رواية القاضي و الشاهدة الفصل الثلاثون 30 - بقلم شامخ

-والله اجيت بس امك خطية جانت تطبخ فقترحت عليهة اساعدهة اشو عافت الاكل وراحت وطبخت اني ودع ما يحتاج كل هل عصبية😒.
- رغد نفسيتي كلش تعبانة من شغلي اسف ذبيت عصبيتي بيچ .
- يلة اعبرهة الك هل مرة لان مريض مرة التجي اعوفك واطلع لان ما اتحمل احد ايصيح علية.
- اي حقچ يا مرت النائب ..
- عمري ما اهتميت لمنصبك لا قبل ولا هسة .
- امشي ناكل وياهم امسوين لمة وعايفينة وحدنة.
- لا خلينة اهنا عدكم خطار .
- منو الخطار ؟!
- ابن عمك .
- ابن عمي منو منهم؟
- ما ادري ودع گالت اني ما اعرفهم .
- حطي الاكل على الميز على ما اغسل .
- تگدر اتگوم ؟!
- اي اگدر امشي مصوب بچتفي مو برجلي 😂.
- اي صحيح الي ايشوفك قبل كم يوم واني اسح بيك بالمستشفى ما ايعرفك هسة.

دخل للحمام غسل ايدة وطلع اينشف بالخاولي ويبتسم حاصر روحة من الضحكة باوعت علية لابس التراك الي جبتة الة قبل كم سنة من جانت علاقتنة قبل هذا الشي ما اعرف ليش فرحني اكثر شي ايريح بلعلاقات انو اتحس المقابيل ما ناسي شي وايحاول يحتفض بابسط ذكرة حتة لو اتفارگو

- وين صافنة يا روحي.
- تسلم روحك 😊.. ماكو شي .
- يالة خلي ناكل جوعانين

اكو ميز اصغير بالغرفة للچاي وبي كرسين حطيت الصينية وگعدنة نتغدة ونسولف قيصر يسألني على شغلي وفترة اقامتي بالامارات فگعدت اسولفلة چنت اجنب الحچي عن نوار لان هذا الشي اينرفزة كلش واني مابية على مشاكل ويا خلص اكل فشلت الصينية وديتهة للمطبخ اكو مرة تشتغل بيت قيصر بس عراقية استغربت الوضع اشلون ايأمن ايدخل عراقية ما اعرف المهم لگيتهة امسوية چاي رادت تصب گتلهة لا اني اصب .. صبيت الچاي واخذتة لگيت بابة بالغرفة هوة وعمو علاء من شفت بابة حسيت بالفشلة من تصرفي ويا سلمت على عمو علاء بس چان ضايج مني الواضح بابة امسولفلة علية انطيت الجاي لقيصر ورحت بست راس بابة وايدة وگعدت يمة باوعلي وابتسم شاورتة

- اسفة بابة جنت غلطانة وياك.
- لا تأسفين بنيتي اني مسامحچ كم رغود عندي.
- بابة والله..
- يابوي مو وكتهة هسة من نرجع نحچي .
- خو ما ضايج بعدك 😓.
- جنت ضايج بس هسة لا .
- بعد ما اضوجك وحقك علية والي اتريدة ايصير.
- دروحي يم رجلچ گاعدة يمي ما اعرف اشحب بيچ هل الغبر😂؟!
- علاء: ولله ياخوي ما تلام قيصر شحبيت بام اللسان؟
- قيصر: والله يا خوي من اول مرة شفتهة سطرتني سطر هوة شنو بيهة ما ينحب ..

حچاهة وباوعلي ابتسمت اني

- علاء : ولك انت شو ما تستحي ما اشوفنة گاعدين  خلي عندك حية عوزك بس تطفر على البت  همزين ما بيك حيل.
- قيصر : اني صح مريض بس بية حيل 😉.

مثل كل مرة قيصر ايفشلني انوب ابوي موجود خرب حضي هذا ليمتة ايبطل

- رغد: اني اروح يم ودع وخالة ام علاء...
- علاء: انچبي وگعدي احنة طالعين بن عمي عينة نكسة وگصچ گص مساع واصلاً باقي بس علمودچ.
- قيصر: بس لا عمار😡؟
- علاء: اي القذر لا يستحي ولا يخجل عينك عينك ايباوع ويسأل على رغد ...
- قيصر: اني اعلمة ابن الكلب الگ... والله الة ادفنة .
- كمال: قيصر هدي انت مريض وما يحتاجلهة كل هل الانفعل ايولي .
- قيصر : انت تحجي صدگ ؟! اي حقك ما اتعرفة هذا فد واحد ادب سسز حشاك كل يوم مصيبة وية النسوان وعينة زايغة وما ايخاف الله بعدين المن دخلتة لبيتي علاء طردة من البيت رحمة لهلك لا اكوم اجرم بي اصلاً اني اكرهة ولو ما ابوي والله ما اتوسطلة واخلي خايس بالسجن .
- رغد: قيصر هدي هسة انت كل ما واحد ايباوعلي هيچ راح اسوي🤨.
- قيصر: ليش ست رغد شنو تردين اسوي مثلاً اشد اگرون واگعد بصفچ😡.
- رغد : قيصر اهدة الموضوع ما يستاهل 🤨.
- كمال : اگول يا رغد ليش ما ترجعين وياي للبيت ؟
- قيصر: يابو رغد اشو ما تدخل بالخير انت ما اشوفهة استوهة اجت وفوگاهة اتريد تاخذهة ترة هية مرتي مو صاحبتي.
- كمال: علمودكم هيج سويت لان انت الله ايحفضك معصب على موضوع ما يستاهل ورغد النقاش وياهة بهيج موضوع ايضرك.
- قيصر: والله مجاي افهم شنو ! ست رغد اذا امشي وياج بمكان واحد اتحرش بيچ شنو تردين اسويلة؟!
- رغد: قيصر الموضوع ما يستاهل سدة احسن عمو علاء احجي ويا خلي ايسد الموضوع عود اذا ايريدني ابقة .
- علاء: يا خوي دكافي انت ليش امعصب على عمار هسة اطردة الك كافي بعدين صدك الموضوع ما يستاهل !!
- كمال: قيصر انت صدگ اتحب رغد!!
- قيصر: لا والله يابو رغد جاي اشاقة وياكم .. بشرفك هسة هذا سؤال؟
- كمال: علاء امشي نطلع همة ايحلوهة

طلع عمو علاء گبل بابة من اباوع على بابة بقة گاعد من شاف عمو علاء وصل للباب گام وگال لقيصر

- هاي مراجلك وين چانت من عفتهة وحدهة اذا انت صدگ اتغار علية ما عفتهة مرة مطلگة وحدهة رغد چانت كلشي تگدر اسوي ومحد يدري بيهة بس اخلاقهة منعتهة .
- اني سولفتك ...
- شوف قيصر رغد من قبلت ترجعلك غصب عليك ردت استر على بنتي ولة انت ما تسوة اضفر الهة واعذارك ايجوز قنعت روحك بيهة بس چان عندك الف حل مثلاً اتروح تحچي وياهة واتفهمهة الموضوع ورة ما استقريت لو لتريد اتفهمني انت استغرقت ٣ سنوات يلة استقريت واوضاعك اتحسنت عن اذنكم .

طلع بابة اني سكتت وقيصر سكت حچي بابة صحيح لهذا السبب قيصر ما رد اول مرة اشوف بابة يحجي بهذا السلوب لان قيصر ضوجة حيل

- رغد اتگدرين اتروحين .
- ضجت من حجي بابة مو؟ قيصر هذا واقع حال اني ادري بي وسامحتك علية بس مال اشكك بتربتي واخلاقي مرة ثانية ترة مو حلوة وخاصة گبال بابة .
- ما شككت بتربيتچ اني وعمري مسويتهة...
- لا سويتهة من قبل هواي وهسة هم واگبال ابوي لهذا السبب حجة شنو اتريدة يسكت والله زين منة بقاني .
- اذا اتريدين روحي .
- اذا اروح بعد ما ارجع يا قيصر.
- اتعرفين رغد اشگد جنان بذيچ الفترة ذلتني بس ما اهتميت الهة لان علاقتي وياهة ادري منتهية لكن انتي تعبتيني حيل وياج اذا جاي اسوين بية هيج علمود اطلعين حيفچ فأحب اگلج طلع حيفچ بية كافي تعبت .
- قيصر والله الموضوع تافه انت كبرتة.
- شنو تافه اتعرفين عمار شنو عمار اغتصب وحدة من قرايب امة وصارت طلايب وانسجن واسترنة على الموضوع وزوجناهة الة ومحد يدري بهذا الموضوع حتة علاء بس اني الي باوع على عرضة اشلون ما اتريدني اخاف منة هذا نگس اصلاً ما اگول عندي ابن عم مثلة .
- قيصركافي سد الموضوع .. قيصر هاي الغرفة نفسهة غرفتك انت وجنان؟
- اي.
- اها .
- مالحگت ابدلهة انشالله ابدلهة قريب من تجين تختارين انتي غرفة.
- لا انت اختار لان جيتي اطول اشوي.
- ليش؟!
- لا اضوج بس والله عندي شغل واني ما اگدر اعوف الشركة بهيچ وضع .
- اي بس اتگدرين اتوعيني .
- ابقة على تواصل وياك انت تعالي بخطبة نوار هم نتونس اشوي اهناك.
- لا اجيبين طاري هذا نوار اكرهة .
- بس لو اعرف ليش اتكرهة والله خوش رجال .
- طبعاً وياج ايصير خوش رجال اذا هوة حاط عينة عليچ .
- هههههه اگلة خطب ايريد يزوج وايحب خطيبتة وانت اتگلي حاط عينة عليچ😅.
- ما اعرف ما ارتاحلة .
- اتمدد اشوي على الجرباية لا تبقة گاعد .
- تعالي ساعديني النومة صعبة

گمت ساعدتة وگعدت بصفة على الچرباية ضلينة نتناقش بومضوع شغلة واشلون تعبان منة الساعة الي بيدي متصلة بتليفون يعني اذا احد دگ تطلع بيهة اني مخليتهة صامت ما منتبهة عليهة ما حسيت الة قيصر جر ايدي وانطة رفض للمكالمة استغربت گتلة

- منو دگ وليش رفضتة؟!
- الكلب اتصل ٣ مرات انتي ما رديتي غير ايبطل وايحس.
- بس لا نوار؟
- اي.
- قيصر اشبيك ليش رفضتة گتلك عدنة شغل واني جنت بالبصرة علمود الشغل .
- اي گوليهة انتي جاي بشغل مو علمودي .

گمت رحت لجنطتي طلعت التليفون

- لا تتصلين بي .
- قيصر هاي سوالف اطفال عيب ترة احنة كبار.
- رجلچ ايگلج لا تتصلين بي .
- عندي شغل ويا واني من الصبح منتضرة هاي المكالمة اشبيك.

عفتة وطلعت اتصلت بنوار احنة داخلين مناقصة وتقديم على الناقصة اليوم فجنت منتضرة اخبارهة منة شرحلي الي صار وگال لازم ترجعين قريب علمود انخلص كلشي
بعدهة غلقت التليفون رجعت ياريتني ما رجعت ما اعرف شنو بي قيصر هيج بسرعة ايعصب والغيرة الي عندة لا تطاق صح قبل جانت عندة غير بس مو مثل هسة

- كسرتي حچايتي وحچيتي ويا مو.
- قيصر اشبيك ترة من الصبح احاول اتفادة المشاكل وياك .
- لا ليش تتفاديهة اذا انت ادوريهة ادوارة شوفي رغد اتريدين تبقين وياي اني احبچ واموت عليج واحطچ على راسي والي اتريدي اسوي الج بس بعد ما اسافرين واتگطعين علاقتچ كلهة اهنك وبالاخص هذا نوار...
- انت صاير وياك شي شارب شي ...
- احترمي نفسچ رغد طلعت روحي من تصرفاتچ بالقران.
- ما مجبور علية يا قيصر اذا اني متعبتك ما مجبور اني اتفقت وياك من البداية وانت وافقت على شغلي بعد هذا الحچي الزايد مالة داعي.
- اتفقنة اتبطلين.
- گتلك ورة العرس ايحلهة الف حلال عندي عقد ملتزمة بي ايخلص بعد كم شهر.
- انعل ابو العقد اني ادفع الغرامة.
- قيصر اني رايحة للبيت عود من تهدة اتصل بية .
- اي طبعاً تروحين ما عجبچ الحچي .
- استغفر الله ترة مصخت واتحملت وصبرت من الصبح والواضح اني صوجي جاي انطي مجال لعلاقتنة من باجر راح ارجع وعلاقتي وياك اتريد تنهيهة اتبقيهة رسمية بكيفك لا ادگ علية ولا ارد احچي وياك.
- هم اني كرامتي بعد ما تسمحلي احچي وياچ بين كلمة وكلمة گلتي اعوفك وصوجي رجعت والندم واضح عليچ امدا من حب ولچ ذليتيني لهنا وكافي بعد ما اوگف بوچهچ اذا تريدين اتروحين روحي وشنو اتريدين ابكيفچ وياريت هسة اطلعين برة لان ما اگدر اگوم واعوفچ.
- يعني تطردني.
- رغد رحمة لربچ عوفيني لان راح اطلع من طوري .

اخذت جنطتي وطلعت بدون ولا حچاية ولا حتة گلت لأي احد رجعت للبيت صراحة صدگ اني مصختهة وقيصر هواي اتحمل مني على رغم كلشي مراح اعتذر منة وراح ارجع للامارات .
سافرت ورة يومين وفات اسبوعين اني گاطعة اتصالي بي وهوة على اساس معبرني وصدگ اني كل يوم اموت قهر لان لا اتصل ولا دگ اتصلت بودع بحجت اسألهة ليمتة العرس گالت

- قيصرما جاب طاري العرس كلش .
- اي سألي حبابة .
- ها رغد شو بدينة نتحنحن 😂.
- ومرض عود جفصي اگبالة واني اعلمچ .
- شحچي ولچ قيصر نار گاب على حچيچ الله ايساعدة ما اعرف اشلون اتحمل.
- اي اني مصختهة بس هم اشدعو علية.
- اعتذري وفضي المسأله.
- لو اموت ما اسويهة ما اعتذر منة لو اموت .
- طبچ طوب انتي ويا اصافو.
- عندي حل .
- شنو؟
- احچي وية امچ گوليهة تحجي وية قيصر ايقدم العرس.
- وشنو راح تستفادين من تقديم العرس؟
- يعني اتصيرلي حجة اجي بيهة للعراق.
- هههههههه خرب حضچ والله ضحكتيني  بس بصراحة خوش فكرة احشي راس امي وهية تتولة الموضوع اگلج ارد اجي يمچ كم يوم .
- تعالي والله اسوين فضل .
- منو يقبل؟
- راح احجزلج انتي وعلاء والحجية بعد شتريدين.
- واخلي امي اجيب قيصر.
- ما يجي لو اتموتين قيصر قفل بعد.
- همزين اتعرفي .

بقينة نگرگ وحجزت الهم ومثل ما اتوقعنة قيصر ما قبل يجي واجو همة صراحة اتونسنة اني ودع وكلهة بصفحة و ودع بصفحة اتريد اتشوف نوار هههههه ونوار بالكويت علمود الخطبة مالتة والشركة طايحة براسي فهية وياي خلص الاسبوع ورجعو ورة يومين اتصل بية قيصر چنت گاعدة بالمكتب اني وياي كم موضف من شفت رقمة دگ حسيت البتسامة شگت وجهي ما عرفت شنو اسوي استأذنت وطلعت

- الوو
- هلة رغد اتصلت علمود اگلچ العرس اذا ايناسبچ خلينا بعد اسبوعين طبعاً اذا اتريدين .
- اوكي .
- مع السلامة..
- لحضة قيصر.
- خير!!
- لا ماكو شي مع السلامة .

وسديت التليفون چبح والله ما اطخ الة لو اينط .على الرغم من هذا الشي الة اني اسوگت اشگد غراض الي ما سويتة بزواجي الاول كلة ارد اسوي مر الاسبوع بسرعة واني بعد الي هواي اشياء ما مشتريتهم وديت غراضي بالنقليات وسافرت اني وكم غرض نسيت اسولفلكم على بابة ... بابة ازوج وگعد بالبصرة اجر بيت لان ما قبل يگعد بيتنة ومرتة امبين عليهة خوش انسانة وهو مرتاح كلش فرحت الة وصلت للبصرة رحت بيت ابوي اتلكتني مرت ابوي ما انكر من شفتهة ويا انقهرت بس هاي سنت الحياة ولازم اتأقلم خطية امسوية غدة علمودي ومسويتلي غرفة كلش خوش مرة اتغدينة وخلصنة رحت للغرفة اسفط غراضي وچان تچفت علية ودع

- هلة هلة بالعروسة حمدلله على السلامة.
- الله ايسلمچ جاي وحدچ؟
- لا اني وامي وعلاء .
- اها .
- حسبالچ قيصر ويانة.
- لا ادري ما يجي بس علمود اطلع اسلم .
- اها

طلعت سلمت وگعدت يمهم الي فهمتة قيصر ما اريد ايسوي عرس فخم قاعة وبس كم شخص يعزمهم من اهلة واهلي ما اعترضت سالتني امة اذا عندي نقص او محتاجة شي گتلهة لا خالة تسلمين واشوية مجاملات واشوي يشاقون وياي يا ثقل دمهم مسوين روحهم ضريفين واني طالعة روحي منهم و من قيصر صارلة اشگد ماشايفني حتة ما كلف روحة يتصل ايگول حمد على السلامة الله كريم قيصر طلعو رجعت لغرفتي اشوي واندگ الباب دخلت مرت ابوي اسمهة سعاد گلت اتفضل دخلت وهية مبتسمة بادلتهة الابتسامة گتلهة اتفضلي خالة

- اجيت اشوف اذا محتاجة شي او اساعدچ بترتيب الجنط انتي لا اتعبين روحچ جاية من سفر😊.
- تسلمين خالة لا اتعبين روحچ هسة اني اگوم اسويهن بس ارد ارتاح اشوي صدگ خالة ما اكو وحدة اساعدچ بالبيت ؟
- لا ما يحتاج هوة بس اني وابوچ بالبيت.
- خليهة علية عندي هواي معارف اجيبلچ وحدة اجنبية شلچ بالتعب .
- ايطول عمرچ اذا تريدين اي شي گوليلي وصدگ ابوچ ودالچ سويچ السيارة مالتة ايگول اذا اتريد تطلع بيهة .
- اي والله صالي فوگ خمس اسنين ما مفترة بالبصرة .
- اتونسي بفترة العزوبية بعدين الرجال ايخنگچ.
- لا خالة ايخسي الي يخنگني واني بنت ابوي .
- كلهن هيچ يحچن وبعدين يسگمهن سگم وخاصة قيصر..
- اتعرفي !!!
- اي امة جيرانة قبل واسولفلي علية وهواي ملتقية بي مرة صارت مشكلة بيني وبين جنان مرتة گبر ولا تنجرع.
- ههههههه حتة انتي ما سلمتي من سمهة.
- اتعرفيهة من قبل انتي؟
- يعني مو معرفة قوية كم مرة بس سوتلي مشكلة.
- ودي اعرف حالة هسة.
- خالة انتي هم ما اتگعدين راحة .
- خلي اروح خاف اعطلج وراج روحة بنيتي لا تتأخرين مو امان انتي بنية

طلعت من گالت يمة اذكرت امي صح هية حبابة بس امي مشتاقتلهة چانت تتمنة تفرح بعرسي اتگلي ولچ يا رغد اتمنة اشوف عرسچ وبعدهة اموت اوووف يا يمة صليت و بدلت وطلعت چنت كلش مخنوگة دگيت على ودع گتلهة طلعي ضايجة اني بابكم متانيتچ

- ولچ وين اطلع دخلي انتي .
- ولي بعدني ما واصلة گوليهم اتريد تشتري كم غرض واتريدني وياهة.
- لا السالفة بيهة انة طالعة بس اگول لمي .
- رغد ما انزل من السيارة ما بية خلگ مجاملات.
- مغيمة كلش عندچ بس ابدل باي .
- عشر دقايق و يمچ اني .

سديت التليفون وضليت افتر بالمنطقة لان ما اريد اطبگ بابهم خفت لا ايگولولي دخلي اتصل بية بابة وسأل وين انتي گتلة راح اروح على ودع ونطلع اني وياهة گالي دير باج على روحچ انتي مو بدبي وتتأخرين .
اتصلت ودع وگالت وين انتي سديتة وطبگت بابهم رمشت عليهة وطلعت صعدت بسيارة حركت بسرعة حيل ارد ادور علمود ادخل بالشارع ودعمت سيارتي ودع صرخت الدعمة قوية لان اني ماشية بسرعة اني بعدني بتأثير الصدمة درت على ودع ما بيهة شي واني ما بية شي صرخت ودع رغد بيچ شي اشرتلهة لاوخرت حزام الامان ونزلت اشوف سيارة ابوي الي فلشتهة سيارة الي گدامنة لندگروز مضللة فتح باب السايق ونزل سايق

- خوية خو ما اتأذيتو ؟
- اسفة اني الغلطانة مستعدة ادفع تكاليف التصليح خوية خو ما اتأذيت ؟
- لا اني ما اتأذيت بس الي وياي اتأذة براسة انطگ .

ودع اني اعرفة قيصر الي بالسيارة لان السايق شايفتة ويا من قبل ضحكت على رغد تتوسل اتريد تتحمد على سلامتة والي ايضحك انو هية مصر تدفع افلوس نزل قيصر بيدة چگارة ذبهة ونفخ الدخان لك رغد من شافتة اتبسمرت بمكانهة هوة اجاني وگالي خو ما اتأذيتي گتلة لا

- اشطلعچ بهل ليل ؟!
- طلعت اني ورغد عدهة كم شغلة اتريد اجيبهم

الي ايضحك وضع قيصر ولا جنهة وياي مسوية حادث حتة ما سأل بيهة بس هية من شافت هذا الوضع كلش انقهرت ولا حچت اي شي دارت وصعدت سيارتة حركت بسرعة حتة ما لحگت عليهة گتلة

- قيصر اشبيك انت ترة رغد ضايجة منك يا اخي اشوية حس لا من اجت و اتصلت عليهة ولا اجيت اشوفهة خليك على مواقفك ما عولنة گلبهة ايحن عليك
- ما اتهمني بعد .
- لا والله بالة والله لو ما اخوي الچبير چان ذبيت عليك احچاية بس اگلك شي واحد لا اضل تتفيك علية البنية اتحبك وانت اتحبهة و اتصالحتو ذيج المرة بعد شنو هل سوالف منك.
- اي كلة اني الي اتحمل وهية بكل مرة لان ما تتحمل وما تگدر تنسة وما تگدر اتهين كرامتهة وذلتني ذلة بس الله يعلم بيهة خليني ماكل خرة وساكت .
- ادگ علية احسن هية من دون هيج معصبة وهسة انت جملهة الله يستر لا اسوي حادث ثاني .
- اتصلي بيهة وطمني عليهة

اتصلت بيهة دگ دگ ما اترد رجعت اتصلت قفلت التليفون .

نزل قيصر بكل برود ينفخ دخان الچگاير وگف بصف ودع يسأل بيهة اذا متأذية ولا جنة اني بصفة ولا سأل ولا عبرني حسيت روحي طلعت گلت هسة ايدور بعدهة احتقرت روحي لان واگفة وامتانيتة يسأل علية عفتة هوة وختة ورحت تتصل بية ودع اكيد يمهة والله لا اطمن احد علية وعساني بالموت اتصلت بابة گتلة راح اروح يم صديقة الي اتأخر اتصل بيك من اجي وغلقت التليفون چانت الدنية ليل والهوة حلو فتحت الجامة وگفت بتقاطع اگبالي واحد ايبيع چگاير دمي ايفور ما سيطرت على روحي اشرتلة اجاني اشتريت منة جگاير وجداحة وحرك السير مرت ساعتيين واني بالسيارة افتر وگفت باب بيتنة بيدي چگارة ردت اخلصهة وانزل ما حسيت الة الباب انفتح وطلع بابة طفيت الچارة بسرعة ونزلت مالحگت حتة احط ريحة ريحتي كلهة جگاير مالي خالگ مشاكل وية ابوي هوة شاف السيارة دخلت شبگني وگالي خفت عليچ
بعدهة رفع ايدي وشمهة عفتة ودخلت هوة ايصيح رغد رغد
دخلت بوجهي قيصر ودع عفت السويچ ورحت لغرفتي سويت روحي ما شفت احد ودع اجت وراي قفلت الباب وصحت لا اريد احجي ولا اريد اشوف احد بابة لا اصيح ترة ما شاربة حبوب لا اتخاف .
طلعت غراضي من الجنطة ودبيت حرگتي بيهة رتبت الجنتي والغرفة الي بيهة اني بقيت گاعدة ٢:٣٠ حسيت روحي جوعانةفتحت الباب ورحت للمطبخ لگيت اكل معزول الي حميتة واكلت غسلت المواعين ورجعت نمت گعدت ب ٦:٠٠ ضبط خرب حضي منو گاعد هسة رحت سبحت وطلعت من الحمام لگيت خالة سعاد گاعدة

- صباح الخير يمة.
- صباح النور .
- يمة نمتي متأخرة اشعدچ گاعدة من الصبح ؟!
- خالة اني ما انتي هواي .
- اروح اجيب صمون علمود نتريگ .
- انتضيني اجي وياچ بس ابدل .
- لا اروح مشي وحد ما يحتاج.
- مشتهية گيمر عرب انروح بالسيارة ونشتري
- يلة بسرعة.

بدلت وطلعنة اني وياهة سوت روحة ما شافت الدعمة مال سيارة والله حلو احب الانسان الي ايغلس على مشاكل غيرة اشترينة و رجعنة سويت چاي و حضرنة الريوگ سألتهة على بابة گالت طلع صديقة ايريدة يشتغل ويا استغربت ليش بابة ايريد يشتغل!!
المهم خلصنة عفتهة اتعزل بالمطبخ واني عزلت البيت بعدهة سألتهة ليش بالبابة ايريد يشتغل گالت لان ايضوج من گعدت البيت فصاحبة عرض علية يشتغل ويا بمحل انشائيات بالعشار ايصير مسأول عن البضائع هيج شي.
ما اتقبلت الفكرة بابة چان مدير بشركات نفط البصرة وبالامارات چان مستشار وعتبرو خبير يشتغل هيج شغلة شنو ماكو فلوس رجع الضهر اني طبخت الغدة اتلگيتة من الباب هوة ضاج مني من موضوع البارحة گتلة

بابة لا اضوج ترة اسأل خالة سعاد والله گاعدة ستة يعني لو ماخذة علاج چان ما گعدت ..

مو وقت هل حجي ما اريد سعاد اتحس بشي

ودخل اني ادري بابة من خوفة علية ما اريد مرتة تدري بشي صبينة الغدة اول ما اكل گال

-ها رغد انتي طابخة .
- اي بابة خطية خالة سعاد خاليهة اشوي ترتاح.
- سعاد: الله يحفضهة رغد نادرة ما اتوقعتهة هيج .
- كامل : رغد كل اصبع مرة بس الله يهديهة هم عدهة درب اعوج .
- ليش يا بابة الي اشوفة اشوية امم بابة تدري استاقاليت من شغلي .
- كامل: صدگ تحچين!!!
- اي والله ما اگدر اضل وحدي هناك انت بمكان واني بعيدة عنك .
- والعقد الي بينكم ؟!
- گتلهم اريد ازوج وحليت النوضوع ودي بعدين اني حچيت وية عم ابو نوار گتلة اني ما اگدر اشتغل مثل قبل لان جسمي تعبان واتقبل الموضوع .
- زين ما سويتي اني حچيت وياج بس ما گدرت اجبرج بعدين راح تزوجين اصيرين انتي بديرة ورجلج بديرة .
- والله اضحكني يا بوي على العموم اني عندي مشروع افتحة بالبصرة بس محتاجتك وياي لان مو دائماً متواجدة هنا.
- شنو هذا المشروع؟
- جنت افكر افتح شركة طرود عالمية بس يحتاجلي موافقات اخلصهة واسلمهة الك بعد انت تتكفل بيهة.
- عندج ميزانية هيج مشروع لو ادخلين شراكة؟
- افة عليك وشغل كل هل الاسنين وبعدين لا تنسة عندي رصيد بالبنك لا اتخاف من ناحية الفلوس .
- خوش مشروع وما مطروق هنا .
- اي جاي افكر اشتري اسم ماركة عالمية بهيج مجال.
- اذا اتريدين اشتغلج على هذا الموضوع اني وعلاء لان عندة هواي عرف هوة.
- اسوي فضل وهم خلي عم علاء وياك علمود اتضلون سوة اني ما انطيتك هدية لزواج بابة.
- وليش اني جاهل يا بوي ههه.
- لا ميخالف انطوني جوازاتكم واحجزلكم على عمرة انت وخالة سعاد اذا يعجبكم الموضوع ؟
- كامل: اي والله محتاجين هيج سفرة واحد احسن مكان ايصفي بالله بي هوة بيت الله شتگولين سعاد؟
- سعاد: خاف انكلف على رغد.
- رغد : خالة ترة الفلوس الي اشتغل بيهملهم بيد ابوي هوة صاحب الفضل علي مو اني .

///////////
هذا الجزء والي بعدة الاخير اسفة على التاخير

En.Zahraa