الغزالة في عرين الاسد الفصل الرابع وأربعون 44 - بقلم فيّد عبدالله

صبااح العسل يا عسل شلونكم،اليوم ختام المسك لقصتنة اتمنى حبيتوهة اشكركم جدا جدا لدعمهة راح اشتاقلكم هووواي بس اكيد فترة ونرجع ،،اتمنالكم متابعة طيبة

البارت الاخير
فيد عبدالله

ريم،،كعدنة الصبح هو ضايج مبين بس ساكت وعادي يتصرف وياية وكف يحضر بالريوك ما نطق كلمة اتريك وكمل شال مواعينة وكام راح يبدل الملم بالمطبخ وعيني عليه كشخ وكمل واجة باس اسد

حمزة،،تردون شي

ريم،،لا سلامتك،،طلع وما اجة حتى عالغدة اجة متأخر العصرية طب سبح وطب نام ما كعد عالعشا كعد فايت وكت

حمزة،،مساء الخير

ريم،،مساء النوور،،تتعشة

حمزة،،لا مااشتهي

ريم،،طلع للحديقة كعد بالمرجوحة يدخن طبعا كطع التدخين بالبيت نهائي علمودي،،سويتلة چاي وديتة الة

حمزة،،رحم الله والديج

ريم،،اجة اسد يمنة خليتهم بالحديقة وطبيت اروح منا واجي منا هو شبي هيج قافل اوووف يغثث من يضوج شغلت التلفزيون وكعدت اباوع بلا واهس وين واجة اسد نعسان طب سوالي بااي وگبل لجربايتة جر غطاه ونام،،اجيت بوستة وهو مطفي بقيت احووس، ،اجتي ببالي فكرة ابتسمت خل نشوف يا حمزة تظل زعلان رحت سبحت وطلعت لبست شي ناازك وقصير شعري عفتة على طولة حطيت مكياج بعدني جاي اتمكيج طب هو قفل وكعد بالصالة شغل التلفزيون اسمع صوتة كملت رشيت عطر وطلعت باوعلي صفن شوية ودار وجهة اجيت اتمشى على كيف سحبت الريمونت فتحت ايدة وكعدت بحضنة ولفيت ادية على رگبتة ،،بعدة زعلان الحلووو باوعلي يخفي ابتسامتة

حمزة،،تدرين حجايتج تزعل موو

ريم،،ما قصدت بيهة شي شون ماامن وياك ومسلمتك نفسي وروحي

حمزة،،احسج ما جاي تنسين

ريم،،متوهم نسيت، ،لو ما نسيت ما كملنة، ،نسيت حبيبي انتة

حمزة،،احبچ غزالتي

ريم،،واني اموت عليك

حمزة،،شو بالله اوكفي ما شفت زين

ريم،،ههههه متفوت شي

حمزة،،حلوة هاي طريقة الصلح الجديدة بعد يومية صالحيني هيج انة ازعل هوواي

ريم،هههه تعلمني بيك

حمزة،،همم ضالة بگلبج تعاي اوخر الزعل من گلبج

ريم،،احبة وحبة يكبر بگلبي الي يكبرة اهتمامة ودلالة،،،،،مرت ايامنة بحب صافية تقريبا تلث شهور مرت صحتي تمام بيهة فجأة كمت اتعب كلش واني واكفة احس روحي تروح ادوخ بيوم كعدت الصبح نفسي تلعب كمت كوة جنة ببغداد وي حمزة لان عندة شغل اني كمت واحس نفسي لعبت فجأة ركضت للحمام شوية وحسيت حمزة وراية

حمزة،،ها ريمتي شبيج

ريم،،مااعرف شبية من البارحة ورة العشا معدتي

حمزة،،تعاي ارتاحي شو

ريم،،طلعت مددت واحس احسن للظهر كمت اطبخ بالغدة بس شميت اللحم نفسي لعبت رحت اغسل صفنت بالمراية احسب فاتني الموعد يومين ابتسمت معقولة حامل يارب مو بعيدة بقيت ساكتة ما كلت لحمزة خلي يعدي شكم يوم حتى يبين بالتحليل رجع من المعرض العصرية تغدينة ومدد شوية لليل گال بدلي نطلع ما عندي شي صدك بدلت الي ولاسد ونسقتلة لحمزة بنطرون وقميص واني لبست صاية خليجية عريضة صار يقبل انزع عبايتي ببغداد خاصة ورة ما رحنة لتركيا شوية احسن بس كووون صاية عريضة ومو مفتوحة تتقفل ميبين لابنطرون ولا شي، ،،بدلت وطلعنة نزلنة اكلنا موطة بالمول لعبنة اسد بالالعاب وكعدنة نتعشا كدام الميز مالتنة ولد وبنية كاعدين الولد مو مريح ابد كل شوية وصافن واني ارتبكت نزلت عيوني حس علية حمزة

حمزة،،شكو شبيج

ريم،ها تعبت خلي ناخذ العشا للبيت

حمزة،،ماشي خل اكللهم

ريم،،راح حمزة وهذا اخذ راحتة والبنية الوياه هم مدري وين راحت شلت راسي احاجي باسد يريد يروح ورة ابوه شو هذا غمزلي يمة صخنت دنكت بخووف كمت مااباوعلة اصلا احاجي باسد مرتبكة بس اريد نخلص مدنكة ومااحس الا صوت حمزة

حمزة،،سااافل ماخذ راحتك

ريم،،اباوع لحمزة سحبة من ياختة كومة من الكرسي وضربة بوكس الولد انترس وجهة دم ورجع هد والعالم لازمتهم ثنينهن واجوي الامن كمت اختض من الخوف لازمة ايد اسد حيل ودموعي تصب

الامن،،تفضلوا ويانة بلازحمة

حمزة،،خيرررر وين اروح هوة المتعدي على.... يعرف روحة شمسوي

الولد،،هاي هية ماكو شي

الامن،،ميصير هيج لازم تتفضلون ويانة

حمزة،،اكووول تسكتون لو شون هسة بتلفون واحد اسدلكم المول تعرفون عشيرة....... وزلامهة

ريم،،من كاللهم هيج ولهجتة عرفوه ما يتقارش وياه والولد هم كاللهم ماكو شي مبين جبان اخذ البنية وطلع اجة حمزة لزم ايدي ونزلنة جان عصبي حتى ايدي لازمهة حيل واني شبعت بچي واسد كل شوي ملتفت علية صعدنةبالسيارة واني اناشغ خفت خووفة وانهبطت هبطة هوة ايدة بيهة دم طلعت كلينس رطب وجاي امسح ايدة اللازم الاستيرن بيهة كمزني من نتر

حمزة،،عوفيهة هذا دم هالساقط

ريم،،زدت بالبچي

حمزة،،رررريم كااافي رحمة لدين محمد عليمن تبچين

ريم،،بقيت ساكتة واناشغ

حمزة،،ساقط سافل ماخذ راحتة يغامز بكيييييفة اخخخ لو شايل مسدسي

ريم،،بس دموعي تنزل حرف ما نطقت ما عولت وصلنة نزلت غسلت وجهي وهدأت وهو واكف بالبالكون يدخن بدلت لاسد ووكلتة غسلتلة ونام واني سبحت ونمت احس متكسرة حسيت بي يصحي بية

حمزة،،ريمتي شبيج مصخنة شو ناار

ريم،،ما ادري بردانة احضني دفيني،،

حمزة،،استغفرك ربي

ريم،،احس قفلت صخونة واتقيأ انتهيت وهو يروح ويرجع كومي للمستشفى واني مااقبل ويسوي كمادات وانطاني بندول وماكو للعصر لبسني شون ما جان واخذني للدكتورة كتلهة على وضعي وشاكة اكو حمل سوتلي تحليل وطلعت حامل ما صدكت من الفرحة الحمدلله عوضني الف الحمدلله انطتني علاجات ومقويات طلعت حتى المرض احسة راح من الفرح

حمزة،،ها ريمتي شكوو

ريم،،احمم جاينة اخو مدري اخت لاسد اباوعلة صفن بوجهي شوية

حمزة،،صدك والله

ريم،،ايي وداعتك،،ابتسم لزم ايدي واخذني للسيارة اول ما صعدنة باوعلي يبتسم

حمزة،،احس ما مصدك لهسة

ريم،،الحمدلله الله عوضنة

ريم،،مبرروك رويحتي احلى ام،،دير بالج على نفسج ريمتي

ريم،،ان شاء الله كرص خدي مبتسم وطلعنة اسبوع ورجعنة بشرنة الكل وكلهة فرحانة رجعنة للبيت بالليل نايمة بحضنة سحب المجر طلع علبة من المجر فتحة گلادة تخبل سلسلتين وحدة فضية ووحدة ذهب ووحدة اقصر من الثانية ويلتقن بزنجيل واحد وبكل وحدة مدالية بشكل غزالة نفس الشكل بس وحدة ذهبي ووحدة فضي تخبل

حمزة،،هاي لغزالتي

ريم،تجننن حلووة

حمزة،،الفضة من الاردن من زمان جبتهة ووديتهة لصايغ صاغ نفسهة ورتبهة

ريم،،تخبل وغريب شكلهة

حمزة،،تلوگلج،،تعاي البسهة الج

ريم،،لبستهة وكمت للمراية تخبل، ،،رجعت بست خدة،،احبك تخبل الله لايحرمني منك

حمزة،،تستاهلين عيوني يا عيوني وروحي

ريم،، حضنتة خاتلة بحضنة براحة احس هنا اماني ،،مرت الايام طبيت بشهر الثالث ووضعي متابعتة وصحتي مهتمة بيهة عمي بنة بالحديقة الامامية بيت گال هذا لبيت ابراهيم كملة وجان حلو وململم قبل مينتقلون جنة يمهم كاعدين اني وحمزة مسيرين يمهم بالليل وكاعدين كلنة ملتمين عدا عمتي الي ما تكعد ويانة اصلا ولا هي تحاجينة ولااني المهتمة وحمزة سلامة بااارد

ابو حمزة،،يابة ما دامكم ملتمين انة عندي وياكم موضوع

حمزة،،خير بوية اتفضل

ابو حمزة،،انة نويت اعرس

الجدة صالحة،،شوون يمة منين مني هاي

ابو حمزة،،يمة تعرفيهة وخوش مرة ومعدلة

حمزة،،منين بوية

ابو حمزة،، شكرية بت خالتي

ريم،،اممم نفسهة ام وجه المتفح الي دخلت گلبي اول ما شفتهة ،،كلهة تفاجأت بعد هالعمر قرر عمي يتزوج

الجدة صالحة،،والله يمة تكسب بيهة اجر البت متبهذلة بنص خوانهة

ام حمزة،،يبووووووو تريد تعرس ياحسين بعد هالعمر تعرس علية وانتي مكيفة يا صالحة تشجعيه على بنت اختج البايرة وعلى خراب بيتي

حمزة،،يمةةة صوتج

ابو حمزة،،خليهة خليهة هاي مستكثرة تظل على ذمتي تريد تتطلك وترتاح

ام حمزة،،والله يلوكلك تطلكني وتعرس مااستحيت شايب وتدور عرس

ابو حمزة،،رسميية هسة....

حمزة،،بوووية اعصابك سوي التريدة وامي تكعد ببيتهة وتسكت ماعندنة نسوان تتطلك

ابو حمزة،،اسمعوا بوية حتى لا تكولون ابوكم ظالم انة جبتهة من ذاك العمر متحمل امكم ومكبر عگلي بس الصار هية تفرعنت وكام تهوش واذت هواي ناس حتى بزرهة ما سلم من شرهة من وصلت تاذي اولادي انة بعد من صدك چزت روحي منهة ومالي كل نفس بيهة

ام حمزة،،ولا انة الي نفس بعد اعيش وياك وديني لاخوي

ابو حمزة،،يا اخو الذبج علية يشكي من مشاكلج،،اسمعييي ولچ تلمين غراضج وتگعدين وي ابراهيم وبنت اختج وياج سويت البيت چبير حاسب حسابج وياهم عبن انتي حتى لامي ما تحشمين صايرة الفوك اكملة وينزل درج ويردون بيت صادق هنا، كعدتهم هناك بعيد ما عجبتني والجوة امي وفرحة وشكرية ونفس مااسمع بعد سااامعين

حمزة،،هذا هوة بوية اتوكل بالله

ريم،،الكل ساكت وعمتي ملخت روحهة وتدعي وتتحسب ما خلت احد تالي ابراهيم كاللهة من ايدج يمة انتي اذيتي الكل واولهم ابوي وهي انهدت بي

ابراهيم،،طايح الحظ حرامات الربة بيكم لو مربية چلاب احسنلي

حمزة،،يلا ريمة جيبي اسد خل نمشي

ام حمزة،،عفية بابني السبع فتشت عيني خوش اخذت حگ امك يا حمزة يا چبيري

حمزة،، اااه عندج ابن اسمة حمزة مو كتلچ مااات من زمااان الله يعوضج خيرر،،يلا تصبحون على خير

ريم،،طلعنة وهي تدعي علينة وبالاخص اني ،،محد اهتم لان الكل گلوبهة موجرة منهة اسبوعين انتقل ابراهيم واخذ عمتي الحلفت متطب بيت عمي بعد وترتب الفوك واجوي بيت صادق وختام طايرة لان ارتب من بيتهة وقريب بنصنة واحنة مكيفين بيهة وبالاسبوع الثالث عمي اتزوج شكرية وصدقة طلعت حلاوة شكرية ههههه فد محبوبة ولسانهة ينگط عسل وصاحبة ملگة وام بيت خطار عمي عزايمة هي تعزب وتصب متخلينة نلزم شي وهو طاير بيهة ولامة البيت ومدارية الكل وتصيح لجديتي يمة وعمتي فرحة هية وياه خووات صدك صارت اللمة ببيت عمي تخبللللل كل شوية رايحيلهم وحتى ثرية بالختلة تجي وامي رايحة رادة وعمي اووف رد شباب ومراهق يتغزل بيهة جدامنة وهية تخجل تصير طماطة ومبينة طايرة بية تگول هو امي وابوي الكل حياتة اترتبت الحمدلله،،وحياتي مترتبة بوجود حمزة حملي التعبني كلش اخر اشهر هو وياي وياي حتى شعري هو يمشطلياه مرات والله صدك دللني وعوضني خو من كمت اطلك يابة غير انتهت اعصابة ومگابلني وكاعد كل الليل وامي تطرد بي وهو ما يقبل ومن رحت للمستشفى كلبهة عليهم يصيح عالدكتورات وبعد عناااء الولادة والمهة جبت طبيعي الحمدلله وشررررف فهد حمزة طاير بي وبية وامي تكول زع فلوسة كلهة للممرضات ساعتين وطلعوني اني وابني فدوة ضخم جان مو مثل اسد وصلت للبيت وطبعا ما قبل اروح لاهلي گال عمتي تجي يمج هنا،، امي وعمتي فرحة يسبحن فهد واني طبيت سبحت وحدي اگدر وهو واكفلي بباب الحمام طلعت ينشف بشعري ويمشطلي لبسني حتى جواريبي يكلي متتحملين برد انتي ورجع لف شعري بالمنشفة

ام ريم،،ها يمة تسبحين،،يا ولج منو سبحج

ريم،،اني يمة وحمزة وياي،،اباوع لامي دمعت عيونهة وتمسح بيهن

ام ريم،،الله يرضى عليك وليدي الله لا يحرم عيالك منك ومن حنيتك

حمزة،،شسالفة عمة اذا مااداري ريمتي المن اداري

ريم،،باس راس امي وهي تطبطب على جتفة واني احس بنعمة متتعوض الله لا يحرمنياهة، ،للمغرب اجتي عمتي شكرية الي جان حمزة يعاملهة باحترام كلش لان صدك هية حبابة وتستاهل جايبتلي العشا وعمي وياهة وجديتي تحمدولي السلامة وعمي نگط فهودي وجديتي هم شوية ومشوا

شكرية،،اجيج باچر عمة ولا تطبخين عليج الله انة اجيبلج الغدة

حمزة،،جاي نتعبج عمة

شكرية،،تتدلل يا بعد عمتك

ريم،،كعدت اتعشى وعلگهة فهود شلتة ارضع بي وحمزة يوكل بية باوعتلة عيوني مدمعة

حمزة،،شبيج غزالتي

ريم،،الله لا يحرمني منك، ،احبك حمزة

حمزة،،ولا يحرمني منج رويحتي انتي اكلي حتى تطيبين هذا القرد راح يمص عافيتج

ريم،،ههههه خلي يشبع الف عافية

حمزة،،اممم خلي

ريم،،ومررت الايام بدفوووو وحب بسعادة وراحة بدلال اهلي وخواني الطايرين بية وبجهالي لو دلع حمزة واهتمامة حتى من يكعد فهد هو يشيلة وينطينياه وياي وياي من يغار اسد من اخوه هو يراضيه ويجيبة يبوس اخووه، ،كبر فهودي ونشنش هواي يشبه ابوه طلع كلهة تگول خاصة من شافوه عماتي بخطوبة حسنين كالن ابوه مامخلي، ،،هاااحسنين خطب اخت حسناء الزغيرة طلع خال عينة عليهة من زمان ومنتضرهة تكبر اللوتي هههه تكمل معهد هاي اخر سنة ويتزوجون عالصيف، خواني كلهم مرتاحين الحمدلله والبنات متصافيات ودايبنون ورة البيت مشتملات لان ماشاء الله البيت انترس نسوان وجهال هههه ،،بيت عمي هادئ ومرتب وكلهة تحب اللمة بي حتى حمواتي يجن كل جمعة وعمتي شكرية تتلگاهن بوجه يضحك حتى جديتي مرتاحة والله وسكرهة متعدل هوواي،،حمزة سلم اغلب شغل المعرض لابراهيم وديحاول يفتح فرع اقرب بمحافضتنة وذاك يسلمة لابراهيم الي ببالة خطة استقرار ببغداد ،،،هاا تدرون شنووو. موو طلعت حامل همين هههه رغم ما ردتة ولاابالي هسة وشبعت بجي من عرفت لان فهد بعدة اقل السنة بس الحمد لله رجعت استغفرت وحمدت ربي ،،اني بعدما ايست يصيرون خوان لاسد هسة اعترض وليش اعترض هو منو مخليني اتعب بجهالي كلهة معاونتني عليهم حتى اسد الي دخل مدرسة السنة ابوه يگعد وياه من يشوفني ملتهية بفهود وصلت لقناعة من كلشي مااضوج ومااشيل هم ما دام حمزة وياي حمزة العوضني كل وجع عشتة ونسانياه الي اتغير هووواي بس علمود حبة الي دللني وصارلي عالم خاص اب واخ وزوج وحبيب وكلشي لهسة ميغفة اذا مااغفة بحضنة ومياكل اذا مااكعد گبلة ميطلع اذا ميبوسني ويبوس جهالة وصلت لقناعة اذا انسان اذاك بيوم ورجع يحاول يتغير علمودك انطيه فرصة لان هالانسان من صدك يحبك من گلبة لا تخسر اليحبك لان راح تخسر راحتك الحمدلله ما خسرت حمزة، مرات الفرصة الننطيهة تكون فرصة النة لنفسنة نعيش براحة احنة نستحقهة لان راحتي وي حمزة جانت،،وو بالاخير اشكركم من القلب لاستماعكم لقصتي وتفاعلكم وياه ولو ضوجني كم تجاوز صار بس التعليقات الايجابية الحلوة خلتني اتناسى ومااتندم من قراري بنشر قصتي وية حبيبتي والي صرت اعتبرهة اختي فيّد اتحملتني هواي اني وهوستي والموبايل الماارد هليه والرسائل اليفتحهن اسد وماادري هههه بس وصلت احساسي بدقة عبالك اني الاكتب جنت شكررا فيوودة الى هنا واودعكم بكل حب متمنية منكم دعواتكم الي تستمر بالتوفيق واگوم بسلامة وشكرررا من اعماااق قلبي

واخيرا لكم مني اطيب التحيات انا الكاتبة فيد عبدالله اعزائي القراء شكرا لدعمكم صبركم تفهمكم لضروفي وحبكم لكتاباتي وتشجيعكم الهة، ،مثل كل قصة اختار انشرهة اكتب الاخير ليش اختاريتهة واني حبيت بهالقصة اوضح انه ماكو يأس لازم اكو امل ولازم اكو صبر حتى نحقق الي نريدة رب العالمين ميخلينة باختبار لوما يعلم سبحانه وتعالى احنة گد هالاختبار،،عيشوا بأمل غيروا كلشي ما عاجبكم بنفسكم للافضل انتو الراح ترتاحون لا تتأملون الخير من احد اذا ما ماجان الخير تارس روحكم لا توگفون حياتكم على احد كملوا وامشوا واجتهدوا راح تلگون رب العالمين مرتبلكم الامور باحسن ترتيب لا ترهقون روحكم بالتفكير الله المرتب كلشي بس خلوا ايمانكم برب العالمين هو دليل حياتكم صدگوني كل صعب راح تحسوه شي صغير امام قدرة وعظمة الخالق ،،واخيرا اتمنالكم كل الموفقية والسعادة واترككم بعناية الرحمن وموعدنا بقصة ثانية انتضروني اختكم فيّد عبدالله