تحميل رواية «الحب الروحانيحتي الفصل)» PDF

رواية الحب الروحاني الفصل الحادي عشر

_سارة!!!

بصتله بصدمه وعدم تصديق ازاي عرفها ازاي وهى مخبيه وشها الدموع اتراكمت في عينيها ..

_انا مش سارة انت شكلك غلطان يا استاذ عن اذنك..

لسه هتمشي لكن وقفها صوته:لي بتهربي !مفكره انى مش عارف انك عايشه ومتجوزه ومخلفه مفكره انى مش عارف باللعبه اللي انتى عايشاها.

قرب منها ووقف قدامها وشاور على عيونها:عيونك يا سارة بقدر اعرفهم من وسط مليون شخص ف متكدبنيش وتقوليلي انك مش سارة لى كدبتى لى سيبتيني لى عملتى فيا كدا ..

_لو سمحت ابعد عنى وسيبنى امشي أنا أنا معرفش حاجه عن اللي بتقولها دي عن اذنك..

بعد شويه ولسه هتمشي وقفها صوته:صدقيني يا سارة هتندمى أول ما هتشوفي الكلابشات في ايد جوزك باذن الله وساعتها هيكون فات الأوان لأن خسارة اللي بتعمله نور علشان وأنها حطت نفسها في الهلاك علشان تجيب حقك وانتى عايشه ومستمتعه بحياتك ولا على بالك حد خالص بجد خسارة …

مشي وسابها وجاله تليفون من يوسف يحكيله فيه اللي حصل لنور..

يحيي:انت بتقول اي يا يوسف انت كنت فين ساعة اللي حصل دا ..

يوسف:كنت في المديريه يا يحيي هعمل اي يعنى بس انا متتبع خطواتهم وهجيبهم متقلقش ..

_طيب أنا جايلك دلوقتي مش هسيبك لوحدك ابعتلي اللوكيشن

_ماشي سلام دلوقتي…

يحيي خرج بسرعه وقابل مريم الي صممت انها تروح معاه ووسط عنادها مقدرش يجادل معاها لأنها اقرب حد لنور ومش هيعرف يوقفها…

عند سارة

كانت واقفه مكانها مصدومه من اللى سمعته ..

*نور!ضحت بنفسها علشانى ازاي أنا مش فاهمه حاجه ويحيي يقصد اي وعرف ازاي انى متجوزه جمال وعرف ازاي انى عايشه اصلا…

اتوترت ومسكت تليفونها ولسه هتتصل بجمال اتراجعت

*لا لا احسن يكون عارف حاجه عن نور ويأذيها لا مش هقدر اخسر حد تاني كفايه كدا !!

راحت خدت سليم وروحت ملقتش جمال في البيت …

دخلت الأوضة بتاعتها بعد ما أعطت سليم للخادمه..

وقفت بتوتر في الاوضه ومش عارفه تعمل اي فكرت شويه وبعدين:ايوا لازم أكلمه هوا اللى هيساعدنى..

مسكت تليفونها ورنت على حد

._الو الو يا بابا …

عند يوسف كان راكب عربيته وبيتابع جهاز التتبع اللي كان مديه لنور وبيسمع كل حاجه بتحصل وهوا قلبه بيتقطع عليها وهى بتصوت ومش عارف يعملها حاجه..

_والله ما هرحمكوا يا ولاد ال****مش هرحمكوا…

متخافيش يا نور يا حبيبتي متخافيش أنا معاكى..

وصلوا بيها في مكان خالى من البيوت اشبه بالصحراء ..

نزلوها بصعوبه من العربيه ودخلوا بيها البيت..

رموها في اوضه

_خليكي هنا كتك البلى بهدلتينا يا شيخه انتى بنت انتى ..

نور بعصبية:مش كفايه انت موجود هيبقى أنا وأنت..

وبعدين ابتسمت :الله عليا بقيت اعرف اقصف جبهات مريم هتفرح بيا اووي.

_انتى قصدك اي يا بت

_بت لما تبتك يا عجل انت يلا يا بابا غور من وشي وانت شبه برميل الطورشي كدا وهاتلى اكل علشان جعانه..

لسه هيقرب عليها :اوعى تقرب جمال بيه يزعل قالكوا محدش يلمسها لحد ماجى مش كدا ولا لا ها..

الراجل تتنهد بنفاذ صبر وسابها ورزع الباب وراه علشان لو فضل شويه كمان ممكن يقتلها..

نور:براحه يا بابا مش مال ابوك. هوا..

وبعدين اتنهدت بتعب

_انت فين يا يوسف اتأخرت اووي …

يوسف فتح الصوت من عنده :أنا جاي يا قلب يوسف عاوزك تفضلي متماسكه كدا لحد ما اجى يا حبيبتي مش عاوزك تخافى..

نور :حاضر يا يوسف بس هوا يحيي عرف؟

يوسف اتنهد بتعب :اه عرف وجاي معايا هوا ومريم

_ماشي يوسف بالله عليك متتاخرش..

_حاضر والله جاي متقلقيش انتى بطله يا نوري..

نور سكتت لما لقت الباب بيتفتح وجمال واقف بكل هيبه..

دخل وهوا مبتسم بخبث:امممم مفكره انك هتهربي منى يا حلوة لا انتى شكلك متعرفنيش كويس ولا تعرفي مين هوا جمال الزرزاري قرب منها ووقف قدامها وهمس في ودنها:اللي لما بيعوذ حاجه بياخدها…

نور:موعدكش انك المره دي هتنول مرادك يا جمال بيه للاسف أنا مش مراتك ولا اي واحده من اللى كنت تعرفهم..

فجأه ضربها بالقلم ..

طبطب على وشها وقال:مراتى متجيش على لسان اي حد مهما كان عارفه لى علشان انا بحبها ولما بحب حد بيبقى عندي استعداد اقتل اي حد علشانه انتى فاهمه…

بس مش هعمل كدا معاكى عارفه لى..

بصتله باهتمام وخوف:علشان كدا كدا انتى اللي هتموتي نفسك بايدك …

_اها زي اللي قبلي مش كدا بس انا مش بالجبن دا للاسف انت بتلعب مع الشخص الغلط …

_وماله لما العب مع الشخص الغلط أنا بحب اتعلم من اغلاطى …

عارفه اي اكتر حاجه بحبها..

بصتله باستغراب:اي

_الدم..

_اي!!

_ايوا بحب الدم وبحب الموت بستمتع لما بشوف حد بيتعذب ولو في حد في حياتى مش بيتعذب بخلقله سبب علشان يتعذب علشانه اي رايك …

_انت انت انت مريض ومجنون ومحتاج مصحه مش شركه تديرها انت عال على اي حد انت في حياته اتفوو عليك…

جمال اتعصب وظرابينه طلعت وقرب عليها ومسكها من شعرها :عارفه محدش عمره اتجرا يقولى كلام زي دا لولا انى عاوزك في شغل كنت دفنتك حيه دلوقتي…

نور:شغل!!انت مفكر انى هفضل هنا معاك دانت بتحلم …

قرب وغمزلها:منا هحقق حلمى دلوقتي..

قرب منها ولسه هيبوسها..زقته بعيد عنها

_ابعد عنى انت انت مجنون ..

_لا يا حلوة قبل ما أبيعك لازم أشبع منك الاول..

&طب اي رايك لما تشبع من تراب السجن …

نور بفرحه :يوسف اخيرا..

جمال قرب من نور بسرعه وطلع المسدس وصوبه تجاهها..

_اللى هيقرب هقتلها..

مش تقولى يا حلوة انك تبع حضرت الظابط كنت قمت بالواجب معاكى..

وفي الوقت دا جه يحيي ومريم وسارة!!

جمال أنصدم لما شاف سارة..

_ملك!انتى اي جابك هنا..

سارة بدموع:ارجوك سيب اختى ملهاش ذنب سيبها وانا هعملك اللى انت عاوزه..

يحيي:تاني يا سارة بتحاولى مع الإنسان المريض دا..

جمال بعصبية:انتو بقى متفقين عليا ..

يوسف:نزل السلاح يا جمال المكان كله محاصر وخلاص الاعيبك كلها اتكشفت وكل شغلك انكشف وحبايبك كلهم نورونا ناقص انت بس ..

سلم نفسك مفيش داعى للى بتعمله دا وسيب نور..

جمال همس لنور:كل دول واقفين علشانك بس عارفه عجبتنى اللعبه دي وانك اختها والجو دا

وبعدين قال بخبث: وبعدين ما اعتقد انها خبت عليكوا انها ماتت وبقت ملكى أنا علشان الفلوس مكنتش بلمسها الا بالفلوس .

ساره بعصبية وغضب:انت بتقولها اي يا جمال

_هههه يا حبيبتي مش هى اختك بقولها على علاقتنا واللى بينا ولا اي رايك يا وبص ليحيي تقريبا انت الحب القديم مش كدا

يحيي بعصبية:انت انسان وقح بجد..

سارة:جمال سيب نور بقى ارجوك كفايه كدا ..

جمال:بتبعيني يا ملك بعد كل اللي عملته علشانك وكل الفلوس اللي ادتهالك بتكسري قلبي يا حبيبتي وبص ليحيي :كان نفسي اشوفك من زمان اشوف الشخص اللي بتبقى نايمه في حضنى وبتقول اسمه دا كان نفسي اقتله ودلوقتي جت الفرصه..

رفع مسدسه وصوبه تجاه يحيي..

نور بصت ليوسف اللى كانت بتحاول تستوعب اي إشارة منه..لحد ما فهمت..

قامت داست على رجل جمال بكل قوتها وزقته وجريت منه وجمال رفع المسدس وضرب طلقه..

يحيي :سارة…

رواية الحب الروحاني الفصل الثاني عشر

نور بصت ليوسف اللى كانت بتحاول تستوعب اي إشارة منه..لحد ما فهمت..

قامت داست على رجل جمال بكل قوتها وزقته وجريت منه وجمال رفع المسدس وضرب طلقه..

يحيي :سارة…

كانت واقعه على الأرض فاقده للوعى جمال بص بصدمه والدموع اتكونت في عينيه وجرري عليها وساب كل حاجه مش شايف حاجه الا هى ولا حاسس باي حاجه حواليه غير أن قلبه اتنفض من مكانه ايوا دا جمال !!!

قرب منها :ملك ملك يا حبيبتي فوقي أنا أنا آسف مكنش قصدي أنا أنا كنت عاوز اقتله هوا مش انتى فوقي يا حبيبتي أنا آسف..

الكل كان واقف مستغرب ردة فعله اللي غير متوقعه والعجيبه في نفس الوقت يحيي جري علشان يجيب إسعاف ويوسف قرب من جمال وحط الكلبش في ايديه ونادى على القوة اللي كانت معاه وجهم اخدوه واتحفظوا عليه …

ونور كانت واقفه بتعيط هى ومريم على المنظر اللي شايفينه ونور قلبها واجعها على اختها وحست انها ظلمتها!!

بعد شويه الإسعاف جت وخدوا سارة وركب معاها يحيي اللي كان قلبه بيتقطع علشانها مش متخيل أن خلاص بعد ما بقى في امل أنهم يرجعوا ويشوفها تاني واحتمال تبدأ قصة حبهم من تاني اللي هى اساسا منتهتش تيجي الظروف تاني وتعمل كدا فضل يدعيلها وهوا متوتر وتعبان ومخنوق حاسس انها ممكن تضيع منه تاني !!

نور ومريم ويوسف كانو وراهم بالعربيه ..

نور:أنا خايفه على سارة اووي مش عوزا يحصلها حاجه انا بحبها اووي ..

يوسف بصلها بشفقه ومريم قالت بدموع:معلش يا حبيبتي ممكن تهدى أن شاء الله هتبقى كويسه انتى بس ادعيلها..

_يارب يا مريم يارب تكون كويسه..يارب وترجع زي زمان سارة اللي أنا اعرفها..

يوسف:اعتقد انها لو رجعت زي الاول ف هترجع لكل اللي كانت بتحبهم واولهم يحيي..

نور :هوا بيحبها وهى بتحبه واكيد هيكونو لبعض..

_وانتى

_انا أنا اي

_انتى اي دورك في الفيلم دا ماشيه توفقي راسين في الحلال وناسيه نفسك وقلبك كدا..

غمضت عينيها :لو سمحت يا يوسف بلاش كلام في الموضوع دا دلوقتي

_صح عندك حق أنا لازم متكلمش اصلا أنا آسف..

الصمت حل على العربيه ومريم بقت تبصلهم بشفقه وهى شايفه الحب في عيون يوسف بس مش عارفه توصل دا لنور لأنها عنيده ودماغها نشفه وصعب تحب اي حد بسهوله …

وصلو المستشفى وساره دخلت فورا على العمليات ….

كانو كلهم واقفين متوترين ونور اتصلت بابوها وعرفته اللي حصل واتفاجئت ان ممدوح كان عارف ان سارة عايشه بس قررت انها مش هتعاتب ولا هتتكلم علشان هي تعبت من المبررات!؟

يوسف استأذن ومشي علشان يواصل التحقيقات بما أنه الظابط المشرف على القضيه…

عدت ساعة والتانيه وبعدها الدكتور خرج بأسف..

_هى الام كويسه بس للاسف مقدرناش ننقذ الجنين..

شدو حيلكوا..

الكل فرح ودا اللى اثار فضول واستغراب الدكتور..!!

نور قربت من ابوها:كدا فعلا عيلتنا اكتملت يا بابا حتى لو سارة مذنبه في حقنا وحق نفسها أنا مبسوطه انها رجعت ..

الاب قرب منها بحنان:يا حبيبتي أنا كنت عارف كل دا وكنت عارف انها هترجع في يوم من الايام وكنت عارف انها عايشه..

نور بصدمه:ازاي

_ساره اتصلت بيا من سنه من رقم غريب وكلمتنى وحكتلى كل حاجه واكدت عليا انى مقولش حاجه لحد وكانت مصورالى أن حياتها كويسه بس انا كنت عارف أن البنى ادم دا عمره ما يكون في حد في حياته ويكون كويس معاه لانه مريض للاسف وكنت على تواصل معاها دائما وكانت بتسأل عليكي انتى بالذات لحد ما النهارده اتصلت بيا وقالتلي على اللي حصل وأنها قابلت يحيي وانا عرفتها أنه جه وكان عاوز يساعدنا وكدا وانا طبعا مكنتش عاوز كدا أنا كنت أضعف من انى اقف قدام الراجل دا انا معرفتش احمى بنتى ولا اخدها منه لأن الراجل دا مجرم وقتال قتله ومصيره هيكون بشع على اللي عمله واللي بيعمله..

نور بصت ليحيي:قالتلك انها كانت بتحب يحيي يا بابا

_ومازالت يا بنتى

طبطب عليها :أنا عارف ان في مشاعر ناحيتك تجاهه بس نصيحه منى ادفنيها علشان متدمريش علاقتك من اختك قبل ما تبتدى من جديد..

مريم قربت من نور. بعد ما جالها تليفون من البيت:نور أنا لازم امشي ماما اتصلت بيا ..

نور قربت منها وحضنتها:ماشي يا حبيبتي خلي بالك من نفسك

_هكلمك لما اروح ولا احتاجتى اي حاجه كلميني

_يخليكي ليا

_حبيبي..

نور راحت قعدت بعيد وعينيها كانت على يحيي وتصرفاته وعيونه اللي متشالتش عن الأوضه اللي هي فيها…

*للدرجادي بيحبها!؟

*‏للدرجادي متعلق بيها؟

*‏الحب الحقيقي باين في عينيه مش بيكذب..

*‏ياريتنى كنت مكانك يا ساره كان زمانى اسعد واحده في الدنيا..

الدموع اتجمعت في عينيها واتنهدت بوجع ..

*لازم ابطل افكر فيه وأحبه لازم اشيله من بالي وعقلي وقلبي مش هعلق نفسي في حبال دايبه أنا هبعد هبعد وهكون لوحدي..

لا لا هبعد ازاي أنا مقدرش ابعد عنهم أنا بحب ساره وبحب بابا ويحيي لا يحيي هحبه زي اخويا خلاص مش هينفع..

أنا هلتفت لنفسي ومذاكرتى بقى كفايه كدا!!

عند يوسف كان قاعد قدام جمال اللي كان في حالة لا يرثى لها..

_انا مش محتاج اسمعك لأن المحضر متقفل خلاص وانت ممسوك متلبس والرجاله بتوعك اتمسكوا بالبضاعه وقالو عليك يا زعيم يعنى كدا كدا انت مشرفنا كدا لحد ما تقابل رب كريم..

جمال :أنا مستعد اعمل اللي انتوا عاوزينه بس بس ممكن اشوف ملك..

يوسف بعصبية:ملك مين يا ابنى اسمها ساره..

_ارجوك وديني ليها ..

يوسف اتنهد :مش هينفع لازم إذن من النيابة وانت مش هتتحول الا الصبح ابقى اطلب منهم

_طيب ارجوك طمني عليها..

_انت انت مش طبيعي يعنى انت اللي قاتلها وخائف عليها انت انسان مش طبيعي بجد ..

_كله بيقول كدا بس لما تحب بجد هتحس اللي أنا حاسه أو يمكن مش هتحس ربع اللي حاسه لانى حبيت مرتين

حبيت سارة وحبيت ملك وملك وسارة شخصيه واحده وانا عارف انها مكنتش متقبلانى بس خلتها غصب عنها تتقبلنى وتكون ملكى لانى عمري ما حطيت عيني على حاجه ومبقتش ملكى علشان كده سمونى الزعيم..

يمكن دا غلط لان الشخص مش هيكون متقبلنى مثلا لكن المهم بالنسبة ليا انى اكون متقبلها سواء بقى بالغصب أو بالإكراه أو بالخطف اي حاجه المهم انها تكون ملكىى..

يوسف كان باصصله باستغراب من شخصيته وفي الوقت دا جت نور في باله وفكر فعلا أنه يعمل كدا ويخطفها ويجبرها تحبه لكن هوا مش هيقدر يشوف نظرة الكره في عينيها أو يعيشها نفس اللي عاشته سارة هو هيسيبها لنفسها والايام ويأما هتبقى بتاعته ياما هتبقى بتاعته!!

تانى يوم جمال اتعرض على النيابة وكان كل طلبه أنه يشوف ساره والنيابه وافقت وكان يوسف ومعاه قوة هم اللي متكفلين بالموضوع دا لأنه مجرم خطير..

كانت فاقت وابوها ونور وامها قاعدين معاها ويحيي قاعد برا مش عاوز يدخلها ولا يتكلم معاها في اي حاجه لأنها لحد دلوقتي متخصهوش لأنها لسه على ذمة راجل تانى..

جمال لما وصل وشاف يحيي بصله بكره

_انت اللي خدتها منى كان نفسي اتسجن بسببك انت مش بسببها هى..

يوسف:بطل كلام كتير وادخل يلا..

نور خرجت وبصت لجمال :مين جاب الحيوان دا هنا تاني..

يوسف بعمليه:أوامر نيابه أنه يشوف مدام ساره بحكم انها مراته ..

_لا طبعا سارة استحاله تقابل البنى ادم دا اتفضل خده وامشوا..

جمال:وانا من حقى اشوف مراتى

_وانا اختها وبقولك مستحيل

يوسف:معلش يا نور ممكن تتنازلى عن كبريائك وتخلينا نخلص شغلنا..

_انا متكبره يا يوسف!!

يوسف غمض عينيه واتنهد من جنانها :معلش يا نور ممكن توسعى علشان الراجل يشوف مراته

_انتو ازاي تسمحوله اصلا يجي هنا وهوا السبب في اللي حصل

الاب خرج على الزعيق وبص لجمال اللي شافه لاول مره من اربع سنين فاتت..

_انت انت اي جابك هنا

يوسف:جاي يشوف مدام سارة ممكن تخليه يخش؟

الاب وسع وجمال دخل واول ما شاف ساره بالوضع دا قلبه وجعه..

سألها سؤال واحد:لسه بتحبيه؟

ساره بصتله بقوة:أنا منستهوش اصلا علشان اقولك لسه بحبه ولا لا وبعدين انت لي جابك…

_انا جاي احررك يا ملاكى

_مش فاهمه

_يعنى انتى طالق يا ملاكى..

رواية الحب الروحاني الفصل الثالث عشر

_يعنى انتى طالق يا ملاكى..

ملامحه اتغيرت مرة واحده وقرب منها واتكلم بصوت منخفض..

أنا مش عاوز واحده خاينه زيك تكون على زمتى لحظه علشان انتى لما لقتيني هقع قمتى عملتى نفسك الضحية ووقفتى معاهم وسلمتيني قد اي انتى قذرة !؟

سارة بصتله بسخرية:للاسف انت اللي طلعت اهبل وطماع وكل حاجه عاوزها ليك ودايما مخليني أنا الوسيط في علاقاتك القذره دي وانا كنت عوزا ارتاح بقى منك ومن قرفك وخلاص اديك طلقتنى..

_هه ترتاحى هو انتى ناسيه إن في قضية تزوير أنا وانتى مشتركين فيها وكمان التمثليه بتاعت موتك مشتركين فيها وناسيه أن نص الشركه باسمك وانتى مشتركة معايا في كل الجرائم دي انتى نسيتي جتيلي برجليكي علشان اتجوزك ووافقتي على كل شروطى مقابل الفلوس ..نسيتي البنت اللي قتلتها بسببك علشان كانت بتضايقك بس نسيتى كل دا …

ساره بتوتر:انت انت بتقول اي اسكت مش عوزا اسمع منك حاجه ..

_ههه دلوقتي مش عاوزه تسمعى منى حاجه ؟ولما كانت الفلوس مترميه تحت رجليكي كنتي بتحبيني صح وببقى جمال القمر اللي مفيش منه اتنين انتى نسيتي انتى عملتى اي في ابوكى زمان نسيتي انك السبب في كل اللي حصل دا وانتى اللي اخترعتي كل القصص دي ..

ساره بصريخ:اطلع برا مش عوزا اسمع منك اي حاجه تاني اطلع برا..

جمال:انتى هتشرفي معايا قريب وهتكونى معايا في نفس الكلبش متقلقيش منا مش هروح فيها لوحدي يا يا ملاكى..

سابها وخرج وهى دموعها نزلت:اعمل اي اعمل اي أنا لازم الاقي حل لازم أنا اى اللي عملته في نفسي دا بس يارب ارحمنى بقى من العذاب دا..

جمال خرج وكان الكل واقف برا ويحيي كان واقف قريب من الباب..

جمال ابتسم وقرب منه: أنا مشفق عليك حقيقي لانك للاسف مغفل ..

يحيي اتعصب ومسكة من قميصه:أنت تقصد اي

جمال:تؤ متتهورش احنا في مستشفى وفي ناس وبعدين متخوفش السنيوره القمر دي وشاور على نور وبص لاوالدها أنا مش عارف يا اخى انت لى كنت بتخبي ولادك منى هوا أنا كنت هاكلهم عالاقل كنت هختارهم كلهم …

يوسف كان لسه هيقرب يضربه بس مسك نفسه علشان ميحصلش مشاكل..

جمال همس ليحيي:متركزش على حاجه صعبة هتتعبك والسهل قدامك وبص لنور متبقاش مغفل زيي ..

يحيي بصله بعصبية:انت مالك انت شكلك لسه متعلمتش من الدرس اللي خدته وانك خلاص بقيت لوحدك.

جمال ضحك:هههههه مش بقولك مغفل المهم هتفهم كلامى دا بعدين لما تشوف في ايديها الكلابشات..

يلا يا يوسف بيه..

قرب منه ومسكه وشده علشان يخرجوا .

نور قربت من يحيي..

_هوا يقصد اي بالكلام دا..

يحيي بعصبية:معرفش بس ياريت ميكونش اللي في دماغى ساعتها هخسر كتير اووي..

_مش فاهمه

_بعدين يا نور بعدين..

وسابها ومشي وهي بصت في أثره بحزن ودخلت لسارة ..

_انا دلوقتي عوزا افهم انتى اي رجعك وعلاقتك انتى وجمال دا مبنية على اي بالظبط ..

ساره بتوتر:أنا أنا

_انتى اي انتى اي انتى عوزا اي بالظبط وانتى مش شايفه شكلك بقى عامل ازاي

_اسمعيني يا نور

_قولى بس من غير كدب علشان خلاص قلبي مبقاش مستحمل اي حاجه انتى كفايه ضحكك علينا وكفايه الوهم اللي فضلت عايشاه سنين لى كنتى مع الراجل دا ولى اختفيتي ولى اوهمتينا انك موتى أنا كنت مستنيه انك تفوقي وتعرفي تتكلمى لى مثلتي علينا لي يا سارة ..

_انا عملت كل دا علشان بابا

الاب دخل:وانا مطلبتش منك تضحى..

نور:لى عوزا ترسمى دور الضحية اللي مش لايق اساسا مع كل اللي عملتيه ذنبنا اي اننا نعيش كدبه انتى اللى اخترعتيها ذنبه اي البنى ادم اللي حبك وقلبه اتقطع عليكي ذنبه اي وذنبي اي للدرجادي انتى كنتي انانيه..

سارة:بابا كان عارف..

_مهو كلكو بتكدبوا عليا أنا عمري ما عشت يوم إلا وكان كدبه انتو مخترعينها وانا دلوقتي خايفه ليكون في حاجه ابشع من اللى انتو عاملينه دا صدقوني قلبي هيوجعني اووي …وساعتها هتخسرونى..

سابتهم وخرجت برا المستشفى كلها وراحت قعدت على البحر ودموعها بدأت تنزل ..

*أنا لى بيحصل معايا كدا لى اللي بحبهم مش بيحبونى لى قلبي مش عاوز يتقبلها لى مش طايقاها ليه حساها من هى سارة بتاعت زمان لى مستخسرة حب يحيي ليها أنا مش عوزا اكرهها بس كل اللي قدامى واللي شايفاه بيأكدلى انها انسانه مش كويسه وغلطت كتير وياريت ظنونى تكون غلط وقلبي يقدر يسامحها عالوجع اللى سببتهولى…

لقت حد بيقعد جنبها بصت بصدمة لقته يحيي.

_يحيي انت انت اي جابك هنا..

_سمعتك وانتى بتزعقى معاها والصراحه حسيت ان كلامك صح وفعلا من الصعب اننا نسامحها ومش بسهوله أننا نسامحها لانى أنا وانتى تعبنا بسببها كتير..

_طب واي جابك ورايا..

_اقوم يعني؟

نور بسرعه:لا مش قصدي قصدي انك جيت لي يعني

_جيت اواسيكي علشان شوفتك بتعيطي بما اننا أصحاب وكدا..

_بس أنا مش محتاجه حد يواسيني

_ولا يقف جنبك؟ويكون معاكى …

_كان نفسي يكون جنبي حد حقيقي بس للاسف مفيش حد معايا كلهم مزيفين..

_حتى انا؟ومريم ويوسف..

_يوسف كان نفسي اتقبل حبه ليا بس للاسف مش بايدي..

_علشان بتحبيني صح

نور بصدمه:انت عرفت..

_انا ويوسف اللي كنا متفقين أنه يقولك أنه بيحبك وفضل متوتر وقلقان وخائف من رفضك بس انا اللي شجعته علشان يعرف حقيقة مشاعرك قبل ما ياخد اي خطوة..

نور بدموع:مش بايدي..

_اي خلاكى تحبيني؟

_مش عارفه ..

يمكن علشان حلمت بيك كنت كل يوم في احلامى واول يوم شوفتك فيه كان اجمل يوم في عمري يمكن علشان حبيتك في احلامى؟

يحيي اتوتر وبص قدامه

نور:للاسف أنا عرفت حقيقة مشاعرك من غير متقولى حاجه وانا مش طالبه منك اي حاجه ومش عوزا اي حد يعرف بالكلام دا وان شاء الله ربنا يسعدك مع اللي قلبك اختارها…

قامت :عن اذنك أنا لازم امشي..

يحيي:نور استني

وقفت بصتله وهوا قرب منها:صدقيني يا نور انتى بنت جميله جدا وتتحبي وانتى عارفه أن مش بايدينا اي حاجه وقلوبنا مش ملكنا أنا اخويا بيحبك

_وهوا عارف انى بحبك وانت بتحب سارة فمفيش داعى للكلام دا دلوقتي يا يحيي واسفه انى فتحت الموضوع دا عن اذنك …

مشيت وسابته وهوا واقف بقلة حيلة مش عارف يعمل اي

إحساسه أن سارة بتكدب قاتله ومش عاوز يظلم نور وأخوه تعبان ومتوتر ومخنوق وافتكر كلام جمال اللي كان فيه الغاز كتير وحلها الوحيد أن سارة بتكدب وفي وراها سر واكيد هينكشف قريب..!

_

اتصلت بمريم تروحلها علشان تبات عندها لأنها مش عوزا تتكلم مع اي حد فيهم…

في الصباح …

يوسف دخل المستشفى بأسف وبص لممدوح اللي كان قاعد وجنبه يحيي وكان معاه عساكر..

يحيي:في اي يا يوسف

_للاسف مطلوب القبض على سارة والتحفظ عليها لحين سماع شاهدتها في التهم المتوجهه ليها ..

_اي!تهم اي دي

يوسف:تزوير وقتل وانتحال شخصية غير شخصيتها.. وكمان الشركه نصها باسمها والشرطه كانت كل البضايع بتتنقل عن طريقها فهى شريكة جمال في كل حاجه..

يحيي بصدمة:اي..

ممدوح قام يدخل لسارة علشان يشوفها ويتأكد من الكلام دا لانه مش مصدق فيها !؟

دخل واتصدم أنه ملقهاش في الاوضه..

ممدوح بصدمه:سارة مش موجوده هربت..

رواية الحب الروحاني الفصل الرابع عشر

يحيي:في اي يا يوسف

_للاسف مطلوب القبض على سارة والتحفظ عليها لحين سماع شاهدتها في التهم المتوجهه ليها ..

_اي!تهم اي دي

يوسف:تزوير وقتل وانتحال شخصية غير شخصيتها.. وكمان الشركه نصها باسمها والشرطه كانت كل البضايع بتتنقل عن طريقها فهى شريكة جمال في كل حاجه..

يحيي بصدمة:اي..

ممدوح قام يدخل لسارة علشان يشوفها ويتأكد من الكلام دا لانه مش مصدق فيها !؟

دخل واتصدم أنه ملقهاش في الاوضه..

ممدوح بصدمه:سارة مش موجوده يا يحيي يا ابنى

يحيي ويوسف راحوا دوروا عليها وملقوهاش

يوسف:هى كدا يتثبت التهم عليها يا يحيي

يحيي بيأس:أنا مش عارف هى لى بتعمل كدا واي الدافع ورا كل دا

_هى لو مكنتش عارفه بكل اللى هى عاملاه مكنتش هربت للاسف يا يحيي انت لازم تشيلها من حياتك وقلبك لأنها عملت كتير اووي ودلوقتي هربت والله اعلم راحت فين انت لازم تفوق لنفسك بقى وتشوف حياتك متقفش عليها لأنها مش باقية عليك ومش مظلومه ..

يحيي هز رأسه :عندك حق أنا لازم افوق لازم..

ومشي وسابه…

يوسف قرب من ممدوح:انت لازم تروح دلوقتي يا عمى واي جديد أنا هقولك..

_سارة تعمل كل دا!!انت متأكد يبنى ولا جمال بيتهمها..

_للاسف يا عمى كل الادله ضدها والا مكناش جينا هنا

ممدوح بدموع:لي يا سارة تعملى كدا لي كدبتي عليا وخدعتيني لي يا بنتى ذنبنا اي في كل اللي بتعمليه دا..

_اهدى يا عمى وتعالى معايا اروحك وان شاء الله هلاقيها ولو بريئه اكيد براءتها هتظهر..

ممدوح ضحك بسخريه وبعدين مشي مع يوسف…

كان الكل قاعد حاطط أيده على خده …

نور ببكاء:لى سارة تعمل كدا !لي تكسرنا وتدمرنا وتمشي كدا بسهوله ذنبنا اي وذنب ابنها دا لي ذنبه اي ان تكون أمه وابوه مجرمين …

كان سليم بيلعب مع ولاد ميار وكانو كلهم بيبصوله بشفقه..

ممدوح:ذنبه انى معرفتش اربي أمه معرفتش اقف في وشها معرفتش اغضب عليها …

_دي مش سارة بتاعت زمان يا بابا دي واحده متحوله متغيره بكل المقاييس مقدرتش أننا تعبنا كتير علشانها ولا قدرت دموعنا كانت بتحاول ترسم دور الضحيه بس مجاش على مقاسها…

دمرتنا ودمرت ابنها معانا ياريتها ما رجعت يا ريتنى ما حاولت اخد حقها عالاقل مكنتش هعرف دا كله عنها واتصدم فيها…

الام:شكلنا اي قدام الناس والجيران وبنتنا قتالة قتله ومجرمه..

ممدوح:متقلقيش هلاقي شقة تانيه بعيد عن هنا نسكن فيها المهم انتو تكونو مرتاحين وفي امان..

نور بسخريه:مرتاحين اوووي يا بابا اعتقد انى من يوم ما جيت حياتكوا وانا مش مرتاحه للاسف سور السعاده عندنا بيتهد قبل ما يكمل ..

بصت لسليم بشفقه:اللي صعبان عليا في اللعبه دي كلها سليم اللي لللاسف ملهوش اي ذنب أنه يتولد لاب وأم غير سويين كدا…يا تري هيشوف اي في حياته وهيحس بايه لما يعرف اللي بيحصل دا

ممدوح:أن شاء الله سارة هتطلع مظلومه..

نور :هه انت لسه عايش في الوهم دا …

_لازم اعيشه علشان متعبش يا بنتى للاسف

عند يحيي..

كان بيبكي قدام صورها :لي عملتى كدا لى كسرتيني لى هونت عليكي لى استغلتيني واستغليتي مشاعري لى خدعتيني ياريتك كنتي فضلتي ميته في نظري عالاقل كنت هحترمك وهفضل عايش عالزكريات الحلوة اللي بينا بس دلوقتي خلاص انتى قطعتي ودمرتى كل حاجه بايدك للاسف..

قرب وخد الصور وكسرها كلها بغضب ولما وحطها في برميل وولعها..

_من النهارده هشيلك من قلبي ومش هيفضل اي حاجه تربطني بيكي كل حاجه انتهت يا سارة كل حاجه انتهت…

كانت قاعده في شقة وكأنها مستنيه حد..

لقت حد داخل عليها

_ها عملت اي

_كل حاجه تمام يا ست هانم المركب هتقوم بكرا الصبح الساعه ٧ ودا الباسبورت ودي الفلوس والباقي اتحول على بريطانيا..

_شكرا يا مجدي بجد مش عارفه اقولك اي

_كله من خيرك يا ست هانم أنا هسيبك بقى تنامى والصبح هجيلك قبل ميعاد السفر اوصلك..

_ماشي شكرا يا مجدى…

مجدي خرج وهى قعدت مكانها وضحكت بانتصار

_اخيرا ههرب ومحدش هيعرفلي طريق..

وضحكت وهي بتتخيل صدمتهم لما عرفوا انها هربت

_معلش يا يحيي يا حبيبي معرفتش احافظ على اللي فاضل بينا اصلى مش هتسجن يعنى ونفضل عايشين في قصة الحب الاسطوريه العظيمه دي اسفه مش هضيع الباقي من عمري في السجن..

وبصت التذكره:في مكان احلى مستنيني..

وبالفعل سافرت والكل عرف بعدها بفتره كبيره وجمال شال كل التهم لوحده واتسجن ٢٥سنه بس دي مش النهايه دي لسه بداية القصه اللي منتهتش ولسه نهاية سارة متكتبتش بس صدقونى نهايتها هتبقى صعبه اووي…

ممدوح خد عيلته وعزلو في مكان بعيد وساعدهم يوسف ويحيي أنهم يسكنوا في عماره قريبه منهم…

في يوم كانت نور نازله على الكليه ووقفت تستنى تاكسي علشان تروح الجامعه بس ملقتش..

_يوووه يعنى اليوم اللي أقرر اروح فيه الجامعه يبقى نحس كدا ..

في الوقت دا كان يحيي نزل من العماره وقرب منها بابتسامه..

_صباح الخير

نور ببرود:صباح الخير

_شايفك مستنيه لو رايحه الجامعه تعالى اوصلك معايا

_لا أنا هستنى عاجبنى الوقفه هنا

رفع حاجبه واتفاجئ من برودها:طيب بس اعملى حسابك انتى لو محضرتيش النهارده زي كل يوم هتشيلي الماده يا نور ودا وعد منى علشان انا مش بحب اللي يستهتر بيا وبمادتى

نور بتحدي:بلها واشرب ميتها ميفرقش معايا مش يتهدد..

_ماشي يا نور ..

قرب من عربيته وركبها بعصبية ومشي..

نور في سرها:يخربيت حلاوة امك يا شيخ..

نور لا كرامتك يا حبيبتي انتى ناسيه أنه رفضك ناسيه أنه جرحك لا فوقى كدا ومتتردديش لحظه..

يوسف كان نازل في الوقت دا وشافها..

ابتسم وقرب منها:صباح الخير

نور بابتسامه:صباح النور..

يوسف:لو رايحه الجامعه تعالى اوصلك في طريقي..

نور :مش عوزا اعطلك

_يستي ولا عطلة ولا حاجه تعالى يلا

نور ركبت معاه

_عامله اي وسليم عامل اي

_كويسه الحمد لله وانت عامل اي

_اهو ماشي الحال

_ربنا معاك

_يارب ومعاكى…

من ساعة اللى حصل ونور علاقتها مع الكل سطحيه حتى مع ابوها وامها هى مريم بس اللي بتتعامل معاها عادي …

وصلت الجامعه ونزلت من العربيه بتاعت يوسف:شكرا يا يوسف

_عادي يا بنتى احنا صحاب

نور بفرحه:بجد

_والموضوع إياه

_تقدري تقولى كنت متسرع في قراري شويه على حبة لغبطه حصلت كدا فوقتني لنفسي وقالتلي انت يا ابنى مش بتاع حب انت بتاع الوطن

نور ضحكت:أنا مبسوطه يا يوسف انك اتقبلت الموضوع كدا

_وانا هبقى مبسوط لو رجعنا صحاب زي الاول

_وانا موافقه

_تمام يلا بقى ادخلى وهبقى اكلمك بعدين سلام

_سلام..

يحيي كان واقف وبيبصلها بعصبية وهى شافته بصتله ببرود ودخلت من غير متديله اهتمام لكن فرحت من جواها على نظرته دي واستغربت طريقته معاها مش عارفه تفسرها..

قربت من مريم اللي حضنتها:يااه اخيرا الواحد شافك

_انتى هتستهبلي انتى لسه شايفانى امبارح

_على فكرة دكتور يحيي بيسألنى عليكي دائما

_ينفلق اعمله اي عاوز يشيلنى الماده يشيلنى..

_عادي كدا يبنتى حرام عليكي مهو ياما تضيعي السنه ياما الراجل مش الاتنين كدا متبقيش كحيانه

_ست مريم هانم بتتكلم اللي كل يوم ترفض كام عريس

_يووه يا نور منا مش عوزا اتجوز كدا أنا

_اه منا عارفه عوزا فارس عالحصان الابيض يا شيخه اتلهى..

عارفه لولا انى متنيله على عيني كان زمانى متجوزه ومعايا عيل..

_على اساس انك مدياله ريق من ساعة اللي حصل أنا مش عارفه هوا اي دخله في الموضوع

نور بحزن: الموضوع يخص كرامتى ويخص قلبي اللي اترفض يا مريم وانا مش واحده مستغلية للظروف علشان ساره مشيت أنا اخد مكانها بسهوله كدا واعمل نفسي متقبله الموضوع أنا مش مدلوقه يا مريم أنا واحده عندها مشاعر وعمري ما هعترف بيها الا لما اتاكد من مشاعره هوا الاول واتاكد أن سارة فعلا بقتش في حياته..

_عندك حق يا نور ..يلا بقى أنا هدخل المحاضره اللي انتى غضبانه عليها دي وشكلك والله اعلم هتشيلي مادتها..

_عادي ولا يهزنى

_ماشي يختى لما نشوف آخرة عنادك دا اي

_اخرته عسل بس اصبري..

_هه ماشي

يحيي دخل المحاضره وبرضو ملقهاش اتنهد بتعب من عنادها اللي مش عارف اي سببه واخرته اي…

خلص المحاضره وخرج يدور عليها لازم ينهى المهزله دي..

كانت قاعده في الجنينه بتسمع اغاني لقته واقف قدامها..

شالت الهاند فري وبصتله

_عاوز اتكلم معاكي يا نور

نور ببرود:مفيش بينا كلام علشان نتكلم

_تمام بس بخصوص المحاضرات اللي مش بتحضريها دي اي

_ملكش دعوة واتخذ اي اجراء انت حابه ..

قرب منها :انتى لى عنيده ولى بتتعاملى معايا أنا بالذات بالاسلوب دا

_ععادي يعنى..

_والله بتتهربي منى لي يا نور لى رفضتي تركبي معايا وركبتى مع يوسف لى بتكلميني ببرود كدا أنا عملت اي

_معملتش حاجه

_امال اي

_عادي

_اخر فرصه يا نور المحاضره الجايه لو ملقتكيش قاعده في أول بنچ مش هعمل اعتبار لابوكى وهسقطك بس المره دي في كل المواد انتى فاهمه..

سابها ومشي وهوا متعصب من تصرفاتها مش عارف لى مضايقاه كدا…

نور:هوا كان بيهددني دلوقتي لا أنا مبتهددش..بقى بيهددني ابن ابن الحلوة دا والله.لاوريك يا يحيي..

ابتسمت بخبث وراحت تجاه العربيه بتاعت وفضلت تبص حواليها علشان محدش يشوفها ووطت علشان تفضى الكوتش بتاع العربيه بدبوس ولكن.

_انتى بتعملى اي هنا..

رواية الحب الروحاني الفصل الخامس عشر

_انتى بتعملى اي هنا..

نور بصدمه وقفت وبصتله كان واقف بغموض وبيبصلها باستفهام..

نور كانت ساكته ومتوتره مش عارفه تقوله اي !

يحيي قرب منها:اي موقفك جنب عربيتي ..

نور:أنا أنا كنت كنت اه كنت بربط رباط الكوتش اصله فك منى وانا ماشيه..

يحيي بغموض: اممم وملقتيش الا عربيتي تقفى قدامها..

نور بعصبية وهى بتتوه الموضوع:هى دي عربيتك يعنى مكنتش عارفه لو كنت اعرف مكنتش وقفت جنبها..

يحيي بعصبية:نور اتكلمى بأسلوب احسن من كدا والا

_والا اي يعنى هتعمل اي اكتر من انك هتسقطنى..

_ولو فعلا مجتيش بكرا وكنتى اول واحده قاعده في المحاضره هتسقطي يا نور وانا مش بهزر ماشي

وبعدين قرب من عربيته ولبس نضارته وركب وبصلها ومشي وهوا متعصب منها ومن تصارفتها اللي مجنناه ومش عارف هى

لى بتتصرف معاه هوا بالذات كدا..

نور راحت بعصبية لمريم اللي كانت قاعده بتشوف دفتر المحاضرات..

_هوا لى حاططنى في دماغه أنا مش فاهمه هوا عاوزنى احضر محاضراته بالعافيه ..

مريم تجاهلتها نور بعصبية:ممكن تسيبي الكشكول دا يا ست الدحيحه وتردي عليا

مريم:عاوزانى اقولك انك غلطانه يعنى وأنه كدكتور من حقه يعمل اكتر من كدا طالما الطالبه اللي عنده مستهتره؟

نور:انتى عارفه انى متضايقه منه

_لى يا نور متتجاهليه زي ما هوا تجاهلك الاول وارجعى نور بتاعت زمان اللى كانت بتتنافس على المركز الأول في كل حاجه اللى مكنش بيهمها حد عامليه كأنه دكتورك وبس..

نور بصت للفراغ بدموع مريم عندها حق هوا حتى مهما حصل مش هيقدر ينسى ساره ولا هيفكر فيها من منظور تانى زي ما هي مفكره وهى في كلتا الحالتين.خسرانه علشانه ممكن فعلا تضيع سنه من عمرها بسبب عنادها ف مريم عندها حق لازم تفوق وتبص لنفسها ولمستقبلها وتركن كل حاجه على جنب …

_عندك حق يا مريم أنا محتاجه افوق وارجع بس اللى مريت بيه مش سهل

مريم مسكت ايديها:أنا عارفه انك مريتي بأصعب ظروف بس صدقيني المسأله مسألة وقت وهتعدي انتى مش عارفه بكره مخبيلك اي ولا عارفه النصيب هيوديكي فين ثقي في ربنا يا نور ومتعانديش على حساب نفسك وفوقى ..

نور اتنهدت:حاضر هفوق صدقيني من بكرا هتشوفي حمادة تاني خالص

_متأكده

_امال اي تتح لما بيوعد بيوفي ولا اي

مريم بضحكه:ف دي عندك حق يلا يا قمر خلينا نروح ..

_يلا يا قمرين انتى يا جميل

_هههههه مجنونه..

نور وصلت على البيت وكان الكل متجمع كالعاده وسليم بيلعب ..

قربت من سليم وباست رأسه:حبيب خالتو عامل اي

سليم ابتسم:أنا تويس خالص

طلعت من ايديها شيكولاته وادتهاله:خد يا حبيبي

سليم حضنها:أنا بحبك اووي يا خالتو

نور بدموع:وانا بموت فيك يا حبيبي يلا روح العب ..

سليم هز رأسه ومشي ..

نور وقفت وقرب منها ممدوح:رغم كل اللي حصل الطفلة اللي جواكى لسه مامتتش يا نور

_سليم السبب انها تفضل موجوده يا

_يا اي يا نور انتى بقالك فتره كبيره مخصمانى أنا آسف يا بنتي مكنش قصدي كل دا يحصل ولا كنت اعرف انها بالشر دا انا اسف انا عارف انى اكتر واحد اذيتك بس كفايه بقى خلينا نرجع زي زمان عيلة مترابطه مفيش حاجه تهزنا وانتى كمان ترجعى تحكيلي كل اللي بيضايقك موحشكيش حضني ولا الكلام معايا يا نور..

نور بصتله بدموع:انا بحاول اتعافى من جرح عيشته سنين فأرجوك سيبنى على راحتى متقلقش في يوم هرجع تاني وهتلاقيني مرمية في حضنك …

عن اذنك …

دخلت اوضتها المكان اللي بتستخبى فيه من كل اللي واجعها وكل اللي تاعبها المكان اللي بيمثل ليها الامان في البيت دا بعد كل اللي حصل بطلت تتكلم مع اي حد بقت لوحدها وهم موجودين …

مسكت تليفونها وفتحته على صورة يحيي دموعها بدأت تنزل وشريط حياتها بيتكرر قدام عينيها وسارة واللي عملته معاهم ورجوعها وكل حاجه وافتكرت احلامها اللي عرفتها على شخص مجهول وخلتها تحبه وتتعلق بيه بس متعرفش لي لحد دلوقتي مش شايفه اي حاجه منه تجاهها قفلت الصورة بحزن:أنا شكلى اتسرعت في الحكم على قلبي أنه حبك يارب ما يخيب ظنى في قلبي يطلع فعلا في إشارة من الاحلام اللي مش بتخلص دي!!

كان قاعد في الأوضة بتاعته متعصب وبيفتكر اللي حصل واللى عملته النهارده ولحد دلوقتي مش فاهم هى لى بتبعد عنه ولى بتتصرف معاه كدا…

يوسف في الوقت دا دخل بمرح ..

_يلا يا يحيي علشان العشاء محضرلك عشوة تاكل صوابعك وراها على الله يطمر ..

يحيي بصله وهوا مستغرب تغيره المفاجئ بعد ما كان مش بيتكلم مع حد..حس أن الموضوع فيه نور فقرر يسأله .

_يوسف هوا انت اتكلمت مع نور النهارده..

_اها قابلتها الصبح ووصلتها لى بتسأل لى..

_لا ابدا مفيش حاجه

يوسف بخبث:على فكره انا ونور بقينا صحاب وبس يعنى مفيش بينا حاجه

يحيي :اي بجد قصدي يعنى ازاي هوا مش انت كنت بتحبها..

يوسف:مفيش يا سيدي أنا شوفت انى اتسرعت في قراري واللي كان تجاه نور اعجاب وبس مش حب أنا اللى كنت مكبر الموضوع وغير كدا انت عارف ان قلبها مع حد تاني …

يحيي اتوتر :للاسف دا اللى مزعلنى يا يوسف وحاسس انى السبب في كل اللى حصل..

يوسف قرب منه وحط أيده على كتفه:انت تعبت في حياتك يا يحيي ولازم تفوق وتكمل حياتك ومتحطش في اعتبارك اي حد اسمع قلبك بيقولك اي وامشي وراه وصدقنى مش هتندم ..

واللى متأكد منه أن نور بتحبك وخسارة كبيره لو خسرت قلب زي نور ..

_انت عارف انى مشيت ورا قلبي لحد مانت شايف بعينك اللي حصل مش عاوز اللى حصل يتكرر تاني

_انا عاوز اقولك أن نور استحاله تبقى سارة نور مختلفه بقلبها وطيبتها وعفويتها وكمان جريئه وقويه وانا لو مش شايف انها اكتر واحده مناسبه ليك مكنتش قولت الكلام دا وباعتباري ظابط مخابرات فقادر اعرف الكويس من الوحش لأن دي شغلتى..

_بس انت..

_انا قولتلك اللي جوايا وأنه كان مجرد اعجاب بشكلها انت عارف انى طايش ومتقلقش لسه مجتش اللي تخطف قلب اخوك الوحش..

_ههههه مجنون

_طب يلا بقى علشان بطنى بدأت تصوصو يرضيك

_لا يا اخويا يلا قوم ناكل ..

تانى يوم دخل المحاضره دور عليها ..

ابتسم لما لقاها فعلا قاعده في أول بنچ اتنهد براحه بس اتصدم لما لقى شاب قاعد جنبها …

مسح على وشه بغضب مش عارف لى بقى يتعصب منها ومن تصرفاتها اللى بقت مجنناه..

يحيي:انتى يا انسه قومى

نور بصتله باستغراب وقامت

_نعم يا دكتور

بص على المدرج كله واخيرا لقى مكان جنب بنت

_روحى اقعدي هناك

_نعم!!مش فاهمه؟وبصت لمريم اللي هزت كتافها انها مش فاهمه حاجه..

_هوا اي اللي مش مفهوم في كلامى اتفضلي زي ما قولتلك اقعدي هناك.

نور بعصبية:هوا احنا في حضانه هنا هوا اي دا

_متزعقيش يا انسه ولو مش عاجبك كلامى اتفضلي برا ومتحضرليش محاضرات بقيت السنه..

نور لسه هتتكلم مريم مسكت ايديها وسكتتها..

مريم بهمس:ارجوكى عدي اليوم

نور اتنهدت وقامت بعصبيه وقعدت في المكان اللي قال عليه ..

فااتنهد وبدأ شرح ونور طول المحاضره بصاله بعصبية وبتتنفخ..

بعد المحاضره..

الكل خرج وهى وقفت قدامه

نور بعصبية:أنا مش هسمحلك تكلمنى بالطريقه دي وتتحكم فيا ..

يحيي ببرود:براحتى..

_بصفتك اي

_بصفتى هبقى جوزك أن شاء الله…

رواية الحب الروحاني الفصل السادس عشر

بعد المحاضره..

الكل خرج وهى وقفت قدامه

نور بعصبية:أنا مش هسمحلك تكلمنى بالطريقه دي وتتحكم فيا ..

يحيي ببرود:براحتى..

_بصفتك اي

_بصفتى هبقى جوزك أن شاء الله…

نور بصتله بصدمه وقلبها بدأ يدق بقوة لدرجة أنها خافت أنه يسمع دقات قلبها بس قررت انها تجننه الاول ومش هتوافق بسهولة..

_جوزي ازاي يعنى ومين قالك اصلا اني موافقه .

_هتوافقى يا نور

_لا طبعا مش بمزاجك مش كل حاجه بمزاجك..

_ومين قالك أنه هيكون بمزاجى هوا هيكون بمزاجك انتى وانتى اللي بنفسك هتوافقي..

_هه دانت بتحلم عن اذنك علشان مش فاضيه للكلام دا..

وسابته ومشيت …

وهوا فضل باصص في اثرها بابتسامه :أنا عارف انك هتجننيني يا نور بس معلش كله يهون علشان قلبك دا يكون ملكى …أنا استاهل علشان محستش بيكي زمان وكنت قاسى على نفسي اووي وبسبب كدا قسيت على جوهرة زيك ..

نور خرجت ووشها احمر من الكسوف عوزا الأرض تنشق وتبلعها اخيرا نطقها اخيرا قال إنه هبتجوزها وهتبقى مراته…

راحت لمريم اللي شافتها بتكلم نفسها

مريم بضحك:انتى مالك كدا يا بنتى انتى بتكلمى نفسك

نور بهيام:اصله قالها

_هوا مين وقال اي

_قال انى هبقى مراته يا مريم تخيلي!!يحيي نطق خلاص بقالى تلات شهور عالحال دا واخيرا نطق..

_يبنتى هوا انتى لاقيه كرامتك في كيس شيبسي هوا مش انتى قولتى انك هتبعدي عنه ومش هتكلميه ولا ليكي دعوة بيه ولسه متخانقه معاه وكنتي واقفه دلوقتي علشان تتخانقى معاه؟؟

_مهو مهو فاجئني بس انا اي وقفت قدامه كدا بقوة وقولتله مش موافقه ..

مريم هوا ممكن ياخد كلامى جد وميتجوزنيش فعلا..

_يارب صبرني عالبت دي علشان هقتلها عديمة الكرامه دي يا سهله..

_انا سهله يا مريم ..

_اه يا قلب مريم سهله وغوري من وشي علشان ملعبش فيه البخت ..

_طيب أهدى وقوليلي اعمل اي أنا كدا كدا مش هوافق بسهوله..

_ودا المطلوب لازم تلففيه حوالين نفسه علشان يعرف قيمتك ويحس أنه مش هياخدك بسهوله وانك غاليه ..

_اه..

_حسسيه أنه ميفرقش معاكي والكلام اللي قاله دا عادى بالنسبه ليكي

_اه

_حسسيه أن رفضه ليكي زمان قطع رابط كبير اووي من ناحيتك وانك مش بسهوله ترجعى تربطي الرابط دا وانك قلبك انكسر بسببه..

_اه

_عامليه بجمود وبطريقة جافه علشان يحس فعلا أنه خسرك وخسر الجوهرة اللى جواكى

_اه

مريم ضربتها على رأسها :هوا اي اللي اه انتى هتنفذى الكلام دا ولا لا

_يبنتى بأكدلك انى فاهمه وهعمل كدا متقلقيش أنا مستحيل أضعف قدامه..

_اتمنى متضعفيش مع انى شاكة

_عيب عليكي

_ربنا يستر ..أنا هقوم اروح علشان عندنا فرح في البيت

_فرح مين يا نادله

_فرح بنت عمى يا اختى بنت المحظوظه النهارده خطوبتها على دكتور كدا مش عارفه بتاع مسالك ولا اي هه بس سبحان الله الاتنين غتتين زي بعض

_وجيتي لي النهارده

_مانتى عارفه اني بستلطفهاش وانتى عارفه أن ماما لما بتصدق تشوفنى في البيت

_اها روحى يا مريم تعالى يا مريم اعملى يا مريم..

_ومريم زهقت والله امتى يجي قرة عيني بقى وينتشلنى من اللى أنا فيه دا ..

_هوا مش مسافر يا بنتى ولسه قدامه سنه عقبال ما ييجي..

مريم بدموع:مهو دا اللى مخليهم كلهم يتحكموا فيا ويعملوا اللي هم عوزينوا وانا مضطره اسكت علشانه

_هوا مش طلب ايدك قبل ما يمشي وبعدين هوا مش غريب دا ابن خالتك

_ولو يا نور هم عندهم أن مفيش لسه حاجه رسميه ولولا انى واقفالهم كانو نفذوا اللي في دماغهم وجوزوني اى حد. بس اللي مفرحنى أن خالتو واقفه معايا وبتحبنى وهوا كمان بيحبنى ..

_ربنا يرجعه بالسلامه وافرح بيكي بقى

_يارب يا نور غيبته طولت اووي وحشني..

نور حضنتها وطبطبت عليها لأنها عارفه قد اي هى بتحب طارق ابن خالتها اللي مسافر بقاله خمس سنين علشان يشتغل ويقدر أنه يأسس ليهم بيت …

مريم قامت :أنا همشي بقى يلا سلام حضنت نور ومشيت ونور بصت في اثرها بدموع..

_ربنا يريح قلبك يا مريم..

“فات من عمري سنين وسنين شفت كتير كتير وقليل عاشقين اللي بيشكى حاله لحاله ….واللى بيبكي على مواله….اهل الحب صحيح مساكين صحيح مساكين اهل الحب صحيح مساكين صحيح مساكين”

كانت قاعده بتسمع الاغنيه واتبعتلها رساله على التليفون…

“ياما عيون شاغلونى لكن ولا شغلونى الا عيونك انت دول بس اللي خدونى خدونى وبحبك امرونى ♥️”

كانت رساله من يحيي ابتسمت بسعادة ولسه هترد افتكرت كلام مريم انها لازم تتقل ومتديلوش اي اهتمام..

_ماشي يا يحيي أنا هوريك…

كانت قاعد في البلكونه وبيسمع ام كلثوم…

يوسف دخل ومعاه اتنين قهوة:يا سيدي يا سيدي شكل الحب دق بابنا من جديد وخلاص العقده هتنفك..

_شكلها هتجننى يا يوسف مش هتستسلم بسهوله أنا عارف..

_وانت كمان متستسلمش بسهوله نور شخصيتها جميلة جدا عندها كبرياء ومستحيل تتنازل بسهوله ف لازم انت اللى تحاول ومهما حصل متستسلمش عاوزك تستمتع وانت بتخوض التجربه دي وكأنك اول مره تحب ولازم تشوف نور من منظور تاني غير انها بتحبك وعاوزاك شوفها من ناحية قلبك وشوف هوا عاوز اي …

يحيي ابتسم وبصله:انت كبرت اووي يا يوسف حاسس انك مش ظابط حاسس انك دكتور نفساني ..

_يعم مش للدرجادي بس اهو ملقناش حظنا في الحب بنساعد غيرنا على الله يطمر وتسمى اول عيل على أسمى.

_مش لما اتجوزها الاول

_هتتجوزها متقلقش لو عاوزني اخطفهالك أنا معنديش مانع..

_هههه لا يعم مش للدرجادي نور عاقله وهتوافق بالذوق..

_اههههه منا عارف..

أنا هقوم انام علشان عندى مهمه الصبح …

_ماشي ربنا معاك…

عند مريم…

كانت قاعدة بعيد عنهم كلهم حاسه ان في حاجه ناقصه في وجودهم !!

اتنهدت بحزن وبصت في الارض بتداري دموعها…

_تسمحيلي اقعد هنا..

ملامحها اتغيرت واتعصبت ورفعت راسها ولسه هتزعق شافته وهوا واقف وعلى وشه ابتسامه هادية زي عادته قلبها قام من مكانه قبل رجليها ..

_طارق !

_قلبه وحشتيني يا مريم ..

مريم اتكسفت وبصت في الارض

_لسه بتتكسفى يا مريم

_انت مش قولت هتقعد ست سنين..

_مقدرتش اقعد اكتر من كدا مقدرتش استحمل ابعد اكتر كفاية بعد بقى …

مريم دموعها نزلت :انت انت حقيقي واقف قدامى ولا بيتهيألى…

_لا يستى واقف قدامك وارجوكى متعيطيش علشان مكتبش الكتاب دلوقتي واخدك في حضنى قدام الناس دي كلها..

مريم وهى بتمسح دموعها زي الاطفال:خلاص اهو ..

_انتى زعلتى انى هكتب الكتاب.. للدرجادي مش بتحبيني

مريم بسرعه:لا لا والله مش قصدي أنا أنا..

طارق ضحك وقرب منها :وانا كمان بحبك ..

مريم ابتسمت وبصت في الارض …

طارق راح عند ابو مريم وبعدها قرب من مريم..

وركع قدامها وطلع علبه قطيفه وفتحها كان فيها خاتم جميل اووي

مريم اتفاجئت وبصت لخالتها اللي بصتلها بفرحه وسعاده باينه على ملامحها وهزت راسها ليها انها توافق..

_تتجوزيني يا مريم

_موافقه طبعا موافقه ..

_لبسها الخاتم والكل سقف ليهم والخطوبه بتاعت بنت عمها اتحولت لخطوبتها هى كمان…

عند نور..

كانت خارجه تشرب ميه ولقت ابوها قاعد وشكله تعبان..

_احم في حاجه..

ممدوح يصلها:لا مفيش يا بنتى..

نور :ماشي..

دخلت تشرب وخرجت لقته ماسك قلبه ..

نور قربت منه بسرعه:مالك انت خدت الدوا..

_خلصان..

_طيب أنا هنزل اجيبه أهدى أنا جايه..

ولبست بسرعه ونزلت..

يحيي كان واقف في البلكونه وشاف نور خارجه من العماره وماشيه ناحية اول الشارع..

_رايحه فين المجنونه دي في الوقت دا…

كانت ماشيه بسرعه وفجأة طلع قدامها شابين ..

_الحلوة رايحه فين

_وسعوا من طريقي لو سمحت

_تؤ يا حلوة

طلعت الموبايل:خدو دا اللى معايا ولو سمحتوا ابعدوا

الشاب بوقاحه:لا احنا مش عاوزين الموبايل احنا عاوزين اللي شايله الموبايل..

نور بعصبية وهى بترفع ايديها تضربه:يا وقح يا قليل الادب..

الشاب بعصبية:انتى قد القلم دا ..

ولسه هيمد أيده عليها لقى اللي بيزقة على الأرض وبدأ يضرب فيه..

رواية الحب الروحاني الفصل السابع عشر

الشاب بعصبية:انتى قد القلم دا ..

ولسه هيمد أيده عليها لقى اللي بيزقة على الأرض وبدأ يضرب فيه..

نور انصدمت لما شافت يحيي هوا اللى بيضرب الولد دا فرحت اووي من قلبها وبدأت تبصله بهيام وبتبنى معاها أحلامها..!!

يحيي خلص ضرب فيه ووقفه وهوا بيبصله بعصبية:بتمد ايدك عليها يا ر*ح ام؛ك دانا هوريك..

نور بسعاده:اخيرا لقيت اللي يدافع عنى..

يحيي بصلها بعصبيه وغضب خلوها تسكت …

قرب منها بعصبية:انتى اي خرجك في وقت زي دا..

نور افتكرت أن ابوها تعبان قامت صوتت في وشه :عااااا بابا بابا تعبان اووي أنا لازم اروح اجيبله الدوا..

يحيي اتعصب واتصل باخوه علشان يجي وبعد شويه يوسف جه وابتسم لنور اللى بادلته الابتسامه:ازيك يا نور في اي..

نور:مفيش اصل كان في حرامى كدا متشغلش بالك المهم انت عامل اي..

يحيي بغضب ممزوج بغيرة:نعم يختى !!!انتى هبلة !هوا اي اللي ميشغلش باله وعامل اي !!اجيبلكوا شجرة واتنين لمون..

الشاب الحرامى:اعتقنى أنا يا باشا وخلينى امشي أنا غلطان انى ثبتها من الاول مكنتش اعرف انها مجنونه كدا..

يحيي بعصبية:اخرس يلا

_حاضر..

يوسف همس لنور:شكله غيران البيه

نور:تفتكر..

_انتى عامية !

_لا جعانه..

يوسف:اه قولتيلى

يحيي :انتى بتتوشوشوا في اي اخلص يبنى وخد الواد دا وانتى يا أبلة تعالى نجيب العلاج واروحك…

نور:ولى انت متاخدش الحرامى ويوسف يوصلنى..

يوسف كتم ضحكته ويحيي اتعصب اكتر:امال يوسف ظابط لى !! وبعدين انتى عوزانى ارتكب جريمه النهارده بسببك.

نور بكبرياء:وانا مش ماشية معاك وهمشي لوحدي يلا سلام سلام يا يوسف

يحيي قرب منها وشدها من ايديها:انتى عارفه لو كلمتى حد غيري هعمل فيكي اي..

_ميخصكش وبعدين انت مالك ..لا بقولك اي خليك في حالك انا بقولك اهو..

يوسف بضحك:الظاهر انك مش ناويه تنقذي ابوكى النهارده يا نور روحى مع يحيي وانا هشوف شغلى معاه يلا ..

نور:علشان خاطرك انت بس يا يوسف

_تسلمى..

يحيي:نينييييي ..وبص ليوسف بعصبية:لما اروحلك بس

_وانا عملت اي..

_اصبر لما هاجى هعرفك..

يوسف خد الحرامى ويحيي مشي مع نور لحد الصيدليه اللي على اول الشارع وكان الصمت هو سيد المكان وبعدين وصلها تاني لحد العمارة بتاعتها..

وطلع معاها واتطمن على ابوها وقاله لما يكون في اي حاجه او تعبان يتصل بيه وهوا هيجيله في اي وقت بس ميخرجش نور تاني في وقت زي دا…

خرج من باب الشقه ونور وراه وقف وبصلها..

يحيي:مش عوزا تقولى حاجه..

نور :لا

يحيي:نور متختبريش صبري

نور بصتله بعصبية:مش فاهمه يعنى هتعمل اي..

يحيي قرب منها وهمس:لما نتجوز هقولك

_دا بعينك

_هخطفك

_هه برضو مش هوافق وجو الروايات دا مياكلش معايا ماشي ..

_خليكي فاكرة كلامك علشان انتى هتوافقي يا نور..

_لى بقى أن شاء الله

يحيي بهمس:علشان عنيكي بتقول انك لسه بتحبيني..

نور قلبها دق من قربه وحاولت تتمالك نفسها ودلوقتي عرفت أنه عاوز يتجوزها علشان هى بتحبه مش هوا اللي بيحبها !!

بصتله بعصبية:مبقتش احبك خلاص بح قلبي مبقاش يحبك

_كدابه

_لا مش كدابه

_طيب بس بكرا هثبتلك انك لسه بتحبيني ..

باي باي يا نوري..

سابها ومشي وهى باصة في طيفه بنظرة غريبه ممزوجه بفرحه وحزن نفسها يكون كل حاجه حقيقيه ويطلع بيحبها بجد مش بيشفق عليها علشان عارف انها بتحبه ..

عيونها دمعت ومسحتها:لا مش هسمحلك تنزلى تاني على حد كفاية كدا…

تانى يوم …

مريم قابلت نور وحكتلها اللي حصل وان طارق اتقدملها قدام الناس كلها ودلوقتي بقت خطيبته خلاص…

نور صوتت من الفرحه وحضنتها بحب : الحمد لله صبرك يا مريم صبرتي ربنا يتمم فرحتكوا يارب أنا فرحانه اووي انك خلاص قلبك ارتاح يا قلبي ..

‏_عقبالك يا نور وافرح بيكي بقى على اللي في بالي وبصت على باب الجامعه وكان هوا داخل ودور عليها بعيونه في المكان ولقاها واقفه مع مريم اللى كانو فرحانين اووي ونور باين عليها الفرحه ولأول مرة يشوف ضحكتها…

‏حس قد اي هى جميله لا بتضحك وقد اي ضحكتها جميله وقد هوا كان غبي لما محسش بحبها ليه من الاول..

‏نور بصت على المكان اللى باصة فيه مريم ولقته هوا واقف وباصصلها..

‏اتوترت وبعدين اتنهدت وبصت بعيد عنه …

‏وقالت:مش بيحبني ..

‏_انتى مش شايفه بيبصلك ازاي وكمان ناسيه أنه عاوز يتجوزك..

‏_شفقه!عاوز يشفق على قلبي اللي بيحبه..

‏_لا يا نور انتى عارفه كويس أنه لو فعلا مفيش مشاعر من ناحيته تجاهك مكنش عمره فكر أنه يطلب منك الجواز وانتى اكتر واحده عارفه كل اللي مر بيه..

‏_مش قادرة يا مريم مش متقلبه الفكره

‏_انتى مش بتحبيه ؟

‏_بحبه بس مش قادرة اتقبل أنه كان بيحبها أو لسه بيحبها مش يمكن عاوز ينساها بيا!

‏_كلامك صح وكل حاجه بس لي متديلوش فرصه وبعدها تحددي انتى عوزا تكملى ولا لا لو فعلا طلع كلامك صح..

‏_مش عارفه يا مريم بس مش عوزا اعلق نفسي بأوهام من جديد..

‏_لا يا نور أنا متأكده انها مش اوهام وبعدين مش دا حب الاحلام ولا اي..

‏_هه بتفكريني لي بس..

‏_مش دي الحقيقه..

‏_يستى فكك يلا بقى نحتفل علشان المناسبه السعيده دي والنحس اللي اتفك مرة واحده كدا..

‏_يلا يا اختى

‏_على حسابك

‏_ماشي المرة دي بس بعد محاضرة دكتور يحيي يلا

‏_مش عوزا

‏_يلا يا نور

‏_حاضر..

دخلو المحاضرة وهوا دخل وراهم على طول بس المرة دي بابتسامه..

يحيي:مصادفش انى اتعرفت عليكم أو اتكلمنا قبل كدا ف المحاضره دي هتكون أننا نتعرف على بعض وانا جاهز لاي اسئله…

كل الطلبه فرحوا والبنات بدأت تحضر اسئله

واحده رفعت ايديها ويحيي اذنلها:اتفضلي …

_حضرتك متجوز أو مرتبط..

عنيه وقعت على نور اللى كانت قاعده بتاكل ضوافرها بغيظ من سؤال البنت دا وبصتله بغضب علشان تشوف اجابته..

يصلها بابتسامه:مش متجوز بس قريب إن شاء الله هتجوز ..

وبص لنور اللي بصتله بتوتر وكسوف …

ابتسم وشاور لبنت تانيه تسأل:يا تري مين سعيده الحظ دي..

نور بهمس:سعيدة الحظ في عينك يا بعيده بومه!!

يحيي بضحك:قريب إن شاء الله هتعرفوا ..

البنت بهيام:يا بختها…

نور:سبيني عليها يا مريم اكلها البومه دى…

مريم همست لنور:شكله بيخطط لحاجه وحصلت

_ازاي يعنى

_عاوزك تغيري وانتى باين عليكي الغيره جامد أهدى ..

_انا هقوم اضرب البومه اللي قاعده هناك دي لو مسكتتش..

والمحاضرة خلصت على تبادل الاسئله سواء من المنهج أو برا المنهج ونور خارجه من المحاضرة على اخرها وعوزا تولع في يحيي والبنات اللي حواليه كلهم .

_هوا بيضحك على اي دا فرحان بيهم اووي كدا..

يحيي بصلها وابتسم وهى بصاله بغيظ ووشها احمر من الغضب..

في بنت كانت وراها وبتتكلم..

بتبص لقيتها نفس البنت بتاعت السؤال..

_دكتور يحيي دا قمر ودمه خفيف بجد يا بختها اللي هتتجوزه..هييييح مكنش يحبنى أنا …

نور:حبك برص انتى وهوا

البنت :نعم انتى بتكلميني انا؟

_اه يا حبيتي واتلمى كدا علشان الكلام دا مينفعش يتقال..

_لى انتى كنتي ولى امري..

_لا بس مبحبش اسمع الكلام المقرف دا..

_انتى قليلة الادب وبعدين انتى مالك

نور قربت منها:هى مين دي اللي قليلة الادب يا بومة

_انا بومه..

مريم كانت بتحاول تهدى نور اللى خلاص لما صدقت صوتهم بدأ يعلى ويحيي خد باله..

نور:انتى بتشتميني

طيب تعالى بقىى..

مسكتها من شعرها والكل اتجمع ويحيي زعق ونور بعدت عنها وبصتله بغيظ هى وهوا ومشيت ومريم وراها…

يحيي قرب منها وهى واقفه مع مريم بغضب:انتى اي اللي عملتيه دا انتى مفكرة نفسك فين انتى عارفه لولا انى اتدخلت كنتوا اتحولتوا للعميد والتحقيق..

_عادي ميهمنيش ولا هتلاقيك خايف عليها اه مانتو طول المحاضره كلام وضحك ونحنحه روحلها خليها تشبع بيك أنا اصلا مش بحبك ومش هوافق على الجواز وابقى شوف هتقولهم اي لما يسألوك فين اللى هتتحوزها ولا اقولك روح للبت دي شكلكوا لايقين على بعض..

يحيي كان باصصلها بابتسامه مريم بصدمه ..

نور سكتت بعد ما تداركت الكلام اللى قالته .وبصتله بدموع ومشيت وسابته…

_انسة نور..

_نعم!

_الورد دا علشانك

_من مين ؟

_معرفش واحد جه وقالي أنه ليكي

_تمام شكرا يا عم عبده

طلعت البيت وهى مستغربه من مين الورد دا

_يا ترى مين باعتك..

قربته ليها وشمته..

_بس جميل اووي وكمان الالوان اللى بحبها..

ابتسمت:معقول يكون هوا اللى بعته..

كشرت:بس هيعرف منين انى بحب الورد دا …

يلا ايًا كان مين بعته فا شكرا جدا جدا ..

طلعت ودخلت اوضتها وحطت الورد ..

لقت رسالة مبعوته منه”جهزي نفسك يا وردتى علشان قراية فتحتنا النهارده وهتوافقي أن شاء الله بدل ما اجى افتح دماغك♥️”

نور :طيب يا يحيي هنشوف مين اللي هيكسب الحرب دي أنا ولا انت ..

رواية الحب الروحاني الفصل الثامن عشر

كانت في الاوضه رايحه جاية بتوتر بعد ما لبست وجهزت نفسها ..

_يا تري بيقولو اي برا …طب وانا مالي مش هديله اي اهتمام أنا اصلا مش بحبه..

عيونها دمعت:اسكتى أنا اصلا كنت مستنيه اليوم دا ييجي من زمان ..وقالت بتحدي :بس برضو مش هوافق بسهوله ولازم الففه حوالين نفسه…

سليم دخل :نور نور عمو يحيي جه برا وبيقول أن هوا عاوزك

نور ابتسمت ونزلت لمستواه:احكيلي يا حبيبي اي اللي حصل..

سليم :عمو يحيي قاعد مع جدو وبيقولو أنه عاوز يتجوزك وأنه مش هيزعلك وأنه عاوزك تكملى معاه حياته..

نور ابتسمت بسعاده وطلعت الشيكولاته اللي وعدت بيها سليم وادتهاله:خد يا حبيبي علشان طلعت شاطر وعملت اللي قولتلك عليه..

سليم ببراءه:هروح اسمعهم تاني وتديني شيكولاته

نور:لا يا حبيبي ومتعملش كدا تاني علشان عيب

_وانتى خلتيني اعمل كدا لى

_علشان علشان..

في الوقت دا جه ابوها..

_نور ..

نور وقفت وبصتله بتوتر:نعم

_اظن انك عارفه يحيي جه النهارده لى وبص عليها وعلى شكلها:ومن الواضح جدا انك موافقه ومرحبه …

نور بتوتر:أنا أنا لا أنا مش عارفه ومش موافقه

_من غير حتى ما تقعدي معاه ..

_انت عارف أنه كان بيحبها..

_عارف بس دا كان وهوا دلوقتي عاوز يبدأ حياته من جديد معاكى انتى كلنا اتظلمنا ومرينا بظروف صعبه واتخدعنا ف انتى متحكميش على الكتاب من غلافه مش يمكن فعلا نسيها وبيحبك..

_مش عارفه

_طالما مش عارفه يبقى تقعدى معاه وتسمعيه..

اتنهدت وبصتله وحست إنه عنده حق ولازم تقعد معاه وتسمعه الاول …

_حاضر هقعد معاه…

_عين العقل يا بنتى..

خرج وخرجت وراه

يحيي ابتسم لما شافها وهى كانت باصه في الارض وساكته…

ام يحيي ابتسمت لما شافتها :ما شاء الله زي القمر يا حبيبتي اخيرا هفرح بيحيي تعبنى اووي الولد دا فرحت اووي لما قالى ان في بنت عاوز يتقدملها كنت عوزا ازغرط من الفرحه..

الكل ابتسم ونور ارتاحت اووي لام يحيي ويحيي مبتسم ويوسف همسله..

:امك ناقص تقوم ترقص من فرحتها بيك دا لو أنا مش هتبقى فرحانه كدا يسهلو يا عم وشكل نور موافقه كمان..

_قر بقى والنبي يا يوسف أنا ملصم الدنيا بالعافيه متخربهاش يعنيك دي

_انا دانا غلبان

_منا عارف..

ام يحيي:نسيب بقى العرسان لوحدهم..

نور اتوترت ووشها احمر من الكسوف كانت نفسها تمسك ايد ابوها وتقولو لا متسبنيش معاه..

يحيي ضحك علشان عارف اللي بيدور في بالها

_احم ازيك يا انسه نور أنا يحيي..

نور بصتله بعصبية:والله انت بتهزر

_مهو انتى اللي ساكته قولت انكشك كدا..

_لى هوا أنا طفلة

_هوا أنا مقولتلكيش

_اي!؟

_انك اجمل وارق طفله شوفتها في حياتى..

بصتله بسخرية:ويا ترى كنت برضو بتقولها الكلام دا..

_اه كنت بقولهولها..

_وبتقولها في وشى

_اضلك يعنى

_لا

_امال عوزا اي

_مش عوزا

_بصي يا نور كل الناس واي حد كان عارف انى بحبها لانى فعلا كنت بحبها بس بعد اللى حصل وبعد ما عرفت اللي عملته واللى بتعمله رجعت وفوقت لنفسي وعرفت قد اي أنا كنت غبي لما رفضتك ولما رفضت حبك ليا لانك تستاهلى كل خير وتستاهلى انك تتحبي يا نور علشان انتى جميله اووي من جواكى وبتخافى على أهلك ومستعده تضحى بحياتك علشان اللى بتحبيهم وانتى بطيبتك وجمال روحك مستعدة تلينى اجدعها قلب وتخليه يحبك علشان انتى فعلا تتحبى يا نور..

نور كانت بصاله والدموع في عينيها:خايفه اصدقك وتجرحنى وخايفه لما هى ترجع في اي وقت تنسى كلامك دا وقلبك يلين ليها تاني خايفه انجرح..

_انا قلبي انجرح منها يا نور عمري ما اقدر اجرحك وأبقى حمار لو فكرت في يوم انك أحرج أو اكسر القلب دا علشان انتى جوهرة واوعدك انى مستحيل ااذيكي أو ازعلك أو اخليكي تفقدى ثقتك فيا..

نور ابتسمت وهوا بادلها الابتسامه وقال بمرح:ها نقول مبروك..

نور غيرت ملامحها:امممم هفكر..

_لا مفيش تفكير خلاص يوم الخميس الخطوبه وكتب الكتاب..

_نعم لا طبعا أنا عوزا أقضى فترة خطوبه..

غمزلها:مانتى هتقضيها بس وانتى مراتى

_لى بقى..قدر معجبتنيش

_نعم يختى

_انا بقولك قدر بس في اي انت هتتحول ولا اي..

_انا اتعرفت عليكى وتقريبا عارف عنك كل حاجه عاوز بقى اعرفك وانتى مراتى ..

_يا قليل الادب..

_على فكره انتى اللي دماغك بتروح بعيد أنا قصدى انى عاوز اخدك في اي وقت ونخرج امسك ايديكي براحتى كدا ..

_اه إذا كان كدا ماشي

_تمام يبقى كلها يومين وجهزى نفسك يا زوجتى العزيزه…

عدى اليومين والكل كان فرحان فيهم ومفيش اي مشاكل وكان كل كلام نور ويحيي هزار ساعات وخناق ساعات وغيره …

وبدأو في تحضيرات الخطوبه وكان مريم معاها وفرحانه بيها جدا انها اخيرا نور وافقت واخيرا يحيي اتحرك ..

_انا فرحانه اووي يا نور اخيرا هتتجوزي

_عارفه يا مريم أنا رغم فرحتى وسعادتى اللى متتوصفش الا انى خايفه اووي..

_يا نكدو خايفه من اى خلاص يحيي بقى بتاعك وكمان شكله بيحبك

_والله مش عارفه يا مريم خايفه أنه يكون بيملا فراغ في حياته خايفه ترجع في اي وقت ويروحلها تاني

_مستحيل يا نور يرجعلها مستحيل أنا عارفه يحيي اكيد مش هينخدع فيها تاني وكمان هى المفروض عليها أحكام..

_يوسف قالى ان جمال اعترف على نفسه بكل حاجه وشال ايديها من اي حاجه يعنى هى ممكن ترجع في اي وقت وهتدفع مبلغ وخلاص كدا..

_يسلام بالسهوله دي وجمال لى عمل كدا

._مهو دا اللى مخوفنى والكلام دا لسه عارفاه قريب من يوسف..

_طب ربنا يستر ..

_شوفتى انتى نفسك خوفتى أنا مش عارفه قلبي مقبوض لى..

_متخافيش كلنا معاكى يا حبيبتي افرحى بقى انتى النهارده عروسه..

في الوقت دا الباب خبط ومريم فتحت كان يحيي..

دخل وهوا في ايديه بوكيه ورد جميل وبص لنور واتفحصها بهيام..

_زي القمر يا عروستى

نور اتكسفت..

يحيي قرب منها وهمس:كلها خمس دقايق وتكونى مراتى يا نوري ..

نور بصتله وابتسمت وهوا بادلها النظرات وهو مبتسم وقلوبهم بتدق بعنف ..

يحيي كان حاسس أنه أول مرة تظهر المشاعر دي جواه واول مره يكون متلغبط كدا وجوا مشاعر متلغبطه كدا بس جميله وحاببها وحابب وجودها …

قاطع نظراتهم صوت مريم وهى بتقول:؛

_يلا علشان المأذون وصل..

الكل كان متجمع وفرحانين وبدأو يكتبوا الكتاب ونظرات نور ليحيي كلها حب وفرحه أن خلاص حلمها اتحقق وبقت مراته رسمى نظمى فهمى..

“بارك الله لكما وبارك عليكما وجمع بينكما في خير”

في الوقت دا دخل شخص تقريبا معظم اللي قاعدين عارفه..

_معقول تكتبوا الكتاب من غيري..

الكل أنصدم

ممدوح بصدمه:سارة

رواية الحب الروحاني الفصل التاسع عشر

في الوقت دا دخل شخص تقريبا معظم اللي قاعدين عارفه..

_معقول تكتبوا الكتاب من غيري..

الكل أنصدم

ممدوح بصدمه:سارة

ممدوح قرب منها بعصبية :انتى اي جابك هنا بعد اللي عملتيه

نور كانت عيونها على يحيي بدموع قلبها كان بيدق بخوف خايفه كل حاجه تتهد في لحظة خايفه قلبها ينجرح خايفه حبيبها يضيع منها ..

يحيي بص لنور وقرب منها لانه عارف بكل اللي بيدور في بالها وشاف الخوف في عينيها ..

قرب منها بهدوء ومسك ايديها قدام الكل نور اتفاجئت وبصت على ايديه اللي حاضنه ايديها بحب وخوف في نفس الوقت يحيي بصلها باطمئنان وهمس:مفيش حاجه تقدر تبعدني عنك تاني خلاص انتى بقيتي مراتى…

قلبها دق بفرحه كلامه طمنها خلاص دلوقتي تقدر تقف قدام اي حد من غير خوف ..

سارة كانت عيونها عليهم وبصت لممدوح اللى باصصلها بغضب..

_اي يا بابا يا حبيبي انا جاية اخد ابنى وبصت لنور وجابه ابارك لاختى.

نور كانت لسه هترد عليها يحيي منها أنها تتكلم فسكتت ..

ممدوح:ابنك!!كنتي فين وانتى رامياه ها انتى ملكيش عيال عندنا واتفضلي يلا روحى من مكان ما جيتى أنا مبقاش عندى بنت بنتى ماتت..

سارة قربت من سليم اللي بيلعب مع ولاد ميار ..

سارة وقفته وبصتله بدموع:عامل اي يا حبيبي..

سليم بصلها ومتكلمش

_اي يا حبيبي مش هتحضن ماما..

_لا انتى وحشه

_لى يا حبيبي

_علشان مشيتي وسبتيني اعيط لوحدي ونور هى اللي صالحتنى ..

_وانا رجعت اهو يلا تعالى معايا ومش هسيبك تاني ابدا..

سليم يصلها وبص لنور اللى كانت عوزا تقوله لا وفي نفس الوقت مش عوزا تحرمه من أمه..

سليم سابها وجري حضن نور:لا أنا عاوز اكون مع نور علشان هي بتحبنى وبتجيبلي شيكولاته..

نور مسكت ايديه وسارة قربت منه :تعالى معايا يا حبيبي وانا هجيبلك مصنع شيكولاته بحاله

_لا أنا عاوز الشيكولاته اللي بتجيبها نور أنا بحبها وبحب نور ..

_هجيبلك اللى انت عاوزه بس تعالى معايا يلا..

ممدوح قرب منها ووقفها:اظن انك عرفتى أي ردة فعل ابنك منك دلوقتي ياريت بقى تتفضلى تطلعى برا ومشوفش وشك هنا تاني كفاية اللي حصل..

سارة وقفت قدامه:انت ناسي يا بابا انى بعت نفسي بسببك انت..

ممدوح بقسوة لأول مرة:أنا مقولتلكيش تبيعي نفسك انتى اللي طلعتى طماعه واستغنيتي عن كل القيم والمبادئ اللي علمتهالك في سبيل الفلوس وابقى خلى الفلوس تنفعك وانتى بتخسري ابنك زي ما خسرتينا وخسرتى كل اللي بيحبوكى..

_فعلا أنا غلطت بس انا من حقى اخد فرصة تانيه ..

_معنديش ليكي فرص انتى خلصتي كل الفرص كفايه كدا يلا اطلعى برررا..

سارة بصت ليحيي ونور اللى ماسكين ايد بعض بقوة ونظرات يحيي ليها اللى كلها تحدى ،فى الوقت دا حست فعلا انها خسرت وخسرت كتير اووي بس قررت جواها أن حرب دي لسه منتهتش ولسه في البدايات..

نور بصت ليحيي بتوتر وبادلها نفس النظرة بس كانت اطمئنان كأنه بيقولها متقلقيش مفيش حاجه هتفرقنا…

ممدوح:انتى لى مصممه متسمعيش الكلام يلا اطلعى برا مسك دراعها ولسه هيخرجها كانت راكعه قدامه وبتعيط ..

_ارجوك يا بابا سامحنى أنا رجعت علشان اطلب السماح منك ارجوك متزعلش منى أنا اسفه يا بابا بس ارجوك ما تحرمنيش منكوا ولا من ابنى أنا مليش.غيره..

ممدوح للحظه قلبه رقلها مهما كان هى بنته وكانت اكتر واحده قريبه منه ..

نور بصتله بترقب وهوا كان حاسس أنه تايه..

_ارجوك يا بابا سيبنى هنا انا حاسه نفسي انى ضايعه ومحتجاك محتاجه حضنك يا بابا كل اللي حصل كان بسبب جمال وهوا اعترف بكل حاجه ودلوقتي مسجون وخلاص كل حاجه انتهت وجه الوقت اللي نفتح فيه صفحه جديده ..

ممدوح بصلها وحس انها صادقه في كلامها اتنهد وقال ..

_خلاص انتى هتفضلي هنا بس بشرط

_اللى انت عاوزه يا بابا أنا تحت امرك..

_لو حسيت انك بتخططى أو بتعملى حاجه او في حاجه معجبتنيش صدقيني يا سارة مش هطردك ساعتها مش هيكفيني قتلك ..

_صدقني مش هعمل حاجه وهعمل كل اللى اقدر عليه علشان اكسب ثقتك تاني

_اتمنى..

نور سابت ايد يحيي وبصت لممدوح بحزن وخرجت من باب الشقه وجريت على تحت ويحيي نزل وراها..

_يا نور يا نور استنى يبنتى..

جري وراها في الشارع ومسكها ووقفها قدامه..

_في اي لى مشيتى لى بينتى ضعفك

_انت عاوز تحسسنى انى دلوقتي بقيت فارقه معاك ،انت مش شايفها بتمثل ازاي .

_اديكي قولتى بتمثل وبعدين انتى خلاص بقيتي مراتى وصدقيني يا نور مفيش اى حاجه في الدنيا تخليني ارجعلها تاني او افكر فيها حتى خلاص كل حاجه انتهت وهنا شاور على قلبه:مبقاش في غيرك انتى وبس ..

مسك وشها بين ايديه:عاوزك تتأكدى كويس أن مفيش حاجه هتقدر تفرفنا الا الموت ..

نور حطت ايديه على بقه:لا متقولش كدا بعد الشر عنك..

يحيي ابتسم:خايفه عليا

نور بتسمت بخجل :امممم.

يحىى غمزلها:على فكره انا مخدتش حضن كتب الكتاب..

نور بغضب :على فكره انت قليل الادب..

_على فكرة بقى انتى مراتى يعنى احضنك وقت منا عاوز ..

يلا حضن كبير لعمو..

نور بعدت عنه ..

يحيي بعصبية طفيفه:على فكره بقى انتى عمايلك دي هتخليني افكر اخونك..

نور قربت منه وبرقت بتحذير:انت عارف بس لو فكرت مجرد فكره هعمل فيك اي..

يحيي :هتعملى اي يا قلبي..

نور بشر:ساعتها هقتلك انت وهى ومش هيكفيني كمان..

_بحبك يا قلبي وانتى متعصبه كدا بتبقى شبه الطماطم والصراحه عصبيتك دي أحلى حاجه فيكي..

نور كانت واقفه قدامه وباصه في الارض ومكسوفه..

_هههههههه أنا كدا عرفت هسكتك بعد كدا ازاي..

_يحيي!

_قلبه

_مش بهزر على فكره

_وانا بهزر عادي جدا..

_والله!

_اه مالك قفوشه كدا ..

نور بصتله بدموع وقعدت على الرصيف وبصت قدامها في الفراغ وعيونها كلها خوف…

يحيي قعد جنبها واتنهد بتعب:أنا عارف انك خايفه وعارف أن رجوعها دا مكنش وقته وعارف كم السيناريوهات اللي اتكونت في بالك اول ما شوفتيها واحساسك وشوفت خوف انى اسيبك في عنيكي بس انا عاوزك تثقي فيا يا نور وتبقى دائما متأكده انى عمرى ما هبص لاي حد تاني غيرك ومتنسيش انك خلاص بقيتي مراتى يعنى الرابط بينا قوى يا نور ..وخليكي متأكده انى مخدتش الخطوة دي الا لما فعلا حسيت بحقيقه مشاعرى ناحيتك ولما جيتلك ودخلت البيت كنت دافن كل الماضى ورايا لانى قررت انك هتكونى الحاضر والمستقبل وكل حاجه ليا .

نور بصتله بدموع:أنا أنا..

يحيي:أنا بحبك يا نور ..

نور اتوترت وبصتله وحست أن روحها بتتسحب من سرعة دقات قلبها اللي مش قادرة تسيطر عليها ….

_قوليها يا نور قوليها عاوز اسمعها منك ..

نور كانت بتترعش وهوا مسك ايديها:صدقيني عمري ما هخليكي تندمى على اي حاجه وعمري ما هفكر انى ااذيكي أو ااذي القلب دا..

نور غمضت عينيها وبصتله وخدت نفس عميق:وانا كمان..

_انتى كمان اي

فتحت عينيها وبصتله:أنا كمان بحبك يا يحيي..

يحيي فرح جدا ومسك ايديها وقبلها وقبل جيبنها

_انتى ازاي قدرتى تخليني في فتره قصيره احبك كدا

_ههه دا سحري الخاص..

_فعلا انتى ساحرة ..علشان سحرتيلي وسحرتي قلبي معاكى ..مش عارف هتعملى فيا اي بعد كدا..

_كل خير يا قلبي متقلقش ..

_طيب يلا يختى قومى نطلع زمانهم قلقانين علينا..

_ماشي يلا..

مسك ايديها وبصلها وهى ابتسمت بحب وقاموا وطلعوا فوق..

كانو كلهم قاعدين أول لما دخلوا من الشقه ممدوح وقف وقرب من نور..

_نور أنا عارف اللى انتى حاسه بيه بس انا عاوزك انتى كمان تدي لسارة فرصه تانيه زينا كلنا

نور بصت لسارة بنظرة غير مفهومه ..

سارة قربت منها:أنا اسفه يا نور ارجوكى سامحيني وبصت ليحيي وانت كمان يا يحيي سامحنى ..

بصو تعالو نعمل معاهدة سلام..

نور بصت ليحيي اللي بصلها بابتسامه.وهز رأسه أنها توافق..

_ماشي يا سارة موافقه..

ساره قربت منها وحضنتها:شكرا شكرا اووي يا نور شكرا يا يحيي ومدت ايديها ليه..

يحيي بص لنور اللي قربت مكانه وحطت ايديها في ايد سارة :اسفه يا سارة اصل يحيي مش بيسلم على ستات ولا بيحط أيده في ايدهم

مش كدا يا يحيي..

يحيي حاول يكتم ضحكته:طبعا يا حبيبتي

سارة بابتسامه:تمام ربنا يسعدكوا..

_يارب..

عدى اسبوع ونور مازالت مش مرتاحه لسارة ولا لتصرفاتها اللي دايما بتخليها تشك فيها اكتر..

نور خرجت وكان الكل بيفطر

نور بابتسامه:صباح الخير

_الكل صباح النور..

الام:تعالى افطري يا بنتى..

_لا يا ماما أنا هفطر مع مريم في الكلية.

_لى هوا يحيي مش جاي ولا اي.

_لا اصله تعبان شويه وقرر ياخد إجازة النهارده..

_طب ومين هيوديكي

_يوسف كلمنى وقالى أنه هيوصلنى في طريقه ..

_ماشي يا حبيبتي خلي بالك من نفسك..

_ماشي يا امى سلام ..

ونزلت واستنت يوسف وبعد خمس دقايق جه..

_وقفتى كتير يا مرات اخويا

_لا مش كتير

_طيب اركبى يا اختى..

ركبت ..

ويوسف دور العربيه وطلعوا.

_لسه تعبان..

_شويه..

_هبقى اروحله بعد الجامعه لولا انى عندى محاضرة مهمه النهارده مكنتش رحت وكنت قعدت جنبه..

_للدرجادي بتحبيه..

_اوووي

_وهوا كمان بيحبك عارفه يوم ما سارة رجعت كنت خايف ليحصل حاجه بس الحمد لله مع انى لحد دلوقتي مش متطمن لوجودها في حياتكوا..

_متقلقش سارة مبقاش في ايديها حاجه تعملها يعنى مهما حاولت فكل محاولتها هتكون فاشله ..

_اتمنى انها متعملش اي حاجه علشان ساعتها مش هتنفد من تحت ايدي..

فجأه وقفوا لأن كان في خناقه ..

_في اي

_الظاهر في خناقه..

يوسف نزل يشوف في اي واي معطل الطريق كدا..

*انت راجل قليل الادب

$انتى اللي ست مش محترمه وقليلة الذوق..

*راجل انت متخلنيش اتخذ معاك إجراء مش تمام انت متعرفش أنا مين..

$انتى علشان راكبه عربيه هتدوسي على مخاليق ربنا..

*قولتلك مكنش قصدي ومستعده ادفعلك التعويض اللي انت عاوزه..

$لا مبقبلش الرشوة انتى لازم تيجي معايا عالمركز..

يوسف قرب منهم..

_احم ممكن اعرف اي سبب العطلة دي

الراجل لسه هيتكلم قامت البنت بصت ليوسف بعصبية:وانت مالك انت بتدخل لى حد كان عينك محامى اي البلاوى عالصبح دي..

_بت انتى احترمى نفسك أنا غلطان اصلا انى كنت جاي اساعدك واحل الموضوع بس شكلك واحده فعلا قليلة الذوق.

وبص الراجل:متسبهاش الا لما تاخد حقك منها ..

وبص للناس:ممكن كل واحد يروح لحاله علشان عاوزين نشوف حالنا احنا كمان..

الناس هزت راسها وفعلا مشيوا ويوسف ركب العربيه وبص للبنت من الشباك بغضب ومشي..

_انا حتته البت دي تكسفنى ..

نور بصتله وضحكت:يا عيني يا يوسف .شكلها عصبتك عالاخر..

_بت اسكتى انتى كمان..

_ههه ماشي تعيش وتاخد غيرها بقى..

وقف قدام الجامعه:انزلى يا نور احسن اخلى يحيي يترحم عليكي النهارده

_على أساس أنه هيخليك عايش..

_بت انتى مستفزه

_عارفه يلا باي

_باي يختى..

عند سارة خلصوا الاكل ودخلت الأوضه وقفلت الباب بهدوء ومسكت التليفون واتصلت بحد..

_نفذ….

عند نور

كانت خارجه من الكليه بتضحك مع مريم ..

_ها هتروحى فين دلوقتي

_هروح ازور قرة عيني علشان تعبان..

_الله يسهلوا..

_مهو القر دا اللى جايبنا الارض وكل يوم نتخانق

_الله وانا مالى يا لمبى أنا ماشيه سلام

_سلام يا بتاعة طارق

_سلام يا بتاعة يحيي..

مريم مشيت بعد ما ضحكوا ونور وقفت تستنى عربيه..

وقفت قدامها عربيه ونزل منها واحد..

_انسه نور..

نور بصتله_ايوا حضرتك مين..

_مباحث وياريت تيجي معانا من غير شوشرة

_انا لى

_هتعرفي لما تيجي معانا اتفضلي..

نور بصتله بتوتر وهوا فتح ليها الباب ..رجعت خطوة لورا وبعدين جريت وهوا جري وراها و….

رواية الحب الروحاني الفصل العشرون

كانت بتجري بأقصى سرعتها وهوا كان بيجري وراها لحد ما اختفت من قدامه وهوا وقف واتنهد بتعب ومسك تليفونه وكلم حد..

فضل منتظر لحد ما الشخص دا رد عليه

_ها عملت اى

_هربت منى ومعرفتش امسكها..

_غبى ازاي تفلت من ايدك

_طلعت مش سهلة ومدخلش عليها الحوار دا

_ماشي اقفل يا غبى ولما اشوفك..

وقفلت السكه في وشه..

عند نور

كانت مستخبيه في شارع صغير وبتتنهد بخوف ورعشه في جسمها من التوتر مسكت تليفونها وكلمت يوسف وحكتله اللي حصل وهوا قالها تفضل مكانها متتحركش وهوا جايلها..

حست بظل حد جاى ناحيتها كتمت نفسها وهى دموعها نازله وفضلت تدعى أنه ميشوفهاش…

تليفونه رن وخرج وبعدين بصت على طيفه لقته مشي من المكان نهائي..

فضلت مستنيه وبعد شويه يوسف جه وكلمها وخرجتله..

يوسف:انتى كويسه..

نور بدموع:اه الحمد لله

_طيب طيب أهدى وتعالى يلا معايا..

ركبت معاه العربيه وطلعوا على البيت ..

_هتنزلى عندكوا ولا هتيجي تشوفى يحيي..

_لا مش عوزا اطلع عندنا بالحاله دي خدنى عند يحيي احسن..

هز رأسه وطلع على بيتهم …

فتح الباب وشافها وحس أن فيها حاجه واكدتله شكوكه لما جريت عليه واترمت في حضنه..

بدأ يطبطب عليها بحنان بالغ ..

_اهدي يا حبيبتي فيكي اي ..

بص ليوسف اللى هز رأسه وحكاله اللي حصل..

_طب أهدى انتى معايا اهو متعيطيش علشان خاطري..

نور خرجت من حضنه ومسحت دموعها بكف ايديها زي الاطفال:أنا أنا كنت هركب معاهم بس تراجعت في اخر لحظه وجريت كانو هياخدونى ومش عارفه كان اى ممكن يحصل…

ودموعها بدأت تنزل تاني..

يحيي مسك وشها بين ايديه ومسح دموعها: خلاص أهدى أنا معاكى ومش هتروحى اي مكان الا وانا معاكى …

يوسف بعد تفكير .

_انتى بتقولى أنه كان عارف اسمك ونادى عليكي صح..

هزت راسها ..

_يبقى كان قاصد أنه يخطفك واكيد في حد ورا الحكايه دي…

يحيي باستغراب:ومين ممكن يعمل كدا..

يوسف:حد ليه مصلحه أنه يخطف نور ويبعدها عننا وبالأخص عنك ..

نور بصتله باستغراب وبصت ليحيي وحست إنه فهم الكلام وهى كمان فهمته..

_انت قصدك انها عوزا تبعدنا عن بعض..

_والله دا اللى أنا شايفه انتى ملكيش اي أعداء يا نور ونظراتها اللي شوفتها يوم كتب الكتاب بتأكدلى شكوكى فأنا عوزك تاخدي بالك علشان هى كدا شكلها مش ناويه على خير ….

يحيي:طب والعمل هنسيبها كدا..

_طالما معناش دليل فهنسيبها بس لازم تاخدي حذرك بعد كدا وتاخدي بالك من تصرفاتها…

نور :تمام …أنا لازم اروح..

يحيي مسك ايديها ومنعها تمشي:لا انتى مش هتمشي مش هسيبك الا لما تكونى كويسه..

يوسف:طيب انا همشي علشان عندى شغل هشوفكوا بليل سلام..

يحيي قرب من نور ومسك ايديها وراحوا قعدوا على الكنبه..

_بقيتى احسن

_اه الحمد لله ..

يحيي مسك ايديها بين ايديه:أنا آسف أنا حاسس انى السبب في كل اللي حصل دا …

نور:لا مش انت السبب يا يحيي مترميش اللوم عليك انت ولا قولتلها تمشي ولا قولتلها ترجع وتعمل اللي بتعمله دا بالعكس أنا وأنت في مركب واحده …

يحيي بمشاكسه:احلى مركب علشان معاكى ..

نور ابتسمت:مكنتش أتخيل في يوم أننا نقعد القاعده دي وتقولى الكلام دا …

ومكنتش اتخيل انى لما يحصلي حاجه تكون انت اول حد ممكن افكر فيه واجى اترمى في حضنه …

عارف انت لو سيبتنى لوحدى تاني هعمل اي..

ضحك:هتعملى اي يا قلبي..

_هنكد عليك

_هوا في نكد اكتر من اللى أنا بشوفه يا روحى..

_هوا انت لسه شوفت حاجه اصبر بس لما نتجوز ..

قرب منها :طب بمناسبة الجواز ما تيجي نتجوز بقى علشان حاسس انى هتحنط جنبك..

نور اتكسفت وتوترت من قربه :احم لا احنا متفقين على شهرين خطوبه ..

_طب ما تنقصيهم بالله عليكي وتخليهم شهر..

_تؤ..

_بقى كدا..

نور بتحدى:ايوا أنا لسه مش متأكده من حبك ليا ..

_يشيخه امال دا كله اي بضحك عليكي مثلا

_اممم يمكن وبصتله بشك:امممم هتلاقيك متفق معاها عليا اصل أنا عرفاكوا صنف ملهوش امان..

_يشيخه امال مين اللى رامية نفسك في حضنه من شويه خيالى..

اتوترت:فيها اي يعنى كنت كنت خايفه

_معنى كدا انك بتحسي بالأمان في وجودى وفي حضني صح ولا لا..

نور وشها احمر من الكسوف

_قولى صح ولا لا..

هزت راسها بأه

_في إثبات اكتر من كدا انى بحبك

هزت راسها بلا..

وقرب منها ولسه هي*بوسها

_اتنو بتعملو اي..

_يا فضيحتى..

يحيي ضحك وأمه ضحكت على منظرها..

يحيي همسلها:على فكرة انتى مراتى ها..

الام بضحك:مالك اتخضيتى كدا لى ..

نور لكسوف:اصل اصل ..

_متخافيش كلنا كنا في سنكوا كدا وأبوا يحىى ياما استفرد بيا ..يلا تعالى حضري معايا الغدا وورينى نفسك في الطبخ علشان انا لسه جايه من النادى وتعبانه..

_حاضر يا ماما..

الام دخلت المطبخ ونور بصت ليحيي بغيظ وهوا كتم ضحكته على منظرها….

حضرت معاها الغدا واتغدوا وعملت قهوة ودخلت قعدت هى ويحيي في البلكونه…

كانت بصه في السما بشرود:تفتكر لو طلعت سارة فعلا هى اللي بتعمل كدا هيكون اي رد فعلا بابا وماما بعد ما واثقوا فيها من جديد وابنها اللى ملهوش اي ذنب في اللي بيحصل دا…

يحيي:واحنا برضو مكنش لينا ذنب في اي حاجه واللى هى بتعمله دا اسمه مرض ولازم تتعالج سواء بالسجن أو أنها تدخل مستشفى تتعالج فيها لان دى مش تصرفات واحده عاقله..

_يمكن بتعمل كدا علشان بتحبك

_وانتى متخيله انها لو بعدتك عنى انى هبصلها ولا هفكر فيها اصلا أنا اللى بشيله من قلبي وحياتى بيطلع منها بلا رجعه خصوصا لو الشخص دا خاين ..

_يعنى انت هتفضل تحبنى علطول

_عندك شك

_تعرف انى حبيتك في احلامى كنت كل يوم بتجيلي وكل يوم بحلم شكل كنت رافضه الجواز بسببك ..

_ازاي

_كنت كل يوم بحلم بيك وبشوف ضحكتك اللى كانت بتاخد قلبي دي ومازالت وكنت بحكى لمريم مكنتش مصدقانى لحد ما شوفتك اول مره وهى نفسها اتصدمت نفس صدمتى لدرجة انى مكنتش يشيل عيني من عليك وكنت عامله زي الهبله ومكنتش متخيله في يوم انى احلامى تبقى حقيقه والشخص اللي حلمت بيه يبقى واقف قدامى وكمان هيكون جوزي وأبو عيالى..

_طب اي رايك بقى اكلم ابوكى النهارده ونعمل الفرح يوم الخميس الجاي ..

_اممممم موافقه..

ضحك وهى ضحكت وبعد شويه كانت الزغاريط ماليه البيت…..

عدى اسبوع وكانت كل حاجه فيه ماشيه تمام…

ام نور كانت ماليه البيت زغاريط وكانت فرحانه جدا أن خلاص بنتها اخر العنقود هتتجوز…

الكل مشي متبقاش الا مريم ونور …

مريم كانت مع نور في الاوضه وبتظبطلها الطرحه..

_كدا تمام اووي هخرج بقى اشوف طارق اتأخر كدا لى هوا ويحيي ويوسف علشان نتحرك..

_ماشي يا حبيبتي…

خرجت مريم وسابتها لوحدها ..

كانت واقفه قدام المرايا وفرحانه بنفسها والفستان اللى هياكل منها حته والميكب الخفيف والتاج اللى كان مطلعها ملكه…

كانت بتدندن..

فجاه الباب اتقفل عليها وبصت على المرايا واتفاجئت من اللى شافته..