رواية القاضي و الشاهدة الفصل العاشر 10 - بقلم شامخ

درت وشفت قيصر واگف بوجهي ابتسمت بوجهة بس ردة علية مو حلو جبح

- وخري ارد اطلع .
- هاي الحمد لله على السلامة مو ؟
- رغد مالي خلگج كلش وخري مني .
- على راحتك قيصر .

عفتة ودخلت يعني صَـَـَـَـَـَ(✓)ـِـًـِــِـًـِـح هوة ضايج بس ما يستحق الموضوع كل هذا الزعل حتة ما كلف على روحة ايگول حكد لله على سلامتج دخلت واني طالعة روحي كلش من قيصر اول ما دخلت اجت عيني بعين ودع اولي هاي والله لوتية اكيد حاسة لان قيصر اكد علية اكثر من مرة ما اجيب الهة طاري گعدت ام علاء اشوي يمنة وگالت اتخرص ارد انام
فقترحة رغد نگعد انسولف اشوي بالصالة من گالت اتريد اسولف عرفتهة راح تبدي التحقيق وراثة عدهم بالعائلة الواضح هذا الشي ههههه.
گعدنة بالصالة چان تسال ليش اترفضين الزواج ؟
- ودع اكو هواي اشياء آنتي ما تدرين بيهن مثلاً آنتي تدرين اني ليش مسافرة واشغل بغداد قابل احنة محتاجين الشغل ؟
- اني هم اسال روحي دائماً ليش تشتغل رغد بغداد بس استحي اسالج خاف اضوجين.
- لان انريد انسافر بس ايخلص اخوي السادس اعدادي وابوي ايريد اسافر للامارات لان شغلة كلة راح ايصير اهناك وهاي الشركة الي اشتغ بيهة الفرع الرئيس بدبي لهذا السبب اشتغ بيهة لان من اسافر مباشرة راح اروح ذيج الشركة وهواي تفاصيل بالموضوع طبعاً هذا الموضوع محد يدري بي واعتبري سر بينة .
- انشالله ما اگول لقيصر😏.
- شلة علاقة قيصر گتيلة او لا هذا ما يعني شي .
- ٱوكي راح اسوي روحي ثولة وامشيهة انو ماكو شي بينكم .
- ماكو شي ودع اشبيج!!
-آنتي شايفة روحكم اشلون مفضوحين اول ما دخل قيصر الابتسامة شگت وجهچ والغدة كله واحد ايباوع على الثاني وانفعال الافندي من امجي جابت طاري زواجج ...
- ايجوز قيصر بعدة معجب بية من اخر مرة شافني لا اكثر لو بيناتنة شي ما سافرت لبغداد .
- بالعكس بالبصرة قيصر ما يگدر ايشوفچ نهائياً ايجوز بغداد يگدر والدليل سفراتة المتكرر لبغداد بدون حماية .
-.....
- رغد اني ما ضايجة من علاقتكم بالعكس قيصر صدگ ايحبچ بس آنتي ما تستاهلي آنتي تستاهلين الافضل منة .
- خلي انسد الموضوع ودع .
- ههههههه .
- بس عندي سؤال ليش گلتي افضل الة اسافر بغداد؟!
ش لان بالبصرة الكل ايعرفة وابو جنان اكيد راح ايشم خبر بس بغداد اشوية اامن الة بس سؤال واحد وبعد اسد الموضوع آنتي ازوجتي بسر مو؟
- اشلون عرفتي !
- اتوقعت هيج راح ايسوي لان قيصر مستحيل ايضحي بشي بحياتة هيج طبيعتة من جنة اصغار ايحب ياخذ كلشي بس يا ودع آنتي راح تتاقلمين وية هذا الوضع يعني لو مرتة درت اتعرفين قيصر شنو راح ايسوي ؟
- لا .
- راح ايعوفچ صدگيني .
- مستحيل هوة گالي ايحبني وصدگ هوة ايحبني.
- اني متأكدة منة ايحبچ بس قيصر ما ايضحي بنصبة علمود حبة اني جنت ادري بية اريد يزوجج بسر وصار بينة نقاش حاد واعترضة على هذا الفكرة .
- ودع جاي اتخوفيني .
- الواضح حبيتي ..آنتي هنا راح تبقين كم يوم؟
- بعد خمس ايام وارجع لبغداد .
- جيد علمود اكو عرس  ابن عمي تعالي وراح اواريج جنان وبعدهة راح اتغيرين رايچ بكلشي اتمنة ما اتگولين ليقصر آنتي راح تجين للعرس .
- ليش كارهة موضوع زواجي من قيصر؟!
- ما كارهتة بس كارهة الطريقة الي ازوجج بيهة آنتي اشلون قبلتي ؟!
- هددني باهلي وقبلهة سجن زميل ويانة بالجامعة وگالي راح اسوي نفس الشي بمنار وبهلج اضطريت اقبل .
- مستحل معقولة قيصر وصل لهل حالة !؟؟
- سدي الموضوع راح ارجع للبيت .
- اسفة والله بعد ما اجيب طاري قيصر.
- آنتي رجعتي ذيج الايام وهسة گلبي ايوجعني .
- اني المتاكدة منة انو قيصر ايحبچ وحبة صافي واتمنة اتخيب ضنوني ويكسر خشم جنان .
- لا اتكولين لقيصر آنتي دريتي لان نبه علية ما اگول لاي احد .
- انشالله اگلج ما عندج واسطة بالشركة من اتخرج اشتغ وياج واسافر لدبي .
- هههههه .
- اي والله الة اتبرة من اهلي واخلصهة دياحة افلوس وسفر.
- بس اسافر اسويلج دعوة.
- قيصر يدري بهذا الموضوع ؟
- لا ولا اتگوليه ابد لان اني مرات هم احس قيصر راح ايعوفني فليش اضيع كلشي من ايدي من ازوجتة جنت مضطرة لهذا القرار ولو ما شفتة شنو سوة بعادل وانتي تذكرين قضيت عادل  الولد جا انحكم اعدام بسبي وراد ايكرر هذا الموضوع بهلي فضحيت وافقت على زواج بي بس اشوي اشوي ضليت اتعلق بي والصراح ما اتمنة ايعوفني .
- انشالله ما ايعوفج وامشي واگول هاي مرت اخوي.
- ههههه .

بقينة نحجي اني ودع الى الغروب ورجعت لبيتنة وخلصتهة ثاني يوم كلة بالبيت وية اهلي وقيصر يتصل اني ما ارد علية لان مقهورة منهة خلي على مرتة احسن والصراحة حجي ودع خلني اعيد حساباتي وعدت تفكيري اقترحت على ابوي انروح للزيارة بهاي الاربع ايام ورحنة لكربلة اشوية ارتاحة نفسيتي أَامٌَِْي وابوي راحو ايزورون اني بقيت بحدي بالفندق نايمة اتصل قيصر اني حسبالي أَامٌَِْي رفعتة بدون ما اشوف منو بصوت مطفي  گالت
- عفت كارت الفندق عند الاستعلامات .
- اني قيصر .

فزيت من نومتي خرب ليش رديت علية .

- هلة قيصر شنو اتريد؟
- لا بالة شنو اريد ؟ ليش ما تردين علية ؟
- لان ما ارد احجي وياك يعني يرادلهة روحة للقاضي .
- فوگ شينة گوات عينة .
- بالة شنو الشين الي سويتة لان سافرت واني گتلك الف مرة هاي دورة وغصبن علية لازم اسافر انتة اتريدني ابطل من شغلي؟
- اي بطلي واني اصرف عليج .
- اذا بطلت راح ارجع للبصرة يعني بعد مراح تگدر اشوفني .
- ومنو گالج ما اگدر اشوفچ.
- ماشي بعد ما اسافر لبغداد وراح ابطل وابقة بالبيت بس انت تگدر تجي اتبات يمي بعد ؟
- اكره موضوع الشغل مالتج كلش بس ما بيدي شي اسوي ..
- حاولت افهمك الف مرة بس انت ابد ماكو قافل بصدگ بجذب ما كلفت نفسك تتحمدلي السلامة وخلصتهة كلة اتخز بية اتصل بيك من رجعت ما اجاوب وحتة  رسالة واني مسافرة ما وديت بس هسة من حسيت اكو مجال بجدول اعمال گلت اتصل على الثولة اضحك علية بكلمتين وامشي الوضع مو ؟
- رغد شنو هذا الحجي ؟
- هذا الواقع قيصر انت من البداية امخطط لكلشي تزوجني بسر وبعدهة من تاخذ عازتك اتعوفني ٱوكي اني موافقة بس ارجع لبغداد تعال اخذ الي اتريدة  و عوفني بحالي .
- رغد شنو هل حجي آني لو مثل ما اتگولين چان اخذتج من اول ما ازوجتچ مو اصبر عليج كل هذي المدة ....
- قيصر اود اسالك سؤال اتمنة اجاوبني بصراحة... اذا جنان عرفت بعلاقتنة بهاي الفترة انت شنو راح اسوي ؟
- مراح تعرف .
- لنفرض عرفت شنو راح اسوي ؟
- راح احاول احميج منهة ومن ابوهة  .
- شنو مثلاً راح ايسولي ؟
- ايكتلوج علمود ايذلوني بس رغد اني احبچ واني اعرف عواقب ردت اشرد منج بس ما گدرت واذا آنتي تعتقدين راح اضحي بيج علمود منصبي فهذا الشي شيلي من بالج عندي استعداد اضحي بكلشي بس علمود ابقة وياج و زواجنة صار بس بس علمود احميج من ابو جنان و بنتة الى ان اصير اقوة منة واوگف بوجهة .
- صدگ هذا الحجي لو اجذب قيصر والله ما اتحمل اذا اتعوفني ما طول هسة اگدر اعوفك ارحمني لان اموت اذا حبيتك وعفتني .
- ولج مخبلة اعوفچ اني خاب اني اعشگچ وين آنتي ؟
- بكربلة رحت للزيارة اني واهلي.
- ليش ما گلتي ؟
- لان جنت زعلانة منك.
- وهسة ؟
- لا صالحتني هسة .
- يلة روحي لازم اسد التليفون اني بالمحكمة .
- مع السلامة.

واصالحنة اني وقيصر ورة فترة اجة لبغداد شفتة بس هل مرة صارت عندي جرئة اكثر لبست اهدوم مرتبة عدلت روحي واتعطرت وشعري سوية گرن راخي وحضرت العشرة قبل ما يجي ورتبت السفرة اول ما وصل فتح الباب من دخل لگاني متلگيتة بالباب اشو هذا ظل صافن لا سلم ولا شي

قيصر : ما عولت افلت من جماعتي علمود اجي اشوف ارويحتي لان گلبي طاگ عليهة وصلت للبابفتحتة بالمفتاح واتفاجئة برغد واگفة منتظرتني العطر مالتهة من بعد متر اشمة ولابسة اتراك شتوي بس ايخبل عليهة ملامح جسمهة كلة امبينة والابتسامة الي اتذوب اي رجال وكلهة بصفحة والحمرة الحمرة هوة ياهو يجي ويحطهة ولكم غير ثلچ هيه واتلوگلهة اتقربت منهة واني عيوني على شفايفة اسمعة اتگلي قيصر بيك شي قيصر ولچ اكو شي مابية مو گلبي شيبتي دنگت على شعرهة واشم بي اتقربة هية وحطت راسهة على صدري وشبگتني بثنين اديهة حسيت برعشة بكل جسمي چان اتگول وهية شابگتني

- قيصر لا اطول بغيبتك اني اشتاقلك .
- على كيفچ وياي ولچ گلبي ما يتحمل كل هذا بيوم واحد حرام عليچ والله هسة من اتقرب منج واتگليلي لا موهسة مو شلعتي گلبي وياج ورجعتيني مراهق .
- تعال نتعشة ونسولف الاكل راح يبرد .
- مثل كل مرة اشودين من الموضوع .
- اشبيك العشة غير مصبوب ومن الصبح اسوي بي حتة ما رحت للداوم .
- شنو امسوية قوزي .
- تضحك علية مو صوچك صوجي اني والله لو احد من معارفنة يدري اني طابخة چان ماتو من الضحك علية .
- ليش؟
- لان اني اكبر اعجوزية بالطبخ بالبيت كلة براس أَامٌَِْي وكل ما اتگلي تعالي اتعلمي أگـِْ♡̷̴̬̩̃̊ـِْۈۋۈل الهة لا ميحتاج اعرف بس مابية اطبخ ...تعال ناكل وانسولف

دخلنة للمطبخ وشفت قيصر متفاجئة من الاكل واني الابتسامة شاگة وجهي وگتلة
- عجبك الاكل ؟؟
- صدگ آنتي مسويتة ؟ لو مطعم.
- والله اني حتة شوف اصابيعي انجرحو واني اگصص الطماطة.
- شكل السفرة ايخبل دولمة ودجاج وزلايط وعصير ولج شنو هل الابداع يا حضي بيج .
- ذوگ واحكم واذا عجبك كل ما تجي اطبخلك .

قيصر : اتفاجئة من رغد ما جنت اتوقعهة تعرف تطبخ يعني گلت تعرف الاشياء البسيط مو مال هاي السوالف لان دائماً اتگول ما اطبخ اني أَامٌَِْي بس خطية امدمرة اديهة بالسچينة گعدنة على الطاولة هية تحجي واسولف والضحكة احلة شي بيهة الانسان مجرد ما ايشوف ضحكتهة ايروح همة رغد وحتة لو هية ضايجة هم تضحك وتشاقة بيومهة اكلت اكل مو طبيعي وهية خلصتهة بس ذوگ هذا وذوگ ذاك الى ان انتخمت گتلهة

-ولج كافي راح اموت بعد ماكو مجال لحبة تمن بمعدتي اذا كل ما اجي هيج اتوكليني كولي راح اصير فيل .
- الف عافية اصلاً انت كلش تعبان وما تاكل .
- اشلون ما اتعب ومريتي حارمتني منهة.
-اتبات اهنا اليوم؟
- لا ما اگدر وياي جماعة .
- ليمتة ترجع للبصرة ؟
- عگب باجر .
- يعني باجر اتبات هنا؟
- هم لا .. ليشوفج اتسئلين ايگول بينة شي .
- اشبك قيصر هوة ماكو غير هذا الموضوع مو جاي تحرجني ما ايصر هيج 😒.
- اوي عيني ام اخدود خجلت اگلج راح اگولج شي طالعة اتخبليين .
- اصلاً ادري لو ما اني حلو ما انت سحلت روحك علية .
- لا صدگ مو صوچچ ..
- امچذبة مابقيت شي ما سويتة الى ان ازوجتني فديت جمالي الي كسر خشمك😎.
- ههههههه.
- تعرفين اتمنة اخذچ واصرك بوجه الدنية ملهة واگول هاي مرتي .
- صدگ عمو علاء حاجي وية ابوي علمود ابن خالتك وابوي جاي ايلح علية على هذا الموضوع هوة وامي قيصر الى متى ايظل حالنة هيج ؟
- شسوي يا رغد اشو الوضع وسولفتة الج .
- ااااخخ يا جنان اشگد اضوج منج ومن ابوج .
- ههههه طبعاً غير شريچتچ.
- لا طبعاً هية مو شريچتي لان گلبك كلة الي ولا الهة اي ذرة بي .
- ولا اي شي الگلب والعقل كلهم الج .
- قيصر جبتلك اشياء من الامارات تعال شوفهم

رحنة غسلنة و صبيت جاي عفتة يشرب چاي واني رحت جبت غراضة وانطيتة اياهم بعلاگة ماعدة قلم باركر بعلبتة اتطيتة بيدة گالي شنو هذول
- اممم جبتلك قميص عجبني واتراكين وجبتلك هذا القلم كل ما اتوقع بي تذكرني خاف ابيوم تنساني 😜.
- واني حتة ما انطيتج فلوس آنتي من وينلج وجايبة هذي الاشياء .
- عندي افلوس لا اتخاف ماخذة من بابة.

گعد قيصر نص ساعة وگال راح اروح عمري جماعتي بدو ايدگون علية طلعت ويا للباب عود جاي اباوسة رفعت خدي چان لزمني من بثنين ادي وباسني اخذني دفع للباب حسيت روحي اختنگت ظليت ادگ على صدرة وخر مني واني بالگوة اجر نفسي شبگني حيل وگال
من اول ما دخلت ردت اسوي هيج وحاولت اصبر بس بعد ماعندي صبر لا ادگين علية يارغد واتگليلي تعال الة اذا تتقبليني كزوج لان نفذ صبري ..
وخر وطلع واني مابين مثل السكرانة احس اكو اشياء بداخلي اتحركت اول مرة اريد كزوج لو باقي چان انطيتة كلشي چان سلمتة روحي لان اني احبة اكثر من روحي ما اهتم للناس بعد هذة هو لازم اعترفلة اني احبة بس ما اسويهة بصورة مباشرة هسة شيگول علية رخيصة من اول بوسة سلمت روحة .
ولج رغد يت بوسة صالة قيامة صابر عليج لازم اسوي خطة علمود ما اصير اني رخيصة.
رحت ثاني يوم لللدوام ورجعت من وكت ورحت للصالون حفيت وعدلت روحي وكانو عروسة بس بدون مكياج رجع للبيت سبحت ولبست روب نوم اشتريتة من دبي واتعطرت بقة اشلون اجيبة دگيت علية جانت الساعة بثمانية واشوية رفع الخط گتلة

- الوو .
- هّـلة رغد اشلونچ گلبي ؟
- الحمد لله اسال عليك انت اشلونك.
- تٌـٌـمــام .
- اممم تجي اليوم ؟
- لا ما اجي .
- ٱوكي على راحتك بس ردت اتأكد يعني ..

بعدت التليفون وصحت لا لا وخليت المكالمةمعلق لعشر ثواني واسمعك قيصر ايصيح اشبيج شنو صاير فتحتة

- ها قيصر هههههه .
- منو يمچ وليش اضحكين ؟
- هاا لا محد يمي هيج ما ضحكت

سويت حركة بالعراض اليومي وهم ضحكت ..
- رغد اكو شي يمچ؟
- لالا ماكو شي يلة مع السلامة بس ردت اتاگد انت ما تجي .
- لا ما اجي .
- ما اضغط عليك على راحتك حتة باجر اذا ما تگدر لا تجي بـٌـاي.

وسديتة حسيت قيصر فار اني اعرفة اكيد راح يجي لان هوة حسبالة اكو احد يمي شغلت التلفزيون وبخرت الغرفة واتمدتت على الجرباية واني اباوع على افلام عندي اقرص وجبت فلم رعب واني اجبن مني ماكو بس ادري قيصر راح يجي فشغلتة و طبعاً شكو لقطة مخيفة اني لابدة جوة الغطة واني جوة الغطة وميتة خوف ماحسيت الة الباب انفتح بقوة واشتغل الضوة واني صرخت صرخة لان ميتة خوف من الفلم اجاني قيصر يركض وخر الغطة وصاح اشبيچ .....
—————-
اكثر من ٢٠٠٠ كلمة اريد تشجيعكم الي للمواصلة 🥰.

En.Zahraa