رواية القاضي و الشاهدة الفصل الثالث 3 - بقلم شامخ

- كمال بنتك بيا جامعة ؟
- بجامعة الگرمة هندسة حاسبات .
- حتة اختي اداوم هناك بس مرحلة اولى خطية كلش ضايجة من الهندسة اتگول ما اعرف احد هناك و ماتندل شي وحتة اصدقاء ماعدهة .
- ليش ما حجيت رغد سنة رابعة واساعدهة هناك احنة اهل .
- والله ياريت خطية كلش متأذية .
رغد - سيدي انطيني اسمهة وقسمهة واني اروح الهة .
- لا اتگولين سيدي ترة چنة بالمحكمة وهسة طلعنة اهل گوليلي قيصر لان آنتي بگد ودع اختي .

رغد : هوة يحجي وايباوع علية ابد ما ارتاحيت لنضراتة ولا چنة ابوي بصفي احاول ما اباوع علية اسوي روحي ملتهية بغير شي وهوة ابد ما وخر عينة لا امسوي روحة لوتي آنتي بگد اختي صيحيلي قيصر لاوالله هذا هم امصدگ بروحةطلع صاحب ابوي وايباوع على بتة الة افشلة فلا اطلع رغد
- اسفة ما اگدر اصيحك بأسمك وبما انك طلعت تعرف بابة وصديقة راح اصيحك عمو . ( ههههههههه ملامح وجهة ما تتفسر من گتلة عمو خرب لو اصورة والله اظل اضحك علية قرن امسوي روحة مراهك الكوسوفي )

قيصر : حاولت اطيح الميانة البينة الة هل هاي البلوة طلعت روحي من گالت عمو عمة العماهة وعمة عمهة وياهة من وين اصير عمهة اني اعلمهة والله يا رغد حطيتج بالي اذا ما اكسر خشمچ هذا الجنة فصمة ما اطلع اني قيصر .
- عن اذنگ كمال عندي شغل وانشالله باجر اخلي ودع اتمر عليج بالجامعة فرصة سعيدة .
- واحنة الاسعد .

عافهم وراح خلصو مسواگ وصعدو بالسيارة والفضلو كاتل رغد اتريد تسأل بس تستحي اخر شي گالت
- بابة هذا الي اسمة قيصر شكلة والله انفة وشايل خشمة .
- اصلاً اني مستغرب اليوم جاملنة آنتي ماشايفتة من نلتم كلنة وهو يجي ابد ما ايشارك بالحديث وايخلصهة بس ساكت عكس اخو علاء بالضبط هذاك بس يشاقة مع العلم علاء اكبر من قيصر بس هذا متكبر وشايف روحة ما يحجي وية احد اله عندة مصلحة ويا الله اليعلم شنو يريد !!
- اي مبين زين بابة مو اصغير على انو ايكون قاضي اول .
- بابة قيصر كلش ذكي اول شي چان من الاوائل واتخرج بسرعة وثاني شي والاهم مرتة خدمتة هواي .
- مرتة !!! ليش هوة مزوج ؟
- اي اكيد الي بعمرة يزوج موت روحة عليهة هية بنت نائب وابوهة كلش معروف فساعدة بصعودة بسرعة .
- يعني ما ايحبهة بس مصلحة .
- بابة قيصر ما عندة شي اسمة حب اهم شي مصلحتة مرتة ما خلفت بس ابنية وهوة ايريد جهال بس هية ما تريد وابد ما يعترض ايخاف على مصلحتة وعلى منصبة .
- هذا حياتة معقدة ودوخة بس يستاهل هذا الكوسوفي .
- كوسوفي هههههههه هاي وين لكيتهية علية ام اللسان .
- يشبه الكوسوفي شايف روحة حلو وخابصنة خبص حسبالة بس هوة بالدنية .
- ضايقچ بشي ؟
- لا بس مغرور ما حبيتة .
- ميخالف ديري بالج على اختة مهمة كان هية اخت علاء وهذا صديقي ومثل اخوي .
- انشالله بس ادعيلي ما تطلع حقنة مثل اخوهة .
- هههههههه لا آنتي صدگ ما طايقتة .
- ابد ههههههه.

رجعنة  للبيت سبحت وبدلت واتمددت على فراشي وافكر بتحليل شخصية هذا قيصر شكلة ابد مجاي ايروح من بالي بس والله حلو وشخصية وابوب ابتسامتة فد شي لالا ولج رغد هذا حقنة وما ينبلع ومغرور چنة طاوس نافخ ريشة ومبين ملعب لازم ادير بالي منه أَنَــــْامّ احسلي وراي گعدة الصبح .

قيصر رجعت للبيت ودخلت استلمتني جنان ادگ عليك ليش ما ترد وبعدين اني مو وصيتك على غراض وينهم وطلعت روحي يارب ساعدني ما جاي اگدر اتحملهة ياريتني ما مزوجهة صافن بوجهة وهية تحجي واتخيل روحي مزوج الملاك ذاك اشلون من ادخل تستقبلني وبصوتهة الناعم حبيبي قيصر اوولي هم اصيحلي حبيبي ما اصدگ وخلال ما اني اتخيل الموقف الابتسامة شگت وجهة وجان اتعيط جنان
اني احجي ويا وهوة يتبسم قيصر وين سارح ؟
- حبيبتي ما حاي اتبسم بس اذكرت موقف بالمحكمة مساع ايضحك .
- انت صدگ تحجي دروح مني عابتلك وعابت للي يحجي وياك .

عافتني ودخلت جنت اتمنة اكضهة من شعرهة وامسح بيهة البيت كلة بس ما اگدر من ورة ابوهة اذا اصيح علية الدنية يگلبهة علية عفتهة وطلعت من البيت رحت لبيت ابوي اول ما دخلت سلمت على ابوي وامي وسألت على ودع گالو بغرفتة جاي تقرة گبل صعدت الهة دگيت الباب ودخلت لگيتهة جاي ترسم 
- هلة بختي المهندسة رفعت راس اخوهة .
-😳.
- صارلي هواي ماشيفچ ولا حاجي وياج لا اتگولين عندي اخ اسأل علية ولچ مشتاقلج شخبارج بالجامعة ؟
ودع : اعرفكم على نفسي اني ودع سنة اولى هندسة معماري الاخت الصغيرة والمدللة بالبيت اني حادة الطباع مزاجية وذكية يعني ماكو شي ايفوت علية بسهولة وعندي ميزة اگدر اعرف الاشخاص من اول ما اشوفهم وطباعي مقاربة لقيصر واكثر واحد عندي علاقة بي هوة من چنة اطفال الى ان ازوج علاقتنة خربت علاقتي بي بسبت النسرة جنان گبر الفهة ولف ابوهة اشگد اكرهة غيرت قيصر علي وخلتة يبتعد منة وفوگ كلشي الجگمة شايفة روحة عود هية بنت نائب وابوهة مسؤول ..
- قيصر اشوية  اشوية علية مجاي استوعب الجاي اتگولة اول وحدة انت معقول جاي تسأل على اختك جنان تدري بيك هنا لا وتسأل على اخباري بالجامعة !!
- شلهة غرض هاي البومة الله ايخلج لا اجيبين طاريهة توة قرفان منهة كلش .
- بشرني ابوهة مات ؟
- لا ليش؟!
- يعني اشوف صاير عندك اللسان وتغلط عليهة مو مثل العادة!
- ودع آنتي اكثر وحدة تدرين زواجي من جنان بس علمود المصلحة ولا عمري حبيتهة ولا اتمنيتهة اتكون ام جهالي.
- ادري والله واحس وهم ادري بيك اتكابر بس يا خوي ترة انت رجال وهم يجي يوم وگلبك ايدگ ساعتهة شنو راح اسوي ؟
- ما اعرف شنو اسوي جنان وابوهة وشغلي بصفحة ...
- ها قيصر الواضح تلعب بذيلك 😏.
- لا جاي اگول بالمستقبل ايجوز .
- مستقبل اليوم المهم الفكرة داخلة براسك هيج واشوف هاي ام خشم مكسورة واشمت بيهة .
- هوب هوب آنتي وين رايحة عمي لا احب ولا ازوج على كيفچ .
- قيصر من الاخير انت جايني ساعة ١١بالليل شنوتريد اخوي واعرفك عندك شي بس ما تعرف اشلون تدخل بالموضوع .
- اريد منج خدمة .
- انت تأمر يا خوي .
- اكو بنية وياكم بالهندسة اسمهة رغد كمال سالم هندسة حاسبات اريدچ اصيرين صاحبتهة مفهوم اني گلتلهة آنتي ما عندچ صديقات وحيدة بالجامعة وما تندلين وسنة اولى ومن هل الحجي هية گالت باجر راح اتمر عليج گالتلهة اني اخلي ودع اتمر عليج اريدج باجر انمرين عليهة .
- ليش امر عليهة انت تحجي صدگ لو تشاقة ؟!
- والله شنو اشاقة .
- وين تعرف هاي البنية قصة طويلة خليهة هية تحجيهة الج بعد ما اوصيج هسة اني لازم اروح لا جنان اسويهة علية سودة مصخمة آنتي اهتمي بموضوع  رغد  لخاطري .
- مع العلم كلش ما فاهمة من الموضع بس انشالله خير روح لا اطردك من البيت .
- اي والله هاي الكلبة اسويهة.

طلع قيصر واني افكاري اتوديني واجيبني منو هاي وليش قيصر ايريدني اتقرب منهة معقولة ايحبهة لا وفوگ كلشي ما طايق جنان على غير العادة چان ايضم هذا الشي بداخلة هسة حجاهة بشكل علني اني انتابني الفضول علمود اعرف رغد هاي باجر اروح الهة لحضة گال رغد كمال سالم وين سامعة هذا الاسم ما جاي اذكر
انقطعت سلسلة افكاري من دخلت أَامٌَِْي وسدت الباب وگالت
- قيصر شنو ايريد منج؟
- ما ايريد شي بس يسأل علية گال مشتاقلج وصارلي هواي مشايفج.
- يعني قيصر جاي من بيتة بهل وكت وعلى عمة وجهة صعد گبل فوك لان مشتاقلج معقولة ؟؟
- نفس سؤال يا أَامٌَِْي ابالي اصدگين بس هسة اني ارد أَنَــ😴ــْامّ لان عندي دوام وهاي اسالتچ واستفسارتج خليهم على باجر من يجي ابنچ كوليلة تصبحين على خير .
- اني راح اطگ من وراج ومن ابوج وقيصر اني ماعندي ولد بس علاء .
- اي لان ما ايضم عليج شي ههههه .
- اتروحين الة فدوة يالة انطمري .

ثاني يوم رحت للجامعة خلصت اول محاضرة ومباشرتاً رحت لقسم الحاسبات اسأل على رغد ابنية طلعت تعرفهة دگت عليهة وهية اجتني اني ما اوصفلكم شعوري واني بس ارد اشوفهة منو هاي الي ماخذة تفكير قيصر اني گاعدة على مقاعد بنص القسم ونزلت بنية سبحان رب الخالقهة والابتسامه على وجهة اطير العقل گلت بگلبي هسة عرفت ليش استاذ قيصر اريدني اتقرب منهة ههههه.
اتقربت مني وباوستني وگالت
- اعرفچ على نفسي اني رغد .
- هلاً وسهلاً  اشرفت عمري واني ودع اخت قيصر . هاي من گلت قيصر لمت وجهة وبعدة گالت
- بابة وصاني عليج هواي البارحة تعالي نطلع اشوي نفتر بالجامعة .
- ابوج وين يعرفني ؟
- ليش اخوج ما سولفلچ كلشي ؟
- لا والله ابد ؟
- ابوي صديق اخوج علاء البارحة شفنة عمو قيصر وگال عندي اخت بالجامعة ..... وسولفت القصة الهة كلهة .

ودع : لا ياقيصر يا ملعون ولك هاي بت كمال صاحب علاء واتريد تلعب على البنية وانوب اصيحلة عمو هههههه والله الة اگلة بهاي الكلمة خلي اماشيهة احسن .
- صراحة اني كلش كارهة الجامعة وما اعرف بيهة احد وقيصر اخوي المقرب الي فسولفتلة على هذي المعاناة ولهذا السبب طلب مساعتج بس الحمد لله طلعني عرف مو غريبة .
- هههه تعالي نفتر والله اني كلش ضايجة لان صاحبتي ما مداومة وباقية بحدي بالقسم وكلش ضوجة .

رغد : دكت صاحبتي علية وگالت اكو بنية تسال عليچ گالت اكيد هاي ودع نزلت بسرعة اول ما شفتهة حبيتة صَـَـَـَـَـَ(✓)ـِـًـِــِـًـِـح عدهة نفس نضرات اخوهة الما ينبلع بس هية حبابة واخذتهة فريتة وما چان عندي شي بالماضرة الثانية فبقيت وياهة .

ودع : سويت روحي ما اعرف شي وظلت اسحبهة بالحجي علمود اعرف اذا عدهة شي منا منا گالت ما عندي شي اني ما صدگت بيهة لان مرحلة رابعة وابنية متحررة مثلهة ما مسوية علاقة بس عبرت اخذت رقمهة وگالتهة باجر انتضرج نتريگ سوة بالكافترية هية وافقت وگالت انشالله واعرفچ على صديقتي منار باجر اداوم .
رجعت للبيت واني صافنة بموضوع قيصر ورغد اشلون اجمعهم واشلون واذا عرفت جنان شنو راح اسوي وحسب ما فهمت من رغد هية ما حابة قيصر نهائياً وما اتقبلت اي حديث عنة شنو اسوي يا ربي اني احس قيصر ايحبهة واول ما دخلت للبيت دگ تليفوني لگيتة قيصر صعدت لغرفتي ودگيت علية
- هلة قيصر اشلونك .
- الحمد لله شفتي رغد ؟
- اي شفتهة وجنت وياهة عمو قيصر😂.
- عمة العماج اشلون شفتي البنية ؟
- والله البنية اتخبل بس ياخوي ما طايقة سيرتك ابد والطريق كلة افكر اشلون اجمع بينكم ماكو فايدة .
- ودع من الاخير البنية داخلة بالي شوفيلي صرفة اريدهة قربيني منهة .. والي تردي الج
- لا باللة على اساس اني ما ادري وانت انطيت خبر جديد مثلاً بس الصراحة موضوعك صعب منا جنان ومنا هية ما حابة طاريك ومنا فارق العمر واهلهة مراح ايقبلون لا وانوب طلعو اصدقاء العائلة انت تدري ابوهة كل اسبوع عدنة لو لا ؟
- اي اعرفة ابوهة مالي علاقة بأبوهة اني اريدهة هية .
- ها قيصر والله طحت ومحد سمة عليك .
- انجبي طحتيش اني مو احبهة بس معجب بيهة .
- روح سولفهة على غيري .
- دولي ولي .
- راح اقوي علاقتي بيهة وبعدهة اعزمهة على بيتنة شنو رايك ؟
- هذا الحجي الزين هسة بديتي اتفكرين مو مساع بس اتمسلتين .
- هههههههه.
- والله اتحبهة .
- تغير جو اشوي .
- قيصر شنو تغير جو البنيه اخت عمو كمال ترة ما تسلم من علاء مو تگول والله .. بعدين مبينه خوش بنيه مو مال لعب
- شبيج انتي هاي مو مال خوش بنيه
- شنو شايف عليهة شي همة عائلتهم متحررة يعني كمال الوحيد الي بالعراق اهلة كلهم مهاجرين شي بكندة شي بسويد وهم هاجر ورجع همة ناس فايخة من قبل.. وما عدهم سالفة الالتزام.
- هسة لا درمين على راسي الي كتلج سوي

سد التليفون الله يستر ....
—————
تشجيعكم هو الي ايخليني استمر بالكتابة اذا عجبتكم القصة لا اتبخلون بالتعليقات وحاولو اتنشروهة الي 😘

En.Zahraa