رواية القاضي و الشاهدة الفصل التاسع 9 - بقلم شامخ

- هههههه .
- قيصر احجي صدگ مجاي اشاقة .
- اخخخ يارغد لو بيدي ما اعوفچ ولا ثانية بس مو بيدي وانتي تدرين وجودي وياج اشگد ايتعبني مثل الاسد الميت من الجوع وعاشگ غزالة والغزالة گاعدة بصفة عشگة الهة ما ايخليهة ياكلهة وجواعة بنهايت الامر راح ايكتلة .
- الصوج مو بالاسد اصوج بالغزالة الي طلعت گبال الاسد اني من البداية غلطنة والغلط الاكبر انو جاي اتعلق بيك .
- رغد ودي اسمع كلمت احبك منچ.
- امم بس اني ما احبك اني معجبة بشخصيتك .
- گبر طمني وايخلصني منج .
- هههههه
- صدگ وين أَنَــ😴ــْامّ.
- بالصالة لو بغرفت الضيوم .
-  لا بشرفچ!!
- اي جا وين اتنام ؟
- انام يمچ .
- لا بالله !
- اي والله احطج بحضني وانام .
- بس مو هيج اتفاقنة.
- اتفاقنة ايكول ما اجيسچ الة برضاج واني ما ماد ايدي عليج بس امنيمج بحضني .
- غير مرة.
- اذا ما اتقبلين اروح أَنَــ😴ــْامّ بفندق لان مرمرتيني من اجيت ليهسة اتوسل بيج يعني جاي من البــஓـــصـرهـﮯ ليهنا واني مريض بس علمودج وتاليهة حتة ما اتخليني أَنَــ😴ــْامّ يمچ .
-اوكي قيصر.
- اوكي شنو؟!
- شنو شنو .
- هههههه يعني ما فهمت ابقة اروح.
- استغفر الله قيصر اشبيك اذا ما اتريد اتنام اني راح أَنَــ😴ــْامّ باجر وراي دوام.
- نامي آنتي اناي ما يجيني نوم هسة .
- باجر عندك گعدة صبح هسة اصير عندك هالات سوة جو عيونك .
- هههههه ولج جنان سوة حياتي كلهة سوة بقت على جوة عيوني .
- شبيك ؟
- رگبتي وراسي موتاتني .
- اتمدد على الجرباية اشوية واجيك .

عفتة وركضت للمطبخ جبت زيت الزيتون واشوي حميتة وحطيتهة بكاسة وجبتهة  گتلة قيصر عادي تگعد بالگاع اشوي خليني امرخلك راسك .
- نامي باجر وراج دوام .
- ماجايني نوم دگعد يلة .

اتربع بالگاع واني گعدت امرخ براسة و رگبتة بزيت  حسيتة خدر وشبه النام ورة نص ساعة نام قيصر وهوة گاعد اني حسبالي خدران واحجي ويا اشو هذا ما ايرد
قيصر قصير
ماكو جواب الى ان مديت راسي لگيتة نايم هزيت جتفة قيصر گوم نام على الجرباية لا يتكسر جسمك.
- مابية .
- قيصر گوم والله مو زين عليك انوب ضهرك ايضل ايوجعك.
- تعالي گوميني .
- انشالله

گمت لزمت ايدة و تمدد على الجرباية غطيتة ورحت غسلت ادية اجيت اشوفة گاعد لو نايم شفتة نايم ادنيت على وجهة احب اباوعلة بس استحي منة خلي استغلهة فرصة ما طولة نايم وبحركة سريعة لزم ايدي وسحبني لحضنة شبگني بدية ردت اوخر گلي
رغد لا تتحركين والله ما اسويلج شي بس خليچ بحضني .
استسلمت من حچة مديت ادية وشبگتة لان حسيتة نام اشلون سويت هيج ما ادري بس ما ابدي ايعوفني ولا بدي يجي الصبح بدي ابقة بحضنة العمر كلة لو ايخيروني بينة وبين العالم صدگوني چان اختاريت قيصر لان حبيتة دحست راسي برگبتة ونمت الى ان صحيت على صوت المنبه فزيت وخرت ايد قيصر مني وگمت غسلت وجهي و رجعتلة قيصر گوم الساعة ٥:٣٠وراك روحة للمطار قيصر
- بس اشوي .
- قيصر گوووووم .
- مابية اكوم.
- ابو جنان ايدگ عليك.

گمز من نومتة وگال انطيني التليفون اني متت ضحك علية
اتفاجئة من ضحكي وگتلة
-لا اتخاف ردت اگعدك وراك سفر😂.
- يعني جنتي اضحكين علية ؟
- هههههه اي😬.
- اني اعلمج آنتي محد امأدبچ ام اللسان.

من سمعت حجية طلعت اركض من الغرفة مثل الجاهل رحت للمطبخ سويت ريوگ وخلصت صارت الساعة ٦ رجعت للغرفة لگيت قيصر بالحمام اخذت قاطة كويتة ورتبتة ياربي ريحتة اشگد طيبة شبگت السترة واني مغمضة عيوني ما حسيت الة صوت قيصر ايصحيني .

- ترة راعي السترة ما ميت وخطية عندة نقص حنان ومن اشبگي اترديلة روحة.

اني بأرتباك احاول ابرر بس اللساني اربط اخر شي گتلة البس اهدومك بسرعة طيارتك ما بقالهة شي .

- ااخ ليمتة اتحنين علية ولج شلعتي گلبي .
- راح ابدل اني وراي دوام ونتالگة بالمطبخ.
- اني شنو احجي وهية شنو تحجي.

عفتة وطلعت موتني كلساع وايعيد نفس الموضوع وبعدين اني استحي شنو اعرض نفسي علية مثلاً.
بدلت وخلصت ورحت للمطبخ لگيتة گاعد يتريك سحبت كرسي هوة دار وجهة عود زعلان ههههه
اكلت لگمتين وگمت گتلة اوصلك للمطار؟
- لا شكراً ما اريد منج شي.
- 😂 عود زعلان ها.
- انچبي .

عافني واخذ جنطة وطلع لحگتة ولزمتة من ايدة قيصر قيصر
- ها؟
- ما ايهون علية اتسافر وانت ضايج مني.
- 😒.
- اني اسفة .

جلبت ادية برگبتة وبست خدة وشبگتة حيل همست بذنة لا اطول بجية ترة اشتاقلك والله .
شبگني هوة وگال ..لو بيدي ما اعوفچ ولا ثانية بس شسوي انت تدرين بضروفي .
- راح اسافر للامارات الاسبوع اليجي اذا تگدر تجي اشوفك قبل ما اسافر.
- شنو موضوع السفرة هاي وبعدين ليش ماگتيلي؟!
- سفرة شغل ابقة هناك ١٤يوم.
- لا ما اسافرين.
- ما اگدر ما اسافر گتلك هاي شغل دورة للمبتدئين .
- بعدين نحجي بهذا الموضوع لان راح اطلع .

طلع قيصر واني هم طلعت للدوام مرت الايام قيصر چان رافض فكرت السفرة كلش وگالي اذا اسافرين راح ازعل عليج حاولت اقنعة الى ان زعل
المهم سافرت وحاولت اتصل بي خلال هاي الفترة كلش چان قافل مارد علية ابد اشتت كلش من ورة هاي السالفة هوة انقهر من سفرة جا لو يدري بعدين شنو راح ايصير شراح ايسوي اكيد ما يقبل خليني ساكتة احسن وما اگلة مرت ١٤يوم ورجعت انطتنة الشركة عطلة اسبوع استراحة لان جنة نشتغل ٩ساعات بدورات اول ما وصلت رحت للبصرة لان مشتاقة لاهلي واتصلت بمنار بعد ما ازوجت گطعت بية گالت امسافرة هية وحسين ثاني يوم دگيت على ودع گتلهة اني بالبصرة وارد اشوفچ گالتلي امهة اتريد اشوفني وهية كلش مشتاقتلي فعزمتني على غدة بيتهم اني وافقت لان بالكي  اشوف قيصرورحت اتلگوني خطية وامسوين ذاك الاكل الطيب وگعدنة كلنة سوة وحتة عمو علاء موجود وعمو علاء بس اينكت موتنة ضحك ودخل قيصر ما يدري بية اني موجودة بس امة گايلتة تعال على الغدة اليوم لان كلهم ملتمين اول ما دخل صاح بصوتة الخشن السلام عليكم اجة ودنگ على راس امة باسهة فصارت عيني بعينة هوة ظل متفاجئ اني ابتسمت بوجهة گالة عمو علاء اگعد يمي تعال فصار گبالي .
چان عمو علاء ايگول .
- ولك قيصر هاي رغد بت كمال ما عرفتهة .
- لا اشلون ما اعرفهة صديقة ودع .
ودع: اذا قيصر ما يعرف رغد منو الي يعرفهة .

اني انشحطت من گالت ودع هاي الحجاية والله حسبالي تدري انطاني قيصر مي بسرعة وگالي .

- على كيفچ من تاكلين لا اتموتين ونبتلي بيج.
ام علاء :ولك قيصر عوف البنية ترة اني كلشي ولا رغد وبعدنين خليهة تاكل انت شكو بيهة اصلاً اني امسوية كل هذا الغدة علمودهة .
- خلة مضغوط من اخدودي 😂.
علاء: اي وخاصة مرتة جنهة حصان .
- 😂😂😂😂😂😂😂🤣🤣🤣🤣🤣🤣😂😂😂😂😂 .
- ودع: لا ما اسمحلكم تحجون على الحصان وتهينو.
- قيصر: انتو جايبيني اليوم علمود اتهينوني شنو اني راح وخلو رغد اتفيدكم.
- اني ﺁﺇﺃﺱــsorryـــفه لا اتروح .
- بلة على شنو اسفة 😒؟
- على كلشي .
- عذرج ما مقبول ابد.
- علاء: خاب گم ابو الفصف انت قاضي بالمحكمة مو علينة ولك خاف نسيت روحك لا هسة اعلگك بالبنكة وهية شنو اسوتلك علمود تعتذر منك .

اني خربت من الضحك على قيصر وهوة ايباوعلي وشايط مني فگال.
- سمعت جنتي بالامارات صدگ هذا الحجي عمو كمال اشلون ايخليچ اتروحين وحدچ.

خرب حضي بس لا عمو علاء راح يچفضهة .

علاء: وانت اشداك؟
- صديقي راح وية بعثتهة ناشرين الصور فشفتهة وسالتة على رغد.
- اها ..
- خالة عاشت ايدج الاكل كلش طيب والله لو تدرين بية بغداد ابحدي امخلصتهة بس لفلات .
- يمة ليش ما اطبخين؟
- اطبخ بس الروحي اتعاجز فاشتري بطريق الرجعة اكل جاهز ونام .
- يمة اشلون تگدرين اتعيشين بحدچ بيت ما اتخافين .
- اتعودت .
- علاء:صدگ بعدچ اتخافين من الرعيد والهوة العالي؟!
- اي عمو بعدني .
-اشلون اهناك بيج.
- ما أَنَــ😴ــْامّ للصبح من الخوف .
- والله يا كمال اگولة روح وية رغد ما يقبل دخيل بختة الة ايروح للامارات هسة حبكت روحتكم؟!
- اني ردت اعيش بحدي وخالتي وعماتي هناك ماكو غربة انشالله.
- بية صعبة العيشة بحدچ وانتي بنية.
- كلش مريحة امخلصتهة بس نايمة هـہُہَہَہَــہَہَہَ(ツ)ہَـہَہَہَہَہَهه .
- ام اخدود ما تگعد راحة .
- ام علاء: يمة ليش ما تزوجين وترتاحين من الشغل .
- خلة بس الگة الرجال المناسب ازوجة اهم شي كون صاك .
- عندي الج اشلون قسمة ذاك الشاب الحلوة ابن اختي استوة راجع من روسية چان يدرس صيدلة وهسة ايدورلة على مرة وين يلگة احسن منج.
- اذا حلو اقبل بي ههههه.
- قيصر : بعصبية شنو يمة صايرة تشتغلين خطابة واني ما ادري .
- يمة ابن خالتك خٌےـوِشّے ولد و رغد ابنية اتخبل و الله ايستر عليهة گلت احجي و ياهة اذا ما عدهة اعتراض على الموضوع احاجي بن خالتك.
- علاء: اني احجي وية كمال خلو موضوعة علية لان صدگ حمد خٌےـوِشّے ولد .

اني اباوع على وجه قيصر الي صار نار عرفتة انقهر كلش وما يگدر يحجي ولا ايسوي شي فگتلهم .

- خالة لا تحجين وية والولد ولا عمو علاء يحجي وية بابة اني ما اريد ازوج هسة .
- ليش يمة ما تريدين تزوجين.
- قيصر بعصبية: گالتچ ما تريد تزوج ليش اتلحين عليهة .

ودع ضحكت ودنگت خرب حضي بس لا تدري بالموضوع والله فشلة خلصنة غدة گعدنة نشرب جاي هوة گاعد يم علاء ابو واني وام علاء و ودع گاعدين انسولف ونضحك والة قيصر اعيونة تجدح شرار حسبالة بعدنة انسولف على موضوع الخطوبة هية جانت ودع اسولف على طلاب وياهة بالجامعة واحنة نضحك
وخلال ما نحجي اتصلت أَامٌَِْي اخذت التليفون ورحت للمطبخ سديت التليفون  ودرت وگيت قيصر واگف بوجي ...

————
ﺁﺇﺃﺱــsorryـــفه كلش مجاي انزل بنتضام بسعندي دوام ومجالي الحك بس راح احاول انزل بارتين بالاسبوع .
En.Zahraa