الغزالة في عرين الاسد الفصل الحادي وثلاثون 31 - بقلم فيّد عبدالله

صبااح الورد اعتذرر جدا عالتأخير الصار شوية ابني مريض ومتنحس نومتة وكتبت عطلتكم اعذروني،،ادعموني بتعليق حلو متتصورون تعليقاتكم شلون تفتح نفسي اكتب، انتو من تردوني اكت علقوا بكلام يدعمني معنويا،،متابعة طيبة

البارت السابع والعشررون
فيّد عبدالله

ريم،،طبيت اركض الهوسة بالمطبخ دخلت المطبخ واشوف حنان متمددة بالكاع متصككة ومتشنج كل جسمهة وترجف حيييل وعيونهة بييييض يمة المنظر يررررعب وختام لازمة اديهة وعمتي فرحة لازمة رجليهة ووهي ترررعش يردون بس يسيطرون ماكوووو هدأت ثوااني ورجعت نفس الحالة واقوة وكامت مادة تطلع من حلگهة حيلي يررجف بس لا ارادي جيتت وياهم من تشوف شخص كدامك بهالموقف متفكر ضميرك اليتحرك لزمت اديهة وكلهة تصيح عليهة تريدهة بس تصحة طب حمزة بهالهوسة كلهةراسا خلاهة على صفحتهة وخلة الجراوية جوة راسهة حتى لا يضرب راسه بالگاع فقدت بعد هية ووكفت هالرجفة البيهة شالهة وركض للمستشفى اني كعدت بالكاع من الخووف اباووع عمتي وجهة اصفرررر وواكفة على صفحة والله عرفت هي السبب هاي هية تطيح حظ الواحد ومن يتأذة تظل ترجف اباوع امي هم واكفة وسرور شوكت اجن ما ادري

ختام،،هاي شبيهة ليش هيج

فرحة،،بيهة صرع المكرودة

ريم،،باوعت الكل مستغرب مثلي كلهة الظاهر ميدرون،،سألت عمتي لعد وين اسد

فرحة،،يم امي بالغرفة

ريم،،طبيت جديتي تسبح وعيونهة مدمعةبست راسهة وايدهة وهية مسحت عيونهة بشيلتهة

الجدة صالحة،،اخذوهة مووو

ريم،،اي جدة تدرين بيهة انتي،،هزت راسهة

الجدة صالحة،،اي يا جدة اعرف هاج ابنج دير بالج عليه ،،كمت اريد اروح وطبت امي وعمتي فرحة

فرحة،،يمة هاي رسمية تسودنت

الجدة صالحة،،اشش عيييب بعدين نسولف

ريم،،سكتت عمتي فرحة ومثل ما اتوقعت رسمية ورة هالصار اخذت ابني واترخصت امي بقت شوية يم جديتي اني شفت ظلتي زحمة بوست جديتي وعمتي وطلعت ختام وصلتني للباب وتمسح بعيونهة

ختام،،كون متموت خطية والله اصير زينة وياهة

ريم،الله يشافيهة يارب، ،طلعت وداخلي معصور عصر والله منظرهة يكسر الگلب جاان طبيت امسح بدموعي

حسناء،،ها شكو هالهوسة

ريم،،حنان بيهة صرع واجتهة الحالة ووكعت كللش فقدت

حسناء،،ياا تبجين على ضرتج

ريم،،اولا مو ضررتي هية هسة عفت كلشي بعد وثاني شي واذا لعد مو بشر هيج ما عندي گلب

حسناء،،شبيج عيني اكلتينة بلسانج شكتلج صايرة متنطاقين

ريم،،باوعت لحسناء هاي شبيهة متخبلة ,,طبيت مالي خلك ارد شوية واجتي امي وسرور بقت عود تتطمن عالبنية مااهتميت عادي لوين يلا رجعت سرور طبت جاي نسوي بالعشا كعدت بالمطبخ وتسولف

سرور،،يااا كون تشوفن شون جابهة حمزة شايلهة شيل ويداري بيهة عبالك بنتة مو مرتة والله مبين يموت عليهة هي هم حلوة وحبابة كلش تنحب مردت كلبي اصلا الله يشافيهة

ريم،،ما اعرف ليش احترگت بس ما ردت ابين،،كلتلهة الله يشافيهة وحسناء تباوعلي وتباوع لسرور كملنة العشا ووديناه للصالة اكلت شوية واخذت ابني وطبيت للغرفة اقرة ما قريت شي من هالخبصة طب علية علي وشافني اقرة ابتسملي وسوالي حركة بايدة بمعنى تمااام وطلع الله يحفظة الي شوية وصارت هدوء على غير العادة تطول اللمة بالصالة لوين ظليت اقرة واسد نومتة اسمع امي تطگطگ بالمطبخ كمت اشوفهة لگيتهة تغسل اماعين استغربت ،،ليش يمة انتي تغسلين

ام ريم،،يمة قليلات اتونس بيهن

ريم،،شعجب عافنهن البنات لعد،

ام ريم،،شمدريني يمة كل وحدة كملت وطبت غرفتهة وخوانج طلعوا لمضيف عمج،وشفتج ملتهية بامتحانج

ريم،،لا يمة جان صحتيني،،اخذتهن من امي واني افووور شدعوة هالنحاسة شو اني فارة البيت وياهن والله لا فراش يغسلن لا سطح يكنسن لا ترك عليهن بي لا حديقة كلة علية والله انتظر الجمعة والسبت واسوي حملات،،يلا ميخالف يهوون لخاطر خواني كملت المطبخ بساع وطبيت حضرت هدومي ووقتت الموبايل ونمت تعبانة كعدت الصبح قبل الصلاة اقرة واذان توضيت وصليت ورجعت اقرة كعد اسد بدلتلة وغيرتلة ورضعتة ورجع نام كعدت امي تسوي بالريوك ردت اوكف وياهة ما قبلت كالت روحي اقري رحت اقرة واكلت بساع وطلعت للدوام كملت الامتحانات طبيعي بس احس سرور كوة متحملتني وتدور وياي زلة حتى تتعارك وتروح لبيت عمي وترجع كلة كالت حنان وحجة حمزة اخر شي بعطلة نص السنة كعدت الصبح وكملت شغلي ووكفت اطبخ اجتي هية سحبت اسد جان كاعد يمي يلعب مكعبات

سرور،،يلا حبيبي كووم وياي نرووح بيباي

ريم،،باوعتلهة مستغربة،وسالتهة وين يروح

سرور،،لبيت ابو غيرر

ريم،،ومنو دز عليه

سرور،،محد بس همة يحبوه وحنان روحهة بي وحلفتني كلما اجي اجيبة

ريم،،فارت اعصابي،،اخذتة من ايدهة،،،لا حبيبتي من يجي ابوه ويريدة هو يجي وحدة اني دازتة لابوه مو لحنان

سرور،،وشدعوة تاكلة قابل

ريم،،اي تاكلة،،باوعتلي وهزت ايدهة وطلعت للباب المطبخ واسمعهة حجت مرررض الله يبعدنة،،،غمضت عيوني اسيطر على اعصابي، ،من هاللحظة صارت تتعمد تضايقني كلش وتلح مدري شتريد توصل حسناء جانت تسكتهة تحاول تلم الموضوع واني عادي اسوي روحي ما اهتم بس داخلي يفور من تسولف شون يهتم حمزة بحنان مرات اكول اتچذب وارجع واكول شتستفاد وتسوي هيج المشكلة تفاصيل اهتمامة نفسهة الاشياء الچان يسويهة الي هذا يخليني اغص وجع شبيج ريم ليش تهتمين مو راح بعد وخلص من حياتج ،،،الحمدلله خلصت عطلة نص السنة ورجعت اداوم وبهالفترة خالتي تخربطت وصابتهة جلطة وراحت امي الهة وهي بغير محافظة بقت يمهة كم يوم،،يوم والثاني رجعت وكالعادة كملت روتين يومي واخذت اسد وطبيت نمت كعدت العصر اسمع صوت سوالف بالصالة طلعت غسلت وعدلت شكلي فاتت حسناء طالعة من غرفتهة كتلهة منو هنا

حسناء،،هااا هااي هاي حنان جابتهة سرور واجت

ريم،،صدك استغرب شهالصلافة العند سرور، ،رحت للمطبخ سويت چاي وكعدت بالممر ورة البيت والشمس حلوة والجو ربيع واسد يلعب يمي اباوعلة واضحك واسولف وياه وهو يجي يحضني ويركض بعيد

سرور،،هااا ريم انتي هنا ما ادري بيج كعدتي طلعنة اني وحنان نشم هوة

ريم،، باوعتلهة رافعة تك حاجب ودرت وجهي منهةما رديت عليهة،باوعت لحنان ابتسمت بارتباك كتلهة اهلا وسهلا وبعدت نظري اباوع لاسد

سرور،،اروح اسوي جاي وكعك واجي اكعدي حنان

ريم،،كعدت حنان مسافة عني واني ما باوعت لجهتهة اباوع لاسد يجي يركض لحضني يبوسني ويشرد حجت هية راسا

حنان،،الله يخلي الكم ثنينكم تحبوه هواي حتى ابوه روحة بي

ريم،،الله يسلمج

حنان،،ليش تضوجين مني ترة والله معلية اني بشي

ريم،،باوعتلهة وجاوبت ببرود،،منو كلج انتي عليج بشي احد متقرب يمج محاجيج انتي

حنان،،ما اريد احد يكرهني

ريم،،باوعتلهة ذكرتني بنفسي قبل شنو هالضعف الجنت بي اني لعبت نفسي ،،،نترت بيهة شترردين هسة انتي بحبي يمج بگاعج اخذت اسد وكمت اريد اطب

حنان،،ردي لحمزة والله لهسة يحبج واني معلية بيكم،،اني ما ردت اخرب بيتج

ريم،،باوعتلهة ما اعرف الشعور البية شنوو صار،،اجتي سرور باوعتلنة مستغربة

سرور،،شبيجن

ريم،،ما رديت عليهة عفتهة وطبيت احس ردت انفجر ما اعرف شسوي شجابهة هاي ليش هيج تحجي معقولة هو دازهة زين هو مو يحبهة معقولة تفرط بي وبحبة واهتمامة وترضة ارجع ومنو كللهة اصلا ارجع، ، خااف هاي لعبة منهة ومن سرور والله صرت كلشي اتوقع ثاني يوم هم جابتهة سرور واجتي ما طلعت من الغرفة اصلا اجتي يمي حسناء

حسناء،،شعندهن ذني هاي سرور متستحي جايبتهة يومية

ريم،،شتسويلهة حد عرفتهة،،شوية وراحت وطبت سرور للغرفة

سرور،،سألت عليج حنان والله عمي ما شايفة هيج

ريم،،باوعتلهة واني اعصااب،،انتي شتردين توصليلة

سرور،،شوصل شعلية

ريم،،سرور اطلعي منهة ترة اوصل الحجي للولد واشوف يعجبهم هالوضع،،اباوعلهة كامت تنطي الوان

سرور،شسويت اني شتوصلين

ريم،،سرور ما عندي شي وياج لا تجين وتحشرين روحج بحياتي مالج دخل

سرور،،لا والله شعلية ردت اصلح الوضع وهي تكول لهسة رايدهة مبين وبيناتكم ولد انقهر عليه

ريم،،مشكووورة ومتقصرين اني لو اريدة من الاول ما اتطلكت وابني ما ناقصة شي اطلعييي منهة مااشي

سرور،،اي اي معلية بعد بس لاتوصليهة لكاظم والله ما تسوة ردت اسوي خيرر

ريم،،رحم الله والديج،،حسناء تباوع وساكتة شوية وكامت،،،عدت الايام عادي سرور طلعت حامل واعتزلت كلشي ما اهتميت شلت شغلهة خاصة من كملت السنة وبدت العطلة والحمد لله نجحت بتقدير ومعدل زين التهيت ببيتنة وشغلي وخواني الما متزوجين وووو،،،مرت ايام العطلة واسامة صار يتردد علينة يم الولد يكعد بالديوانية وهو وعادل صحبة خواني حبوه يكولون مثقف وفاهم كلش وسرور بدت تموت من كثر الجيات وما اعرف شبيهة شدت وياية حتى الچاي هي تسوي ياالله هاي مو صاحية مرة رايح وية حسنين لبغداد وكالعادة مشتريلي حسنين كتب عرفني احب اقرة كام كل جية يجي ويجيبلي كتاب حلو اقراه وارجعة مرة مرتين تلاثة وطبتلي سرور للغرفة

سرور،،اكلج شعندج لازكة لاخوي ترة عيب عليج

ريم،،اكول ثمني حجايتج يلا تحجيهة

سرور،،كفي عن اخوي احسنلج

ريم،،لا انتي صدك مصختيهة امشي اطلعي برة غرفتي ولو عرفتي تحجين عود تعاي

سرور،،هين اذا ما اكول لابوي

ريم،،شبيج انتي مخبللة شو ولي من وجهي،،طلعت تتلاطم وامي كالعادة تخاف من الحجي ومتكول غير بيج الصوج استري على روحج يمة انتي بعد الناس عينهة عليج حجيهة هذا يخليني اشيل روحي وادگهة بالگاع شوية وطب كاظم مبتسم من يطب يضحك اكول عندة حجي

كاظم،،ريمة حبيبتي خفي على سرور تراهة تحبچ وهم مثل اختج

ريم،،ما كتلهة شي والله

كاظم،،ميخالف ادريهة تجفص مرات عبريهة لخاطر اخيج

ريم،،والله لخاطرك كلشي اعبر واسكت بس كللهة ما عليهة بحياتي والله كلشي ما اريد غير اكعد على ابني اربي واكبرة والله

كاظم،،ان شاء الله رب العالمين يوفقج وتشوفيه احسن الناس وانةهم اعرف ابطلهة من هالعادة بس انتي هم حبيهة

ريم،،ان شاء الله لعد اني ما احبهة شون مو مرت كظومي شعندي غيركم،كرص خدي وابتسم وطلع، ،،شفتي يمة تروح تتشكة فوكاهةاني يمهة بكاعهة

ام ريم،،انتي تجيبين لروحج الحجاية ابعدي يمة عنهن ما اعرف نسوان عمامج شيحبن الحجي والگالة

ريم،،سكتت امي هذا حلهة اني اللازم ابتعد ،،،،كلت لحسنين كلي معليج ما مسوية غلط اليحجي اشگ حلگة، ،،وتمر الايام ببررودتهة اچذب لو اكول ما اتذكر ايامنة قبل سوالفة دلالة الي اهتمامة ليش فرطت بية ودست علية ومشيت مرتاح هسة انتة الظاهر مرتاح الله يطلع حقي منك،،،،،بدة اسد يرطن بكلمات مامفهومة ومرات تنفهم هوة مستمر ياخذة ويرجعة ما شفتة بعد من اتخربطت حنان ما لمحتة وهم العرفتة هواي سافر هالعطلة للاردن،،بدة الجو يبرد نهاية العطلة بعصرية طلعنة اني وحسناء الي رجعت طبيعية مثل گبل نتمشى بالبستان واسد يطفر كبالي شوية وسمعت ختام تصيح ورانة التفتت عليهة مشتاقتلهة كلش لان كملت بيتهة وشالت واخيرا خلصت من ظلم رسمية بس افتقدتهة كللش بوستهة وكعدنة نسولف وتسولف شون مرتاحة ببيتهة وصادق مستعدل شوية واجتي حنان يربي شوفتهة تكبس على كلبي رغم وجهة بشوش كعدت يمنة شوية وتباوعلي متوترة

حنان،،ريم عادي احجي وياج

ريم،،احجي

حنان،،وحدنة عليج الله

ريم،،شكوو

ختام،،حنان شعندج وياهة

ريم،،اباوع للبنية انترست عيونهة دمووع وكامت

حنان،،ماكو شي من رخصتكم

ريم،،شسوي لگلبي،،كمت وراهة واشرت لحسناء تخلي اسد يمهة،،لزمت ايدهة وهي تمشي بسرعة تمسح بدموعهة،،شبيج انتي والله خبلتيني

حنان،،اسمعيني وروحي ما عندي ي وياج والله

ريم،اسمعج كوولي

حنان،،شوفي اني والله العظيم وداعت امي الصار كلة موبيدي اصلا الزواج كلة مو براسي چان ومرتاحة بعيشتي وي امي وخواتي الصغار وخواني وبيوم الكعدة اجة عمي الي اتزوج امي بعد وفاة ابوي وگالي اتحضري هديناج للشيخ حمزة والله ما فرحت والله انقبض گلبي اني مو مال زواج وانوبة اخرب بيتج وتتطلگين من وراي والله ما ردت اخرب بيتج واحرم اسد منكم من اشوفة متشحطط بينكم ينعصر گلبي عارضت وكلت لعمي ما اريد وچان ردة راشدي فر خدي فر وتدري امي بية مريضة ومو مال اتزوج والطبيب مانع اتزوج بس هم خافت تحجي عبن ميتفاهمون ومحد يحبنة لا اني ولا امي ما عندهم مانع يكولون بية غير شي وانذبح لان عمتي بيه صرع بس تزوجت عادي اني حالتي اقوة وميصير بس ميفهمون هيج وزفوني لحمزة غصب وجنت ميتة خوف لا تاذيني انتي وبيوم الطب حمزة يعيط جيف شردتي من البيت وحتى سحب مسدسة وخوانة يكضون بي وطلعوا وراه اني متت خووف ومناك خايفة من الصار كلة واجتني الحالة وانصرعت نفس ذيج المرة بس اخف وعمتي فرحة صعدتلي وكتلهة اني مو مال زواج مريضة ونزلت شوية وردت صعدت جايبة جديتج

الجدة صالحة،،صدك السمعتة من فرحة

حنام،،اي وطكيتهة بجية

الجدة صالحة،،چا ابوج ما استحة يهدينة مرة ما تصلح للعرس

حنان،،مو ابوية عمي ابوية ميت،، ما يدري ما اصلح للعرس والله امي تتجفة الشر وتخاف منة

الجدة صالحة،،تتجفة الشر شني ما خافت الله بيج ما كالت بنتي يجوز تموت ما اتحمل شني ششفتونة زعاطيط هسة اكل لحمزة يردج لاهلج وترد ذيج المكرودة الشردت من وراكم شذنبهة ينخرب بيتهة

حنان،،لا حبوبة ومحمد يذبحوني والله ميصدكون هيج والله يكولون غير شي بية ويذبحوني خلوني عندكم لو خدامة ارضى وفترة تعبر وخل يردني بس استروا علية

الجدة صالحة،،استغفر الله شهالبلوة يا ربي دخيلك،،،اسمعي يجي حمزة انة احاچي ما تفكين حلكج وهالسالفة ما يدري بيهة بشر عبن عيب بحكة يهدولة للشيخ هدية معيوبة

رين،،اسمع واحس كوة افرزن الحجي واعقلة شهالظلم هذا وين طاحت هالمكرودة بيد يا وحوش

حنان،،وورة يومين من الصار حجتلة جديتي واجاني للغرفة موجر ناار

حمزة،،صدك الحجي الكالتة جديتي، ،عمج من كل عقلة يندك بية ما يعرفني شني

حنان،،والله ما علية ومحمد ما قبلت وضربني وغصبني،،ابوس ايدك لا تردني يمة هسة والله يذبحني

حمزة،،استغفرك ربي،،،تسكتين ومتحجين حجاااية لبشر سااامعة تمشين الامور طبيعي بالغرفة انتي بصوب وانة بصوب ما اكلج انة نبي لو معصوم انتي حافظي على روحج

ريم،،غمضت عيوني اطلب النفس يعني لوما مريضة ياحمزة الك نفس تكضهة يجوز هسة حامل هههه ريم عليمن تضحكين هذا حمزة ميحب غير روحة عود عبالج يحبج ومتحلالة غيرج

حنان،،ها ريم عرفتي قصتي وعذرتيني

ريم،،ليش حجيتيلي مو ممنوع احد يعرف

حنان،،لانج تستاهلين تعرفين عالاقل ترتاحين ومتغثج شوفتي،،اني وحمزة خوان والله وهو ماكو منة محترمني ومداري صحتي وما مقصر بشي وياي لهيج اريد اردة المعروف وارجعلة حياتة واستقرارة اني ما اصلحلة مرة شذنبة يتحملني ويظل بعيد عن بيتة وابنة

ريم،،باوعتلهة رفعت حواجبي بغضب،،بالله لو انتي مو مريضة جان وضعكم هيج بقة

حنان،،هااا

ريم،،هذا مربط الفرس حمزة ما لزمة عنج حبة الي لزمة مرضج الما يصير يتقربلج بي لو مو مريضة هسة يجوز حامل، ،بس بقت شذنبة يتحملج لا يتحمل وغصبا عنة مو هو القبل بيج خلص يتحمل ويسكت لو شما جنتي

حنان،،والله يحبج لهسة حيل يحبج والله ضام من شالج وصلة بمحفظتة دومة تالي الليل واكف بالشباج يدخن وكاضة انعصر من اشوفة هيج ما اچذب عليج حبيتة لان ما شفت مثلة رجال بس ادري مو اني الاسعدة سعادتة وراحتة يمج رديلة لخاطر ابنج والله ندمان مبين وما يعترف وانتي تعرفينة

ريم،،كلبي انعصر من گالت احبة، تحبة تحب حب طفولتي ومراهقتي وهية هسة مرتة واني طليقتة الله يا الدنيا شفريتني ودوختيني،،،،حنان الحجي البيناتنة هذا يظل بيناتنة ومال ارجع لحمزة ما ارجع انتو متزوجين خوان اموركم بينكم هو اختار طريقة واني اختاريت طريقي وما توقع بيوم نرد لطريق واحد الاحسن تريحين بالج وتبطلين تفكرين هواي براحة الحواليج اهتمي بروحج وبس ومن هاللحظة اكلج يمكن تغيرت نضرتي الج هواي وصرت اشوفج مظلومة حيل بس لحمزة كلشي ما غير الحجي يبقى بعيني اكبر ظالم لان اتاكدت هسة مو بس ظلمني ظلمج انتي هم وكمت وعفتهة كوة مصبرة دموعي لا تطيح،،،،،،،،،،،يتبع