الغزالة في عرين الاسد الفصل التاسع والعشرون 29 - بقلم فيّد عبدالله

مسساا الورد يا ورد اشكركم من القلب لتفهمكم ودعواتكم الجميلة مثل قلوبكم، ،،متابعة طيبة

البارت الخامس والعشرون
فيد عبدالله

حمزة،،اصعدي خل نحجي

ريم،،لا ما اصعد شتكول الناس لو شافتنة سوة تريد اجيب حجاية لخواني ،

حمزة،،جاي اكلج اصعدي تضلين بنت عمي ترة

ريم،،ما اصعد بعدين كل الحجي بيناتنة خلص، ،ودرت وجهي وطبيت للمدرسة انتظر جوة، ،بس الصدك خفت كوة حجيت ووكفت بوجهة طبيت كلبي يدك حييل وهو شخط سيارتة وطلع ماكو خمس دقايق واجة حسنين يمة همزين راح جان علگت والله ،،شتريد مني ياحمزة دعوفني بحالي رجعت للبيت لكيت اسد ماكو مار وماخذة من اهلي كلت عادي ابوه طبيت سبحت وطلعت مددت تعبانة ما نايمة اتراوالي شكلة شون ضعفان والجوة عيونة اسود تعباان مبين اخخخ من عنادك يا حمزة شسويت بينة بافكاري وهوستهن نمت كعدتني امي للغدة كمت اكلت شوية ورجعت ذبيت روحي عالقراية طب علي علية واني اقرة

علي،هلا بريمتي

ريم،،كل الهلا بيك

علي،،اي اقري زين

ريم،،عليي اريد اكلك شغلة بس لا تضوج

علي،،شكو خير

ريم،،اليوم من طلعت من المدرسة لكيت حمزة بوجهي وراد يرجعني للبيت ويحجي وياي اباوع لعلي بانت عروك ايدة القبضهة حييل

علي،،وشكتيلة

ريم،،كتلة ماكو حجي نحجي وعيب العالم تشوفنة سوة ما اجيبلكم حجاية مسح علي شعري براحة

علي،، عفية بترباتي ،،،ريمتي ما تندمتي موو خاف ظلمتج واستعجلت يخوي

ريم،،هزيت راسي راسا بنفي،،لا لا ابد شفتة هو لهسة يكابر وما يعترف بغلطتة لو رادتلة جان هسة ضايگة المر

هلي،،عفية بالسباعية ام اسد يلا اقري ولج لا تفكين حلكج عالسوالف

ريم،،اي اي،،لليل وماكو اسد كمت احوووص خابر كاظم على حمزة كلة يبات يمي اليوم امة مو عندهة امتحانات،غمضت عيوني اتنفس اطلب ااصبرر عرفتة بدة بحرب الاعصاب، ،سكتت وطبيت للغرفة خلي عندة واذا هو مو ابوه كوة جمعت تركيزي وكعدت اقرة من التعب غفيت عالكتاب نص الليل وفزيت شلون غفة ابني وهو لهسة ما ينام غير على صدري حتى صدري احسة انترس ما راضع سودة علية من الصبح، ،دموعي صارت تنزل وامسحهن بحقد على حمزة شبيك هيج تسوي شتريد من عندي مو انت عايش حياتك ليش تريد تدفني ساعة بالوحدة صارت واني حتى كدما انقهرت مابية الزم كتابي بس عناد بحمزة العبالة يلوي ايدي هيج كعدت اقرة شوية ودك موبايل كاظم وطلع كاظم للباب طلعت وكفت بالمطبخ خايفة عليه شكو بهالليل والله ورجع وشايل بيدة اسد الي بس شافني الضحكة شكت حلكة واسنانة الحلوة طلعت تخبل من يضحك والتك غمازة بينت بضحكتة ذب روحة علية واني اخذتة ابوس بي واشتم بي وهو يمد ايدة لصدري يريد يرضع

كاظم،،جابة ابوه يكول ما ينام

ريم،،هزيت راسي بابتسامة وطبيت للغرفة ركض ابوس بي وخليتة يرضع اووف يا ريحتك هسة ردت روحي اروح فدوة لليطلع حگ امة ويكسر عناد ابوه من هسة، ،مرت الايام وامتحنت اخر امتحان بس كلش تعبت لان ما انام زين واكلي بسرعة وابني يرضع احس صفيت بالنص فوك ذاك ضعفي ما اهتميت بس زعجتني حجاية عمتي من اجتي وشافتني

عمة ريم،،يا شجاج عمة صافية بالنص عمة هاي قسمتج لا تضلين تحركين بروحج

ريم،،رديت بغضب ومنو كلج عمة اني مقهورة عالراح بس اني لان جاي اقرة واتعب ضعفت

عمة ريم،،شتقرين عمة

ام ريم،،جا غير ردت امتحنت السادس

ريم،،احس امي كالتهة بفخرر،،باوعتلهة وحجيت،،عمة رجعت ادرس اريد اشوف مستقبلي حياتي اطب كلية،حجيت هيج وهالشي مو ابالي اصلا بس عناد كلتة

عمة رين،،يااا يااا ادور كلية

ريم،،وشبية عمة شو حلوة وصغيرة وناعمة حتى ما مبين علية تاركة،،سايرتني امي

ام ريم،،بلكن يصيرلهة مستقبل لخاطرهة ولخاطر وليدهة

عمة ريم،،شني وشعندنة رايحة تفرفرين بنص الزلم شمالهم خوانج

ريم،،عمة قابل ميعرفون ربات ايدهم واذا بنص الزلم كلمن وتربيتة وخلاقة

ام ريم،،انة بتي لو احطهة بمعسكر زلم ادري تطلعلي بنظافتهة عبن اعرف شربيت

ريم،،سكتت عمتي كوة عليهة بس سكتناهة كم يوم عدة هالموضوع وصاحتني العصرية ختام من الحايط طبعا ختام كلش بين اصل معدنهة بهاي شدتي ما عافتني ابد بس جانت متسولفلي عن حمزة اي شي او حياتة بطلب مني ما اريد انقهر او افرح او اتشمت هو ماضي وراح عليمن اظل متعلقة بي،

ختام،،يا مصخمة صدك رادة تدرسين

ريم،،اي

ختام،،ووجعي ليش ما كتيلي

ريم،،والله ما ابالي يعني انتي ما شفتيني اسمي كتابي بيدي

ختام،،عبالي كتب يجيبهن الج حسوون،،زعلت منج وانة حاسبتج اخت

ريم،،عليج الله لا تضوجين عبالي تدرين،

ختام،،ما ازعل منج الله يوفقج،،ولج فاتج الصار اليوم

ريم،،شكو يا ساتر

ختام،ولج الظهر اجتنة خالتي عالغدة كملنة الغدة وهوستة وكاعدين نسولف وجان خالتي تحجي

عمة ريم،،اكلك حسين عندك خبر ريم جاي تدرس وناوية تطب كلية

ابو حمزة،،منيلج هالحجي

عمة ريم،،والله من لسانهة

ام حمزة،،والله صلفة بيا وجه تطلع وانوبة تريد تداوم وي الولد هالما تستحي

الجدة صالحة،،اسكتتتن انت شعليجن بيهة البنت عندهة خوان وهمة يسولفون ولامسوية عيب ولا حرام

ابو حمزة،،جنتي تدرين يمة

الجدة صالحة،،اي اخذت رايي وشجعتهة عبن ترتاح لو داومت وشافت ناس

ابو حمزة،،شهالحجي يمة وانة شني غير عمهة

الجدة صالحة،،وانة امك وانة الكلت تكمل شني يحسين حجايتي مو كافية

ابو حمزة،،عالراس يمة انتي وحجايتج بس ما عندنة بنات تطب كليات

ابراهيم،،وشكو بيهة بوية والله من جنت اروح لصحباني بالكلية يوفوتن بنات كل الاخلاق عندهن حتى بعبيهن يداومن خليهة تداوم چا ما نعرفهة احنة

حمزة،،ابراهيم لا تتدخل انتة ميخصك الموضوع،،دوام متداوم وكلية متطب

ابراهيم،،ولا يخصك انتة هسة حالك من حالي ما ترجعلك هية فما لك حجاية عليهة عوفوهة بحالهة خطية والله

الجدة صالحة،،عين العكل يا بريهي، عوفوا هاليتيمة لا تستگوون عليهة انة اوكف وياهة وتخلص

حمزة،،جدة عالغلط توكفين وياهة شني بتنة تفتر بتص الزلم

الجدة صالحة،،واذا تفتر مصلخة بحشمتهة وعباتهة تداوم وترد

حمزة،،ممنوع تطب كلية شني بكيفهة

ابراهيم،،اي بكيفهة انت شدخلك طلعت من عصمتك

حمزة،،ابراهيم معلليك لا تتدخللللل

ام حمزة،،واسد وين يظل تعوفة وتروح تفتر بين الولد ما تستحي

الجدة صالحة،،لا عود تجيبة يمنة ولو ردت تاخذة

حمزة،،اي مو اشتغل مربية للخلفوهة والله ان داومت كلية يحرم عليهة شوفة ابنهة

ابراهيم،،شالظلم يخووي چا انت الا تموتهة يلا ترتاح مرمرتهة واتزوجت عليهة و طلگتهة وهسة تريدهة ما تشوف حياتهة ضجت جيف تريد تسوي لروحهة مستقبل

ختام،،ولج وتلازموا ابراهيم وحمزة وخالي فكهم بصايح وكاللهم

ابوحمزة،،ثنينكم مالكم دخل بيهة انة الوحيد الاكدر اتدخل وانة اروحلهة واشوفهة ونتفق

ختام،،بالليل يجوز يجيكم خالي

ريم،،هههههههه كل هاي خاف اطب كلية ،،عفية بابراهيم دومة ناصفني

ختام،،وانة هم والله كتلهم من انجمعنة نسوان هم ظلن يحجن وعمتي تكبس وخالتي ترفع كتلهن خلهنة خطيةة تشوف دربهة حمزة مو هالشاف دربة خزرني ولج ليكول ريا وسكينة ولو جنت ضايجة جيف ماكتيلي بس فرحتلج

ريم،،الله يسهل وان شاء الله انجح

ختام ،،الله يسهل

ريم،،الا كليلي شخبارج انتي وصادق

ختام،،جاي يبني ببيتنة يبوو شوكت يكمل ونشيل واخلص ولج عمتي موتتنة يومية مطلعة سالفة تسحب فلوس من صادق حتى ما يكمل البيت لاحكتني على هالمية وخمسين متر ليكول جاي ابنيلي بقصر والله لو عالصبة اشيل بس اخلص منهة

ريم،،الله يرزقكم

ختام،،من ايدة ضيعنة يا ريم شكد كض فلوس على شنو ذبهن اصلا والله زين ومن خالي انطاه من الكاع لخاطري انطاه والله وكالهة بوجهة

ريم،،الحمدلله الله هداه وعرف يتصرف

ختام،،بس حمزة لهسة شايل منة

ريم،،تعرفيني بحمزة لو لزم زلة على واحد ما ينساهة للابد،،بهالاثناء سمعت صووت بنية تصيح ختااام ختاام التفتت حنان اجتي تتمشة

حنان،،هاي انتي هنا

ريم،،باوعتلي البنية ونصت مرتبكة

حنان،،شونج ريم

ريم،،كل الهلا انتي شونج،

حنان،،الله يسلمج

ريم،،بقت تباوعلي شوية وكالت

ختام،،من تكملين تعاي جوة نسوي بالعشا خطار بالمضيف

ريم،،صفنت بكلامهة صدك حسيت اخذت مكاني حتى خطار المضيف هي شالتة

ختام،،جاية وراج رووحي

ريم،،جان اسلوب ختام جاف وياهة،،شبيج تعيطين عالبنية شكالتلج

ختام،،ما ابلعهة

ريم،،مبينة هادئة وما كالت شي حجيتهة بصدك لان البنية صدك هادئة ونضراتهة بريئة ابد ما بيهة حقد او غل

ختام،،هي حبابة كلش ومالهة صوت بس ما اطيقة جيف اخذت مكانج، خو عمتي لاعبة بيهة طوبة وهي بعد اخس منج بس تتبجبج، ،،بعدين انتي ثوولة تدافع لضرتهة شمالج فاهية

ريم،،لان مو ضرتي هي بعد انة عفتلهة كلشي برغبتي،،الله ينجيهة من شر عمتي

ختام،،خل تولي هالحية رسمية شوكت تنجلط ونخلص منهة ، ،يلا حبيبة عود ما اوصيج اتخرجي يلا تجين تكليلي

ريم،ههههه ،،يبو شيخلصني من لسانج يلا روحي وياهة،،ختام عليج الله خفي عليهة شفنة النبي عربي من ورة رسمية لا تصيرين انتي نسختهة صفنت ختام شوية

ختام،،استغفر الله لا لا شني مثلهة قابل انة،،،اهوو دولي صوج اليحجي وياج

ريم،،نزلت من الحايط وطبيت اخذت اسد ووكفتة عالسياج نباوع للبستان، ،عجيب الشعور البداخلي ما جنت حاقدة على حنان ابد بالعكس حسيتهة ضحية لان هي هم مو بارادتهة الصار فجأة انهدت لرجال متعرفة وهم تخلت عن كل حياتهة ويجوز جانت تريد غيرة او يجوز ما اتخيلت هالعيشة الصعبة وية رسمية كل هالشي هم انجبرت عليه شنو ذنبهة ما لازم نعاقبهة لخطأ مو منهة لان الخلاصة احنة ثنينة ضحايا لغضب وتسرع حمززة،،لمحت زلم بالبستان غربة نزلت رأسا وطبيت جوة، ،لليل اجة عمي وكعد ويانة وافتهم مني انه اني ما ابالي ادخل غير معهد معلمات

ابو حمزة،،اذا هيج يا بوية هاي سهلة عبن كلهة بنات

علي،،انة عمي هم اخاف عليهة،،بس من رخصتك ترة امرهة راجعلي وانة هسة المسؤول عنهة

ابو حمزة،،افة يا علي انة مثل ابوهة وحاسبهة بنتي

هلي،،والنعم عمي تعرف ما قصدي عليك

ابو حمزة،،لا بهاي حگ عمي هي بعد امرهة وشورهة بيدكم رد،،مايصير خاطركم الا طيب يعمي

علي،،مشكور عمي الله لا يحرمنة منك

ريم،،كمت بست راس عمي، ،الله لا يحرمني منك

ابو حمزة،،چا انة هم ما ارضى الا بالحگ واخاف باخرتي ربي يكلي شسويت بهاليتيمة انة بالشغلات العدلات وياج

ريم،،متقصر دايم عمي،،مررت الايام واستلمت نتيجتي وطلعت ناجحة معدلي مو قووي بس طرررت فرح حققت انجاز لان لا دخلت دورات تقوية ولا شي بس اعتمدت عالملازم وحسنين شوية يشرحلي اليعرفة الحمدلله نجحت فرحت فرحة مصايرةحسيت انولدت من جديد علي اتعنة وجابلي كيكة يحتفل بية يا عيوني واحسهم طايرين بية ومفتخرين جديتي اجتي ولبستني محبس ذهب مكيفة وعمتي فرحة تبوس بية وعمي مر سلم علية وباس راسي وباركلي وكالي من تتخرجين من المعهد تستلمين هديتج هسة بعدهة عالنص ما افتهمت قصدة بس فرحتي ما خلت عقلي يدقق مثل عادتة و عبرتهة للشغلة، ،،كطعنة الكيكة واكلنة وضحكنة ومن رادت تطلع جديتي

الجدة صالحة،،كصيلي وصلة كيك وحطي شربت

فرحة،،المن يمنة موزين عالسكر اكلتي

الجدة صالحة،،لا لرسمية غير تاكل من هالكيكة الطيبة تنبلع اللگمة اذا ما تاكل كبلي رسمية

ريم،،شبعنة ضحك على تفكير جديتي وصدك كصيت قطعة جبيرة ودزيت لختام حصتهة وحد لان عمتي ماعندهة مانع تذب الكيكة بزبل ،،ثاني يوم العصر صعدتلي ختام

ختام،،اعذريني ما اجيت والله صخنت رحمة وما كدرت

ريم،،عادي فرحتج كافي دزيتلج حصتج من الكيكة اكلتيهة عاد

ختام،،اي عاشت ايدج،،ولج عمتي من درت مال نجاحج ما اكلت منهة ولا ضاكتهة واجة حمزة اكل منهة لگمة وسأل

حمزة،،عيد ميلادمنو وجايبيلة كيك

ابراهيم،،لا مو عيد ميلاد نجاح ريم ما دريت نجحت من السادس

ختام،،ولج وكفت اللگمة ببلعومة كوة بلعهة وعود ميبين بس شني كلهة حست وعبرت السالفة وهو اخذ جنطتة وطلع لبغداد

ريم،،حسيت بانتصار حلو بداخلي عبالك اموت وراك حمزة لااا ما متت رغم تمرني ايام داخلي ينگطع وجع وقهر واشتياق بس اكابر واضمهن داخل روحي الشاخت عشرين سنة من القهر،،، ومرت الايام طبيعي بديت تردلي عافيتي وسمنت وتغير شكلي للاحلى ياهو ليشوفني يتعجب بشكلي وجسمي الترس وصار يخببللل احس حتى من الراحة زغرت عشر سنين وكل هذا جان من الراحة والدلال بجال خواني اكل من برة وياخذوني زيارات وحسنين ياخذني للشط دائما بالليل ويشتريلي ونرجع قبل ما تجيب حسناء رحنة لصالون وحفيت وغيرت رسمة حاجبي الي جان راجع حاجب بنات عبالك ما حافة من الصار وصبغت شعري بني طبيعي بلون شعري وخرت الميش كلة اشتريت ملابس للبيت ولاسد وشغلات احتاجهن ورجعنة،،،، حسنااء جابت بنوتة تخبلللل وعلي طاير بيهة فدوة تشبه ابوهة واني كدما احب امهة وابوهة بودي اكرطهة كرط مهتمة بيهة وباسد احسهم ثنينهم جهالي واسد يغار من اخليهة بحضني لو ابوسهة، حمزة جان مسافر للاردن لان بطل ما يمر لاسد وختام كالعادة التحجي ،، جديتي بهالفترة سكرهة تعبهة ووكعت بالفراش خفت عليهة كلش واني روحي بيهة احبهة كلش استاذنت خواني اروح اشوفهة وماكالوا اخذتني امي ورحنة شفناهة يا عيوني ضعفانة وتعبان وجهة بس بشوفتنة ردت روحهة عبالك تحضن وتبوس بية وباسد،،عمتي رسمية سلمت من الباب على امي بس واتجاوزتني وطلعت ما هتميت حبتني كرهتني الله خلصني منهة مرت حمزة كالت عمتي فرحة يم اهلهة من سافر حمزة ذبهة يمهم احسن ما اعرف ليش ما اريد اتواجه وي البنية لا احبهة ولا اكرهة ثريا سلمت علينة عادي وفدوة ابن ابراهيم يخبلل بوستة واني من صار دزيتلة هديتة وي امي تميمة ذهب ابراهيم يستاهل شوية واترخصت كامت لغرفتهة فوك هي ثريا هذا طبعهة شوي انعزالية،،كاعدين بغرفة جديتي اني وامي وعمتي وجديتي و ختام يمنة كاعدة وبحضني اسد الي كل شوية وجاي يركض وكامز بحضني اخر شي جر شالي وفلتت القراصة الجوة الشال وشعري انفتح نزعت شالي وفتحت شعري اعدل بي

ختام،،يا تدرين هيج احلى لونة واكعلج حيل

الجدة صالحة،،تعاي جدة عالضوة اشوفنة

ريم،،كمت واني اعدل بي وهو مفتوح واصل لجوة خصري وما اسمع الا السلام....وانكطعت الجملة باوعت حمزة واكف بباب الغرفة يباوع وملامحة باهتة ركضت بسرعة جريت عباتي

حمزة،،السموحة ما عبالي هنا احد

ريم،،طلع بساع واني لبست شالي شون ما جان وكلت لامي يلا نروح بس شنو من المستحة اريد ابجي شعري مفتوح ولابسة نفنوف مقسسسسم وواكفة كدامة هيج حررام شيكولون علية استحيت من جديتي وعمتي وختام حتى، ،طلعت هو طب للصالة يسحب بجنطتة،ما سلمت حتى وصلت باب المطبخ وهو كال

حمزة،،شونج ام اسد،،،،،،،،يتبع