رواية القاضي و الشاهدة الفصل الرابع 4 - بقلم شامخ

مرت الايام وقوة علاقة رغد بودع و الاثنين وحدة حبت الثانية وخاصة بعد خطبة منار لان صارت ملتهية بحسين اكثر شي فرغد ما رادت اتضوجهة ظلت تمشي وية ودع طبعاً نيت ودع ابد ما نستهة يعني هية اتريد تجمع بينهة وبين اخوة وبعد شهر من الدوام ودع معزومة بيت رغد على غدة فخلصو غدة وگعدت بغرفة رغد يحجن
- رغد : ماجنت متوقعة ودع هيج ناضجة وحبابة صرحة كلش حبيتهة .
- ودع : رغد احلة صدفة بحياتي الحمد لله اتعرفة عليهة صَـَـَـَـَـَ(✓)ـِـًـِــِـًـِـح نيتي بالبداية انو اجمعة هية وقيصر وليهسة بس اني كسبت صديقة وردة ... عرفة عنهة كلشي تقريباً واصراحة انصدمت من عرفة انو هية ما مكبلة ولا مرتبطة ابد خلال هاي الاربع سنوات فقررت اسالهة عن السبب
- رغد عند سؤال بس لا اضوجين منة .
- سالي گلبي وبعدين اني ما اضوج بسهولة .
- ادري بيج ... امممم حبيتي من قبل الجامعة؟
- لا ماعندي علاقات ابد .
- اشعجب يعني وحدة بهل جمال معقولة محد اتقرب منهة !!
- هواي اتقرب مني بس اني رافضة الفكرة من الاساس .
- فكرة شنو؟
- ارتبط بأحد بعمري اني اتمنة ازوج احد اكبر مني بعشر سنين احسة راح ايدللني يعتبني مثل بنية الة راح ايكون انسان متفهم وايقدر اخطأي الي ابعمري راح ينحصر تفكيرة بشياء ثابتة والخيانة عندة واردة بس هذا يعني بعد مل من النسوان ونيتة الاستقرار .
- صراحة تفكيرج كلش غريب وما مقبول ابد يعني تاخذين احد اكبر منج بدون لا حب ولا علاقة والله اتريدين اتحسين بالاستقرار ليش آنتي عدج مشاكل وية اهلج ؟
- لا بس اني واخوي الصغير عند اهلي وكلش امدللين بس يعني احس الاكبر مني انسان واعي .
- يعني شنو مواصفات رجلج المستقبلي ؟
- اممم اهم شي طويل لان عندنة اقزام هواي بالجامعة ما اريدة اشگر كون ملامحة عربية وقوي الشخصية واهم شي كون ايحبني مو شرط اني احبة هههه .
- هههههه علمود اتفلتين منة اذا ضوجج.
- علمود اذلة واعيرة اني ما احبة وهوة ايحبني كل يوم اهدد اگلة اذا ما تمشي عدل راح اعرفك هههههه.
- ولج هذا تفكير شيطاني صدگ صدگ اذا اتقدم الج شخص بعمرج وانسان ناضج اتوفقين .
- آنتي عندج خطابة الي هسة من مساع اتناقشيني على الزواج .
- لا ماعندي خطابة هوة اني عندي بس اثنين اخوان علاء وقيصر.
- لا احيبين طاري اخوج قيصر ولا ينبلع عابت .
- بالعكس قيصر كلش حباب صَـَـَـَـَـَ(✓)ـِـًـِــِـًـِـح اشوفين شكلة قاسي من برة بس گلبة فد طيب بس حضة طيحة بهل المرة العلة .
- اممم اني ما سمعت هيج علية.
- شنو سمعتي ؟
- مو اضوجين من حجيي بس هذا الي سمعتة انو هوة ازوجهة علمود ابوهة وعلمود ايصعد منصبة .
- ايجوز هذا هدف قيصر بس هسة الي اعرفة قيصر عندة استعداد ايعوف كلشي بس ايريد يخلص منهة يا اختي كارهة كره مو طبيعي وخاصة بهل فترة اعتقد ايحب وحدة .
- اخوج انسيونج عادي مو ايحب وحدة ايجوز ايحب عشرة .
- قيصر ما عندة اسولف نسوان اصلاً هوة بالجامعة ما حب ولا ارتبط بوحدة ابد وحتة هسة رغم خلافتة وية جنان بس ما دور نسوان هو اصلاً امكرس حياتة بس لشغلة .
- عوفينة من قيصر آنتي ما عندج احد بحياتج؟
- الى الان ماكو مو مثلج اريد شايب اني اريد احد يفتهمني واحبة وايحبني .
- واو اكيوت .
دگ تليفون ودع اثناء ماتحجي المتصل قيصر ابن الحلال ابذكرة
ألْـًُوو هلة قيصر اشلونك شخبارك ؟
- الحمد لله رجعتي بعدج ؟
- اني بيت صديقتي انت وين ؟
- خرب حضج من الصبح طالعة وليهسة ادري اجاي اسوين مو راح اموت ليمتة اتعزميهة؟
- ياعمري ما ادري بيك راح تجي للبيت ولة ما طلعت اسفة اشبك هاي رغد البنية الي انت حاجي وياهة علمودي .
- فهمت ومرض هية بصفج ما يحتاج اسوين افلام ماصخة عزميهة تجي لبيتنة .
- شخبار جنان؟
- انعل ابوج لابو جنان هسة اجب طار انعال بالنص .
- ههههههههههه ادري بيك اتحبهة ما تگدر اتعيش بالياهة .
- انتضرج بالبيت واعلمج .....

سد التليفون بوجهي من جبت طاري جنان .
- خطية ايجوز صدگ ما ايحبهة .
- كلش حقير ويا وتصرفاتهة لا تطاق ام خشم .
- الواضح اخذت فكرة غلط على الكوسوفي .
- الكوسوفي !!!!
- عليج الله ما يشبه عمار الكوسوفي ؟
- ههههه اي والله نفس شخصيتة ونفس الشكل وطويل وكشخة شنو رايج تزوجينة هم نفس مواصفات الشايب الي اتريدي .
- خرب حضج كرهتيني بروحي عمي يا كلمة رجعي لمكانج .
- رغد لو يجيج رجال مثل قيصر بس لا اتوفقين علية ؟
- اذا ما مزوج اوافق علية .
- لا تشاقين ولج اكبر منج بهواي .
- بس حلو ما امبين علية وشخصية .
- آنتي مو صاحية ابد اشوف اهلج ما ايخلونج تزوجين.
- على فكرة بابة ما يگدر يمنعني من الزوج لان يدري بية طنگورة والي ابراسي اسوي بس ماكو عرض مغري الى الان .
- يارب تزوجين واحد يكسر خشمج يا رغد .
- ما عاش اليكسر خشمي واني رغد .
- الله كريم بالنسبة الي خشمي مكسور مكسور واني متقبلة الموضوع بس ياشماتي بيج يا رغد .
- اكلج عندي موضوع ارد اسالج بي .
- شنو بابة حصلي شغل بغداد وتدرين اني كم شهر واتخرج شنو اتگولين اقبل بي او ارفض ؟
- ما اعرف اذا فرصة عمل حلوة وبراتب اتگدرين اسدين مصاريف الاقامة انصحج اتروحين .
- اني ردت بس احد ايشجعني علمود اوافق الاسبوع اليجي اروح اوقع .
- والدوام حبيبتي واسطات اسد الموضوع وبعدين مباشرة بس اتخرج اباشر لان اني حاسبة حساب هذي الوضيفة فدخلت دورات بالعطلة الفايتة .
- ذكرتيني بقيصر نفس الشي چان يستغل العطل باشياء اتخص شغلة .

رغد: صرحة من گد ما تحجي ودع بقيصر حبيت التقي بي وحسيت بي شخص مقارب لشخصيتيي لوهة اتخيت اني الي گالت ايفكر بيهة بعدة گالت بداخلي داير ما دايرة قيامة نسوان ايفكر بية اني هوة من باوعلي صدفة لا اكثر وبعدين اني صايرة هواي افكر بهذا قيصر ايولي راح اسافر لبغداد واستقر بحدي واشبع ونسة .
رغد رغد وين سارحة ؟
- لا بس جنت افكر بموضوع السفر .
- اني راح استأذن على اتفاقنة الثلاثاء تجين اتنضميلي اللابتوب .
- الثلاثاء مسافر خليهة عگب باجر .
- اوكي .

علاء چان جوة يم ابو رغد و نزلت ودع ولاخوهة چان متانيهة علمود ايرجعون للبيت ورجعو اول ما دخلت  لگت قيصر منتضرهة بالباب گال الهة تعالي ارد احجي وياج بموضوع صعدت لغرفتهة وهوة وراهة اول ما دخلت سد الباب
ودار علية كولي اشصار من الصبح اني بس افكر حتة ما ركزت بالشغل
- قيصر انت تدري بروح اتحب رغد لو لا وهذا الشي صار واضح عليك كلش.
- لا تتفلسفين وگولي شنو صار؟
- ما اگول الة اذا اجاوبني على اسالتي .
- ودع بالة شقة .
- ما جاي اشاقة لفرض صارت بينكم علاقة وحبتك وحبييتهة وبعدين شنو راح اسوي راح اتعوف جنان علمودهة ؟
- الشرع حلل اثنين .
- يعني راح اتگول لجنان اني راح ازوج ؟
- مجاي افهم اسالتج وشنو معناهن.
- من خلال معرفتي برغد اكتشفت بيهة اهواي اشياء اولهم مستعدة اضحي بكلش علمود الي اتحبهم وصراح اخاف عليهة منك بهاي النقطة لان اني جاي اشوف بعيونك الي تفكر بي اكيد ناوي تاخذهة بسر مو ؟
- سنة وحدة من تخلص الانتخابات اعلن زواجي منهة .
- تضحك على روحك شنو ذنبهة هية تزوج شايب وبسر وهية بنية ترضاهة على اختك يا قيصر ؟
- لا تقارنين روحج بيهة .
- شنو الفرق هية بت عوائل واني هم .
- ودع مو هيج اتفقنة اني وياج گتلج اريدج اتوصليني الهة .
- الاحد تجي للبيت راح اسوي لابتوبي اذا اتريد تعال وهسة اطلع برة ارد ارتاح
- شُـكراً هذا الحجي الزين تصبحين على خير يا اغلة بنوتة .

ودع : ما عجبني اسلوب قيصر وطريقة تعاملة بالموضوع هوة صَـَـَـَـَـَ(✓)ـِـًـِــِـًـِـح اخوي بس هاي هم بنت الناس واني متأكدة منه راح اطيح بحبة وايطيح حضهة بس ما بيدي شي اسوي وخاصة اذا قيصر حط فكرة ابالة معناهة راح ايسويهة .

قيصر : اويلي شيجيب الاحد صدگ مشتاق الهة حسبالك اعرفهة من اسنين اخ يا رغد ليمتة اصيرين حلالي ولج عيونچ اتهد ارجال جنهم بحر مرت اليومين واني بس افكر بهة حجزت لجنان تذكرة هية وبنتي رادت اسافر وية اهلهة حساهة ما ردت واني اتفرغت لرغد اخذت لابتوبي ورحت لبيت ابوي اول ما دخلت اتلگتني أَامٌَِْي
هلة يمة اشو جياتك كثرانة هل الايام .
- ليش يمة ما اتريدين اشوفيني ؟
- يا بعد امك وعمرهة شعندي غيركم بس مو مثل العادة اخاف عليك من جنان ومشاكلهة .
- جنان مسافرة اني ابات هنا اليوم .
- يمة تو نور البيت .
- ودع وين ؟
- بغرفتهة وياهة صاحبتهة رغد بت كمال .
- همزين رغد هنا علمود اسويلي لابتوبي بي مشكلة .
- خلي اشوف اختك بالاول يلة تدخل .
- ما يحتاج ادگ الباب واحجي ويا ودع وهية اتشوف رغد .
- الي اتشوفة اروح اسوي العشة البنية تتعشة عدنة .

صعد قيصر وسوة الدرج اتلث خطوات دگ الباب
جاوبتة ودع منوو؟
- اني قيصر .
- جاية بس اشوي .

طلعت وسديت الباب ها قيصر شنو اتريد ؟
- ومرض شنو شنو اريد اريد اشوفهة .
- اتريد اتفشلني اگبالهة .
- آنتي مالج علاقة كوليهة تعرف اسري لابتوبي بي فايروس وعلى اساس آنتي ما اتعرفين اسوي .
- اللهم صبرج يا روح انتضر خلي اشوف البنية
- اذا قبلت اتگعدين اشوي وبعدة أگولج اريد جاي اتنزلين وما اصعدين فهمتي .
- على شنو ناوي قيصر؟
- مالج دخل آنتي .

دخلت لگيت رغد گاعدة على الميز واتنصب بالبرامج بلابتوبي گالتهة رغد ولو اتعبج اليوم بس قيصر هم عندة مشكلة بلابتوبة وباجر عندة بي شغل اني صارلي يومين امعطلتة لان ما اعرفلة وبي بيانات مهمة ما يگدر اودي للمصلح .
- ٱوكي جيبي اني اشوفة اذا اعرفلة اسوي واذا ما اعرفلة بعد عذريني .
- هذا هوة ادخل قيصر

رغد: جنت گاعدة اسوي بلابتوب ودع وسمعت دگت باب صاحت ودع منو صاح قيصر بصوتة الرجولي اني قيصر ما اعرف ليش حسيت گلبي ظل ايدگ بسرعة بس سويت روحي ما مهتمة وكملت شغلي طلعت ودع اشوي وبعدهة رجعت گالتلي انوب لابتوب قيصر بي مشكلة عرفتهة حجة علمود يدخل بس قبلت لان اني هم ارد اشوفة بگد ما سولفة علية ودع حبيت شخصيتة دخل هوة سويت روحي ما مهتمتلة وجاي اشتغل  بس عطرة ترس الغرفة ترس رفعت راسي وگمت صارت عيني بعينة
گال مساء الخير رغودة .
- مساء النور عمو وين لابتوبك .
- هذا بس رغد عند بي اشياء ما اريد احد يفتحهم فراح اضطر اگعد يمچ الى ان اتخلصين اتمنة ما اضوجين بس هاي اسرار دولة .
- عادي عمو اگعد .

طلع الابتوب من الجنطة نوعيتة ابل ابتسمت عرفت الابتوب ما بي شي بس ايريد يبقة يمي بعدهة رفع راسة وگال ودع عمري جيبيلي جاي كلش مصدع .
- انشالله

عرفت ناوي على شي بس ليش بقيت ساكتة ليش منتظرة حركتة الي تجي ما ادري بين قوسين مرتاحة للوضع طلعت ودع  هوة فتح لابتوب وجر كرسي وگعد بصفي كلش ....

———-
تشجيعكم الي ايخليني استمر لا اتبخلون علية بتعليقاتكم الحلوة
En.Zahraa