الغزالة في عرين الاسد الفصل الثالث وأربعون 43 - بقلم فيّد عبدالله

مساااء الحب حبايبي مشتاااقتلكم هوواي،،،القصة اقتربت كلش من نهايتهة اتمنى قبل متخلص توصل 500الف مشاهدة واشكركم من القلب شكرررا ❤️❤️،، اتمنالكم متابعة طيبة

فيّد عبدالله
البارت الاربعوون

ريم،،بقيت يم اهلي اربع ايام ارتاح وعماتي وعمامي كلهة اجتي تتحمدلي السلامة بس عمتي ام حمزة ابد ولا وصلت ليگول عدوتهة ماكو بالمرض شماتة شدعوة هالحقد التارس گلبهة بعد كلمن ونفسيتة، ،حمزة ظل يروح ويرجع يلا نرجع لبيتنة وخواني ميقبلون يكلولة تعبانة اخر شي اجة العصرية

حمزة،،ها ريمتي يا عمري انتي ما نرد لبيتنة والله انة اداريج تعبت وانتي بعيدة عني وانة رايح راد

ريم،،باجر نرجع خليني بس هالليلة هنا،،اباوعلة مبين ضاج

حمزة،،براحتج ريمتي ،،انة رايح خاف مااجي تالي الليل اشوفج ،هم عيب من الولد رايح راد

ريم،،ماشي عيني، ،باس راسي وطلع رحت للمطبخ

حسناء،،هاا شبيج تتصفنين

ريم،،راد نرجع للبيت اليوم وكتلة خليهة لباجر جنة ضاج،،طبت امي للمطبخ وسمعت حجينة

ام ريم،خطية يمة حگة الرجال صارلة بالشهرين متبهذلة احوالة يريد يستقر ببيتة روحي وانة وخواتج هذني ان شاء الله منعوفج

رقية،،شرايج نروح نعزل البيت ونرتبة بساع وتبدلين وتكشخين وتخابريه يجي للبيت راح يتفاجأ ويحب اهتمامج بيه

حسناء،،فلك طرج اكولن مسودنة الولد باع الدروب والسوالف

رقية،،شبيج لرجلهة قابل المن

ريم،،هااا ماادري

ام ريم،،روحي يمة رقية وي ريمة لمن غراضهة وودنهن للبيت وعاوننهة انتي وحسناء وين سرور تجي توكف عالعشا

سرور،،اجيت عمة روحن يبنات

ريم،،اباوع لسرور شكد تغيرت اطباعهة بعد ما كاظم عرف شلون يغيرهة باسلوبة، ،مشكورة ام حسن نردلجياهة بالافراح ابتسمت وسكتت،،اجني البنات لمن غراضي بجنطة واخذناهن للبيت فتحت الباب جنت مشتاقة صدك لبيتي اباوعلة نظيف ومفروش فراش الشتا، ،هاي شوكت فارشينة

حسناء،،كبل ما تجون بچم يوم حتى يظل دافي وتلكيه نظيف

ريم،،فدوة لايديكم وين اكو مثلچن انتن

رقية،،تتدللين يلا بس كنسة عالسريع

ريم،،لا نظيف عوفنة اني الصبح اسوي

حسناء،،ايباه عود هية تنظف ما عليج بكلشي شتردين تخابرينة

ريم،،شسالفة والله مابية شي

رقية،،ان شاء الله

ريم،،سحبنة الجنطة للغرفة حتى ملابسي شايلات الصيفي ومنزلات الشتوي باوعتلهن وعيوني دمعت وين اكو هيج حنية الله يخليهن الي صدك خواتي ذني ربي عوضني بيهن

رقية،،شبيج ولج

ريم،،رحت احضن وابوس بيهن،،انت خواتي والله اموت عليچن

حسناء،،يا چم ريم عندنة

رقية،،تتدللين حتى هدوم ابو اسد خالة فرحة جابت منهن ورتبناهن بهاي الخانة

ريم،،عاشت اديكم والله فرحتوني حسيت مو وحدي اني

حسناء،،يا على گلبج شوحدچ

ريم،،عزلنة الملابس ورتبناهن وهدوم اسد نضفن البيت واني شألزم ميقبلن جانت الغرفة مهوسة شوية لان حمزة يبدل عالسريع ويطلع وكم قطعة ملابس بالحمام شغلت الغسالة بسرعة وغسلتهن والبنات كل شوية جاراتني ومكعداتني رقية رتبت وجهي جان بي شعر قليل طبيت سبحت وطلعت على كيفي امشط اخاف كملت شعري وضفرتة ضفيرة فرنسية صفح اخفي الي شالوه للعملية

رفية،،فدوة تخبلين

ريم،،اي اصبغي منيلي صايرة شضعفني

حسناء،،هو زمن الرشاقة هذا احسن مني چني بطريق صايرة

ريم،،تجيبين وتردين لضعفج

حسناء،،اي غير يجي راح اطب بالعاشر بعد يومين

رقية،،اتمشي مو اگلج انتي كلة متمددة

حسناء،،مابية امشي والله

ريم،،ان شاء الله تكومين بسلامة ويجينة حسين ،بوسني البنات وراحن ووياهن چلب اسد متعود يم اهلي ما خليتة يروح وهو طنگر

اسد،،مامااااا

ريم،، مامالا تعاند،،اباوعلة طنگر وكعد عالكرسي ينافخ

اسد،،زعلت

حسناء،،دجيبيه على واهس الجهال شتردين منة

ريم،،شنو ميريدني صاير ودمعت عيوني

اسد،، شويةاجي

ريم،،ماشي حبيبي بس لا تتأخر،،طلع يركض قبلهن واني نزلت دموعي

رقية،،ياا صدك تحجين ولج عالجهال بس يتعب ويمل ميريد غير حضنچ

ريم،،اتعود عليكم لان عفتة هواي

رقية،،لا يبقى يعرفج انتي امة ومايرتاح غير يمج

حسناء،،هاي تتعاير امشي رقية دخلصي من دوخة خل يفتهم الرجال منج شي

ريم،،والله عندج سوالف،،طلعن واخذن اسد وامي قبل لا يطلعون خابرت كالت لاتسوين للعشا شي اني ادزلج ماعندي شي رحت سويت كاستر وجلي حطيت مكياج شوية ورجعت رقية بيدهة صينية العشا اتشكرت منهة وراحت لبست تراك جبتة من تركيا كلش نازك واتعطرت وخابرتة رد ومبين معصب

حمزة،،الووو ها ريمتي

ريم،،ها عيني تكدر تروحلي للبيت محتاجة شغلة

حمزة،،هسة محتاجتهة صبوا العشا

ريم،،لا لا هسة حباب

حمزة،،هسة اروح شنية وين خالتهة

ريم،،من توصل خابرني وادليك

حمزة،،ماشي، ،اتعشيتي اخذتي ادويتج

ريم،،لا هسة

حمزة،،خووش اخابرج من اوصل

ريم،،سدة واني حطيت عطر ورحت للمطبخ اجة واسمعة يخرخش بالمفاتيح انتظرة يفتح الباب ومبتسمة فتح الباب وتفاجأ بية ظل جامد بالباب

حمزة،،شوكت اجيتي

ريم،، مااحب تضوج، ،وتقدمت حاوطت رگبتة بادية واني واگفة على اطراف اصابعي يا دوب اوصلة سد الباب برجلة وشالني وانفاسة اتخربطت

حمزة،،مشتاااگلچ

ريم،،احبك

حمزة،،اموت عليج وبيج

ريم،، سحبني للغرفة كل واحد چان يعبر عن اشتياقة بطريقتة بحب وهدوء نسيت روحي وياه بحنانه بقربه بكلامة وهو يهمس اعتذارة اشواقة وحبة رغم كلشي جان يحاول يكون هادئ يخاف علية لگيت روحي اجدد كل حبي الة عبالك جان الحب محبوس بقفص وفجأة انفتح القفص وطارت فراشات الحب بكل روحي صرت لا شعوريا اهمسلة بكلمات الحب،،نمت بحضنة اغفي همس بأذني

حمزة،،چنة سنح الحلووو تنامين يا عمري

ريم،،لا هسة اگوم اسبح ونتعشا

حمزة،،هههه هسة تلگين عمتي شايلتلي عشا متدري تعشيت بغزالة تخبل

ريم،،حمززززة

حمزة،،يا عيونة وروحة

ريم،،خل اگوم اسبح ونتعشى

حنزة،،انة اسبحج

ريم،،لااا اني

حمزة،،لا رايحة بنفسي من زمان

ريم،،شالني وططبني للحمام،،عززة حمزة نزلني وين طاب وياي

حمزة،،ميخالف يا ريمتي خليني ادللج مو جنت اسبحج بتركيا

ريم،،غير وضع ذاك

حمزة،،براحتج وبتعبج ادللج

ريم،،ابتسمت وخليتة براحتة، ،طلعت قبلة امشط على كيفي وطلع وهو لاف المنشفة بدل ببجامة واجة شالني،،هااي خووش كل شوية شايلني مستغل صايرة شضعفني

حمزة،،لا مااريدج حتى تمشين عالگاع ،،الا وين اسد نسيتيني حتى ابني

ريم،، هههه يم اهلي وصلني للمطبخ بستة برگبتة،،يلا نزلني

حمزة،،لا هيج للغرفة شوط ثاني

ريم،،حبيبييي جعت والله

حمزة،،اوووف عيديهة

ريم،،حبيبي

حمزة،،بعد

ريم،،حبيبي

حمزة،،ما مصدك اسمع منج هالكلمة ايست ترجعيلي

ريم،،وهسة رجعنة انتة نسيني الصار كلة

حمزة،،وحق رب العالمين لعوضچ كل لحظة حزن بلحظااات فررح وحب ودلال احبچ غزالتي

ريم،،اموت عليك،،خلي اسوي العشا ثلج هسة

حمزة،،ليش تتعبين روحج يا عمري انة اجيب من البيت

ريم،،امي دزتة هو منو يخليني اوكف لو اشتغل

حمزة،،احسن

ريم،،لا شوية شوية مو گال الطبيب

حمزة،،ان شاء الله

ريم،،حميت العشا وهوة وياي وياي ولاچنة ذاك حمزة شكد متغير حمزة الجان ميشيل استكان الچاي يوكف عالطباخ ويعاوني بكلشي صاراتذكر مرة دنگت اكنس وما قبل گلي مو زين عليج للعصر راح جاب مكنسة كهربائية

حمزة،،بهاي بس تكنسين البيت ممنوع تدنگين هواي

ريم،،الله لا يحرمني منك ،،اهتم بية بشكل لو اعزل لو انضف لو اطبخ هوة وياي وياي ويسأل هاي وين اخليهة هاي شون اسويهة هيج هاي هية كلبي ينتررس فرح من اشوف اهتمامة ودلالة حتى من يطلع يوديني لاهلي ميقبل اظل وحدي ابد ابد يخاف من كلشي خصوصا من استقر وضعي وهوة رجع التفت للمعرض مالتة وكام يروح لبغداد يخلص شغلة وابراهيم وياه هوة وياه يتناوبون تالي الوضع ما صرفلة واجر شقة بمكان سكني و قريب للمعرض وگام ياخذنة وياه اذا يظل هواي ويطلعنة دائما يونسنة بالليل ببغداد وليلهة اليجنن واني طايرة فررح بي اتغير حمزة هووواي هوووواي اتغير حبيتة اضعاف حبي ذاك من شفتة شون يحاول يراضيني ويدللني ويعوضني كل الصار، ،اما حنان فورقة وانطوت من صدك ماجبنة طاريهة حتى بعد ما اجتي تشوفني من اتمرضت وجديتي وما مخليتهة لان رايدة تحاجي حمزة فمسكتتهة ومهددتهة تگول لاهلهة لان اكيد جاية بدون علمهم عمتي فرحة سولفتلي هالحجي عمتي رجعت ورة رجعتنة من تركيا بشهر اخوهة جابهة وذابهة يم عمي كايللهم مالي دخل بيهة راح تهجم بيتي وي مرتي بس عمي اصلا ينام بغرفتنة القديمة مالة كل علاقة بيهة وهي ساكتة بس متبطل سوالفهة ابد لحد هسة اتذكر من طبيت ورة ما رجعت وهية بالمطبخ واكفة شافتني ضحكت ودارت وجهة تفر بيدهة وكالت

ام حمزة،،اللهم لاشماتة

ريم،،ما چني سمعتهة اصلا طبيت شفت جديتي وشوية وطلعت وعدت ايامي بهدووء وحب ودلال حمزة نساني كل الصار صحتي بدت تتحسن بالتدريج جنت اتعب من الوكفة الهواي او الجهد بس شوية شوية تحسنت صحتي عدت الايام علي صارلة ولد سماه حسين معزة بعمي الله يحفظة وسرور ورقية حوامل بيت عمي قللت روحاتي من ردت عمتي بس اروح لخاطر عمي وجديتي اسد فدوة كبر وطب بالسنة الخامسة بس هدء هواي ماخذ طبعي يروح ويرجع مكيف بجهال خواني عشت براحة تاامة عشت اميرة من الدلال بيوم اجاني حمزة طب من الباب مبتسم،

حمزة،،شونة الحلو

ريم،،زينة شبيك

حمزة،،شبية

ريم،،شو مبتسم

حمزة،،عندج جنطة سفر چبيرة موو

ريم،،لا تگول راح تسافر للاردن حباب

حمزة،،لا لتركيا

ريم،،هممم وشعندكم بتركيا،،ضجت وغررت ما اريد يسافر

حمزة،،مو حجزت اسبوع ونسة

ريم،،همم ونسة ويامن بالله اتخصرت وواكفة على اعصابي

حمزة،،وية احلى مرة بالدنيا مرتي حبيبتي وابني

ريم،،ابتسمت بفررح،،طفرت حضنتة،،صدك والله

حمزة،،مچذب عليچ گبل،،يلا حضري روحج بعد تلث ايام باجر اخذ اسد نكمل جوازة

ويم،،ايييي الله لايحرمنة منك بستة فرحانة،، تركيا تجنن بس ما شفت منهة اول سفرة، ،صدك كملنة الاجراءات واسد مكيف

اسد،،ماما نلعب موو

ريم،،اي ياعمري،،سافرنة صدك ونسة من العمرر واخذني حمزة فحوصات من جديد يتطمن على وضعي رغم جنة على تواصل وية المستشفى والدكتور بس هو راد يتطمن والحمدلله جان كلشي تمام بالسفر وتوفت خالت عمي اخت جديتي وخطية جديتي سكرهة متخربط من القهرة وعمي خابر حمزة يسأل على طبيب ببغداد وخابر جماعتة ما ارتاحينة الا اتعدلت صحتهة كلت لحمزة خلي نرجع گال هن بقن يومين كضيناهن هاليومين نتسوگ بس ونسة من العمر

حمزة،،جنت وين مااروح اگولن بس تطيبين اجيبج هنا الحمدلله وجبتج

ريم،،الحمدلله الله لا يحرمني منك حبيبي،،رجعنة طبينة لبيت عمي سلمنة ورحنة للبيت تعبانين بس سبحت ونمنة ما كعدت للمغرب احس تعباانة مكسرة اجوي اهلي بالليل وحمزة طلع شو احس تعبت وبديت انعس

ام ريم،،شبيج يمة شو سنحتي

ريم،،مااعرف تعبانة

ام ريم،،يا شو مصخنة

ريم،،يجوز تغير الجو

حسناء،،اي هاي هناك بارد الجو وهنا حرر

رقية،،مددي ريمة

ريم،،مددت وبية وما كمت اتعب اكثر لليل قفلت اسمع امي تحجي وي حمزة

حمزة،،لاعمة انة يمهة لا يظل بالج

ام ريم،،خل اخذهة يمة يمنة

حمزة،،لا عمة يمي لا يظل بالج

ريم،،حسيت عليه حضني ويبوس بية

حمزة،،شبي الحلوو مطفي وخدودة طماطة

ريم،،يمكن لان تغير الجو

حمزة،،كومي اسبحي ترتاحين

ريم،،ما بية خلي انام نعست،،نمت ووجه الصبح كعدت نفسي تلعب ركضت اتقيأ واحس كوة مفتحة احس رجعلي احساس وكعتي ومرضي كمت ابچي خايفة اجة حمزة يغسل بوجهي كومني واني شهكت ابچي

حمزة،،شبيج ريمتي يوجعج شي ليش تبچين

ريم،،لا خاف رجعلي المرض

حمزة،،يا ساتر لا ما صارلنة اسبوع من عدنة الفحوص

ريم،،استندت على حمزة وهو فتح المي البارد غسل وجهي وطلعنة من الحمام،ضليت للعصر مسنحة ونايمة للعصر اريد مااريد اخذني للدكتورة وطلبت تحليل حمل طلعت اسوي

حمزة،،هاا شكو

ريم،،طلبت تحليل حمل

حمزة،،ما كتيلهة جنة مانعين هالشي

ريم،،كتلهة ومااقتنعت اتگول طريقتكم مو مضمونة

حمزة،،يلاا شعندنة مو گال الدكتور عادي بعد وضعج يسمح خل نسوي تحليل

ريم،،شون يصير باسبوع، رحت سويت تحليل وماكو حمل طلعت مبتسمة

حمزة،،هاا حامل

ريم،،يا ساتر كوم تحاليل وفحوص سوينة بتركيا مابين ضام روحة قابل،،اباوعلة عگد حاجبة دخلت وانطتني علاج وطلعنة صعدت اباوعلة ما مرتاحة،،اكوول حبيبي

حمزة،،هممم كولي غزالتي

ريم،،شو جنت متأمل شي لازم ما ملتزم

حمزة،،يلا حبيبي وصلنة

ريم،،غلس غلس طكهة بضحكة

حمزة،، اصلا اخاف عليج انة لسنة يلا نفكر اخافن عليج تتعبين،،ر جعنة للبيت احس احسن نزلنة ببيت عمي اتفاجأت بمرية ببيت عمي عمرهة بالاربعين بس ما تعبانة وجهة متفح لابسة اسود وتبچي عرفتهة بنت اخت جديتي جاية تطمن على جديتي عبن اتخربط وضعهة شوية وراحت كالت نسوان تروح وترد بس فد حبابة وتدخل للگلب ،،،عددت الايام بدلال حمزة فتحوا تعيينات وحبيت اقدم احس ملل واسد ما بقالة هواي ويطب مدرسة والصراحة ما جنت اتوقع يصير عندي حمل بعد لان اني قبل المرض حملي صعب عود ورة هالادوية والعلاجات يصير فكاطعة الامل وحامدة ربي ومكتفية وحمزة ميلح عالموضوع ابد يكلي صحتج اهم شي،،بالليل بدلت وكشخت واجة حمزة اتلكيتة بالاحضان والبوسات ودلع ودلال ،، نمت على ايدة وهو يلعب بشعري الي اگلبة كلة صفح دائما اخفي القصير منة، ،،احمم اگول حبيبي

حمزة،،گولي غزالتي

ريم،،هاا. موشفت فاتحين تعيينات واني معدلي و..ما مكملة باوعلي رافع تك حاجب

حمزة،،تتذكرين شتفقنة من گبل

ريم،،والله فرصة وهاي المدرسة الابتدائية حباب

حمزة،،غزالتي والله اخافن عليج انة بالبيت ويظل بالي عود برة البيت وانتي ما محتاجة مقصر انة بشي

ريم،،لا حشاك بس احب اتوضف

حمزة،،غزالتي سدي الموضوع

ريم،،حمزة حبااب

حمزة،،ريمة سدي الموضوع من اقصر روحي اتوضفي

ريم،،مو الا تقصر اني احب اتوضف ضمان الي لمستقبلي احس بقيمة شهادتي ،خزرني وباوعلي

حمزة،،هاااا ما ضامنة مستقبلج وياي مووو تخافين اغدر بيج،، لا تخافين حتى لو طلعت نذل عندج ضمان بيتج هذا باسمج ونص الگاع مالتي باسمج

ريم،،مو هيج

حمزة،،لا هيج لهسة ما مأمنة بية انتي ريم ما تگدرين تنسين مو بيدج ما الومچ بس انة هذا الربي گدرني عليه حاولت كل قوتي انسيج واكلج انة اتغيرت لخاطرج الظاهر مو كافي

ريم،،سحب الغطة ومدد ،،واني كمت افووور حجايتي ما اقصد بيهة بس من يسمعهة هوة حقة هيج يفسرهة ما نمت بليلتهة اخر شي طلعت للمطبخ شبعت بچي شوية واجة هوة وراية كوة مفتح من النعاس مالابس بس بجامة ويعدل بشعرة

حمزة،،شتسوين هنا كاعدة

ريم،،ما بية حجيت وما اباوعلة،،اتقرب علية رفع وجهي بايدة باوع لعيوني مورمة من البچي

حمزة،،استغفرك ربي كافي بچي شوكعج غيرة

ريم،،سحبني من ايدي للسنك فتح المي غسل وجهي بايدة واخذني للغرفة مدد وجرني لحضنة دفنت راسي بصدرة اشتم عطرة لحدما هدأت وغفيت وببالي اردد انتة سندي واماني مااخاف من مستقبلي وياك حمزة مااخاف وياك حبيبي كانما. سمع كلام گلبي شدد حضنتة وباس راسي وغفة ،،،،،يتبع