون چاي ،،السلام عليكم

ابو حمزة،،وعليكم السلام

ام حمزة،،وين رحت يمة من ساعة الخذت الورقة وقريتهة تسودنت

ابو حمزة،،يا ورقة

ام حمزة،،ما ادري الصبح دزوا ورقة جابهة حمادي هذا اليوكف بالباب كال هاي لعمي حمزة وهو قراهة وطلع ركض

ابو حمزة،،شني يا ورقة

حمزة،،تريد تعررف شيخنة،،،غير بنت اخوك رافعة دعوة طلاك

فرحة،،صخام بعيني

الجدة صالحة،،شتكول ولك

حمزة،،اي وانة اختصرت هالهوسة واستزحمت اوكف وية ولد عمي بالمحكمة رحت طلكتهة وهي ببيتهة

ام حمزة،،توك يلا صحيت على وكتك يمة

الجدة صالحة،،انچبييي

ابو حمزة،،شتحجي انتة تسودنت شني

حمزة،،ليش شسويت رادت تطلك طلكتهة بلا محاكم كول همة التسودنوا من راحوا محاكم يرفعون دعوة ما استحوا ولا حشموا احد

ام حمزة،،حتى تعرف الصدك وين من اكلك ما تفيدك زعطوطة

الجدة صالحة،،انتي سكتي السواه ابنج شوية لو حسين جايبلج مرة على راسج تكعدين،،ولج انتي بالجذب لا وصلتي وحليتهة

حمزة،،جدة انة...

الجدة صالحة،،اشش انة لا جديتك ولا ارضى عليك عكب السويتة

ابو حمزة،،ليش منو منكم راح وسأل عاليتيمة ذيج كلكم كاطعتوهة عدة ختام اشوفهة من الحايط نوبات ختلة توكف وتصيحهة واول عفية بنت اصول ما عافت بنت خالهة بشدتهة الا كلكم عزلتوهة زعلانين فوكاهة

حمزة،،شتريدنة بوية نبوس اديهة بعد خل تولي الف مرة ابدالهة اجيب

ابو حمزة،،عليمن ذيج المكرودة مذبوبة فوك ما اعرف جبتهة مزهرية مدري البيت مابي نسوان وجبتهة لو چمالة عدد،

حمزة،،لا هم مرتي

ابو حمزة،،انتة غلطان والقهر كاتلك بس تعاند، ،،اكلك بوية حجاية الحوبة تبطي بس ما تخطي وانتة هواي جرت على هاليتيمة

حمزة،،بقيت ساكت اخذت اسد من عمتي فرحة وطبيت للغرفة نومتة بحضني وصافن بعيونة نفس عيونهة ،،هاي هية حمزة انساهة لا تنزل روحك لمرة ابدد نمت وكعدت تعبانة اعصابي حضرت جنطتي وسبحت وبدلت اخذت اسد رجعتة وطلعت لبغداد مخنوك شبيك حمزة تهزك مرة المفروض عرفت لا تسلم گلبك مرة ثانية لا مو احبهة انة اتعودت عليهة اي وهسة اتعود على حنان ماضايج عليهة ضايج لخاطر اسد اخذت الطريق كلة افكر وصلت للمعرض رحت على حسام كبل

حسام،هلااا بابو اسد نورت

حمزة،،هلا بالعزيز شونك

حسام،،متبهذل امي صارلهة اسبوع بالعمرة واني ماكل تبن وحدي

حمزة،،هههههه احسنلك من ما تزوج وينشلع كلبك

حسام،،هاا ولك اجيتنة شارد جنك

حمزة،،مختنك تطلع بالليل موو

حسام،،لا ولك عمي خابرني يريدني مدري شعدة وياي

حمزة،،يريد يكربسك ببنتة

حسام،،الا تخبلت جنهة عمي ولابس ربطة وهو عمي يشبه عبسي

حمزة،،،هههه ديلا عاد انتة شونك

حسام،،اخبلل جني غززال

حمزة،،صفنت اتذكرتهة عيونهة ليش لازكة بعقلي لهسة انوب من وكفت وحطتهن بعيني وهي عصبية طلعن احلى، ،استغفر الله كافي حمزة حرمت عليك بعد،،حسام رايح للشقة تعبان اجيك الصبح

حسام،،ماشي
،،،،،،،،،،،،

ريم،،مشت جديتي واجة علي كعد يمي

علي،،ها ريمتي شونج

ريم،،راح اختنك علي حتى دموعي عاندت متطلع

علي،،ليش يا رويحتي لا تبجين انة يمج وما اعوفج بس ارتاحي هالجم شهر وصفي بالج ووراهة ببالي اقدملج تمتحنين سادس خارجي شتكولين تلتهين بدراستج ومستقبلج محد يلهيج غير الدراسة اريدج تتقوين وتكولين للكل ما انكسرت انة الضربة الما تموتني تقويني وهاي الضربة قوتج موووو

ريم،،صدك هيج رايك اكمل دراسة ما حاطة ببالي

علي،،لا انة ببالي

ريم،،اي اي لعد جيبلي كتب اقرة

علي،،تتدللين شتردين تكملين انة كلت ادبي اسهل من العلمي

ريم،،بكيفك

علي،،لاااا ما اسمع كلمة بكيفك بعد،،بكيفج انتي رايج انتي

ريم،،اني حابة ادخل معهد معلمات

علي،خوووش راي والله ،امتحني خارجي وروحي سنتين معهد هنة يخلصن شون ماجان

ريم،،خاف يعاند

علي،،منووو

ريم،،حمزة،،خزرني علي

علي،،وشعليه ريم لا تضلين خايفة منة انتهى دورة بعد

ريم،،يتحجج بابنة متاكدة ما يريدني اعبرة واكون روحي بعيد عنة

علي،،اذا تحجج كليلة خلي يمك الصبح والعصر ردة الي لو طول النهار وردة بالليل

ريم،،اي هو هم ابوه ميخالف لو ظل عندة هالكد موو

علي،،ايي صحيح

ريم،،الله لايحرمني منك،،حضنت علي لحنيتة بكد الدنيا وبلشت اكافح اوجاعي وآلامي خاصة من دزلي ملابسي وغراضي وغرفة الاخشاب الي كبل بعتهة ما اريد شي يذكرني بس اتذكر بليلتهة انهاريت والله نمت كدما كلبي يوجعني من البجي خفت ما اكعد، ،،،بس كعدت وباوعت لروحي بالمراية اباوع مو اني شبح وجهي اصفر الجوة عيوني اسوود احاجي بروحي بالمراية رييم شبيج هو متونس وعايش حياتة وانتي منتهية اصحي ميستاهلج اصحييييي،،،،،اول شي جان لازم اتحملة واقوي نفسي حتى اعبرة وميأثر بية هو حجي الاقارب الي من سمعوا صارت كلهة تزورنة وتتذكرنة والسبب بس يتأكدن صحيح الحجي واني اتطلگت وحسنين يكلي تكعدين بنصهن وتكولين اي ما النة نصيب بعد ممنوع تضمين روحج من تجي مرة حسنين هواي شخصيتة تشبه علي جانت جان كل روحة لبغداد يجي جايبلي كتب تطوير للذات شلون اقوي نفسي ابني شخصيتي تفكيرة جان منفتح لان دارس وواصل حمزة هم دارس جان بس مو نفس التفكير ابد عندة اهم شي هو المسيطر وبيدة خيوط الحياة كلهة،،،هالشي قواني كلش من صرت اكعد واسولف عادي وية الاقارب واجاوب لو اسألت بكل برود لدرجة مرة بنت عمي ما اتحملت برودي جرتني للمطبخ،،وكالت(اكلج شو انتي ولايمج رجلج تزوج وعافج صدك عادي هيج عندج عليج الله علميني ما اهتم لرجلي علعلتني غيرتي عليه وكلة مشاكل)جاوبتهة بهدوء ترة اني الما ردت اكمل اكلجياهة اي ما اتحمل تشاركني بيه وحدة لهالسبب انسحبت معزة بنفسي الماكو اعز منهة والله يوفقة يظل ابو ابني وحياتج انتي بكيفج رتبيهة محد يشبه احد،،،خلصت العدة وقدمت عالخارجي وبديت اقرة ذبيت روحيييي موتتهة بالدراسة كمت ما انام متتخيلون شون انشغلت ما افكر ولا انقهر واحس جاي احقق هدف بحياتي مو منتضرة احد يطلعني من قوقعتي وامتحنت التمهيدي ونجحت الحمدلله وجديتي الوحيدة الشجعتني كل اليسمع اووي وشتسوين بيهة واحباط ما ينتهي حتى امي من الناس ما مقتنعة بس اني وحسنين وعلي وجديتي شكلة فريق وبدعمهم كملت جديتي ما قبلت اكول لحمزة كالت مالة كل علاقة بيج بعد هو مو عايش حياتة ومتونس وي مرتة انتي هم عيشي وانسي فد وجعتني حجايتهة هاااي عايش ومتونس اي ريم عايش ومتونس شني تردي يموت وراج لهالشي اتحديت وبلشت بامتحانات اخر السنة وكل هالمدة لاشايفتة لا لامحتة ولاطابة بيت عمي واسد خواني ياخذوه من الباب، ،عدة اول امتحانين طبيعي وبثالث امتحان طلعنة يوصلني حسنين. وشفت ولد بصف السيارةداير ظهرة،،عبالي ابراهيم،،اوكف حسنين خل اسلم على ابراهيم

حسنين،،هذا حمزة مو حسنين

ريم،،شبي هيج ضعفان كلتهة لا ارادي مستغربة وكمزني صوت حسنين

حسنين،،وشعللليج بي انتي

ريم،،شعلية قابل مستغربة بس ودنكت مشينة ودك حسنين هورن وسلم واني مدنكة اقرة جنت لابسة نقاب اريحلي بالطلعة والطبة وخاصة احنة منطقة ناس تعرف ناس امتحنت عادي ورجعني كاظم وبلشت اقرة للامتحان الورات وهم بالطلعة شفنة حمزة واكف،،وصلنة يمة وسلم على كاظم الي وكفلة ونزل الجامة كاظم قلبة طيب حيل وما اخذ منة موقف مثل حسنين وعلي ايكول انتو كلمن اختار طريقة عليمن الزعل والقلوب تسود المهم بقيت اني مدنكة على ملزمتي اراجع ولا رفعت راسي

حمزة،،خير خوما اكو شي محتاجين شي نظل اهل

كاظم،،والنعم لا والله اوصل ريمة تمتحن واردهة لو خلصت

ريم،،ما علق كلمة حمزة غير بالتوفيق وصعد الجامة كاظم ومشينة امتحنت وطلعت لان الكاهم واكفيلي لكيت حمزة بوجهي

حمزة،،اصعدي

ريم،،وين شجابك اخوتي وين

حمزة،،جاااي اكلج اصعدددي شني خايفة يابة عالاقل اظل ابو اسد مو صح

ريم،،اباوعلة ومبتسم تك خد جنة مستهزء، ،جاوت ومنو كلك اني اخاااف من احد وعيني بعينة بتحدي،،،،،،،يتبع