رواية القاضي و الشاهدة الفصل الحادي والثلاثون 31 - بقلم شامخ

مرت الايام جنت كلش متونسة بالبيت يم ابوي ما انكر ضايجة من ورة قيصر واسلوبة الجاف بس الله كريم الة اطلعهة من عينة رحت لبيت عادل ومرتة عزموني على غدة واني هم عزمتهم على عرسي او اقصد المسرحية التمثيلية الي راح اصير ... كلش فرحو من عرفو راح ازوج وراح استقر بالعراق اتصلت بية خالة ام علاء رفعت الخط بعد السلام

- وين انتي هسة؟
- خالة معزومة على غدة بيت صديق ما اگدر اجي.
- منو هذا الصديق وقيصر يدري؟
- ليش خالة اني ادري بقيصر وين ايروح وين يجي علمود اگولة .
- بنتي الوضع يختلف انتي مرة وهوة رجال عود انتي العاقلة اني ارد احجي وياج لان الواضح انتو متحاجين صاركم هواي ولازم تصالحون.
- لا خالة ما متعاركين ابد انشالله من اخلص العزيمة امركم قيصر موجود؟
- لا بغداد.
- تمام اني العصر امر عليج

خلصت غدة وشربنة جاي ورحت لبيت ابو علاء اذا ملاحضين انو ما اجيب طاري ابو علاء لان رجال جبير ومريض يعني مالة دور بيتهم كلشي بيد علاء بس غير علاء ما يحجي😜.
وصلت شفت سيارة قيصر بالباب مالي خالگ اشوفة كلش حركت ورحت للبيت اتصلت بيهة گتلهة صار عندي ضرف وما گدرت اجي خالة بالكي اتمرين انتي علية هية قبلت خالة سعاد لاحضت انو اكو مشكلة بيني و بين قيصر لان من اجيت يمهم لا اتصلت ولا حجيت ويا مثل المخطوبين و حتة ماعندي فرحت عرس من گد ضوجتي رحت لصالونة قبل لا تجي وگصيت شعري كارية من ورة كلش قصير واشوية شعر

هيج تقريباً اني فد ارتاحيت من گصيت شعري وكانو ذبيت همي جان كلش طويل وايحبة قيصر هواي ..هسة ودي اشوف شكلة وهوة ايشوف هيج شعري مو اني ما اهمة اتصلت بية خالة سعاد گالت اجت ام علاء وياهم قيصر طرت من الفرح اني بس علمود اغثة الغثيث هههههه
عندي مفاتيح چنت لابسة عباية اسلامية فتح وجواهة بنطرون والحجاب من وصلت للبيت ذبيتة على جتفي بس من دخلت للبيت احس الوجوه صارت فالتة واولهم قيصر وجهة گب نار سلمت عليهم ونزعت العباية وگعدت

- ما گتولي اشرايكم بشعري 😏. واحرك برگبتي
- ام علاء: ليش يمة گصيتي ؟
- رغد: خالة ايضوجني كلش من انام طويل ويلف علية وغسلة هم ايتعب ولازم احطلة مخمريات .
- قيصر: يمة اني اتانيج برة من اتخلصين طلعيلي😡.
- ام علاء: يمة اگعد وين راح؟
- قيصر : عندي صخام شغل .

قيصر: طلعت ورحي فايرة الحقير گصت شعرهة بس علمود اضوجني اشلون دخلت فرحانة وهية تدري اشگد احب شعرهة انوب الحقير اتگل لمي يزعجني من انام ايضل يلتف علي يعني اعناد بيك گصيتة طلعت واني ودي اكسرهة على الي سوتة لا وامي جايبتني علمود اتراضينة اني ويا وهية تسوة واحد يتنازل علمودهة ابد ما اسوي بس الاشياء الي اتغثني

رغد : اباوع بعيونة وهوة ايرد ياكلني هسة حسيت برضة رجعتلة موقف الحادث لك اني اشوفي واسوي روحك ما شايفني ههههه قيصر قبل من جنة مزوجين چان ايحب شعري يبقة مفتوح من انام يمة ايگلي اعشگة وهوة يلتف على جسمي وريحتة اموت عليهة .

- ام علاء: يمة رغد ليش تمشين وية قيصر بالعناد ؟
- سعاد: عن اذنكم عندي كم شغلة اسويهة بالعافية رغد حلوة عليج الگصة .
- الله ايعافيج خالة بس انتي گتيلي بالعافية .

گامت وگعدت يمي لزمت ايد سحبت نفس وگالت

- شوفي رغد يمة اني راح انصحچ نصيحة لان اعتبرج مثل بنت الي وعمري مراح اعتبرج چنة الي يمة المرة ما ايصر هيچ تتعامل وياة رجلهة بالعناد يعني حتلو هوة الغلطان ما ايصر انتي اتعاندي راضي وبعدهة عاتبي وعاقبي بالي ايعجبچ الرجال يكره هيج اسلوب وقيصر ايموت عليچ.
- خالة ما عندي مشكلة اني وقيصر ...
- صح اني مرة چبيرة بس من اباوع بالوجوه افهم قيصر من يوم الي سافرتي بغداد انگلب حالة و الضحكة ما شفناهة على وجهة ويصنع الفرحة مال عرسة وكأنو مجبور على الزواج الي ايشوفة ما ايگول نفسة قيصر الي گال رغد احبهة وشنو اتريد اسوي وگف بوجهنة كلنة علمودچ الله شاهد اشگد جنت احجي علية واگلة ضب مرتك وهوة يضحك وايگلي يمة اعشگهة ما اگدر اجبرهة على شي هسة شنو الي اتغير ليش واحد ما طايق الثاني هوة يتعمد ايضوجچ وانتي نفس الشي غير اتفهموني شنو الموضوع والي يسألكم اتگولون ماكو شي .
- خالة ماكو شي بس اشوية خلاف وانشالله ينحل .
- شنو انشالله عگب باجر عرسچ المفروض اليوم اجهزين روحچ ما اسوين حنة؟
- لا خالة ما اسوي .
- ليش؟
- احسن.
- اني اسويلج حنة اتخبل مو حسبالج ما عندچ ام اسويج حنة ودع هم ويانة .
- لا اتعبين نفسچ مو لازم اني احني ايدي وبس .
- مرات احسكم اتريدون بس اتعبرون العرس كنو واجب اتريدون تگضو وترتاحون .
- لا خالة مو هيج بس اني وحدي ويامن احتفل بحنة 😔.
- مو احنة موجودين وانتي بتنة ترة .
- تسلمين خالة.
- راح ادخل قيصر يمة الله يرضة عليج راضي واحجي ويا كم كلمة وگولية گصيت شعري حسبالي ايعجبك .
- انشالله خالة.
- بعد ما اوصيج وبتجر الحنة مالتج.
- خالة ما مشترية بدلة.
- قيصر چابلج قبل فترة گال شفت هاي البدلة وعجبتني عندي بالبيت.

ادري بيهة چذب هية مشتريتهة بس اتريدني اصالحة 😒على اساس ما اعرف قيصر افندي اذا قفل بعد لو مو رغد ما يرضة الة بمزاجة .. طلعت ودخلتة اني چنت گاعدة على القنفة وبيدي التليفون اگص صور الصرحة عجبتني الگصة كلش چان اباوع والگا بوجي

- يمة رغد گعدو انتو احجو راح اروح يم سعاد اشوي بعد ما اوصيچ.
- انشالله وهاي اگبالچ گمت وبست قيصر من خدة اسفة قيصر اذا ضوجتك بشعري بس حسبالي راح اتحب هاي الگصة .
- يمة شنو اظل ساكت البنية سوت الي عليهة واعتذرت .
- قيصر: يمة مو اتريدين تحچين وية سعاد ما اتروحي وسدي الباب وراج .

من شفت نضراتة متت خوف حسيتة راح يسوي شي لان معصب كلش طلعت امة هو مشة وراهة وطبگ الباب وقفلة اني بلعت ريگي احس رجلية بادو من الخوف بس ما اگدر ابين الة هذا الشي نزع سترتة وشمرهة على القنفة

- اي رغد گاصة شعرچ مو حسبالچ راح يعجبني 😠.
- امك گالتي هيچ گولي ..
- ادري قابل اتكسرين كبريائچ وتجين تعتذرين مستحيل مو انتي رغد الحلوة الي الشباب كلهة اتباوع عليچ من اتفوتين .
- مالة داعي هذا الحچي .

لزمني من ايدي وعصرهة حيل حسيتهة اتريد تنكسر

- ليش گصيتي شعرچ ؟
- أ أ خ أخ قيصر ايدي اشبيك.
- تتوجعين مو ارد اراويچ الوجع الي احس بي هسة واني اباوع على شعرج .
- قيصر هد ايدي راح اصرخ والله .
- صرخي خاف حسبالج اخاف من امي .

متت من الوجع دفعتة بكل قوتي وخرتة

- انت شنو مو اني ما اهمك وزواجنة بس حبر على ورق اگبال الناس بعد شتريد مني اگص شعري او ازينة هذا الشي ما ايخصك.
- اها هيچ صار الوضع مو على راحتچ رغودة شنو اتريدين اسوين سوي واتأكدي اني صابر وساكت بس علمود ما اتگولين ضحك علية وزوجني بسر ومن خرابيطچ الي تحچيهم .
- مشكورة الله ايقلل من امثالك مسوي علية فضل على اساس الي يسمعك ايگول شنو هذا والله جنتل مان رجال شهم وعند كلمتة وين راحت هاي الرجولة وانت مزوج بنية غصب وبسر ها وين راحت.
- ازوجتچ بسر صح بس ما جبرتچ تنطيني روحچ اذكري عدل.
- ضحك علية بحچيك المعسول وخليتني احبك واصدگ بيك وهسة جاي اتحسسني انك مسوي علية فضل .
- الحچي وياچ ضايع انتي .
- على كيفك قيصر ياريت اتراجع نفسك شوف منو ضخم المشكلة وهية صغيرة.

فتح الباب وطلع شايط معصب ما اعرف غلطانة اني او لا بس والله هوة ايضوجني وايخليني احچي شي وبعدين اتندم علية صح احبة واموت علية بس قيصر كا ينطي بروحة ابد اني غلطنة صح بس ليش ما يعترف هوة هم غلط وياي ...
ثاني يوم سوت خالة ام علاء حفلة هية ودع وخالة سعاد واجت بيهة مرت عادل كم صديقة الي جانت الحفلة بينة ما بيهة احد غريب بس ماكو فرحة ابد بس ابتسم اگابل الناس من الفشلة وثاني يوم العرس رحت للحلاقة من الصبح ماكو اي ابتسامة على وجهي وياي ودع خطية ما عافتني ابد اتحاول اتغير الكائبة بس اني ضايجة خلصنة اتصلت قيصر علمود يجي انروح للتصوير اجة اخذنة وراح للتصوير صعدنة بالسيارة لا هوة نطق كلمة ولا اني هوة ايباوع على الشارع واني مغطية راسي بالكبوس گالت ودع

-شغلونة عادك اغنية حسسونة اكو عرس .
- قيصر: لاحگين على التمثيل همزين انتي اتعرفين بكلشي .
- ودع: قيصر ما ايصر هذا الحچي ترة الي جاي اسو اكبر غلط انتو واحد ايحب الثاني بعد هذا الخلاف على شنو انت اتگول ما غلطان وهية اتگول ما غلطنة وانتو اثنينكم غلط على الاقل واحد منكم ايضحي علمود علاقتكم يعني هسة انت اتريد اتفهمني اذا اطلگ رغد مثل ما متفقين تقبل تزوج واحد ثاني يعني ما تهتم قيصر اصحة على روحك اشوي وفكر بالموضوع ترضة رغد اتنام بحضن غير لا اطيرهة من ايدك وانتي ست رغد كافي مصخت معنفصة .
- قيصر : صمي حلگچ ودع ما اويد اسمع صوت .
- ودع : طبكم طوب .

وصلنة للمصورة نزلنة اني وياه ودع دخلنة جوة بالغرفة ودع نزعتهة الكبوس اني چنت گاعد على الكرسي واباوع بالتليفون ابد ما منتبه عليهة سمعت ودع اتگلهة والله حرامت كل هذا التعب ايروح ابلاش رفعت راسي عود ارزل ودع وچان اشوفهة اهية حلوة و حاطة مكياج خفيف وحمرة حرة وهية بيضة صايرة اتخبل عليهة شعرهة رافعتة بتسريحة بسيطة ولابسة تاج والبدلة البيضة اتخبل اتحدة رجال ايشوفهة ما يتخبل ومحمد هل رغد راح اسودني ودع اتگلي اتخيلهة بحضن غيري غير احرگ الي اباوع عليهة طلعت رغد ودخلت المصورة واني حتة ما منتبه عليهم اجت وكفت بصفي واني عيني عليهة ما وخرتهة گرصتني

- قيصر المصورة اتگول عندك لاقطات لو على ذوقهم ؟
- ابكيفچ انتي.
- على ذوقكم گلبي.

انتي گلبي اني مو گلب احد انتي بس الي مو لواحد

- استاذ حاوط  اديك على خصرهة واسك يم جتفهة ودنگ اشوي عروستنة رفعي راسچ اشوي واحد يباوع على الثاني

حطيت ادية على خصرهة رفعت راسهة علية وعيني بعينهة ابتسمت الهة وهية هم احلة شي بالتصوير گدرت الزمهة براحتي هية اتغلس اسوي روحة ما اشوف خلصنة التصوير بس شلعنة گلب المصورة هههههه اني نسيت مشكلتي وياهة طلعت الصورة بقيت اني وياهة

- طالعة گمر اليوم.
- انت الگمر اتخبل اليوم قيصر اني اسفة اني احبك واموت عليك من اطنشني هذا الشي يموتني .
- انتي غثيتيني ردت ادبچ بس ردتچ اتعرفين غلطچ ولة اني امخبل اعوفچ ولو اتموتين ما اطلگچ اكو واحد ايعوف النفس الي يتنفسة .

شبگني حطيت راسي على صدرة

- ترة مو وكتهة كلش يعني امي حرگت التليفون وانتو اهنا اصفنون وبعدين لا تتلف حمرة فشلة .
- انتي اشجابچ حضي رغد بعد ما اريدچ تحچين وية ودع خير شر.
- اگلك قيصر ليش نتعارك مرة ثانية عوف ودع لا تدناهة اوكي .
- ببم قصفك يلة الله ايخليكم بسرعة .
- ما ايصير انروح للفندق گبل .
- رغد : قيصر من هسة بلة احراجات اگبال الناس اوكي .

طلعنة صعدنة بالسيارة شغل

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

رغد : قيصر هوة الي بادر بالصلح فرحت اني كلش لهذا الشي ما عندي مشكلة اعتذر بس كون ما ايفشلني من شفتة طبيعي وياي اعتذرت اني احبة اموت علية قيصر  اول واخر رجال احبة ويدخل حياتي وعمري ما اباوع على غيرة بتصوير هوة يتحرش بية لو ما المصورة چا اندرت علية وبستة بس استحي هوة الضكة مالتي اول اجوز افترقنة كل هل وقت بس ربنة جمعنة مرة ثانية الحمدلله امشغل الاغنية ويغني وياهة ومنطلق وايدور علية  لازم ايد وايبوسهة  خلصت شغل وراهة

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

استحيت اشوي من ودع گاعدة ورة هية دايرة وجهة اسوي روحة ما اشوف جان گال

- رررغد خلي انعوف العرس وانروح للفندق اشلون انحمل كل هل وقت .
- مثل ما انحمل كل السنين 😜.
- ترة انتي ضامة خلي بالج الة اطلع كل هل السنين من اعيونج.
- ودع : الوو ترة اني موجودة خاف تنسون روحكم 😂.
- يارب هاي اشجابهة وياي 😒.
- اني .
- عمي احطهة على راسي ما طول رغد اتريدهة .
- ودع: افة هيج صرت سكان بيد مرتك.
- قيصر: انتي شكو اني راضي انتي شكو.
- وصلنة للقاعة انزل يا عريسنة ونزل مرتك .
- قيصر : رغد غطي ما اريد احد ايشوفج وانتي نزلي بسرعة ودخلي للقاعة اني انزلهة .
- اي عيني شيلهة ليش اتنزلهة.
- رغد: ولج ودع خلي زين وياي هسة ايطنگر.
- قيصر : انتن مو صوجن يالة نزلن بسرعة.

نزلنةودخلنة للقاعة جان اكو شباب قيصر اول ما نزل اشر للحماية وخروهم من شفت تصرفاتة خفت الصراحة هذا اصاير ايغار اذا احد ايباوع علية اشلون افاتحة بموضوع الشعل ما ادري نزلنة ودخلنة للقاعة امسوين دخولية اتخبل حسيت روحي عروسة مو مثل شعور البارحة كانو بس مشهد تمثيلي اكو هواي نسوان ما اعرفهم سألتة گال زوجات قضاة وبعضهم زوجات نواب ونائبات چنة گاعدين على الكوشة اني ويا والناس تجي اسلم علينة وهو كل اشوية وگال
- يمة كافي ليمتة يخلص العرس ترة لعبت روحي.
- ولك قيصر يمة چنك صبي اول مرة ايعرس اصبر عيب منا ناس.
- يمة دشوفيهة مو چنهة الگمر هم اكو احد ايلومني اذا عشگتهة .
- الله ايديم الود والمحبة بينكم واشوف ولدك يمة اريد افرح بولد .
- يمة اذا اتعوفينة اهنا لا اشوفين لا ولد ولاشي .

ما تحملت فشلني دست على رجلة اهوة مات ضحك گالهة

- يمة العروس تستحي خالي انسد الموضوع .
- حقهة يمة انت لا خليت حية ولا مستحة والبنية صارت جنهة طماطة من المستحة .

درت علية وشفتهة ياربي صدك طماطة اشگد خجولة كانو اول مرة نزولج  اشوي وطردوني من القاعة والله على دمي هذا العرس ما اعرف اشلون صبرت من گالو وكت الزفة وكانو اول مرة ادر ادخل اخذهة واشرد دخلت اني وعلاء العادات اتگول لازم خير ايگوم العروسة ولعدم ثقتي بأحد گتلهم علاء ايگومهة مات من الضحك هوة گال هسة صرت اني خير ولك گتلهم لو علاء لو اني اروح وحدي.
استسلمو ودخلنة هلاء هم اخذة الواهس لازم بيدة سبحة هوة لابس قاط😂 عود خير كل ساع وگال
-احترم الخير الجاي وياك .
- من وين جبت هاي السبحة ترة نايلون 😂 وانت لابس قاط مو دشداشة.
- انچب ولك اتعلمني شنو اصلاً اني يستدعوني اشيوخ احل مشاكلهم .
- غير يگعد راحة غظبان البنية والله لو ما اغر عليهة فلا ادخلك.
- تمشي لا اعوفك واروح .
- مصر على السبحة يعني؟
- اي .

دخلنة وامي اتهلهل ودع ميتة ضك على علاء

رغد : اني مغطين وجهي بس اسمع ضحك ودع واتگول شوف قيصر منو جاب سالتهة گالت علاء عود خير هههههه . متت ضحك عليهم وصل علاء چان گال

- يلة گومي ام اللسان ولي وية رجلج .
- قيصر : ولك مو هيج😂.
-علاء: انت اتعلمني ولك بعدين اكره هاي اسولف لا اتخليني هسة اكلهم ايكملون الحفلة وانت اضل .
- رغد : عمو شنو هاي الي بيدك😂.
- قيصر: خليهة سكتة گتلة خليك خير گام جاب سبحة من زعطوط عود صار خير 😂.
- علاء : ولو بعد ما اگومهة 😠.
ام علاء: ولكم يلة هية مال اسوالف فشلتونة وبعدين اة علاء اجيبة .
- علاء: لا يمة لا جرحتيني شنو قصدچ.
- امة: يمة انت هسة اظل اسولف وما اكو زفة بعد.
- رغد وقيصر  ودع : هههههههههههه😂😂😂.
علاء : لا يا حيوانات اني اعلمكم والله لو ما اناس جان گطعت الحذاء عليكم وانت ست رغد اتگومين لا ادفرچ اطير وجهچ 😠.
- رغد : گمت عمو بس لا اتعصب لخاطر السبحة الي بيدك😂.

گمنة وطلعنة علاء جنت لابسة كبوس ما اشوف شي بس واحد وگفني وباسني من راسي عرفتة بابة گلة بيتي ربي ايوفقچ وايسعدچ.
صعدنة بالسيارة چان يصعد علاء ويانة

- قيصر: علاء شجاي اسوي😠.
- غير اني خير اروح وياكم 😏.
- تنزل لا نتخارب ولك صارلي متحمل من الصبح مابية حيلك كلش .
- ههههههه نازل نازل الوضع وياك تعبان كلش الله ايعينچ يا رغد.

نزل وقيصر حرك السيارة الفندق قريب من القاعة وصلنة دار نزلني بهدوء... حاجز النة سويد دخلنة هوة اول ما وصل للغرفة شالني وداني للغرفة .....
حاطة راسي على صدرة وهوة يلعب بشعري

- قيصر.
- ياروحة .
-وين راح نستقر؟
- بغداد اكيد .
- ليش بغداد ؟
- ليشوين اتريدين اتگعدين رغد رحمة لهلچ لا تنكدين علية خليني مرتاح مال اتگليلي اسافر انسي الموضوع لا ابو شغلچ لا ابو سفرج.
- ما اسافر بعد اصلاً استقاليت من الشغل بقة بس اصفي اموري اهناك اروح اني وياك من تفرغ واصفي الامور هوة البيت مشتريتة اني وعندي سيارتي وسيارة بابة ومن غير كل افلوسي هناك .
- هاي شنو مرتي صايرة ملاكة .
- ليش من ازوجتني اول مرة جنت بت فگر !؟ اني اول ما انولدت بت خير .
- اشاقة وياج المهم شنو الي اتريدي ؟
- اريد اعيش بالبصرة ما اريد اروح لبغداد اهنا كل اهلنة وحتة ارتاح اهنا اكثر .
- بس شغلي هناك .
- زين اتخليني اروح واجي بين فترة وفترة ؟
- اي اخليچ اكيد تمام امممم .
- بعد شنو عندچ احس الموضوع الي اتريدين اتگولي ايضوج فأنطيتي كل هل مقدمات 🤨.
- اريد اشتغل ما اريد ابقة گاعدة بالبيت اختنگ والله .
- لا ما يحتاج اني انطيچ راتب ..
- اگلة اضوج مو قصت افلوس اصلاً راح افتح مشروع وية بابة بالبصرة وبغداد ولازم الزمة بغداد لان بابة وعمو علاء بالبصرة واني بغداد .
- اصلاً انتي مخططة الكلشي بعد ليش جايتني.
- اني مخططة بس ما منفذة اشبيك وبعدين اصلاً احتاجك المعاملات يحتاج الهة واسطة قوية ويعني اني واسطتي رجلي حلو .
- اي ضحكي علية باللة شنو مشروعچ ست رغد

گعدت اشرحلة عن الموضوع چان گال

- ترة الموضوع يرادلة دراسة كاملة وحساب الميزانية وبي هواي اشياء وفوگ كلشي ميزانية قوية
- اني مسوية مخطط للمشروع كامل قبل فترة اشتغلت علية وجدول هم مسوية واعرف قيمة المشروع وعندي افلوس لا اتخاف علية .
- لا صدگ طلعتي ملاچة اگلج اشگد عندچ فلوس ؟
- انت شكو بفلوسي .
- همزين ما ادري بيچ عندچ فلوس چان گلتي ازوجني على طمع .
- هسة موافق لو لا ؟
- مو وكتة استونة مزوجين ترة مو وكت شغل .
- ادري من ايفوت شهر ابلش تمام؟
- الله كريم .
- وين راح انسافر ؟
- ما حجزت لمكان لان جنت ضايج منچ .
- وهسة بعدك ضايج .
- يعني اشوي
- اني اعرف اشلون اراضيك

سافرنة لبنان بقينة اسبوع ورجعنة لان قيصر عندة شغل استقرينة بغداد احلة فترة الي ويا ما عدنة جهال وبس اني ويا صح اكو اشويت مشاكل بس اخذت بنصيحة ام قيصر اصالحة وبعدهة اسوي الي تريدة 😂 خوش اتوزني على ابنهة هية ودع هم انخطبت وملتهية هية وخطيبهة الحقير لا تسأل ولا اتگول الو فات الشهر ورجعت فتحت موضوع الشغل وية قيصر وقبل وطبعاً طاح حضي الى ان تم ما ردنا اني وابوي خطية عم علاء ويانة هم صار المشروع بي فرعين واحد بغداد واحد بالبصرة عرفت روحي حامل بس ما گلت لقيصر لان خفت ما ايخليني اكمل شغلي رحنة كلنة للبصرة علمود افتتاح المشروع وكلنة مجمعين بيت اهل قيصر حتة بابة وخالة سعاد گعدنة ناكل قيصر بصفي امسوين لحم وچبدة من شميت ريحتهم معتي گلبت عفت الاكل وگمت ذبيت معتي كلهة خرب حضي هسة اكيد راح ايشكون بالموضوع .
رجعت لگيت خالة ام علاء شايلة اللحم والكبدة واتباوعلي وتبتسم ضحكت اني سويت روحي ما ادري بشي چان گالت

- رغد يمة مو سمنانة لو يتراوالي .
- ودع : اي يمة كلش سمنانة حتة مكورشة😂 بعد كم يوم اصيرين دبة وقيصر يزوج عليچ مو اتضوجين اذا عرس.
- قيصر: انتي شكو مرتي مقتنع بيهة اذا ضعفت احبهة واعشگهة اذا سمنت مضغوطة خاف رجلچ ما ايريدچ اسمنين .
- ودع : لا عيني رجلي ايريدني بكل احوالي .
- ام علاء: هاج يمة اكلي مالج غرض بودع اتغار منج لان احلة منهة.
- ودع : ترة مو وضع هذا صفت وية چنتهة علية .
- ام علاء: يمة اتريدين دولمة؟
- رغد : اي يمة بس حامضة لو حلوة؟
- حامضة حطيلي من يمچ .
- علاء : اكو انة بالموضوع والله ما جاي ارتاح .
- امة: انت الصم واكل وانت قيصر رغد بقيهة يمنة هل الفترة.
- قيصر: وين ابقيهة واني وين واولي😒.
- امة: دبر روحك.
- رغد: يمة عندي شغل بس اخلصة اجي يمكم والله اني هم مشتاقتلكم .
- امة: لا ماكو شغل ما عدنة نسوان يشتغلن.
- رغد: انشالله خير ودع اشلونة رجلج اشو عافج وراح ليش ما اتعشة ويانة.
- امسوين لمة بيت اهلة وراح اني گتلة عند اهلي لمة ما اريد اجي وياك.
- علاء: من الاخير اني باجر اگص الشريط والي ايگصة اتعارك ويا.
- قيصر: ههههههه مو احنة جايبين وزير والمحافظ علمود ايباوعولك مو.
- شنو احسن مني همة؟
- كمال: الحقيقة علاء يستاهل كلش تعب اني اصوتي ويا.
- علاء : هذا اخوي الزين مو مثل هذا الاغم لو بيك خير ما اتگودك ام اللسان .
- قيصر: ام اللسان ترة مديرتك 😂.
- علاء : تاكل تبن مديتي و الله اسحة سح بالشركة ابكيفهة هية .
- رغد: عمي بس بالاسم انتو الخير والبركة بسلامة ابوي اني خادمة الكم .
- علاء: خرة بيچ فشلتيني .
- رغد: بس عمو اني جايبة الكم اشلون زبائن هذول تگدرون تعتبروهم ثابتين وراح يعتمدون عليكم بكل الحوالات من البصرة للامارات مو اتفشلوني وياهم .
- كمال: جماعتچ ذول؟
- رغد : اي بابة هذول راح ايفتحون علينة ابواب هواي شركات وايصير النة علان اهناك.
- علاء: رغد تعالي يرادلنة موضفين .
- لا اتخاف اني متفقة وية كادر كامل باجر اشوفوهم .
- ام علاء: عود اني گايلة ما تشتغل رغد.
- علاء: يمة هاي مال ما تشتغل اتحلمين دودة مكاتب هاي 😂.
- قيصر: اي والله لو اشوفهة بالبيت اذا ما اكو شغل اتضل اتگلب بأوراقي ههههه سستمهة امريكي.

خلصنة عشة ورحت وية البنات اغسل اماعين خلصنة المطبخ بعدهة گعدنة بالصالة اني وبابة وعلاء وقيصر گاعد بس من بعيد  وصافن علية

- علاء: رغد اشلون تشتغلين هيچ خاف اصير علينة سمعة؟
- رغد: عمو اتعلمت من شغلي اهناك اذا ما اصير حوت تنوكل والحمدلله اني ما يوم خسرت مناقصة دخلت بيهة والة شغلة اشتغلتهة وفشلت .
- كمال: رغد ما ادري بيچ هيچ تشتغلين .
- بابة ليش اتحسسوتي اني ضالمة انتو لان جدد على السوگ بعدين تتعودون  وخاصة بالعراق يرادلكم خبرة اشوي .
- علاء: ايجوز  حچيچ صح .
- قيصر: رغد ما تتحاسب بالقانون وحجيهة صح شغلهة كلة بصياغ القانون .
- علاء: حچة تبيع مرتة 😂.
- رغد: قيصر كلش فادني بهاي المواضيع لان چان قاضي ويفتهم بصيغ القانونية .
- كمال: علاء بين قوسين رغد امكملة كلشي بي انطبق احنة .

وانفتحت الشركة حسيت روحي سويت انجاز الاول بحياتي  من احلة الاشياء بحياتي مشروعي من رجعنة گتلة قيصر ادر اروح لبغداد ما ابقة بالبصرة بحجت عندة شغل والحقيقة هية ما اريد احجي وية امة لا تفضحني . هوة كيف رحت لبغداد مر اسبوعين وام قيصر تتصل واتلح علية ايجيبني واني ااجل لان ارد ادخل بشهر الرابع اكو سونار يعرف اذا ولد لو ابنية گلت افرحهم مرة وحدة اخذت سيارة ورحت بحدي بدون حرس طبعاً قيصر ما يدري رحت ورجعت بالليل لان ازدحام السونار لگيت اهل قيصر بالبيت وقيصر روحة طالعة

- يا اهلاً واسهلاً شنو هل مفاجئة الحلوة  .
- قيصر : لو حضرتچ اتردين چان عرفتي .
- عندي شغلة خلصتهة واجيت .
- بعدين نتفاهم مو وقتهة هسة.
- اروح اسوي العشة عن اذنكم.
- ام علاء تعالي گعدي يمي احنة متعشين بالطريق .
- خالة بس اشوي واجيكم قيصر عمري تعال اريدك بشغلة.
- گولي شكو؟
- امة: مرتك گالتك اتريدك گوم وياهة .

گمت جنت ضايج منهة رجعت للبيت ما لگيتهة سالت الحرس گالو طلعت العصر بلة امن وادك ما اترد كلش عصبتي والله لو ما اهلي جان ادبتهة والقهر جاية اتريد تحجي وياي دخلنة للمكتب چان گلتهة

- قبل لا تحجين وين جنتي .
- مبروك قيصر .
- على شنو مبروك

لزمت ايدي وحطتهة على بطنهة رفعت راسي

- لا ذابة حلفي انتي حامل 😃.
- لا مو هاي الفرحة الفرحة من تعرف شنو الطفل
- احجي رغد 😀.
- اليوم رحت للسونار وصفتة الي الدكتور وگالتي بيچ ولد .
- رغد صدگ😳.
- اصيك ابو سند منا وهيچ.

الفرحة ما تنوصف على قيصر شالي وفرني المكتب

- رغد ما امصدگ صارلي عمر انتضر الولد .
- امشي انروح انفرح اهلك عيب هسة ايگولون شافونة ودخلو جوة اني گلت اگلك بالاول وعدهة اگلهم .
- امي خطية خلي انفرحهة.
- نزلني بالاول وبعدين انفرح امك .

دخلنة الهم للصالة قيصر وجهة فاضحة لان البتسامة شاگة وجهة

- يمة اسفة لان عفتكم اشوي بس اكو موضوع ارد احجي الكم  .
- علاء : اي رغود احجي فرحينة مثل ما فرحتي قيصر.
- رغد : اني حامل وبولد .

كلهة گامت اتبارك النة علاء راح لقيصر شبگة

- الف مبروك يالعضيد انشالله يوم اتحطة بحضنك .
- تسلم يا خوي .

خالتي ام علاء شبگتني وگالت

-اني جنت شاكة انتي حامل  ردت احللج بس شرتي.
- ردت اتأكد اذا ولد لو ابنة وافرحكم والحمد لله ربي فرحنة كلنة .
- اني اجيت علمود هذا الموضوع والله شاهد جبت علاء سحل گتلة اريد اشوف اخوك.

بيومهة بقينة سهرانين وشقة اتصلت بابة وكتلة  اجلت كل شغلي لبعد الولادة لان خفت على الطفل بقيت بالبيت ونكرة اني وقيصر خطية اشگد اتحمل مني وما حجة كلة علمود ابنة ومرت الاشهر بسرعة وجبت سند ابني روحي دنيتي من اشوفة هو و قيصر موات احس روحي بحلم اگول ايجوز اتخيل و اتصحيني ضحكتة هوة وابو ورة سنة فتحت الفرع الثاني بغداد لان مشروعنة بالبصرة كلش نجح وايادتة كلش زينة بسنة طلعنة فلوس مشروعنة والحمد اتوفقت بشغلي وبحياتي وية قيصر وبيوم رجع قيصر من سفرة جانت برابيل دخلل جنت مبدلة ومشسورة شعري اول ما دخل اخذت تليفونة قفلتة

- حمد لله على سلامتك حبيبي.
- الله ايسلمج عمري تدرين الارصاد الجوية مخبوصة ايگولون الگمر مختفي  ما يدرون الگمر يمي .
- قيصر اني احبك اموت عليك  انت الهوى الي اتنفسة صوتك من ايغيب بالبيت ايصير البيت كائيب مهجور من انام وانت مو يمي ما اغفة لان اتعودت على حضنك گالولي بعد الزواج حبك ايروح بمرور الوقت خفت بس تعرف عشگك كل ما ايمر الوقت ايزيد  .

شبگتة حيل مشتاقتلة هواي ...
وهنا راح اختملكم القصتي وية القاضي على الرغم من الي عانيتة بالبداية من قيصر بس عوضني عن كلشي بعدين  بس اني زعلانة عليكم البارت يوصل٤٠٠ مشاهد واكثر التعليقات بس ٣٠ والنجوم اشوية ليش قصتي ما تسوة 😓 انطوني متابعة واوعدكم انزل قصص بعد
En.Zahraa